You Cannot Download this book untill you login but you can read it .

---

Login Register

da wuri kar dad ya tashi barci ya hana su fita da kalar kayan da suke son sawa, Umaisha bata cika saka riga da wando taje school ba, sai dai tasa atamfa ko lace amma yau da gangan ta saka riga da wando wadda suka kama ta sosai duk dan tasa Akil yaji ya tsane ta yaji haushi tun da yace mata yana shigowa Kaduna gidan su zai fara zuwa gashi kuma da bala'i kishi, ita kuma Aafia yau doguwar riga na kanti tasa, kasan cewar rigar jikin ta kamar roba yake hakan yasa ya kamata sosai, duk wani sura na jikin ta ya bayyana, haka suka fito sauri sauri kamar marasa gaskiya suka fice, sukaje kowacce ta shiga motar ta suka bar gidan suka nufi school.

A ɓangaren Aunty kuwa lokacin da Abbi ya samu labarin juna biyun ta ba karamin murna bawan Allah nan yayi ba, sai dai abun da basu sani ba, su suna nan suna murna Aafia da Rufee suna can suna shirya yadda za'a zubar da ciki , wannan shine cakwakiya muje dai zuwa dan ganin yadda wannan rikici zai kare.

Daddy kuwa kwata kwata bai ji daɗin zaman gidan Abbi ba, dan yadda Aafia ke masa baya jin daɗi, ji yake kamar ya koma Kano ko kuma ya tafi gidan su Imran wato gidan babban ya'yan su dan ko ba komai Imran da Akila suna kaunar sa, amma kuma idan ya tuna yadda yayan sa wato Abbi yayi tattaki daga nan Kd har Kano yaje ya ɗauko shi, sai yaji kamar idan yace zai bar gidan bai yiwa Abbi adalci ba, hakan yasa ya hakura ya danne zuciyar sa ya ci-gaba da zaman hakuri, dan zama da su Aafia sai ka dangana da hakuri in ba haka ba zuciyar ka zata fashe.

Mu leƙo Jehan mu dawo

💞KATSINA💞

Ba karamin daɗi Jehan taji ba ganin yadda jikin mum ya fara kyau har wani cool murmushi take sake wa, shima Sadiq yaji daɗi sosai sai addu'a yake ta zubawa mum gwaggo na amsawa da Amin, yau sai karfe 9 na dare sannan su Jehan suka baro asibiti saɓa nin kullun da suke dawowa da yamma, yau saboda murnan anyiwa mum aiki jikin ta ya fara kyau yasa basu kamo hanyan dawowa da wuri ba.

Bayan sun baro asibiti, suna tafiya suna yar hira suka nufi bakin hanya dan taran abun hawa, basu kai ga isa bakin hanya ba, wasu mata sa irin ɓata garin nan suka tare su hannun su rike da sanduna irin goran nan, sai warin sigari wato taba suke da alama wasu daga cikin suma a buge suke

Tsawa suka dakawa su Jehan a kan su kawo wayoyin su da kuɗin dake jikin su, ba karamin tsorata Jehan da Sadiq sukayi ba, har wani fitsari Jehan take ji yana kokarin zubo mata,

Amma saboda karfin hali irin na Jehan sai ta ɗaure fuska tace "Kai nima fa yar daban nan ne ta bugawa a jarida kuma idan baku sani ba ku sani yaya na ƙasurgumin ɗan daba ne na gaske, shine kamar ni kan war sa zaku tare kuce na baku waya ta to wlh sai na faɗawa yayana kuma duk in da kuke sai ya nemeku ya muku yan kan rago" kasan cewar dukan su basa cikin hayyacin sosai, zokaga yadda ake shiga tashin hankali, har kasa wayan nan yan iskan gayun suka duka suka fara bawa Jehan hakuri dan tsoron kar ta faɗawa ya'yan ta dan yanzu ma bala'i dake cikin garin Katsina kawai ma ya ishe su inaga kuma ta sake faɗawa yayan nata abun ai ba zai yi kyan gani ba, su daman irin yan iskan nannen masu neman kuɗin sayan sigari da wiwi kawai ba dan wani abu suke tare mutane su musu kwace ba.

