You Cannot Download this book untill you login but you can read it .

---

Login Register

ba bansan yaya zan soma sharing dakai ba...."

Wani irin haushi da takaici ta kuma basa, bai daina huci ba yake ci gaba da fad'in "Fine, na fahimceki Nana A, kuma sai yanzu na yarda da batun 'yar uwarki Nana H da tace min baku auren talaka Uncle d'inku bazai tab'a bari ba.... Na fahimci matsayina a wajen ki, zan tafi, zan tafi na fice daga rayuwarki completely, amma ki sani ban tab'a soyayya da wata mace ba saike kuma bazan sakeyi ba har abada....." Daga haka juyawa yayi ya fice cikin sauri kaman zai d'age wheelchair d'in nasa sama....

Dirshan ta zauna saman kujera had'ida kifa kanta tana kuka sosai...


Aunty Lami da bata jima da shigowa ba taga ficewar Junaid cikin wani irin yanayi da bata tab'a ganinsa ciki ba, hakan yasata saurin nufan ofishin Nana A don ta lura daga nan ya fito..

***

*Damaturu*

Tafe suke kan babur d'in nasu, babu mai cewa komai cikinsu domin kuwa sun tapka rashin sa'a a lokacin da suka isa gidan Umma Marie suka tarar babu kowa wani mak'oci ke sanar dasu ai sun tafi wajen sana'arsu kuma basu dawowa sai can yamma, sam basuji dad'in hakan ba musamman Ali wanda tun baiyi idanu hud'u da Mairo ba yake jin babban Al'amari a tattare da ita, ji yake wani abu na fizgarsa musamman idan ya tuna jininta ke yawo cikin jijiyoyinsa, a koda yaushe idan aka ambaci sunan Mairo yakan tsinci kansa uwa wata duniya na tunani wanda shi kansa bai isa yace ga tunanin tak'amaimen abinda yake ba, can k'asar zuciyarsa baida burin da ya wuce ya sanya Mairo cikin idanunsa... A hankali ya saki murmushi kafin ya furta "Mairo...!"

Hafiz dake tuk'in Babur d'in saida gabansa ya yanke ya fad'i, mai yasa zuciyarsa ta soma raya masa wani abu gameda Ali, shifa ya soma shakku irin yanda Ali ke matuk'utar son ya sanya Mairo cikin idanunsa, anya kuwa bazai fito fili ya sanar da Ali k'udirinsa akan Mairo ba, toh amma baijin kunyarsa zai barsa ya fito fili ya fayyace abinda ke zuciyarsa gameda Mairo uwa uba idan ya tuna Daddah da kalan masifanta sai yaji jikinsa yayi sanyi gaba d'aya, a wani b'angare na zuciyarsa tausayin kansa yake don ko kad'an Mairo batasan yana wannan aiki ba.... Saurin maida hankalinsa ga tuk'i yayi ganin tunanin na neman zautar dashi, cikin Ali da Hafiz kowa da kalan tunanin da yake har suka isa gida, tabbas su duka biyu sun aukawa tunanin mace guda wacce ko d'aya batasan sunayi ba....

***


*Abuja*


Lamid'o yana fita apartment d'insa ya wuce, yanda ya tarar da abubuwa na ban mamaki, tabbas akwai wanda ya shirya masa gadar zare a cikin wannan gidan kuma yabi kai ya auka..... Rik'e yake da kwalban whiskey da ya tsinta a parlorn nasa wasu tunanin suna yawo cikin kwanyarsa, ya jima yana bin parlorn da kallo kafin ya sinkayo muryar guard d'insa yana fad'in "Sir ya kamata mu fice a nan sabida Boss baisan zamu zo wajen nan ba idan ya sani zan iya rasa rayuwata kuma time d'in da ya d'ibar maka a waje ya kusa cikawa...."

Dubansa Lamid'o yayi da straight face kana ya jinjina kai yace "I won't get you into trouble JD kar ka damu... So may I use the restroom....?"

