You Cannot Download this book untill you login but you can read it .

---

Login Register

ta musu kwalliya da gold masu tsada, yayin da idon ta ke manne da farin glass (medicated glass)

Cikin sauri Hajiyar nan ta kariso wajen da Jelly ke kwance cikin jini, kan kace me jama'a sun taru a wajen, kowa sai salati yake, cikin sauri Hajiyar tace "Dan Allah ku taimaka ku samin ita a mota mu wuce asibiti da ita" tayi maganar a ruɗe, da sauri jama'ar wajen suka taimaka a ka sanya Jelly a mota, Hajiya ta koma cikin motar, da gudu driver ma ya koma cikin motar, ya kunna motar ya figeta da wata mahaukaciyar gudu suka nufi hospital.

💞Aafia💞

Zaune suke saman gadon su bayan sun dawo daga school, sai faman latsa wayoyin su suke, yayin da ita Aafia a zuciyar ta take shirya yadda zata ɓullo wa yar aikin da Abbi ya kawo da wuri ta koreta a gidan, Aunty ta fara aiki dan ita ya dace da tayi aiki a cewar su, suyita ɓata mata aikin har Abbi ya gaji ya koreta ya sake ta, sai ayyana hakan Aafia take a ranta tana latsar wayar ta

da sallama mai aikin ta shigo bedroom ɗin nasu hannun ta rike da plate mai shake da fruits, duk cikin su ba wanda ta amsa mata sallamar,
Baiwar Allah bata damu ba ta wuce ta ɗaura musu plate ɗin saman table ɗin dake bedroom ɗin san nan ta dawo gaban gadon ta duƙa cikin sanyin murya tace "Aunty ina wuni" kamar ba dasu take ba sun yi banza da ita kamar basu san da zaman ta a wajen ba, shiru ta ɗan yi, a tunanin ta basu ji ba ne sai ta sake cewa "Aunty ina wuni" tsawa Umaisha ta daka mata "ke mahaukaciyar ina ce? Ki fice mana daga bedroom dan Allah, bamu buƙatar gaisuwar!!!" baiwar Allah jikin ta har kerma yake ta mike ta fice daga bedroom ɗin cikin sauri.

Dogon tsaki Aafia taja kafin tace "I hate that girl kuma dole ta bar gidan nan, Halima ita zata ci-gaba da aiki dan ita ce yar aiki da ta dace da yi mana aiki " "same here" Umaisha ta faɗa tana kwaɓe fuska tana turo baki, dai dai lokacin kiran Akil ya shigo wayar ta

Dogon tsaki taja kafin ta ɗauki kiran tare da kara wayar a kunnen ta tana faɗin "Hello" daga ɗayan ɓangaren Akil yace "Ina kika yasar da wayar kin tun safe nake kira?" Hararar wayar tayi kamar tana gaban sa, san nan tace "In school ne shiyasa" "A School ba'a picking call ne?" "Kayi hakuri to" shiru ya ɗan yi kafin yace "Umaisha ni sa'an wasan kine? Har zaki ga call na kiki ɗauka" shiru ta masa batayi magana ba sai faman hararar wayar take kamar yana gaban ta "Okey ba zaki yi magana ba kenan?" Turo baki tayi a kule tace "Kayi hakuri" "Good ya miki kyau next month ina dawowa ki shirya ina zuwa zanzo na ɗauke ki na kawo sadaki" kamar zata yi wata magana kuma sai ta fasa tace "Ok sai kazo ɗin" yasha ruwan mamakin amsar da ta bashi, ita da a baya kullun ita ke tambayar sa yau she zai dawo, idan yace mata ba rana har kuka take masa amma yau yace mata ga ranar da zai dawo ko ajikin ta sai dai tace masa wani ok kawai, tun daga nan ya fahimci a koi matsala amma bai bari hakan yayi affecting na tunanin saba kasan cewar yana da Exam a gaban sa, sai ya tattara komai ya ajiye a kan sai ya dawo kawai ya ɗauki mataki da ya dace, da haka sukayi sallama yana cike da mamakin ta, yayin da ita kuma take ta faman jan tsaki tana faɗin "ɗan damuwa kawai ni zaka cewa zakazo ka ɗauka, hmmm yaro mankaza kazo ka ɗauke ni ɗin mu gani tun da uban ka ya haifa maka ni" sai suruntan ta take yayin da ita kuma Aafia ta sanya Bluetooth a kunnen ta tana jin waka, hankalin ta baya kan Umaisha ɗin ma kwata kwata, bata jin me Umaisha ke faɗe ba.

