You Cannot Download this book untill you login but you can read it .

---

Login Register

sauran hankali ba....

Jiki har na rawa ta shige d'aki a guje had'i da kullo k'ofa....

Malam Ard'o girgiza kai kurum yayi kafin ya mik'awa Ahidjo hannu sukayi masabaha... Ga mamakin Malam Ard'o har k'asa matashin saurayin ya tsuguna yana gaidashi, ko ba'a ce masa ba zai iya shaida sirkinsa ne sabida ga kamannin Malam Sanda a tattaredashi...

Cikin sauri Malam Ard'o shima ya shiga k'ok'arin durk'usawa yana amsa gaisuwar Ahidjo... Lokaci guda ya umarci Ahidjo da ya mik'e ya isa saman shimfid'a... Cikeda rusnawa Ahidjo ya k'arasa saman shimfid'ar ya zauna.... Nan suka soma sabon gaisuwa da Mahaifin Deejoh kana ya masa bayanin ko shi waye...

Allah sarki, dad'i maras misaltuwa ne ya kama mahaifin Deejoh, shi kansa Ahidjon yaji dad'in yanda mahaifin Deejoh ya tarbesa, nan yake bayaniwa Malam Ard'o kan baisan dalilin da yasa matarsa take gudunsa ba tun ranar farko da suka soma had'uwa, nan dai Malam Ard'o yayita 'yan kame kamensa don shi kansa bai san mai zai ce ba....

Gaje kuwa tana daga k'ofa tana hangensu ta ramin k'ofa tana faman tab'e tab'en baki... Saida taga Ahidjo ya ciro kud'i cikin aljihunsa yana mik'awa mahaifin Deejoh ya sata sake baki tana duban damin kud'in... Babban abinda ya bata takaici shine yanda Malam Ard'o yak'i amsar kud'in yana cema Ahidjo "Wllhi D'ana ka bar kud'inka mun gode sosai...."

Gaje kuwa daga yanda take lab'e take fad'in "Ard'o yau zamuyi daru muddin baka amshi kud'in nan ba...." Don ko fitowa ta kasa sabida wani irin tsoron Ahidjo da Allah ya d'aura mata...


"Baba dan Allah ka karb'a idan ka d'aukeni D'a..." Ahidjo ya fad'i yana kuma damk'awa Malam Ard'o kud'in....

Da k'yar da sid'in goshi Malam Ard'o ya amshi kud'ad'en da Ahidjo ya basa.... Daga nan Ahidjo sallama ya masa kana ya fice daga gidan...

Malam Ard'o ya bisa da kallo zuciyarsa na masa sanyi ko babu komai Deejoh d'an mutunci ta Aura ba kaman yanda mutanen gari suka d'auka ba.....

Gaje kaman jira take yana ficewa ta k'araso ta wawashe kud'ad'en daga hannun Malam Ard'o tana faman washe baki...

Malam Ard'o dai kallon mamaki ya bita dashi yana mamakin hali irin na Gaje....

Ahidjo na fitowa gidansu Deejoh wayar Lamid'o ya shigo masa, saida k'irjinsa yayi wani irin bugawa ba tareda sanin dalili ba, don harga Allah ya mancewa kowa cikinsu a 'yan kwanakin harta matarsa Nana H bai tunawa, duk abinda yake ciki Deejoh kawai yake tunawa....

"Hello Bro.... Kwana da yawa..." Ya fad'i yana rage girman idanunsa sabida hasken rana da ya fito.... Jin muryar Lamid'on cikin wani irin yanayi yasa Ahidjo nutsuwa sosai..

Daga d'aya b'angaren Lamid'o yaci gaba da fad'in "Heedj I really need your help..... Nasan babu wanda zai min sai kai...."

Ahidjo yace "Ina jinka Lamid'o wai meke faruwa ne.... Just go straight please..."

Lamid'o ya sauk'e ajiyan zuciya kana yace "Alright.... Heedj, kana jina....?"

Gajeren tsaki Ahidjo yayi kana yace "Lamid'o wai menene dan Allah ka fad'a min...."

"Heedj Nana K is alive.... She's alive...."

Gaba d'aya Ahidjo yama rasa wacece Nana K, a hankali ya shiga nanata sunan




*SameenaAleeyou📚**FUSKA UKU*🏮


*31*



*©Sameena Aleeyou...✍🏽*





"Nana Khadija 'yar uwar matarka data b'ace 20years back....." Lamid'o ya nanata cikin wata irin murya mai sanyin gaske....

