You Cannot Download this book untill you login but you can read it .

---

Login Register

zaci Deejoh ciki ne da ita ba.. Cab aiko plan d'insa zai ruguje shi da yake son aurenta nan da wata hud'u da zaran ta gama iddar ta, yanzu sai ya jira nan da watanni tara kenan bayan ta haife abinda ke cikinta, baijin zai iya jira dole yasan yanda zai zama rid of abinda ke cikin Deejoh ya samu ya aureta nan kusa....

Gyaran murya yayi sabida wata miyau data tokare masa mak'oshi kana yace "Ga... Gaskiya ne Baffah yanda kace haka ne... Allah ya sauk'eta lafiya, ni kuma zan sanar dasu a can d'in.. Kar ka damu Baffah insha Allah Khadija da d'an dake cikinta bazasuyi maraici ba nayi alk'awari.."

Jinjina kai kurum Baffah yayi kana yace "A gaskiya babu abinda zamu ce maka saidai Allah ya biyaka da alkhairi tabbas ka cika aboki na gari da har ka nememu ka sanar damu, Allah ya saka maka da alkhairi..."

Sabi'u ya murmusa kai a k'asa kana yace "Baba abinda nayi dole na ne nayi gobe zan wuce insha Allah kuma zan dinga zuwa akai akai ina dubaku..."

Baffah ya jinjina kai ya kuma masa godiya kafin sukayi sallama... Sabi'u shi da kansa ya koma fadar mai Unguwa ya sanar dasu abinda ke faruwa, take labari ya ratsa gari tuni aka soma tururuwan zuwa gaisuwa gidan Malam Sanda.... Wannan kenan....

***

*Abuja*


"Tell me what did you do to him...." Lamid'o ya kuma tambaya idanunsa suna fitar da wasu irin hawaye masu zafi...


Dariya Bulama ya fashe dashi a karo na uku kana yace "I managed to get rid of him completely, I told you so duk wanda yayi yunk'urin exposing Nana K I'll get rid of him..... "


Girgiza kai Lamid'o yake yana mai furta "No no no... No, this can't be happening..."

Baikai aya ba Bulama ya katsesa da fad'in "But is already happened... Abu guda ne banyi ba shine ban bisne maka shi cikin d'akin nan ba kaman yanda na bisne maka Nazir ba....." Ya k'arashe yana nuni da kabarin Nazir dake can gefen d'akin....

Lamid'o kasa furta komai yayi sai durk'usawa da yayi saman gwiwoyinsa wani irin kuka mai sauti na fita masa....

Murmusawa Bualama ya kumayi kana yaci gaba da fad'in "Now you know what I'm capable of doing akan biyan buk'ata ta... Lokaci yayi da zan mallaka maka freedom d'inka muddin kabi shard'ana, idan ka sab'a guda d'aya wannan gurguwar itace zata zama next victim d'ina... Idan ka kuma yin tunanin cin amanata kaman yanda kayi a baya wllhi zan zo maka ta yanda baka tab'a zato ba balle tsammani, na kashe Nazir na bisneshi a d'akin ka kana kwana tareda shi duk don sabida na hukunta ka ne sannan na kashe abokin ka Ahidjo shima domin na hukunta ka.... Lamid'o kar ka mance I own you, sai yanda naso nayi da kai, yanzu na tabbata ka yarda zanyi abinda bazaka tab'a tsammani ba.. So idan ka fita daga nan zakayi duk abinda nace ko ka wayi gari babu ko d'aya daga cikin su....."

D'ago jajayen idanunsa yayi da suka ci tsananin azaba yana huci yake duban Bulama kafin ya soma fad'in ".....*FUSKA UKU*🏮



*46*





*©Sameena Aleeyou...✍🏽*





Tofar da jinin bakinsa Lamid'o yayi kafin yaci gaba da fad'in "You're nothing but a coward, ka kasa fuskantar Siraj da Family d'insa, ka b'oye a bayan fage kana cutar dasu.... Meyasa bazaka tink'aresu kai tsaye ba... Why meyasa...?" Ya k'arashe jajayen idanunsa suna fitar da wani irin ruwa masu d'umin gaske...

