You Cannot Download this book untill you login but you can read it .

---

Login Register

mai kyau dan ya bar School nan mu huta" haka dai Dr ya rinƙa surutan sa shi kaɗai,

Shi kuwa Michael yana fita kai tsaye gore place ya wuce yaje ya zauna su lucky suka zauna kusa da shi.

💞💞💞💞💞💞💞💞

*KANO*

Bayan sallar issha zaune suke gaba ɗayan su a palon daddy amma ban da Akil, sai Jelly da Akila da basa wajen suna cikin ɗaki suna can Akila tasawa Jelly wan nan ta canza mata wan nan sai shiri suke kamar wayan da zasu je party

Daddy na zaune kusa da Imran da Irfan suna hira, wayar sa tayi kara alamar shigowar kira, cikin sauri ya duba wayar dan daman yana expecting na kira, Engineer Muhammad Imam shine sunan da ya bayyana a kan screen ɗin wayar jikin daddy har kerma yake wajen picking na call ɗin ya manna wayar a kunnen sa yana faɗin "Engr ya ake ciki" tsabar zumuɗi ya manta da sallama ma, daga ɗayan ɓangaren Engr yace "Congratulation sir company mu gomnati ta bawa contract na aikin nan" miƙewa tsaye daddy yayi tare da dukawa ya ajiye wayar yayiwa Allah sujudur shukur yana zubawa Allah kirari da godiya mai tarin yawa, ganin daddy yayi sujudur shukur yasa Irfan da Imran suma suka sauko suka taya sa yiwa Allah godiya ta hanyar yin sujudur shukur ɗin suma duk da basu san me ya faru ba me daddy ke wa sujudur shukur ɗin,

Daddy ya ɗan jima yana yiwa Allah godiya kafin ya ɗago ya ɗauki wayar sa yayi ta zubawa Engr Muhammad Imam godiya da fatan alkhari, san nan sukayi sallama ya katse kiran,

cike da murna ya sanar da su Imran abun da ya faru, sosai suka taya shi murna da yi masa fatan alkhari, sosai suka ji daɗi su Aafia duk sun masa addu'ar fatan alkhari yaji daɗi sosai,

Cikin wan nan farincikin Jelly da Akila suka fito daga bedroom suka same su, jelly tasha make up mai bala'i kyau Akila ta sanya mata wandon jeans blue mai stone a jiki sai yar karamar riga mai karamin hannu pink color tayi kyau sosai da sosai,

wow shi ne abun da Imran ya iya furtawa kenan, kyau iya kyau Jelly tayi Akila ta tsantsara mata kwalliya, sosai Aafia da Umaisha suka zuba mata ido dan Jelly ba baya ba wajen kyau bare kuma kyan ya haɗu da make up kai Masha Allah, kasa jurewa Imran yayi yana bala'i son Jelly tun tana yar jaririya, miƙewa yayi ya riƙo hannun ta yana jin kamar yace daddy ya ɗaura musu Aure yanzu sai a barta sai ta girma sai yazo ya ɗauki matar sa dan gani yake kamar za'a kwace masa ita tun da shi ba'a kano yake ba, shi ma daddy ya lura da halin da Imran ɗin ke ciki da kuma abun da yake so sai dai ba zai iya yiwa Jelly aure a haka ba har sai ta mallaki hankalin kan ta ta girma ta faɗa da bakin ta a lokacin tana son Imran ɗin, dan tayu yanzu soyayyar yarinta ne kar ta girma tazo ta canza raayi,

shi dai Irfan sai murmushi yake yi abun sa yana yiwa Imran fatan alkhari shi da Jelly a zuciyar sa, sai shagwaɓa Jelly ke zuba musu Imran na biye mata ita kuwa Akila na musu video, sai murmushi dad yake yana addu'ar Allah ya cika masa burin sa ya aurar da Jelly ga Imran, Aafia tayi nadamar cewa Jelly mummuna da tayi ashe kwalliyar da daddy ya matane yasa tayi muni ashe kyakyawace ajin farko,