Girgiza kai Ahidjo yayi kana yace "Lamid'o wace irin magana kake, lafiyarka kuwa, Nana K ta jima da rasuwa kowa yasan wannan da tayi surviving accident d'in da tuni an sani kuma da ta dawo wajen family d'inta, I'm pretty sure wata dai kawai ka gani mai kamadasu Nana H amma ba Nana K ba...."

Girgiza kai Lamid'o yayi tamkar Ahidjo na ganinsa kana yace "Heedj ya kake magana haka, wllhi Nana K na gani da idanuna, dukda a hoto na ganta but wllhi tllhi na tabbata itace bazan zauna inai maka rantsuwa kan abinda banida tabbas akai ba...." Yayi maganar sounding serious...

Sosai Ahidjo ya nutsu kana yace "Toh mai kayi, ka sanar da Siraj ne da familynsa ko kuwa....?"

Kai Lamid'o ya kuma girgizawa kana yace "Banida wannan ikon Heedj da nayi..."

"Kamar yaya....?" Ahidjo ya tambaya cikeda mamaki...

Fuzar da iska Lamid'o yayi kana yace "Is a long story Heedj, babu time sannan bazai yuwu na sanar da kai a waya ba... Alfarma nake so ka min...."

K'asar bishiya Ahidjo ya samu ya zauna kana yaci gaba da fad'in "Umhum ina saurarenka.... So kake na sanar da Siraj..?"

Cikin sauri Lamid'o ya girgiza kai alamun a'a kana yace "Heedj ina cikin matsala yanzu haka mutumin da yayi kidnapping Nana K years back nima ya kamani ya tsareni da ya fahimci ina bincike akansa, ya fahimci nasan sirrinsa shiyasa ya kamani ya rufeni don kar na cimma burina na dawo da Nana K wajen real family d'inta...."

Shafa kansa Ahidjo yayi kana yace "Now I get you, mutumin kake so a kama, zaka iya sanar dani location d'inka yanzu zamu tura mutanen ...."

Saurin katsesa Lamid'o yayi da fad'in "No Heedj kai kafi kowa sanin case irin na kidnap haka ba'a saurin involving police, Heedj abinda yasa na kiraka so nake ka k'arasa abinda na fara kar ka damu dani I'll be fine I promise... Ahidjo Siraj is our brother koda ace baka auren niece d'insa Siraj d'an uwanmu ne na sani shekarun baya mun tab'a jefa rayukanmu cikin had'ari a sabida Siraj.... Nasan baka mance abinda ya faru 4years back ba.... Bana fatan irin wancan tragedy d'in ya kuma faruwa... But we need to do this Heedj, Nana K ta cancanci ta dawo cikin family d'inta, na tabbata zasuyi farin ciki maras misaltuwa,..." Fasali ya d'anja kana yaci gaba da fad'in "Idan na sanar da Siraj yanzu zai zargi wani abu shiyasa na soma sanar da kai and please kar ka sanar dashi har sai ka damk'a Nana K hannun family d'inta, Suna can garin Damaturu ta jihar Yobe..... Please Heedj nasan ka fahimceni a matsayinka na D'ansanda...."

Sauk'e ajiyan zuciya Ahidjo yayi kana yace "Na fahimceka Lamid'o, insha Allah zan k'arasa aikin alkhairin daka soma, and da zaran na maido da Nana K gida insha Allah kaima zan fitar da kai and wancan mutumin will face justice...."

A hankali Lamid'o ya saki murmushi kana yace "Alhamdulillah, na gode Heedj, Ubangiji ya baka nasara...."

"Ka daina min godiya Lamid'o kar ka mance koda ace bana auren d'iyar Siraj hakki na ne kare Al'umma tinda nayi rantsuwa zan rik'e aikina bisa gaskiya da amana...."

Jinjina kai Lamid'o yayi lokaci guda yaji hwaye na neman ciko idnunsa sabida cin amanan Ahidjo da sha yi a bayan idanunsa.... Wasu irin k'walla masu zafi suka zubo masa, lokaci guda yaji ya tsani kansa, bai tab'a jin nadama irinta yau ba....

Murya na rawa Lamid'o ke furta "Heedj... Please forgive me... Dan Allah ka yafe min brother...."

