You Cannot Download this book untill you login but you can read it .

---

Login Register

toh mai yake nufi... Anya wannan tsinanniyar yarinyar haka nan tabar Uncle....? K'irjinta ya shiga mata zogi da rad'ad'i....

"Naga tana shige maka da yawa ne...."

Ta basa amsa kai tsaye baki a ture....


Murmusawa Siraj yayi don har cikin ransa dad'i yaji da akace Azeeza budurwarsa ce kana ya girgiza kai yace "No she's not my girlfriend, she's just.... My sectary kin fahimta....."

A hankali ta jinjina masa kai had'i da sakin murmushi.... Mik'ewa yayi had'i da d'aukan remote d'in AC ya kashe ya d'au na TV ma ya kashe kana yace "Muje ban gaida Ammah ba...."

Cikin sauri ta mik'e had'i da sakalo hannunsa ta shiga zuba masa shagwab'a...



Ammah da Ayiya sun sakata tsakiya suna bata baki gameda abinda Lamid'o ya mata su Siraj sukayi sallama suka shigo.....

Sosai Nana A ke kuka tana fad'in "Ammah Uncle yayi warning d'ina banji maganarsa ba, wllhi ban zaci haka halin Uncle Lamid'o yake ba da banyi gangancin soma soyayyarsa ba....." Ta k'arashe cikin muryan kuka...


Ayiya ce ta rungumota ita d'inma idanunta yayi rau-rau take fad'in "Kiyi hak'uri 'yar Albarka ni kaina ban tab'a tsammanin haka daga Sarki ba, amma na tabbata Allah yana sane dake da sannu zai zab'a maki abinda yafi zama alkhairi....."

Ammah ta cab'i zancen da fad'in "Ni banma san mai ya kaisu gidan nasa ba...."

"Wai aike mijin Nana Hafsatu yayo mata ta hannun Lamid'on toh dai tsautsayin ganin faruwar al'amarin ya kaisu.... Ni nasan watsettsen yaro ne yaushe zan ma d'iyata sha'awarsa, napses kawai (Nonsense)..." Ayiya ta k'arashe tana hure-huren hanci....

Kasancewar basuji sallamar tasu ba yasa basu amsa ba da shikema Siraj ne kawai yayi sallaman....


Juyowa yayi yana duban Nana H fuskarsa fal alamun tambaya.... Saurin janyo hannunsa tayi suka shige study dake gefen parlorn....

"Ina saurarenki, meke faruwa, meye ya faru....?" Ya k'arashe babu alamun wasa a fuskarsa...

Bata b'oye masa komai ba duk abinda ya faru ta sanar dashi, harma da k'arin cewa ido da ido suka kama Lamid'o....

Zuciyar Siraj ta shiga bugawa, shine Lamid'o zai yaudara don jiya jiya sukayi magana da Lamid'on har ya basa goyon bayansa saidai baima sanar da Nana A d'inba don baima zauna ba tun jiyan..... Saida yayi masa kashedi kan kar ya yaudari Nana A don bazai tab'a yafe masa ba sai gashi tun ba'aje ko ina ba ya b'ata komai..... Lokaci guda ya soma huci shi kad'ansa, yana son nieces d'insa sosai baison wani abinda zai b'ata masu don su d'in amanace a hannunsa.... Cikin sauri ya fice daga gidan yana dialing layin Lamid'o....



Kallo Nana H ta bisa dashi had'i da sakin murmushi kafin ta nufi parlor yanda su Ammah ke zaune....




*SameenaAleeyou📚**FUSKA UKU*🏮


*29*


*©Sameena Aleeyou...✍🏽*




Tunda ya fice yake dialing layin Lamid'o amma shiru baya shiga, har gidansa saida Siraj yaje bai samesa ba, hakan ya kuma tabbatarwa Siraj Lamid'o ya aikata laifin tinda gashi har kashe wayarsa yayi... Ransa ya kuma b'aci don saida yayi kashediwa Lamid'o akan Nana A yace yaji ya gani sai gashi kan aje ko ina ya nuna kansa, wani b'angare na zuciyarsa ya masa sanyi don gwara da halin Lamid'o ya bayyana kafin ya basa auren d'iyarsa, dama a cikin su ukun halin Lamid'o ya banbanta da nasu....

