You Cannot Download this book untill you login but you can read it .

---

Login Register

toh waima wani emergency ne ya faru? Tinda taji Nasaar ne ya kirasa tasan bazai wuce kishi irin na Nasaar bane kurum, yayi hakan ne don b'ata masu fitar tasu.... Toh kodai ta tafine kar ta jira wannan mahaukaciyar niece d'in tasa... Wata zuciya tace jirata kurum tinda yace haka.. Waje ta samu ta zauna tana mai kiran layin Yayanta Junaid...


***
Nana H na ida parking wayar Siraj ya shigo mata, kafin ta sami zarafin sanar dashi abinda ke faruwa tsakanin Nana A da Lamid'o Siraj ya soma sanar da ita buk'atarsa...

Wani irin bugu da k'irjinta yayi k'iris ya rage wayarta bai sullub'e daga hannunta ba....




*SameenaAleeyou📚**FUSKA UKU*🏮




*27*





*©Sameena Aleeyou...✍🏽*




Cikin gida Nana A ta shige har lokacin hawaye bai daina zarya saman fuskarta ba... Ammah da Ayiya suna parlor ta wucesu ba tareda tace dasu komai ba...

Gaba d'aya hankulansu tashi yayi ganin yanayin nata, Ayiya tabi bayan Nana A tana tambayarta abinda ya faru, inaa Nana A sam bata sami zarafin amsata ba, hankalin Ayiya idan yayi dubu ya tashi... Cikin sauri ta fice daga parlorn tana rangad'awa Malam Sile kira, bata hangi kowa ba sai Nana H da tayi zaune cikin mota ta rasa meke mata dad'i...

A d'ari Ayiya ta nufi Nana H tana fad'in "Ni dama nasan za'a rina... Muguwa mai mugun hali uwar mai kika mata....?" Ta k'arashe tana fincikan marfin motar Nana H

Wani banzan kallo Nana H ta watsa mata irina banida lokacinkin nan kana ta karkato da kyau tana duban Ayiya dake faman huci kana tace "Wannan shine lokacin da nake jira yazo... Barikiji na fad'a maki Nana H ta wuce duk wani tunaninki, tuggunki da kuma makircinki... Sannan da kikazo kina min shouting akai mai yasa baki tsare d'iyar taki kin tambayeta ba....?" Ta kuma murmusawa kana taci gaba da fad'in " Kije ki tambayeta mai Lamid'o Sarki naki ya mata na tabbata daga nan zaki sami cikakkiyar bayani don ni banida lokacinki...." Tana ida fad'in haka ta finciki motar ta tayi gaba

Ta bar Ayiya tsaye a wajen tana faman tururi

***

Shafa kansa Lamid'o yayi had'i da fuzar da iska kana ya kuma damk'e wayar yana mai ci gaba da fad'in "Look zan biya ko nawa ne.... Just tell me wani aiki kake wa Bulama...."

Nazir ya shafi kansa yana muzurai kana yace " Kaman nawa zaka biyani....?"

Cikeda jin dad'i Lamid'o yace "Ka fad'i amount d'in da kake so...."

Nazir baki sake yace "Haba rankashidad'e don't take me for a fool mana... A waya fah muke maganar nan.. Naji alert kafin na baka duk wani information da kake nema gameda Mairo, I'll send my bank details ka fahimta...."

Lamid'o ya murmusa kana yace "Babu matsala sai na jika daga yanzu zuwa anjima..." Daga haka katse kiran Lamid'o yayi had'i da sakin murmushi, zuciyarsa tana kuma tunzurasa wajen sanin wacece MAIRO....

Suna ida waya Nazir ya kuma ficewa ya nufi gidansu Zaliha ko an sami wani labari gamedasu Mairo, don tunda su Mairo suka bar garin cikin neman yanda zai samesu yake wayoyinsu gaba d'aya baya shiga...

***


*Damaturu*


Cikin tsananin fushi Mairo ta kuma duban Daddah kana tace "Daddah fisabilillahi mai yasa zaki karya min SIM d'ina mai yasa zaki min haka, haba Daddah shin kina kyautawa rayuwata kenan...?"