Murmushi Alh Bulama yayi had'i da tafe hannayensa kana yaci gaba da fad'in "Wannan shine dalilin da yasa nazo muyi magana da kai, to be my accomplice again, and this time around if you try something foolish..." Yayi wata murmushi kafin yaci gaba da fad'in "You know exactly what I'm capable of doing.... Lamid'o nasan akwai tambayoyi da dama da kake so na amsa maka sannan idan kayi yunk'urin cin amanata kaman yanda kayi daga fari bazaka tab'a samun amsoshinka ba, sannan abubuwa bazasu tab'a daidaita ba, and lastly kar ka mance I've eyes everywhere, I'll be watching you....."

Fuzar da iska Lamid'o yayi yana tunanin nakasa masa rayuwa da Bulama yayi, ciki harda kisan amininsa Ahidjo, a hankali ya d'ago yana duban Bulama kana yace "Bazan kuma barinka ka cutar da wani wanda nake so ba, I'll do whatever you asked me to do.... Na amince zan kuma maka aiki kaman yanda ka buk'ata..."

Alh Bulama ya kuma murmusawa kana yace "Yanzu ka tabbatar min cewa kai d'in d'an halak ne.... Za'a fito dakai yanzu kayi wanka ka canza kaya, akwai likita da zai treating wounds d'insa zamu fita tare...." Daga haka bai jira cewar Lamid'o ba yayi ficewarsa yana alamu wa guards d'in da su kwance kacan dake d'aure da hannayen Lamid'o....

***

Mik'ewa Nasaar yayi yana mai watsawa Siraj mugun kallo sanda yaci gaba da fad'in "You know Siraj, this is all your fault, nayi nadaman samarwa Azeeza aiki a kampaninka, yanzu ta tafi and the worse part of it shine bansan yanda ta nufa ba, yanzu mai zance wa danginta randa suka nemeta, mai zan sanar da tsirarun danginta da sukayi saura..... Tell me mai zan sanar dasu Siraj....!!" Ya k'arashe cikin tsananin d'aga tsawa had'ida buga table...

Shafa kansa kurum Siraj yayi kana iya hango tsan-tsan ramar da yayi sanda yaci gaba da fad'in "Nasaar Azeeza is my life, she is my life.... Zan tafi Maiduguri ko can ta koma...." Baikai aya ba Nasaar ya katsesa da fad'in "Don't even start Siraj, idan ka tafi Maiduguri ya tabbata bata can mai kake tunanin danginta zasumin, na sayar masu da d'iya ko mai? Mai kake tunani Siraj...."

Shima Siraj d'in huci yake sanda yaci gaba da fad'in "So kake na zauna doing nothing bamu san yanda Azeeza take ba, bamu san mai zai sameta ba... What exactly is wrong with you Nasaar.... You know what, you can not stop me, bazan huta ba har sai na sami Azeeza cikin k'oshin lafiya...."

Cikin sauri ya fice daga gidan tamkar zai tashi sama...

Hankalin Nasaar idan yayi dubu ya tashi, yanzu idan Siraj ya tsananta bincike fah, yana iya gano ahirinsu, tabbas basuda zab'i da ya wuce su bud'e Azeeza....

Kallon kallo suka shiga yima juna shida Junaid kafin Junaid yace "Naji komai kuma idan wancan imbecile d'in ya tsananta bincike tabbas yana iya gano wani abu, ka bar min komai a hannu na Azeeza dole tabi umarni na if not zan sanar da ita bazata sake ganin Siraj ba har abada sabida zan kashe shi kaman yanda muka kashe abokinsa....."

Fuzar da iska Nasaar yayi kana yace "Allah sa ta saurareka...."

***

*Damaturu*


Zaune yake gaban Baba Malam k'afafunsa gaba d'aya a mik'e sarb'al sabida har yanzu bai gama recovering ba amma sosai ake samun ci gaba....

"ALI bansan yaya zamu samu iyayenka ba ko wani naka amma komawarka ga danginka zai fiye maka zama a nan k'ila suna can suna nemanka ko a zatonsu baka a raye..."