Jinjina kai JD yayi kana yace "I hope so don kasan Boss yana da idanu everywhere, don't take too long otherwise nidakai duka mu shiga trouble...."

Jinjina kai Lamid'o ya kumayi kafin ya nufi bedroom d'insa... A nan ne gabansa yayi wani irin bugu, inners d'in mace ya gani zube saman gadonsa had'ida wasu shirgin da ba Nana A ba koma wacece ta gani dole ta k'yamacesa...

Huci kurum yake zufa na kuma tsartsafo masa, cikin sauri ya fad'a bathroom d'in kafin ya cire takalmin k'afarsa guda, tsakiyar takalmin d'an tsagu ne lokaci guda ya zaro wata wayar salula daga ciki........


*SameenaAleeyou...📚**FUSKA UKU*🏮



*53*




*©Sameena Aleeyou...✍🏽*




Yana ciro wayar ya d'aga k'asan takalminsa yanda wasu lambobi ke rubuce lokaci guda ya shiga lodasu cikin wayar ko ba'a fad'i maka ba recharge card ne ya rubuta a wajen ya shigar cikin wayar tasa, take ya soma dialing wata layi,... Shiru shiru ba'a d'aga ba,... Desperately yake furta "Pick up... Pick up... C'mon..." Lokaci guda aka d'aga wayar,....

Magana sukayi na shud'ewar wasu dak'ik'ai wanda sam ko nima ban iya saurarowa ba, saidai daga bisani naji yana furta "Don't fail me please.... Sai ka jini, kar ka damu da kirana duk sanda na sami chance ni zan kiraka no one should know nida kai muna communicating.... I've to hang up... Kawai yanda na sanar dakai d'in..."

Jiyo k'aran footsteps d'in guard d'insa ya sanyasa saurin katse wayar lokaci guda ya cire SIM card d'in ya tura cikin ramin takalminsa kafin ya jefa wayar cikin toilet seat had'i da flushing d'inta....

Aiko yana fitowa daga bathroom d'in sukayi idanu hud'u da JD....

K'uri yayiwa Lamid'o yana karantarsa kana yace "What are you planning...?"

Kallon ban fahimceka ba Lamid'o ya masa kana ya murmusa da gefen bakinsa yace "I just used the bathroom ko shima za'a hanani ne...?"

Girgiza kai JD yayi kana yace "I hope you don't get us into trouble..."

Lamid'o dai bai furta masa komai ba saima k'ok'arin daidaita belt d'in wandonsa da yake lokaci guda yake furta "If you don't believe me, you can go ahead and search me...."

JD ya kuma dubansa kafin ya kai masa wata damk'a ya janyo wuyarsa yana furta "Let's get out of here...."

Haka ya janyo Lamid'o kaman wani rago ya jefasa cikin mota kafin suka d'auki hanya...

***

"Kana nufin babu hali naga Azeeza....?" Ya kuma tambaya a karo na biyu yana mai duban Nasaar d'in...

Wani irin takaici da haushin Siraj ya kuma shak'ure masa mak'oshi... Shafe goshinsa ya d'anyi yana k'ok'arin shanye takaicin Siraj d'in kana ya d'ago fuska yana mai dubansa yake fad'in "Siraj this is the condition, Akwai Uncle d'inta guda d'aya da yayi saura yana can garin Bama ta jihar Borno, ashe wajen shi ta gudu so shi kuma yana maganar aurar da ita ma koma waye, duk wanda yayi ra'ayi, shine ya kirani yana sanar dani zai mata aure in three weeks time, so ni kuma nasan yanda kake k'aunar Azeeza shine na nemi alfarma wajensa a matsayina na wanda ya rik'e Azeeza ya kuma bata kulawa na d'an gajeren lokaci da ya bani damar ragamar aurar da Azeeza a nan Abuja idan lokacin yayi da mijin da ya zab'a mata d'in, kaga ni kuma sai nayi amfani da wannan damar na aura maka Azeeza, so kaji plan d'in yanda ya kasance...."