Akila na tsaka da yi wa su Imran video wayar ta ta fara kara alamar kira ya shigo, Yaya Akil shi ne sunan da ya bayyana a kan screen ɗin wayar, cikin sauri ta ɗauki call ɗin tare da kara wayar a kunnen ta tana faɗin "Hello yaya Akil" a ta kai ce yace "Bawa yarinyar nan wayar" shiru ta ɗan yi kafin tace "Wace yarinya kuma yaya Akil?" Dogon tsaki yaja kafin yace "Wan nan mai kama da Abba mana" ɗago ido Akila tayi ta kalli Aafia da Umaisha dan ta ga waye kuma mai kama da Abban su a cikin su, sai taga ashe Umaisha ce mamaki ne ya kamata ko yaushe yaya Akil ya ga Umaisha har yasan tana kama da Abba kuma ohon masa mutun kaman wani mai juju a kai, tayi nisa cikin tunani sai jin muryan Akil tayi yana faɗin "Ba da ke nake bane?" Yar firgigit tayi tare da miƙawa Umaisha wayar, ba musu Umaisha ta ansa tare da mannawa a kunnen ta tana faɗin "Waye ne?" Cikin tsawa Akil yace "Ni kike tambaya waye Ni?" Kallon Akila Umaisha tayi dan ita har lokacin bata san da wa take magana ba bata ɗauki muryan sa ba tun da yau suka taɓa haɗuwa kuma yau ɗin ma ba wani magana sosai yayi da su ba,

Kasa tayi ta murya cikin girmamawa tace "Kayi hakuri ni ban san waye kai ba ne shiyasa nake tambaya" a ta kaice cikin faɗa yace "Mijin kine to, idan kin koma ki sanar da mahaifin ki idan na samu time zan zo a ɗaura aure!!" tashin sense shi kuma Akil kalar nashi soyayyar kenan, waro ido waje Umaisha tayi muryan ta na sarkewa tace "Akila amma wan nan mahaukaci ne kika haɗani da shi ko?" Waro ido waje Akila tayi su daddy kuma sun zubawa Umaisha ɗin ido

hannu Irfan yasa ya amsa wayar, yana bin screen ɗin wayar da kallo, ganin an rubuta Yaya Akil ne yasa Irfan ya sanya wayar a hand-free, cikin tsawa Akil yace "Ke ni kike cewa mahaukaci dan zan rufa miki asiri to wallahi ko kina so ko baki so sai kin aure ni gwara ma ki sani tun wuri idan kin koma ki sanar da mahaifin ki idan na samu time zanzo na kawo sadaki na ɗauke ki, amma kafin nan dole kullun sai munyi waya kuma idan na kira baki ɗaga ba wallahi zakiyi dana sani, gobe kafin na tafi zan sayo waya na kawo miki dan naga kamar baku da karfin sayan waya kina jina ko? Idan kika kuskura kika min taurin kai Allah zan sa a ɗauko ki a kawo min ke a daren nan na kira limamin masallacin mu a waya ya fita ya tara jama'a ya daura mana aure kuma zama dani ya zama maki dole!!" Tashin sense shi dai daddy abun ma dariya ya bashi yau ga ikon Allah soyayya dole aure dole, yau Aafia taji abun da yafi karfin ta shi kan Irfan ya rasa bakin magana dan Akil yafi karfin sa, Imran ne yayi ta maza ya amsa wayar yana faɗin "Sannu Akil idan ma son ta kake ta haka ake ansar soyayya?" cikin masifa Akil yace "Yaya Imran babu ruwanka dani ni ba son ta nake ba Auren ta zan yi kuma dole a aura min ita dole kuma ta zauna dani tana min aiki da biyayya dan daman da yar aiki take kama yar datti ma irin ta!!" ita dai Umaisha yau taga tashin hankali shiru tayi ta sunkuyar da kan ta kasa,

a kule Imran yace "Okey yar datti ko to ka bar mana yar dattin mu idan ka sake kiran ta a waya Allah sai na ɓallaka zan ga wanda zai nema kama auren nata wallahi ko bappa ya baka ita sai na hana" cikin fushi Akil yace "Kai yaya Imran waye yace maka ni ina neman izin daga wani wai bappa ya bani Auren ta? Kai ka san wani abu wai izini ni ban san shi ba, ni abun da na sani shine dole a bani ita ko anki ko anso idan ba haka ba kuma muzuba mu gani kasan sauran" ya kai karshen maganar tare da katse kiran salati dad yasa yana faɗin "Anya Akil baya shan wani abu kuwa?" Girgiza kai Imran yayi yana faɗin "Wallahi daddy baya shan komai shi dai haka yake komai da karfi da izza yake cewa zai ansa shi bai san wani abu wai bada hakuri ko lallaɓa mutun ya baka abu ba, a'a shi yana ganin kamar komai kuɗi na iya saya shi yasa sai yace komai da izza da kuɗi zai ansa" jinjina kai daddy yayi kafin yace "Yarantace zai daina idan yayi hankali" shiru Imran yayi yana tunani,

