You Cannot Download this book untill you login but you can read it .

---

Login Register

kai karshen maganar tare da mikewa ta wuce ɗaki.

Ɗaki Jehan ta shiga ta ɗauko wayar ta kirar iPhone 14 ta kunna wutar wayar ta dawo tsakar gida ta ɗauki buta tana bin butar da kallo aranta tana faɗin "Disgusting gaskiya ba zan iya wannan rayuwa ba dole na koma asalin gidan mu" kitchen ta nufa ta ɗebo ruwa a butan ta dawo wajen da goggo tayi alwala, ita ma tayi alwala ta wuce ɗaki tana turo baki kamar biro tana kunkuni.

Tana shiga ɗaki ta ajiye wayar saman yar gadon su ta ɗauki ɗan karamin hijabi ta shifiɗa dadduma ta tada Sallah abun mamaki a nitse tayi sallar tare da karanta manya manyan surori a Qur'ani irin su suratul Yusuf da Aaraf a nitse tayi sallar nata sai dai hijabin nata ne bai gama rufe mata hannu ba a haka tayi Sallar.
Bayan ta idar ta ɗaga hannu sama tayi addu'a mai tsawo sanna ta shafa ta mike ta cire hijabin ta mai da saman trolley ta tare da naɗe daddumar ta ajiye saman hijabin nata ta ɗauki wayar ta, ta fito waje nan tsakar gida ta isko mum da goggo sun tasa abinci a gaba sun kasa ci dukkan su sun buga uban ta gumi suna tunani ga wayar mum a gefen ta kirar I phone 13 ta kunna wutar wayar tana haska musu wajen. Kallon Abincin Jehan tayi shinkafa'ce da miyar steew da naman rago yaji ganye irin su lettuce cucumber cabbage da dai sauran su dogon tsaki taja ta nufi hanyar fita gidan babu hijabi" Jehan ina zaki je? Cewar mum "mum I'm feeling hungry kuma ni gaskiya i can't eat this dirty food I want to go and withdraw money from my Account to buy something that I will eat" "Jehan karki kashe kuɗin cikin Account na kin nan saboda bamu san me gobe zata haifar ba kiyi hakuri ki ci abincin nan yau kam kinji? Cewar mum kallon goggo Jehan tayi tana faɗin "ni gaskiya I can't wallahi" "Ok naji bazaki ci ba na yarda amma karki fita da daddaren nan kinga yanzu ma bamu ga Rinsha ba ko? Ki bari na je na ciro kuɗin na sawo miki ko me kike son ci" girgiza kai Jehan tayi kafin tace "No mum bana so, ki zauna i will go by myself" tana kai karshen maganar ta fice da sauri mum na faɗin "To ki dawo ki sa hijabi" ina kan mum tayi magana ma Jehan ta fice abun ta kallon mum goggo tayi tace "Maryam kiyi hakuri kici Abincin ki kinji ko?" girgiza kai mum tayi tana faɗin "Aunty Aisha ba zan iya cin Abincin ba bakina ba daɗi ina Rimsha take? Wani hali take ciki? Hannun