You Cannot Download this book untill you login but you can read it .

---

Login Register

tafi ta barsa da k'ura a kullum.... Gefen hanya Nasaar ya samu ya paka motarsa had'ida kifa kansa jikin steering wheel k'irjinsa naci gaba da masa wani irin zogi, tabbas wannan karan kam bai shirya barin Azeeza ma kowa ba, he'll fight for her love even if it will cost him his life.....


***

Bayan sati biyu da faruwan wannan Al'amari jigum Ayiya tayi tana kallon irin rayuwar da ake a gidan marigayi Mas'ud Laushi wai da sunan musulmai, ace Ahidjo ya mutu amma su kasa neman iyayensa da danginsa su sanar dasu, basu san ko iyayensa na raye ba, ko suna mace, Nana H dake lab'e jikin staircase tana sauraren Ayiya da Ammah cikin sauri ta nufo downstairs tana mai matso hawaye ta fad'a jikin Ammah a guje tana fad'in "Ammah yanzu shikenan daga mutuwar mijina an soma zancen a nemo danginsa ko wata mijina baiyi ba za'a soma d'aga min hankali da nemo danginsa, Ammah da wanne zanji da zafin mutuwar mijina koda nemo danginsa Ammah dan Allah kada ki biye wannan matar ko kuma wllhi nima mutuwa zanyi idan aka tak'urani....." Ta k'arashe tana kuka sosai..

Lallashinta Ammah ta shigayi tana sanar da ita bazata kuma jin maganar ba har sai ta dawo cikin hayyacinta.... Nana H kuwa jin haka ta d'ago idanunta ba tareda Ammah ta kula ba tana mai watsawa Ayiya mugun kallo had'ida sakar mata makirin murmushi...

Girgiza kai kurum Ayiya tayi tana mamakin yanda son zuciya yayi tasiri tsakanin Al'umma a wannan duniya tamu, tabbas akwai gyara sosai cikin rayuwan gidan Mas'ud Laushi, sabida tsananin takaici Ayiya bata iya furta komai ba sai mik'ewa da tayi ta bar parlorn, Nana Hafsatu ita ke juya gidan yanda taso, kuma babu mai taka mata birki... Wannan abu sosai yake k'ona zuciyar Ayiya, tasha attempting barin gidan amma sabida Nana A sai ta fasa, tasan idan ta tafi Hafsatu zata iya cutar da ita sannan sam su iyayen basa ganin hakan, fatanta Allah ya wankar masu da idanu su soma ganin wacece d'iyar tasu....

***

Yau kusan kwanaki kenan daga Deejoh har Innah suna wasu irin mafarkai barkatai gameda Ahidjo, Innah kullum cikin addu'a take tana rok'on Allah ya tsare mata d'anta a duk yanda yake, ita kuwa Deejoh k'uryar d'aki shine wajen yinyinta don tinda Yayanta kuma mijinta Ahidjo ya tafi walwalarta ya tsaya a gidan, kullum rungume da kwalban turaren da ya bata take bacci ko fesawa batayi tsaban taltala turaren da take tana kallon mijinta a jiki, a kullum zuciyarta bai tab'a karaya cewa Yaya Ahidjo bazai dawo ba tasan tinda ya mata alk'awari tabbas zai dawo d'in, wannan take tunawa taji ta sami natsuwa sosai cikin zuciyarta...

A can Abuja kuwa Sabi'u gaba d'aya ya rasa wanne zaiyi, shin ya tafi can gida Misau ya sanar masu ne ko kuwa, wata zuciya tace cin amanar taka zaiyi yawa idan bakaje ka duba mahaifansa da kuma iyalinsa da ya barta, take Sabi'u yaji zuciyarsa na raya masa washe gari yayi asubanci zuwa garin Misau ta jihar Bauchi