💞KANO💞

A ɓangaren daddyn Jelly kuwa duk ya rame ya fita hayyacin sa ya sauya kamar ba shi ba, gashi ba wani information da ya samu a kan Jelly, da kyar ya iya samu ya ci abinci, shima yaci ne saboda yinwa dake kokarin yi masa illa, kullun tun safe idan ya fita baya dawowa sai 1 na dare, ya daina zuwa office ban da yawon neman Jelly cikin garin Kano ba abun da yake,
sai neman layin sa Imran keyi amma a kashe kasan cewar wayar tasa ta fashe bai kuma kai ta gyara ba, haka zalika baban Muneer sai neman layin sa yake a kan batun auren Jelly da Muneer dan Muneer na takura masa a kan batun auren, amma ina layin daddy baya tafiya, yazo gida yafi a kirga amma baya samun daddy kasan cewar daddy na can wajen yawon neman Jelly, duk in da baban Muneer yasan zai samu daddy yaje amma shiru ba labari, haka ya hakura ya fara bincike ko dai daddy ya gudune yabar Kano, daddy kuwa yana can cikin wahalar gararin neman Jelly, tun kayan da ya sanya ranar da Jelly ta ɓace bai samu damar wanka ba bare ya canza wasu, dan kwata kwata baya tuna komai sai Jellyn sa.

💞KATSINA💞

ga idon nashi jawur kamar jini manya manyan, kai da gani kasan wan nan yana shaye shaye over, ganin shi ba karamin tsorata mum tayi ba nan take numfashi ta ya ɗauke ta zuɓe kasa sumammiya, su kuwa ko a jikin su, suka danno hasken torchlight na su mai kashe karfin ganin idon ɗan Adam saboda haske, kai tsaye saman gadon suka haska da mamaki sai basu gane Jehan ba kasan cewar tasa fake face, tsawa Nasir ya dakawa gwaggo tare da sanya kafar sa yana taka ta "Ke tashi ki faɗa mana ina Jehan Nawazudden" a firgice gwaggo ta miƙe zaune tana zaro ido

ganin kartin maza a ɗakin su ne yasa ta fara salati tana ambato sunan Allah "ke ina Jehan Nawazudden?!!!" Nasir ya sake tambayar gwaggo, hannu gwaggo tasa tana mutsuke idon ta dan ta samu damar ganin su wanene da kyau, hakan yayi dai dai da farkawan Jehan daga barci saboda hayaniyar da tajine ya farkar da ita, miƙewa tayi zaune tana goge idon ta, kallo ɗaya Nasir ya mata ya gane ita ce Jehan saboda yanayin jikin ta, sai dai yayi mamankin ganin face ɗin ta ya sauya kamar ba ita ba

Ɗaya daga cikin abokan Nasir ɗin ne yace "Ba zaku faɗa mana in da Jehan ɗin take bane sai mun muku yan kan rago" sai lokacin Jehan ta fahimci meke faruwa
babu ko tsoro a idon ta tace "Ni ce Jehan sai a kayi yaya, uban me kuka zo nema waje na? Ko kun ban ajiya ne?" Tashin sense da mamaki dukkan su suka zuba mata ido yar karama da ita da irin wannan karfin hali haka, to ko dai akoi abun da ta takane, sai yiwa kansu tambayar da basu da amsan shi suke, shi kan shi Nasir yasha jinin jikin sa ya tsorata, gani yake anya ba wani abun da Jehan ta taka kuwa, su kan su su Fadil dake ɓoye a bayi sun tsorata sosai gani irin karfin hali irin na Jehan ko tsoron wayan nan kartin maza bata jiba

Ita kuwa ganin sun mata shiru suna mamaki ne yasa tace "Idan kun tashi faɗa min uban da kukazo yi gidan nan sai ku tashe ni dan barci nake ji" ta kai karshen maganar tana komawa ta kwanta, tashin sense ba'a sa maka date

