You Cannot Download this book untill you login but you can read it .

---

Login Register

A d'akina don na tabbata kece zaki mata babbar k'awa na kashe maki idanu na maki godiya na kuma sallameki na janyo Matata....." Bai kai aya ba ta daka masa wani irin tsawa har b'ari jikinta keyi k'walla na neman ciko idanunta...

Lamid'o ya kuma murmusawa kana yace "Does it hurt....? Na tabbata yanzu zaki kwashi k'afarki ki fice daga gidan nan....."

"How dare you Lamido, ni kake fadawa maganganu haka.... Just who the hell do you think you are...?" Ta murmusa kana taci gaba da fad'in "If I were you I wouldn't be so sure... You've no idea what I'm capable of..... You can't get rid of me so easily... Wllhi zan shayar dakai mamaki... Mu zuba dani da kai.." Tana kaiwa aya ta suri Jakarta ta fice fuuu tamkar zata tashi sama.....

Tana ficewa ya buga tsaki had'ida rufe k'ofar gidan gaba d'aya....


***



*Tambuwal*


Yanda take huci zai tabbatar maka cikin tsananin fushi take, Zaliha da Ummanta sai faman bawa Mairo baki suke amma tamkar da dutse suke, sunsan halin Mairo zata iya kwana a haka ba tareda ta furtawa kowa komai ba idan ranta ya b'aci irin haka.....

Aiko tana jiyo salesman Dadda ta mik'e ta shige uwar d'akin Umman Zaliha ta maida k'ofar ta rufe....





*SameenaAleeyou📚*
[12/28, 9:38 AM] ‪+234 802 741 0766‬: *FUSKA UKU*🏮



*16*




*©Sameena Aleeyou...✍🏽*






Mik'ewa Zaliha tayi ta baiwa Ummanta da Dadda waje don su tattauna....

Umma ta gyara zamanta tana duban Daddah da gaba d'aya damuwa ya nuna saman fuskarta kana ta soma fad'in "Daddah dan Allah kada ku bar garin nan, kada ki k'untatawa d'iyarki, ta riga ta saba da garin da kuma mutanen dake ciki mai yasa kike son dasa damuwa cikin zuciyarta....? " Ta k'arashe damuwa k'arara a fuskarta

Girgiza kai kawai Daddah take tana duban Umman Zaliha lokaci guda take fad'in "Rabi bazaki gane bane duk abinda nakeyi duk gujema zaman garuruwa da nakeyi sabida kub'utar da d'iyata nakeyi, bamu tab'a jimawa a wani gari ba kaman yanda muka jima a nan, Rabi bazan zuba idanu inaji ina gani na rasa tilon d'iyata ba...."

Umman Zaliha ta sauk'e ajiyan zuciya kana ta matso kusan Dadda sosai ta kamo hannayenta kana ta soma fad'in "Daddah Mairo tana jin dad'in zamanta a nan tana jin dad'in sana'arta a nan, ina jiye maki tsoro kada ki rasata garin kareta da kikeyi, bazance ina son jin sirrinki ba amma ya kamata ki daina rufawa d'iyarki duk wani sirri, ki dinga fad'a mata abubuwa, abin yana damun Mairo sosai sanin cewa tsawon rayuwarta akwai abinda kike b'oye mata..... Dan...."

Ganin yanda Daddah ke watsa mata kallon daina wahalar da fatar bakinki ya sanyata had'iye zancenta don tasan Daddah yanzu sai ta tara mata jama'an unguwa abin fad'a bai mata kad'an koda shawarinka tazo nema idan ba'abi ra'ayinta ba toh kuwa zaman bazai k'are da kyau ba....

Mik'ewa tayi tana gyara d'aurin kwalinta had'i da d'aukan mayafi tana fad'in "Yo aikin banza aikin wofi, Mairo dai d'iyata ce kuma banga watsettsen da zai rabani da d'iyata ehe... Yo kuma duk matsugunin da naga dama nan zamu tsuguna ke baki isa ki hana ba... Banda shegen felek'e da firirita zaki wani kwantar da murya wai ke ga mai shawari koh... Toh shawarin yaci uwatai.." Ta k'arashe tana dukan k'ofan d'aki da iya k'arfinta tana kwad'anra kirawa Mairo uwa zata b'alle k'ofar.. ...

