You Cannot Download this book untill you login but you can read it .

---

Login Register

nasarar cirewa cikin yardar Allah... Amma kuma wani hanzari ba gudu ba... A gaskiya Baba koda wannan majinyaci ya sami lafiya dole ya iya rasa d'aya ko fiyeda d'aya cikin abubuwan da zan lissafo maka, kodai ya rasa hankalinsa ma'ana ya sami tab'in hankali ko kuma ya rasa jinsa ko ganinsa ko ya rasa tunaninsa ma'ana tunaninsa ka iya shafewa sabida ikon Allah ne kurum zai raya mutumin nan, don tunda nake aikin likitanci ban tab'a gamuwa da mutumin da ya sami mummunar had'ari irin na wannan mutumin ba.... Sannan abu na k'arshe munada buk'atar jini cikin gaggawa a k'ara masa, don cikin mu biyu dagani har abokin aikina babu wanda jininsa ya dace da nasa, kai Baba girma ta sauk'o maka balle mu auna naka idan ya dace mu d'iba amma...."

Cikin sauri Baba Malam ya katse sa da fad'in "A'a likita ceton rai ne, ka auna nawa idan baiyi ba ka auna na iyalai na, fatanmu Ubangiji ya tada kafad'un wannan bawa nasa, kar kaji komai likita...."

Jinjina kai Dr Sahal yayi kana yace "shikenan Baba zamuyi yanda kace zamu auna...." Daga haka mik'ewa sukayi a tare suka fice daga office d'in...


Koda aka auna jininsu babu wanda nasa ya dace da na wannan mutumin, ana haka su Umma Marie suka iso hankali tashe, Mairo da Daddah sai dannan Umma Marie suke suna fad'in insha Allah babu abinda zai sami Kawunta Baba Malam....


Sosai Hafizu yayi mamakin hangosu Umma Marie suna k'ok'arin shigowa reception sai sannan ya tuna sanda sukayi waya Umma Marie ta tambayeshi asibitin da suke kuma bai sanar da ita wani mutumin suka kawo ba, tabbas dole hankulansu ya tashi don jiya ce masu yayi Baba Malam na nemansa cikin gaggawa dole suyi zaton k'ila Baba Malam d'in ne babu lafiya ko Mamansa Yaya Azumi.... A hankali ya dafe kansa don tun jiya d'in basu sami natsuwa ba daga shi har iyayensa...


Turus su Umma Marie sukayi ganin su duka ukun a reception...

Baba Malam ya mik'e yana tambayarsu lafiya yaya ya gansu haka....?

Daddah baki sake tace "Yo ai ku zamu tambaya bawan Allah, jiya Malam Hafizu bai mana karatu ba ya tafi afujajan cikin tsananin tashin hankali yana mai sanar damu kana neman sa cikin gaggawa.... A daren hankalin Mariya ya tashi taso zuwa muka danneta mukace ta bari gari ya waye, haka dai muka kwana muna dannarta don ta sanar damu jikinta na bata wani abin ne ya sami kawunta, toh safiyar yau d'in nan muka nufi can gidanka bamu taddaku ba, shine muka yanke shawarin ta kirawo Hafizu ta tambaya, Hafizu ko yace kuna asibiti kaji dalilin da yasa muka taho...." Ta k'arashe koro bayanin tana mai zama saman kujera....


Baba Malam ya girgiza kai kurum yana mamakin shirirta irinta Hafizu bacin haka yaya zai sanar dasu suna asibiti gashi tun jiya basuji daga garesu ba ga halin da ya barosu ciki ai dole hankali ya tashi....

D'an girgiza kai Baba Malam yayi kana yace "Ku kwantar da hankulanku babu abinda ya samemu lafiya lou muke...."

Umma Marie na share ragowar hawayen idanunta take fad'in" Amma Kawu wajen wa kuka zo asibiti gaba d'ayanku tun safe tinda nasan danginmu gaba d'aya basa garin nan suna Taraba...."
Gaba d'aya suka dubi juna, Baba Malam Hafiz da kuma Yaya Azumi... Kafin su sami zarafin magana Dr Madi abokin aikin Dr Sahal ya k'araso yana tambayar "Kuma kunzo a auna jinin naku ne ko za'a sami wanda yayi....?"