Mutumin da Baba Malam ya kira da Ali sauk'e ajiyan zuciya yayi kana yace "Baba banida dangi sai ku, bansan kowa ba a wannan rayuwar sai ku, bansan wasu iyaye ba face ku, banida 'yan uwa ko dangi sai ku.. Baba bansan dalili ba dukda bansan ko ni wanene a baya ba ina ji a jikina zamana daku yafi wanda nayi a baya, sabuwar rayuwata ta fiye min wanda nayi a baya, dukda cewa bansan yaya rayuwatar ta kasance a baya ba...."

Baba Malam ya sauk'e ajiyan zuciya had'ida d'anyin jigum kana yaci gaba da fad'in "Bansan meyasa kakeji wannan rayuwar ta fiye maka wanda kayi a baya ba amma ina mai tabbatar maka zamu ci gaba da rik'eka bisa gaskiya da amana tamkar mu muka haifeka har lokacin da Allah zaisa tunaninka ya dawo ka fahimci ko kai wanene...."

Ali ya d'an murmusa kana yace "Ni ba kowa bane face Ali d'an gidan Baba Malam kuma d'an uwa ga Hafizu.... Amma Baba a ina na samo wannan suna Ali....?" Yayi tambayar idanunsa kan Baba Malam..

Gyara zama Baba Malam yayi kana ya soma fad'in "Wato a lokacin da Hafizu ya tsinceka gefe dakai kad'an ya tsinci wani kati wanda kuke ce masa ID card, toh wannan kati ta k'one sosai rubutun jiki gaba d'aya sun shafe sai harafi uku ne basu shafe ba, wad'annan haruffa uku kuwa sune ALI, sanda muka tambayeka sunanka kace baka sani ba sai muka yanke shawarin mu kiraka da wad'annan haruffa ukun.... Kaji yanda ka samo sunan Ali..."

Jinjina kai Ali yayi had'i da d'an murmusawa kana yace "Baba banida abinda zan biyaku dashi sai addu'a, ubangiji ya biyaku da mafificin alkhairi..."

Baba Malam ya d'an murmusa kana yace "Babu godiya d'ana, koda ace mun sami asalinka gaba har kullum zaka kasance d'a a wajen mu Yaya ga Hafizu...."

Ali ya murmusa cikeda jin dad'i dai-dai lokacin da Mama Azumi tayi sallama hannunta rik'eda abinci tana tambaya ko Baba Ali ya tashi...."

Murmushi ya cika fuskokinsu sanda ta ida shigowa d'akin, Baba Malam na mata sannu yayinda Baba Ali ya soma gaisheta yana fad'in "Mama nidai kina shagwab'ani da yawa bacin haka abincin nan d'azu fah kika bani naci...."

Murmushin itama take tana mai zuba abincin cikin plate take fad'in "Yo ba dole na shagwab'a ka ba tinda fatana kenan ka sami lafiya sosai ka soma takawa... Maza cinye wannan tass had'i b'argo na maka domin ya k'ara maka k'arfin k'ashi....." Ta ida maganar tana tura masa plate d'in abincin gaban sa....

Cikeda jin dad'i Ali ya d'au abincin ya soma ci yayinda suka ci gaba da fira gaba d'ayansu Kai kace d'ansu ne da suka tsuguna suka haifa....

Sallaman Hafiz ne ya katse masu firan tasu...

"A'a Malam Hafizu an dawo kenan....."

Baba Malam yace sanda yakai dubansa ga Hafizun dake k'ok'arin shigowa bayan sun amsa masa sallaman sa....

"Eh Baba na dawo yaya na sameku....." Cewar Hafiz dake k'ak'arin zama daga can gefen Ali....

"Lafiya lou Hadizu yaya Ummar taka da sauran d'aliban naka..."

Murmushi saman fuskar Hafiz yake fad'in "Lafiya lou suke Baba, aiki ne ma ya masu yawa can masana'artan tasu shiyasa basu samu sunzo sun gaida Yaya Ali ba kasan ranar sunzo su amma yayi dai-dai da ranar komawa asibiti basu taddasa gida ba, amma zuwa gobe ko jibi idan aiki ya ja baya zasuzo insha Allah...." Ya k'arashe yana mai maida dubansa ga b'angaren mahaifiyarsa had'ida gaidata... Amsa masa tayi yayinda Baba Malam yaci gaba da fad'in "Allah sarki, ai babu komai, komai sai Allah ya nufa.." Mik'ewa Baba Malam d'in yayi yana fad'in "Barin k'arasa daga ciki, Azumi idan kin gama da yaran naki a kawo min nawa abincin...."

