You Cannot Download this book untill you login but you can read it .

---

Login Register

naka shawarin wa ka nema... Sabida bakada mutunci zaka dubi tsaban idanuna kace a nemi shawarinka.... Toh ank'i a nemi shawarin naka sai ka d'auko bindiga ka harbeni tinda ban nemi shawarinka ba..... Kuma barin fad'a maka idan ka fice ka tafi ka nemi wani uban bani ba kaji na fad'a maka....." Daga haka uwar d'aki ya shige ya bar Aheedjo durk'ushe a wajen abin duniya ya damesa.....


***


*Tmbuwal*


Duban Mairo ta kumayi a karo na biyu tana mai ci gaba da tura kaya cikin jaka..... Ganin Mairo batada niyyan tashi balle ta had'a kaya ya sanya Daddah daina abinda take ta isa ga Mairo... Hannayen Mairo ta kamo tana mai duban fuskar ta.... Murya a hankali tamkar ba Daddah ba ta soma fad'in

"Mairo kiyi hak'uri wata rana komai zai zama labari, nasani a matsayina na mahaifiyarki ban kyauta maki ba, ban barki kin nemi ilimin zamani yanda kikaci buri ba, sannan ban barki kin zab'i abokin rayuwarki ba iya shekarunki.... Mairo ki sani Daddah na yin duka wad'annan abubuwa ne sabida tseratar dake da kuma mutuncin ki.... Mairo wllhi nafi k'aunarki fiye da kaina, na tabbata wata rana koda bani raye zaki fad'i hakan.... Maza tashi ki kintsa domin ficewar dare nake so muyi banso ma mutan unguwa suga fitarmu...".

Kallon mamaki kurum Mairo ke bin Daddah dashi, kafin kaga hawaye a idanun Mairo sai waje ta b'aci yau saiga k'walla suna zarya idanun Mairo....

"Daddah idan da sabo na saba da hijira saidai naji mamaki yanda ke kanki kinsan baki adalci wa rayuwata kuma har kina iya fad'in haka... Daddah na sani wani sirrin rufamin da zakiyi zaifimin sama da bayyana min da zakiyi, domin wani abin a barsa a sirrance yafi... Sannan ni Daddah har yau Allah bai had'ani da wanda zan gani nace ya kwanta min ba har wai naji na sami mijin aure.... Abu guda da yafi damuna shine rashin yarda da kanki da kika kasa yi... Daddah idan sabida mahaifina kike hijira gari zuwa gari na rok'i arzikin ki ki barni nayi ido hud'u dashi. Muyi gaba da gaba dashi mu daina wannan wasan b'oyon na rok'eki kimin wannan sadaukarwan dan Allah Daddah....." Ta k'arashe muryarta na tsananin rawa...


Daddah ma tuni idanunta sukayi rau-rau ganin hawaye cikin idanun d'iyarta... A hankali ta janyo Mairo ta rungume tana fad'in "Na kusa sanar dake komai d'iya da izinin Allah... Yanzu tashi mu samu mu isa tasha...."

Mairo ta d'ago kanta daga k'irjin Daddah tana dubanta kana tace "Ina muka nufa yanzu....?"


Daddah na murmushi tace da ita "Gabashin k'asar nan can Jihar Yobe....."

Cikin zafin nama kaman wacce aka takala ta mik'e ta shiga had'a kayanta da na sana'arta... Ta jima tana rik'eda wata sark'ar da Zaliha ta had'a mata tana duba kafin ta saki murmushi ta jefa sark'ar cikin jaka tana mai fad'in "Zanyi kewarki Zaliha...."


***

Tinda ya had'a wayar caji bai kuma bi takanta ba, asubahin fari yaji k'aran waya ya cika masa kunne, nan ya tuna ashe jiya ya d'auko wayar Daddy zaiyi bincike cikinta saidai ya kasa bud'e lock d'in wayar hakan yasa bai kuma bi takan wayar ba, ya bari akan sai zuwa safiya yasan abinyi.... Cikin sauri kaman zai kifa ya isa ga wayar yana kallon lambar da ake kira dashi babu suna... Lokaci guda Lamid'o ya d'aga wayar ya k'ara a kunnensa...



