You Cannot Download this book untill you login but you can read it .

---

Login Register

ɗaya sun rasa ina zasu sanya ransu, Hajiya sai kuka take ta rasa meke mata daɗi a duniyar nan, Allah sarki baiwar Allah duk ta rasa ina zata sanya rayuwar ta, sai numfashi sama sama suke fitarwa, gashi sun dukunkune kan su cikin bargo basa samun iska sai haɗa zufa suke, sun yi shiru suna jiran saukan bulala.

A hankali Akila ta turo kofar ta shigo bakin ta ɗauke da sallama, ganin iyayen ta a dukunkune a cikin bargo ne yasa ta juya da wuri zata fita Abba yayi saurin miƙewa dan yaji voice ɗin ta, waige waige ya fara yi a ɗakin babu kowa, shiru duk masu kama da shi ɗin sun tafi, a hankali ya kira sunan ta "Akila" juyowa tayi ta ɗan ricinar da kai tace "Abba ina kwana?" Sai lokacin Hajiya Umaiya ta taso tana faɗin "Akila baki ga kowa ba da kika shigo?" Girgiza kai Akila tayi tana faɗin "Ban gani ba" dirowa kasa daga saman gadon Hajiya Umaiya tayi sauri sauri ta fice daga ɗakin, dan kar abubuwan su dawo, shima Abba da sauri ya diro kasa tare da zuwa ya riƙo hannun Akila suka fice waje, yana tafiya yana waigo ɗakin, dan shi har yanzu bai yarda da wayan nan masu kama da shi ɗin sun tafi ba.

A palo suka tsaya Abba yace da Akila ta ɗauko mayafin ta suje restaurant suci abinci, to kawai Akila tace sannan ta koma sama taje ta ɗauko mayafin ta, dan daman yinwa ne yasa taje kiran su Abba.

Abba da kan sa yayi driving na motar suka fice daga gidan suka nufi restaurant kamar yadda suka saba.

To mu leƙo su Jehan mu dawo


💞KATSINA💞

Yau dai a ɗakin maman Sadiq Jehan ta kwana kasan cewar gwaggo na asibiti da mum, ita kaɗai a ɗaki kuma bai yi ba, shine maman Sadiq tace, tazo su rinƙa kwana har sai an sallamo su mum.
Kamar kullun maman Sadiq na tsakar gida tana shara, while Jehan na zaune saman kujera tana son taya maman Sadiq aiki amma bata iya ba, shine kawai ta zauna ta zuba mata ido tana kallon ta, yayin da shi kuma Sadiq yana yiwa maman sa wanke wanke, ita kuma amarya tana tsaye a bakin kofar ɗakin ta tana latsa waya, da alama kira take son yi, mama Hanan kuma tana kitchen tana kokarin hura wutar itacen su mai bala'i hayaki, dan ta musu ɗumamen towon jiya, abun gwanin ban sha'awa yadda suke a tsakar gidan.

By mistake kawai maman Sadiq irin ta ɗan sharo dattin da ɗan karfi, dattin ya watsu kaɗan ya haura saman barandar bakin kofar ɗakin amarya har wasu dattin suka taɓa mata kafa, a sukwane Amarya tayo kan maman Sadiq, ba kunya ba tsoron Allah ta ɗaga hannu zata mari maman Sadiq, da sauri Jehan ta miƙe ta riƙe hannun nata tare da wanke ta da wani mahaukacin mari ta tureta gefe, tana mata kallon sama da kasa

Kukan kura amarya tayi tayi kan Jehan da nufi duka, Jehan na tsaye ko motsi bata yi ba, amarya na zuwa zata kama ta da faɗa wani marin Jehan ta kara sauƙe mata tare da hankaɗe ta cikin faɗa tace "Wannan bata haifeki bane? Stupid wani dirty girl dake, wlh in dai ina gidan nan sai na gyara miki zama" duk wanna masifa da Jehan take cikin harshen turanci take yin sa