Mama ta amsa masa tana mai k'ara abincin plate d'in Ali sabida Hafiz yace tare zasuci shida yayansa Ali....

Cin abincin kurum suke amma hankalin Ali naga budurwan nan data sadaukar da rayuwarta ta basa jininta, gashi ranar da suka zo basu samesa ba, fatansa ya sami lafiya sosai ya taka yajesa har yanda take ya mata godiyan babbar kyautar data masa wanda sam bashida abinda zai biyata duniyar nan sai addu'an alkhairi....

Hafiz yana hankalce dashi yanda ya k'urama waje guda idanu kana ya d'an muskuta bayan ya had'iyi abincin da ya kai bakinsa yace "Yaya Ali ka kwantar da hankalinka insha Allah tunaninka zai dawo kuma zaka san ko kai wanene tinda Likita yace idan had'ari makamancin abinda ya sameka ya kuma samunka akwai yuwuwar tunaninka ya dawo..."

D'an murmusawa Ali yayi kana yace "Kayya Hafiz da ace kasan yanda nakeji a kwanyata da bakiyi tunanin zan iya tuna wani abu nan gaba ba.. Hafiz ji nake bansan kowa ba sai ku, duk iya runtse idanuna da nakeyi wani sa'in har na kasa bacci duk domin na tuna wani abu gameda rayuwata a baya sam banayi saidaima ciwon kai mai tsanani da yake haifar min, shiyasa na yanke ma kaina cewa kune nawa a halin yanzu ni kuma tawa k'addarar kenan rayuwa biyu zanyi a wannan duniyar, a baya bansan koni waye bane amma a halin yanzu sunana Ali Yayan Hafizu kuma d'a ga Mama da Baba Malam, kasan tunanin da nake...?"

Hafiz ya girgiza kai alamun a'a. Ali ya kuma mik'e k'afafunsa kana yace "Wannan budurwar da kace ta bani jini nake so na ganta itama nai mata godiya domin gaba d'ayanku kunyi tarayya wajen ceto rayuwata, Allah biyaku da mafificin alkhairi...."

Murmushi Hafiz yayi domin an ambato masoyiyarsa Mairo dukda cewa batasan yana yi ba kana yace "Allah sarki Mairo kenan,... Ai Mairo ta wuce duk yanda kake tunani wajen kirki sannan da fari tak'i aminta a sanar dakai cewa ita ta baka jini saidai tak'urani da kayi yasa na sanar dakai..."

"Mairo...!" Ali ya maimaita a hankali kafin ya saki murmushi yana mai kallon wani gefen, baisan mai yaji gameda sunan ba amma haka kurum yaji kaman yanaso ya tuna wani abin, jin kansa na neman sarawa ya sanyasa kawar da tunanin daga cikin kwanyarsa... Muryar Hafiz ya dawo dashi daga duniyar tunanin da ya tafi...


"Yaya idan ka gama cin abincin sai mu d'aura karatunmu, yanzu na tabbata bakada matsala a fannin tsarki alwala da kuma sallah...."

Cikeda jin dad'i Ali ya jinjina kai kana yace "Alhamdulillah na ganesu gaba d'aya dama yau kace zaka d'aura min kan Azkar na shiga ban d'aki da sauransu...."

Hafiz ya jinjina kai kana yace "Allah Yaya kwanyarka tana saurin kama abu ga dukkan alamu kaid'in mai ilimi ne a baya, insha Allah kafin ka bar gaban Baba Malam sai Ka zamto babban Malami...."

D'an dubansa Ali yayi kana yace "Hafiz babu yanda zanje Baba Malam shine Baba na, nan shine gidanmu..."

Hafiz ya murmusa kana yace "Haka ne Yaya na amma bazanso ka tabbata a haka ba, ina fatan watarana zaka san kanka domin bamusan mai ka bari a baya ba....."

Shiru yayi baice komai ba yana jinjina maganganun Hafiz d'in cikin zuciyarsa....

