You Cannot Download this book untill you login but you can read it .

---

Login Register

soma guduran ta.

Hankali a kwance kamar babu abinda ta aikata tana zaune akan gado ta ɗaura daya kan daya tana kallon yanda ta titsiyeta tana mata masifa,.

" Da ya taɓa fuskarta da hakan ya fi min dadi., ke baki ga yanda take kokarin la'anta min fatar jikina bane?,ko za ki fifita wacce take matsayin baiwa akan yar uwar ki ne!?".

Cike da takaici Muzna ta girgiza kai dan ta rasa abin faɗa,kawai ta bar mata dakin ta nufi nata asalin bedroom din dama kowa da nasa bedroom din amma sukan kwana a daki guda.

Ko da ta shiga dakin ranta a ɓace wanka ta yi ta yi duk abinda ta saba yi sannan ta saka kayan bacci ta hau gado haɗe da ɗaukan wani towel yar karama wanda aka yi sa domin rufe fuska ta rufe fuskarta haɗe da yin addu'a,tana me tuna cewa gobe tana da bukatar tashi da wuri domin tana da zuwa wajen daukan hotuna da wannan tunanin bacci yayi gaba da ita.


washe gari da misalin karfe takwas ta yi breakfast din ta duk da ba wani abinci taci sosai ba saboda bata cin abu me nauyi, bayan ta kammala ne,ta je ta yi wanka. ta gyara style din gashinta sannan ta fito da cout na mata riga da wando blue color. da riga fari na ciki,wandon ba yi da tsayi har can sosai kafarta ya sha high hill white color.ta yi kyau sosai ta fito kamar yar teddy handbag kawai ta ɗauka da wayarta se sweet lollipop da ta , a bakinta ta fita tana kallon falon,da babu kowa tasan duk suna ciki suna bacci a farfajiyar gidan ta iske driver ta karbi car key a hannunsa ta shiga cikin wani aniyar motar ta fice a gidan.


Tana isa industry din na su ta samu ana ta shige da fice,tana fitowa a motar ta aka soma tayata murna har ta shige ciki,nan ta samu wa'yanda zasu mata kwalliya da taimaka mata wajen shiryawa suna jiranta hakan yasa suka shige make up room,kayan jikinta ta cire ta daura towel ta zauna nan suka soma tsantsarawa kyakyawar fuskar ta kwalliya da ya dace da fuskar. Bayan sun gama yi mata kwalliyar suka mata gyaran gashi aka haɗe sa gu daya bakaramin kyau ta yi ba tun kafin ta ma saka kaya ta yi kyau na fitina,. Su kan su wa'yanda suka mata kwalliyar se yaba kyawun da tayi suke yi wani breath taking gown irin na amare suka bata sede bashida wani hayaniya sosai kuma color din sa baki ne da kuma golding hakan ya sake fito da kyawunta nan take ta koma kamar wata amarya ko ma in ce fiye da amarya,wani takalmi da yake da tsini kamar tsinken kara kalar golding ta saka, ɗan kunnen da ke kunnenta na gold yana da tsayi,se ɗaukan ido yake yi, babban dakin photo room suka shiga ana riƙe mata da jelar rigar nan aka soma ɗaukanta zafafan hotuna. Se da aka ɗauke ta hoto da mabanbantan kaya sau kusan huɗu sannan aka gama shooting din. Producer su ne ya tura domin a kira yo masa ita.


Cikin office din sa dake industry din ta shiga ta same sa zaune yana jiranta farin Balarabe ne wanda ya soma manyanta.


" Barka dai Abu Xalib" ta faɗa tana zama fuskarta da ɗan murmushi.

" Yawwwa Muzna ina miki murna,tun jiya bamu samu lokacin magana ba".

Shuru ta yi tana jinsa tana ci gaba da murmushi.

Ci gaba da magana Abu Xalib yayi.