a fusace ɗaya daga cikin su yace "Tafiya dake mukazo yi ma'ana kidnaping naki mukazo yi" kwashewa da dariya gwaggo tayi kafin tace "Amma dai ku mahaukatane ko? Jehan ɗin kukazo kamawa to gata ku ɗauke ta" miƙewa tsaye Jehan tayi tana faɗin "Haba dai dirty Boyz ni zaku yi kidnaping? To muje mana gani nan ai" ta kai karshen maganar tare da dirowa kasa daga saman gadon, sosai Nasir ya kara tsorata, yanzu ya kara tabbatar wa kan sa akoi abun da Jehan ta taka, dan haka kawai ba zata ce su kama ta ba, in kaji makaho yace muyi wasan jifa to dutse ya taka, hakan yasa ya fara ja da baya da baya, yayin da Jehan ke tin karosa tana faɗin "Muje ko" ba shiri suma abokan Nasir ɗin suka fara ja baya baya suna bin Nasir "Gwaggo ɗauko waya kicewa DPO su kariso yanzu" cewar Jehan ɗin

jin haka yasa Nasir ya kwasa a kuje yayi waje, wandon sa na faɗuwa ya haye saman katanga kamar biri ya dira waje, yayin da suma abokan nasa suka rufa masa baya

Fadil na ganin su Nasir sun yi waje shima ya fito a guje dan kar DPO yazo ya kama shi, a ɗari suma suka haye katanga suka dira waje.

Suna fita Jehan ta kwaso a guje ta haye saman gadon ta rungume gwaggo tana faɗin "wayyo na shiga uku ni Jehan" ita kan ta gwaggo kirjin ta sai dukan uku uku yake, yau taga abun da yafi karfin ta, ashe duk wannan cika baki da suke kirjin su sai dukan uku uku yake a tsorace suke, kawai karfin haline ,irin na Jehan da gwaggo kamar wasu wayan da suka taki wata tsiya ashe duk bogene tsoro cike fal ransu

Kuka Jehan tasa tana faɗin "gwaggo dan Allah mu bar gidan nan kar su sake dawowa wlh tsoro nake ji" rungume ta gwaggo tayi tana faɗin "Ni kai na saura kaɗan nayi fitsari a wando saboda tsoro kawai karfin haline innalillahi wa inna ilaihir rajiun Allah mun gode maka da ka kuɓutar damu daga wannan masifa" jin gwaggo tayi zancen fitsari yasa Jehan ta taɓa jikin ta da sauri dan lokaci da su Nasir ke magana ita ma ji tayi kamar zatayi fitsari a wando saboda tsoro, ashe ta yi fitsarin ma bata sani ba ga kayan barcin ta a jike, kara rungume gwaggo tayi jikin ta sai kerma yake tana haɗa zufan wahala, while ita ma gwaggo sai zufan take haɗawa gashi tana jin fitsari amma tsoron fita take, an kasa samun wanda zai iya miƙewa cikin su ya rufe musu kofar ɗakin saboda tsoro, ga mum kuma kwance a bakin kofa a sume basu sani ba.

Haka a zaune rungume da juna suka kwana, sun kasa rintsawa saboda tsoro gani suke kamar su Nasir zasu dawo, yau sunga bone, ko sallar asuba sun kasa tashi suyi a lokacin da ake kiran Sallah, dan suna ganin kamar su Nasir na waje, har sai da gari yayi haske sannan Jehan ta iya samun dama ta saki gwaggo
jikin su sai kerma yake suka fito waje, ba karamin tsorata sukayi ba ganin mum kwance a kasa, ga hannun ta nan da zanen shatin kafar mutun, da alama a garin gudune ɗaya daga cikin abokan Nasir ko shi da kan sa Nasir ɗin suka takata a hannu ta.