Jikin Ahidjo yayi sanyi lokaci guda duk a tunaninsa sabida aikin da Lamid'o ya saka sa ne yake rok'onsa gafara tinda yasan dole akwai had'ari cikin aikin.....

"Haba Lamid'o ka daina bani hak'ura and insha Allah kaima zaka fita daga wannan taskon just trust me bro....."

Kasa furta komai Lamid'o yayi sabida wani irin kukan nadama da yaji na taso masa, tabbas Nana H ta cucesa, da ace bata persuading d'insa wajen suyita aikata masha'a ba da bai ci amanan abokinsa ba.... Kasa ci gaba da magana yayi lokaci guda ya kashe wayar had'i da durk'usawa saman gwiwoyinsa yana kuka sosai shar-shar da hawaye Wanda bai tab'a yin irinsa ba a rayuwarsa.....

Yana durk'ushe wajen yana kuka yaji an banko k'ofa an shigo ana tafe hannaye.....

"Bravo..! Bravo Smart boy....!!!" Muryar Alhaji Bulama ya daki dodon kunnuwansa....

A zabure Lamid'o ya mik'e yana goge hawayen fuskarsa lokaci guda yake hura hanci had'ida watsawa Bulama mugun kallo....

"You think you're smart right....?" Bulama yace yana mai murmusawa idanunsa kan Lamid'o, gurds d'insa majiya k'arfi sun saka sa a tsakiya....

A zuciye Lamid'o yayo kansa zai kai masa capka yake fad'in "I'm gonna kill you, you worthless....." Saidai kafin yakai aya K'artin nan sun kwantar dashi da duka....

D'aga masu hannu Bulama yayi alamun su k'yalesa kana ya k'arasa yana bubbuga wayar data tarwaste daga hannun Lamid'o a k'asa da sandarsa ta dogarawa.... Lokaci guda yake murmusawa yana fad'in "Lamid'o kenan.... Wato k'ok'arinka na matuk'ar birgeni.... Akwai ka da k'wazo da k'ok'ari, saidai kuma matsalan you such an idiot.... K'aton jiki gareka saidai kuma k'aramar kwanya gareka... Take a look of this....." Ya k'arashe yana k'ok'arin d'ago fuskar Lamid'o da sandar dake hannunsa, yayinda fuskar Lamid'on ke kife k'asa yana d'igan jini.....

Wani d'an rami ya nuna masa jikin k'ofar d'akin wanda idan ba ka kula ba bazaka zaci camera bace 'yar k'arama mak'ale a wajen....

Bulama ya kuma murmusawa kana yace "You think I'm stupid, kana tunanin zan barka haka kurum ne bayan nasan kaida Nazir kunci amanata.... You're very much mistaken dear Son.... Na tsufa amma kwanyata bata tsufa ba, tafi ta matashi d'an shekaru talatin aiki.... Da sanina, ni da kaina na d'auki waya na baiwa Barde nace ya kawo maka don nasan dole Nazir ya sanar dakai wani abu.... Fine... Na sami information d'in da duk nake nema, and now kwanakin wancan traitor d'in k'irgaggu ne, tinda yaci amanata amfaninsa ya k'are.... Sannan ina welcoming sabon victim da ka jefosa cikin wannan mess d'in... Your good friend Ahidjo....."


Girgiza kai Lamid'o yake yana wasu irin hawaye sanda ya isa har jikin k'afafun Bulama da rarrafe ya kamo k'afafun Bulama yana kuka sosai yake fad'in "Daddy please no.... Dan Allah Daddy na rok'eka kar ka kashe Nazir da Ahidjo..... Daddy please don't..... Dan Allah kada kayi komai ma Ahidjo.... He's innocent, wllhi ni na saka shi baisan komai ba, please Daddy ka kasheni kawai ka huta amma dan Allah banda Ahidjo.... Na jima ina zaluntarsa a baya idan ka kasheshi yanzu a dalilina bazan tab'a yafewa kaina ba.... Daddy Dan Allah no..... I beg of you please.....!" Ya k'arashe cikin tsananin kuka yana mai k'ank'ame k'afafun Bulama...

Dariyar rainin hankali Bulama ya kece dashi kana ya sauk'ewa Lamid'o sandar hannunsa a gadon bayansa... Lokaci guda Lamid'o ya saki k'aran azaba yayinda Bulama yasa kai ya fice daga d'akin yana fad'in "Fool...!"