Da sauri Sadiq ya kariso wajen yana faɗin "Dan Allah Jehan ku bari ya isa haka" ita ma maman Sadiq abun da take faɗe kenan, dan suna gudun bala'i baban sadiq, ita kuwa maman Hanan daɗi taji kamar ta zuba ruwa a kasa ta sha, dan daman kullun addu'ar da take kenan Allah ya kawo mai ci musu uban amarya koda sau ɗaya ne, wata kila zata rage rashin kunya da fitsari da take musu a cikin gidan nan

Faɗuwa kasa Amarya tayi tare da dafe cikin ta tasa ihu makircin tana birgima, har sai da baban Sadiq mijin hajiya ya fito daga ɗakin amarya, da sauri yayo gunsu yana faɗin "Wani ɗan tsinanniyar ya taɓa ki" duk da Jehan bata san me ya faɗa ba ta fahimci kamar zagi yayi dan haka sai tace "hy Old man be careful don't angry me" da yake baban Sadiq kai ɗin fanko ne babu komai a cikin ta sai mugun ta da jahilci da bala'i, sai bai san ma me Jehan ta faɗa ba, kawai wajen amarya ya nufa abun sa, yana ta surfa ruwan bala'i.

Nan amarya ta kwashi karya da gaskiya ta faɗa masa, har da ce masa Jehan da Sadiq sun ce zasu kashe ta da daddare, dan haka ya kore su daga gidan nan, Allah sarki maman Sadiq baiwar Allah nan take idon ta ya cika da hawaye dan tasan tsab baban Sadiq zai iya korin Sadiq daga gidan, itama dai maman Hanan idon nata da hawaye, dama kuma ita hawayen tun ɗazun yake idon ta saboda hayakin itacen da take kokarin hurawa ya kama yaki, saboda itacen ɗanyune.

Shi kan shi Sadiq sai da yaji wani iri dan bai son nisa da maman sa, kuma idan baban sa ya kori su Jehan yanzu ina zasu je, basu da kowa basu da komai.

Shi kuwa baban Sadiq sai wani cika yake yana batsewa yana lallaɓa amaryar sa yar gold yana bata hakuri, shegiya Naira, kuɗi sun haukata baban Sadiq Allah ka rabamu da iyaye masu son duniya.

Cikin kukan makirci amarya tace "Wlh ba zan zauna a gidan nan da wayan nan yaran ba, dole su bar gidan nan, marina fa wannan mayyar yarinyar tayi, kuma wanna shegen yaron Sadiq har da ce mata, wai ta ƙaramin wani marin dan bani da kunya ya tsaneni kuma sai ya kashe Ni, ni shegiya ce, ba dai irin zagin da basu min ba" Allah sarki Sadiq bawan Allah zaro ido waje yayi, yana mamakin kalaman amarya na sharrin da take musu, ita kuwa Jehan tana tsaye ne kawai ta zuba musu ido amma ba wani abun da take ganewa a maganganun nasu.

A fusace baban Sadiq yace "Yanzu kuwa zasu bar gidan nan, yan iskan yara, ai daman ba ƴaƴan albarka bane, wlh ba wanda ya isa ya taɓa ki ya zauna lafiya, ku fice min daga gida, daga ku har iyayen naku ban son ganin kowa" wayyo Allah kuɗi ta rufewa baban Sadiq ido baya ji baya gani sai zancen amarya ne kaɗai ke shiga masa kunne.

Nan fa Sadiq da maman sa suka shiga bawa amarya hakuri, ita kam Jehan tana tsaye.

Ganin maman Sadiq ta tara hawaye a ido ne yasa Jehan ta fahimci a koi matsala, dan haka sai ta matso tana tambayar maman Sadiq meke faruwa suke kuka.