A'a aiko Dr ya kuma shigar dasu duhu.. Daddah na zaro idanu tace "Auna jini ni Bintu... Ke Marie ina ne nan anya ba wajen 'yan shan jini ba yaya daga zuwa zasuce a auna jinin mu... Mairo matso daga kutiri na...." Ta k'arashe tana janyo Mairo gam jikinta...


Gaba d'aya kallo sukabi Daddah dashi itako ko a jikinta batama san tayi ba. Umma Marie dai abin mamaki ya bata, ta shiga binsu da kallo d'aya bayan d'aya...

Hafiz ya dubi Iyayensa kafin yace "Baba inaga Umma Marie ya kamata ta sani tinda ita kad'aice danginmu a garin nan, sannan ko bamu sanar da ita ba nan gaba zata sani..."

Yaya Azumi ta jinjina kai kana tace "Hakane Hafiz..."

Take Hafiz ya sanar dasu komai duk abinda ke faruwa...

Sosai su Umma Marie suka tausaya ma wannan mutumi sannan suka buk'aci likita da ya auna jininsu idan yayi a d'iba tunda ceton rai ne... Nan fah Daddah tace bataji ba bata gani ba babu mayen da zai d'ibi jininta dana d'iyarta, saida Mairo ta nuna mata b'acin ranta sosai kafin ta amince...

Wani ikon Allah kuwa cikinsu gaba d'aya jinin Mairo ce yayi dai-dai dana wannan mutumi, take aka kuwa d'iba aka k'ara masa, saidai ba'a barsu sun shiga sun gansa ba don har lokacin bai farka sannan zai iya d'iban kwanaki kafin ya farfad'o....



*SameenaAleeyou📚**FUSKA UKU*🏮



*44*




*©Sameena Aleeyou...✍🏽*





Mairo na kwance saman gadon da aka d'ibi jininta su Daddah suka shigo, dan Likitocin sun buk'aci karta tashi har sai ta sami hutu sosai domin kuwa ba k'ank'anin jini aka d'iba a jikinta ba, Daddah tana shigowa ta fad'a kan Mairo tana tambayarta yaya takeji....

D'an murmusawa kurum Mairo tayi kana tace "Banjin komai Daddah sai rashin k'arfin jiki ki kwantar da hankalinki kinji, banso ki damu lafiyata lou...."

Daddah na rik'eda hannunta take fad'in "Dole hankalina ya tashi d'iyata, duk abinda zai sameki a duniyar nan zanyi fatan ta sameni amaimakon ke...."

Murmushi Mairo take tana duban yanda Daddah ta d'aga hankalinta kuma ta damu, tabbas Daddanta tana sonta shiyasa wani sa'in koda tayi wani abin takan mata uzuri duba da yanayin halinta da kuma shekaru da suka soma sauk'o mata... Su Umma Marie su Yaya Azumi da Baba Malam duk suma sun shigo sun mata sannu tareda k'ara mata godiyan jihadin da tayi domin wannan dangin jihadi ne, gata mace mai rauni da kuma fitar da jini duk wata hakan baisa tak'i baida jininta ga wannan bawan Allahn ba domin ceto rayuwarsa...

Hafiz ne yayi sallama ya shigo d'akin hannunsa d'auke da bak'ar leda, gaisar da Mairo shima yayi kana ya isa gefen Daddah ya mik'a mata bak'ar ledar yana mai fad'in "Likita yace ta shanye duka biyu domin ta sami k'arfin jikinta..."

Daddah ta jinjina kai tanai masa sannu kafin ta shiga bud'e ledar ta ciro gwangwanin maltinar guda biyu....

Wasu 'yan awanni Mairo tayi a kwance kafin Dr Sahal yace zata iya tafiya saidai zuwa dare ma idan son samu ta sake shan Maltina koda gwabgwani guda ne, sannan ake mata pate ko miyan ganyen inyamurai ta Singapore ci har na tsawon sati guda...