Siraj gaba d'aya murmushin dake bisa fuskarsa ta kasa gushewa, ta yaya zai soma godiyawa Nasaar, yayi masa hallaci iri-iri a rayuwa, yayi masa abubuwan da sam bazai iya biyansa ba dukda cewa yana aiki k'ark'ashin company d'insu, Nasaar ya cika aboki na k'warai... Baisan sanda yayi hugging Nasaar d'in ba yanai masa godiya...

Shiko Nasaar wani irin zogi zuciyarsa ke masa, ya k'ware wajen tsara kalamai a matsayinsa na lawya shiyasa sam bai shan wahala wajen manipulating mutane....

Daga nan kai tsaye gida Siraj ya wuce da zummar sanar da Family d'insa batun saka auren nasa wanda ya kasance cikin gaggawa, ya sani Azeeza tana k'aunarsa can k'asar zuciyarsa ke raya masa wani abin ke damunta, Da dai ya bari a aura mata wani can wanda bata so gwara ya amince da auren nata koda bada saninta bane ya tabbata daga baya al'amra zasu daidaita cikin yardar Allah....

A b'angaren Nasaar kuwa kiran Mai gidansa Bulama ne ya shigo masa, take ya sanar dashi yana son ganinsa can gidan da suka saba had'uwa.....


Zaune yayi a parlorn yana jiran sauk'owan Bulama, mintoci kad'an ya sauk'o downstairs kaman kullum rik'eda sandarsa da yake dogarawa....

Yana isowa Nasaar ya mik'e ya isa garesa had'ida mik'a masa hannu, cikeda risinawa yake gaidashi...

Bulama ya amsa cikeda izza da isa kaman dai yanda yake a d'abi'arsa....

"Nasaar na kiraka ne kan maganar Junaid...." Ya fad'i cikin muryarsa da tsufa da girma ya kama sosai...

Jinjina kai Nasaar yayi yana mai ci gaba da dubansa yake fad'in "Alright Alhaji ina saurarenka...."

Bulama ya kuma jinjina kai kana yaci gaba da fad'in "Inaso ka samo min wancan police d'in da Junaid yayi amfani dashi wajen ganin bayan Ahidjo, ina son ganinsa cikin gaggawa sabida idan babu shi aikinmu bazai kammala ba...."

K'uri Nasaar yayi Bulama had'ida sauk'e ajiyan zuciya kana ya shiga jinjina kai yana fad'in "An gama Alhaji, zan nemo Sabi'u a duk yanda ya shiga ya fita...."

Bulama ya kuma jinjina kai murmushi kwance saman fuskarsa kana yace "Na yarda dakai d'ari bisa d'ari Nasaar, banada haufi akanka..."

K'ak'aro murmushi Nasaar yayi kana ya masa godiya lokaci guda yake k'ok'arin mik'ewa domin barin gidan, gaba d'aya Nasaar bashi a hayyacinsa sabida tunanin Azeeza dake neman zautar dashi, ga wani sabon aikin da Bulama ya b'ullo masa dashi, dole yanzu yasan yanda zaiyi ya cimma Sabi'u ko a ina yake kafin Bulama ya ankare da abinda yake shirin aikatawa, babban dad'in da yaji shine rashin tambayarsa inasu Hammad suke don ko shakka babu da ace ya tambayesa da bai san mai zai sanar dashi ba, sauri-sauri ya fice daga gidan kana ganinsa basai ance maka damuwa da d'imauta sun taru sun masa yawa ba.... Tabbas duk wanda ke aikata ba dai-dai ba bai tab'a samun nutsuwa da kwanciyar hankali saidai shi ya kasa fahimtar hakan....

***

A b'angaren Nana A sam bata iya ci gaba da zama a foundation d'in ba, dukda babu yanda Aunty Lami batayi ba domin ta sanar da ita mai ke faruwa, tana ficewa Cab ta shige abinda bata tab'a yi ba don bazata iya jiran Malam Sile yazo d'aukanta ba...