****


A garin Damaturu kuwa da k'yar da sid'in goshi aka shawo kan Daddah ta yarda Hafizu yake zuwa yana basu karatu, duk bayan lisha suke karatun a farfajiyan gidan Umma Marie, tuni Daddah ta tilastawasu Dakura suma suka soma zuwa karatun, idan ka zauna a majalisin karatun ko ka k'i sai kayi dariya, Malam Hafizu kam nashan fama, gashi da alama idanunsa sun sauk'a kan Mairo saidai kunya irin tasa ta kasa barinsa ya nuna, shiko baisan wacce idanunta ta sauk'a kansa Dakura bace, abun har mamaki yake baiwa Balaji mahaifin Dakura yanda ta rik'e karatun bilhak'k'i bayan a baya babu kalan yak'in da baiyi da ita ba kan zuwa islamiya, amma yanzu lisha nayi ta janyo Falmata sun tafi, har alla alla take tajeta taga Malam Hafizu, su Dakura harda d'inka hijabai ta raba masu gaba d'ayansu, ga wani sabon k'awancen da ya shiga tsakaninsu da Mairo...


Malam Hafizu yana gama parking Babur d'insa wayan mahaifinsa Baba Malam ya shigo masa...

Da sallama ya amsa saidai jin muryar mahaifin nasa wani iri ya sanyasa dakatawa... Lokaci guda Hafizu ke furta "Baba kana nufin yau ya farka....?"

Daga d'aya b'angaren Baba Malam yace "Hafizu maza kazo gida ina nemanka, ina tsammanin Allah ya masa cikawa...."


Take Hafizu yaji jikinsa yayi sanyi k'alau lokaci guda ya jinjina kai yana mai amsawa da "Toh Baba..." Kafin ya isa Babur d'insa..

Bai ida hawa ba ya hangi Mairo tana fitowa da abin shimfid'a wanda suke zama bisa suyi karatun, tana sanye cikin dark blue hijab wanda ya fito da haskenta sosai....





*SameenaAleeyou📚**FUSKA UKU*🏮




*42*




*©Sameena Aleeyou...✍🏽*






Cak Hafiz ya tsaya yana duban Mairo ba tareda ya iya burka babur d'in ba, zuciyarsa tana mai ci gaba da bugu bai tab'a tsintar kansa cikin matsananciyar soyayyar wata mace ba sai akan Mairo, dama shid'in tun can mutum ne da bai shiga sabgan mutane, haka nan Allah yayisa da tsananin kunya kaman mace kai har yafi wasu matan ma, inama zai iya sanar da ita gyambon datajiwa zuciyarsa ko zai sami sassauci... Muryarta ne ya dawo dashi daga duniyar tunanin da ya tafi...

"Malam badai tafiya zakayi ba, kayi hak'uri dan Allah abin hawa ne su Dakura basu samu da wuri ba kuma gasu nan tafe don yanzu haka da mukayi waya tace min sun samu, kayi hak'uri Malam bara na kawo maka ruwa..." Ta k'arashe tana shimfid'a darduman dake a hannunta

Tunda ta soma magana Hafiz ke dubanta, cikin sauri ya kauda idanunsa daga kanta gudun kada ta d'ago su had'a idanu ta fahimci mai yake ciki, take kuma ya tuna Baba ke kiransa da kuma abinda ya fad'i masa a waya....

D'an k'ak'aro murmushi yayi kana yace "Maryama baiwar Allah (Haka nan yake kiranta) kuyi hak'uri wllhi wani uziri ne mai girma ya taso daga gida, Baba yana buk'atata cikin gaggauwa kar ku damu yau kowa ya huta..." Ya k'arashe yana k'ok'arin yin key wa Babur d'insa...

Daddah da fitowarta kenan dama da k'yar ta mik'e donma Mairo ta b'oye tuwo tace babu mai ci sai an dawo daga karatu shiyasa ta mik'e ta fito karatun bai wai don taso ba... Ai jin Malam Hafiz yace yau babu karatu sai ta shiga washe baki tana fad'in "Yauwa Malam d'angari, wllhi yaron nan shiyasa fah kake burgeni, yo kwanya ma ai tana son hutu, jeka abinka zo na bud'e maka k'ofa..." Ta k'arashe tana tattare hijabinta had'i da hangame masa k'ofa...

Mairo dai duban Daddah kurum take tama hanata ta tambayi Hafiz ko lafiya Baba yake don taji yace wani babban uzuri ne ya taso... Kai Daddah bazata tab'a canzawa ba dai..... Yo Daddah kam ina ruwanta dad'i ya samu babu karatu harda taka rawarta...