Kota kan wannan bawan Allah su Daddah basubiba suka nufi gida da Mairo domin ita kanta tana buk'atar jinya....

Hafiz ma bai iya zaman asibitin ba dole yabi sawunsu don hankalinsa sam bazai kwanta ba sai yaga halin da Maironsa ke ciki....

***

*Tambuwal*


Kwance ta hangi Zaliha har lokacin bata mik'e ba kaman ta mance yau d'in nan zasu tafi, saida Umman Zaliha ta shigo d'akin sosai idanunta suka sauk'a kan sark'an bead wanda tasan shakka babu Mairo ce ta bata.... D'an murmusawa Umma tayi kafin ta k'arasa ga Zaliha ta d'an dafata

"Zali ki tashi ki shirya kinga Babanki yace motar k'arfe biyu zamubi yanzu kuwa d'aya ma ta gauta...." Ta k'arashe tana mai janyo akwatin Zalin...

Share k'wallan da suka zubo mata Zaliha tayi kana tace "Umma wllhi ji nake kaman kar na tafi kaman nayita zama k'ila wata rana su Mairo zasu dawo, zamu sake ganin juna.... Ga Nazir ma tunda ya tafi shiru bai kuma waiwayomu ba, wai shin haka rayuwar take, kana sanin mutane kuma suna barin rayuwarka, Umma wllhi yanzu har tsoron sabo da mutane nake, wai Umma Abbah bazai iya canza aikin nan nasa ba kawai ba sai mun bar garin nan ba, kinga bamu tab'a zaman wani gari bafa sai nan..." Ta k'arashe tana mai jefa sark'ar cikin jakan kayanta....

Umma ta kuma murmusawa kana ta kamo hannun Zaliha tace "Ki kwantar da hankalinki Zaliha idan da rabo wataran zaki kuma had'uwa da Mairo sannan wajen aiki su suka zab'i su canzawa mahaifinki kuma kinga bazaice ya ajiye aikinsa ba kawai dan iyalansa basa son barin garinsu, wannan aiki dashi yake nema mana abinda zamuci, ki kwantar da hankalinki kinji koh...."

Jinjina kai Zaliha tayi kana ta rungume Ummanta tana addu'an Allah ya amshi bakin Umma watarana ta sake had'uwa da k'awarta Mairo....

Mahaifin Zaliha Gandiroba ne yanda aka masa transfer daga garinsa zuwa garin Suleja ta jihar Niger domin ci gaba da aikin kulada fursunoni a can prison na garin Suleja..


***

*Abuja*


Kaman yanda suka tsara yau ce ranar da Junaid zai fuskanci family d'inta, dan already ta sanar da kowa yau d'in tanada bak'o daga foundation d'insu wanda a wajenta ya wuce abokin aiki kurum, yanada matsayi babba cikin zuciyarta, kowa a gidan saida ya fahimci hakan....


Daga saman bene Nana H ke hangosu sanda Malam Sile ya ida parking motar kana ya k'araso da sauri yana bud'ewa Junaid front seat yayinda Nana A ta fito daga bayan motar tana mai k'ok'arin janyo wheelchair d'insa da aka nad'e a gefenta sabida shiga mota da zaiyi, cikin sauri Malam Sile ya k'araso ya amshi wheelchair d'in yana mai fad'in "Haba Hajiya ai da kin bari zan d'auko masa..."

Nana A na murmushi take fad'in "A'a babu komai Malam Sile ai zan iya...."

Batakai aya ba suka jiyo muryar Nana H daga saman bene ta window tana fad'in "Kai Malam Sile bakaji mai tace bane, zata iya... Besides Sister gwara ki soma koyon taimakon gurgun mijin naki kafin kuyi auren... Gaskiya kin burgeni Nana A...." Ta k'arashe tana mai tafe hannaye had'ida furta "Bravo...!"