Gida ya koma kai tsaye yanda ya tadda Ammah da Nana H har lokacin suna parlorn yayinda Ayiya tayi rakiyawa Nana A d'aki don gaba d'aya ba jin dad'in jikinta take ba...

Da sallama ya shigo parlorn, Ammah ce kawai ta sami zarafin amsa masa Nana H kam kallo ta bisa dashi kaman ta had'iyesa.... Cikin sauri ta mik'e tamkar wacce aka zabura ta isa garesa tana faman rik'o hannunsa take fad'in "Uncle ince dai bai maka komai ba don ni banso kaje ka samesa ba.... Kasan yanzu sai ya k'aryata ko yace bashi bane...." Ta k'arashe idanunta tar kan Siraj ko kyaftasu batayi....

Zama yayi daga can gefe had'i da shafe goshinsa yana gaida Ammah... Lokaci guda ya dubi Nana H kana yace "Sweetheart bamu waje muyi magana da Ammah...."

Kallonsa tayi don tafi so ayi zancen a gabanta kana ta d'an turo baki kaman bazata tashin ba ta kuma d'aukan remote control na TV tana fad'in "Haba Uncle it's time for my reality show.... Kuma fa zan kalla ne dama...."

Kafeta da idanu kurum Siraj yayi ba tareda yace komai ba don gaba d'aya Lamid'o ya gama b'ata masa rai....

Rashin walwala da annuri da ta gani a fuskar tasa ya sanyata mik'ewa baki a ture tana fad'in "Fine, zan baku waje tinda an soma b'oye min abu a gidan nan...."

Daga Siraj har Ammah baki sake suke binta da kallo....

Tsananin soyayyar da sukewa Nana H ya hanasu ganin rashin kunyar nata saima watsar da zancen nata da sukayi suka soma tattauna abinda ya zaunar da Siraj kan batun Nana A da Lamid'o, Siraj ya sanarwa Ammah komai, bai sami Lamid'o ba kuma wayarsa bata shiga, hakan na nuna shid'in mai laifi ne....

Ammah ta kad'a kai zuciyarta na mata zafi take fad'in "Yayi dai-dai, kuma wllhi wllhi Sirajo kaji na rantse ko bayan raina ne ban yarda ka baiwa wannan good for nothing friend d'in naka auren jikata ba.... Kai ko k'ofar gidana ban yarda na kuma ganinsa ba, watsettse kawai gantalalle... Ni bamu ma tab'a sanin iyayensa ba, a ina ne ma kuka soma had'uwa dashi, gwara wancan d'ansandan mijin Hafsat yakan tafi yaga iyayen nasa kuma a Nigeria suke amma shi wannan babu kowa nasa da muka tab'a sani ko gani...."

Siraj ya kuma tattare naman goshinsa had'i da fuzar da iska kana yace "Wllhi Ammah a sch muka had'u a United States, kuma ya shaida min iyayensa suna can States da zama Shi kuma yana son zaman Nigeria shiyasa ma nayi employing d'insa a Laushi Group..... amma ta faru ta k'are, ni zan d'auki matakin yaudarar daughter ta da yayi...." Shiru ya d'an ratsa tsakani, Siraj ya d'an kuma yin gajeren saki kana yace "Ammah wllhi I feel responsible for everything, I feel responsible for what Asma'u is going through, nayi iyaka k'ok'arina wajen ganin na tsareta daga yaudarar samarukan zamani sabida yanayin lalurar da take fama dashi, sai gashi abokina amini na ya zamto mutum na farko da zai yaidareta...."

Ammah dai girgiza kai kurum tayi kana tace "Dukanmu Lamid'o ya bamu mamaki kuma mun godewa Allah da bai kaisa ga auren Asma'u ba.... Da sannu Allah zai cire mata soyayyarsa cikin zuciyarta...."

