You Cannot Download this book untill you login but you can read it .

---

Login Register

wancan... Umma kaina ya d'aure gaba d'aya tunda nake a rayuwata ban tab'a ganin kamanni irin haka ba...." Ta k'arashe murya na tsananin rawa...


Shiru Umma tayi kana ta d'an dafata tace "Ba'a mamaki da ikon Allah, watak'ila kamanni kawai sukayi.. Allah babu abinda bazai iya yi ba...."

Jinjina kai Zaliha tayi still ta kasa daina kallon hoton Mairo had'ida tuno fuskar wancan matar ta foundation.... Kamannin yayi tsananin yawa.... Haka Zaliha ta kasance cikin tunani a wannan rana....


***

Shigowarsa garin kenan, daga can k'asar Bauchi garin Misau, sam baiyi zaton akwai mota bayarsa dake biyedashi ba.... Har ya iso wajen da babu mutane sosai baisan cewa ana biye dashi ba.... Kafin ya ankara sai gani yayi motar tasha gabansa.... Basuyi wata-wata ba suka isa motar nasa suka bud'e had'ida fincikosa lokaci guda suka sauk'e masa k'otar bindiga a k'eyarsa.... Lokaci guda Sabi'u ya fad'i wajen sumamme....

Take suka sungumesa suka jefa cikin mota....

Lokaci guda suka isa gaban Nasaar dake tsaye yana dubansu.... Jinjina kai yayi kana yace "Good, let's get going..." Take suka bar wajen cikin sauri, wasu daga ciki sukayi driving motar Sabi'u....


Bulama na hakince a parlor suka shigo da Sabi'u a hannu, Nasaar na gaba yayinda sauran muk'arabban nasa ke biye dashi.....


Dariya Bulama ya kece dashi had'i da mik'ewa yana dogara sandarsa, lokaci guda ya basu umarnin su shigar da Sabi'u d'akin da aka tanadar masa....



Bulama ya kuma duban Nasaar kana ya sakar masa murmushi "Nasaar keep on the good work..."

D'an murmusawa kurum Nasaar yayi kana yace "Zan koma gida Boss sabida kar Sabi'u ya farka ya ganni a nan...."

Bulama ya jinjina kai kana yace "Haka ne, kana iya tafiya, idan akwai wani abu zan nemeka...".

Nan ma jinjina kai kurum Nasaar yayi kafin ya fice cikin sauri....

***

"Nidai a ganina da kin sassautawa Siraj, ki barsa ya auri yarinyar nan tunda ya nuna yana k'aunarta..." Ayiya ta fad'i tana mai duban Ammah

"Ayshatu a koda yaushe nakan yi tunani hakki ne yake bibiyata kuma shine ke faruwa akan D'ana Siraj... Kina Siraj zai tab'a auruwa a duniyar nan tamu kuwa...?" Ta k'arashe tana mai duban Ayiyan...


Shiru Ayiya tayi tamkar bazatace komai ba sai kuma ta d'an muskuta tace "Ki daina irin wannan tunanin, ai Allah baya kama wani da laifin wani... Lokaci ne kawai, idan yayi sai kiga Sirajo yayi aure..."

Ammah ta jinjina kai kana tace "Har yau ina burin sake ganin Bintu mu rok'eta gafara...." Bata kai aya ba Ayiya ta mik'e tana mai fad'in "Mairo idan maganar Bintu zakiyi kinga tafiyata... FUKSA UKU bazasu sake kasancewa tare ba har abada.. Abubuwa da dama sun faru, bamu fatan su kuma faruwa.... Dan Allah kada ki kuma ambato Bintu, tinda mun riga mun aikata laifin.... Ko nace na taimaka maki wajen aikata laifin... Wllhi nayi d'an da na sani maras iyaka...."

Ammah ta goge hawayen da suka zubo mata kana tace "Munyi nadama gaba d'aya, kedai kawai mu ci gaba da rufa sirrinmu har tamu ta samemu..." Kuka sosai ya kufce mata, lokaci guda Ayiya ta k'arasa ta rungumeta, hawayen na sauk'a bisa k'uncinta itama...