" Wato abinda yasa na bukaci ganin ki shine, mahaifin ku sarki Taifur Rahman ya sanar dani kuna daf da komawa gida wato cikin masarautar ku,wanda hakan kuma ze kawo karshen zaman ku a wannan ƙasa bansaniba ko in zaku dinga kawo ziyara,.bari muje kan maganar da nake son faɗa miki kai tsaye,yanzu kece tauraruwa me haskawa a wannan ƙasa da kike kan ganiyar daukakar ki ta wannan matsayi,ke yanzu sarauniyar kyau Russia ce. wacce ta lashe wannan gasa,ga finafinai da kike yi.in har ki ka tafi yanzu ban san ya wannan abu ze kasance ba.,abu ne da ze wahalar damu kafin a samu wacce zata maye gurbin ki”.

Kallon sa take yi babu ko kyaftawa har ya gama maganar sa,can kuma ta fashe da dariya tana mayar da maganar ta sa wasa,zuba mata ido yay har ta tsagaita da dariyar.


Ta ce " haba Abu Xalib, wannan maganar sam ba gaskiya bane,nasan Aba wasa kawai yake maka.amma ba yanzu ne za mu koma gida ba.yau tsawon shekaru goma sha biyar muka yi a wannan ƙasar da a ce za'a kai mu tushen mu da an jima da yin haka.se kawai rana tsaka Aba ya faɗa maka haka,yanzu mu yi wani abu daya ni zan kira sa a gabanka za ka ji irin amsar da Aba dina ze baka ".


Da ido kawai Abu Xalib yake binta ,har ta kira layin sarki Taifur Rahman, bayan ya daga ne ta soma faɗin

" Aba dina,shin kasan me Abu Xalib yake ce min kuwa !?".

Daga ɓangaren Sarki Taifur Rahman ya ce.

" Ah ah ƴata se kin faɗa".

" Cewa yay ka ce masa wai mun kusa dawuwa gida,shine ya ke tunani akan carrier dina,yanzu ka ba sa amsa mu ji wayar tana a handsfree".

Gwauron numfashi sarki ya ja kafin ya ɗan yi jim sannan ya furta

" Abu Xalib, magana ce wacce yara irin Muzna ko Muzaina bazasu fahimta ba,amma tabbas Ina da yakinin Kai nasan za ka fahimta, tabbas sun kusa zuwa gida amma a wasa hahahaahahh" ya ƙarishe maganar yana dariya,dariya itama ta yi tana faɗin

" Abu Xalib ka ji abinda ya ce ko?,wasa yake yi,Aba akwai sa da son wasa".ta katse kiran domin abinda take so ya ji kenan.

Dariyar yaƙe Abu Xalib yayi,domin maganar da sarki yayi ya tabbatar masa da tabbas akwai abinda yake boyewa yaransa,hakan yasa ya ɗan yi dariya domin kar Muzna ta kawo komai a ranta.


Bayan ta kashe kiran ne ta kuma sake tabbatar masa da suna nan a Russia babu inda zasu je daga nan ta masa sallama ta fice.


Ko da ta dawo gida nan take bawa Haseena labarin yanda suka yi ita da Abu Xalib, Muzaina da ta tafi gurin aiki ne ta shigo kunnenta manne da waya tana tafiya haɗe da yanga da alamar tana jin dadin wayar da take yi,wani ƙayitacciyar murmushi ta saki haɗe da faɗin

" In sha Allah,kin san nice nan wacce zata zama sarauniyar masarautar Bayaan domin ina da duk wani quality da ake buƙata, sannan Muzna ta, wannan abun sarautar duk be da me ta ba,just watch and see yanda zan fara mulkar Bayaan cikin kwarewa.kamar de yanda Aba yake yi domin kuwa jininsa ne yake yawo lungu da sako a cikin jikina ".

Ankara da su Haseena da tayi zaune a falon ta yi suna hira,hakan yasa ta karaso tana me mannawa Muzna kiss a goshi kafin ta shige ciki tana wayarta cikin kasaita.

Murmushi ta yi ta bi bayan Muzaina da kallo kafin ta mayar da dubanta zuwa ga Haseena ta ce

" Burinta a har kullum be wuce ta zama sarauniya wacce zata gaji Aba ba, gaskiya can't wait in ga my twinning ta fara mulkar Bayaan " ta faɗa cikin annashuwa.