Maman Hanan dake cikin Kitchen ita ce ta fito, kasan cewar ta ɗan yi karatu zuwa Jss 2 sai ta yiwa Jehan bayani cikin kwaɓaɓɓiyar turancin ta

Ba laifin duk da turancin na maman Hanan sai a hankali, amma Jehan ta fahimtar, dan haka sai ta ɗago kai ta kalli Sadiq kafin ta mai da kallon ta kan baban Sadiq dake ta surfa uban bala'i, karo na farko a rayuwar ta da taji ba daɗi dan zatayiwa baban Sadiq rashin kunya, amma bata da zaɓi dole ta koya masa hankali dan ta lura bashi da hankali.

Duk wani Hausar da ta iya ranar sai da ta tattaro shi dan tayiwa baban Sadiq magana yadda zai gane, cikin fushi ta fara magana "Babu in da Sadiq da maman sa zasu je, idan ma baka son ganin su a gidan ne, tofa sai dai kai ka fice daga gidan, dan sune da gidan yanzu, ke kuma stupid wlh ina nan gidan babu in da zanje sai na baki tarbiya tun da iyayen ki basu baki ba, da kake cewa mu fita maka a gida, haya muka biya ka, kuma munyi da kai sai after 1 year dan haka sai 1 year ta cika zamu bar gidan nan, da bana son gidan ka amma yanzu dan na baku tarbiya kai da wanna stupid ɗin dole zan zauna a nan, islamikali baka isa ka kori Sadiq daga gidan nan ba, maman Sadiq dai kana da damar ka koreta, amma ban da shi, islamikali sai dai kai ka fita ka barmusu gidan ba dai Sadiq ya fita ba, kuma idan kayi wasa wlh sai fushin Allah ya hau kan ka, a kan cewa da kake zaka kori ƴaƴan cikin ka daga gidan ka, mu kuma da muka kama haya, zaka iya kai mu court, a nan ne zakaga asalin yadda ake duniyan ci, amma fita gida bazamu fita ba, ina binka ta lalama ne because of your son, Sadiq is a nice person, if not wlh dana sanya ka kayi regretting abubuwan da kake wa bayin Allah nan, ke kuma stupid daga yau a gidan nan idan kika sake shiga harkan wani ko wata a cikin gidan nan wlh I will make you regret" ta kai karshen maganar tare da jan tsaki, ta juya zata wuce ɗakin maman Sadiq, a fusace Amarya ta jawota har sai da tayi baya zata faɗi, cikin fushi ta juya ta damko wuyar amarya ta shaƙe ta da karfi, rai a matukar ɓace tace "Ke na lura baki san magana ta hankali ba, bari ma miƙi da yaren ku na marasa kunya ta hakan zaki fi gane wa" hannu baban Sadiq ya kai zai mari Jehan ɗin, da sauri Jehan ta kauce tare da sakin wuyar amarya, ta juyo a fusace za tayiwa baban Sadiq tsawa, idon ta ya sauka kan face ɗin Sadiq, dogon tsaki taja kawai tasa kai ta wuce ɗakin maman Sadiq.

Amarya anji shaƙa sai zaro ido take ta kankame wuyar ta, bin bayan Jehan Sadiq da maman sa sukayi suka bar baban Sadiq da amarya a wajen, itama maman Hanan wuce wa tayi abun ta ta kyalesu nan wajen.

Kuka amarya tasa tana faɗin "Wlh gidan mu zan tafi ba zan zauna da kai ba, kuma karka kuskura naga kafarka a gidan mu, in dai ba ka kori wayan nan yaran ba" baban Sadiq anji kunya yarinya karama ta tsaya tana tsara masa magana har da gargaɗi da sharaɗi, yarinyar da Sadiq ma ya fita a shekaru, amma saboda son abun duniya, jikin sa har kerma yake yace "Yanzu kuwa zan kore su dan Allah kiyi hakuri ki dai na zancen komawa gidan kun nan, idan kika tafi ina zan sanya kai na" ya kai karshen maganar tare da nufan kitchen ya ɗauko itace daga cikin murhun maman Hanan, kai tsaye ya nufi ɗakin maman Sadiq, Jehan na zaune kusa sa yar katifar maman Sadiq shi kuma Sadiq yana zaune ta bakin kofa saman wata yar kujera, ita kuma maman Sadiq tana zaune saman katifar.