Zaliha da Ummanta tsaye sukayi suna kallon ikon Allah, baka isa ka kwab'i Daddah ba ta hayayyak'oka da bala'i , kan kace mai mak'ota sun soma taruwa.... Aiko nan Daddah ta bar bugun k'ofa ta dawo kansu da bala'i....

"Toh munafukan banza 'yan hana ruwa gudu, uwar me kuke kalla.... Zaku fice ko sai na k'araso wajen....!"

Aiko kan kace mai sun soma watsewa domin sanin kansu ne kad'an da aikin Daddah ne ta jibgi mutum idanma ka kai k'ara station ba saurarenka za'ayi ba domin rankatatab garin babu station d'in da Daddah da d'iyarta basu zaga ba sabida tsananin masifarsu da bala'in su...

Mutum d'aya ne tasan zai iya yima Mairo magana tayi hak'uri gashi baya nan yau kusan sati biyu, tabbas shi kad'aine mai iya sasanta Mairo da Daddah idan sunyi fad'arsu tasan yau kam zaiyi matuk'ar wuya Mairo ta saurareta, haka nan take idan ta hau dokin fushi bata k'aunar maganawa kowa, fushinta yakanyi wuyan sauk'a idan ba dukan mutum tayi ba wannan shine d'abi'ar Mairo ka taro fad'a da ita toh kuwa jikinka zai gaya maka koda kafi k'arfinta zaku dambatu yanda kasan 'yar wasan kokawa haka nan take, sanin bazata iya dambatuwa da Daddanta ba ya sanya take avoiding Daddah muddin sukayi fad'a irin haka...

Wannan shine d'abi'ar da Daddah ta tada d'iyarta Mairo bisa, tun tana k'arama tana makarantar primary take koyar da ita fighting back kan duk wanda ya takali fad'a da ita, Mairo bata kawo k'ara saidai a kawo k'ararta, ko cikin k'awaye Mairo ta shiga toh babu k'awar data isa juya Mairo saidai Mairo ta juyata, uwa uba Mairo tanada farin jini da saurin shiga zuciyar duk wanda ta rab'a ko ya rab'eta... Sam Daddah bata koya wa Mairo karb'an abin hannun kowa ba musamman samari wannan dalili ya sanya ta koyar da ita dogaro da kai tun kafin ta kawo yanda take a yanzu...


Juyin duniyar nan Mairo tak'i fitowa daga d'akin Umman Zaliha dole Daddah ta koma gida ba don taso ba, jigum tayi tana tunanin lamarin.....

Kaman daga sama taji sallaman sa, a zabure ta mik'e tana tunanin anya badai kunnuwanta bane suke mata k'arya sabida tsananin buk'atar dawowar nasa da take.... Sallaman data kuma ji ya tabbatar mata shid'in ne ya dawo...

Cikin sauri ta isa tanai masa lale ta bud'e k'ofar... Yauma sanye yake da kayansa ta bautan k'asa da alama sauk'arsa kenan don ta gansa da jakka.....

"Daddarmu barka da gida, da fatan na sameku lafiya...." Ya fad'i sanda ya zauna bisa turmi yana kwab'e takalminsa irinta 'yan bautan k'asa....

Daddah ta amsa masa da sakin fuska tana masa barka da dawowa, lokaci guda ta mik'e ta nufi kitchen don kawo masa abinci....

Jim kad'an ta fito da flask d'in tuwo da miya...

Saurayin da murnansa ya karb'i Flask d'in daga hannunta yana fad'in "Aiko dai wallah bazank'i ba don tunda muka taso bamu tsaya cin abinci ba nasan zan samu a gidan nan shiyasa ma na soma biyowa nan...." Ya k'arashe yana mai isa bakin famfo ya wanke hannayensa sai ci gaba da zuba yake ba tareda Daddah ta amsa sa ba... Kai k'arshe ya dawo ya soma yankan lomar tuwonsa Daddah bata amsa sa ba kaman yanda suka saba.... Hakan ya tabbatar masa akwai matsala sai sannan ya lura baiga 'yar bala'i Mairo ba... Waige-waige ya soma yaji gidan shiru babu Mairo babu k'awayenta 'yan sana'ar bead....