Har Bulama ya fice Lamid'o bai daina kuka yana rok'onsa kada ya cutar da Ahidjo ba....

***

Daren ranar Deejoh rungume cikin jikinsa take yana mai ci gaba da lallashinta yana sanar da ita dole ya koma Abuja koda su Baffah basu amince ya tafi da ita ba sabida nemansa da ake cikin gaggawa a wajen aiki....

Deejoh ta kuma goge k'wallan da suka zubo mata cikin murya mai rawa sosai tace "Tafiya zakayi ka barni.... Dan Allah kada ka tafi ka barni kaji...." Ta k'arashe sabbin hawaye suna zubo mata....

Gaba d'aya Ahidjo ji yayi jikinsa ya masa sanyi sosai, bai tab'a tsammanin shak'uwarsu da Deejoh yakai haka ba.... Kasa furta mata komai yayi sai bin kyalkyawar fuskarta da hawaye ya wanke yake da kallo.... Zuciyarsa ta masa rauni sosai, ji yake kaman bazai iya tafiya ya bar Deejoh ba.... Shin ta yaya zai sanar da ita wani tafiya zaiyi mai tarin had'ari.... Wani b'angare na zuciyarsa can k'asa ji yake kaman idan ya tafi bazai dawo ba.... Lokaci guda ya janyota cikin jikinsa ya matseta sosai kaman mai tsoron kada a rabasu.... Yana jin kukanta har cikin k'irjinsa,....

"Dee I'll come back for you kinji.... Idan na dawo wannan karan zan d'aukeki mu tafi koda su Baffah bazasu amince ba.... You're my wife Dee, Shari'a ta yarjemin koda su Baffah basu yarjemin ba kinji koh....."

Kasa cewa komai tayi sai hawayenta da suka k'aru, girgiza masa kai kurum take tana fad'in kada ya tafi ya barta cikin kuka....


Rungumota ya kumayi cikin jikinsa yana girgiza mata kai alamun ta daina kuka, lokaci guda yasa harahensa ya shiga lashe hawayen dake bisa fuskarta idanunsa a lumshe shima..... Daga nan al'amra suka soma canzawa tsakaninsu..... A wannan daren Ahidjo ya mance amaryar tasa k'aramar yarinya ce mai k'aramin shekaru.... A wannan dare Ahidjo ya maida Deejonsa cikakkiyar mace cikin lumana da tsananin nuna shauk'i dukda cewa su duka biyun sun wahala sosai....

Nitsuwa ya samu wanda ya jima bai sameta ba.... Tana kwance cikin jikinsa tana kukan da bai fita... Gani take ta tapka babban sab'on da Allah bazai tab'a yafe mata ba... Ita harga Allah batasan wannan itace rayuwar aure ba....

Shi kansa baiso hakan ta kasance ba amma babu yanda ya iya don ya kasa controlling kansa, ba a haka yaso yazowa Deejoh ba, shi kansa yasan ya apka mata da wuri, rayuwa mai cikeda jin dad'i ya tanadar masu saidai kana naka ne Allah na nasa, Na Allah shine dai-dai, tuni Allah ya k'addara faruwan hakan, tunawa da yayi Deejoh halal d'insa ne sai yaji hankalinsa ya kwanta ya sami nutsuwa sosai cikin zuciyarsa....

Lallashinta yaci gaba da yi yana sanar da ita halacin abinda suka aikata, da kuma matsayin mata da miji a addinance... Sosai yake fayyace mata komai yana sanar da ita wasu ilimi da bata sani ba...

Tsananin kunyarsa ya hanata koda motsa d'an yatsanta ne, jin abinda sukayi ba haram bane sai ya sa hankalinta kwanciya, ta daina kukan sai ajiyan zuciya da take sauk'ewa...

Albarka Ahidjo yaci gaba da saka mata had'i da masu addu'o'in samun zuri'a d'ayyiba...


Gaban Deejoh ne yayi masifar fad'uwa sanda ta tuna yanda suke... Ta zabura zata mik'e taji azaban zafi ta k'asanta... Lokaci guda ta saki k'ara, saurin rik'ota yayi yana tambayarta mai take so..... Ai sabon kuka Deejoh ta fashe masa dashi tana nuna masa d'akin da suke ciki....