Jehan manya Jehan DPO an samu dama har da ja musu kunne da yi musu last warning a kan idan ta sake jin sun sake yin wani abu makamancin haka tofa kamar a kunnen yayan tane ne, sosai suka mata alkawari a kan bazasu sake ba, shidai Sadiq bawan Allah yanzu Jehan ta dai na bashi mamaki ma ya fawwalawa Allah lamuran sa yana bin Jehan a duk yadda ta bi da shi, sai dai ɗan zaman sa da ita yasa shima ya fara cire tsoro a ransa, yanzu yana jin jarunta har cikin jinin jikin sa.

Niko nace tab aiko baka san itama duk burga bace a fili amma daga ta ciki har fitsari take, gara maka ma ka ci-gaba da jin tsoron ka dan ba ilimi gare kaba karka je ka taɓo abun da ya fi karfin ka kasha dukan mutuwa a banza, ita Jehan akoi ilimi sai ta karanci yana yin mutun take yanke masa irin hukuncin da zata masa, kai kuma ba ilimi kawai zaka afkawa abu hmm akoi matsala!!!.

Sallamar guys ɗin Jehan tayi sannan tace "Muje Sadiq" sai godiya guys ɗin ke mata tare da fatan alkhari na dole, wannan shine idan ba kayi sharan masallaci ba kayi na kasuwa.

Suna tafiya a hanyane kafin su kai bakin titi Sadiq yace "Jehan me yasa zaki yi karya? Meyasa zaki danganta kan ki da yan daba?" ba tare da ta kalle saba tace "Akoi wuraren da yin karya ya halatta wadda idan kayi su baka da laifi har gaban Allah, ciki kuma har da wanda nayi yanzu, kayi karya domin ka kare rayuwar ka, zaka iya karya dan ku zauna lafiya a gidan ka, zaka iya karya dan ka sulhun ta mutane biyu da suke faɗa ko gaba, to a nan in da suka far mana nan kaga ai bumu da mafita dole mu musu abun da hankalin su zai kama, a yadda suke yan iskan garin nan, ba Allah da annabi zaka faɗa musu ba, domin bazasu saurare ka ba, dan ba hanyar Allah suke ba, amma idan ka faɗa musu kana da wanda ya fisu zama ɗan kwalta zasu nitsu ga misali dai ka gani, ko wani ɗan adam akoi direction ɗin da yake tafiya a kan sa, to kai ma dan ku zauna lafiya kasa ya yarda da abun da kazo masa da shi sai ka ɗauki direction ɗin da yake kai kaima ɗin, ba wai zakayi hakan dan kazama irin sa ba ko dan ka saɓawa Allah no a'a zakayi hakan ne dan kasa ya fahimci abun da kake nufi koda bai yi niya ba, yanzu yadda suka tare mun nan kana tunani idan shekara zamuyi muna ce musu dan Allah zasu hakura su kyale mune?" Girgiza mata kai yayi alamar a'a, kasan cewar yanzu Jehan Hausa ya ɗan fara zama zam zam a bakin ta tana ɗan yi magana da Hausa sosai tana ɗan kwaɓawa da English nata

Ci-gaba da magana tayi "Yauwa ashe ka gane ko kwana zamuyi muna haɗa su da Allah baza su kyale muba, dan ba aikin Allah suka fito yi ba, saboda babu in da Allah yace ɓarawo yaje yayi sata, hasalima sai dai in da yake sanar da mu hukuncin da za'a wa ɓarawo mai cin hakkin bayin Allah, ajiye wannan zancen muje in da nake so ka fahimtar ko dan ɓacin rana wata rana, aduk lokacin da wasu yan iska suka tare ka, ka nitsu sosai ka duba yanayin su a kan wani tsari suke, misali kaga wayan nan yadda suka tare mu ai sun nuna mana su yan daba ne, shiyasa na musu amfani da sunan ɗan ta'adda wato baban yan daba, amma idan ka duba kaga cikakkun yan iska ne masu son iskanci kamar ni mace ai nuna musu zan yi iskancin nima nake so kamar yadda mukayi da Farooq sai ka rabu da su lafiya ba tare da sun maka illaba, koda sun karɓa maka wani abun ba zasu maka illaba" shi dai Sadiq bin ta kawai yake da to domin wani Hausar a kwaɓe take wani kuma tana saka turanci

Shiru ya ɗan yi kafin yace "Jehan aina kika san yan daba ne ma? Ke da lokacin da kuke tare da daddy kullun kuna gida baku san wahala ba baku fita waje" guntun tsaki taja kafin tace "Na san shi mana a media before ai ina da waya kuma ina hawa net" shi dai Sadiq tun da ba sanin net ɗin yayi ba sai yayi shiru bawan Allah bai taɓa riƙe karamar waya bama bare babba, sun tsaya suna ta hira sai wucewa taxi suke saboda dare, da kyar suka samu wani suka tara zuwa gida.