***


Yau ma kaman jiya mafarki iri guda yayi da wancan matar da ya ganta cikin barcinsa.... Matan takan zo masa ne a matsayin matarsa. Lokaci guda yaji kansa na wani irin sarawa, sosai kansa ke masa ciwo.... Da k'arfin gaske ya kame kan nasa da duka hannayensa biyu...




*SameenaAleeyou📚**FUSKA UKU🏮*



*56*




*©Sameena Aleeyou...✍🏽*





Ko Sallan asuba bai iya fita ba sabida tsananin ciwon kai dake addabarsa, ji yake tamkar kwanyar tasa zata tarwatse, ji yake tamkar wasu abubuwa suna yawo cikin kwanyar tasa, saidai ya kasa tantance mai yake son tunowa, abubuwa ne da sam basu da dad'in tunani, abinda yafi buga masa kwanya shine k'onasa da ransa da aka tasamma yi, iyakacin abinda yake iya tunowa kenan saidai ko fuskar mutanen ya kasa tunowa, iyakacin abinda yake iya tunowa kenan sai kuma fuskar matar da ta addabesa cikin baccinsa da sunan matarsa....

Sosai abin ya dami illahirin gidan ganin ko sallah bai fita ba, mutumin da wataran karankataf gidan shike tasar dasu sai gashi yau shi bai fito ba, tabbas akwai abinda ke damunsa, misalin k'arfe takwas na safiya Mama Azumi ta damo masa kunun gyad'a mai kaurin gaske, nan ta tasashi gaba ya shanye kaman wani k'aramin yaro, had'in maganin ciwon kai mai tsanani ta masa, bayan ya samu ya sha maganin ne Baba Malam ya umarcesa da ya kwanta ya d'an sami bacci...

Kwanciyar kurum Ali yayi amma kansa ya kasa daina masa ciwo, wani irin sarawa kan nasa ke masa tamkar ana sauk'e masa guduma... Haka Hafiz ya saka d'an uwan nasa a gaba yana kallo tsananin tausayinsa ya cika zuciyarsa...

Idanuwarsa a lumshe kurum suke amma shi kad'ai yasan abinda yakeji.... A hankali ya bud'e idanunsa nasa ya sauk'esu kan Hafiz dake zaune gefen katifar tasa...

K'ok'arin mik'ewa yake Hafiz yayi saurin tallafa masa, ya jingina masa pillow ya d'an kishingid'a da kyau....

Sannu Hafiz yaci gaba da masa yana mai dubansa cikeda tausayawa...

"Yaya nikam nace bazamuje asibiti ba kuwa, kar mu biye na Mama kaga gwara mu tari ciwon kan da hanzari mu sani idan wani abin ne ma yayi causing...."

D'an murmusawa Ali yayi yana mai duban yatsun k'afafunsa da suke dogaye a mimmik'e kana ya d'an girgiza kai yace "Babu damuwa Hafiz maganin da Mama ta bani da alama ya karb'eni tinda gashi kan nawa ya soma daina min ciwon, kasan dama shi magani dace ne..."

Hafiz ya jinjina kai "Hakane Yaya amma zuwa asibitin nada muhimmanci, kaga dama Dr Sahal yace dole ka dinga ziyartan asibiti akai-akai sabida matsalar da kake fama da ita...."

Nan ma jinjina masa kai Ali yayi kana yace "Wato Hafiz wani abu ke damuna amma na rasa yanda zanyi na sanar da Baba Malam, kai bansan ta yanda zan soma sanar da kowa wannan zance ba...."

Gyara zama Hafiz yayi yana dubansa "Yaya ban gane ba... Meke damunka, wani abin ne ke damunka....?" Ya k'arashe cikeda kulawa...

"Hafiz wani mafarki nake yi mai firgitarwa had'ida ban tsoro da mamaki, sannan bayan wannan mafarkin sanda na farka na tuna abu guda about my past.... Shine bansan yaya zan soma sanar da Baba Malam ba...."

Ga mamakin Ali murna sosai ya gani kwance saman fuskar Hafiz harda hamdalah yake alamun godiyawa ubangijinsa...

K'uri ya masa kana yace "Ban gane kana murna ba alhali nace maka mafarki nake mai firgitarwa...."

"Yaya dole nayi murna tunda kace ka tuna abu guda gameda rayuwarka ta baya, sannan mafarkan da kake k'ila yanada alak'a da rayuwar taka ta baya...."