Karkato da dubansa yayi ga Daddah yana duba wacce ta had'e hannaye biyu ta zuba tagumi.....

Ajiye kwanon abincin yayi yana duban Daddah da kyau kana yace "Daddarmu lafiya banga yaranki ba.....?"

Sauk'e ajiyan zuciya tayi had'i da tab'e baki kana tace "Yo uwar gayya bata nan ina kuwa zaka gansu Nazeeru am..."

Saurayin da ta kirada Naziru murmushi yayi don yasan fad'a Daddah da Mairo sukayi kana yace "Amma dai lafiya koh...."

"Yo ina kuwa lafiya ai kaima tunda kaga haka kasan jiranka kurum nake ka ida cin abincin nan muje ka lallashota yanda ka saba ta dawo gida, kasan maganar ne kurum bata tsallakewa.... Maza ida tura tuwon...." Ta k'arashe tana tura masa ledar pure water....

Nazir yayi murmushi kana yace "Shine wai kika saka kanki a damuwa, toh wai idan mukayi auren haka zakike damuwa...." Yana maganar yana k'unshe dariyarsa...

K'iris ya rage bata kwad'a masa takalmin gefenta ba tana fad'in "Uwar aure zakuyi ba aure ba, idan kuma kunnani kake son sakeyi sai muji kasan sarai zan kwab'e mu daku dakai...."

Nazir ya had'iyi lomar tuwonsa dariya na neman k'warar dashi yake fad'in "Ai babban gangancin da mutum zaiyi shine ya nemi auren Mairo d'iyar Daddah, wllhi wllhi Daddah duk sona da mace mai kyau bazan iya sauk'e idanuna kan Mairo ba hasalima bana mata kallon mace, duk mace mai dokuwa da maza kam ai ta wuce mace......"


Bai kai aya ba ta katse sa da fad'in "Kar kuma ka zagar min d'iya ehe, yo da ace ban koya mata k'watan 'yanci ba ai da yanzu kun hure mata kunne da k'aryarku ta samari, maza ida ci ni da Allah muje dare nayi...."

Tsame hannunsa yayi cikin tuwon yana d'an darawa yake fad'in "Aima na k'oshi saidai a baiwa almajirai sauran....."

Kaman jira take nan ta tasa gaba suka fice.....

NAZIR matashin saurayi ne wanda yake bautan k'asa a garin, a lokacin dasu Daddah sukayi hijira daga garin Kazaure ta jihar Jigawa zuwa garin Tambuwal ta jihar Sokoto a lokacin Nazir ya taho garin Sokoto don yin bautar k'asa, a motar kasuwa suka had'u da Nazir yayinda taimako ya shiga tsakaninsu, sukayi rabo ta mutunci dukda ad'an zamansu a motar saida sukayi fad'a da mutane da dama cikin motar amma basuyida Nazir ba, wani ikon Allah sanda suka sauk'a unguwar da zasu zauna saiko suka had'u da Nazir shima gidan da ya kama d'an k'asa dasu kad'an ne... Nazir d'an asalin garin Jigawa ne, yakan je gida bayan sati bibbiyu yakai ziyara wani sa'in har tsaraba yakan yiwo wasu Daddah, haka kurum Allah ya had'a jininsu tun taimakonsu da yayi a mota, sam bai tab'a nuna interest d'insa kan Mairo ba saidaima ya taya Daddah yak'i da samaruka masu son Mairo tunda ya lura da abinda Daddar take so kenan, dad'ida k'arin yarda dashi da Daddah tayi har hoton matar da zai aura ya nuna masu sannan wani sa'in sukan gaisa da ita a waya, har sabo saida ta shiga tsakaninsu da budurwar Nazir, wani sa'in musamman take kira taji dramar Daddah da Mairo a cewarta dariya suke bata.... Lura da yanda Nazir ke tsananin son budurwarsa basu mintuna kad'an sai sunyi waya kaman su cinye juna ya kuma sa Daddah sakin jiki dashi, Allah sarki gashi ya kusan cika shekara guda d'insa ya kammala bautar k'asar sa tasan dole su rabu dashi nan bada jimawa ba, tabbas Nazir zai barsu da kewa.....