Daddah dai tinda ta soma magana tab'e baki kurum take ba tareda ta furta koda kalma ba k'arshe da abin ya isheta mik'ewa tayi tana duban Mairo kana tace "Wai kin mance duk garin da muka baro toh doka ce mu canza layi...? Mairo wai meke damunki ne, shin karya layin waya yau ya zamto bak'on abu a wajenki ne... Sanin kanki ne bazamu tab'a canza gari bamu canza layi ba.... Idan da sabo ya kamata wannan ya zame maki jiki...." Ta k'arashe tana janyo kayan sana'arta kasancewar yau zasu fara halartar shagon d'inkin su Umma Marie don tuni ta sama masu gurbin aiki a wajen....

Mairo kaman ta fashe ta dubi Daddah tayi k'wafa kana tace "Amma dai kinsan cewa akwai mutane masu mahimmacin a rayuwata da muka baro a Tambuwal, yanzu fisabillillahi ina zan sami Nazir da Zaliha....?"

Tsuka Daddah taja bayan ta sake baki tana dubanta kana tace "Yo sai mai, ke duniyar nan da kike gani mutum ba abin yarda bane ka gama rayuwa da wani yana nan yana binka da sharri, ki ciresu a ranki idan da rabon ku sake had'uwa wani lokacin sai kiga Allah ya had'aku..... Karma kiyi hushi Mairamu na, Allah sa haka shine alkhairi don layin waya kam tun muna kwalta na tauneta...."

Girgiza kai kurum Mairo tayi cikeda takaici kana ta isa saman carpet ta suri Jakarta ko takan Daddah bata kuma bi ba tayi ficewarta, dai-dai lokacin Umma Marie ta iso tana tambayar Daddah ko sun shirya...

Daddah na washe baki take fad'in "Mun shirya Mari 'yar aljannah ke kawai dama muke jira.."

Umma Marie ta murmusa cikeda jin dad'i kana tace "Madalla mu k'arasa waje toh kar lokaci ya k'ure mana...."

A waje suka tadda Mairo d'aurin kallabinta a goshi don yau a sama take jinta tinda Daddah ta takaleta, k'iris kawai take jira..

Suna fitowa Mairo tayi gaba abinta, tana tafiya tana 'yan wak'e-wak'enta, Umma Marie sai murmushi take don tasan bazai wuce Daddah bace ta takali Mairo, a d'an zamansu tare har ta fahimci su duka biyun mafad'ata ne amma suna birgeta sosai, har cikin ranta take jin k'aunarsu....


Dakura ce zaune bakin shagon sai faman fetsa rashin kunyarta ga duk wanda taga dama take, dama haka nan Dakura take akwaita da fad'an rashin gaskiya harta Hajiya Yagana mai shagon d'inkin tasan halin Dakura, gashi ta zame mata k'arfen k'afa ta kasa korarta, Dakura masifeffiya ce ta k'arshe, da yawan customers da suka daina kawo d'inki Dakura ce ta koresu....

Tinda su Daddah suka shigo Dakura ke binsu da kallon banza haka nan tak'i jinin Umma Marie sam basu shiri, saidai Umma Marie mace ce mai tsananin hak'uri da kai zuciya nesa wannan dalili yasa bata kula Dakura koda ta takaleta da fad'a....

Wasu kujeru Umma Marie ta nunawasu Mairo tace su zauna kafin Hajiya Kaltume mai Masana'artan ta iso....

Mairo da Daddah suka nemi waje suka zauna suna bin shagon da mutanen ciki da kallo, lokaci guda Daddah ke karantar kowa.... Kowa a wajen ya masu sannu da zuwa idan ka d'auke Dakura dake faman d'age-d'agen hanci tanai wa mutane kallon banza.... K'wafa kurum Daddah tayi tana addu'an Allah sa wannan mai zubin muciyar ta takaleta.....

***

Tana ida parking a k'ofar boutique d'in ta hangeta ta cikin glass tana zaune ta hard'e k'afafu tamkar wata sarauniya..... Nana H ta murmusa had'i da bud'e marfin faran Range Rover d'inta ta fito tana takunta cikin yanga da isa kaman yanda ta saba....