Shiru Ali yayi yana dubansa kafin ya jinjina kai yace "Haka ne Hafiz kace wani abu.. Amma wani hanzari ba gudu ba.... Gaskiya zuciyata tana raya min mummunar abu ne ya faru dani a rayuwata ta baya wanda sam bana fatan komawa cikinta, Hafiz nafi k'aunar kasancewa taredaku koda menene na baro a baya, zuciyata da tunanina suna fad'a min abu guda... Rayuwata ta baya anyi farautar ta ne, kuma wanda yayi farautar ta mutum ne mafi kusanci dani.... Shin Hafiz yaya zanji idan wani nawa ne silan shigata wannan tashin hankalin, shin zamata daku bai fiye min zama da wad'anda suke burin ganin bayata ba... Hafiz ba wai ina sanar dakai wannan bane don ina tsoron komawa rayuwata ta baya ko kuma don bazan iya tunk'aran wanda ya tasamma ganin bayata bane.... No, ina sanar dakai ne sabida banaso nayi rashin mutane irinku... Dukda ban saba da halayya da d'abi'un mutane sosai ba na tabbata ku d'in kunada zuciya mai kyau wacce ta wadata da alkhairai..." Ya k'arashe yana duban Hafiz d'in wanda tsananin taisayin Ali ya sanyasa zubda k'walla... Allah sarki ace iyakacin abinda zai iya tunawa kenan gameda rayuwarsa ta baya, mugun abu kawai ya iya tunawa ba tareda wasu alkhairai ba... Tabbas rayuwar Ali akwai ban tausayi da kuma Al'ajabi had'ida d'inbin jarabawa masu sauk'arwa bawa imani da tsoron mahaliccinsa... Kai d'an Adam ba komai bane idan ka d'auka kai komai ne, a yanzu Allah zai canza maka labarin rayuwarka kuma ya mantar dakai wancan rayuwar da kayi a baya, tabbas Allah shike samar da akwai daga babu.. Buwayarsa ya wuce gaban mamaki, ya kai d'an Adam mai yawan mantuwa da shagala idan kana tunanin idan an mutu babu wani rayuwa a gaba toh ka farka, tabbas akwai rayuwa bayan mutuwa, mahaliccinka zai tayar dakai bayan ya kashe ka..... Tunaninka kawai Allah zai shafe maka ka zamto tamkar sabon halitta... Ubangiji ka jarabcemu da jarabawan da zamu iya ci a rayuwa Ameen...

"Yaya a tunanina mu sanar da Baba halin da kake ciki ko akwai wani taimako da zai iya yi, tinda duk daren dad'ewa idan Allah yayi rayuwarka ta baya zata dawo maka dole zata dawo maka, shi bawa baya wuce k'addararsa a rayuwa...."

Jinjina kai Ali yayi kana yace "Shikenan Hafiz, da la'asar zaka min jagora na sameshi da maganar..."

Murmushi Hafiz ya saki don ba k'aramin dad'i yake ji ba idan ya bud'e idanu yaga yanada Yaya wanda zasuyi shawari tare ba sai lallai iyayensu sun sani ba, wannan wani ni'imace da ubangijinsa yasa yayi experiencing koda na d'an wani lokaci ne maras tsawo tunda a baya baida wannan gatan....

***

"Assalamu alaikum.... Sannu Umma, ina kwana...." Ma'ajura tace sanda take k'ok'arin duk'uwa, shigowarta gidan kenan ta tarar da Umma na firan dankali....

Amsa mata gaisuwar tata Umma tayi kana ta k'arada "Ma'ajura an fito, yaya su Umman naki...?"


"Eh Umma an fito... Lafiyansu lou tana ma gaisheki.... Umma fira ne kike, kawo na maki...." Ta k'arashe tana k'ok'arin amsar wuk'ar hannun Umma...

Murmushi kawai Umma take hankalin Ma'ajura na kuma birgeta... "Kinga kada ki b'ata jikinki, babu yawa ma ai na gama... Tashi abinki na yafeki...."

"Kai Umma wllhi Allah da kin bari na k'arasa maki...."