dafa kafadar Imran ɗin Irfan yayi yana faɗin "Karka damu my bro ni nasan yarinta ke damun Akil" kallon su Umaisha da sukayi mutuwar zaune Imran yayi kafin yace "Sister kuje daki ku kwanta ko tun da already kun ci abinci" ba musu suka miƙe suka wuce bedroom nasu palon ya rage daga daddy Irfan sai Imran ita ma Jelly ta wuce bedroom na daddy

dawo da kallon sa kan Irfan Imran yayi cikin nitsuwa ya fara magana "Irfan tun da kaji Akil yace zai auri Umaisha to tabbas da gaske yana son tane kuma in har ya kai wa Ammie da Abba maganar nan tofa mai iya hana wan nan auren sai dai Allah, dan ko bappa yace ba zai bawa Akil Umaisha ba Abba yana iya sawa a ɗauko ta kuma a aure mata Akil a gaban bappa ba yadda ya iya, ni duk wan nan bashi ne damuwa ta ba Akil yaro ne bai wani mallaki hankalin kan sa sosai ba 22 years yake da shi san nan bai san yin abu a hankali ba shi komai da izza da karfi yake kwata bai san girman nagaba da shi ba baya girmama mutane ba zai taɓa ganin darajar sister ba a wulakance zai riƙe ta na san halin sa sosai tabbas yana son ta tun da har ya iya cewa zai aureta amma duk da wan nan son da yake mata ba zai taɓa riƙe ta da daraja ba dan bai san darajar ɗan adam ba kullun cikin faɗa muke da shi a kan hakan, nike gaba da shi amma saboda wan nan banzan hali na sa yasa na sallama masa girman yana da jiji da kai ga izza da masifar faɗa ga ɗaukan zafi zuciya da rashin kunya duk ya haɗe komai, zan yi iya kan bakin kokari na wajen naga na gyarashi ya zama mutun, nasan zai sai wa Umaisha waya kamar yadda ya faɗa to dan Allah Irfan ina neman alfarman da ku kyaleta ta rinƙa magana da shi a hankali hankali har mu samu ya sauya tun da yana son ta In Sha Allah idan suna waya zamu iya samun wani sauyi" jinjina kai Irfan yayi yana faɗin "Karka damu ɗan uwana" sai murmushi daddy ke yi yana yabawa Imran a ransa, daga haka suka miƙe suka nufi table ɗin cin abinci daman already su Aafia sun ci nasu abincin tun kafin su daddy su dawo sallar issha.