Hankali tashe Nazir da bai jira wata-wata ba ya soma fad'in "Boss wllhi sun tafi an wayi gari ban samesu gidansu ba... Boss Mairo sun bar gari......"

Cikin sauri Lamid'o ya cire wayar daga kunnesa k'irjinsa naci gaba da bugu


A hankali ya furta "Mairo!..."


Dabara ta fad'o masa cikin sauri ya katse kiran ya tura sak'o cewa yana wajen da bazai iya magana ba.... Aiko kan kace mai sak'on Nazir ya shigo...

_Boss there's problem.... wllhi bansan yaya akayi hakan ta kasance ba, kuma bansan ina suka nufa ba, amma yanzu haka tashan motoci na nufa..._


Lamid'o yafi good five minutes yana bin sak'on da kallo kansa na kuma d'aurewa... Toh wacece Mairo... Daddy yankan kai yake ko menene.? Shin kodai Mairo ce silan rasa mahaifiyarsa tinda yasan lokutan baya da wayonsa mahaifinsa na cin zarafin mahaifiyarsa.... He really needs to find out koma wacece.... Lokaci guda ya ajiye wayan ya nufi bathroom donyin alwalan sallan asuba....




*SameenaAleeyou📚*
[1/7, 10:09 PM] ‪+234 803 596 9052‬: *FUSKA UKU*🏮


*21*



*©Sameena Aleeyou...✍🏽*




Sauri-sauri Nazir ya nufi tasha saidai unfortunately ya tarar motar asuba ta bar tasha... Babban abinda yafi damunsa baisan yanda suka nufa ba.... Ya jima yana bulayensa a tashan kafin ya dawo gidan yana kuma dubawa har gari ya soma haske... Lokaci guda ya tuna Zaliha yasan dole Mairo ta masu sallama kuma ta sanar dasu yanda suka nufa...

Cikin sauri Nazir ya nufi gidansu Zaliha yana bugun k'ofa....

***


*Yobe _Damaturu_*

Sauri-sauri ta gama shirin tafiya wajen aikinta, shagon d'inki da wata attajirar mata ta bud'e a unguwar domin taimakawa mata marassa sana'a.... Tana d'aga jakan nata hotonsu ya fad'o daga ciki, tsohon hoto da suka d'auka lokacin Junaid na asibiti.... Murmushi kwance saman fuskarta take shafa hoton fuskar Junaid da Azeeza... A hankali ta furta "I miss you my children...." Lokaci guda ta ciro wayarta ta shiga dialing layin Junaid....

Bugu biyu Junaid ya d'aga kiran da murnansa

"Umma Marie... I miss you sweetheart...!" Ya k'arashe dariyan farin ciki saman fuskar sa...

"Nayi kewarku nima Junaid... Ya kuke ya al'amra suke wakana... I hope kuna cikin k'oshin lafiya....? I worried so much about you..." Ta k'arashe cikin rawar murya

Murmushi ya kuma yi kana yace "You don't have worry... Muna nan lafiya... And everything is going well just like the way I planned.... Umma nayi kewarki..... Please don't cry kinji...."

Murmushi Umma Marie take tana goge hawayen da suka zubo mata kana tace "Ina Azeeza...?"

"Ta tafi aiki, bata jima da ficewa ba...."

D'an jim tayi kana tace "Junaid kardai amfani kake da k'anwarka domin d'aukar fansar ka... Junaid... Anya anya kuwa Junaid... Na fara tsoron Fansar nan taka kada reshe ta juye da mujiya, Junaid dan Allah ka bar komai wa Allah ka dawo...."

Junaid na huci sabida duk sanda aka masa maganar d'aya daga cikin Fuskoki ukun nan sai yaji ya tsani komai a duniyarsa face burin d'aukan Fansa.....

Murya a dashe yake fad'in "Umma Marie Shari'a ma ta aminta da idan an zalunceka ka rama matuk'a bazaka iya yafewa gwargwadon zaluncin da aka maka amma kuma yin afuwan yafi alkhairi.... Umma wllhi wllhi bazan barsu ba har sai na cika burina... Kawai ki ci gaba da min addu'a... Kici gaba da mana addu'a daga ni har Azeeza...."