Girgiza kai Haseena ta yi " hmmm da kuwa an shiga uku ai,Muzaina da bata kallon kowa da mutunci in ta zama sarauniya ya kenan!?,nide gaskiya bana fatan hakan saboda bana tunanin zata sauya".

Langwabe kai ta yi tana turawa Haseenar baki " ohhhhh, Haseena meyasa ki ke faɗar haka ne?,na san in sha Allah my Muzaina za ta sauya sosai ".

" Uhmmm Allah yasa".

Miƙewa ta yi tsaye daga ita se wando boom short da kuma riga t-shirt me dogon hannu ta bi bayan Muzaina din,.

Samunta ta yi ta gama wayar tana fitar da wasu muhimman files daga cikin briefcase,dagowa ta yi ta kalleta taga yanda ta tsaya mata akai tana murmushi.

" Wannan murmushin duk na menene my Muzna?".

Se da ta zauna a kusa da ita kafin ta ce " bana komai bane fa ce na farin cikin ganin ki abar kauna". Batare da ta ce komai ba ta yi mata murmushi kawai.

Ci gaba da magana Muzna ta yi " amma ya naga yau kin dau lokaci ba ki dawo ba ,shin lafiya kuwa domin ba ki taɓa kaiwa goma na dare a waje ba".

Ajiye file din ta yi ta maida hankalin ta gareta, kafin ta riƙe hannunta daya ta ce " My Muzna yau meeting mu ka yi game da wannan kamfanin da kuma hanyar da za'a sa'ke fadada shi,kin ga wannan takardun duk nasu ne,yanzu ki yi wanka ki zo mu yi bacci".

Gyada mata kai ta yi sannan ta yi wanka ta saka kayan bacci kala daya sak dana Muzaina din,babu abinda zaka kalla kace wai ze banbanta su,fa ce yanayin style din gashin su,ko wacce da kalar adon da tayiwa gashinta.kwashe komai suka yi suka a jiye akan mazauninsu sannan suka kwanta haɗe da kashe wutar dakin.


Haseena jin Muzna ba ta dawo bane yasa ta gane sun kwanta ita ce ta kashe komai na wutan lantarkin gidan, sannan ta shi nata dakin ta kwanta.
Koda ta shiga tunanin Muzna da Muzaina ta soma yi wato babban abinda ta fahimta da ko wannensu shine.

" Muzna yarinyace wacce ta mayar da kanta ba kowa ba,bata d’auki duniya da zafi ba. komai din ta tanayi Kamar yanda sauran gama garin mutane sukeyi ,ko da wasa ba ta nuna cewa ita yar sarki ce balle me arziki . tana so way’anda suke tare da ita su saki jiki sosai, Kar su dinga la'akari da matsayinta har yasa su yi tunanin ta kerewa a Jin su.
Hakan ne ya sa tadawo da kanta low level. Ta kasance tana gudanar da rayuwarta cikin farin ciki,tana da sakin fuska sosai akwai ta da fara’a.ga barkwanci,duk in da ake neman shagwababbiya tofa in a ka samu Muzna magana ya k’are.duk da ta kasance me hankali da sanin yakamata had’i da tausayi sede wani lokaci akwai shiririta.Tana da matukar tausayi sosai Wanda hakan ya zama shine rauninta ga tsoro kamar farar kura.musamman kyankyaso Tana masifar tsoron sa sosai.

Wanda a bangaren Muzaina kuma ya zama sab’anin haka,Muzaina ta kasance wata iriyar baudaddiyar mutum ce komai na ta ya fita daban.bata fiya son yin mu’amula da mutane ba in ba wai kasuwanci ne ya had’a ku ba,ko kad’an bata da saurin sabo musamman in ka kasance ba kowan kowa ba. Domin ta tsani had’a wani alaka da talaka.kad’an daga cikin halayenta.wulakanci,rashin kunya,tsiwa,rashin tausayi dan ita babu abinda ya shafeta da Jin tausayin mutum.bazata maka dariya ba sede murmushi shima seda dalili.Sam bata son wani ya rabesu.ga son girma da son a darajata a matsayinta ta CEO kuma royal blood. Wannan sune kad’an a ciki.