Koda sukaje gida basu ci abinci ba dan sunci a asibiti da gwaggo wadda Jehan ta sayo musu, karatu kawai Jehan ta koyawa Sadiq da Hanan har da Yusuf kamar yadda suka saba, Sadiq yana son karatun sosai shiyasa ya mai da hankalin sa sosai yana ɗaukan abun da take koya masa musamman fannin addini yana kokari sosai yana mayar da hankali.

Sai karfe 11 na dare sannan su Sadiq suka yiwa maman su da Jehan sallama suka fito, har bakin kofar ɗakin maman Hanan suka raka Hanan sannan suka wuce ɗakin su shida Yusuf Sha'aban kuma baya nan yaje garin maman sa duba ta

Su Sadiq suna fita Jehan ta tashi taje tayi wanka Allah sarki yanzu har ta saba da wanka da ruwan sanyi, bayan tayi wanka ta fito ta dawo ɗakin maman Sadiq, already maman Sadiq ta jima da yin barci abun ta, kayan barcin ta ta ɗauko riga mai laushi da dogon wando ta saka a jikin ta ta ɗauki mayafin lulluɓa da maman Sadiq ta bata ta kwanta ta lulluɓe jikin ta, sai bayan ta kwanta sai ta tuna kamar basu yi Sallah ba, tana kokarin miƙewa sai kuma ta tuna ashe sunyi a asibiti, addu'ar barci kawai tayi ta kwanta, ta lumshe ido tana tunanin Rimsha tana hawaye kamar kullun har barci yayi awon gaba da ita.

Asuba ta gari. Mu leƙo Washington DC mu dawo

# 💞WASHINGTON DC💞

80:00am

Slowly ya waro dara daran blue eyes nasa masu ɗauke da barci, kasan cewar idon nasa akoi alamar barci bai isshe shi ba, sai idon nasa ya kara kyau dan yayi yanayi da sleeping eyes, wani azaban duka kirjin sa tayi lokaci guda wadda yasa yaji barcin ta watsake ta sake sa, miƙewa yayi zaune a tsakiyar gadon ya dafe saitin faffaɗar kirjin sa, da sanyayyar murya mai bala'i daɗi da kwatar da hankali mai sauraro yace "Meke shirin faruwa da nine" dan bai taɓa jin makaman cin wannan bugun zuciya ba a tattare da shi, shiru ya ɗan yi na ɗan lokacin kafin ya yaye bargon jikin sa a hankali ya zuro zara zaran kyawawan fararen kafafunsa kasan bed ɗin sannan ya miƙe ya nufi toilet.

Wanka yayi ya fito ya shirya cikin wani haɗaɗen jeans mai bala'i kyau da tsada launin baki da High neck sleeve shirt launin blue kasan cewar rigar ta kama jikin sa sosai, hakan ya bayyanar da kakkafar suran kirjin sa, faffaɗar kirjin nan nasa abuɗe take sosai cikan damatsan hannun sa yasa faffaɗar kirjin nasa ta kara buɗe wa sosai, har wannan bul bul ɗin breast nasa kana iya hangowa saboda kama shi da rigan tayi, ba karamin kyau kayan suka masa ba, kamar dan shi akayi su, Winter Sports Hat ya sanya a kan sa, bayan ya ɗaure dark black curly hair sa, ya fito yayi kyau over ita ma hulan ta masa kyau sosai, sai dai ya bar wannan ɗan guntun gashin gaban goshin nasa a waje bai shigar da ita cikin hulan ba, fuskar nan nasa a ɗaure take kamau kamar kullun sai dai na yau ma tafi na kullun, dan ina ga yau idan sukayi ido huɗu da mai karamain zuciya nan take zuciyar zata buga ya mutu awajen saboda tsoron yadda fuskar lion tayi yau abun ba'a magana ya wuci tunanin duk wani mai tunani, sai tashin fitinannen kamshi yake, hannun sa na ɗaure da diamond watch nasu na Triplets, kyawawan kafafun sa na sanye cikin Hermes Birkenstock sandal wadda a kalla kuɗin sa ya kai $76000, kasan cewar takalmin launin baki ne sai yayiwa farar kafar sa bala'i kyau, wayar sa da kuma laptop na sa ya ɗauka ya nufo waje, yana taku irin na manyan jarumai, ko baka gan shi ba kaji sahun takun sa kasan cikkaken namiji ne mai jini a jika kuma lafiyayye kakkafa ne ke tinkaro ka.