Hafiz dai sadda kai kurum yayi ya fice cikin sauri yana mai addu'an Allah ya tashi kafad'un wannan bawa nasa....

Malam Hafiz na ficewa su Dakura suka iso, aiko ta hangi wulk'awan Babur d'insa cikin sauri ta k'araso haraban gidan ta baro Falmata na biyan mai adaidaita, nan ta tadda Mairo na linke dardumarsu ta zama...

"A'a Mairo ina Malam d'in ya tafi, kardai shid'in na gani na ficewa daga layin nan...."

Mairo ta jinjina kai sanda Daddah ke rangad'a mata kira daga cikin gida tana fad'in tazo ta basu tuwonsu idan ba horon yunwa zata masu ba...

D'an girgiza kai kurum tayi kana ta dubi Dakura tace "Wllhi wai wani uzuri ya taso masa daga gida, kinga mafa Malam na k'ok'ari k'ila d'an lokacin da yake zuwa hirarsa muke amfani da ita, wllhi yana mana k'ok'ari sosai..."

Dakura ta d'anyi jim kana tace "Amma kinaga Malam Hafiz anya nada budurwa kingafa ko kallon mata bai iyawa...."

Tak'aitaccen dariya Mairo tayi tana buge darduman bayan ta linke kana tace "Toh kodai kina ciki ne kam da har kika iya gano hakan...."

Murmusawa Dakura tayi tana mai bin Mairo da kallo kana tace "Kyaji dai dashi ni bara na k'arasa wajen Daddah ta tace min kutittiriya muyi fad'a..."

Isowar Falmata kenan take fad'in "Wllhi kuwa Mairo idan tayi tsami zamuji, kullum ko a gida zancen kenan Malam Hafiz, kinsan ma ranar ashe har recording karatunsa tayi sanda yake mana k'ari...."

Mairo mai zatayi banda dariya... Tafewa sukayi itada Falmata suna dariya suke fad'in "Ashe dai ustaz yayi kasuwa...."

"Kanku dai akeji...." Cewar Dakura kana ta shige ta barsu suna ci gaba da kwasan dariya...

***

Hafiz na shigowa d'akin ya hangi Mamarsa Yaya Azumi da kuma mahaifinsa Baba Malam kan mutumin da ya tsinta cikin kwalbati sati biyu da suka shud'e a hanyarsa ta dawowa gida...

Yaya Azumi tanakan murza wani ganye a hannunta Baba Malam na shafe goshin maras lafiyar dashi, dashike Yaya Azumi likitan gargajiya ce, Allah ya mata baiwan sanin magunguna da dama....

Cikin sauri ya k'arasa shigowa d'akin yana kai hannu jikin maras lafiyan yake fad'in "Baba da gaske ya cika....?"

Girgiza kai Baba Malam yayi kana yace "A zatona ya cika sanda naga jikinsa na mimmik'ewa amma sanda mahaifiyarka tazo ta tabbatar min da sauran ransa bai cika ba.... Hafizu idan muka bar wannan bawan Allah a nan ba tareda kulawan asibiti ba zai iya mutuwa, tabbas mahaifiyarka na iyaka k'ok'arinta amma jikin nasa tsanani yake kumayi, ace yau sati biyu idanunsa na rufe baisan yanda yake ba, inaga gwara mu nemi taimakon asibiti..."

Jinjina kai Yaya Azumi tayi kana tace "Mahaifinka yayi gaskiya Hafizu asibiti shine kawai taimakon da zamu k'arasa masa....."

Girgiza kai Hafiz yayi cikeda tashin hankali kana yace "Baba ku gane, yanzu lokacine da muke ciki na tsananin tsaro, haka kurum baza'a karb'i mutumin nan a asibiti ba sai da rahoto daga jami'an tsaro, idan muka kaisa mu kuma zamu jefa kawunanmu ne cikin had'ari don za'ace dole mu fad'i waye ya masa haka, kundai san yanda yanayin garin yake ....." Ya k'arashe damuwa fal fuskarsa...