“ Allah me iko wannan shine Allah daya gari bambam “ Haseena ta fad’a kafin tayi addu’ar bacci.


1:00am na dare,kira ya shigo wayar Muzna da ta mance bata saka sa a silent ba,farkawa sukayi Muzaina na jan tsaki,haɗe da soma mata masifar menene ya hanata sanya wayarta a silent. bata ce da ita komai ba ta zura ƙafafunta kasa ta miƙe tana hamma ta isa gaban mirror da basu rufesa da komai ba,zare ido ta yi tana ganin me kiran nata duban agogon dake manne akan bangon dakin yana harbawa dik!dik!dik! A hankali,kuma hankali tashe ta ce

" Ya Salam kiran Ummi a wannan lokacin kuma!?, Allah de yasa komai lafiya",dan haka kawai ta tsinci kanta na masifar sarawa

Jin abinda ta faɗa ne yasa Muzaina itama saurin tasowa ta iso gabanta duk sun gagara picking din kiran se kallon junansu da suke yi.

Hannu na rawa ta dau kiran ta sa a kunne

" Assalamualaikum ya Ummi".

Muryar sarki Taifur Rahman ne ta ji yana amsa sallamar.

" Aba lafiya ka kira mu a wannan kurarren lokacin? fatan kowa na cikin koshin lafiya hankalin mu ya tashi sosai ".


Sautin murmushin sa suka ji yana faɗin " lafiya lau kawai ina son jin muryar ku ne kafin in kwanta bacci,fatan kun yafe min na tayar da ku danayi daga bacci?".

A tare suka sauke a jiyar zuciya jin komai lafiya,hannu Muzaina tasa ta karbi wayar tana ƙara volume

" Aba naji muryarka wani iri ko ka soma bacci ne, sannan kuma ina Ummi shin Idonta biyu ne!?".

" Babu komai y’ata, kawai mura nake yi, sannan Ummi din ku ga ta nan amma tayi bacci. shine na saci wayarta hahahahaha" ya karasa maganar yana yar dariya. Suma dariyar suka ɗan yi kana cikin raha Muzna ta ce

" Kar ka manta kafin kayi bacci ka tabbatar da kasha magani,in kuma ka manta se na zo na maka dure da kaina ".

Dariya sarki yayi ya ce " in sha Allah bazan mance ba,ku kwanta ku yi bacci, Allah ya muku albarka ya kauda idon mugun abu akan ku ya'yana,ku kula da junan ku sosai,ko min rintsi kar ku bar wani abu ya shiga tsakanin ku,ina matukar kaunar ku ".

" Mu ma muna son ka sosai Aba ka yi bacci cikin aminci da yardan Ubangiji ".

A haka suka yi sallama ya kashe wayar sannan suka kwanta bayan Muzna ta sanya wayarta a silent.



2:30Am



Tsakar dare jikinta ya dau zafi sosai ga wani irin zufa da ke tsatstsafowa a jikin ta gaba daya ya jikata,se girgiza kai take yi ga uban kerma da jikinta ya dauka,wasu irin munanan mafarkai take yi masu razanarwan gaske, bakinta da yake ta kokarin yin magana amma ko kalma daya ya kasa fitowa a ciki se yunkuri da take yi,can ta samu ta iya soma magana

" Ah ah,ah ah,karya ne, hakan sam baze taɓa yuwa ba". Wannan sune abinda take faɗa a sambatun da take yi.

Kamar a mafarki Muzaina ta soma jin maganganun ta,hakan yasa ta farka daga baccin da take yi ta ɗaura Idonta akan muzna dake jijjiga.
Da hanzari ta miƙe tana riƙo ta haɗe da kiran sunanta amma bata tashi a baccin da take yi ba.