Jiki na kerma gwaggo ta ɗebo ruwa ta yayyafa mata, dogon numfashi taja tare da tashi a birkice tana faɗin "Ina Jehan dan Allah karku mata wani abun, duk abun da zaku mata ni ku min, dan Allah marainiyar Allah ce" turus gwaggo ta tsaya murya na rawa tace "Me kika ce Maryam? Marainiya kuma Jehan ɗin ce marainiya?" Sai lokacin mum ta dawo cikin hayyacin ta jin muryan gwaggo, a hankali ta gyaɗawa gwaggo kai kafin tace "Eh marainiya" a ruɗe gwaggo tace "ban gane marainiya ba kimin bayani" dogon numfashi mum taja tare da saukewa a hankali, cike da tashin hankali ta fara magana "Eh Aunty A'isha, tun ranar da yan sanda suka ɗauki daddyn Jehan, bai jima da tafiya ba yamin massage a kan cewa ba yan sandan gaske bane suka ɗauke sa haɗin bakine, abokan hamayya ne suka shirya masa hakan, kuma kashe shi zasuyi dan haka mu gudu, mu tseratar da rayuwar mu dan a halin yanzu ma, sun ɗauki hanyar Niger da shi kuma tabbas kashe shi zasu yi dan hakan suka shirya addu'ar mu kawai yake buƙata san nan kamar yadda ya faɗa min mu gudu dan muma ba zasu barmu ba saboda ba iya takarar sa suke so ba har da dukiyar sa, shi yasa da Shitu yazo yace mu tafi ban musa ba naje na ɗauko mana kayan mu dan mu gudu, tun da already daddyn Jehan ya sanar da ni, shi yasa ban takura Shitu a kan ya faɗa min ina daddyn Jehan yake ba, dan banson jin yadda suka kashe shi" murya na sarkewa sai haɗe words gwaggo keyi tace "To waya ce miki sun kashe shi? Da zaki fara kiran Jehan marainiya" "Sun kashe shi Aunty A'isha, sun kashe shi, dan in kika lura da yanayin da Shitu ya shigo gida a ranar, duka da gindin bindiga ce fa a goshin sa, shi da yabi daddyn Jehan daga baya ma kenan, kin ga kenan shima Shitu kashe sa suka so yi Allah yasa ya kubce musu yazo ya kubtar da mu, ba dan haka ba da dukkan mu mun mutu" jin mum tace an kashe daddy yasa Jehan fasa ihu ta sulale kasa sumammiya.

Mum da gwaggo har suna haɗa hannu waje rungumo Jehan ɗin suna kiran sunan ta a rikice, shiru Jehan bata motsa ba, zaro ido mum tayi ta fara hawaye tana faɗin "Shi yasa naki faɗa muku tun da jimawa Innalillahi wa inna ilaihir rajiun dan Allah Jehan ki tashi" ita kam gwaggo ta kasa magana abubuwan sun haɗu sun cushe mata waje guda, ta rasa ina zata sanya rayuwar ta taji sanyi a ranta, kan ta sai sara mata yake duniya na juya mata wani irin duhu take gani yana gelmawa ta cikin idon ta wannan wace irinyar masiface, ita kuwa mum kokarin danne abun take dan bata son abubuwan su mata yawa ta samu matsala ko dan saboda Jehan zata yi kokari ta danne da ta kula da ita, sai dai abubuwan sun mata yawa ga rasuwar daddy ya dawo mata sabo ga ɓatan Rimsha yanzu kuma ga Jehan, ta yanke jiki ta faɗin.

Duk yadda mum ta kai ga son ta danne abun ta kasa nan take taji zuciyar ta na harbawa da karfi karfi kamar zai fasa kirjin ta ya fito waje, lokacin guda taji kan ta ya mata nauyi, wani irin duhun ta gani ya kilma mata a cikin idon ta, kamar fanka haka taga duniya na juya mata, idon ta ya fara ganin mata daddy na kiran ta, kan tayi wani yunkuri ta zube kasa rungume da Jehan a kirjin ta, ihu gwaggo tasa kamar zararriya haka ta bazama Kitchen ta ɗebo ruwa a kofi tazo ta zuba musu a kan su.

Dogon numfashi Jehan taja tare da sauke wa a hankali kafin ta fara kuka, yayin da ita kuma mum ko motsi bata yi ba, kara ɗebo ruwa gwaggo tayi ta zuba mata nan ma shiru ba ta motsa ba, jijjigata gwaggo ta fara yi tana kiran sunan ta, amma ina ko motsi bata yi ba, sosai Jehan ke kuka tana kiran mum yanzu ta bar ta batun daddy ta koma kiran mum dake gaban ta.

Sadiq yazo zai shiga gidan su Jehan dan yaje ya ɗebawa su mum ruwa kenan Yusuf ya kwala masa kira ta bayan sa, da sauri ya juya yana kallon Yusuf ɗin "Yaya Sadiq ina zaka je? Kazo muje mu gaishe da Fadil yanzu kanin sa ke faɗa min wai ya samu karaya a kafa jiya da daddare a wajen hanyar sa ta dawowa gida" zaro ido Sadiq yayi yana faɗin "Allah sarki to kaje ina zuwa bari na ɗebawa su mum ruwa" to Yusuf yace tare da wucewa ya nufi hanyar gidan su Fadil, shi kuma Sadiq ya shige cikin gidan su Jehan.