Lokacin da ya fara sako kafar sa a benen sauƙowa palon kasa, ji kake tsit duk wani halitta mai rai dake cikin palon ya nitsu tsit sun sha jinin jikin su, wasu daga cikin bodyguards kam jikin su har kerma yake saboda tsoron sa,

John, Jay, uncle Herry, Tga, gaba ɗaya suna palon kasan, sun zauna kamar masu jiran wani abun kowannen su yana ta faman latsawa waya cikin kwanciyar hankali, lokacin da kamshin perfume na lion ya kai musu karo a hancine yasa sukayi saurin ajiye wayoyin nasu suka nitsu suna satar kallon sa ta kasan ido dan shi baya son yawan kallo, sai yaga kamar wani abu kake kallo a jikin sa hakan yasa idan ya kama ka kana kallon sa sai ya maka hukunci mai tsanani.

wucewa yayi ko kallon in da su John suke bai yi ba ya nufi hanyar ficewa daga palon, har suna haɗa baki wajen rige rigen ɗaga masa gaisuwa, bai amsa gaisuwar ko ɗaya daga cikin suba dan dama ba amsawa yake ba sai dai ya ɗaga musu hannu dan magana na masa wuya, to yau kam ma ko hannun basu samu arzin ya ɗaga musu ba dan hankalin sa kusan baya tare da shi.

Dai dai zai fita palon yajiyo muryan dad da Michael har suna haɗa baki wajen tambayar sa ina zai je, juyowa yayi yazo ya rungumi daddy tare da mannawa daddy kiss a kumatu kasa kasa yace "I need your prayer my dad" daddy sarki saurin razana ya ɗauka yaki Romeo zai tafi nan take jikin sa ya fara kerma cike ta tsoro yace "Where are you going my lion?" Kasan cewar sun san halin dad sai bai faɗa masa abun dake faruwa ba ya basar da maganar ta hanyar cewa zai je wajen friend na sa ne dad karya damu kawai ya yi musu addu'a, ajiyar zuciya dad ya sauke kafin yace zai faɗawa pastor ya musu addu'a, wucewa Romeo yayi zai tafi, sai kuma ya sake juyowa ya shafa kan Micheal dake tsaye yana kallon su, shi dai Michael duk da ba ilimi gare saba yasan ba lafiya ba, dan yana ji hakan a jikin sa, daman kuma ko ciwon kai ɗaya daga cikin triplets yake tofa sauran sai sunji a jikin su, hakan yasa yau tun da suka tashi barci zuciyar Romeo ke bugawa da karfi karfi, shi kuma Michael yana fama da faɗuwar gaba da kasala wadda ta haifar masa da ciwon kai, sai Allah kaɗai ya san shi kuma James me yake ji.

Wucewa Romeo yayi cikin sauri ya fice daga palon, yana fita rundunar jinga jibgan sojojin sa suka fara sara masa, sunyi layi a bakin kofar palon da alama jiran fitowar sa suke.

Wuce su yayi ba tare da yayi wani alama ma da zata nuna ya gansu a wajen ba, kai tsaye wajen shirga shirgan motoncin da aka jera musu ya nufa, motoncin manya manyan masu numfashi, na sojoji guda 8 sai wata dan kareriyar motar fara tas har wani kyalli take kirar Bugatti La voiture wadda a kalla kuɗin ta ya kai $18.7 million, jikin motar kawai abun kallo ne dan ta tsaru iya tsaruwa, idan ka shiga cikin motar nan sai ka rantse da Allah a cikin manya manyan haɗaɗun palo irin na manyan shuwagabannin kasa kake, saboda haɗuwa irin na cikin ta, kujerun motar irin manya manyan kujerun nan ne masu mumfashi wadda suka amsa sunan su kujeru, har wani lotsawa ciki suke idan ka zauna a kan su, sai wani fitinannen kamshi mai bala'i daɗi ke tashi daga cikin motar nan, saboda ansan mamalakin motar ma'abocin son tsabta da kamshi ne shiyasa komai nasa yake kasan cewa mai kamshi da tsabta.