***

*Suleja*


Zaune take saman Tabarma misalin k'arfe 7:30am tana faman had'a bead d'inta sana'ar da suka tashi bisa itada k'awarta Mairo, ita kad'ai sai murmushi take tana tuna wasu memories da suka sharing tare, ciki harda saita Malam Balarabe shugaban sa'idinawa kaman yanda suka rad'a masa, fad'a da 'yan hizba da dai sauransu, kai wato police stations na garin saida suka saba dasu sabida tsananin kawo k'arasu da ake... A hankali ta furta "Oh Mairo ina zan ganki, Allah sa kema kina tunanina kaman yanda nakeyin naki...." Ta k'arashe tana mai saita bead necklace d'in a wuyarta dai-dai sanda Ma'ajura tayi sallama hannunta d'auke da k'aramar jaka da kuma 'yar cooler....

Cikeda fari'a Zaliha ta amsa mata tana fad'in "Kece da sanyin safiyar nan, hallo bashi kika bina ko....?"

Dariya Ma'jura ta d'anyi kana tace "Wllhi shiyasa nake son kasancewa dake all the time kiyita min hausar nan taki dad'i taka min...."

Zaliha ta d'an dara kana tace "Yo gashi kuwa kin d'au hanyar koyo, wai ina zaki da safiyar nan....?"

"Wllhi aiki zan tafi, ina koyar da d'inki wani foundation na musakai haka, toh sun d'aukeni haya suna biyata duk wata ni kuma ina koyar da wasu daga cikin musakan masu buk'atar koyon sana'ar d'inki. Ina Umma ko ita ke kitchen.....?" Ta k'arashe sanda idanunta suka sauk'a saman wuyar Zaliha yanda sark'ar bead d'inta ya zauna yayi d'amar a wuyarta...

"Gaskiyarki kam yafi maki zaman kurum...." Zaliha tace sanda take k'ok'arin mik'ewa tsaye...

Ma'ajura ce ta d'an dafata tana rik'o sark'ar take fad'in "Ke ina kika sayi sark'ar nan tai kyau sosai, kodai Shehu master ne ya kawo don ko yanzu ma da zan wuce bakin kantinsa saida na gansa yana k'ok'arin bud'ewa yace min ina sabuwar k'awata nace yanzu haka ma gidansu na nufa..."

Zaliha ta shafa sark'a tana d'an dariya maras sauti kana tace " Wani Shehu Master ni Zaliha'u rufa min asiri don Allah da samarukan zamani basuda tabbas, ni na had'a kayata...."

Ma'ajura ta kuma dubanta cikin rashin yarda kana tace "Ke haba....?"

Zaliha bata daina dariyar ba tace "Au baki yarda ba koh, toh idan kina so sai na had'a maki sana'ata kenan...."

Ma'jura ta shiga santin sark'ar sosai tana fad'in tai kyau....

"Ki kawo kayan buk'ata kawai na had'a maki, don yanzu ma banida kayayyakin ne wasu na baro su can Tambuwal da na had'a maki...."

Ma'jura taci gaba da juya sark'ar tana mamaki kana tace "Toh idan har kin iya irin wannan mai zai hana na fad'iwa madam d'inmu ta foundation na tabbata zata d'aukeki don irin wad'annan abubuwan ake son koyawa musakai su sami abin dogaro..."

D'an jim Zaliha tayi kana tace "Tab kikace fah har cikin Abuja wannan nisa har ina, ai kud'in ma a abin hawa zai k'are kuma bayan haka sai Abbah ya barni koh..."

Ma'ajura ta jinjina kai kana tace "Wllhi salary mai kyau ake biyanmu ke mai degree ma ya sami wannan aikin namu tuni zaiyi wllhi ni sonki da alkhairi nake kinga sai mu dinga tafiya tare Yaya Safiyanu yana rage mana hanya tinda kabo kabo yake cikin garin Abujan... Amma ki sanarwa Umma kiji ta bakinta ni kuma zan baki kud'i ki sai kayan aikin kiyi kaman guda uku haka sai na kaiwa Aunty ta gani na tabbata zata yaba kuma zatace a kawo ki.. Ko yaya kika gani...."