Shiru ya d'an ratsa tsakani kafin ta jinjina kai tace " Amma kuma shari'a bata amince maka ka d'auki doka a hannunka ba Junaid, shin baka tunanin tarin had'arin dake cikin yin hakan... Sannan zaka iya zaluntar wanda baiji ba bai gani ba duk a dalilin fansar ka... Junaid....."

Katseta yayi da fad'in "Umma must we have to talk about this again.... I'm not backing down... Not until I destroyed them all....!" Cikin tsananin huci yake maganar..

Dan sauk'e ajiyan zuciya tayi kana tace
"Shikenan Junaid tunda dai hakan ka zab'a amma ka sani duk abinda zakayi ka ringa tuna mahalliccinka har kullum wasilcina a gareka kenan..... Ka gaida min Azeeza idan ta dawo ka kulamin da kanku.. I love you both...."

Junaid ya saki murmushi har cikin ransa yake jin k'aunar Umma Marie kana yace "Insha Allah Ummah... We love you too... Sai mun sake magana..."

Suna ida wayan ta zura hijab d'inta ta d'ibi kayan aikinta tayi ficewarta wajen sana'arta...

***


*Abuja*


Tun daga gate yake jiyo sautin dirin mahaifinsa cikin tsananin fad'a ya tara ma'aikatan gidan gaba d'aya...

"Wani sabon iskanci kuka d'auko... Ta yaya za'ace kamata a gidan nan na ajiye abu na nema na rasa.. Waye ma suka gyara parlorn jiya...? Wllhi wllhi kunji na ratse rasa wayar nan na dai-dai da rasa rayuwanku... Idanma akwai d'an lek'en asiri cikin ku ne zan gama daku gaba d'ayanku in seconds.... Ku b'ace a gani dolaye kawai... Awa d'aya tak na baku ku nemo wayar nan yanda ta shiga ta fita idanma a shara kuka saka. .." Cikin sauri ya soma tattara zurmemen jallabiyarsa ya nufi d'aki yana dogara sandarsa...

Yana shigewa Lamido ya shigo parlorn.... Nan da nan ma'aikatan suka soma gaidasa... Saida ya tabbata hakulansu baya wajen kana yayi saurin jefa wayar tsakankanin kujeru... Lokaci guda yake tambayarsu mahaifin nasa nan suke sanar dashi ya shige d'aki... Parlorn k'asa ya dawo ya zauna gami da had'e hannayensa waje guda yana tunanin ta yanda zai b'ulla wa lamarin.....

Wani ma'aikaci guda ne ya k'araso yana tambayar Lamid'o mai za'a kawo masa...

Girgiza kai kurum Lamid'o yayi yana murmushi kana yace "Babu komai Ayuba ci gaba da aikin ka. ."

Ayuba ya risina had'i da amsawa kafin yayi wucewarsa... Dokan gidan Alh Bulama ne mata basa masa aiki tun bayan rasuwar matarsa mahaifiya ga Lamid'o....

***

Ammah na hankalce dashi yanda yake cakalan abinci tamkar baya so, kai da ganinsa kasan wani abu na damunsa.... Ajiye spoon d'in hannunta tayi tana mai ci gaba da karantarsa lokaci guda ta d'anyi gyaran murya kana tace

"Babana wai lafiya, meke damunka?... "

Siraj ya d'an fuzar da iska had'ida shafe goshi kana yace "I'm fine Ammah.. Mai kika gani....?"

"Gaba d'aya gani nayi yau d'in kaman bakai ba, tun d'azu tunani kake ka kasa cin komai sannan yau kayi lattin tafiya office ba kaman kullum ba.... Akwai abinda ke damunka ne.... Share it with me please... Baka da wacce ta fini....."

Siraj ya d'an kuma gyara zamansa cikin kujeran kana yace "Ammah is somehow complicated.... I just don't know... Bansan ta yaya zan soma maki bayani ba but all I can say is that....." Fsali ya d'an ja had'i da fuzar da iska..

Ammah ta bisa da kallo damuwa fal fuskarta...