Daga yanda Nana H ke zaune cikin guarding tana shan hasken rana mai k'unshe da sinadarin vitamin D, fatarta sai faman shek'i da k'yalli yake, wasu kaya ne marassa nauyi a jikinta sai wani d'an gyale wanda ta d'aure sumarta ciki, kallo guda zaka mata kayi zaton ba 'yar Africa Nigeria bace, santala-santalan k'afafunta wanda babu ko k'wallin gashi jiki ta mik'esu saman kujera guda hannunta d'auke da wani glass cup wanda k'asansa yake dogo sosai, kana iya hango fruits d'in dake cikin kofin tana faman cakalan kayan lambu da wani d'an tsinke hannunta....

Gaba d'aya bazakayi zaton wai wannan d'in takaba take ba, kodashike abinka da wad'anda addini bai ishesu ba a cewarsu takaba kwana arba'in ne wai sauran kwanakin kuma iddah ne, wai a iddar mace zata iya yin komai dangi su kwalliya fita maras k'wakk'waran dalili da sauransu wani sa'in ma harda neman aure cikin iddah, Allah ka tsaremu kayi mana rahama da wayewa irinta addinin islama... Sam basusan cewa takaba bahaushe ne dai ya saka masa suna haka amma a addinance sunansa gaba d'aya iddah ne, kuma iddar macen da mijinta ya mutu wata hud'u ne da kwana goma, ita ba jini ake k'irgawa ba kaman macen da mijinta ya saketa wacce ita jini ake k'irgawa... Macen da mijinta ya mutu ya barta da juna biyu kuwa iddarta yana k'arewa ne da zaran ta haihu, ko yau mijinta ya mutu ta haihu washe gari tabbas ta gama iddarta kuma manema zasu iya nemanta zakuma tayi aure, ita haka iddar wacce ta haihu yake....

Daga yanda ta hango 'yar uwarta ta tabbata duniyar tai mata babu dad'i, wani murmushi ta saki domin ganin Nana A cikin damuwa ba k'aramin faranta mata yake ba, a hankali ta mik'e tana mai janyo yalolon doguwar rigar jikin nata ta nufi Nana A....

"Sis lafiya, what's wrong, meke damunki? Wait ya na ganki haka waye yayi dropping naki, badai wancan mayaudarin bane kika kuma basa k'ofa....?" Gaba d'aya tambayoyin a jere ta jefo mata su, Asma'u kam bata kuma iya cewa komai ba sai wani sabon kukan da ta fashe dashi lokaci guda ta fad'a jikin 'yar uwar tata tana yin mai isarta....

Nana H dai ware idanunta ta shigayi tana mai tambayar kanta toh mai ya sami musakiyar 'yar uwarta, yanzu haka bazai wuce kan namiji take wannan uban kukan ba, ita bata tab'a ganin doluwa mai kuka wa soyayyar namiji ba irin Asma'u, ta tabbata wannan kukan bazai wuce akan Lamid'o bane ko wancan musakin gold digger d'in.....

K'ok'arin d'agota tayi tana mai lallashinta had'i da rik'ota suka k'arasa saman kujerun da Nana H ke bisa suka zauna... Lokaci guda take tambayarta ta sanar da ita abinda ke damunta....

Bud'e baki Nana A tayi da niyyar magana amma ta kasa domin wani sabon kukan ne ya taso mata, Nana H ta kuma matsowa kusanta had'i da rungumeta, fuska fal damuwa take fad'in "It's okay Sis, I'm here okay, I'm here for you, ki daina kuka kinji..."

Sun d'an jima a haka Nana H na lallashinta kafin tayi k'ok'arin saita kanta, goge hawayen fuskarta tayi had'ida furta "Thank you Sis, thank you for always being here for me...."

Nana H ta girgiza kai murmushi saman fuskarta kana tace "Oh no no Sistu, you don't have to thank me for anything okay, amfanin family kenan, always support each other, so tell me meke damunki... ?"