Jinjina kai Baba Malam yayi kana yace "Kuma fah tabbas ka fad'i gaskiya Hafiz musamman idan akayi la'akari da kamala ta addini da mukedashi, tabbas wani ma ya samu hanyar mana cune.... Amma Hafizu bazamu barsa haka nan ba, wannan bawan Allah ban zaci zai kawo war haka a raye ba, tabbas Allah shi yasan dalilin da yasa ya bar wannan bawa nasa a raye.... Hafizu dole muyi wani abun, Allah kad'ai yasan dalilin da yasa mutumin nan ya fad'o hannunmu...."

Jinjina kai Hafiz yayi kana yace "Haka ne Baba...!" Shiru ya d'an ratsa tsakani ko wannensu yana tunanin mafita, lokaci guda Hafiz ya tuna da abokinsa Sahal wanda sukayi collage tare kafin Sahal ya tafi jami'ar Maiduguri ya karanti likitanci, a halin yanzu Sahal babban likita ne a babban asibitin Damaturu.....

Cikin sauri Hafiz ya soma murmushi yana hamdala yayinda Baba Malam da Yaya Azumi suka bisa da kallo suna jiran suji menene ya tuna....

"Baba Mama mun samu mafita da yardar Allah, ai kun tuna Sahal abokina da muka fara Kwaleji tare...."

A tare suka jinjina kai Mama Azumi tana fad'in "Tabbas aiko kwanaki ma yazo nan ya gaisheni...."

Hafiz yaci gaba da fad'in "Yanzu ai babban likita ne, zan kirasa yazo har gida mu tattauna matsalar idan ma shi zai kaisa asibitin kunga babu wanda zai zargemu... Ko ba haka ba...." Ya k'arashe yana dubansu gaba d'aya..

Murmusawa Baba Malam yayi had'ida bubbuga kafad'un Hafiz kana yace "Allah ya maka albarka Hafiz, hak'ika kai D'A NAGARI ne burin ko wasu iyaye, har kullum ina alfahari dakai, Allah ya maka albarka, Allah yasa ko bayan raina ka rayu akan wannan turba da kake bisa....."

Gaba d'aya murmusawa suke harda Yaya Azumi, har k'asar zuciyarta take jin dad'i idan taga tilon d'an nata da mijinta yanda mu'amala keda kyau da tsafta a tsakaninsu, tabbas iyaye masu kausasa harshe akan 'ya'ayansu suke jefa 'ya'yan nasu cikin fitintinu na rayuwa wani sa'in... Allah ka ganar damu iyaye mu zamto masu saka albarka cikin rayuwar d'iyoyinmu sabida su d'in kiwo ne Allah ya bamu kuma zaya tambayemu gameda yanda muka tarbiyantar dasu.....

Washe gari kuwa Dr Sahal ya amsa kiran Baba Malam cikeda girmamawa, Baba Malam ya masa bayanin komai da alfarmar da suke nema daga garesa....

Cikeda girmamawa Sahal yace "Haba Baba wllhi kun wuce ku nemi alfarma daga gareni, abubuwan alkhairi da kukayimin a baya a dalilin Hafiz bazan tab'a mantawa ba... Baba zanyi insha Allah, bayan haka taimako kukayi nidai d'aurawa kawai zanyi akai, Allah ya waita irinku a Al'umma...."

Ameen Baba ya amsa dashi yana murmusawa cikeda jin dad'i kana yace "Kaima Allah k'aro likitoci irinka Malam Sahal, mu shiga ka gansa....." Ya k'arashe yana k'ok'arin mik'ewa Sahal yayi saurin taimaka masa kafin suka shiga d'akin a tare yanda wannan bawan Allah ke kwance tamkar gawa idanunsa a rufe ruf..... Cikin sauri Sahal ya k'arasa ya shiga 'yan dube-dubensa da wasu 'yan kayan aiki da yazo dasu....

Ya d'an jima yana dube duben kafin ya fito parlor ya taddasu gaba d'aya suka mik'e suna jiran ta cewar Dr Sahal...

D'an shafa goshinsa yayi kana yace "Zuciyarsa bata daina bugawa ba saidai yaji raunuka masu tsananin muni, ba iyaka wad'anda kuke gani a fili ba harda ciki wanda a turance muke kira internal injuries, sabida haka dole mu tafi asibiti sabida idan ba wani ikon Allah ba zuciyarsa tana gab da daina bugawa, zamu tafi asibiti yanzu, kar ku damu ni zanyi komai insha Allah...." Ya k'arashe yana mai kiran wani abokin aikin nasa yana mai sanar dashi a shirya d'akin tiyata.....