💞💞💞💞💞💞💞💞

*KADUNA*

Wata hajiya ce zaune cikin wani katafaren palo na alfarma mai ɗauke da manya manyan sofa set, set 2 launin Ash da baki ga Makekiyar Tv plasma manne a bango, daga ɗan gefe hadaɗiyar table ɗin cin abinci ne mai matikar kyau mai ɗauke da kujeru 6, daga kusa da table ɗin staircase ne mai kyau a wajen ɗan gaba da staircase ɗin kofar kitchen mai girma gaske ne a wajen, gaba ɗaya curtains na palon launin Ash da ratsin baki ne kalar sofa ɗin, daga tsakiyar sofa set ɗin wata kyakkyawar Chinese carpet baki ne sai sofa table saman carpet ɗin, duk wan nan haɗuwar palon babu gyara dan ko ina a watse yake kaca kaca duk datti ga kwanikan abinci saman table ɗin duk anci an bar ragowa shi kan shi kitchen ɗin a watse yake sai warin ruɓaɓen abinci ke tashi ta ko ina a cikin kitchen ɗin gaba ɗaya ya buɗe palon da wari, ta ko ina a cikin palon ledojin takeaway da su kan su takeaway ɗin ne, palon dai ba kyan gani, zaune hajiyar nan take saman sofa mai zaman mutun 2, ba karya kyakkyawace ajin farko fara ce tas har hasken nata ma yayi wani iri kamar bata da jini a jikin ta saboda hasken da tayi, sanye take cikin wata mahaukaciyar bubu irin na larabawa masu manya manyan mayafan nan, gaba ɗaya rigar duk datti ita kan ta hajiyar warin datti take, babbar mace ce wadda a kalla zata kai 45 years sai dai tana da ɗan ƙaramin jiki wadda idan ka ganta zaka yi tunanin 25 years ko 30 years take da shi duk da bata gyara jikin nata amma yana da kyau sosai, ta ɗaura kafa ɗaya kan ɗaya tana latsawa wayar ta kirar Samsung A72, da sallama wata hajiya ta shigo palon tare da wani Alhaji na biye da ita a baya, tun daga bakin kofar shigo hajiyar ta toshe hanci tana faɗin "Subhanallah me haka kuma Hajiya yana ji wari palon" ko kallon in da suke Hajiya bata yi ba ta ci-gaba da latsar wayar ta, karisowa cikin palon suka yi suka zauna saman sofa shi kan shi Alhajin sai kwaɓe fuska yake ya tara yawu a baki ya kasa haɗiyewa "Hajiya dan Allah me ya mutu a palon nan?" Cewar hajiyar da ta shigo yanzu cikin faɗa Hajiya tace "Ke Zainab ban san iskanci fa waye ma ya gayye ku gidan nan?" Kallon Alhajin Zainab tayi kafin tace "Baban Farooq kaji ko? Sai da nace maka ba zan zo gidan nan ba ka dage sai munzo mun duba abokin ka to ga irin ta nan" ta kai karshen maganar tare da miƙewa ta fara tattara palon tana faɗin "Ni ba zan iya zama a kazantar nan ba" shi dai Alhaji ya kasa magana sai mamaki kazantar Hajiya yake ita warin ma baya damun ta tab lallai abokina na kokari wai irin wan nan abu haka, ita dai Hajiya ko kallon in da suke baya yi ba kan ta na kan wayar ta, ita kuma Zainab ta ci-gaba da da tattara palon har ta kai kitchen, wani warine ya bugo mata hanci wadda yasa ta yin baya ba shiri, cikin masifa tace "Ke dai Hajiya wallahi kinji kunya, ga yaranki nan tsab tsab da su basa son kazan ta amma ke sai uban kazan ta kamar zai kashe ki thank God ma da Allah yasa Part na yaran daban ai da kunyar da zakiji sai tafi haka" ita dai Hajiya bata tanka ba, da dai taga surutun Zainab ya ishe ta sai ta miƙe ta haura sama abun ta, dogon tsaki Zainab taja tare da wucewa ta koma cikin kitchen ɗin ta ci-gaba da aikin tana toshe hanci, girgiza kai kawai Alhaji yayi tare da ciro wayar sa ya fara latsawa ga uban yawu da ya tara a baki,

Ihu mai gigita kwakwalwa Zainab ta saki daga cikin Kitchen ɗin, a guje Alhaji ya miƙe ya nufi Kitchen ɗin, kwance ragajab ya iskota a kasa ga jini na zuba daga gakin ta idon ta sun ɗagu sama bakin ciki gaba ɗaya ya bace idon nata ya zama fari zalla, zaro ido waje Alhaji yayi tare da karisawa wajen ta yana ihu yana kiran sunan ta amma ina bata ko motsi, duƙawa yayi yasa hannu yana kokarin ɗaga ta nan take idon ta ya sauya launi zuwa Pink color san man ya sake komawa purple kafin ya koma maroon kamar jini, ihu Alhajin ya fasa sai da Hajiya ta sauko kasa da gudun gaske tana faɗin "Lafiya nake jin Ihu?" A guje Alhaji ya fice daga cikin Kitchen ɗin ya bar gidan ma gaba ɗaya, kamar wani mahaukaci haka ya dawo sai baza babban riga yake a kan titi yana gudu, daga karshe ma cire babban rigar yayi yayi wurgi da ita a kan hanya ya ci gaba da guduwa