Jinjina kai ta d'anyi tana mai kuma maida ragowar k'wallan idanunta nata take fad'in "Nana H, I'm so confused bansan meke damuna ba, and....and I'm completely lost that I don't know what to do anymore.... I'm so scared Nana H...." Ta k'arashe cikin tsananin rawar murya....

Kamo hannayenta Nana H ta kuma had'ida rik'esu cikin nata kana ta soma fad'in "Asma'u ban fahimceki ba, kimin bayani yanda zan fahimta may be I can help, amma yanzu kin barni cikin duhu ne, sam ban fahimci mai kike nufi ba...." Ta k'arashe idanunta k'uri kan Nana A d'in

Gingina mata kai Nana A tayi cikin murya mai tsananin rawa ta labarta mata tsaf yanda sukayi da Lamid'o da kuma Junaid.....

Juya idanunta Nana H tayi kana tace "There you go Nana A, ke yanzu kin yarda da Lamid'o ne, da idanunki kinga abinda ya aikata sannan ni ban yarda gaskiya yake fad'i ba kawai so yake ya kuma yaudarar ku daga ke har Uncle dasu Ammah, ya sanni yasan ni bazan tab'a yarda da k'aryarsa ba, haba Nana A why are you so naive, sai kace ba mace ba kike bari namiji ya maki wayo, ai mata aka sani da makirci idan ma wani makircin yake shirin had'a maki, shin dama kin yarda Lamid'o zai k'aunace ki tsakani da Allah ne, ai babu namiji mai cikekken lafiya da halitta da zai so ki tsakani da Allah a yanda kike d'in nan, mai kike tunani randa Lamid'o ya aureki kika tare gidansa yaga k'afarki ta roba muraran a zahiri babu covers da dogayen skirt dake rufe maki su, kina tunani zai soki a haka ne,...? Let me tell you this kyaun fuskarki shine kawai yake zautar da Lamid'o kuma shima d'in ba wani dalili bane illa confusing d'inki da yakeyi dani..."

Da mamaki Nana A ke dubanta kana tace "Ban gane ba, ya tab'a cewa yana sonki ne....?"

Nana H ta kuma murmusawa kana taci gaba da fad'in "Asma'u kenan, shiyasa ake saurin yi maki wayo a abubuwa da dama, shin baki tab'a kula da irin kallon da Lamid'o ke bina dashi ba idan muka had'e waje guda...? Toh waima meye dalilin da yasa sam nidashi bamu jituwa...? Ko kinsan tun kafin Heedj ya aureni Lamid'o ke sona, nice dai nak'i basa k'ofa na kuma sanar dashi Heedj nake so shi kad'ai sannan har bayan aurenmu da Heedj bai daina damuna ba yana bibiyata a bayan idon Heedj, na masa d'add'aya na sanar dashi ni ba irin wad'annan matan da yake tunani bane na kuma gargad'esa idan bai daina damuna ba zan sanar da Heedj toh kinji dalilin da yasa sam nak'i jininsa, dalilin da yasa sam bamu jituwa, shine da yaga haik'an bazai mallakeni ba bazai kuma sami goyon bayana ba ya soma nemanki.... Kuma barikiji na fad'a maki wani abu guda da namiji mai neman mata, shifa ko auren yayi ko ya aureki bazai daina bin na layi ba, kuma koda ace zai auri mata hud'u bazai daina hangen na waje ba, kina zaune a gida yana can yana holewarsa da wasu matan a hotels daban daban musamman mace irinki mai nakasa a tattareda ita,,.. Asma'u wllhi wllhi kada kiyi gangancin amincewa auren Lamid'o a banza zai saka maki ciwon zuciya ki mutu ya d'ibi dukiyarki na gado ya auro wata macen mai lafiya mai cikan halitta da dukiyar da kika bari masa, kinga kuwa ya kashe ki ya auro wata da dukiyarki....." Ta k'arashe tana mai tsare Nana A da k'wayan idanunta....


