You Cannot Download this book untill you login but you can read it .

---

Login Register

Nana A..._

Tana ida karance sak'on ta saki murmushi had'ida cilla wayar backseat... Fira sukaci gaba dayi da Nana A har suka isa gida....

***

Baffah fuska d'aure yake duban kayayyakin da Ahidjo ya sayo ya kawo gidan, ya kuma duban Innah yace "Zuba masa kayansa ba cewa mukayi muna cikin talauci ba ya ci damu, dama can baisan cinmu ba balle shan mu...."

Jikin Innah yayi sanyi yayinda Ahidjo ya kuma sadda kai....



*SameenaAleeyou📚**FUSKA UKU*🏮


*24*


*©Sameena Aleeyou...✍🏽*



"Baffah dan Allah kayi hak'uri ka yafe min...." Ya fad'i yana kuma sadda kai k'asa....

Idan darduman da Baffah ke bisa ya amsa toh kuwa shakka babu shima zai amsa... Radio ya kunna yana mai kishingid'a kaman baisan da hallita a wajen ba....

Ahidjo ya dubi Innah da tuni idanunta sukayi rau-rau, bai sake cewa komai ba ganin Baffah ya juya masa baya sai mik'ewa da yayi jiki babu k'wari yana shirin barin d'akin...

"Zo nan!... " Muryar Baffah ya katse sa.

"Tattari kayanka ban buk'atar ganinsu a nan...."

"Baffah....!"

"Ka tattara nace koh...."

Bai tattara ba sai durk'usawa da yayi kana ya soma fad'in "Baffah meyasa kaki amsar tuba na, nasan nayi kurakurai da dama a baya amma wllhi na gane kurena Baffah bazan kuma tafka kuskuren da nayi a baya ba.... Baffah dan Allah ka yafe min kaji Baffah na...." Ya k'arashe cikin rawar murya...

"Aliyu tashi ka fice min a d'aki....!" Kalmar da Baffah ya fad'i masa kenan....

Jiki babu k'wari bai kwashi kayan ba ya mik'e ya fice daga d'akin...

Ahidjo na fitowa ya hangi Deejoh ta rafka uban tagumi alamun taji fad'an da Baffah ke masa.... Kallon kallo suka shiga yiwa juna shida Deejoh kafin yasa kai ya nufi b'angarensa... Cikin sauri ta mik'e tabi bayansa



Sanda Ahidjo ya fice Innah ta dubi Baffah sabida sosai ranta ya sosu da abinda Baffan keyi... "Haba Malam, haba Malam yanzu shikenan bazaka sami gurbin yafiya wa yaron nan cikin zuciyarka ba, shikenan fah mana tilo, kuma ya ijiye aikinsa da iyalinsa ya zab'i ya faranta mana yanzu mai kake tunani idan ya koma 'yar gidan jiya...."

Dubanta kawai Baffah yayi fuska babu walwala kana yace "Ni nasan abinda nakeyi, na kuma san halinsa... Idan har da gaske yake ya tuba zamu gani... Jikina yana bani Aliyu wani abin yake k'ullawa, ki d'ibi kayansa ki maida masa nikam bani buk'ata, kuma k'warar shinkafarsa ban yarda a girkata a tukunyan gidana ba kinji na fad'a maki..." Daga haka Baffah ya gyara kwanciyarsa yana mai ci gaba da saita radio d'insa...

Innah ta matsi k'wallan da suka zubo mata cikeda takaicin mijinta na ta d'ibi kayyakin ta fice daga d'akin...

**

Zaune ta samesa waya manne a kunnensa, da alama da abokan aikinsa yake wayan....

Can gefe ta samu ta zauna Ahidjo ya bita da kallo yana mai ci gaba da magana a wayar, lokaci guda kuma ya mik'e ya fice still wayar manne kunnensa....

Yana ficewa ta mik'e ta shiga tattara masa d'akin, kayayyakinsa da suke bisa katifa gaba d'aya ta tattaresu ta kinke, ta fice sashen Innah d'auko tsintsiya.. Innah na ganinta ta d'au tsintsiya da parker ta tambayeta ina zata da tsintsiya..

D'an rakub'ewa tayi kana tace "D'akin Yaya zan share..."