Nan ma d'an jim Zaliha tayi kana tace "Toh shikenan yanda mukayi da Umma na sanar dake.... Ki tsaya kici k'osai mana...."

D'an girgiza kai tayi tana duban agogon hannunta kana tace "Kiyi hak'uri wllhi na makara kar Yaya Safiyanu ya tafi ya barni ki gaida Umma idan na dawo zan shigo insha Allah...." Ta k'arashe tana mai ficewa cikin sauri...

Kallo Zaliha ta bita dashi har ta fice, tana jinjina kirkin mak'otan nasu gidansu Ma'ajura domin a ranar da suka dawo garin Suleja Mamansu Ma'ajura ita ta basu abincin dare don isowar magariba sukayi, a gaskiya su Ma'ajura sunada mutunci da sanin darajar d'an Adam a haka Umma ta fito ta taddata tana tambayarta ba muryar Ma'jura ta jiyo ba...

"Eh itace Umma ta wuce aiki tana sauri kada ta makara tace a gaidaki idan ta dawo zata shigo...."

"Kai haba Zaliha shine baki d'ibar mata abincin ba taci, ga k'osai na kwashe kwaskon farko..." Umma tace tana mai d'an fad'awa Zalihan...


"Laa Umma wllhi sauri ne take shiyasa fah..."

"Nan gaba dai kar ki kuma barinta ta tafi sai taci abinci kinji koh..." Zaliha ta amsa tana mai gyad'a kai kana ta d'aurada zancen da Ma'ajuran tazo mata dashi nan suka shiga tattaunawa da Umma....


***


Shafa sumarta yake sanda tayi matashi saman k'irjinsa kana yaci gaba da fad'in "Waini yaya akayi aka barki kika fita baki gama iddan ba, mai kika ce masu...."

Tsaki ta buga don dama shi kansa Nasaar d'in maleji take yi dashi yanzu ta tabbatarwa kanta Ahidjo gwarzo ne a shimfid'a sannan samun kamansa zai mata wuya, ita sai yanzu ma take ganin tsan-tsan had'uwarsa, so tari takan tambayi kanta mai take nema ta rasa jikin Heedj da take ji sam bata k'aunarsa, wasu lokutan takan tambayi kanta amma sai ta rasa amsa, iyakacin abinda take iya tunawa shine duk sanda take kwance da Heedj bata hango fuskar kowa sai Uncle, duk duniyar nan shi kad'ai take muradin kasancewa dashi, wai shin shi baya jin haka daga gareta ne...? A duk sanda jikinta ya had'e dana Siraj takanji abubuwa masu rikirkita mata lissafi takanso shak'uwarsu ya wuce na wanda sukedashi a yanzu, wai shin duk mutumin da tun tasowarka bakada wajen zama sai jikinsa bakada wajen shagwab'a sai jikinsa wai shin haka ne ke faruwa dakai kokuwa dai itace kawai, wannan tunani sosai ya dameta, duk wasu manyan laifuka da take tapkawa ba sabida kowa bane sai don tsananin kishin Siraj da take ji bata tunanin abinda bai aikata da ita ba zata barsa ya aikata da wata macen.... Tabbas randa Uncle ya tareda wata mace zata iya rasa rayuwarta sabida tsananin kishi.... Muryar Nasaar ya kuma dawo da ita daga duniyar tunanin data tafi...


"Wai bakiji mai nace maki bane... Yaya akayi suka barki kika fito...?"

Tsuka ta kuma yi a karo na biyu ta mik'e tana kiciniyar saka suturarta don ko Lamid'o ya fiye mata Nasaar babu had'i, cikin takaici take fad'in "Wai ni 'yarka ce da zaka tasa gaba kana min tambaya kaman wata k'aramar yarinya... Banson damuwa ka gane, ba matsalarka bace sanin yanda akayi na fito...."

Ganin tayi fushi ya sanyasa kuma rungumota yana bata hak'uri cikin kashe murya yana mai dad'a jadadda mata Azeeza ta fita daga rayuwar Siraj har abada...