Sai sannan Ahidjoh ya fahimci d'akin Innah suke ciki, bazai tab'a son wani ya tadda halin da suke ciki ba shida iyalinsa..... Cikin sauri ya fice ya nufi kitchen yana k'ok'arin dafa ruwan d'umi, saidai kunna risho d'inma ya zame masa aiki.... A haka Innah ta jiyo karauniyarsa a kitchen, mamaki ya cikata ganinsa da tukunya yana k'ok'arin d'aura ruwa....

"Babana lafia dai koh...?" Innah ta tambaya tana dubansa, baima san ta shigo kitchen d'inba sai lokacin... 'Yan kame kame Ahidjo ya soma ya rasa mai zai ce mata gaba d'aya... Karb'an tukunyar tayi tana fad'in "Ai da ka kira Deejoh ta dafa maka ruwan .. Wai ina ta shiga ne ma....?" Ta k'arashe tana k'ok'arin d'aura tukunyar bisa madafi...

Shafa k'eyarsa ya shigayi warily ba tareda ya furta komai ba don baisan mai zaicewa Innah ba, a hankali ya zame ya koma d'akin cikin sauri, ya soma kintsa wajen don wannan wani sirri ne nasu da ko mahaifansu bai kamata su gani ba, kaman yanda take a baya a Al'adan fulani....

Yana k'ok'arin taimakawa Deejoh ta mik'e suka jiyo sallaman Innah... Deejoh taji wasu sabbin hawaye suna gangaro mata, kallo d'aya Innah ta masu ta gane wani abu ya faru...

Shafa kansa ya kumayi murya na sark'ewa yake sanar da Innah cewa Deejoh ce bataji dad'i ba...

Innah da tuni ta gane meke wakana jinjina masa kai kurum tayi zuciyarta na mata wani irin dad'i kana tace "Jeka zan kula da ita...."

Ya kuma shafa k'eyarsa yana satan kallon Deejoh dake faman hawaye murya can k'asa yace "Toh.... toh Innah..."

Sihirtaccen annuri ne kwance saman fuskar Innah, fatanta Allah ya azirta yaran nata da zuri'a d'ayyiba.. A haka ta k'arasa ta kamo Deejoh tanai mata sannu har suka fice daga d'akin...

Innah da kanta ta had'a wa Deejohnta ruwan d'umi ta kimtsa ta, daga bisani ta umarce Deejohn da tayi wankan tsarki irin wanda ta koya mata kwanakin baya lokacin data soma al'ada, dashike Deejoh batafi wata guda da soma Al'ada ba kafin zuwan Ahidjo.... Niya kawai Innah ta umarceta ta banbanta amma wankan iri guda ne....

Wajajen k'arfe goma da rabi na dare k'afafu sun soma d'aukewa garin ya soma yin shiru babu shaguna sosai a bud'e sai ka fice bakin babban kwalta....

K'aton super market dake gefen gidan mai yajesa yayo ma Deejoh sayayya, duk abinda ya d'aga sai yaga zataso, dangin kayan mak'ulashe da sauransu...

Yana tafe a mota shi kad'ai yana sakin murmushin nishad'i, wani irin nutsuwa ya tsinci kansa ciki saikace ango mai auren fari....

Yana shigowa gidan ya iske Innah da Baffah basuyi bacci ba suna zaune parandar Baffahn tamkar shi suke jira... Gabansa ya yanke ya fad'i lokaci guda.....




*SameenaAleeyou📚**FUSKA UKU*🏮


*32*



*©Sameena Aleeyou...✍🏽*


_God Bless Momma's_


Gabaki d'aya kasa shiga gidan yayi, ji yayi kaman an d'aure k'afafunsa, tamkar ya juya haka yaji saidai kafin ya ida wad'annan tunani nasa ya jiyo muryar Innah tana fad'in "Babana shigo mana ya ka tsaya daga wajen...."


Da k'yar Ahidjo ya iya saita kansa kana ya soma takowa wata sallaman saman harshensa, gani yake tamkar Baffah zai masa d'add'aya....

Daga can gefe ya d'an zauna wacce tafi kama da durk'uso yana mai gaida iyayen nasa.... Innah dai sai wani sabon faran-faran take masa yayinda Baffah ya amsa babu yabo babu fallasa kaman kullum.... D'an sayayyan da yayo masu ya k'arasa ya aje gefen Innah yana mai fad'in "Innah ga wannan babu yawa...."