Ma'ajura badai surutu ba, ta yanda suka banbanta da k'awarta Zaliha kenan, ita dai barta da fad'a amma sam bata da yawan magana shiyasa ma tasu tazo dai-dai da Mairo don kana masu abu basu tsayawa cacan baki saidai kaji a jikinka.....

A dole Umma ta hana Ma'ajura karb'an firan nata....

"Ki shiga ciki ki sameta ina tunanin ko shiryawa batayi ba, fad'a na mata yanzun nan, wai cewa tayi ta fasa aikin...."

Da mamaki Ma'ajura ke duban Umma kafin tace "Ta fasa aikin...? Barin shiga na sameta Umma...." Ta k'arashe tana mai shigewa d'akin Zalihan...

Zaune ta sameta gaban sark'artar ta bead ta zuba masa idanu had'ida yin tagumi hannu bibbiyu....

D'aka mata dundu Ma'ajura tayi kana tace "Wllhi idan kin isa sunana ba Ma'ajura ba... Kaji min 'yar rainin hankali, a d'auke ki aikin bugu d'aya kice bakiso, toh zaman me zakiyi a gida, naga dai ko kin zauna a gidan ma ba taya Umma da komai kike ba... Dan Allah kada ma mu soma wannan wasan tashi ki shirya Yaya Sufyan na jiranmu...."

Harara kurum Zaliha ke watsa mata kana ta kauda kai gefe "Ke nace maki na fasa aikin, ki daina b'atawa kanki lokaci ki tashi ki tafi ko ana dolene...."

"Wllhi ni kuma nace baki isa ba, ki tashi kawai tun kafin Umma ta jiyo mu...."

Wata tsukan Zaliha ta kuma bugawa kana tace "Toh sannu uwata, ke wai an taba aikin dole, naga dai ra'ayina ne da fari yasa naji ina sha'awa yanzu kuma banayi...."

K'uri Ma'ajura ta mata don taga abun nata babu alamun wasa ciki... Gyara zamanta tayi had'i da cire mayafinta kana tace "Wllhi kinji na rantse idan kika ajiye aikin nan nima zan ajiye nawa dukda jimawan da nayi a wajen kuwa... Idan wani abu ne aka maki sai ki sanar dani tunda duk abinda ya shafeki nima ya shafeni...."

"Nifa na fad'a maki babu abinda aka min kawai bazanyi bane, ki tashi kitafi abinki.... Kina b'atawa Yaya Sufyan lokaci...." Ta k'arashe tana mai tattare bead d'inta had'ida zubawa cikin drawer...



"Wllh saidai ya gaji da jira ya tafi, amma wllhi kinji na rantse bazanje babu ke ba.... ke wani irin zurfin ciki ne dake tun jiya na lura wani abu na damunki amma kin kasa sanar dani.... Idan kuma ni ce na maki wani abin sai ki sanar dani ai ba wai kiyi fushi ba..."

Sosai ta baiwa Zaliha dariya.. "Ke d'in zakimin laifi nayi fushi kawai ai saidai kiji sauk'an bulalu..." Gaba d'aya suka saka dariya kafin Ma'ajura tace "Kice da uwar mazga nake tafe...."

Murmushin Zaliha ma tayi tana tuno Maironta, wanda itace ta koya mata jibgan mutane, tayi kewan Daddah da Mairo bila adadi... D'an duban Ma'ajura tayi ganin da gaske ba tafiyan zatayi ba kafin ta mik'e ta soma shiri tana fad'in "Ya na iya tinda kin nace...."

Murmushi Ma'ajura ta kuma saki kana tace "Haka nan nake idan naso abu, naci ne dani, d'inkin nan ma da kika gani wllhi da naci na koyeta...."

Jefa mata pillow Zaliha tayi tana mai fad'in "Kyaji dashi dai uwar surutu...."

Sauri sauri ta shirya sukayi sallama wa Umma kafin suka fice....

Tinda suka isa foundation d'in take raba idanun ina zata hango matar nan mai fuskar Mairo.... Yau d'in ma Ma'ajura na hankalce da ita, zama tayi gefenta tana tambayarta wai meke damunta da foundation d'in ne...


Zaliha ta d'an dubeta kana tace "Me kuwa zai dameni iyakaci dai nasan na zama ma'aikaciya a wajen.... Yawwa wai ni matar nan bata zo ba....?"