Kamar wani mahaukaci haka baban Sadiq ya faɗo ɗakin yana faɗin "Kuzo ku fice min daga gida ko yanzun nan na kashe ku ɗaya bayan ɗaya, yan iskan banza marasa albarka, yarinya uban ta ya sai muku gidan da zaku tsugunna saboda rashin albarka ku sata a gaba kuyi ta duka kamar an kawo muku jaka, to wlh baku isa ba, ko kuzo ku wuce ku fita ko kuma in make ku da icen nan.

Miƙewa sukayi dukkan su jikin maman Sadiq har kerma yake, Jehan kuwa shiru tayi tana tunanin yadda zata ɓullo wa baban Sadiq, can kome ta tuna, tace "Baban Sadiq we are so sorry zuwa gobe zamu barmaka gidan gaji, kuma kuɗin hayan ma da muka baka mun barmaka kyauta gobe da safe zan kara maka wani kuɗin ma" nan fa baban Sadiq ya fara dariya yaji an basa kuɗin hayan kyauta, kuma za'a kara masa wani, a tunanin sa abun da Jehan ta faɗa masa haka ne, bai san halin Jehan ba ne.

Sai washe baki yake ya fito daga ɗakin tare da yin wurgi da itacen hannun sa, ya karisa gaban amarya, yaje ya lallaɓa ta itama ya bata baki, da kyar ta yarda a kan gobe su Jehan zasu bar gidan, ta wuce suka koma bedroom nasu.

Kallon Jehan Sadiq yayi yace "Me yasa kika cewa baba haka?" Guntun tsaki Jehan taja kafin tace "I'm sorry to say baban ka yana bukatar a gyara masa zama da kyau, kuma dole muyi hakan, yanzu dai ka kira Yusuf da Sha'aban, cikin dare irin 1 na dare kuyi dressing irin na manyan aljanu, ku shiga ɗakin baban naku, sai kuyi kamar ɓarayi ne ku, kada ku bari ya ganku, koda kun boye fuska kada ku yarda ku haska jikin ku da torchlight ya ganku zai iya gane ku idan ya ga jikin ku, ku tabbatar kun zane fuskokin ku ya zama irin na Magicians, sai ku shiga room ɗin, ku shaƙe murya ya zama irin na aljanu, ku masa barazana a kan idan ya sake shiga harkan wani daga cikin gidan nan sai kun dawo kun kashe shi, haka zaku masa zaku samu zaman lafiya da shi, ko bai zauna da ku dan Allah ba, ya zauna da ku dan tsoron aljanu karsu kashe sa" tayi maganar duk a kwaɓe sai haɗe words take, amma ba laifi Sadiq ya fahimci hausar nata.

Jinjina kai yayi kafin yace "Anya kuwa hakan zai yiwu? Baba fa wlh bayi da tsoro" "try it, zai yiwu" Jehan ta bashi amsa tana komawa ta zauna, to kawai Sadiq yace mata amma cikin zuciyar sa yana ɗar ɗar yadda abun zai kasance.

Kamar yadda Jehan ta basu shawara haka suka yi, ta saman cilip ɗin palon amarya ta baya suka shiga, sunyi dressing kamar wasu bokaye duk sun shafe fuska da toka da gawayi kamar ba lafiya ba, haka suka cire cilip ɗaya suka shige.

Kai tsaye wajen baban suka nufa, sai sharan barci yake saman gado amarya mai laushi, ya buɗe bakin nan kamar ka tsula masa fitsari a ciki, sai minshari yake

Yusuf ne ya fara taɓa su yana kokarin tashin su daga barci, shi kam Sadiq saboda tausayi ya kasa, kawar da kan sa ma gefe guda yayi yana hawaye, shi kuwa Sha'aban daman bai shigo ɗakin ba ya tsaya a Palo, dan kar baban Sadiq ya gansu, su uku ya fara zargin ko dai sune ba aljanu ba.