Malam Sile dai girgiza kai kurum yayi kafin ya ware kujeran Junaid ya saka masa yayinda Nana A ta d'an girgiza kai had'ida fuzar da iska, wani sa'in idan Nana H tayi wani abin sai suga kaman mutuwar mijin nata bai dameta ba, bacin haka yaya za'ace mata mai takaba ce wannan...

Shiko Junaid k'uri ya mata daga saman benen kafin ya dawo da dubansa ga Nana A wacce ke k'ok'arin had'o kalma domin basa hak'uri garin irin ta na farko da ya samu a gidansu...

Cikin sauri ya shiga girgiza mata kai kyakkyawan murmushi saman fuskar sa kana yace "It's okay, kar ki damu na ganeta tun ranar da muka had'u a foundation, dole a gida a samu irin haka wani sa'in, kar ki damu kinji..."

D'an langab'ar dakai tayi kana tace "But dole na damu, ai ni na kawo ka...."

Girgiza mata kai ya kumayi kana yace "Ban damu ba gorgeous and idan kina son ganin damuwata shine ki shiga damuwa nan ne zakiga hankalina ya tashi..."

D'an murmusawa tayi cikeda jin dad'i kafin ta soma turasa a wheelchair d'in suka nufi cikin gida....

Aiko suna shiga ta shiga rangad'awasu Ammah da Ayiya kira, Rabbeca ce ta fito daga hanyar da zai sadaka da kitchen tanai masu sannu da zuwa... Lokaci guda Nana ta nufi upstairs tana mai sanar da Junaid she'll be right back... Jinjina mata kai yayi yana mai k'arewa gidan kallo yanda aka kashe Naira tamkar a turai....

Yana cikin kalle-kallen ne Nana H ta sauk'o cikin takunta na isa, ko mayafi babu jikinta wai sunan mai takaba.....

"Hello cripple.... Barka da zuwa, naga alama 'yar uwata ta aminta dakai although ni ban yarda dakai ba I'm quite sure you're after her money, you don't love her... I'm sure of it...." Ta fad'i tana mai murmusawa had'i da k'arasa shigowa cikin parlorn, lokaci guda take jinjina kai alamun tana tabbatar da abinda ta fad'i....

Kallo Junaid ya bita dashi kana shima ya murmusa yace "Barkanki, kinyi kama sosai da Nana A saidai FUSKARKU ne kurum iri guda amma kowa da halinsa, a zahiri Nana A itakeda nakasa amma a b'angaren hallaya taki halin ne nakashasshiya don na tabbata da za'a baki hoton d'abi'arki kiga yanda yake looking tabbas bazakiso ba, bayan gurgu ne haka nan yake da muni ba kaman yanda fuskarki keda kyau ba, and yes na saye zuciyar 'yar uwarki kaman yanda kika gani, and there's absolutely nothing you can do about it..." ya k'arashe yana mai d'aga mata gira guda

Mutuwar tsaye kurum Nana H tayi tana kallon wannan shegen gurgun yanda yake watsa mata bak'ak'en maganganu... Bata ida shan mamaki ba ta jiyo muryarsa yana fad'in "Oh by the way, I heard that you lost your husband...." Ya d'an tab'e fuska kana yaci gaba da fad'in "What a pity..." Lokaci guda kuma ya saki murmushi ganin looks d'in da takedashi a fuskarta kana yaci gaba da fad'in "Kodayake kaman mutuwar bai dameki ba balle na mik'a maki ta'aziyata k'ila mutuwarsa ke kanki ya fiye maki rayuwarsa ne.... Am o right...?" Ya k'arashe murmushi saman fuskar sa...

Huci Nana H kurum take don tama rasa mai zata fad'i, isowan su Ayiya da Nana A ya sanya Junaid tura kekensa ya nufesu, cikeda rusunawa yake gaida Ayiya, Cikeda jin dad'i Ayiya tayi hanyar kitchen don kawo ma Junaid abin tab'awa, lokaci guda take umartansa da ya saki jikinsa....