Share fisabilillah 👏

To masu karatu sai mun haɗu gobe idan mai dukka ya kai

💞Star Lady💞

*💞TRIPLET'💞




*💞The beginning💞*


*Episode 12*

Ganin abun dake faruwa da Zainab yasa Hajiya ta fasa ihu tayi waje tana kiran mai gadi, da gudu mai gadi ya fito da toilet ba tare da ya ɗaure wandon sa ba saboda yasan halin Hajiya da bala'i masifa karta masa wani hukuncin,

a ruɗe ya nufota yana faɗin "Hajiya lafiya" cikin tsawa tace "Kai malam ka ja wandon sama tukun nan" jikin sa sai kerma yake, dai dai lokacin Abba ya danna horn a bakin gate ta waje, a tsorace Hajiya tace "Wayyo Allah Alhaji ya dawo ban gyara gidan ba dama da gaske yake da safe zai shigo gashi na aiki Lami kasuwa Innalillahi wa inna ilaihir rajiun kaga baba mai gadi karka buɗe masa kofa tukun nan ka bari ina zuwa ka koma toilet ɗin kaji?" Ta kai karshen maganar tare da wucewa da gudu ta koma cikin gida, ta shiga ruɗani ta manta da Zainab dake baje a kasa, tana shiga palo ta hau tattare tattare sharp sharp taje ta jawo kofar kitchen da karfi ta rufo ta wuce ta haye sama sauri sauri ta canza kayan jikin ta ba tare da tayi wanka ba, ta dawo Palo hannun ta riƙe da perfume na jiki, tsabar ruɗewa a tunanin ta air freshener ta ɗauko ashe perfume na jikine, haka ta feshe palon da body perfume nata gudu gudu ta mayar sama ta sauko ta nufi wajen, baba mai gadi yana bayi kamar yadda ta umarce sa bai fito ba, ita da kanta taje ta buɗe wa Abba gate tana faɗin "Sorry yana bayine" sauƙe glass ɗin motar Abba yayi cike da fara'a a face nashi yace "Ai nasan halin sa da yawan shiga toilet shi yasa ma ban damu ba" Abba kyakkywa ne sosai kaman sa ɗaya dasu Imran ba marabe shi suka ɗauko dukkan su, amma Hajiya Umaiya tafi su kyau tsabar kyan ta kamar ita tayi kan ta gata fara tas kamar baturiya,

Kutsa motar cikin gida Abba yayi kai tsaye ya nufi parking space, yana kashe motar ya fito ya rungumi Hajiya Umaiya yana faɗin "Umaiya tun da na tafi baki cin abinci sosai ko?" Girgiza masa kai Hajiya tayi kafin tace "In ci mana me ka gani" "Naga kin kara ramewa ne ai kuma kinyi duhu" ya kai karshen maganar tare da jan dogon hancin ta, raba jikin su tayi suka jera zuwa cikin Palo,

lokaci da suka shiga palon sai da mood na Abba ya canza dan shi mutun ne mai bala'i tsab ta ita kuma Umaiya kazama ce lamba ɗaya gashi duk yan aikin da aka kawo mata sai sunki zama saboda mugun tan ta bata da mutunci ko kaɗan ga wulanta ɗan adam ita idan datti zai shekara yana zaune kusa da ita bazata taɓa damuwa da shi ba, ta riga da ta saba, har namiji mai aiki sai da Abba ya kawo a baya amma haka Hajiya Umaiya ta sako mutumin a gaba da kazantar ta ga zagi da cin mutuncin yaga ba zai iya ba ya kama kan sa, yanzu mai aiki ɗaya ce ta rage mata Lami ita kuma kullun kashe ta da aika zuwa kasu Hajiya take dan akoi ta da ciye ciyen kwalama gata da son jiki kamar wata mage.

Ganin face ɗin Abba ya sauya ne yasa Hajiya wayan ce masa da cewa "Muje kayi wanka sai muje restaurant mu ci abinci ko?" Jinjina kai kawai yayi dan in da sabo ya saba Umaiya bata girki kullun sai dai suje su sayo abinci shi yasa ta ko ina a gidan ledojin takeaway ne da su kan su takeaway ɗin, haka Abba ke hakuri dan yana bala'i kaunar Umaiya fiye da komai a rayuwar sa

"Ina su Imran banji motsin su ba?" Abba ya tambaya yana hawa saman benen, bin bayan sa tayi tana faɗin "Imran ya ɗauki Akil da Akila sun tafi Uk hutawa yace one week zasu yi" ta kai karshen maganar dai dai Abba zai buɗe kofar ɗakin sa, jinjina kai da mamaki yayi lokacin da ya ga cikin bedroom na shi kamar yadda ya tafi ya bari haka ya dawo ya samu yau satin sa ɗaya da yin tafiyar zuwa Abuja amma yadda ya fita ya barɗakin ba wani gyara da a ka masa ga short na shi da ya cire tun ranar da zai tafi ya barshi saman bed bata taɓa ba yana wajen baya jin ma tun da ya tafi Umaiya ta shigo ɗakin, yana ɗaya daga cikin abun da yasa yan aikin ta ke kin zama su gudu sai tace su zasu sanya mata kaya idan tayi wanka ita bata son taɓa komai sai wayar ta kawai wankan ma sai bayan kwana uku uku take