"Umhum ina jinka Sirajo meke faruwa....?"

"Ammah wata yarinya ce take yunk'urin shiga rayuwata.... Nayi k'ok'arin na mata mugunta ko kuma duk wani wulak'anci don kawai taji bazata iya hak'uri dani ba amma yin hakan da nayi sai naga kaman k'aimi ya k'ara mata wajen matsowa kusa dani... Ammah you know me... You know my problem.... Banso wata rai ta kuma salwanta a dalilina..... And you know the worse part of it is that I can't avoid her... Dole kullum na kasance tareda ita.... Ammah I'm afraid...." Ya k'arashe idanunsa saman plate d'in pancakes d'insa.....

A hankali Ammah ta mik'a hannunta ta rik'o na Siraj tausayinta na ratsa b'argo da tsokarta kana tace "Sirajo a koda yaushe ka tuna kanada family d'inka and we all love you so much...."

Kasa furta komai Siraj yayi sai kallon Ammah da yake yi wasu irin ruwa na neman ciko idanunsa....

Cikin rawar murya ya soma fad'in "Ammah your love is simply enough for me.... But Ammah I'm also human and I've feelings... and......" Kasa ci gaba da magana yayi sabida wani irin nauyin mahaifiyar tasa da yaji...

Ammah ta shiga jinjina kai tana dubansa kana tace "Haka ne Siraj, abinda ka fad'i haka ne... And it breaks my heart seeing you like this babu aure.... Ka kai shekarun aure ko nace ka wuce, sannan ga girma da dukiya sun zauna maka, tabbas abinda ya ragi rayuwarka kenan iyali amma ka sani komai mukk'adari ne daga Allah. Kuma kowa da ka gani a duniyar nan da akwai ta yanda Allah zai jarabcesa... Wani ta fannin iyayensa, wani ta fannin auratayyarsa wani ta fannin kasuwancinsa... Kai ga su nan da dama... Koda za'ace kai kullum cikin farin ciki da jin dad'i kake babu tawaya ko nak'asu a duniyarka toh ka sani haka d'in ma jarabawa ce babba... Siraj wannnan jarabawarka ce a rayuwarka, kaci gaba da hak'uri har kaci jarabawarka, na tabbata addu'o'inmu bazasu fad'i k'asa banza ba.... Jikina yana bani ka kusa fita daga wannan k'angi na rayuwa.... Da izinin Allah...." Ta k'arashe murmushi kwance saman fuskarta...

Mik'ewa Siraj yayi ya isa ga mahaifiyarsa had'i da rungume kafad'unta daga yanda take zaune kana yace "I love you Ammah.... I love you so much....."

Ammah na murmushi ta mik'a hannu ta shafi sumarsa kana tace "Allah shi maka albarka.... Maza zauna ka k'arasa breakfast d'inka ka samu ka tafi aiki lokaci na k'urewa...."

Ya kuma murmusawa kana ya koma mazauninsa yana fad'in "Toh Ammah ta.... Nana A ta wuce Foundation koh....?" Ya tambaya sanda yake kai abinci bakinsa...

Ammah ma ta d'an gyara zamanta had'i da janyo plate d'inta gabanta tana fad'in "Wai ai wannan agogoce sarkin aiki, sam batako jin k'iwan fita dukda lalurarta, ai anything 7:30 ta bar gidan nan... Jiki na na bani zata zama babban jigo a rayuwan nakasassu da dama nan gaba.... Asma'u 'yar albarka ce...."

Murmushi kurum Siraj keyi kana yace "Shiyasa sai na nastu sosai na tantance irin mijin da ya kamata ya mallaketa sabida sanyin halinta da kyawawan d'abi'unta na gari bata cancanci namijin da zaizo daga baya yana goranta mata nakasun dake jikinta ba. .."

D'ago kai Ammah tayi tana dubansa kana tace "Babu wanda ya dace da ita sai Lamid'o... Sirajo, Lamido ya sami goyon bayana tinda yaron arziki ne , da zaran iyayensa sun dawo daga k'asar Amurkan kurum sai ayi bikin kuma jiya da dare munyi magana sosai da Nana A kuma na fahimci itama tana jin wani abu a tattare dashi... Dan Allah mu k'yaleta ta sami farin cikinta muddin ya tabbata shid'in ne.... Kaga babu wanda ya tab'a cewa yana sonta sai shi d'in...."