Abinda ya d'an sanyaya zuciyarta kenan sanin cewa Azeeza bata tareda Uncle a halin yanzu wannan dalili yasa take d'an d'agawa Nasaar k'afafu don tasan ya mata k'ok'ari, na farko kawar da Ahidjo da yayi na biyu kuwa kawar mata da Azeeza da yayi wannan dalili kad'ai yasa bazata watsar da Nasaar ba.....

*Toh gareku masu sakewa da yayye kawunai da sauransu, ansan cewa muharram tab'a jikinsa ba haramun bane, amma komai yanada limit, don Allah musan yanda muke mu'amala da wad'anda suke a sunan muharamman mu, shi d'an Adam dama kad'an zai samu shed'an ya sami hanyar shigowa rayuwarsa yana mai raya masa wasu abubuwa, kar mu mance ibilis mak'iyinmu yayi alk'awarin zuwa mana ta sama ta k'asa ta gaba ta baya da kuma ko wace b'angare ba don komai ba sai don son ya b'atar damu... Wllhi wllhi mu kiyaye mu dinga kula da yaranmu da Ubangiji ya bamu amana, da yawa yayunsu ke lalata masu rayuwa, da yawa kawunansu ke lalalata masu rayuwa duk don dama guda da aka bada, mu kiyaye musan irin rayuwa mai tsafta da ya kamata mu gina iyalanmu bisa, kar muyi tunanin wayewa ne kaga k'atuwar budurwa ta haye jikin wani k'ato ta rungumesa yana d'agata sama yanai mata wasa shi a dole ga kawunta koh... Toh kawu kayi hattara ibilis mak'iyinka da wannan dama da aka baka zai cutar dakai... Muyi hattara don Allah mu kiyayi rayuwa irinta yahudu da nasara sam ba wayewa bace ba kuma birgewa bace... Allah sa mu dace ya azirtamu da zuri'a d'ayyiba.. Ameen thumma Ameen...!*



*SameenaAleeyou📚*








*SameenaAleeyou📚**FUSKA UKU*🏮




*47*




*©Sameena Aleeyou...✍🏽*




*K'awayen arziki har kullum kuna raina, Halee Mekeke, Aysha B. Abdullahi (Shaby) Allah shi bar k'auna ya haskaka maku rayuwanku fiddunya wal akhira😍🤝🏼*






Kwance take hancinta rufe da tafin hannunta, turaren Ahidjo ne ta fesa a hannun tana shak'a, tunda ta soma laulayi bata son k'amshin komai sai na wannan turare, idan ta manne a hannicinta bata tunanin kowa sai na mijinta wanda har yanzu bata amince ya mutu ba, babu yanda Innah batayi da ita ta daina amfani da turare sabida takaba da take ciki amma ta kasa, kullum turaren cikin k'amshinsa take, Baffah ma yayi nasihan yayi lallashin yayi fad'an har ya gaji, Deejoh dai ta dage Yaya Ahidjo bai mutu ba, koda Innah ta d'auke turaren kuka tayita yi wanda har saida ya haifar mata da zazzab'i ga lalurar da take fama dashi dama, ala dole suka k'yaleta,...

Hawayen da suka zubo mata ta goge sanda ta tuna zuwansa, tun farkon had'uwarsu da kuma yanda tasan cewa shine mijinta, ta yaya ma zata yarda ya rasu, ita kawai bataji a jikinta ya rasu ba, da ace taga gawarsa k'ila da zata iya yarda ya rasu amma haka kurum azo ace mata wai ya rasu ita sam bazata yarda ba, zatayi ta jiransa har Allah ya dawo mata dashi... Tin daga cikin d'akin ta soma jiyo hayaniyar Gaje tana fad'in a fito a raba gado a basu kason d'iyarsu kuma dole ta d'auki Deejoh ta koma wajenta....

Innah a fujajan ta fito daga kitchen tana duban Gaje cikeda tsananin mamaki, Deejoh da 'yan hanjin cikinta suka kad'a cikin sauri ta mik'e tana goge ragowar hawayen idanunta, dukda juwa dake d'an d'ibanta bai hanata fitowa a daddafe ba....

Gaje idanu a tsafe babu kunya balle tsoron Allah cikin dashesshiyar muryarta taci gaba da fad'in "Balki idan kin sallama wa bariki d'anki