Ma'ajura ta dubeta kana tace "Wata mata kenan, wai kina nufin Aunty Lami, a wajenta zamu amshi Key din store nasan ta kusa isowa.."

Zaliha ta girgiza kai alamun a'a... "Matar nan ta jiya wacce kika ce min kaman itace mai wajen nan...."

"Aww wai Nana A kike nufi...."

Kallonta Zaliha tayi kana tace "Sunanta kenan Nana A... ?"

Ma'ajura ta jinjina kai "Eh Nana Asma'u sunanta, Nana A d'in ya samo asali ne daga gidansu, su d'in twins ne akwai 'yar uwarta Nana Hafsat, ita kuma Nana H ake kiranta.... Idan kin gansu kanninsu guda da Nana A babu abinda ya rabasu saidai yanayin shiga da kuma d'abi'a, ni har gidansu wani sa'in Aunty Lami na aikana ko kuma idan ita Nana A d'in tayi mantuwa takan aikeni, a nan nasan 'yar uwar tata amma kam tana da d'agawa da jin kai, sam halinsu baizo d'aya da Nana A ba...."

Cikin sauri Zaliha ta katseta da fad'in "Kina nufin ita wannan d'in 'yar biyu ce, akwai wata daban mai irin fuskarta...?"

Jinjina kai Ma'ajura tayi "K'warai kuwa, idanma kika gansu sai ki rantse mutum guda ne, kawai dai ita wancan Nana H d'in tafita hasken fata ne kuma nasan bazai wuce k'ari da man kanti da take ba sabida tsananin gayunta...."

Shiru Zaliha tayi domin kwanyarta ta kuma sukurkucewa idan hakane wannan tanada mai kama da ita tamkar an tsaga kara tabbas itama wancan d'in zatayi kama da Mairo.... Toh amma babu abinda ya had'a Mairo da wad'annan..... Muryar Nana A data jiyo suna gaisawa da securities ya sanyata saurin d'ago kai tana dubanta yayinda Ma'ajura ta tafi tarbanta...

Harta muryarta irinta Mairo ce saidai ta wannan tafi ta Mairo sanyi, yanda muryar Mairo keda zak'i da fad'a haka na wannan keda zak'i da sanyi, sai sannan kuma ta lura wannan tana d'ingishi ba kaman Mairo da take a mik'e ba, wannan shine ikon Allah, Allah d'aya gari bambam, sosai taji tana k'aunar taga wancan Nana H d'in da Ma'ajura ta fad'i, tana so taga yanayin kamanninta da Mairon itama.....

Har suka k'araso wajen Zaliha bata daina bin Nana A da kallo ba tana mai tsananin mamaki, har saida Ma'ajura ta d'an tab'ata kafin tayi k'ok'arin saita kanta, gaisawa sukayi da Nana A d'in, ta kuwa amsa mata da sakin fuska harda tambayarta yaya taji aiki dasu, ya mata dad'i ko akwai wani matsala...

Fuska fal murmushi Zaliha tace "A'a babu komai babu wata matsala...."

Nana A ta jinjina kai murmushinta mai sanyi bai bar saman fuskarta ba... Saida ta d'anyi gaba kad'an kafin ta kirasu tace suzo su rakata ta d'an zaga taga maike wakana....

Aiko cikin sauri Ma'jura ta janyo hannun Zaliha suka take mata baya, yanda Nana A ke treating employees d'inta tamkar family babu ruwanta da differences na rayuwa da sukedashi kowa yayi mata wannan shaidan, kasancewar babu Junaid ne yasa ta kirawosu su rakata... Ai kuwa sosai ta sake dasu sai tambayansu shawarwari take sosai abin ya masu dad'i musamman Ma'ajura da takeji tamkar Nana A ta zamto k'awarsu ce, ita kuwa Zaliha harta wasu d'abi'u na Nana A sai take hango yanayinsu ga Maironta., Wasu d'abi'un iri guda data Mairo... A haka sukayita zaga foundation d'in gwanin ban sha'awa...

****

Mask Nasaar ya saka ya rufe fuskar sa dashi kafin ya tunk'ari d'akin da aka kulle Sabi'u, yana yashe a wajen yana rawan d'ari don tuni suka kwab'e masa riga dagashi sai singlet..