Tana isowa wajen ta tab'e baki tana bin boutique d'in da kallo don kantin wasu Labani's ne wanda sai ka cika kafin ka saya kaya a wajen, lokaci guda ta soma fad'in "Shidai matsiyaci bai iya samun waje ba sai yayi k'ak'a gida... Bacin haka nasan Uncle d'ina is a decent man babu abinda zai had'asa da karuwa har ya fita shopping da ita idan ba ita ta cusa kanta ba....." Ta k'arashe tana hard'e hannaye a kunkuminta...

Sai sannan Azeeza ta d'ago had'i da sakin murmushi kana tace "Aww dama kece, kece Watchdog d'in tasa... Ya Allah wllhi bansan ke zai kira ba don ni ce min yayi zai kira watchdog d'insa don bazai barni na zaga city ni kad'ai ba.... Anyways since you here bari a firfito da kayan sai mu tafi koh...." Ta k'arashe murmushi saman fuskarta kafin tayi alama wa masu kantin da su fito da kayyayakinta...


Nana H tamkar gunki haka ta tsaya cak tana duban Azeeza.... She couldn't believe it, wai ita ake kira watchdog....? kambala'in can, lallai Azeeza bata san da wacece take ba... Amma kam tabbas tayi na kud'inta watan cin uwarta ya kama, zata gane shayi ruwa ne, zata san ta tab'o Nana Hafsatou, zata san cewa no one messes with Nana Hetch.... Lokaci guda Nana H ta sakarwa Azeeza murmushi kana tace "Mu k'arasa banson holdup ya tare mu.."

Kallo Azeeza ta bita dashi had'ida yin k'wafa, murya a hankali ta furta "Da Azeeza kike zancen muje zuwa, da yanda duk kika zo min ina dai-dai dake....

Mamaki ba gama cika Nana H ba saida taga tulin kud'in da Siraj ya kashewa Azeeza.... Lallai wannan shegiyar ta tsafe Uncle amma dole tayi maganinta don ita batada boka batada Malam amma duk abinda ta saka a gaba toh fa sai tayi nasara...

Lokaci guda Nana H ta sake da Azeeza sai jefo mata fira take jifa-jifa, da sakin fuska tamkar ba Nana H ba, abun har mamaki ya baiwa Azeeza, saidai sam Azeeza bata yarda ta saki jiki da ita ba...

"Azeeza ya kamata mu zama k'awaye mu daina fad'a tinda naga da gaske Uncle love d'ina ya makance akanki...." Ta fad'i fuska d'aukeda mayaudarin murmushi, idanunta naga bisa kwalta...

Murmusawa Azeeza tayi had'ida maida komai ba komai ba kana tace "Ni dama ban k'ullaceki ba, kece dai baki fahimci wacece Azeeza ba, ni mutum ce mai sauk'in kai amma kuma maras d'aukan rainin hankali.."

Nana H ta kuma murmusawa sanda traffic light ya nuna masu koren wuta alamun an basu hannu kana taci gaba da fad'in "Ina muka nufa ne kam ban tambaya ba..."

"Citec muka nufa...." Azeeza ta bata amsa kai tsaye...

Lokaci guda Nana H ta d'auki hanyar unguwar tana mai ci gaba da jan Azeeza da fira.... Har gida Nana H ta ajiye Azeeza bayan sunyi exchanging phone number.... Nana H bata bar unguwar ba har saida taga gidan da Azeeza ta shige... Tayi murmushi tana dubanta kafin ta d'au wayarta ta shiga dialing layin Bash....

"Hello Bash wani aiki nake so ka min, mu had'u anjima banson b'ata lokaci...." Daga haka hanging wayar tayi tana mai murmusawa ita kad'ai, lokaci guda taja motarta ta bar unguwar...


Nana H na tafiya Azeeza ta lallab'a ta fito daga gidan data shiga sauri-sauri ta fice daga unguwar ta nemi cab ta shige......