Har cikin ranta taji dad'in hakan, da alama Deejoh da Ahidjo sun soma sakewa da juna, lallai shawarin Hinde ya mata amfani, ga dukkan alamu auren da aka masa zaisa ya zauna dasu sosai...

Tsaf Deejoh ta share masa d'akin, ta linke masa abin sallahn sa harda k'aramar k'ur'ani ta gani saman abin sallar... Ta saki murmushi tana mamakin ashe duk gayun nan nasa dai bai mance mahallicinsa ba, lokaci guda girmansa da take gani ya kuma k'aruwa....

Ya d'an jima tsaye bakin k'ofa yana kallonta yanda ta zage sai gyara d'akin take, lokaci guda ya tsinci kansa da sakin murmushi, ashe dai yarinyar tanada hankali dukda tarin shiririta da take dashi, koda shike yasan shiriritar ma ta yarinta ce, ya tuna tunda sukayi aure da Nana H bata tab'a ganin wani abu nasa ta kintsa ba saidai ta umarce mai aiki tayi shid'inma sai taga bai d'age abinsa bane take umartan mai aikin, talk less of share masa d'aki saidai ma'aikata suyi... Shimfid'arsu kuwa da suka kwanta idan ba shi ya tattare ba toh kuwa shakka babu mai aiki ce zatayi... Ahidjo ya kuma sakin murmushi had'i da girgiza kai....

Juyowar da zatayi kuwa suka had'a idanu dashi yana nan tsaye hard'e da hannaye... Murmushi ya sakar mata yayinda tayi saurin janyo hijab d'inta ta saka...

K'arasa shigowa d'akin yayi yana mai k'arewa d'akin kallo kana yace "Sannu da aiki..."

Murmushi kawai ta sakar masa ba tareda ta furta komai ba...

Idanunta a k'asa tace dashi "Dama gani nayi d'akin yayi k'ura shine... Shine na share..." Tayi maganar tana wasa da yatsun hannunta, lokaci guda tasa kai zata shige saidai kafin ta fice taji tattausan hannunsa ya kamo nata...

K'irjinta ya yanke lokaci guda, tayi saurin d'ago kai tana dubansa, wannan murmushin ne dai saman fuskar sa...

"Yaya zaki tafi bayan baki sanar dani abinda ya kawoki ba, ko kin mance ina waya kika shigo, ko yauma lab'e kike min kiji wayata da matata...."

Cikin sauri ta shiga girgiza masa kai kana tace "Wllhi Allah ba lab'el nake maka ba..." Tayi maganar kaman zata kurma ihu...

Ya d'an gimtse fuska kana yace "Toh mai ya kawo ki idan ba lab'el kikazoyi ba...."

Deejoh ta rasa mai zatace, wannan shine tsile, ita harga Allah tazo ganin yanayin da yake ciki ne domin sosai ya bata tausayi sanda ya fito daga sashen Baffah.. Toh ma mai zata soma fad'a masa, wani dalili ne ya kawota d'akinsa....

Ganin tayi shiru ta rasa abin fad'i ya sanya Ahidjo sakin murmushi kana yace "Kar ki damu nan ai d'akin mijinki ne ko kin shigo bakiyi laifi ba..."

D'akin mijinki da ya fad'i sai ya sanya jikinta yin sanyi, itakam wllhi harga Allah tama mance wai shid'in ne mijin da aka d'aura mata, tafi danganta gaskiyan labarin da tatsuniya sabida ko a mafarkanta D'angayu ya zarce irin mijin da take tunani, ina ita ina shi, wannan ko a 'yan gayun ma ba kowwacce bace ta dace dashi, wai ita Deejoh, Deejohn Iya Gaje itace wannan mutumin ya zamto mijinta, gashi har yana fad'i da bakinsa....

Bata ida tunanin nata ba taji ya kamo d'aya hannun nata ya mata masauk'i saman katifarsa yana fad'in "Zauna muyi magana"... Gefe da ita ya da ita ya zauna ta d'an matsa can k'arshen katifar a d'arare...

"Deejah ina so ki saki jikinki muyi magana... Ko kema baki son ganina ne kaman yanda Baffah baison ganina...?"