Agogon hannunsa ya duba sanda suka fito daga gidan, agogon ta nuna k'arfe 10:00pm duban Daddah yayi ita fa bilhakk'i da gaskiya gidan mutane ta nufa a daren nan....

Dubansa tayi ganin ya tsaya mata k'obarare kana tace "Miye ka tsaya min uwa dogari mu k'arasa mana...."

"Daddah amma bakiga lokaci ba koh.. Dare yayi ki bari da safe idan Allah ya yarda zanje da kaina na maki alk'awari kafin ki farka bacci da Mairo zan shigo maki gida, amma yanzu dare yayi ina saurayi na shiga gidan matan aure... Ko yaya kika gani Daddarmu...."

K'uri ta masa kana ta jinjina kai tace shikenan Naziru tunda kace haka, Allah shi kaimu safiyar.... Gaskiya ne kaje gida ka huce gajjiya kaima...."

Nan sukayi sallama Daddah ta komo gida cikeda kewar Maironta.... Nazir kuwa gida ya wuce yana tunanin mai ya had'a Mairo da Daddah fad'a bayan tafiyarsa, Allah sa dai ba abinda yake tunani bane, tabbas idan abinda yake tunani ne aiki ya jik'e masa, gwara yasan abin yi tun wuri, da wannan tunani ya isa gida. .....

***


*Misau*


Daga bakin k'ofar mahaifin nasa ya durk'usa saman gwiwoyinsa yanayin zaman rak'umi, kansa a k'asa yaci gaba da fad'in "Baffah ka yafe min, kayi hak'uri kada kace na fice maka a gidanka wllhi banida yanda yafi nan na sani....."

Sai sannan Baffah ya d'ago idanu yana dubansa cikeda takaici da tsananin mamaki kana yace "Ni zaka rud'a ka yaudara da kalamai Ahidjo? Shin yaushe ka d'auki hakan cikin zuciyarka? Shin yaushe ka bamu wannan matsayin,? Shin sau nawa akayi haka amma kana komawa can barikin zaka kuma mancewa damu.... Shin a haka kake so kayi albarka....? Ahidjo maike damunka a rayuwa? Mai muka maka da tsanani da kake kunyar nunawa duniya cewa mune mahaifanka? Mai ka d'auki wannan rayuwar? Mai ka d'aukemu da sai lokacin daka bushi iskanka zaka waiwayomu shin a haka kake neman albarka Aliyu? Shin a haka kake fatan gamawa da duniya lafiya? Kayi ma kanka hisabi tun a duniya.... Kuma bari kaji na fad'a maka, wllhi wllhi kaji na maka rantsuwar d'an musulmi sam rashinka a gareni bazai tab'a ragina da komai ba, damuwata d'aya tak shine mahaifiyarka.... Kayi yanda kake so da rayuwarka ni Sanda ban haifi d'an da zai sakani ciwon zuciya ba.... Maza tashi ka fice min a d'aki...." Ya k'arashe yana janyo radio d'insa...


Ko motsi mai kyau Ahidjo ya kasa kansa a k'asa yana tunanin maganganun mahaifinsa zuciyarsa bai daina masa ciwo ba, wllhi shi kansa baisan meke damunsa ba, baisan tak'amaimen dalilin da ya sanya watsar da iyayensa ba iyakaci yasan addu'a ce kawai zasuci gaba da masa.....

Yana cikin tunanin ya jiyo muryar Baffah cikin tsananin daka tsawa yana fad'in

"Ka fice min nace kafin ranka ya b'aci...!"


Sim-sim ya mik'e ya bar d'akin, rasa maike masa dad'i yayi gaba d'aya, can ya hangi Innah k'ofan fanninsa da tuni suka gina masa cikin gidan dukda ba zuwa yake ba balle zama, d'aki ciki da parlor dai-dai k'arfin talaka da kuma makewayi mai tsari... Jikinsa ya kumayin sanyi shakka babu yasan kintsa masa wajen Innah take, nauyi da k'aunar mahaifiyarsa ya cika zuciyarsa,.... Ganin wayar matarsa na shigo masa ya sanyasa ficewa daga gidan don amsa wayar, ya nufi yanda yayi parking motarsa k'ofar gidan....