Da taku irin na jarumai sadaukan yaki ya nufi motar, yayin da jibga jibgan sojojin sa ke take masa baya

Wani jibgegen katon Baturen soja fari tas da shine yayi gudu ya sha gaban lion ya buɗe masa gidan baya na wannan farar Bugatti La voiture noira, gently lion ya shiga cikin motar ya zauna, dan shi komai nasa a nitse yake yin sa, daki daki yake bin komai

Sai da wannan sojan ya ɗaga hannu ya sara masa sannan ya rufe kofar motar

Ji kake dip dip sojojin sa suka nufi motoncin su da gudu suka haye saman bayan motoncin nasu, wannan sojan daya buɗe wa lion kofar mota ya shiga, shi ya ja motar lion ɗin.

A tare motoncin suka tashi suka nufi gate ɗin fita gidan, duk in da suka wuce sara musu sojojin dake tsakar gidan suke.

Suna fita wajen gidan suka saki jiniya kamar yaki zasu tafi, abun da ya sa basu saki jini tun a cikin gida ba, saboda daddy, yana jin jiniya zai ruɗe yace yaki Romeo zai je ko wani wajen, shiyasa suka bari sai da suka fita waje sannan suka saki jiniyar.

Duk wata mota ko abun hawa dake hanya kaucewa suke su bawa tawagar jerin kwanon motocin The general of the army hanya, wasu ma jiniyar kawai suke ji tun daga nesa, tun bai iso su ba suke sauka daga kan titi da abun hawan su su bada hanya

Ko da tawagar motocin suka zo wajen fitillar bada hannu, a sukwane mai kula da fitillar wajen ya basu hanya dan su wuce dan yasan ma ko bai basu hanya ba ba tsayuwa zasu yi ba, dan in tawagar motocin The general of the army suka tinkaro waje tofa sai dai ku ku hakura sai sun wuce.

Cikin kwanciyar hankali yake danna laptop nasa ga sanyin Ac na ratsa shi, sai faman cizan lallausan laɓɓan sa yake, ga lips ɗin nasa ya kara yin jawur kamar yasa lipstick saboda ciza su da yake, duk wannan latsa laplop da yake hankalin sa na can duniyar tunani ina James yaje, dan shi har yanzu yaki yardan wa zuciyar James criminal ne, duk lokacin kuma daya tuna James sai yaji zuciyar sa ta bada dum dum ya rasa me matsalar, kokarin sake bin diddigin layin James yayi abun mamaki sai yaga layin a kashe bayan a kashe ma an soketa daga hanyar sadarwa gaba ɗaya, cike da tashin hankali ya ciro wayar sa ya fara kiran layin, kwata kwata layin an suke ta, zaro idon sa waje yayi yana tunanin meke shirin faruwa ne, taya za'ayi ace an soke layin James gaba ɗaya bayan jiya da daddare lafiya lou layin take, to me ya faru da James ɗin?.

Yana cikin tunani bai san lokacin da suka isa *Dulles International airport* ba sai da yaga jibga jibgan sojojin sa sun kewaye motar sa da manyan bindigun su, sannan ya farga, sojan daya tuƙo sane ya fita ya buɗe masa kofar motar suka tsaya cirko cirko suna jiran fitowar sa

Ko da aka buɗe masa kofar motar ya ɗauki tsawon good 30mins zaune acikin motar kafin ya zuro kafafun sa waje a nitse ya fito ya wuce gaba, jiga jigan sojoji masu ji da lafiya wadda da ka haɗu da irin su gara ka haɗu da zaki koba komai shi zaki cinyewar lokaci ɗaya zai maka, sukuma fargana da faɗuwar gaban ganin sune zai yi ta sumar da kai kana farfaɗowa har ka mutu, wayan nan jiga jigan sojoji su 8 suka take wa lion baya zuwa ciki,

Abun mamaki duk wayan nan sojojin mutuwar tsoron lion suke, suna razana jama'a a gari sukuma fuskar lion na razanar dasu yana sanya hantan cikin su kaɗawa.