Da sauri ta girgiza masa kai alamun a'a...

Ya jinjina kai had'i da furta "Good, kina jina ko....?"

Ta jinjina masa kai alamun eh...

Ahidjo ya kuma gyara zama kana ya soma fad'in "Kinga yanda Baffah ke fushi dani, kinga irin k'ok'arin da nakeyi wajen ganin na kyautata alak'ata dashi a matsayinsa na mahaifina.... Deejah duk duniyar nan ke kad'aice zaki taimaka min na sami soyayyar mahaifina da na rasa, ko baki so na sami albarkar sa...?"

A hankali ta furta "Ina so ka gyara alak'ar ka da mahaifanka.."

Ahidjo ya murmusa kana yace "Shiyasa nake so ki saki jiki sosai dani, ina so mu k'ulla shak'uwa tsakaninmu a matsayina na mijinki, idan Baffah ya lura da alak'a mai kyau dake tsanani na dake zai amince nayi na'am da zab'insu kuma hakan zaisa ya yafemin... Deejah inaso na tafi dake gidana Abuja na sakaki a makaranta kiyi karatu mai zurfi..."

Lokaci guda Deejoh ta shiga washe baki jin zata shiga makaranta, amma data tuna wai tafiya da ita zaiyi sai kuma taji murnan ta ragu....

Ahidjo na hankalce da ita yanda da fari ta soma murna daga baya kuma mood d'inta ya canza...

Kwanto da fuskarsa yayi kusan nata kana yace "Baki son karatun ne...?"

Da sauri ta girgiza masa kai alamun a'a kana tace "Ina so sosai, babban burina kenan a rayuwata.... Amma ni banson binka nasan idan na tafi shikenan bazan sake ganin Babana ba kuma Innah da Baffah ai nima zasuyi fushi dani mutanen gari zasuce nima na gudu bariki...."

Kalamanta na k'arshe ya kusa sanyasa dariya wai zasuce ta gudu bariki... Gimtse dariyarsa yayi kana yace "Babu wanda zaice bariki kika gudu tunda mijinki kika bi, ko su Innah ma bazasu ce haka ba..... Ko baki son bin mijin naki ne....?"

Yanda yayi maganar ya bata dariya, saurin rufe fuskarta tayi tana murmusawa ba tareda tace komai ba...

Ledan sayyayan da ya mata fitansu d'azu ya janyo kana yace "Bud'e fuskarki..."

Kaman bazata bud'e ba sai kuma ta sauk'e hannayen nata a hankali idanunta a k'asa sabida sabuwar kunyarsa da ya shigeta.....

Mik'a mata ledar yayi kana yace "Wannan naki ne..."

Tabi ledar da kallo kana ta dubesa....

"Karb'i mana..." Ya sake fad'i yana dubanta..

A hankali ta girgiza masa kai kana tace "A'a na gode...."

Ahidjo ya d'an d'aure fuska kana yace "Mai yasa bazaki karb'a ba...?"

Idanun Deejoh a k'asa tace dashi "Ai Baffah zaiyi fad'a idan na karb'a..."

Murmusawa ya d'anyi yana mai dubanta yace "Waye yace maki Baffah zaiyi fad'a, kin tab'a ganin miji yayiwa mata kyauta tak'i karb'a.... I'm your husband Deejah... You're my responsibility, kar ki sake k'in karb'an wani abu daga wajena kinji... Idan su Baffah sunk'i karb'an kyautata ke ya zama maki dole ki karb'a kinji koh... Oya gashi amsa...." Ya k'arashe yana mik'a mata...

Hannu tasa ta karb'a had'ida d'an durk'usawa kana tace "Na gode Allah k'ara bud'i...."

Godiya da addu'ar data masa ya sanyasa binta da kallo wani abu na tsargar masa cikin zuciyarsa, har cikin ransa dad'i yaji donshi tunda yake kyauta dukda shid'in ba gwanin kyauta bane bai tab'a yin kyauta aka gode masa irinta yau ba... Ashe kayi kyauta ayi maka godiya akwai dad'i shikam bai tab'a sani ba sai yau... Har Deejoh ta fice daga d'akin bai daina binta da kallo ba....