Godiya sosai su Baba suka dinga yima Dr Sahal, kafin Sahal da Hafiz suka ciccib'i mutumin suka fita dashi zuwa motar Sahal dake pake bakin lungun.....

***

Da sallama ya turo k'ofar office d'in nata murshi saman fuskarsa kafin ya d'an bubbuga k'ofar a hankali da zoben dake yatsar sa yana mai fad'in "May I...?"

Gyara zamanta tayi murmushi saman kyakkyawar fuskarta kana tace "Sure, please come in..."

Har ya shigo cikin office d'in murmushi bai bar saman fuskarsa ba, d'an gefe da ita ya paka wheelchair d'in nasa kana yace "Are you still working.... Haba Gorgeous ki daina stressing kanki da yawa please, ke duk wanda ya jima yana aiki kina biyansa overtime ke kuma babu mai biyanki fah, besides banson ganinki kina wahala sai naji kaman banida wani amfani....." Ya k'arashe yana mai kasheta da wani irin duba....

D'an murmusawa tayi had'ida girgiza kai kana tace "Babu wani stress fah, kawai wani sa'in zaman office d'in yakan d'an rage min damuwa ne shiyasa nake zama bayan lokacin tashi..... What about you, meyasa baka tafi ba...."

K'uri ya mata yana karantarta damuwa sosai saman fuskarsa kana yace "Damuwa kuma Gorgeous, kyakkyawa kamarki bata kamaci damuwa ba, please ki sanar dani meke damunki ko zan iya yin wani abu akai..." Ya k'arashe cikin tsananin nuna kulawa.....

D'an jim tayi tana mai k'ok'arin maida k'wallan dake neman zuwa idanunta lokaci guda ta saka d'an yatsanta tana gogewa kana ta d'an saita kanta, cikin sanyin muryarta ta soma fad'in "I couldn't help but.... But keep worrying about my Uncle and my Sister, you see, this isn't easy for the both of them, they're going through a tough situation, if only.... if only I could take all their burdens away from them.... Nana H ta rasa mijinta and Uncle ya rasa abokinsa Ahidjo sannan wani sabon tashin hankalin har yanzu babu labari gameda Lamid'o, koda ace ya mana Lauri in the most horrible way ya kamata musan wani hali yake ciki, amma har yanzu shiru.... Junaid family na suna cikin k'unci da damuwa and it breaks my heart seeing them suffering.... Uncle yaga iftila'i kala-kala a rayuwarsa ina fata watarana komai ya zama labari ya kasance cikin farin ciki...." Ta k'arashe cikin tsananin rawar murya had'da sunkuyar dakai sabida kuka da yazo mata gadan-gadan.....


Idanun Junaid sukayi ja sosai, jijiyoyinsa suka kuma mimmik'ewa ganin yanda Nana A ta damu da damuwar so called Uncle d'inta Siraj, batasan cewa Siraj deserve all this, shine wandama yafi tsana cikin FUSKA UKU shine silan komai, kuma bazai tab'a hutawa ba sai yayi hurting d'insa in the most terrible way sannan ya kashesa, ya rabasa da rayuwarsa kaman yanda ya raba Zeenat da nata......

K'ok'arin saita kansa ya d'anyi kafin ya ciro handkerchief gefen aljihunsa ya mik'a mata, saida ta d'ago idanu tana dubansa kafin ta karb'i handkerchief d'in bayan ta hango d'inbin damuwa a k'wayar idanunsa.... Jikinta yayi sanyi sosai ganin yanda damuwarta ke zamtowa damuwar Junaid, tabbas Junaid yana nuna mata kulawa mai tsananin wanda shakka babu tasan ba komai bane illa SO.....