Hankali a tashe Muzaina ta ci gaba da kiran sunanta

" My Muzna,ki tashi haka,mafarkin meye ki ke yi haka?".

Ta faɗa tana kunna light din dake gefen gadon nasu haske ya gauraye dakin,hasken na kunnuwa ta buɗe idanunta da suka cika da hawaye ga jan da suka yi.

Ganin Muzaina ce riƙe da ita yasa ta sa'ke rungumeta sosai tana faɗin

" Muzaina ina jin tsoro,tsoro nake ji Muzaina".

Ganin tana a tsorace sosai ne yasa ta rungumeta tsam jikinta tana shafa bayanta

" Ki kwantar da hankalin ki mafarki ne kawai".

Numfashi me zafi kawai take saukewa domin mafarkan da ta yi bana wasa bane mafarki ne me matukar tsoratarwa,da ta rasa dalilin yin su.

Se da ta tabbatar da ta dawo hayyacinta sannan ta kwantar da ita a gadon, ta ɗauko mata maganin zazzaɓi ta bata saboda zafin da taji jikinta ya ɗauka.


Dakyar bacci ya dauke su har kusan karfi huɗu saura sannan zazzaɓin ya sauka suka samu runtsawa.

Koda gari ya waye bayan Muzaina ta farka bata yi sallah ba, saboda ba ta damu da yin Sallah ba tana yi ne a lokacin da ta gadama. hakan yasa bayan ta farka ta dubi Muzna da har lokacin bacci take yi dukunkune cikin bargo,wanka ta yi ta fito ta shirya cikin shirinta na zuwa office ta yi kyau sosai cikin matsatsun cout dark brown ta gyara gashinta tai donot dashi,.

Gadon ta nufa ta zauna haɗe da shafa kan muzna dake bacci sannan tayi kissing forehead dinta ta miƙe cike da tafiyarta na yanga ta fice a dakin ta bar gidan zuwa office. Haseena dake falo taga fitowarta ne tabi bayanta da kallo.

Tana Miƙewa dan zuwa duba Muzna dan tasan bata baccin safe sosai har haka ba ta farka ba.

Tadda dakin ta yi a ƙulle tayi knocking nan ma shuru ba'a buɗe ba.
Wannan yasa tayi tunanin ita muzna ce ta rufe kofar hakan yasa ta juya ta koma falo.


" Shugabar masarautar Bayaan me kawar da zalunci yar Sarkin Kuwait,ke ce kaɗai za ki iya kawar da mummunar ƙaddara dake tattare da wannan masauratar dake daf da shiga cikin ha'ula i, sarauniya ce keeeeeeeeeeeeeee ". Da sauri ta farka tana kallon dakin, ga muryoyin da take ji suna mata kuwa a dodon kunne kuma bawai na mutum daya ba.

Da karfi ta toshe kunnenta tana runtse ido da karfi ta furta " ya isaaaa hakaaaaa bana son jin komai ku kyale ni".


" Ke ce,ba kowa ba, kulawar Bayaan na karkashin ikon ki, sannan daga yau za ki fara taka matakin hawa sarauta ko kina so ko bakya so babu yanda ki ka iya ".

Duk da ta toshe kunnenta da tsananin karfi amma har tsakiyar kanta take jin wa'yannan muryoyin suna mata magana ga cikin dakin da yake ta girgiza haɗe da tashin guguwa.

Da karfi ta ce " su wayeee ku !? ".


Ko ina na dakin tsit ya yi komai ya koma dede kamar babu komai,a hankali ta sauke hannunta a kunnenta tana kallon cikin dakin a tsorace sauka Idonta yayi akan kofar dake a buɗe,da matsiyacin gudu ta bar dakin ta faɗa falo,iske Haseena ta yi zaune dakatawa ta yi tana goge fuskarta haɗe da dedeta nutsuwar ta,dan bata son hankalin ta ya tashi. Jin ana tsaye a kanta ne yasa ta kallon ta

" Muzna lafiya baki da lafiya ne naga fuskar ki ta kumbura?,kuma kamar ba'a cikin nutsuwarki ki ke ba?". Ta faɗa tana Miƙewa zuwa gareta,riƙe ta tayi tana shanye tsoron dake tare da ita

" Haseena mu je dakin ki in yi wanka mu bar gidan nan ".