Nana A takai dubanta ga Nana H da ko juyowa ta kasa yi domin bata ida had'iyan maganganun da Junaid ya gama watsa mata ba... Lokaci guda Nana A ta maido da dubanta ga Junaid d'in kana tace "Lafiya dai ko...?" Ta tambaya ta mai dubansa daga shi har Nana H d'in...

Murmusawa Junaid yayi kana yace "Lafiya lou, nayima 'yar uwarki ta'aziya ne na babban rashi da tayi, hak'ik'a rasa masoyi babban rashi da bai misaltuwa, na tausaya mata sosai...." Ya k'arashe damuwa fal fuskar sa...

D'an murmusawa Nana A tayi kafin ta k'arasa ta rungumo 'yar uwarta Nana H tana mai lallashinta a zatonta abinda Junaid d'in ya fad'i haka ne....

Lokaci guda Nana H ta b'anb'are hannun Nana A daga rik'on data mata tana mai ci gaba da huci had'ida watsawa Junaid mugun kallo kafin ta maido da dubanta ga Nana taci gaba da fad'in "Ke kuma I just hope shima wannan d'in ba yaudarar ki zaiyi ba, you're so naive Nana A, you can easily be fooled by everybody.... You seems so desperate, well gaki ga wannan musakin randa yayi breaking d'inki sai ki ci gaba da kukan ki like a crybaby...." Tana ida fad'in haka ta watsa masu harara ta wuce...

Zama tayi cikin kujera zuciyarta na mata zafin abinda 'yar uwarta ta mata gaban bak'onta...

Cikin sauri ya turo wheelchair d'insa ya matso kusanta cikin muryar kwantar da hankali ya soma lallashinta..

Nana A ta d'ago cikin muryar kuka take fad'in "Haba Junaid, 'yar uwata ce fah take min haka gaban kowa, wllhi I'm tired of putting up with her attitudes towards me.... Haba haba, this is so unfair...." Kuka ya hanata ci gaba da magana...

Cikin kwantar da murya yaci gaba da fad'in "She's your sister, Asmah, kici gaba da hak'uri da ita I'm sure watarana zata daina...."

Baikai aya ba ta kuma d'agowa tana fad'in "Tun ina yarinya Ayiya ke fad'a min wata rana zata daina, yaushe ne watarana zaiyi, yaushene please,... " Ta k'arashe tana mai goge fuskarta da tissue paper....

Junaid na murmushi yake fad'in "Randa na d'aukeki gaba d'aya sweetheart, randa kika koma gidana da zama, zatayi kewarki sannan bazata kuma b'ata maki rai ba domin I'll not allow that.... Kinji koh...." Ya k'arashe murmushi saman fuskar sa gefen kumatunsa guda na lostawa....

Murmushin itama tayi kafin ta kuma karb'an tissue paper d'in dake mik'a mata ta share fuskarta....


Nana H dake mak'ale staircase tana hangosu, k'atutun bak'in ciki ne ya tokareta ganin yanda wannan gurgun ke ririta Nana A, bata kuma iya ci gaba da kallonsu ba sai haurawa d'akinta da tayi ta fad'a kan gado, lokaci guda tunanin Heedj ya fad'o mata, da kalan soyayya da kulawa da yake bata, for the first time dataji hawayen gaskiya suna zuba mata dalilin Heedj... A hankali ta rungumo pillow tana mai furta "Heedj I miss you, and I hope you'll understand me....... I miss you Heedj, I miss every single thing about you...." Lokaci guda ta janyo wayarta ta nemo hotonsa wanda ya d'auka sanye da kakinsa ta police tamkar ka kirasa ya amsa, yayi matuk'ar yin kyau... Shafa hoton ta shigayi tana mai ci gaba da furta.... "Nasan baka cancanceni ba, amma nasan zaka fahimci mutuwarka zai fiye maka rayuwarka akan abinda zaka iya gani nan gaba.... I hope you rest in peace....." Ta k'arashe tana mai d'aura wayan saman k'irjinta hotonsa bai bar saman screen ba....