A firgice baban Sadiq da amarya suka tashi suna salati, dan a tunanin su ma ɓarayi ne, Sabon torchlight da Jehan ta bawa Sadiq kuɗi suka sawo, shi su ka dannawa baban su da amarya hasken a fuska, ga torchlight ɗin da bala'i haske kasan cewar saboda ne.

Sadiq ya kasa magana Yusuf ne ya shaƙe murya kamar aljanin gaske ya fara magana "Kai dattijo wajen ka mukazo" nan fa baban Sadiq ya fara salati yana kiran sunan Allah, ita ma amarya sai salati take tana zazzare ido, dan tsoro kamar zata saki fitsari a wando, har wani zufan hawala suke fitarwa, Sadiq ji yake kamar zai yi musu kuka, shi kam Yusuf dama ogane a zafin rai da rashin kunya dan haka ko a jikin sa, ya fara jerowa baban sa kashedi kala kala, sai amsa masa baban sa yake cike da girmamawa jikin su sai kerma yake, daga karshe Yusuf ya rufe da cewa yu aljanun Jehan ne wlh idan basu fita har kan Jehan ba sai sun dawo sun kashe su, daman Jehan ne tace musu suce haka idan sun zo tafiya, ai kuwa dai baba da amarya suka rinƙa basu hakuri, Yusuf yace musu su kwanta su rufe ido kar su kuskura su motsa sai da safe zasu tashi idan ba haka ba zasu shanye musu jini ko kuma su shanye musu kafafu su dai na tafiya, duk wanna zancen da Yusuf keyi Jehan ta bashi kalaman ta daura sa kan hanya.

Babu musu Baban Sadiq da amarya suka yi abun da Yusuf yace, gashi Sadiq ya dalle musu fuska da hasken torchlight basa iya ganin komai.
Sadiq ne ya tsaya yana haske musu ido har sai da su Yusuf suka haye saman celin suka sauka ta waje, sanan shima ya kashe hasken torchlight ɗin ya salallaɓa a cikin duhu yaje ya haye suka sauka ta baya.

Bayan sun sauka ne suka mai da cilin ɗin suka ɗan chogana shi suka wuce ɗakin su kirjin su sai dukan uku uku yake suna addu'ar Allah yasa kar baban su ya gane su ne ba aljanu ba, ita kuwa Jehan ta ɗaura su a kan hanya tana can tana sharara barci ta cikin kwanciyar hankali, dan yanzu ta samu peace of mind tun da za'ayi wa mum aiki, damuwa ya ragun mata sosai ta fara farinciki, amma ba kamar abaya ba.

Washegari bayan sun fito, Jehan ta shirya tsab cikin doguwar riga Abaya pink color za su wuce asibiti da Sadiq, daga nan Sadiq ya kai ta taga restaurant ɗin da zatayi aiki dan gobe Monday zata fara aiki a can, amma still fake face ne a fuskarta, dan tun da ta sawo fake face ɗin nan take yawo da shi ko ina bata taɓa cirewa, mutanen anguwa sunyi magana har sun gaji, sai tambayar ina rayinyar nan Jehan take suke yi, ko dai ta koma garin sune sai dai ba mai basu amsa.