****

*Abuja*

"A gaskiya Yaya Junaid kurum naji ban yarda da niece d'in nan tasa ba, gaskiya ni ina zarginta cikin FUSKA UKU in fact kawai ni jikina na bani itace FUSKA UKU, inaso na shiga jikinta sosai domin akwai abubuwa da dama da nake son sani gameda ita.."

Junaid da ya k'urama waje guda idanu d'ago rinannun idanunsa yayi yana dubanta kafin yace "Ba wannan na aikeki ba, you know nothing Azeeza.... Abinda na umarceki kawai zaki min... Rayuwar Siraj nace ki shiga... Kin fahimta..." Ya k'arashe yana bud'e mata idanu....

Jinjina masa kai kurum tayi kana tace "Shikenan Yaya zanyi yanda kace..."

Jinjina mata kai shima yayi kana yace "Good, Umma Marie ta kira baki nan zan kirata yanzu na had'aku..."

Azeeza harda d'an tsallen murnarta take cewa "Da gaske Yaya, dan Allah kira min ita... I miss her so terribly...."

***

*Damaturu*



Zaune take da bak'in nata wad'anda ta masu masauk'i a yammacin ranar, ganin kiran Junaid na shigo mata ya sanyata saurin mik'ewa tana fad'in bari ta amsa kira...


Jinjina mata kai kurum Daddah tayi tana mai ci gaba da kai lomar tuwo... Ta dubi Mairo data kafa goran Fanta a baki tana kwankwad'a ta d'an yafaci cinyar Mairo tana mai k'asa-k'asa da murya tace "Kinga Mata 'yar aljanna bata sanmu ba ta bamu masauk'i ta karrama mu.. Allah dai ya biyata...."

"Ameen.." Mairo ta amsa dashi lokaci guda ta tintsire da dariya....

Daddah ta bita da kallon tuhuma kana tace "Yo mai kuma nayi...?"

Mairo ta d'an tsagaita dariyarta kana tace "Wllhi Daddah Sojojin nan kawai nake tunani... Wato ranar da matar nan tasan kalan mutanen da ta baiwa masauk'i inaga ranar zata sallame mu...."

Yab'e da baki kurum Daddah ke dubaunta kana tace "Allah bazai amshi bakin ki ba, ni daga yau na zama salihatu kuma ai. ...Ke fita wannan bazan kuma ba balle nayi arangama da Sojin nan..."

Mairo ta murmusa tana maida kallabinta gefen goshinta domin idan da sabo yabi jikinta kana tace "Toh Allah sa Daddah ta, Allah sa daga garin nan bama kuma hijira ba...."

Daddah bata amsata ba sai kai lomar tuwonta take.....

Dai-dai nan Umma Marie ta k'araso tana fad'in "Ayya kuyi hak'uri na barku ku kad'ai..."

"A'a wllhi ai babu komai, Allah dai ya biyaki da Aljannah Mariya, samun irinki wannan zamani namu sai anji jiki...." Daddah ta fad'i tana kuma karyar lomar tuwo...

Murmushi kawai Umma Marie take tana jin k'aunarsu har cikin ranta lokaci guda suka ci gaba da fira garin da suka baro...

***

Tana jin k'aran bell tasan shine ya iso, cikin sauri ta mik'e tana kuma sauk'e wuyar rigarta ta isa k'ofan tana bud'ewa saiji tayi ya mak'ure wuyarta da iya k'arfinsa ya had'eta da garu yana fad'in "What the heck did you do Nana A... Where's she... Tell me, What did you do to her....?"

K'ok'arin k'wace wuyarta take amma ta kasa, sosai Lamid'o ya shak'eta... Duk iyaka k'ok'arinta ta kasa k'watan kanta sai faman k'ak'ari take tana shure-shure...

Har cikin ransa yake ji kaman ya gama da shegiya kowa ya huta, domin Nana H ta wuce annoba a cewarsa

Flower vase dake gefenta tayi k'ok'arin rarumowa don k'watar kanta.... Aiko Allah ya bata sa'a ta d'auko vase d'in nan lokaci guda ta sauk'ewa Lamid'o akai...