Sabi'u yaga tashin hankaliuraran, irin horo da ukuban da yake yima wasu shi ake masa yau, kawai bud'e idanu yayi ya tsince kansa cikin cell, iyakacin abinda yake tunawa shine jiya a hanyarsa ta dawowa daga Misau ya had'u da wasu mutane 'yan bindiga sun kuma kwad'a masa wani abu mai nauyi a k'eyarsa, bai kuma sanin komai ba sai farkawa da yayi ya gansa a wata fankon d'aki wanda babu komai sai siminti....

Baki na rawa sabida tsananin yunwa da galabaita yake fad'in "Su waye ku, mai kuke nema daga gareni.... Mai na maku don Allah....."

Nasaar da fuskarsa ke rufe cikin Masks matsowa kusan Sabi'u yayi yana wata iriyan murmushi mai sauti "Inspector ya kake....? I know you must be hungry, ku kawo masa abincin" Ya fad'i yana mai zama kujeran gefen Sabi'un...

Kallonsa kurum Sabi'un keyi ba tareda ya furta komai ba, ji yayi kaman yasan mai irin muryar saidai bazai iya tuna a yanda ya sani ba....

"Me kake nema daga wajena... Who are you...? Ya kuma tambaya yana mai duban Nasaar d'in

Murmushi Nasaar ya kumayi kana yace "Ni ne mutumin da yasan sirrinka, nasan baka mance da abokinka Detective Ahidjo ba wanda kayi ajalinsa a garin Damaturu....."

Ai tun kafin yakai aya 'ya'yan hanjin Sabi'u suka shiga kad'awa, shikenan tasa tazo k'arahe muddin aka sani a ma'aikatansa hukuncinsa kisa ne.... Baki na rawa yake fad'in "Dan Allah wanene kai, ka sanar dani Dan Allah...." Ya k'arashe jiki na tsananin rawa...



Murmusawa Nasaar ya kuma yi kana yace "Relax, just get a hold of yourself, abu ne mai sauk'i if you cooperate with us.... I'm pretty sure bazaka so wannan sirri naka ya bayyana ba dukda na sani ka kashe DT Ahidjo ne domin ka cikawa abokinka burinsa na d'aukan fansa...."

Izuwa lokacin rawan da jikin Sabi'u keyi tayi yawa, daga ji wannan ya masa farar sani, bazaiso ya mutu yanzu da yake burin mallakan Deejoh ba, zaiyi komai domin ya kub'uta ya kuma d'auke Deejoh su gudu...

"Mai kake nema a wajena, ka sanar dani, wllhi zanyi maka shi ko menene..." Ya k'arashe yana had'e hannayensa biyu waje guda alamun rok'o...

Nasaar ya fashe da dariya don bai tab'a cin karo da matsoracin d'an sanda ba irin Sabi'u...

"Aiki zaka min, zaka zamto tamkar private investigator da nayi hiring... Daga lokaci mai kaman ta yanzu I own you, your freedom belongs to me, muddin kanaso wancan sirrin naka ya rufu......"

Da tsananin mamaki Sabi'u ke duban mutumin da ya rufe fuskar tasa cikin mask "Ban gane ba Rankashidad'e, kana nufin sai abinda ka sakani ko ka haneni zanyi, Yallab'ai inada mata da iyali sannan akwai iyalan marigayi da nake kula dasu... Kayi min rai wajen aikina zasu zargeni...."

Tsawa Nasaar ya daka masa wanda ya hanasa ci gaba da magana, lokaci guda Nasaar ya mik'e yana mai ci gaba da fad'in "Don't think you can fool me, idan kana tak'aman kai D'ansanda ne ni kuma Lawya ne, kasan a fannin tsara kalamai da zance saidai na koya maka... Ku basa abinci yaci, gobe zaka soma aiki a matsayin private investigator a gidan Mas'ud Laushi....."

Jin an ambaci gidan Mas'ud Laushi ba k'aramin fad'uwar gaba ya kuma haifarwa Sabi'u sabuwar fad'uwar gaba....