***

"Hello Nazir ina jinka...." Lamid'o ya fad'i yana kuma k'asa-k'asa da murya... Nazir yaci gaba da fad'in "Ban jima da turo masa hotunan Mairo ba, kayi iyaka bincikenka da zakayi a d'akinsa na tabbata zaka samu..... Tabbas sunanta Mairo amma bansan dalilin da yasa wasu lokutan yake kiranta Nana Khadijah ba.... Na baka duk wasu information da ya kamata na baka, kayi a hankali kar Bulama yasan wannan zancen don wllhi kasheni zaiyi.... Yana son Mairo fiyeda komai na rayuwarsa...."

Lamid'o ya kuma shafa goshinsa kana yace "Kar ka damu bazai tab'a sanin komai ba... Na gode Nazir sai mun sake magana, sannan dan Allah ka sake komawa tashan mass ka ci gaba da binciken garin da su Mairo suka tafi, akwai reward mai girma da na tanadar maka..." Daga haka sallama sukayi Lamid'o ya kuma komawa cikin d'akin da sauri...

Ganin babu mahaifinsa a d'akin ya sanyasa shigewa yana ci gaba da binciken sunan da Nazir ya fad'a masa... NANA KHADIJA! sunan da yayita maimaitawa kenan yana tunanin yanda ya tab'a sanin mai sunan.... Wasu takardu ya zak'ule masu k'unshe da rubutu wanda ba sai ance maka masu mhaimmaci bane.... Lamid'o zuru yayi ma takardun yana juyasu sabida gaba d'aya a sile suke.... B'arka takardan da zaiyi yayi dai-dai da shigowar mahaifinsa, wani irin bugu k'irjinsa yayi lokaci guda ya saki takardun..... Nan suka watse k'asa.... K'irjin Lamid'o ya buga sanda yabi hotunan da suka watse k'asa da kallo... Shakka babu ta jikin hoton Fuskar Nana H da kuma Nana A ce da ita, idanma baka lura da kyau ba kai tsaye Nana H zaka ce sabida sunfi tsantsan kamanni harta murmushinsu iri d'aya ne, saidai kurum Nana H ta nunama wannan gogewar fata sabida hutu da kuma tsananin wayewa.... K'afafuwan Lamid'o suka soma karkarwa sanda ya durk'usa yana shafa hotunan, tabbas sai yanzu cikaton su Nana H ta fad'o masa, sunanta Nana Khadijah wacce suke kira da Nana K, kenan bata mutu, kenan tayi surviving accident d'in.... Innalillahi wa inna'ilaihirraji'un.... Kalman dake yawo kenan cikin kwanyarsa... Mik'ewa tsaye da zaiyi yaji sauk'ar lafiyayyar mari a fuskar sa.....

Dafe da k'uncinsa ya d'ago yana duban mahaifinsa....

"Daddy.... Daddy who are you.... Tell me who you really are...!!!" maganganun da yaji bakinsa na furtawa kenan, sam baiji zafin marin ba ma.....

"Kayi kuskure Lamid'o da kayi tunanin wai zaka bincikeni ba tareda sanin ko ni waye ba.... Tabbas kaci nasaran gano wacece Mairo d'aya daga cikin 'yan uku masu fuska iri guda, amma ka sani gano Mairo bazai maka amfanin komai ba saidai ma jaza ma rayuwarka sabuwar rayuwar k'unci da ka kuma yi wanda bakayishi a baya ba..... Da sannu zaka san wanene Bulama...." Ya k'arashe kafurar murmushi saman fuskar sa...


Lamid'o na hawaye ya durk'usa saman gwiwoyinsa yana mai ci gaba da fad'in "Dan Allah Bulama ka sanar dani ko wanene kai wllhi jikina ya soma bani bakai ka haifeni ba, wllhi baka da d'igon imani da zaka raba yarinya da real family d'inta tsawon shekaru ashirin.... Dan Allah waye kai....?" Ya k'arashe hannayensa suna tsananin b'ari alamun rok'o...

Dariya Bulama ya kece dashi kafin ya buga k'ofar d'akin da sanadarsa, kan kace mai wasu k'arti majiya k'arfi sun shigo lokaci guda suka kame Lamid'o suka fice dashi... Kokawa ya shigayi dasu amma ina sarkin yawa yafi sarkin k'arfi inji hausawa, lokaci guda d'aya k'akk'arfan ya buga masa gwiwar hannunsa a k'asan wuyarsa.... Wani irin k'ara Lamid'o ya saki daga nan bai kuma sanin yanda kansa yake ba....