A tsakar gida za su fita Sadiq da Jehan suka isko amarya, ko sannu basu ce mata zasu wuce amarya tayi saurin cewa "Sannun ku da fitowa" a sukwane Sadiq ya kalli Jehan, kashe ma shi ido ɗaya Jehan tayi suka wuce basu tanka amarya ba, sai da suka fita wajen Jehan tace "Karamar mara kunya, da Jehan yar sanda mai zaman kanta kike, wlh tsab zan gyara miki zama a gidan nan" cike da mamaki Sadiq yace "Jehan dan Allah shekarun ki nawa" "I'm close to 16 years" ta bashi amsa, mai mai ta wa yayi a ransa yarinya 16 years da wanna irin kwakwalwa da confidence haka abun da mamaki wlh, duk wani makirci da iya shege Jehan ta san shi, sai dai alhadulillah tana da ilimin addini kuma duk abun da zata yi bata saɓa dokan Allah, tana kokarin kiyaye wa.

Kai tsaye Hospital suka wuce, mum dai tana nan jiya iyau kullun sai dai a sanya mata ruwa, amma bata fargaɗo ba.

Zaune suka isko gwaggo saman kujerar da mai jinya ke zama, gaishe da gwaggo Sadiq yayi tare da tambayar ya jikin mum, "jiki da sauki" gwaggo ta bashi amsa, wucewa yayi ya nufi waje yana wa mum addu'ar Allah ya bata lafiya ya tashi kafaɗun ta, a tare gwaggo da Jehan suka amsa da ameen, Jehan ta dubi gwaggo tace "My gwaggo what do you want to eat?" Shiru gwaggo ta ɗan yi kafin tace "duk abun da ya samu" sallama Jehan ta musu sanna ta fito ta samu Sadiq a waje tace suje restaurant ɗin da zata fara aikin sai ta saiwa gwaggo abinci a can, ba musu Sadiq ya miƙe suka tafi zuwa wajen asibitin bakin hanya su samu abun hawa.

Taxi suka tara suka shiga, suka tafi restaurant ɗin,

Tun daga bakin bakin gate ɗin tampatsetsen restaurant ɗin Jehan ta fara, yiwa wajen kallon sama da kasa, Sadiq ya lura da hakan sai yace "Jehan lafiya kike kallon wajen haka" guntu tsaki taja kafin tace "Dirty place" tayi maganar dai dai lokacin da suka karasa cikin restaurant ɗin, nan fa Jehan ta fara yiwa ma'aikatan dake wajen kallon raini kallon yan datti, da fara'a Ibraheem ya tarbe su yana washe baki, kara ɗaure fuska sosai Jehan tayi wai dan kar su raina ta, shi dai Sadiq idan da sabo ya saba da halin Jehan ɗin sa.

Jagora Ibraheem ya musu zuwa ya nunnuna musu abubuwan da ya dace Jehan ta sani, duk in da ta wuce sai ma'aikatan wajen sun mata sannu da zuwa, amma babu wanda tayiwa kallon mutunci ma bare ta amsa masa gaisuwar sa.

Abun da ya bata mamaki shi ne wasu ɗakuna da Ibraheem ya nufa da su, ashe restaurant ɗin haɗe yake da hotel ta ciki ita bata sani ba, tab lallai a koi cakwakiya.

Bata damu ba suka shiga ko ina Ibraheem ya nuna musu sannan suka dawo wajen reception, Jehan ta saiwa gwaggo shinkafa da miya steew aka mata takeaway.

Zasu tafi Ibraheem ya kawo mata rigar da wando nasu na aiki, kallon kayan tayi a wulakance, riga blue da wando baki, a takaice tace "For what?" Sai faman murmushi Ibraheem yake yace "uniform work, shi zaki rinƙa sawa idan zaki zo aiki" ɗaure fuska tayi sosai tace "Kayan da zan sa nazo ma kune zaku zaɓa min?" Ba tare da nuna damuwa ba Ibraheem yace "A'a Hajiya Jehan haka tsarin yake, abun da oga yace shi a keyi a nan" tirkashi kallon sama da kasa tayiwa Ibraheem kafin tace "Au sayata kukayi gaba ɗaya kenan?" Shiru Ibraheem yayi dan bashi da amsan tambayar nan nata

ganin Jehan zata jiƙa musu aiki yasa Sadiq ya ansa kayan daga hannun Ibraheem yana faɗin "Ba komai malam Ibraheem, karka damu zata sanya, sai goben idan tazo" ya kai karshen maganar tare da juyowa ya kalli Jehan yace "Jehan muje ko, zanje gareji kin ga kuma rana nayi" ba musu ta wuce gaba yabi bayan ta, Ibraheem dai zuba musu ido yayi yana kallon Jehan kamar ya make ta yaji dan haushi, yar karama da ita sai iya shege.