Bata kai aya ba Nana H ta fito daga yanda ta b'oye tana sauraren tattaunawar tasu, tamkar wacce aka tambayeta ta soma fad'in "Uncle ka daina ganin laifinka, babu laifinka ko kadan a nan, dukkanmu saida mukaja kunnen Nana A but she wasn't listening.... And besides Nana A fah ta samu wani saurayi a foundation d'in nasu... Kaman idan ban mance ba sunansa Ju... Waye. ... Ehen Junaid, yeah Junaid.... Kawai dai shirmenta take kan Lamid'o amma na hango tsantsan soyayyar wannan cripple d'in a idanunta.... Uncle you better ask her about that cripple kafin kuma wani fitinan ya b'ullo kai don wllhi I hate seeing you cikin tashin hankali Uncle, and idan wani abu ya sameka I'll never forgive Nana A..." Ta k'arashe tana bud'e hannayenta baki a tab'e baki....

A tare Ammah da Siraj suke duban Nana H ba tareda furta koda kalma ba, sunan da ta ambata shiketa yawo a kwanyar Siraj... _Junaid_ kaman ya tab'a sanin mai irin sunan can wasu shekarun baya.... Ganin zai auka wani duniyar tunani yasa sa watsar da tunanin tinda yasan shid'in business man ne mai huld'a da jama'a da dama ta yuwu wani abokin kasuwancinsa ne mai irin sunan a can baya.....

***

*Misau*

Washe gari tare suka dawo daga sallan asuba shida Baffah, da alama yanzu Baffah ya soma sakewa dashi dukda ba wani sosai ba, yakan sake masa fuska ya kuma amsa gaisuwarsa, wani lokacin har fira suke d'anyi da Baffahn, hakan ba k'aramin faranta ran Innah yayi ba, taji dad'i Allah ya cika mata burinta wanda a kullum take mafarkin hakan ta kasance batada sauran buri da ya wuce taga d'iyoyin Ahidjonta suna yawo tsakani.... Tana daga d'aki tana lazimi samar shimfidar sallah tana hango su Baffah da Ahidjo wanda tinda suka dawo daga sallah suka yada zango a tsakar gidan da alama magana suke....

"Baffah dama ina so naje na gaida mahaifan Khadijah ne....." Ya fad'i kansa a k'asa

Fuska babu yabo babu fallasa yace "Hakan yayi, Allah ya taimaka..." Daga haka mik'a hannu yayi ya janyo 'yar Jakarsa ta fata wanda Alqur'anin sa ke ciki ya gyara zamansa had'i da bud'e jakan, dama duk bayan sallan asuba yakanyi karatu har gari yayi haske... Ahidjo na ganin haka ya mik'e ya isa bakin parlorn Baffah yanda Innah ke nata lazimin, har k'asa ya durk'usa suka gaisa kafin ya mik'e ya nufi nasa sashen...

A dai-dai bakin farandar Innah ya hangeta tana alwala, ya jima sosai tsaye a wajen yana dubanta murmushi saman fuskar sa, sam Deejoh kam batama san da mutum a wajen ba har ta ida alwalanta.... Aiko tana mik'ewa sukayi ido hud'u.... Murmushi suka sakar ma juna kafin ta sadda kanta k'asa zata wuce sim-sim gudun kar Baffah ya hangota tinda zaune yake verandar sa... Muryar Ahidjo ta jiyo a hankali yana fad'in "Dee babu gaisuwa....?"

D'an tsayawa tayi had'i da dubansa kafin itama tayi k'asa da murya tace "Ba'a gaisuwa ba'ayi sallah ba...."

Ahidjo ya kuma murmusawa kana yace "Idan kinyi sallan kizo mu gaisa...."

D'an zaro idanu waje tayi had'i da mak'e kafad'a kana tace "Nak'i wayon...."

Wannan karan murmushi nasa mai bayyana hak'wara ne ya kuma yin k'asa da murya kana yace "Zan saka maki kallo fah...."

Deejoh ta kuma mak'e kafad'a kana tace "Amma dai bazakamin irin wasan jiya ba...."

Cikin sauri ya shiga jinjina kai kana yace "Na yarda... I promise..." Ya k'arashe yana kashe mata idanu guda...

Saurin rufe fuskarta tayi alamun kunya kafin ta shige cikin sauri...