***

*Abuja* 8:00am

Sanye yake cikin suit d'insa ruwan toka da alama shirin office yayi, saman stool dake ajiye gaban dressing mirror ya zauna yana gaida Ammah dake zaune saman k'aton royal bed d'inta tana afa magungunanta na safiya.....

"Baba na an fito.....?" Ammah ta tambaya tana kora maganin nata da ruwa cikin glass cup....

"Eh Ammah ya k'arfin jiki kuma?.... "

"Alhamddulillahi da sauk'i sosai kwana biyun nan bana gane ma jikin kasan k'uran hazon nan sai a hankali musamman masu ciwo irin namu...."

Siraj ya jinjina kai kana yace "Haka ne Ammah, Allah ya baki lafiya,.."

Ammah ta amsa da ameen kafin ta k'arada "Sirajo nikam nace ba yaya gaskiyar zancen da nake ji d'in nan, da gaske abokin naka yana son Nana Asma'u ne ko kuwa dai kawai hasashen su Ayiya ne....?" Ta k'arashe tana duban Siraj dake shafa wayarsa.... Lokaci ya maida wayar aljihu ya nitsa hankalinsa sosai yana duban Ammah kana ya soma fad'in "Ammah dama maganar da na shigo muyi kenan, amma naji numfashin naki kaman nason tashi, dan Allah ki dinga kiyaye k'uran nan.... Kuma inaga ya kamata ki koma checkup kwannan nan...."

"Kayya Sirajo am ni banson wani yawo a jirgin nan mutum kaman tsuntsu kaga fah yanzu ko inhaler ban amfani dashi, kaga kuwa ai Alhamdulillahi..."

Siraj ya jinjina kai kana yace "Toh Ammah Allah k'ara maki lafiya.... Kan batun Lamid'o da Nana A jiya da dare munyi maganar and he's serious, da gaske sonta yake, toh amma dai ban basa go ahead ya nemeta ba sai nayi magana da ita Asma'un....."

Ammah ta fad'ad'a murmushinta tana furta "Alhamdulillahi kai Masha Allah, ai hakan yafi, kaga duba da lalurar da Asma'u ke fama dashi gwara ta auri wanda aka sani d'in ba bare ba, kuma Lamid'o ai yaro ne mai hankali ga natsuwa, Allah sa Asma'u ta amince dashi ni sai nafi kowa farin ciki....."

Bata kai aya ba sukaji muryar Nana H da shigowarta kenan tana fad'in "Yarda kam dole Nana A tunda babu wanda ya tab'a furta mata kalman so, kuma wllhi na tabbata shima ba tsakani da Allah yake sonta ba saidon dukiyar da mahaifinmu ya bar mana...."

A tare Ammah da Siraj suka juyo suna dubanta yanda tayi maganar har zuciyarta

"Sweetheart ya zaki ce haka....?" Siraj ya tambaya yana duban Nana H wacce ke tsaye tsgege akansu hannaye hard'e a k'irji

"Uncle it's obvious.... A fili yake, no man, no man in this world will fall in love with a woman that has only one leg, haba Uncle open your eyes and see, wllhi wllhi Lamid'o ba tsakani da Allah yake son Nana A ba, ya mak'ale a company yana cin dukiya jikinsa still bai ishesa ba sai ya nemi niece d'inka... Wllhi Uncle...."

Siraj ya katseta da fad'in

"Shut up Nana H... Haba have some respect, ko kin mance Lamid'o abokina ne huh...?"

Ammah cikeda jin dad'i take jinjina kai, yau ita kanta taji dad'in tsawatarwa da Siraj yayiwa Hafsat, domin ita kanta tana son ganin Nana A a gidan miji kafin ta bar duniya...

Siraj yaci gaba da fad'in "Nasan Lamid'o abokin mijinki ne so dukda haka ban yarda ki tsoma kanki cikin alak'arsa da Asma'u ba, ki bar min komai kin fahimta koh...."