"Kai madalla, toh Allah yayi albarka... Ka shiga ka duba Deejohn ne....?"

D'an shafa kansa yayi kana yace "Dam yanzu.... Zan shiga ..." Ya k'arashe yana mik'ewa tsaye....

Har ya soma tafiya ya jiyo muryar Baffah ya ambaci sunansa cikin dakekkiyar murya... "Aliyu"

"Na'am Baffah....!" Ya amsa cikeda rusunawa, lokaci guda ya dawo mazauninsa ya kuma zama

Saida aka shafe kusan mintuna uku masu kyau Baffah baice komai ba, ba Ahidjo bane kawai ya damu da shirun Baffah harta Innah saida ta tsinci kanta cikin fad'uwar gaba da shirun mijin nata....

Bayan shud'ewan dak'ik'an Baffah yaci gaba da fad'in "Aliyu, ban aura maka Deejoh don kaci zarafinta ko ka wulak'anta ta, ko kayi mata wani abu mai kama da haka ba...."

Maganganun Baffah sun saka k'irjin Ahidjo bugawa, innalillahi mai Baffah yake nufi, ba dai magana yake akan abinda ya faru tsakaninsa da Deejoh daren yau ba.... Muryar Baffah ya katse masa tunaninsa yanda yaci gaba da fad'in "Deejoh amanace a hannunmu kuma kaima amana ce a hannunka... Aliyu sam Deejoh bata kamace ka ba..."

Ahidjo ya d'ago idanu yana duban Baffah, Innah ma Baffan take duba...

Baffah yaci gaba da fad'in "K'warai Deejoh bata kamace ka ba, sabida ita yarinyace mai biyayya kai kuma D'ah ne maras biyayya,.." Sai sannan Innah tayi saurin katsesa da fad'in "Haba Malam, ya zaka dinga fad'in kalamai irin wad'annan akansa, baka gudun kalamanka suyi tasiri akansa....!"

Wani kallo kurum Baffah ya mata ta kasa ci gaba da maganganun nata amma kam zuciyarta bata daina mata zafi ba...

Baffah yaci gaba da fad'in "Kana saurare na.... Wllhi idan ka wulak'anta Deejoh bazan tab'a yafe maka ba..."

Cikin sauri Ahidjo ya kuma d'ago kai yana duban Baffah kafin ya shiga girgiza kai yana mai fad'in "Haka bazata kasance ba insha Allah... Nasan na tapka kurakurai a baya amma insha Allah bazan sake tapka irin kuskuren dana tapka a baya ba.... Baffah koda ace bana son Deejoh ta zama wani b'angare na rayuwata a yanzu kuma the last thing da zanyi a rayuwata shine na wulak'anta ta.... Insha Allah bazaka sameni da wannan kuskuren ba na maka alk'awari..."

Tausayin Ahidjo sosai ya kama Innah mai yasa mijinta bazai dinga kyakkyawan zato wa tilon d'ansu ba, meyasa yana mik'a wuyarsa ga shiriya mahaifin na pushing d'insa.... Tabbas wasu iyayen suke janyo wa yaransu fad'awa wata irin rayuwa, bazata gushe ba tana addu'an samun sauk'i da shiriya D'anta....

Har Ahidjo ya bar wajen Innah bata daina jimami da takaicin irin kakkausar harshe da mijinta ke amfani dashi kan d'an nasu ba....

Shiko Ahidjo gaba d'aya sanyi jikinsa ya masa musamman da ya lek'a d'akin Innah ya hangi Deejoh k'udundune a gado hawaye na sauk'owa daga idanunta, A hankali ya k'arasa shigowa d'akin had'i da zama gefe da ita, yana jin sanda sautin kukanta ya k'aru.... Zuciyarsa naci gaba da masa rauni... Baisan sanda ya kwanto ya rungumeta ta baya ba had'i da lumshe idanunsa....

Itama lumshe idanun nata tayi sabbin hawaye suna gangaro mata....

Sun d'an jima a haka kafin ya mirgino da ita suna fuskantar juna, lokaci guda Deejoh ta lumshe idanunta bata yarda sun had'a idanu ba...

K'uri yayiwa fuskarta wanda siraran hawaye suke kwance bisa.... Murya can k'asan mak'oshi tamkar mai rad'a yace "Are you still crying...?"