***

Azeeza na zaune itada Yayanta Junaid tana kora masa bayanin yanda sukayi da Siraj da kuma d'iyarsa Nana H wayar Junaid tayi k'ara ganin mai kiran ya sanyasa sakin murmushi kafin ya d'aga wayar

"Detective, kana k'ofar gidan... Shigo kawai babu matsala.."

Azeeza ta kallesa da mamaki kana tace "Yaya waye kuma Detective..?"

"Tashi ki shiga d'aki kuma kar ki fito sai ya tafi...." amsar da Junaid ya bata kenan...

A hankali ta mik'e ba tareda ta kuma cewa komai ba ta shige d'aki don tasan halin Yayan nata....

Tun daga bakin k'ofa Detective Sabi'u ke kallon Junaid idanunsa sun kad'a sunyi rau-rau.... Lokaci guda yake takowa a hankali har ya ida shigowa cikin parlorn....

Bakin sabi'u na rawa yake furta

"Junaid.... Haka suka maidaka? Junaid da gaske kaine saman wheelchair...?"

Lokaci guda idanun Junaid sukayi rau-rau, zazzafan murmushi saman fuskar Junaid ya k'arasa ya hugging k'afafun Sabi'u yana fad'in "Haka suka maidani Sab.... But I'm here... I'm here now with my vengeance...."

Sabi'u ya durk'usa suna fuskantar juna shida Junaid idanunsa sunyi jazur sanda yaci gaba da fad'in "Kar ka ragar wa ko d'aya daga cikinsu brother.... Kana tareda goyon bayana a koda yaushe...."

Junaid ya murmusa kana yace " Na gode Sab, thank you for always keeping me updated... Na gode da ka shiga rayuwar Ahidjo a dalilina...."


*SameenaAleeyou...📚**FUSKA UKU*🏮


*28*



*©Sameena Aleeyou...✍🏽*




Durk'usawa Sabi'u yayi hannayensa saman cinyoyin Junaid yake fad'in "You don't have to thank me for anything bro, kar ka mance irin abotan dake tsakaninmu kafin FUSKA UKU su bayyana cikin rayuwanka, har kullum zaka kasance d'an uwa a gareni Junaid.... So duk abinda nayi maka kaina nayiwa ka daina godiya please...." Ya k'arashe murmushi saman fuskar sa....

Junaid ya kuma murmusawa kafin suka hugging juna shida Sabi'u nan kuma suka soma firan yaushe rabo....



***

*Misau*


Kallo ya kunna masu a laptop d'insa movie d'in Avengas infinity world, lokaci guda yake mata bayani tinda yasan ba fahimtar yaren take ba.... Ga sanyi da ya kad'a sosai a garin... Ahidjo na hankalce da yanda ta tak'ure waje guda, murmushi kwance saman kyakkyawar fuskarsa yake dubanta ga tsoron movie d'in da ya cikata sabida wasu irin hallittu dake ciki.... A hankali ya matso jikinta ba tareda yace da ita komai ba, lokaci guda yasa hannayensa ya kewayeta dasu had'i da shigar da ita cikin k'irjinsa.... Wani irin ajiyan zuciya ya saki shi kad'ai had'i da lumshe idanu, shi kad'ai yasan abinda yakeji gameda Deejoh....

Deejoh kam inaa bata ma san wainar da ake tuyawa ba an saki baki da hanci ana kallon movie.... Bata ankare da abinda mijin nata keyi ba saida taji wasu bak'in al'amra a tattareda ita, k'irjin Deejoh yayi wani irin bugawa hakan yayi dai-dai da wani abin tsoro da aka nuna a film d'in... K'ara ta saki had'i da k'ank'ame Ahidjo ga jikinta dake wani irin kyarma....

Shiko dad'a matseta yayi jikinsa yana fad'in "It's OK I got you.... Tsoro kike ji, na canza maki movie d'in....?" Yayi maganar cikin wata irin sakaltacciyar murya....