Kallon mamaki kawai take binsa dashi yanda yake ya mata fad'a, wai ita d'in Uncle love kema haka kuma Ammah na kallo bata bi bayanta ba tana shiru, duk akan wannan tsinanniyar gurguwar 'yar uwar tata, toh wllhi dole tasan abinyi, wllhi bazata tab'a bari makirci da munafuncin Nana A ya saye zukatan mutanen gidan ba, babu babban shege irin Lamid'o da ya soma kawo wannan matsala, wllhi shima sai ta shayar dashi mamaki..... Ko kallo basu isheta ba ta fice fuuu kaman zata kifa k'asa....

Siraj ya yunk'ura zaibi bayanta Ammah ta dakatar dashi tana fad'in "K'yaleta, gwara daka mata hakan, banda yarinta irinta Nana Hafsat ai Lamid'o shine dai-dai Asma'u, zata sauk'o da kanta idan ta fahimci hakan.... "

Jinjina kai kurum yayi kafin yace "Ammah kinsan hakinta idan tayi fushi bata sauk'owa da wuri...."

Ammah ta d'an murmusa kana tace "Ai haka mahaifinsu yayan ka yake idan yayi fushi sam baya sauk'owa da wuri, toh haka Nana Hafsatu take, kaga ita kuma Asma'u mai sanyin zuciya ce kaman mahaifiyar su,..." shiru ya d'an gifta sanda ta tuna 'yar uwarsu Nana Khadija... Lokaci guda taci gaba da fad'in "Allah sarki Nana Khadija ita kuma da tana raye k'ila da tayi fad'a fiyeda na Hafsat kasan masu sunan Khadija ba tayan baya ba wajen fad'a..."

Gaba d'aya suka murmusa daga ita har Siraj d'in kafin Siraj yace "Da yanzu ta girma ta zama kamansu, tabbas da mun samu FUSKA UKU iri guda a family saidai kowa da irin halinsa cikinsu... Allah ya jik'an Yaya da Aunty Zainab yasa suna Aljannah...."

Ammah ta amsa da ameen jiki a sanyaye kafin Siraj ya mik'e yana fad'in "Ammah ni zan wuce office idan na dawo zamuyi maganar insha Allah..."

"Toh Babana Allah shi taimaka koh, a dawo lafiya...." cewar Ammah dake bin d'an nata da kallon tausayi, kullum cikin masa addu'a take Allah ya yassare masa matslolinsa na rayuwa....

Kwance ya hangi Nana H saman gado sanda zai wuce k'ofar d'akin nata, girgiza kai kurum yayi ya fice ba tareda yabi takanta ba...

Tana jin k'aran takalminsa yana sauka daga bene kuma taji tsayuwansa a k'ofar d'akin, da a baya ne da Uncle Siraj bazai fita ba sai ya shigo ya lallasheta,... Duk a dalilin Nana A yanzu Uncle love ke mata haka, wllhi ta tsani Asma'u kuma bazata tab'a bari Uncle ya mata rabin soyayyar da yake mata ba...." Ta k'arashe tana huci tamkar wata kububuwa

***

Shigarsa office d'in da kad'an Nasaar ya shigo da sallama... Siraj dake faman duba wani tabloid dake hannunsa ajiywa yayi yana fad'in "Barrister barka da isowa...." Lokaci guda yake zama bisa kujeransa had'i da kurb'an coffee d'insa dake faman tururi....

Cikin sauri Nasaar ya k'araso cikeda rusunawa ya mik'awa Siraj suna gaisawa...

"Sir barka da safiya...? "

"Barka Nasaar, ya al'amra..?"

"Lafia lou Sir......"

Shiru ya d'an ratsa tsakani har Nasaar ya soma tunanin kodai Siraj ya mance appointment d'insu da k'anwar matarsa ne....

Siraj ya katse shirun da fad'in "Lafia dai koh Attorney, ka samu kaga client d'in kuwa....?"

Nasaar ya d'an shafi kansa kana yace "Sir dama zuwa 11am muke da appointment dashi.... Yanzu tafe muke da k'anwar matar nawa wacce kace zaka ganta yau....."

Saurin cire cup d'in daga bakinsa yana fad'in "Aff haka fah, I almost forgot, babu damuwa ka shigo da ita kafin na shiga wani sabgan...."