Ahidjo ya bita da kallo murmushi saman fuskarsa kafin ya d'an girgiza kai ya shige sashensa

***


Wane irin killataccen d'aki aka kulle Lamid'o ciki, abincima turo masa ake ta k'asa k'ofa, Bulama ya hana ko kad'an a bud'e Lamid'o, k'arti ya saka masu tsaronsa....

Breakfast aka turo masa ta k'asan k'ofa kafin mutumin ya cire hannunsa Lamid'o yayi saurin capke hannun, mutumin nan yayi yayi ya k'wace hannunsa Lamid'o yak'i saki....

"Kaga dan Allah taimako d'aya zaka min...." Ya fad'i yana d'aure hannun mutumin jikin k'ofar....

"Wani taimako zan maka....?" Mutumin ya tambaya yana mai ci gaba da k'ok'arin k'wace hannunsa...

"Wayata zaka taimaka ka d'auko min na rok'eka..."

Tab'e baki mutumin yayi kana yace "Lamid'o kana neman fitina, ta ina zan samo wayarka bayan Boss ya amshe tun jiya...."


Lamid'o ya shafi kansa had'i da fuzar da iska kana yace "Ka taimaka min dan Allah koda SIM d'in ne ka kawo min numbers kawai zan d'auka akwai important calls da nakeso nayi dan Allah ba don ni ba, ka min wannan taimakon ko don alkhairi da kake samu daga mahaifina...."

Kaman bazaice komai ba don har Lamid'o ya cire rai kana ya jiyo muryarsa yana fad'in "Amma kasan yin hakan na daidai da rasa aiki na ko.... Gaskiya bazan iya ba, kama daina b'ata bakinka kana tambayata... Sake min hannu na tafi..."

Hankalin Lamid'o ya kuma tashi bai tunanin su kansu masu tsaronsa sunada makullin d'akin a wajensu, don Bulama da kansa ya gark'ame k'ofar k'arfen ya kuma tafi da makullin.....

Kaga idan ka d'auko min SIM d'ina ka bani waya ni zan maka babban kyauta, zan raba dukiyata da na jima ina tarawa kashi biyu na baka kaso guda.... Dan Allah ka taimakeni nayi waya...."

Barde yaji kud'i tuni ya soma hango kansa yayi kud'i kana yace "Shikenan kar ka damu ka bani nan zuwa azahar...."

Sauk'e ajiyan zuciya Lamid'o yayi kana yace "Na gode sai na jika...." Daga haka kwance d'aurin hannun mutumin yayi yana mai addu'an Allah sa Bulama bai cafke Nazir ba.....

***

Tamkar zautacciya ta mik'e daga saman gadon tana fad'in "Whatt!! Bash ban gane ba, what do you mean ba kowa a gidan, Citec house no 43 kace min babu kowa, da idanuna fah naga ta shige gidan...."


Bash ya kuma busa sigarinsa kana yace "Gaskiya wrong address ta baki don wannan gida ma yafi wata shida babu masu zama cikinsa...."

Huci kurum Nana H keyi zuciyar nai mata zafi, wato Azeeza tama raina mata hankali... Lallai yarinyar nan batasan da wanda take ba, lokaci guda wani tunani ya fad'o mata.... Murmusawa tayi kana tace "Ka gane Bash ka bar wajen kafin securities suyi suspecting wani abu.... Zamuyi magana kawai..." Bata jira cewan Bash ba ta katse wayar tana fashewa da wata irin dariya don tasan ta gama da Azeeza a babin Uncle.....

Time ta duba agogon ya nuna k'arfe 6:48am tsuka ta buga kafin tayi saurin fad'awa bathroom don yin wanka, rabonta da tashi farar safiya irinta yau ta mance idan ba tafiya tayi kwanan cikin jirgi ya kamata ba, dolema ta tashi yau taji ya Bash ya k'are da Azeeza a daren jiya sai gashi Bash bai tadda kowa gidan ba balle wata wai Azeeza....

***


K'arfe 8:30am Siraj ya fito cikin shirin tafiya office kai tsaye d'akin Nana A ya nufa domin duba yanda ta kwana dashike jiya gaba d'aya basu samu sunyi magana ba....

Ayiya na tayata shiryawa sukaji knocking d'in Siraj, Ayiya ce ta basa izinin shigowa yayinda Nana A taci gaba da shirinta,...