K'ak'aro murmushi tayi ta sakar masa had'ida masa godiya..... Shid'inma murmushin ya k'ak'aro wacce iyakacinta fatan baki kana yace "Ki daina min godiya gorgeous, I love you and I care for you, I'm willing to do everything in this world to make you happy, I love seeing you happy, murmushi a koda yaushe shine ya kamaci kyakkyawar fuskarki, ki ci gaba da masu addu'a kar ki mance kullum kece kike sanar dani halin da muka tsinci kawunanmu ciki is a trial daga Allah, so ki saka ma zuciyarki haka, insha Allahu komai zai wuce watarana ya zamto labari sannan gaskiya zata bayyana....."

Kalamansa na k'arshe shi ya sanyata dubansa tana mai maimaita kalmar cikin zuciyarta, ba tareda ta kawo komai ba ta shiga jinjina kai tana murmusawa wata b'angare na zuciyarta tana jin Junaid nada babban matsayi wanda bata tab'a baiwa wani namiji ba.....

Kallonsa ta d'anyi had'i da sakin murmushi don shakka babu taji sanyi cikin zuciyarta sanar dashi da tayi, a hankali ta soma furta "Kanada zuciya mai kyau, na gode sosai for always being here, and please idan bazaka damu ba I'll like to introduce you to my family, and especially to my Uncle......"

Wani irin d'agowa Junaid yayi yana dubanta kafin k'irjinsa ya buga da k'arfin gaske uwa an sauk'e guduma, zata b'ata masa plans d'insa baiyi niyyan confronting Siraj yanzu ba tabbas ba haka ya tsara ba..... Muryarta ne ya katse masa tunanin nasa...


"Dan Allah kar kace a'a wllhi family na zasuyi farin cikin had'uwa dakai especially Uncle Siraj da Ayiya, kaji please...." Ta k'arashe cikin siga na kashe murya wanda batama san tayi hakan ba....


Shiru kaman bazaice komai ba sai kuma ya sakar mata murmushi yace "Shikenan zan had'u da Family d'inki hakan na nuna min kin accepting d'ina...." Ya k'arashe cikeda zolaya

Tak'aitaccen dariya tayi itama had'i da d'an sunkuyar dakai ba tareda ta iya furta komai ba.... Lokaci guda kuma ta d'an d'ago murmushin bai bar saman fuskarta ba tace "Zamuje gobe insha Allah sai kazo da shirinka....." Ta k'arashe tana mai tattara takardun dake bisa table d'inta alamun ta tashi itama

Murmushin shima yake cikin sauri ya turo wheelchair d'insa yana mai k'ok'arin tayata tattara takardun yake fad'in "No no let me do this please princess....."

Murmushi kawai take tana dubansa zuciyarta nai mata wani irin sanyi, a haka suka fito tare har waje, idan ka gansu sai kace masoyan asali....

***

Lokaci zuwa lokaci take duban k'ofan office d'insa, tinda ya shige ya sanar da ita baida buk'atan ganin kowa,....

A hankali ta d'an fuzar da iska had'ida rintse idanu, ta kasa tab'uka komai gaba d'aya sai tunanin halin da Siraj ka iya kasancewa ciki, tausayinsa na kuma ratsa zuciyarta, can k'asar zuciyarta take ji anya bazata sanar da Siraj komai ba, zuciyarta ta kasa natsuwa gaba d'aya, gwara ta sanar dashi koda hakan zai rabata da Yayanta Junaid,......A hankali ta mik'e had'ida gyara mayafin kanta had'ida furta "I'll tell him everything, everything I know....."

Lokaci guda ta nufi k'ofar office d'in nasa had'i da yin knocking k'irjinta naci gaba da bugawa....

"Who's there...? Didn't I say........" aya ya dasa ma kalamun nasa hango fuskarta da yayi ta turo k'ofar fuskarta cikeda damuwa.....





*SameenaAleeyou📚**FUSKA UKU*🏮



*43*



*©Sameena Aleeyou...✍🏽*





Saita kansa ya d'anyi had'i da k'ak'aro murmushin k'arfin hali kana yace "K'araso mana...."

Azeeza da tayi tsaye a wajen tamkar wacce ruwa ya shanye da k'yar ta iya jan k'afafunta ta soma tafiya tamkar kazar da k'wai ya fashema....

Kujeran dake gaban table d'insa ya nuna mata kana yace "Zauna...."