A wanna karon abun hawa daban daban suka hau, dan Sadiq zai wuce gareji ita kuma hospital, ba yadda Sadiq bai yi da Jehan ba a kan ta amsa kayan uniform nata amma taki, ta kafe tace sam ita ba zata ansa ba, dan babu wanda ya isa ya zaɓa mata kayan da zata sanya in zata fita, haka Sadiq ya wuce da kayan garejin su ita kuma ta wuce hospital, daman haka suke kullun, idan Sadiq yazo ya gai da su gwaggo sai ya wuce gareji sai yamma idan zai koma gida sai yazo ya ɗauke ta su koma tare.

Tirgashi akoi fa cakwakiya Jehan dai tace bazata sanya uniform ba, wanna shine wasa farin girki, mu leƙo Washington DC mu dawo.

💞WASHINGTON DC💞

12:30Am

kamar kullum duniya dukka sun yi barci, shi kuwa yana zaune saman table chair na dining table na kasa yana latsa system, jikin sa na sanye da bathrobe fara kal kamar yanzu ya fito da ita a ledar ta, gata da laushi tilis kamar audiga, kasan cewar gaban rigar a buɗe hakan ya bayyanar da kyakkyawar lallausan dark black gashin mai tsantsi kwance a saman faffaɗar kirjin, gwanin ban sha'awa dan sai kwalli gashin yake kamar ya shafa mata baby oil, gashin hannayen sa da na kafafun sannan duk suna kwance lup a jikin sa, kasan cewar gashin dark black ne shi kuma fatar sa farane kal hakan yasa gashin bayyana sosai, ya tara dark black curly hair sa ya ɗaure a baya, ya bar wannan na gaban goshin nasa ta karawa face nasa kyau over, yau ma kamar kullun sky blue light ne kunne a palon, hasken wutar ba karamin kyau tayi ba a kan face nasa, ya zubawa system nasa dake saman table wanyan nan dara daran blue eyes ɗin nan nasa masu ɗaukan hankali, kasan cewar ya sauke idon nasa kasa kaɗan yana kallon system ɗin, hakan yasa, zara zaran eyelashes nasa suka kara bayyana dan idon nasa yayi kamar a rufe, yayi shiru yana ɗan cizan red lips nasa nan, kamar mai tunanin wani abu, ya kafe system da ido, ga jibga jibgan bodyguard na su a tsai tsaiye suna jiran yace abinci su bashi tissue ya goge bakin sa, already kamar kullun sun zuba masa duk wani abun da zai buƙata.

A hankali James ya fito daga bedroom nasa sai hamma yake alamar barci, wuce wa yayi ya nufi word room wajen Musharraf zai je yayi masa alwala, dan Musharraf yana sallar dare kullun, shi yasa ya roki James dan Allah karfe 1 dai dai ya rinka zuwa yana tashin sa dan ya samu yayi nafila, kasan cewar James Allah ya ɗaura masa kaunar Musharraf yasa baya wani damuwa kuma ya sanya abun a ransa, tun 12:30 yake zuwa wajen Musharraf su zauna suyi ta hira, sai 1 dai dai yake wa Musharraf alwala, kuma ya zauna yayi ta kallon sa har sai yayi nafila raka'a 8 sannan ya rufe da shafa'i da witiri, sai bayan ya gama dukka, James ke kwantar da shi ya wuce nasa bedroom yaje ya kwanta, kuma haka da asuba zai dawo yayiwa Musharraf alwalan sallar