Gaisawa Siraj da Ayiya sukayi kafin Ayiyar ta fice tana fad'in bari ta sanarwa Malam Sile ya fito da mota..

Murmushi saman fuskar Nana A ta isa ga Siraj tana mai gaishesa... Saurin rik'o hannunta yayi suka zauna saman chaise lounge murmushi saman fuskarsa

"Morning sweetheart, how was your night...?"

Da murmushinta ta amsa da "Lafia lou Uncle, baka tafi office ba....?"

Siraj ya kuma murmusawa cikeda tausayin niece d'in nasa kana yace "Bazan tafi office banga halinda kika kwana ba Baby...."

Cikeda jin dad'i tace "Kai Uncle babu komai fah, ya wuce a wajena, and insha Allah na ciresa daga raina har abada.... He's already in the past, na maka alk'awari Uncle...." Ta k'arashe murmushi saman fuskarta....

Murmusawa ya kumayi kana yace "Masha Allah, haka nake sonji, Allah ya maki albarka ya zab'a maki abinda yafi zama alkhairi....."

Da murmushi saman fuskarta ta amsa da "Ameen Uncle..... Na gode...."

Siraj ya kuma murmusawa cikeda tausayinsu su duka biyun, haka tasu jarabawar tazo masu rashin abokan zama gashi shekarunsu yakai su mallaki abokan zama tuntuni, ga gata ga dukiya Allah ya hore masu, tabbas d'an Adam bai cika goma ba dole kowa a samu lapses a rayuwarsa....

"Kin tabbata zaki iya zuwa office yau? " Ya tambaya yana dubanta

Jinjina masa kai tayi kana tace "Zan iya Uncle, is better na fita d'in than na zauna a gida doing nothing, ...."

Ya kuma jinjina kai yana fad'in "Gaskiya ne fitar zai keeping d'in busy... Muje muyi breakfast koh...." Ya k'arashe yana mai taimaka mata wajen mik'ewa tsaye....

A tare suka sauka nufo downstairs, har cikin ranta dad'i taji yanda Uncle Siraj ya kwantar mata da hankali, tabbas ko mahaifinsu iyakacin kulawar da zai basu kenan....

***

Kallon Nasaar ta kumayi tana juya zoben d'an yatsanta lokaci guda take wani irin mayaudarin murmushi kana ta kuma kwanto da fuskarta dab nasa tace "Attorney nasan ka ganeni tsaf.... Kayi tunani kan maganar da na fad'a maka sai na jika...." Ta k'arashe tana wasa da d'an yatsanta saman fuskarsa....

Ko motsi mai kyau Nassar ya kasa sai bin Nana H da kallo da yake babu ko k'yafta idanu, ko pen d'in hannunsa ya kasa ijiyewa, har lokacin bai daina jin motsin yatsunta saman fuskar sa ba.....



*SameenaAleeyou📚**FUSKA UKU*🏮


*30*




*©Sameena Aleeyou...✍🏽*





Cikin dabara Barde ya saka SIM card d'in tsakiyar abinci da wayar salula kana ya turawa Lamid'o ta k'asar k'ofa lokacin da ya kawo masa lunch....

Lamid'o yana bud'e abincin ya kuwa tcinci sim card ciki da wayar salula k'irar Nokia 3310 tsakiyar shinkafa.... Hannayensa har suna rawa sanda ya zak'ulo sim card d'in ya soma had'a wayar.....

Layin Nana A ya soma kira sanda ya had'a wayar domin da ita ya kwana ya tashi cikin zuciyarsa, soyayyarta a kullum ninkuwa yake a cikin zuciyarsa.... Saidai tunda ya soma kiranta bata d'aga ba, gashi dai wayar na ringing amma ba'a d'agawa.... Hankalin Lamid'o ya tashi sosai, yana tsananin buk'atar jin muryarta...


Nana A kuwa zaune suke itada Junaid yana bata baki gameda abinda Lamid'o ya mata sanda wayar Lamid'on ya shigo mata, nunawa Junaid fuskar wayar tayi yana kallon mai kira....

Cikin sigan kwantar da hankali Junaid yace "Ki d'aga wayar kiji mai zaice maki...."