Jin bata amsa sa ba yakai 'yan yatsunsa saman fuskar nata yana bin hawayen yana shafasu a hankali yake fad'in "Dee kuka kike har yanzu.... Kiyi hak'uri kinji...." Ya k'arashe shima tamkar mai shirin kukan...

Fuskarta ta juyar d'aya b'angaren sabon kuka na zuwa mata tace "Ni ka k'yaleni......"

Ahidjo kuwa kwantar da kansa yayi a bayanta hannayensa na kewaye da ita gaba d'aya kana yace "Dee bazan iya k'yaleki ba, ke d'in b'angrene daga jikina..."

Kukanta ne ya sassauta kana tace "Da gaske....?"

Yanda tayi tambayar cikeda yarinta yasa Ahidjo dad'a rungumota jikinsa had'i da murmusawa kana yace "Sosai ma ko bakisan daga ribs d'ina aka cireki ba...."

D'an d'ago idanu tayi tana dubansa kana tace "Ina ne ribs. ...?"

Kamo hannunta yayi ya manna k'asan k'irjinsa kana yace "Daga nan d'ina aka cireki Dee sabida ke Matata ce..."

Idanuwansu suka had'e waje guda, su duka kallon juna suke, kaman wacce ta tuna wani abu sai juyar da fuskarta tayi....

Murya can k'asa tace "Amma baka sona ai...."

Mamaki maganan nata ya basa yanda ta fad'i har cikin ranta, shi bai mata kallon tama san meye soyayya sabida k'arancin shekarunta...

Juyo da fuskarta ya kuma yi kana yace "Inji wa waye ya fad'a maki haka....?"

"Ba najika kana ce ma Baffah koda baka sona ba.... Kenan wancan matar taka 'yar gayu kake so...." Ta k'arashe baki a ture

Dariya taso basa amma ya d'an gimtse kana yace "Wato bakida daina lab'ewa kina sauraren maganan da ba'a aike ki ba koh? Ba na hanaki ba....." Ya k'arashe fuska babu walwala

Girgiza masa kai tayi had'ida sadda idanunta k'asa kana tace "Kayi hak'uri bazan sake ba...."

Wani irin dad'i ya mamaye masa zuciya, tunda yake baisan mace ta baiwa miji hak'uri don nashi matar batasan wannan ba a rayuwarta.... Murmusawa ya kumayi yana mai ci gaba da duban fuskarta.... A hankali ya gyara masu kwanciyar yana ayyana abubuwa da dama cikin zuciyarsa....

***

Kwance take saman k'irjinsa tana shafa fuskarsa lokaci guda tanai masa wasu salo masu rikita wanda ake masa.... Hannu yasa yana shafa fuskarta kana yace "Mai kike so ayi....."

Murmusawa ta kumayi lokaci guda take yawo da 'yan yastunta saman fuskarsa kana tace "K'anwar matarka ce, kuma k'ark'ashinka take zaune, sannan ina hango soyayyarka cikin idanunta, so abinda nake so kaima zaka so, nasan you want her for yourself ni kuma I want her out of my Uncle's life.... Bana sonta kusan Uncle Siraj ko kad'an...."

A hankali Nasaar ya jinjina kai kana yace "You're right.... I love her so much, kuma bazan tab'a barinta ma kowa ba is a promise...."

Nana H ta kuma murmusawa had'i da gyara kwanciyarta sosai kana tace "Toh ka gani, so kaga I'm quite sure nida kai will make a great team..." ta tak'arashe tana kai masa sunba....

***

Yana fitowa daga sashen Innah bayan ya lallab'a Deejoh tayi bacci don saida ya bata paracetamol sabida d'an zafi da jikinta yayi...

Wayarsa ya ciro ya shiga neman layin Sabi'u bugu biyu Sabi'u ya d'aga...

"DT barka da dare..?" Cewar Sabi'u daga d'aya b'angaren


"Barka Sabi'u, ya aiki...."

"Mungode Allah, DT ya gida ya Family....?"

Ahidjo ya amsa da "Alhamdulillah mun gode Allah..... Inaga nima zuwa gobe ko jibi zan shigo Abuja akwai wani aiki da nake dashi...."

Sabi'u ya gyara tsayuwarsa kana yace "Toh, aiki kuma....? Harda kaine cikin wad'anda