Ganin gwaggo da Jehan na ta kuka suna kiran sunan Mum dake kwance a kasa bata ko motsi ne yasa Sadiq karisawa wajen da gudun gaske yana faɗin "Lafiya me ya same ta" tsabar ruɗu da tashin hankali Jehan bata san lokacin da ta riƙo Sadiq ba, cikin fitar hayyaci take faɗin "Dan Allah dirty boy ka taimaki mum ɗina karka bari ta mutu please" kasa motsawa Sadiq yayi saboda irin riƙon da Jehan ta masa gaba ɗaya yaji sa wani iri ta kashe masa jiki, ita kuwa sai jijjiga shi take tana kiran "dirty boy ka taimaki mum ɗina" sai da gwaggo ta janye Jehan ɗin daga jikin Sadiq ta rungume ta sannan Sadiq ya samu dama ya iya juyawa ya fice daga gidan, yaje ya kira ɗan sahu.

Har kofar gida mai a daidaita sahu yazo, Sadiq ya kira maman shi tazo ta taya gwaggo suka ɗauki mum suka sata cikin a daidaita sahun, gwaggo da maman Sadiq suka shiga a daidaita sahu suka riƙe mum ɗin, shi kuma Sadiq ya riƙe hannun Jehan dake ta faman kuka yace mata suje bakin hanya su tari wani a daidaita sahun subi bayan su tun da wannan ba fili, ba musu Jehan ta bishi sai kuka take kamar ranta zai fita,

Wani a daidaita sahu Sadiq ya tara musu suka shiga gidan baya, sai kuka Jehan keyi suka bi bayan su mum.

Ko da suka isa Hospital ɗin an rasa wa zai biya mai a daidaita sahu kuɗin sa sakamakon babu wanda yake da kuɗi a jikin sa, ganin haka mai a daidaita sahu da ya ɗauko su mum yace ya yafe musu, shi kuma wanda ya ɗauko Jehan da Sadiq yace a'a shi da ba zai yafe ba kawai a biya sa hakkin sa san nema ya fito ba taimako ba, a wannan marra da wahalar rayuwa da jama'a ke ciki ko biyar ba zai iya yafewa wani ba saboda shi family man ne, sai zare ido Sadiq yake dan bashi da ko biyar, while su kuma su gwaggo sun shige da mum ciki Jehan ma tabi bayan su, sun bar Sadiq tare da yan sahu, sai faman sosa kai yake yana zare ido, ganin haka yasa ɗan sahun da ya ɗauko su mum ya biya wancan ɗin, sai godiya Sadiq ke masa, yace "Kar ka damu abokina Allah dai ya bawa mara lafiyar ku lafiya, ai talauci bata hana ka taimaki wanda yafika bukata idan kana da hali, talauci ba hauka bane Allah dai yasa mu dace Allah ya mana karshe mai kyau" Amin Sadiq ya amsa dashi, sai zuba godiya yake har ɗan sahun ya tafi.

Sai bayan ɗan sahun ya tafine Sadiq ya tuna basu rufe gidan su Jehan ba sun bar ko ina a buɗe, sosai tashin hankali ya bayyana a kan face ɗin sa kar a shiga a musu sata, da yar gudun sa ya shiga cikin hospital ɗin dan yaje yaga halin da mum take ciki sai yazo ya koma ya rufe musu gidan.

Zaune a saman benci ya isko su gwaggo sun zaunar da mum suna zazzaune suma, cike da mamaki yace da manan sa "mama ina likitocin kuma? Ya baku shiga ciki ba" kamar maman Sadiq zatayi kuka tace "wai sai mun yanki kati, Jehan taje yanko mana" shiru Sadiq ya ɗan yi kafin yace "To mama bari naje na rufe musu gidan dan mun ruɗe mun tafi munbar gidan ko ina a buɗe" zaro ido waje maman sa tayi tana faɗin "Kayi sauri babana innalillahi kash munyi ganganci Allah dai yasa ba baun da zai faru, Allah ya kau da idon masu dogon hannu kayi sauri kaje ka rufe musu" dai dai lokacin Jehan ta dawo tana faɗin "Wai katin sai da kuɗi" gwaggo ce tace "Ina ATM naki ki basu su cire mana" da sauri Jehan ta wuce face nata sanye da fake face tana faɗin "ATM ɗin yana gida bari naje na ɗauko" da sauri Sadiq yabi bayan ta dan yasan ba sanin hanya tayi ba, yayin da ita kuwa mum take ko mutuwa tayi ne oho ba wanda ya sani, gashi likitoci sunki kulata wai sai an yanki kati sannan su bi layi wajen ganin dr kafin ma a yanke musu hukuncin ko gado za'a basu ne ko magani.