Siraj ya d'anyi shiru kana ya jinjina kai yace "Ammah bawai nak'i maki bane, na sani Lamid'o abokina ne koma nace d'an uwana ne amma ya kamata ya gane ba neman kai muke da Nana A ba... Aiko abubuwa da dama da nasan yanayi marassa kyau muddin ya tabbata min ya daina aikatasu ni daina zan d'auki Nana Asma'u na basa aurenta, amma.... Kawai dai I need more time Ammah.... Ki bar min komai a hannu na... Ni zan wuce office...." Ya k'arashe yana mai mik'ewa tsaye...

"Toh Babana Allah dai ya shige mana gaba... Baka tambayi 'yar rigimarka ba...?" Ta k'arashe cikin sigan zolaya...

Murmusawa yayi kana yace "Fushi take dani Ammah... Idan ta tashi a bacci zan kirata a waya...." Daga haka ya suri wayoyinsa da keys ya nufi k'ofa...

Ammah na murmushi ta rakasa da kallon k'auna kana tace "Toh a sauk'a lafiya Babana... Allah ya tsare...."

Ameen kurum Siraj ya amsa mata dashi yana mai k'ok'arin k'ara wayar salulansa dake faman ringing a kunnensa... Yana ficewa Ayiya ta take masa baya don taji tattaunawarsa da Ammah...

Yana k'ok'arin shiga mota ta kame marfin ta rik'e....

Cikin sauri ya dasa aya wa wayar nasa yana duban ikon Allah.. Wannan mata ta matsa masa da yawa...

"Lafiya...?" Ya tambaya yana dubanta


Ayiya ta gyara tsayuwarta kana tace "Lafiyan kenan.. Kana jina sarai naji kana son hana 'yar albarka aure sabida ku taru ku zama d'aya tinda kai ka kasa auruwa.... Kana jina... Wlhi wllhi baka isa ba, Sarki ya auri 'yar albarka an gama... Banda neman dalili ince abokin ka ne kuma da yanada wani hali mai muni da tuni ya bayyana mana, ai itama wancan 'yar gaban goshin naka abokinka ta aura mai yasa ita datace taji ta gani tana so baka hana ba sai Asma'u ce zaka hana ko? K'aramar danga mai dad'in tsallaka koh... Toh wllhi baka isa ba, idan kai aljana ta aureka ta hanaka aure toh alajni bai auri Asma'u ba... Aurenta da Sarki babu fashi ehe....!"

Tunda ta soma magana yake binta da kallon mamaki sam wannan matar fad'a bai mata wahala... Fuska a tamke ya furta "I don't have your time..." Lokaci guda ya shige motarsa ya barta nan tsaye tana ci gaba da sababi

Har ta komo cikin gidan bata daina sababiba koda Ammah ta tambayeta lafiya sai ce mata tayi Sirajo ne ya zageta tsaf da kalman nasara.... Sosai Ammah ta dinga dariya har saida taji tari na neman shak'eta kafin ta tsagaita dariyar tata abinka da asthmatic, tasan bazai wuce akan Nana A Siraj da Ayiya sukayi fad'a ba...

"Toh wai mai ya had'aku...?" Ammah ta tambaya

"Iyaka na masa kan maganar auren d'iyata da Sarki, bai isa ya hana ba... D'iyata zatayi aure insha Allahu don banida burin da ya wuce naga d'iyoyinta don nasan ita ba juya bace kaman su o'o masu Zeus asibiti a juye mahaifa wai sabida gayu...." Ta k'arashe tana gatsine da fuskarta ta b'angaren da Nana H ke sauk'owa daga bene...

Sarai Nana H tasan wannan habaicin da ita Ayiya take... Tab'e baki kawai tayi kana ta k'araso ga Ayiya tana tambayarta Uncle Siraj, ga dukkan alamun tashinta daga bacci kenan domin kuwa kayan baccin ne jikinta...