Da mamaki take kallon ta ganin yanda take magana kamar wacce bata cikin nutsuwa

" Muzna kin tabbata kina lafiya sannan meyasa ki ke magana kamar wacce take cikin tashin hankali".

Jan hannunta kawai tayi zuwa dakinta batare da ta amsa mata ba.


Wanka ta yi ta tura Haseena zuwa dakin kayan su ta dauko mata kayan sawa yau ko yar kwalliya ba ta yi ba,

Kawai ta saka dogon pencil gown da ya tsaya mata a iya a guiwan sahu.fakin gashinta tayi ta saka hill din takalmi, Haseena da ita ma ta shirya cikin rigar da wando suka fice a gidan a motar muzna din amma dake bata cikin yanayi me dadi yasa tabarwa Haseena take driving din su,yau ta rasa menene abinda yake damun kawarta ta, har suka isa industry babu wanda yace komai.


Ko yan industry da abokan aikinta sun fahimci yau bata cikin yanayi me kyau domin ita me faram-faram da mutane ce ,tana da kyakkyawar alaƙa da mutane.

Ko da ake shooting ma jikinta a sanyaye sosai hakan yasa Haseena ta jawo ta gefe ta ce

" Wai Muzna menene yake damunki yau ne!? ,na tambaye ki har na gaji amma kin ƙi amsani".

Numfasawa ta yi tana dafe goshin ta da zara-zaran yatsunta da suka sha cotes.

" Haseena wani mugayen mafarkai nayi jiya a cikin su guda daya ne kawai nake iya tunawa dayan kuma ko ina so in tuna amma bana iyawa".

" Wani mafarki ne haka!?"Haseena ta tambaya.

" Naga Aba da fararen kaya masu haske da daukan ido sosai kan sa sanye da hular sarautar sa, yana yi mini murmushi haɗe da yi min bye-bye,se kuma ya ce ƴata nasan za ki iya,ina da yakini akan ki sosai".

Ta karasa maganar tana jingina jikinta,Shuru duk sukayi Haseena na nazartan maganar ta da ta faɗa amma tasan ba ya wuce shirmen mafarki ne kawai.

" Yanzu saboda wannan ne yasa duk ki ka sauya yau!?, hankalin ki ya kwanta, ina me tabbatar miki da kawai mafarki ne,ku ma kin san shirmen mafarki wani lokacin".

Da wa'yannan kalaman Haseena ta ɗinga kwantar mata da hankali, har ta ɗa saki jiki aka ci gaba da shooting da ita har yamma liris suna can.


Yau ta ɗan gaji sosai ga bata jin cin komai kamar wata mara lafiya haka take ji. shisa ko da ana aikin karfin hali kawai ta saka se kuma kwarin gwiwa da Haseena ta ƙara mata,suna tsaye da Abu Xalib a bakin motar sa ya bata wani file zata yi signing contract din gasar kyau da za'a yi na duk duniya bayan ta yi signing din ne suna tsaye yana mata magana, Mubeen ya taho hannun sa riƙe da wayarta ya furta

" Ran ki shi dade ana kiran ki a waya kuma wayar an ce me matuƙar muhimmanci ne "

Batare da ta lalle sa ba ta ce " waye ne yake kiran!? ".

" Wayar daga can masarauta ne,yarima Farasat ne yake kiran ki yanzu ya kira kusan sau goma kenan".

Se a sannan ne ta kallesa tana me cewa " ka yi picking sannan ka sa min a handsfree ".

Kamar yanda ta basa umarni hakan kuwa ya yi,yay picking din kiran.

Se da aka kusa mintuna biyu kafin nan a bangaren yarima Farasat ya soma magana

" Gimbiya Muzna ina me baƙin cikin sanar dake mun rasa wanda ya fi soyuwa a gare mu,ina mana baƙin cikin rasa Aba Allah ya ɗauke sa " ya faɗa muryarsa a dashe.