su wa take? Mutane na gari ne ko na banza? Taci Abinci ne? ko bata ci ba? Wanna tunani ba zai barni na iya cin Abinci ba Aunty A'isha" dafa kafaɗar ta goggo tayi cikin tausayin uwa da ƴa tace "Na sani Maryam dole ki shiga tashin hankali muma muka shiga tashin hankali bare ke amma ki daure ki ci Abinci nan In Sha Allah babu abun da zai samu Rimsha zata dawo gare mu cikin koshin lafiya" da kyar mum ta iya cewa "Aunty A'isha ina ji ajikina duk in da Rimsha take bata lafiya tana cikin tashin hankali da damuwa" "A'a Maryam ki dai na faɗin hakan ki mata Addu'a domin Addu'ar Uwa bata faɗuwa haka kasa banza kinji? Yanzu dai dan Allah kici abincin" miƙewa Mum tayi ta nufi ɗaki tana faɗin "Aunty A'isha sai da safe ba zan iya cin komai ba" ta kai karshen maganar tare da shigewa ɗaki dafe kai goggo tayi tana salati da ambaton sunan Allah a ranta. Tana kokarin miƙewa Jahan ta shigo gidan babu ko sallama, kusa da goggo tazo ta miƙa mata ledoji biyu farare masu ɗauke da takeaway da drinks a ciki ta wuce da leda ɗaya ɗakin ta in da sabo goggo ta saba tun da su kazo garin nan Jehan bata cin Abincin da suke girkawa sai dai taje restaurants tayo musu takeaway kuma bata taɓa saya ita kaɗai guda huɗu take saya kullun goggo tasha ruman mamakin ganin yau ta sayi guda uku sai daga baya ta tuna ashe Rimsha bata nan, jiki ba kwari goggo ta mike taje ta rufe musu kofar gida sanna ta dawo ta wuce ɗakin mum saman gado ta isko mum kwance kamar mai barci ajiye mata wayar ta da kuma leda ɗaya daga cikin ledojin da Jehan ta sawo musu abinci goggo tayi, ta juya ta fita ta nufi ɗakin Jahan kasan cewar ɗakuna biyu ne a cikin gidan mum da Rimsha take kwana ita kuma goggo da Jehan zaune a tsakiyar ɗaki ta isko Jehan tana cin abinci fried rice da pepper chicken ajiye nata Abincin goggo tayi ta haye gadon su ta kwanta dan ita ma bata jin yinwa ko kaɗan ɓatan Rimsha ya tsaya mata a rai sosai, Addu'a tayi ta yiwa Rimsha akan duk in da take Allah ya tsare ta da haka har barci ɓarawo yayi awon gaba da ita. Ita kuwa Jehan sai da taci tayi nak sanna ta kwanshe kayan ta gyara wajen dan ita mace ce mai son tsabta bata son datti ko kaɗan. Sai da ta gyare wajen tsab ta sauya kayan jikin ta izuwa na barci ta haye gado kusa da goggo ta kwanta tare switch off na wayar ta ba jimawa barci yayi awon gaba da ita dayake ba tare da Rimsha suke kwana ba sai bata wani damu da rashin Rimsha ɗin sosai ba.