Wani irin sanyi k'alau jikin Nana A yayi, yanzu Lamid'o dama haka ya nemi 'yar uwarta da aurenta... Wa'iyazu billah, lallai dole Nana H ta tsanesa kuma dole bazata so taga wani nata dashi ba, lallaima namiji baida kunya, idan kuwa haka ne tabbas ta yarda Lamid'o ba k'aunarta yake ba kawai dai don bai sami yanda yake so da Nana H bane, wani irin hawaye masu d'umi taji suna gangaro mata, tsanar da batayiwa Lamid'o baya ba taji na taso mata, kai gaba d'aya ji tayi ta tsani duk wani namiji, zuciyarta ta karaya da yawa, rayuwar duniyar gaba d'aya taji ya kuma fita daga ranta...

A hankali ta rungume Nana H tana mai tausaya mata faman da tayida Lamid'o yanda ya dinga bibiyarta bata sanar da kowa ba ko Uncle balle Heedj, ta rufa masa asiri ta kuma tsare mutuncinta da aurenta, tabbas ta yarda Lamid'o bak'in kumurci ne mai mummunar guba.... Ta lumshe idanunta a hankali wasu hawaye masu d'umi suka gangaro mata....

Nana H kuwa murmusawa kurum tayi don ta tabbata Lamid'o ya gushe ya zama tarihi a zuciyar Nana A, ita kuma a yanzu zatayi amfani da wannan damar ta kuma mallakan Lamid'o musamman da yanzu babu Heedj, Lamid'o ne kawai zai maye mata gurbin Heedj a halin yanzu....

A tare suka shige gida bayan Nana H d'in ta kuma lallashinta da k'arfafa mata gwiwa wajen yin watsi da Lamid'o da kuma k'aryarsa, a parlor suka tarar da Ammah da alama sauk'owarta kenan, ganin su haka rungume da juna ya sanya Ammah sakin murmushi mai sanyaya zuciya, wani dad'i taji zuciyarta na mata tabbas duk randa FUSKA UKU na jikokinta suka had'e waje guda babu wanda zai kaita farin ciki, fuskar d'anta marigayi take hangowa a fuskokin nasu, Allah sarki bawa kar ya yanke tsammanin rahama daga ubanjinsa gashi dai Nana Khadija da yardar Allah zata dawo cikinsu, cikin danginta wanda batasan dasu ba sama da shekaru ashirin... A hankali ta furta "Allah ka nuna min wannan rana ranar da Khadija zata dawo cikin gidan nan kafin na bar duniya...."

Muryar Nana A ta jiyo tana mai amsawa da "Ameen Ammah, Nana K ta kusa dawowa cikinmu insha Allah, jikina yana bani tana kusa damu..." Ta k'arashe sassanyar murmushi saman kod'edd'iyar fuskarta..


Nana H kuwa dubansu kawai take tana murmushi, cikin zuciyarta take fad'in "Saidai kuyita mafarkinku amma Nana K kam ta tafi da tafiyarta, duk wata hanya da nasan zai sadata da wannan family d'in sai nabi na rufeshi, she's already in the past, I'll not allow her to ruin my present..." Muryar Ammah ce ya katse mata tunanin nata sanda ta bud'e duka hannuwarta biyu tana fad'in "Kuzo 'ya'ya na..."

Cikin sauri suka kuwa k'arasa had'ida yin hugging d'inta.....


***



Yau tinda Ma'ajura ta dawo sallah kawai tayi ko cin abinci bata tsaya yi ba ta nufi gidansu Zaliha da labari mai dad'i cewa ana nemanta gobe a foundation d'insu...



Zaliha murna kaman mai gashi dama Abbanta ya amince mata zata iya faran aikin idan dai an d'auketa, haka suka sanya abincin da Ummah ta zuba masu gaba har ya gama hucewarsa basu sami zarafin ci ba sai faman zuba labari suke Ma'ajura na sanar da ita yanyin foundation d'in nasu da kuma working hours da dai sauransu, Ummah dai tayi maganar su bar surutu suci abinci har ta gaji k'arshe dai murmushi kawai tayi tana mai jin dad'in yanda suka sake da juna tamkar wasu 'yan uwa, cikin ranta take saka masu albarka had'ida fatan nasara a sana'ar tasu....