Bincike lion yaje yayi a kan wani jirgi James ya hau, ba karamin mamaki lion yayi ba jin cewa jirgin Europeans country ya hau, a Europeans ɗin ma jirgin kasar Spain ya hau, Spain lion ya mai maita a ransa

Shiru yayi yana tunani abubuwan sun haɗu sun cakushe masa yanzu ba binciken a kan James criminal ne ko ba criminal bane ya kama shi, bincike a kan ina James yake me yasa aka soke layin sa daga hanyar sadarwa wani hali yake ciki, shine abun da yake gaban lion yanzu, abun da ya sawa ran sa dai tabbas James yana cikin tashin hankali da damuwa a duk in da yake, kuma yana bukatar taimakon gaggawa, dan baya cikin koshin lafiya ba abanza kirjin lion ke yawan dukan uku uku time to time ba, sannan ga Michael can a gida yana cikin faɗuwar gaba hakan har ta hadda sa masa ciwon kai da kasala.

Juyowa lion yayi suka koma cikin motocin su suka musu key suka bar airport ɗin zuwa gida, yanzu babban damuwar ma shine ya rasa ta ina zai fara bincike a kan James domin bashi da wata maka ko guda ɗaya da zai ce ga wannan zai riƙe ya zama masa makami da zai yi bincike ya gano in da James yake.

Kamar yadda jerin gwanon motocin suka fita gida haka suka koma sukayi parking a in da suka taso, sojan daya tuka shi, shiya fito ya buɗe masa kofar mota, a wannan karon da sauri lion ya fita zuwa cikin Palo, kai tsaye part nasa ya nufa

Yazo zai hau bene dai dai lokacin Tga zai sauko, a guje Tga ya koma baya ya bashi hanya, dan dama already sun sani idan lion na saman staircase ba mai hawa har sai ya sauka ya tafi

Yana shiga bedroom nasa ya fara aiki gadan gadan dan sanin ina ɗan uwan sa jinin jikin sa yake wani hali kuma yake ciki, ya manta ma da batun zuciyar sa na zargin James ya dukufa aikin neman sa kawai.

Misalin karfe sha ɗaya na rana zaune suke a palon kasa gaba ɗayan su ban da lion dan shi ba'a sa shi ma a lissafin su saboda kwata kwata baya shiga cikin su, idan yazo waje ma saboda tsoron sa lallaɓawa suke su gudu, kuma ba dukan su yake ba ba zagin su yake ba, wannan fusataccen fuskar nasa suke mutuwar tsoro da kuma kwarjinin da Allah ya masa,

Wani sojane ya shigo cikin palon pastor na biye da shi a baya, ma'ana sojan yayiwa pastor jagora zuwa cikin palon kenan

Da murna dad ya miƙe yaje ya taro pastor sai dariya yake, ɗaure fuska Michael yayi yana hararar pastor kamar yaje ya shaƙe sa yake ji, shikuwa pastor sai washe baki yake, wai ya biyo sahu yaji ko lafiya two weeks basu zo church ba, daddy ya yi imani da wannan pastor nasu sosai jikin sa sai kerma yake ya shiga bawa pastor hakuri, cike da isa pastor yace to ba damuwa yanzu dai su shirya su wuce church ɗin tare da shi tun da yau Friday akoi Church, nan fa Michael yace pastor bai isa ba shi babu in da zai je kuma daga yau ma ba zai sake zuwa church ba har ya mutu, nan fa rigima ta kauri, pastor yace zai tsinewa Michael daddy jikin sa sai kerma yake yana hawaye yana rokan pastor yayi hakuri karya tsinewa Michael, shi kuwa Romeo yana part nasa ya dukufa wajen neman ina ɗan uwan sa ya shiga.

Ganin pastor ya saka daddy kuka hawaye sharɓa sharɓa ne yasa Michael ransa ya ɓaci ya sakarwa pastor wayan nan mayun kwarin nasu na Triplets, ihu pastor ya fara yi yana birgima a kasa, saboda tsanar da Michael yayiwa pastor har da kara masa da ƙudan zuma yayi, Tga, John, Jay suna ganin Michael ya sako kwarin nan sukayi ta kan su dan sun ɗanɗana a baya basu ji ta daɗi ba, uncle Herry ma ba'a barshi a baya ba wajen gudu, kafa me naci ban baka ba, ai a miliyan kowa yayi part nasa, bayan sun shiga part nasu ma sai da suka kara da danna wa kofofin key dan karma kwarin su biyo su.

Iya pastor kawai kwarin suka farma, daddy ya tsorata sosai Allah sarki shi damuwan sa kada pastor ya tsinewa Michael rayuwar sa ta lalace shi yake wa kuka, amma dan iskanci irin na Michael ana neman masa sauki wajen pastor ya kara laifi kan laifi ya sakar wa Pastor