Girgiza masa kai Deejoh ta shiga yi k'irjinta naci gaba da bugu tama rasa yanda zatayi ta hanasa abinda yakeyi, tsoro da firgici sosai suka cikata hakan bai tab'a faruwa da ita ba.... Lokaci guda taji kuka na zuwa bakinta don tasan shine kawai abinda zata iya....

Cikin salo da dabara ya daina sabbin wasannin dake wanzuwa a tsakaninsun, A hankali ya eungumeta sosai cikin jikinsa yana lallashinta wanda tunda yake bai tab'a yin irin hakan ba, kukan da take masa sai ya kuma janyo hankalinsa sosai a gareta, bai tab'a sanin kukan mace nasa kaji wani abu gameda mace ba sai akan Deejoh, gaba d'aya sai ya wani saki jiki yana lallashinta yana sanar da ita matsayinsa a wajenta cikin dabara da salo wanda a baya idan akace zaiyi toh zai musa.... Gaba d'aya D'ansandan ya koma tamkar farar hula...

Luf ta kwanta cikin jikinsa tana maida ajiyan zuciya, lokaci guda ya yaye d'ankwalin kanta kyakkyawan sumarta wanda bai faye tsawo sosai ba ya bayyana....

Murya can k'asan mak'oshi yaci gaba da fad'in "Deee I'm your husband, you're my wife... Ko a islamiyar taku ba'a sanar daku matsayin miji ba...?"

Saurin girgiza masa kai tayi kana tace "Nidai kawai don ina son binka Habuja ne shiyasa idan kace na zauna kusa da kai nake zama, amma idan su Innah suka lek'o suka ganmu haka ai ce mana zasuyi mu 'yan iska ne, nidai kawai ka daina min irin wannan wasan idan kana so nasa na matsawa Baffah da batun tafiyarmu don ni wllhi ba 'yar iska bace, ko su Lado ma Allah bai basu nasara akaina ba..."

Gashi dai maganganun nata abin dariya ne amma kalamanta na k'arshe sunyi mugun d'aga masa hankali... Wani irin zabura yayi ya mik'e yana mata wani irin duba wanda ita kanta saida taji tsoronsa kana yace "Waye Lado, meye had'inki dashi....?" Idanuwarsa a waje ya mata tambayar ga wasu jijiyoyi da suka taso lokaci guda daga goshinsa....

Idanun Deejoh sukayi rau-rau ganin yanayin Ahidjo, tsoro sosai ya wanzu a fuskarta, cikin sauri ta shiga girgiza kai tana dubansa hawaye na zubowa daga idanunta....

Cikin tsawan gaske yace "Ba kuka nace ki min ba, ki sanar dani waye Lado or whatever...!!!"

Deejoh ta kuma zabura kukanta ya k'aru lokaci guda ta soma fad'in "Wllhi wllhi D'angayu ni ba 'yar iska bace, ...."

Take Deejoh ta sanar dashi komai gamedasu Lado, har tareta da suka shayi a hanyar makarantar allo....

Duk sanyin dake kad'awa a garin saida Ahidjo yaji wani gumi na tsartsafo masa.... Ji yake da zaiga su Lado yanzu haka a gabansa babu abinda zai hanasa harbesu har lahira.... Lokaci guda tausayin Deejoh ya kuma rufesa.... He couldn't believe she went through all this.... Ganin kukan nata na k'aruwa tana kuma fad'in ita ba 'yar iska bace ya sanya Ahidjo saurin rungumota ya manneta cikin jikinsa suna jin bugun k'irjin juna, a hankali yake furta "Ki daina kuka Dee, it hurts.... I do believe you kinji koh, na yarda ke ba 'yar iska bace, na sani... Ki daina kuka kinji...." Ya k'arashe yana mai k'urama waje guda idanu, shi kad'ai yake imagining kalan azaban da zai baiwa su Lado, fuskokinsu kawai yake kamantawa a idanun zucinsa dukda ba sanin su yayi ba...

Deejoh kuwa jinjina masa kai kurum tayi had'ida yin lamo cikin k'irjinsa.... Ta jima a hakan har bacci ya soma d'aukarta....

***

Kishingid'e yake a parlorn nasa TV da AC na faman aiki, kasancewar daga aiki ya dawo inners ne kawai jikinsa sabida zafi da akeyi a garin Abuja..