K'ara ya saki had'i da zubewa gefe.... Nana H ta samu ta mik'e tana watsa masa mugun kallo lokaci guda ta shiga sosa wuyarta yanda ya shak'eta....

Ta jima tana zube gefe itama tana sosa wuyarta had'i da yin tari kafin ta zamto dai-dai... Sai sannan ta hangi Lamid'o ko motsi baiyi ga jini a k'asar wuyarsa... Dafe kanta tayi cikeda tashin hankali ta shiga fad'in "Oh no no what have you done Nana H...."

Kaman zautacciya take shiga jijjiga Lamid'o shiru kakeji baya mosti... K'aran da wayar Lamid'on yayi ya kuma razanata... Cikin sauri ta ciro wayar daga aljihunsa tana kallo... Lamba ce kawai babu suna...


Hannunta na rawa ta d'aga wayar had'i da k'arawa a kunnenta ba tareda tace komai ba....

Daga d'aya b'angaren Malam Ayuba yace "Rankashi dad'e na zuba masa maganin cikin shayinsa kuma na tabbata yasha, na cika nawa aikin rankashidad'e saura naka...."

Wani irin bugu k'irjin Nana H yayi... Lokaci guda ta katse kiran tana tunanin waye Lamid'o ke yunk'urin kashewa....



*SameenaAleeyou📚**FUSKA UKU*🏮


*25*



*©Sameena Aleeyou...✍🏽*



Ta jima rik'eda wayar a hannunta tana tunanin waye Lamid'o ke k'ok'arin rabasa da rayuwarsa... Toh kodai Uncle Siraj yake yunk'urin kashewa tunda gashi itama yayi yunk'urin kasheta, tabbas Uncle Siraj baya goyon bayan relationship d'insa da Nana A itama kuma bata goyon baya, in fact gaba d'aya gidansu su biyu ne basu goyi bayan abin ba wato shine yace bari kawai ya kashesu ya huta.... Lokaci guda jikinta yaci gaba da k'yarma Uncle Siraj d'inta... No no ina bazai mutu ba.... Jiki na rawa ta rarumo wayarta hannayenta har suna wani irin karkarwa ta shiga dialing layin Siraj....

Sau uku tana kira gashi dai wayar tana ringing amma ba'a d'agawa... Ji tayi tamkar an sauk'e mata guduma a k'irjinta... Cikin muryar kuka take fad'in "No no my Uncle love is alive... I know he's alive... He won't leave me... Yana raye bazai tab'a barina ba I'm sure of it....."

Duk sunbatun da take Lamid'o dake faman nishi da k'yar yana kallonta, murmushi ya saki a hankali dukda jin jiki da yakeyi... Lokaci guda wayar Lamid'o ta sake ruri... Nana H ta kuma zabura tamkar zautacciya... Ta yunk'ura zata d'auka saiji tayi Lamid'o ya janyota da iya k'arfinsa yana k'ok'arin k'watar wayar yake fad'in "Give me that.... Idan kika d'aga wayar nan sai na fasa maki kai wllhi...."

Bata saki wayar ba take fad'in "How dare you... You traitor , bayan duk abinda ya maka is that how you repay him akan kawai yace bazai baka auren 'yarsa ba... You should be ashamed of yourself Lamido.... Na rantse da Allah wani abu ya sami Uncle Siraj kaima zaka mutu....!" Ta k'arashe tana wani irin huci...

Murmushi Lamid'o yake bayan ya k'waci wayarsa da k'arfin gaske, yana shafa k'eyarsa yanda jini ya d'an zuba ya kuma damk'ota da iya k'arfinsa lokaci guda annurin fuskarsa ya d'auke cak.... Cikin wani irin huci yake fad'in "Wannan shine abinda na tanadar ga duk wanda yace zai hanani samun farin cikina Nana A.... And let me remind you this young lady... You're messing with the wrong person..." Yana ida fad'in haka yayi jifa da ita jikin kujera ya fice cikin sauri yana kuma dialing layin Malam Ayuba...