Girgiza masa kai tayi kana tace "I don't want to hear any of his lies again.... Bazan d'aga ba, na goge shi a babin rayuwata,... He's already in the past..."

Kautar da fuska Junaid yayi had'i da sakin murmushi mai cikeda ma'anoni kana ya maido da dubansa ga Nana A lokaci guda fuskarsa ta canza tayi jazir abinda su Lamid'o suka masa shida farin cikinsa Zeenat ya dawo masa, jijiyoyin goshinsa sukayi rud'u-rud'u sanda ya soma fad'in "Da ace zanga wannan Lamid'on da sai yanda k'arfina ya k'are.... Sabida ya hurting d'inki Asmah.... It hurts me seeing you suffering like this...."


Kallonsa kurum Nana A take wasu sabbin k'walla na k'ok'arin ciko udanunta, ashe akwai mutanen da suka damu da damuwarta har irin haka bayan family d'inta, lokaci guda take jin al'amari mai girma gameda Junaid na ratsa ko wane k'ofa na zuciyarta, Junaid ya wuce aboki a gareta tabbas d'an uwa ne.... Murmushin k'arfin hali ta sakar masa kana tace "Kar ka damu Junaid, wllhi komai ya wuce a wajena, haka Ubangijina yaso ya jarabceni, shi bawa a koda yaushe rayuwarsa jarabawa ce walau jin dad'i yake ko ko akasin hakan, idan kayi tawakkali da kalan jarabawan da mahaliccinka ya d'auro maka toh sai ka samu dacewa da reward mai girma a gaba..." Ta k'arashe murmushi mai sanyi samar fuskarta....

Maganganun Nana A sun saka jikin Junaid yin sanyi for the first time da yaji zuciyarsa tana barazanar karaya da burin d'aukan fansa.... Ganin sanyayan kalaman Nana A na neman cin galaban akan dadd'en burinsa da ya rayu shekaru hud'u akansu yasa sa saurin tura wheelchair d'insa ba tareda ya kuma ce da ita komai ba ya fice daga office d'in nata...

Tissue paper ta zaro daga cikin kwali had'i da goge fuskarta tana mai bin bayan Junaid da kallo, tausayinsu su duka biyu na ratsa zuciyarta don tasan su d'in sun had'u da babban jarabawa a rayuwarsu.... Shigowar Aunty Larai ne ya sanyata saita kanta don bata so a gane halin da take ciki....

***

Cikin sauri ya shiga neman layin Nazir hannayensa har rawa suke.... Bugu biyu kuwa Nazir ya d'aga kaman jira yake...

"Ina ka shige tun jiya nake nemanka, ina tsammanin Bulama yana suspecting d'ina da bud'e maka sirrinsa don yanzu haka ce min yayi duk abinda nake na baro na taho Abuja, Lamid'o I hope ba fayyace masa komai kayi ba...." Cewar Nazir daga d'aya b'angaren


Shafe kansa Lamid'o yayi kana yace "Ince bakazo Abuja ba...?"

Nazir yace "Yaya za'ayi nazo bayan nasan babban laifin dana tafka masa dukda cewa kai d'ansa ne..."

"Yauwa Alhamdulillah, Nazir you better get lost sabida nayi imani Bulama ya kama ka bazai rage maka rai ba... And please koda ka sami wani information gameda Mairo kada ka sanar dashi, sabida a yanzu nasan wacece Mairo, nasan nufin Bulama akanta, don Allah kada kayi yasan yanda suka tafi...."