A can parlor kuwa Ammah da Ayiya tarban mutunci sukayiwa Junaid, koda Ammah ta buk'aci Nana A ta kirawo 'yar uwarta su gaisa da Junaid d'in sai cewa tayi sun riga sun gaisa.... Uncle Siraj kuma an masa waya bazai sami dawowa gida kan lokaci ba sabida sabgogin dake gabansa don ko sanar dasu abinda ya faru da estates d'insu baiyi ba Allah yasa bai cinye k'urumus ba kuma an hana 'yan jarida d'auka...


Da wannan batu na rashin dawowar Siraj akan lokaci Junaid ya samu kwanciyar hankali yasan bazasu had'u yau da Siraj ba.... Malam Sile shi ya maidasa har gida bayan Nana A ta masa rakiya har farfajiyan gidan nasu ta kuma sanar da Malam Sile ya tafi dashi a hankali...

Su Ammah da Ayiya kuwa sai yaba hankalin yaron suke sunsan tabbas Siraj zaiyi Na'am dashi shima idan ya gansa, fatansu Alla ya tabbatar da akahrinsa don ko kad'an naksan sa bai damesu ba tunda suka lura Asma'un tana so.....

***

Washe gari k'uri ya mata yana karantar ta gaba d'aya batada walwala, d'an gyara zamansa yayi kana yace "Azeeza I'm listening to you, you were about to tell me something yesterday, right....?"

D'ago kod'edd'en idanunta tayi tana dubansa kana ta kuma sunkuyar da kanta, i zuwa lokacin Siraj ya soma shakkun abindake damunta ko kuma take son sanar dashi, Baijin zai iya rabuwa da ita a halin yanzu...

Muryarta ya jiyo cikin kuka tana fad'in "Sir I'm sorry... I'm sorry,.... Bazan iya ba, I'm resigning sabida zan bar garin....."

Girgiza kai Siraj yake cikin tsananin tashin hankali ya mik'e daga saman kujeransa ya dawo dab da ita had'i da durk'usawa gaban kujeranta lokaci guda ya soma fad'in "Azeeza no, no please.... Don't do this to me, please..... I'm not asking you to love me Back but please give it a try.... I.... I know inada matsala when it comes to love but I assure I feel different with you..."

Lokaci guda Azeeza ta mik'e ganin Siraj durk'ushe a gabanta tana mai share hawayen idanunta take fad'in "Sir I'm sorry, but I've already made up my mind, I'm leaving, I can't stay here anymore... I just can't...."

Ganin ta nufi k'ofa ya sanya Siraj mik'ewa da sauri ya kuma shan gabanta yana tsananin huci yake dubanta yanda take kuka, datasan zafin da kukanta ke masa da ta daina....

Yana huci yake furta "Why? Tell me why, why did you make me believe that you feel something for me, why Azeeza, is it because of money or what.... Why the sudden change of mind, just tell me why.. I need to know...." Cikin tsananin daka tsawa yake maganar...


Sosai take kuka ganin tashin hankalin data hango saman fuskar Siraj lokaci guda taci gaba da fad'in "Siraj ban tab'a sonka ba, sannan banaso zaman mu yayi tsayi kayi tunanin I feel the same for you.... I don't want to end up breaking you.... Please understand me....."

Girgiza kai yake yana dubanta cikin tsananin tashin hankali lokaci guda yaci gaba da fad'in "No Azeeza I could feel your heart vibrating towards mine saying you love me too, I know you does, your eyes said it.... Azeeza wllhi ban tab'a son wata mace kaman ke ba before.... Kar ki cutar da soyayyarmu sabida wani dalili naki daban...."

Hannu tasa tana goge fuskarta kana tace "Thanks for everything Sir... Goodbye...." Tana ida fad'in haka ta rab'a ta gefensa ta fice...


Ko motsi mai kyau Siraj ya kasa sai kallon da ya bita dashi har ta fice... meyasa Al'amra suke faruwa dashi haka, shikenan kowa nasa rasawa yakeyi, ya rasa Ahidjo, ya rasa Lamid'o yanzu ga Azeeza itama yana neman rasata, wai meke faruwa dashi ne....? Da k'yar ya iya komawa saman kujera ya zauna yana tuna tun farkon had'uwarsu da Azeeza...