*SameenaAleeyou📚**FUSKA UKU*🏮



*57*




*©Sameena Aleeyou...✍🏽*




Gumi Sabi'u ya dinga yarfewa yana tuna cewa gidan matar Ahidjo za'a turasa bincike, babban abinda yafi d'aga masa hankali shine baisan binkicen mai zai kaisa gidan ba.... Babban damuwarsa shine Deejoh, baya fatan matar Heedj tasan yanada wata matar acan gida, za'a sami matsala komai ka iya faruwa musamman da yanzu yakeji Deejoh ce cikaton rayuwarsa.... Abincin da Sabi'u bai iya ci ba kenan sabida sabon tashin hankali da ya tsunduma ciki....

***

A daren ranar ma mafarkin abu guda ya sakeyi tareda wannan mata, ga tsananin ciwon kai da ya addabesa wanda har saida ya haifar masa da zuban jini ta hanci, ba Hafiz kawai ba harta su Mama saida ciwon kan nasa ya basu tsoro da mamaki wannan karan.... Hafiz da kansa ya tafi ya d'auko Dr Sahal don tunda Ali ya fad'i sumamme bai kuma sanin yanda kansa yake ba.....

Dr Sahal yayi wasu 'yan gwaje gwajensa kafin ya tabbatar masu sauk'i ne ke samunsa cikin yardar Allah, wannan ciwon kai mai tsanani da yake yawan yi ba komai bane illa tunaninsa dake yunk'urin dawowa kwanyarsa da k'arfin gaske.... Magunguna Dr Sahal ya rubuta masa kafin ya umarci Hafiz da ya biyosa ya amshi magungunan...

Baba Malam yayiwa Sahal godiya kafin ya masa rakiya har bakin zaure suna masu ci gaba da tattauna lamarin....

***

A jikin motar suka hangi Yaya Sufyan na gogeta, alamun su yake jira, suna k'arasowa Zaliha ta sadda kanta k'asa tana gaidashi, haka kurum bata iya jure kallonsa batasan dalili ba, sosai k'wayan idanunsa ke firgitata, wani sa'in takanji dama drop suke zuwa kawai su shiga itakam da ya fiye mata, da sakin fuska kuwa ya amsa kaman kullum kafin ya bud'e masu motar suka shige Ma'ajura gwanar surutu tana zuba masu zance, daga Sufyan har Zaliha babu mai amsata, shikam Sufyan tunda Zalihan tazo garin zuciyarsa ta gaza samun sukuni, da ita yake kwana sannan yake kuma tashi saidai bai san ta yanda zai soma sanar da ita abinda ke cikin zuciyarsa ba, yasan halin k'anwarsa Ma'ajura idan ta riga ta sani toh fah shikenan ta sami lagonsa....

A b'angaren Zaliha kuwa banda fuskar Nana A da Mairo bata hango komai cikin k'wayar idanunta, gaba d'aya wannan tunani ya sanyata ta zamto wata sukuku da ita, tana so ta tambayi Nana A kodai tanada wata 'yar uwa Mairo k'ila ta sanar da ita wani abu gameda Mairon idan har 'yar uwarta ce domin wannan kanni tasu tai yawa tamkar mutum guda ne.... Da wannan tunani Sufyan ya diresu k'ofar foundation d'in ya kuma sanar da Ma'ajura idan sun gama su masa waya zai zo shi ya d'aukesu... Sosai Ma'ajura tayi mamakin canzawan Yayan nata domin a baya sam baya yarda ya d'auko ita idan dai ya kawota sai gashi yau har cewa yake su nemesa da zaran sun gama, take zuciyarta ta shiga hasasho mata wani abin, bata dai furta ba sai murmushi da tayi had'ida yiwa Yaya Sufyan godiya ta janyo hannun Zaliha da sam zuciyarta bai wajen suka nufi cikin foundation d'in....

Suna tafe Ma'ajura tana son shan cikinta taji ko tanada saurayi amma Zaliha bata responding, gaba d'aya tayi nisa uwa wata duniyar.... Cak Ma'ajura ta tsaya tana k'are mata kallo kana tace "Wai nikam meke damunki ne Zulu gaba d'aya kin zama wata iri haka nan... Meke damunki don Allah...?" Ta k'arashe cikeda kulawa

Sauk'e ajiyan zuciya Zaliha tayi tana mai