***

Misalin k'arfe takwas na dare Siraj ya tadda Ammah a d'aki tana mai sallame sallar lisha, saman stool ya zauna yana jiranta ta ida lazimi, mintoci kad'an suka shud'e kafin Ammah ta maido da dubanta ga Siraj wanda ya k'urama waje guda idanu sihirtaccen murmushi kwance saman fuskar sa....


Murmushin itama take tana mai dubansa domin ba k'aramin dad'i takeji ba taga iyalan nata cikin farin ciki....

"Babana an shigo, wannan murmushin naka ince dai lafia...." Ta fad'i tana linke abin sallarta had'ida aje cazbahan bisa....


Siraj ya tattaro hankalinsa ya maidosu ga Ammah kana yace "Eh Ammah lafiya lou, dama wata magana ce ke tafe dani..."

Aifa nan Ammah ta fad'ad'a murmushinta don a zatonta labari mai dad'i aka samu gameda Nana K...


"Toh ina saurarenka Allah sa ka sanar dani Khadija zata dawo gidan nan ne gobe gobe...."

Jikin Siraj ya d'anyi sanyi da jin kalaman Ammah... D'an sosa k'eyarsa yayi had'ida gyara zama yayinda Ammahn ke lura da canzawan yanayinsa...

"Ina saurarenka Sirajo sanar dani meke faruwa,...." Ta kuma fad'i wannan karan damuwa ya d'an nuna itama a fuskarta, bata fatan Siraj ya sanar da ita an sami kuskure ba da gaske bane Nana K na raye...



D'an sosa k'eyarsa ya kumayi kana yace "La.. Lafiya Ammah, maganar Nana K kuma sai gobe mukayi zamu kuma had'uwa da Lamid'on kinsan ya fini sanin case d'in dole na nemi taimakon sa..."

Ammah ta jinjina kai tace "Ai babu damuwa yau da goben duka d'aya ne, toh akwai wani abu ne.....?" Ta k'arashe tana dubansa



Saida ya kuma muskutawa kana ya soma fad'in "Ammah dama... Dama kan maganar Azeeza ce, an sanya mana aure nan da sati uku....."

Ai baikai aya ba ta katse sa da fad'in "Rufe min baki, sabida bakada hankali yarinyar data gudu a sabida bata k'aunarka taje can uwa duniya ta gama tambad'ewarta shine za'a lik'a maka da aka rasa yanda za'ayi da ita... Wannan ta gujeka kafin aure toh mai kuma kake tunanin zatayi bayan auren... Kana jina kar na kuma jin kayi maganar wannan yarinyar a nan gidan, a baya na tausaya mata dashike bansan mummunar halinta ba, amma yanzu kam dana sani ina numfashi bazan bari ka auri wannan yarinyar ba kaji na fad'a maka...." Ta k'arashe tana mai hura hanci..




Tunda ta soma magana kan Siraj a k'asa yake, zuciyarsa na masa wani irin zafi, yayi tunanin ya sami Azeeza bazata kuma kubce masa ba sai ga wani babban tashin hankalin dake shirin kunno masa daga wajen Ammah wacce a baya bai tab'a rasa support d'inta ba a duk abinda yasa gaba...


A galabaice ya d'ago yana duban Ammah kana yace "Ammah don Allah kar ki hanani samun farin ciki ..."

Bata bari yakai aya ba ta kuma katsesa da fad'in "Ka min shiru nace maka, idan kaje ka auri wannan yarinyar wllhi kaji na rantse maka bada yawuna ba, waya sani ma ko 'yar lek'en asiri ce, from nowhere ta shigo rayuwarka tashi guda ta zautar dakai, wama yasan uwar me ta saka maka kaci, kaji na rantse bazaka auri yarinyar nan da goyon bayana ba..."

Nana H da tunda tazo wucewa ta jiyo hargowar Ammah tuni ta mak'ala kunnenta jikin k'ofar,