Wani dim ta ji kanta ya ɗauka se ta ji komai na duniyar ya tsaya mata baya yawo kamar yanda yake mata,.

" Innalillahi wainna'ilaihi rajuun " shine kawai abinda Abu Xalib da Haseena, Mubeen suke faɗa wanda shine ya dawo da ita daga duniyar da ta tafi

Cikin kasa yarda da abinda ya faɗa ta kwace wayar a hannunsa ta ce " Farasat bana son wasa ka faɗamin abinda ka faɗa yanzu karya ka ke min dan Allah ".


A raunane Yarima Farasat ya soma cewa " babu karya ko kuma bayanin wasa a cikin zantukana gimbiya Muzna.sarki Taifur Rahman Allah ya masa rasuwa a sakamakon ciwon daji da yayi fama dashi na tsawon shekara huɗu,zuwa gobe da safe za'a turo jirgi ya dawo daku gida domin a yi jana'izar mahaifin ku a kan idon ku, Allah ya kara mana juriyar rashi". Yana gama faɗin haka ya katse kiran.



Yanzu labari ya soma tafiya in har kun bani haɗin kai tofa zamu tafi,in kuma kuka ki bani haɗin kai se mu hakura da wannan daddadar labarin,yawan comment din ku yawan read more din ku.


Comments,like and share fisabilillahi.

https://whatsapp.com/channel/0029VaXVieoAYlUKGrPTW207




👑👑 ƊAYA CIKIN BIYU 👑👑⚔️




🔥A story of love,hatred and violence ⚔️🔥




🤍*Story and written*🤍

~By~

Aisha Abbas (*MRS 🌹 ISHAM 🌹*)
(*Yar lelen jarumai writers*).




Jarumai writers association 📚📚📚🖋️🤩





❤️🔥Page 5____6







Wani dishi dishi ta soma gani a idanunta,Jiri ya soma yunkurin kayar da ita,da sauri Haseena da kuma taimakon Mubeen suka dedeta mata tsayuwarta, dukkanin su jiki a sanyaye


A hankali ta soma faɗin " yanzu dagaske Aba ya tafi ya bar mu!?,kenan kiran da ya mana a daren jiya ya kira mune dan ya mana ban kwana ?,innalillahi wainna'ilaihi rajuun,Abaaaaaaa meyasa zaka tafi ka barmu!?" Ta karasa maganar tana fashewa da marayan kuka, Haseena dake kuka ce ta rungume ta tana bata hakuri sannan a hankali take furta mata a kunne

" Aba addu'ar mu yake bukata a yanzu Muzna baya son kukan ki, ki ɗaure ki masa addu'a ko kin manta abinda yake yawan faɗa muku ne?, kuka ga mamaci baya taɓa dawo dashi ko kuma sauya komai ".


Share hawayenta tayi ta dubi Mubeen tana goge majina tace " ka kira min Ummi a waya ina son in san a wani hali take ciki ".

Dasauri yayi abinda ta ce masa sede number Ummi a kashe.

" Haseena ki ɗauki gimbiya Muzna ku koma gida kawai kin ji ko!?, Allah ya jikansa da rahama halinsa da ayyukan sa na gari su bi shi".

Motar suka shiga a wannan karon Mubeen ne yake tuki, Haseena kuma na rungume da Muzna tana bata baki,duk da yanzu bata kuka se hawaye da ke sintiri a Idonta da suke a kumbure.


Tana office din ta gabanta kuma system ne tana aiki a ciki dakatawa tayi da aikin sakamakon jin ringing din da wayarta ytake,wanda yanzu yayi kusan sau uku kenan, dubawa ta yi taga sunan Yarima Haysam ne ke kira yasa ta ɗaga.


" Innalillahi wainna'ilaihi rajuun Yaushe?". Abinda ta faɗa kenan bayan ta miƙe tsaye hankali a ɗan tashe.

" Okay,okay bari zan kira Muzna