Fuskar Azeeza yake hangowa shi kad'ai sai murmushi yake, hannunsa rik'eda k'aramar bracelet d'inta da shakka babu yasan a hannunta ya zame, domin cikin motarsa ya tsinta.... Lokaci guda yake tuna k'arfin hali irin na Azeeza.... Murmusawa ya kumayi, a hankali ya furta "She's crazy...."

Daga bakin k'ofar ta tsaya tana dubansa, soyayyarsa na ratsa b'argo da tsokarta, kallonsa takeyi yanda yake murmushi yana juya bracelet d'in hannunsa, tausayin kanta ya kamata, wai duk tsarewa da take da hana rab'an Uncle Siraj da take bazata tab'a mallakansa ba... Meyasa meyasa Uncle bai fito cousin d'inta ba ya fito k'anin mahaifinta, shin wannan wane irin musiba ce.... Lokaci guda tasa hannu ta goge hawayen da ya gangaro mata, zuciyarta taci gaba da raya mata har abada bazata tab'a barin wata mace ta rab'i Uncle ba koda ita bazata tab'a mallakansa ba amma kam tabbas zata mutu da k'aunarsa cikin ranta....

K'ok'arin saita kanta tayi kafin ta d'anyi knocking k'ofar glass d'in...

Saurin mik'ewa yayi daga kishingid'en da yake kafin ya mik'a hannu ya janyo jallabiyarsa ya zura....

Mik'ewa yayi ya isa k'ofar had'i da bud'e mata murmushi saman fuskarsa.... Ganin yanayin fuskar nata babu walwala tamkar ma kuka tayi ya sanya jikinsa yin sanyi.... Aiko kaman jira take yana bud'e k'ofar ta fad'a k'irjinsa tana kuka....

Jikin Siraj ya kuma yin sanyin, k'ok'arin janyeta yake daga jikinsa amma tak'i sakinsa, saima dad'a k'ank'amesa da tayi.....

Hankali tashe Siraj ke tambayarta meke faruwa....

Juyin duniyar nan Siraj yayi Nana H ta sanar dashi meke faruwa ta kasa sai faman kuka take....

Da k'yar ya samu ya masu mazauni saman kujera yana mai ci gaba da fad'in "Nana H sweetheart wai meke faruwa, waye babu lafia cikin gidan, ko ciwon Ammah ne ya tashi....?" A tare ya jero mata tambayoyin da shike dawowarsa kenan baiko lek'a sashen Ammahn ba....

Da k'yar Nana H ta tsagaita da kukan nata kafin ta soma fad'in "Uncle do you really love me...?"

Kallon mamaki Siraj ke binta dashi kana ya jinjina kai a hankali had'i da furta "Of course I do love you.... So much...."

Nana H ta kuma goge hawayenta kana taci gaba da fad'in "Uncle zaka iya auren macen da zata wulak'antani taci mutuncina ta zageni...?"

Cikin sauri ya shiga girgiza kai alamun a'a kana yace "Bazan bar wata mace da sunan matata ba taci zarafin 'yan uwana and especially you my sweetheart...." Ya k'arashe yana rik'o hannayenta

K'aunar Siraj ya kuma ratsa cikin zuciyarta, duk duniya babu wanda ke treating d'inta da kulawa kaman yanda Siraj keyi....

"Uncle budurwarka sakatariyarka tacimin mutunci yau cin mutunci da ba'a tab'a min irinsa ba, ta kirani da sunaye marassa kyau.... She even called me your watchdog....." Ta k'arashe murya na rawa...

Ga tsananin mamakinta dariya taga Siraj nayi, ta shiga tambayar kanta cikin zuciyarta kodai baiji abinda tace bane.... Muryarsa ya katseta cikin d'an sautin dariya yake fad'in "I thought wani abin ne ya faru.... Ki kwantar da hankalinki sweetheart, idan dai Azeeza ce haka take, ni kaina na soma sabo da halinta, and waye yace maki Azeeza budurwata ce....?"

Ita haushi ma ya bata tama rasa mai zatace masa, da a baya ne da yabi bayanta kuma da ya rabu da budurwar rabuwa ta har abada,