Babu musu ta zauna kaman yanda ya umarta d'in.... K'irjinta sai wani irin bugu yake tamkar zai fito waje, k'warjinin Siraj gaba d'aya ya cika wajen., sunan Allah kurum take ambata cikin zuciyarta don batasan da wanne zata soma ba....

K'uri Siraj ya mata yana karantar ta ganin yanayin nata, tamkar ba Azeezar da ya sani mai tsiwa da confidence ba.... Yanayin nata sosai ya d'aga masa hankali domin kuwa damuwa ya hango k'arara saman fuskar sa....

"Azeeza lafiya, meke faruwa...?" Ya tambaya cikeda kulawa bai janye idanunsa daga dubanta ba

Banda murza 'yan yatsun hannunta babu abinda take, da k'yar ta d'an iya k'ok'arin saita kanta kana tace "Sir.... Dama.... Dama.....!" Shiru tayi ta kasa ci gaba da magana sabida girman abinda take shirin fad'in


Siraj ya matsar da fuskar computer d'in dake gabansa yana dubanta sosai kana yace "Ina saurarenki wani abu ne ya faru, ko wani abin aka maki a nan, fad'a min ko wanene...." Ya k'arashe cikin d'an d'aga murya wannan karan...

Muskutawa ta kumayi kukan da take mak'alewa lokaci guda ya shiga zuwa bakinta....

Cikin sauri Siraj ya shiga girgiza kai yana fad'in "Oh no no please Azeeza, if there's one thing I hate in this life shine naga mace na kuka, please ki daina kukan nan kinji...." Ya k'arashe murya cikeda kulawa....

Bata daina kukan ba saima k'aruwa da yayi, Siraj ya mata k'uri kawai don baisan yaya zaiyi ya lallasheta tayi shiru ba.... Hannayensa yake k'ok'arin kaiwa saman nata, har saida yakai hannayensa kusan nata kaman wanda ya tuna wani abu sai kuma ya fasa rik'o hannayen nata, wani irin zogi kukan nata ke masa can k'asar zuciyarsa, Azeeza kuwa kaman cewa ake ta k'ara....

Dafe kansa kurum yayi had'ida tattare naman goshinsa lokaci guda ya d'an matso da fuskar sa kusan nata....

A hankali ya soma furta "Azeeza... Zeeza look up, ki kalleni please....!"

Yayi maganar cikin tsananin sanyin murya.... Cak kukan nata ya tsaya, lokaci guda ta d'ago idanu tana dubansa, chocolate face d'inta ya zamto very pale, fuskar Siraj dab nata ta gani, k'wayan idanuwansu ne suka had'e waje guda.... Su duka d'in basu san suna kallon juna haka ba.... Lokaci guda Azeeza tayi saurin sadda nata idanun k'asa k'irjinta naci gaba da bugu cikin sauri, sai faman shan zuciya da take alamun taci kuka...

K'ok'arin saita kansa shima yayi had'ida d'an yin gyaran murya kana ya soma fad'in "Azeeza ever since I met you, I become allergic to your tears...."

Kallonsa tayi da kod'add'un idanunta...

Siraj ya jinjina kai sihirtaccen murmushi saman fuskarsa kafin yaci gaba da fad'in "Yeah, idan na ganki kina kuka toh shakka babu I'll fall sick.... Dan Allah kar ki sake kuka irin haka kinji idan ba so kike nayi ciwo ba...." Ya k'arashe idanunsa a kanta....

Lokaci guda ta d'anyi murmushi sabida harga Allah ya bata dariya da yace he's allergic to her tears....

Ganin tayi murmushi yasa Siraj jin dad'i shid'inma murmushi saman fuskarsa kafin yaci gaba da fad'in "Ina saurarenki, ki kwantar da hankalinki ki fad'a min meke faruwa...."

K'irjin Azeeza ya kuma bugawa but she has to do this batada wani zab'i muddin tana son kub'utar da Siraj....

A hankali ta soma fad'in "Sir there's something you need to know......!" Batakai aya ba wayan salulan Siraj ta soma ringing, ganin Nasaar ne mai kira ya sanyasa d'agawa had'ida d'an d'aga mata yatsa yana fad'in "Excuse me I've to take this..." Don yasan it must be something about