Nan Ammah ke sanar da ita ya fice.... Wani k'atutun bak'in ciki ya tokareta, yanzu duk yanda take fushi da Uncle Luv bai tsaya ya lallasheta ba yasa k'afa yayi ficewarsa... Aiko dole tabi bayansa taji dalili... Ko cin abincin batayi ba ta haura sama ta tsalo wanka ta nufi Laushi Group...

***

Ya jima mak'ale jikin k'ofar yana sauraren wayar da mahaifinsa keyi kafin ya sad'ad'o a hankali, a farfajiyan ya tarar da Ayuba ya d'an janyo hannunsa suka keb'e...

"Lafia rankashidad'e? " Ayuba ya tambaya tsoro bayyane saman fuskar sa....


"Ayuba ina fata baku sanar dashi na zo gidan nan ba...."

Jinjina kai Ayuba yayi kana yace "Rankashidad'e babu wanda ya sanar dashi kuma ko tambayarka baiyi ba, iyakaci dai ce masa mukayi an sami wayarsa cikin kujera... Domin wayar lambobi k'alilan ne cikinsu wanda nake tunanin tsirarun mutane ne yake kira.."

Lamid'o ya jinjina kai kana ya furta "Good, toh yanzu kasan abinda nake so dakai....?"

Ayuba ya jinjina kai alamun a'a "Sai ka fad'i rankashidad'e..."

Hannu Lamid'o yasa a pantpocket d'insa ya zaro kud'ad'en da bai k'irga ba 'yan d'ari biyar ya dunk'ulawa Ayuba a hannu kana yace "Wani aiki zaka min....."

Ayuba ya zaro idanu yana kallon Lamid'o da tulin kud'in da ya damk'a mar a hannu.....

***


*Laushi Group*


Da k'asaitarta ta shigo Kampanin duk yanda ta wuce kuwa sai ta kwashi gaisuwa, yau d'in a Nana H d'inta ta fito ko ita ko Azeeza, yau dole tayi sanadin aikin Azeeza kowa ya huta.....


Sai faman d'add'aga hanci take tana tafiyar izza tunda itama tanada kaso cikin kampanin.... Kai tsaye b'angaren president ta nufa wato Siraj Laushi....

Sai ka shiga wani rantsettsen parlor kafin ka tadda office d'in Siraj wanda sakatariyarsa ke zaune cikin kujeranta mai juyawa....


Tun daga cikin glass Azeeza ke hangota aiko ta saki murmushi domin kuwa tsaf ta gane ta.... A hankali ta furta "Duk wacce kika zo da ita zaki samu....

Ko sallama bataci darajanyi ba ta nufi main door d'in office d'in...


Azeeza bata ce mata k'ala ba sai murmushi da take...


Nana H taji k'ofa a gark'ame... A wulak'anci ta juyo tana duban Azeeza kana tace "Kee! Ina mai office d'in...?"

Yanda kasan tayi da dutse haka Azeeza ta mata banza taci gaba da sabganta...


Nana H tazo wuya, wai wannan yarinyar kanta guda kuwa... A fusace ta nufota had'i da buga table d'in tana fad'in "Ke are you deaf bakiji tambayar da nake maki ba...?"

Sai sannan Azeeza ta d'ago kai had'i da cire glasses fari k'al mai d'an girma wanda da gani na k'arin gayu ne kana ta d'an murmusa tace "And who are you....?"

Kambuuu ai Nana H sai ta saki baki tana kallon salon iskanci wai bata ganeta ba bayan jiya jiya suka had'u....

Murmushin rainin hankali Nana H tayi kana ta shiga nuna Azeeza da hannu tana fad'in "Bari kiji na fad'a maki you little brat, ni ba sa'arki bace kuma a yanzu naga dama wllhi aikin ki a kampanin ya zama tarihi shegiya 'yar matsiyata dama ance baku iya samun waje ba sai kun nuna yunwa, toh uncle yafi k'arfinki, k'aramar karuwa..."

Dariya mai d'an sauti Azeeza tayi kana tace "This suits you... Ai sai yanzu na ganeki da kika soma haushi... Gashi kuma kashh anyi rashin sa'a My Sir hutawa yake he already ordered me not to let anyone in... Kiyi hak'uri ki koma kya iya dawowa wani lokacin... Aww wait do you even have an appointment with him, ko kawai zuwa kikayi haka nan...?" Ta k'arashe tana maida glasses d'inta...