Cikeda jin dad'i Nasaar yace "OK Sir right away.... Na gode fah Sir, Allah k'ara girma..."

"Babu komai Nasaar...." Siraj ya fad'i yana kuma duba news d'in da ya tafi da hankalinsa cikin jaridar....


Tunda yaji an tab'a k'ofar yaji ya daina fahimtar komai cikin jaridar, ji yayi ya k'agu ya d'ago idanunsa yaga sabuwar sakatariyan nasa wacce yasan itace ke k'ok'arin shigowa, sallamarta da ya jiyo cikin siririyar muryarta ya kuma tafiya da wani b'angare na tunaninsa..... A hankali ya zame idanunsa daga saman jaridar ya maida idanunsa zuwa ga k'ofa, tun daga k'afafunta ya soma duba....

Sanye take cikin doguwar riga ta atampa kalan shud'i mai manyan zane, ta yafa mayafi kalan hoda wanda ya tafi da kalan jikinta... Idanunta a k'asa sanda Siraj ya k'ura mata dogayen idanunsa akanta, so yake ya d'auke idanunsa daga dubanta amma ya kasa,...

Saida ta iso dai-dai bakin table d'insa taja ta tsaya sihirtaccen murmushi saman fuskarta...

"Barka da safiya Sir... May I....?" Ta k'arashe tanai masa nuni da kujerar dake gaban table din had'i da juya idanu



*SameenaAleeyou📚**FUSKA UKU*🏮
*FUSKA UKU*🏮



*17*



*©Sameena Aleeyou...✍🏽*




Ko motsa idanunsa daga kan Azeeza ya kasa, k'yam ya kafeta da idanu babu ko k'yaftawa fuskar nan nasa kuwa lokaci guda ya had'eta gaba d'aya....

Azeeza tasha jinin jikinta domin fuskar Boss d'in nata yafi kama da a kirasa Tyrant.... A hankali ta zame hannunta daga jikin kujeran tana d'an gyara mayafinta had'i da yin gyaran murya....

Sai lokacin Siraj ya dawo daga duniyar tunanin da yayi nisa cikinta, gyara zamansa yayi saman kujerarsa ta alfarma kana ya mata nuni da kujeran dake gaban table d'in

"Please sit down...!" Yayi maganar babu alamun wasa a fuskar sa...

Murmushin yak'e kawai Azeeza tayi kana ta zauna tanai masa godiya. ..

Ya jima yana wasu 'yan rubuce rubucensa ba tareda yace mata kanzil ba, har dai Azeeza ta saduda cewa wannan Tyrant d'in baida niyyan mata magana.... Kaman kuwa yaji zancen zucin nata mik'ewa yayi yana daidaita zaman suit d'insa kana ya soma tafiya ya nufi k'ofa waya mak'ale a kunnensa..

Baki sake Azeeza ta bisa da kallo, lallai wannan ya cika d'an rainin hankali toh mai yake nufi da zamanta a nan ita da ta shigo interview yayi tafiyarsa ya barta, what does this mean....? Babu mai bata amsa tambayarta, kaman daga sama ta jiyo muryarsa yana fad'in

"Get my things over there and follow me...." daga haka sa kai yayi ya fice daga office d'in...

Azeeza tabi bayansa da kallo kafin ta maido da dubanta ga table d'in nasa tana lissafin toh waima wasu stuff yake nufi, file d'in kenan hala.... Cikin sauri ta shiga had'e takardun tabi bayansa cikin sauri kafin ya b'ace mata, da shike kana iya hango wajaje da dama cikin Company d'in abinka da ginin da yasha kwalliya da glass...

Daga office d'insa ya hangota rungume da file sai sauri take tana bin bayan Siraj, k'irjinsa ya buga, ta yaya Siraj zai fita da Azeeza daga soma aikinta a company d'in... K'irjin Nasaar ya shiga masa zafi sosai, meyasa ma tun fari ya aminta Azeeza tayi aiki da Siraj, anya baiyi kuskure ba? Kai dole yasan abin yi he loves Azeeza so much bazai iya barinta ma kowa ba, Azeeza tashi ce.... A hankali ya shafi naman goshinsa yana tunanin tun