A ɓangaren su Jehan kuwa a daidaita sahu Sadiq ya sake tara musu suka shiga suka koma gidan su Jehan ɗin.

Kai tsaye ɗakin Jehan ta nufa, ba shiri taja birki tana ganin yadda a ka watsa musu ɗaki an zubar mata da kayan ta dake cikin trolley dukka, har kayan dake cikin bayi ba'a bari ba an watsar, kasan cewar tana sauri ne yasa ta zura hannun ta cikin aljihun trolley ɗin ta dake yashe a tsakar ɗakin, ta ɗauko ATM card nata, haka ta bar ɗakin a watse ta nufi hanyar fita

Har ta kai bakin kofa sai ta juyo wai bari ta ɗauki wayar ta, da mamaki sai bata ga wayoyin ba dukka biyu, daga nata har na Rimsha, kasan cewar sauri take yasa bata wani tsaya neman wayoyin ba ta wuce ta nufi bedroom na mum dan ta ɗauko ATM card na mum ta haɗa da nata ko da kuɗin account nata ba zai isa ba, dan ba wani kuɗin kirki ya rage a account ɗin nata ba.

Nan taga ikon Allah dan watsa ɗakin mum da a kayi yafi yadda a ka watsa nasu, haka ta tsallake kayan ta wuce ta duba ATM card na mum ta ɗauko ta fice daga ɗakin cikin sauri.

Sadiq na tsaye a harabar gidan yana jiran ta bai san meke faruwa ba kuma itama bata sanar da shi ba, tana fitowa suka fice daga gidan tare da rufe ko ina na gidan, suka nufi bakin hanya

Suna tafiya ne Sadiq yace mata "da kika sanya face ɗin nan kin canza ba wanda zai ce kece" bata gane me ya faɗa ba sai dai kawai tace masa "Okey" shiru ya mata har sukaje wajen mai POS ta miƙa ATM nata tace ya bata 20k cikin sauri mai POS ya ciro mata kuɗi kasan cewar yaga kamar suna sauri, ansan kuɗin tayi tare da ATM nata suka wuce suka hau a daidaita sahu suka koma asibiti.

Kamar yadda suka bar su mum haka suka dawo suka same su, sauri sauri Jehan taje wajen sai da kati ta miƙa 1k nan suka haɗa mata kati Sadiq na tsaye a gefen ta, suka miƙo mata kati da canji, kati kawai ta ansa bata ansa canji ba tace bata buƙata, hannu Sadiq yasa ya ansa mata canjin 800, ya miƙa mata a wulakance tace bata buƙata ta bashi, bai damu ba ya zura kuɗin cikin aljihun sa suka wuce suka koma wajen su mum dan su samu damar ganin likita.

A takaice dai sun ga nurse sannan an basu gado a kan mum ta kwanta likita zai zo ya dubata, Jehan ce ta biya kuɗin gadon suka shiga da mum ciki, kwalla Jehan ta fara yi ta zauna kusa da mum ta riƙo hannun ta tana karan to mata duk addu'ar da yazo bakin ta, while su kuma maman Sadiq da gwaggo suna zaune daga ɗan gefen gadon ta kafan mum sunyi tagumi jugum jugum gwaggo na hawaye ta sunkuyar da kan ta kasa, shi kam Sadiq bakin window ɗakin yaje ya tsaya ya dafe kan sa suna jiran dr yazo ya duba mum suji meke damun ta gashi dai ko motsi bata yi kamar ta mutu.

To bari mu leƙa Rimsha kafin dr yazo muji meke damun mum

👹DAULAR MUTUWA👹

Zaune a wajen Rimsha ta kwana, ko motsi bata iyayi saboda matsanancin yinwa da kishin ruwa da take ji, yau kwanan ta na huɗu kenan ba abinci ba ruwan sha, duk da cewa kwana biyu daga ciki a sume tayi su, sosai Ayla ta tausayawa Rimsha duk da cewa bata san labarin taba bata san daga ina Rimsha ɗin ta fito ba, amma dai tana ji a jikin ta tabbas Rimsha bata saba da rayuwar wahala ba, ba yar gidan malam Shehu bace, daga ganin fatar jikin ta da yar gidan hamshakin mai arziki tayi kama ko dai yar gidan sarauta ko yar gidan wani shugaba, haka Ayla ta rinƙa ayyana Rimsha yar gidan wanene a ranta, har