Girgiza kai Abba yayi tare da wucewa ya ajiye yar jakar sa kamar jakar system a saman bed ɗin ya fara ƙoƙarin gyara gadon yana faɗin "Alhaji Mustapha ya kirani ina hanya yace min zai zo shi da Hajiya Zainab su duba jikina waye yace musu bani da lafiya? Ko kece? Na dai am sa musu da to basu kariso bane?" Sai lokacin Hajiya Umaiya ta tuna da zancen Hajiya Zainab dake baje a Kitchen, ihu ta fasa tare da nufar waje da gudu, a razane Abba yabi bayan ta yana faɗin "Umaiya lafiya?" kai tsaye kitchen ta nufa tana salati, Abba na shigowa ya ja birki cike da tashin hankalin suke kallon Hakiya Zainab dake kwance a kasa an kwakwale mata ido dukka biyu ga jini nata malala kamar kogi, san nan an yanke mata nono dukka biyu an cire hancin ta, mutuwar tsaye sukayi shi Abba tsabar tsorata ya kasa karisa shigowa cikin kitchen ɗin, suna tsaye sunyi tsuru tsuru ita kam Hajiya Umaiya ma suman tsaye tayi a wajen,

wani guhuwa me mai karfin gaske ne ya shigo cikin kitchen bakin kirin da shi yana bada sautin kamar wakar shaiɗanu aljanu, sun razana ainun sun kasa gaba sun kasa baya ita dai Hajiya Umaiya suman tsaye tayi shi kuma Abba yana ganin meke faruwa amma ya kasa motsawa, yana ganin guguwar nan tazo ta mamaye Hajiya Zainab ta rufe ta ruf na wasu yan mintoci kafin daga bisani guguwar ya mulmule ya zama kamar ball san nan ya fice ta window da ya shigo, guguwar na fita Abba ya duba babu Hajiya Zainab babu labarin ta guguwar ya tafi da ita ko alamar ta babu a wajen jinin ta daya zube ma babu shi a wajen, wajen ya koma clean, tashin hankali ba'a saka maka date yanke jiki Abba yayi ya sume a wajen ita dai Hajiya Umaiya a tsaye ta sume.

💞💞💞💞💞💞💞💞💞💞💞

*Gidan Abbi*

Sosai Abbi ya shiga damuwa gani yake Irfan ba zai samu aiki ba kasan cewar yadda kasar ta zama yanzu, jiki a mace ya ɗauki waya ya kira dillalan da suka taya company 7 millon a kan suzo su saya kawai su bashi kuɗin ya fara wani business kafin su Irfan su dawo dan yasan idan Irfan na nan ba zai bari ya sayar ba shi yasa ya sallama musu shi tun kafin Irfan ya dawo an gama komai.

Cikin kankanin lokaci dillalan suka zo kofar gidan Abbi, cike da rashin jin daɗi Abbi yace su shigo, ba musu suka shigo su biyu hannun su riƙe da jaka baka mai yar girma kaɗan, kai tsaye palo Abbi ya wuce da su, bayan sun zauna, har da ruwa Abbi ya kawo musu suka amsa suka sha san nan suka gaisa,

bayan sun gama gaisawa ne Abbi yake sanar da su a kan su kawo 7 millon ɗin ya sallama musu company, ɗaya daga cikin sune yace "Alhaji ae yanzu ba zamu iya sayan wan nan kangon 7m ba aa ya mana tsada 5m shine last abun da zamu iya saye idan ka sayar mana" shiru Abbi yayi ya kasa magana saboda ɓacin rai, ɗaya daga cikin dillalan ne ya sake cewa "Alhaji ka sayar ne ko baka sayar mana ba mu tashi muyi tafiyar mu" kamar daga sama a bakin kofar shigowa suka ji an ce ba'a sayar ba kuma ba za'a sayar ba ku tashi ku fice daga gidan nan" a sukwane suka juyo ciki har da Abbi