Nazir ya murmusa kana yace "Lamid'o kenan nasan abinda nake, yanzu haka ina airport ne, na yanki ticket already k'asar zan bari kafin ya cimma ni don I'm pretty sure his boys are after me.... And about Mairo or Khadijah na koma tashan motar ban bar wajen ba saida na sami wanda yasan garin da suka nufa a ranar, garin Damaturu ta jihar Yobe suka nufa a yanda na iske labarin, so probably suna can suna rayuwa.... Ina son Mairo da Daddah kaman 'yan uwana na jini, sannan na jima ina karesu daga sharrin Bulama ba tareda saninsu ba, tabbas nasan bak'in nufinsa akan Mairo kuma nasan idan yayi idanu hud'u da Daddah kasheta zaiyi shiyasa nake bibiyansu don na karesu daga sharrinsa... Dan Allah ka d'aura daga yanda na tsaya, kasan yanda zakayi ka kub'utar dasu daga sharrin Bulama.... Na barka lafia jirginmu zai tashi...." Daga haka katse kiran Nazir yayi yayinda Lamid'o yayi sakare da waya a hannu.... Shikam yama rasa sahun da zai jefa Bulama ciki.... Yanzu yaya za'ayi ya kare Mairo daga sharrin Bulama, bai kamata ya soma sanar da Siraj long lost niece d'insa is alive, sannan maiyasa ita wacce take rik'eda Nana K d'in bata nemi iyayenta ta maidata wajensu ba....? Kai wannan Al'amari akwai abin dubawa ciki, bai kamata ya soma sanar dasu Siraj kai tsaye ba dole su zargesa da wani mummunar abu tinda ba ce masu zaiyi mahaifinsa ne ya sace Nana K ba, dole Siraj yayi tunanin ya shigo jikinsa ne da mugun nufi wanda a yanzu sam babu hakan a zuciyarsa... Yanzu ya zaiyi waye zai samu ya kawo Nana K ga dankinta lami lafia kafin komai ya bayyana.... Lokaci guda tunanin Ahidjo ya fad'o masa... A hankali ya furta _"Heedj"_ kana yaci gaba da fad'in "Tabbas Heedj ne kawai zai min wannan babban alfarmar tinda Shi police officer ne sannan Nana K sister matarsa ce shima, yasan zaiyi iyaka k'ok'arinsa saidai zai sanar dashi this should be between them.... Da wannan tunani Lamid'o ya shiga dialing layin Ahidjo... Saidai duk kiran duniyar nan yayi wayar Ahidjo bai shiga.... A hankali ya fuzar da iska had'i da dafe kansa yana tunanin mafita...

***

*Misau*


Iya Gaje ce zaune tana faman tankad'en garin tuwo lokaci guda tana watsa bak'ar magana wa Malam Ard'o kan ya saida d'iyarsa Deejoh ya sallameta wa mayu 'yan shan jini.... Gashi tinda Deejoh ta auri bak'on bariki ko k'eyarta ba'a sake gani ba....

Duk wannan sababi da takewa Malam Ard'o k'ala bai ce mata ba, idan da sabo toh fah ya saba da halin Iya Gaje.....

Kaman daga sama suka jiyo dadd'an sauti mai cikeda kamala da k'warjini ana sallama....

Malam Ard'o ya mik'e yana fad'in "Gaje barin amsa sallama...."

Ai baikai aya ba ta katse sa da fad'in "Toh uban 'yan tsugudidi ni na aike ka ko me, daga jin wannan murya bak'in arziki ne, ni zan duba ko waye....." Ta k'arashe tana watsa masa bahagon duba kafin ta mik'a hannu saman katanga ta janyo wani mayafinta da yaji daud'a ta yafa a kafad'a ta nufi k'ofar tana 'yan wak'e wak'enta had'ida tambayan waye mai sallama....

Bud'e k'ofar da Gaje zatayi tayi idanu hud'u da Ahidjo wanda shakka babu taga bindiga a motarsa.... Ai a d'ari tayi wani irin juyi had'i da komawa cikin gida a guje tana rangad'awa Malam Ard'o kira tana fad'in "Malam ya biyo mu, wllhi ya biyomu ya karmu, nidai bazan tsaya ba na tabbata Deejoh ta sanar dashi komai...." Tana k'ok'arin cab'e garu take kururwan neman d'auki... Malam yayi kanta yana janyota daga saman garu....

Jin kururwar ya sanya Ahidjo kustowa cikin gidan shima...

Kowa yasan rashin mutuncin Gaje shiyasama da take kururwan neman d'aukinta babu wanda yakai mata d'auki..



Da k'yar Malam ya samu ya sauk'o da Gaje daga saman garu, dukda haka bata daina b'oyewa bayan Malam tana rok'on Ahidjo kar ya harbeta ba sharrin Deejoh ne...

Shikam yafi baiwa matar mai tab'in hankali, don bai tsamman wannan matar tanada