Da k'yar Nana H ta isa ga wayarta ta janyo ta kuma dialing layin Siraj... Tana kira kuwa ya d'aga wannan karan... Wani irin nannauyan ajiyan zuciya ta sauk'e kana tace "Uncle kana ina ne..? Are you sure you're fine... Where are you please....?" Yanda tayi maganar cikeda damuwa bai baiwa Siraj mamaki ba tinda yasan ta saba masa hakan amma wannan karan jin muryar nata cikin wani irin yanayi ya d'an sanyasa damuwa... Murya cikeda kulawa yace

"Sweetheart lafiya... Meke faruwa... Gani a hanyar gida.. Hope all is well...?"

Sauk'e ajiyan zuciya tayi kana tace "No babu komai Uncle, kasan kana huld'a da mutane da dama so you need to be very very careful, kasan mutane nowadays ba abin yarda bane..."

Murmushi Siraj yayi kana yace "Kar ki damu sweetheart zan kula da kaina sosai insha Allah I promise you, so ki kwantar da hankalinki koh...."

Cikeda jin dad'i ta amsa masa kana ta hanging up wayar.... Zama tayi cikin kujera had'i da cunk'ushe sumarta waje guda... Duniyar tai mata zafi batasan da waye zata soma ba, bata san ta yanda zata b'ullowa lamarin ba... Ga Lamid'o ga wancan shegiyar sakatariyar Siraj d'in wacce ke neman zame mata alak'ak'ai.. Koda shike wannan yarinyar mai sauk'i ce.... Lokaci guda ta saki murmushi tana hango fuskar Azeeza cikin idanunta mai zubin taliya a cewarta.....

***

Yana isa gidan suka keb'e da Malam Ayuba... Malam Ayuba yace "Yallab'ai tuntuni na saka masa maganin a shayi kuma na tabbata yasha.."

Lamid'o ya jinjina kai cikin ransa yace idan kuwa yasha he probably fell asleep by now.... Lokaci guda ya dubi Malam Ayuba kana yace "Na gode Malam Ayuba kana iya tafiya..."

Malam Ayuba ya kuma masa godiya kafin ya fice...

Kai tsaye sashen mahaifin nasa ya nufa, aiko kishingid'e ya taddasa jikin kujera Television na faman aiki.... Cikin sand'a ya isa yanda keys d'in d'akinsa yana neman Key d'in domin kuwa yasan halin mahaifinsa sam bai barin d'akinsa a bud'e kuma baka isa ka shiga masa d'aki saidai shi ya umarceka, babu mai shiga sai masu gyara masa kuma suma a gabansa suke gyaran, shi kansa Lamid'o rabonsa da shiga d'akin idan bai manta ba tun yana matashi d'an shatakwas, mahaifinsa bai yarda da kowa ba.....

Cikin sand'a ya d'auki keys d'in ya isa k'ofar d'akin ya soma gwadawa, cikin sa'a a gwaji na uku k'ofar ta bud'e saida ya sauk'e ajiyan zuciya had'ida yin hamdala kafin ya shiga d'akin....

Cikin sauri ya nufi drawers ya soma bincike....

Abinda ya basa mamaki hoton su Nana H tun suna yara ya soma zak'ulowa, FUSKA UKU jikin hoton kamannin su iri guda... Guda d'aya daga cikin 'yanukun an zana mata jan marker....

Sosai Lamid'o ya tsaya yana duban hoton.... Bai gama mamaki ba saida ya d'ago wasu hotunan wanda akasari na iyalan gidansu Siraj ne hardama wad'anda bai sansu ba wanda shakka babu yasan bazai wuce Yayan Siraj marigayi bane da matarsa... Kan Lamid'o ya kuma d'aurewa, domin kuwa sunan mahaifiyarsu Siraj kenan Mairo... Toh kodai itace... Kai bazai yuwu ita bace tinda a wayar yaji ana cewa Mairo sun gudu.... "Toh wacece Mairo...?" Ya tambayi kansa a hankali.... Cikin sauri yaci gaba da bincika duk wasu takardu dake wajen... Baiga komai ba bai fahimci komai ba, saiko hotunan family d'in Siraj da ya gani kala daban daban, wanda yasan mahaifinsa ya jima yana bibiyan wannan family... Toh amma su waye suka gudu har hankalin mahaifinsa ya tashi haka.... Lokaci guda ya mik'e had'i da fuzar da iska don bai sami abinda yake nema ba, mugun kallo kurum ya watsa wa mahaifin nasa sanda ya fito lokaci guda ya tuna guy d'in da ya kira mahafin nasa tunda ya d'auki number sa zaiyi yanda zaiyi ya sanar dashi mai mahaifinsa ke k'ullawa ko nawa zai kashe....