Nana H kasa gaskgata abinda take gani tayi, wai dai da gaske itace wata banza ke watsa wa magana a kampaninsu ofishin Uncle Love d'inta...

Tsaban b'acin rai har wani rawa jikinta keyi ta d'aga hannu zata kai wa Azeeza mari tana fad'in "How dare you....!!"

K'am Azeeza ta rik'e hannun Nana H tana wani irin murmushi take fad'in "Don't try... Don't you dare try this nonsense with me....."

Hannun Nana H bai bar b'ari ba take duban Azeeza cikin rashin yarda bata zaci shed'anan yarinyar yazo har nan ba...

Cikin sauri ta ciro wayarta daga jaka ta shiga dialing Uncle Luv, k'iris ya rage bata yarda wayar ba sabida yanda hannunta ke karkarwa... Saidai ga mamakinta ringing wayar taji a gabanta, aiko ta kai dubanta table d'in Azeeza taga wayar Siraj na faman ruri... K'walla ne kurum taji suna neman ciko idanunta saidai bazata iya kuka gaban wannan k'aramar 'yar iskar ba....


Azeeza ta murmusa kana tace "Kawai dai kink'i bin shawarina ne... Kiyi hak'uri ki tafi My Sir hutawa yake, kingama wayarsa a nan bashida lokacin amsa wayar kowa... Idan kuma zaki jira ya gama hutawarsa toh bismillah you're welcome...." Ta k'arashe tana nuna mata kujera...



Dubanta kurum Nana H take da rianannun idanunta kana tace "You've no clue who you really messing with.... You'll regret this very moment.... Mark my word.....!" Daga haka sa kai tayi had'ida ficewa daga building d'in cikin sauri.....


Azeeza ta sauk'e ajiyan zuciya domin yanayin da taga fuskar Nana H ya canza lokaci guda ya d'an bata tsoro k'arfin hali ne kurum irin nata... Takai dubanta ga wayar Siraj ta tuna fad'uwa yayi sanda zai fice meeting ta d'auka ta ajiye masa... Zama tayi dab'as cikin kujeranta tana mamakin wacce irin SHAK'UWA CE ke tsakanin Siraj da d'iyarsa Nana H....

***

*Misau*


Murmushi yayi mai bayyana fararen hak'waransa yasan ta hakane kurum zaisa ya sami amincin iyayensa ta yanda bazasuyi zargin komai ba, lokaci guda ya fito daga b'angaren nasa ya nufi sashen su Innah...


Zaune ya tadda Innah tana tankad'en bushasshiyar kub'iya na miyan dare yayinda Deejoh ke faman tsince waken da za'a saka a miyar...


Murmushi kwance saman fuskar sa ya k'arasa ga Innah..


Nan Innah ma ta fad'ad'a murmushinta, yayinda walwalan Deejoh ya d'auke gaba d'aya domin kuwa tunda tasan shid'in mijinta ne wani nauyinsa mai girma ya kamata wanda batasan sanda ya shigeta ba...

Ahidjo ya d'an saci kallon gefen da Deejoh take sanda suke gaisawa da Innah kana yace "Innah dama so nake Deejah ta rakani gari domin akwai wasu 'yan sayayyan da nake so nayi tunda zama a nan ya kamani...."

Innah cike da mamaki take dubansa baki har kunne kana tace "Ahidjo da gaske ka fasa tafiya, da gaske bazaka tafi ba, aikinka fah..."
Mamaki ya cika Ahidjo jin ko zancen d'aya matar tasa basayi sai aikinsa kana ya d'an saita kansa had'i da jnjina mata kai kana yace "Kar ki damu Innah dama banzo ba saida na d'auki hutu wajen aiki.... Zan jirata a sashena idan ta gama shiryawa..." Daga haka mik'ewa yayi ya nufi sashensa ya bar Deejoh da fad'iwan gaba... Ita kiranta da Deejah da yayi abin sai ya mata banbarak'wai