A ranar da k'yar Siraj yes iya komawa gida, tunda Ammah ta gansa haka tasan akwai matsala...

K'arasawa garesa Ammah tayi ganin yanda ya rik'o suit d'insa kaman ruwa ya shanyesa, tambayarsa take meke faruwa bai iya amsata ba sai rungumeta da yayi kukan da bai k'aunar ya fito ya shiga kwararowa daga idanunsa, Ammah hankali tashe cikin rawar murya itama irinta mai kuka take fad'in "Siraj lafiya, meke faruwa Son, please talk to me..."

Sosai Siraj ke kuka wanda kana jin kukan tarin k'uncin dake cikin zuciyarsa ne ke fitarwa...

Nana H da sauk'owarta kenan ta hangi Uncle rungume da Ammah yana kuka tamkar k'aramin yaro, take taji itama kuka na zuwa mata domin a duniya idan kanaso kaga tashin hankalinta shine Siraj ya shiga tashin hankali... Tasye tayi tana dubansu hawaye na zubo mata itama...


"Siraj ka min magana na rok'i arzikin ka, wani ne ya kuma mutuwa....?" cewar Ammah cikin tsananin tashin hankali...


Da k'yar ya iya saita kansa kafin ya soma fad'in "Ammah kowa barina yake, Ammah meyasa mutanen da nakeso suke tafiya su barni, Ammah ni haka zan k'araci rayuwata, Lamido ya tafi ya barni, Ahidjo ya tafi ya barni and now Azeeza...."

Cikeda tashin hankali Ammah ke fad'in "Mai ya sami Azeeza Siraj, ka fad'a min dan Allah..."

Jin haka yasa Nana H dake zuban hawaye ta soma murmusawa don a tunaninta Azeeza ma tabi sahun sauran matan Uncle ne...

Girgiza kai Siraj yayi kana yace "Tace bata sona Ammah, and she's leaving for good..... Ni kuma kalan tawa k'addarar kenan Ammah..."

Cikin sauri Ammah ta kuma rungumesa tana basa baki...

Sai sannan Nana H ta k'araso cikeda kulawa ta rungumesa tana fad'in "Uncle let her be, ita tayiwa kanta asara don wllhi nasan kafi k'arfin wancan trap d'in, dama kai ba class d'inta bane, Uncle I assure you zaka sami mata daidai da kai, and Lamido za'a samesa soon, Ahidjo kuma insha Allah he's in better place, we love him all..." Ta k'arashe murmushin kwantar da hankali saman fuskarta,..


K'ak'aro murmushin shima yayi kafin ya rik'o hannunta suka zauna saman kujera yana mai fad'in "Thank you sweetheart..."

Murmushi Ammah ta d'an saki had'ida binsu da kallon tausayi domin tasan su duka d'in dauriya suke, a kullum fatanta Al'amra su daidaita a family d'inta..

A b'angaren Azeeza kuwa koda ta koma gida kuka ta dingayi tamkar wacce aka mata mutuwa, kotakan Junaid batabi ba ta shiga tattare kayanta zata gudu...




Lallab'awa tayi ta fice daga gidan ba tareda kowa ya ganta ba.. Saidai tana fita Yayanta Junaid ya shigo d'akin yaga wayam, ya hangi wardrobe d'inta wayam, a d'ari ya shiga neman layin Nasaar, take ya sanar dashi yayi saurin bin bayan Azeeza yana tunanin guduwa tayi...





Nasaar cikin tsananin tashin hankali ya bar site d'in da yake can Jabi yanda ake renovating gidajen da suka k'one... A d'ari ya karyo layin unguwar tasu nan kuwa ya hangeta tana k'ok'arin taran taxi, cikin sauri ya danna burki ya fice daga motar ya nufeta, aiko Azeeza na hangosa ta soma gudu... Saidai gudun namiji da