Cikin sauri ya fice daga gidan ya nufi gidansa ya shirya tsaf don zuwa ganin farin cikinsa Nana A....

Wani kulawa da soyayya Lamid'o ya dinga nunawa Nana Asma'u wanda ba kad'an ya tab'a zuciyar Nana H ba, haka aka watse aka bar masu parlorn don su samu su fahimci juna.... Siraj na mik'ewa Nana H tabi bayansa tana mai watsawa Lamid'o harara... Murmushi kurum Lamid'o keyi yana aika mata da wasu kallo da ita kad'ai tasan ma'anoninsu...

***

*Misau*

Tsaye yake jikin motar sa waya manne kunnensa daga d'aya b'angaren Sabi'u abokin aikin nasa da suke wayar tare yace

"DT amma kanaga zamanka a Misau bazai kawo mana matsala a binkicen da mukeyi ba, we really need you here...." Ya k'arashe murya cikeda damuwa...

D'an shafe goshinsa Ahidjo yayi kana yace "Sabi'u ni kaina na sani ya kamata na dawo, kasan abu da iyaye kuma babu wanda yasan Misau nazo sai kai kad'ai ko matata bata sani ba.... Yanzu abinda nake so da kai ku sake komawa ku bincike guy d'in sosai nasan anything next week zan dawo insha Allah... Just keep on the good work..."

Sabi'u ya d'an shafi k'eyarsa kana yace "Shikenan Detective Allah ya nuna mana, agaida mutan gida...."

Ahidjo ya amsa masa kana sukayi sallama ya katse kiran, zama dirshan yayi cikin motar nasa yana tunanin ya kamata ya koma kafin abubuwa su rincab'e masa a office...

Gaje kuwa tun da ta hangesa ta soma sauri uwa zataci da k'asa, sai faman wage baki take.... Tana isowa ta soma magana cikin dashesshiyar muryarta wanda da k'yar yake fita...

"Salama alaikum, salama alaikum.... Bakin bariki..."

Karkatowa kurum yayi yana binta da kallon mamaki wai bak'in bariki....

Kafin ya sami zarafin magana Gaje taci gaba da fad'in "Baka gane ni ba koh.... Toh nice dai uwar goyon matarka Deejoh wacce ta cinye uwarta ta kuma kama kurwan ubanta dake kwance yana jinya, nima don kurwata tafi k'arfinta ne shiyasa bata kama ba.... Yanzu maganar da nake maka ni ce nan mai biyan hayan gidan ubanta ga bashin kud'in magani ya mana katutu... Tinda na rasa Deejoh na rasa 'yar talla shine nazo......!!" Aya ta saka wa maganganun nata ganin bindiga a gaban motarsa a ijiye cikin motar tasa..... Gaje ta kuma ware idanu tabbas bindiga take gani ra'il ainu ba cikin shirin wasan kwaikwayo ba.... Waige-waige ta soma tana neman ta wani hanya zata arce... Ba komai ya fad'o mata rai ba sai tunanin k'ila d'an fashi ne ko d'an shan jini bacin haka mai ya had'asa da bindiga....

A tamanin ta tattare zaninta ta rik'e a hannu ai kafin ya sami zarafin magana ta arce a guje.... Ahidjo ya bita da kallon mamaki yana tunanin k'ila tab'in hankali takedashi domin maganganunta ma gaba d'aya baiyi kama dana masu hankali ba... Girgiza kai kurum yayi yana mamakin yanda Deejoh ta zauna da wannan mata... Lokaci guda yaji yana son sanin komai gameda Deejoh, cikin gida ya shige ya kuma samu Innah ce kawai zaune a tsakar gidan....

Innah ta fad'ad'a murmushinta tana fad'in "Baba wuro an shigo...."

Murmushi kwance saman fuskarsa ya zauna daga can gefen tabarman yana gaida Innah.... ta kuwa amsa masa da sakin fuska... Nan ya shiga d'an waige