Misalin karfe 1 na dare duniya duk sunyi barci Mum na zaune tsakiyar gadon ta ta kifa kai da gwiwa tana sharar kuka tana cikin matsanancinyar damuwa da tashin hankali ɓatan Rimsha, sosai take kuka damuwa sun haɗu sun mata yawa ga yanayin Jehan ga ɓatan Rimsha har karfe 2 na dare tana zaune tana sharar kuka.
Sai 2:30 ta mike ta ɗauro alwala a toilet na ɗakin ta tazo ta fara sallah tana kai wa Allah kukan ta.
Kamar yadda ta ga rana haka taga dare dan ta kasa rintsawa gani take kamar Rimsha zata dawo komai dare.

Washegari tun karfe 6 mum ta fita ta nufi gidan su Sadiq yayin da ita kuma Jehan ke sharar barcin ta goggo na fama da Aikace Aikace gida tana kokarin ɗunɗuma musu abincin daren su na jiya da basu samu damar ci ba dan suci da safen.

Da sallama mum ta shiga gidan su Sadiq yana tsaye a tsakar gida shi da maman sa da alama wani magana suke jin sallamar mum yasa suka juya a tare, ganin mum yasa Sadiq ya ɗan saki murmushi yana faɗin "Sannu da zuwa Mama ina kwana?" "Lafiya lou babana" kallon Mum Maman Sadiq tayi cikin mutuntawa tace "Sannu ki da zuwa yanzu Sadiq ke faɗa min abun da ke faruwa na ɓatar ƴarki Allah sarki Allah ya bayyana ta" da sauri mum tace "Amin ya Allah" "Mama bari na kira su Sha'aban muje mu duba gidajen masu anguwanni ko Allah zai sa mu dace muga yarinyar" "To Sadiq Allah Ubangijin yasa ku ganta Allah ya bada Sa'a" "Amin" Sadiq ya amsa da shi sanna ya dubi mum yace "Mama ki koma gida zamu dubata gidajen masu anguwanni da dai duk in da ya dace" girgiza kai mum tayi cikin sauri tana faɗin "A'a babana muje tare ba zan iya zama a gida ba hankalina ba zai taɓa kwanciya ba". Ba yadda Sadiq bai yi da Mum akan ta koma gida ta jira su ba amma taki har Maman Sadiq ta sa baki amma mum taki haka Sadiq ya hakura suka tafi cikin jin kunya ya jera da mum suka fito ya shiga ɗakin su dake zauren gidan ya kira Sha'aban da Yusuf suka fito suka jera a tare suka fice daga gidan.

Gidajen masu anguwanni suka fara zuwa suna tambaya, duk in da suka je ace musu ba'a ganta ba sunje gidajen masu anguwanni 5 amma shiru shiru ba labari mum ta gaji iya gajiya dan bata saba tafiyar kafa ba ga yinwa da take ji tun jiya da rana rabon ta da Abinci amma saboda tana da yakinin za'a iya ganin Rimsha ko da a hanya ne yasa ta danne duk wani abun da take ji ta jure ta cigaba da bin su Sadiq. Duk in da Sadiq yake tunanin za'a ga Rimsha sunje amma shiru daga karshe sai ya yanke shawarar suje su kai wa malamai kuɗi afara yi musu addu'a. Haka kuwa akayi malamai biyar mum ta rabawa dukka kuɗin hannun ta akan ayiwa Rimsha saukan Al Qur'ani mai girma sanna tayi sadaka da ɗan kuɗin da suka rage mata, jiki ba kwari ga gajiya da yinwa suka juya suka dawo anguwar su cikin mutunci da girmama juna sukayi sallama dasu Sadiq ta wuce gida da kyar take jan kafar ta duk kafar nata sun kunbura sun yi ja.

Da sallama ta shigo gidan a tsakar gida ta isko Jehan da goggo suna zaune goggo tayi jugumi tana tunani, ita ma jehan tana zaune gefe ta buga nata tagumin, ganin mum yasa sukayi saurin miƙewa Jehan ta fasa kuka tana faɗin "Mum whare is my Rimsha?" "Maryam ina Rimsha ɗin take?" Cewar goggo wuce wa mum tayi ta zauna saman tabarma tana mai da numfashi kamar zatayi kuka cikin sauri goggo ta koma ta zauna tare da dafa kafaɗar mum tana faɗin "Maryam ki faɗa mana ina Rimsha kar ki sa zuciyar mu ta buga" shiru mum tayi tana mai da numfashi ta kasa magana.

To masu karatu sai mun haɗu gobe idan mai dukka ya kai

💋Star Lady💋

Share fisabilillah 👏

💞💕
💕💞💕
💕💞💕💞
💞💕💞💕💞


Mai bukatan karanta book ɗin*TRIPLETS* daga farko har karshe yamin magana ta WhatsApp da wannan phone number 09162620621 ban da kira please


STAR 🌟 LADY..✍️


*💋The beginning💋*


Episode 2

____Komawa itama Jehan tayi ta zauna ta dafa mum kamar zata yi kuka tace "Mum please where is Rimsha?" Har lokacin mum bata samu damar yi musu magana ba hasali ma dukar da kanta kasa tayi tana sauke ajiyar zuciya, hawaye Jehan ta farayi dan duk wan nan rashin shiri da suke da Rimsha tana bala'i kaunar kanwar nata.
Almost 30mins mum ta ɗauka san nan ta ɗago kai ta kalle su cikin karyewar zuciya ta fara magana "Aunty A'isha banga Rimsha ba babu ita duk in da muka san zamu ganta mun duba bamu gan taba" tashin hankali iya tashin hankali goggo da Jehan sun shiga cike da matsanancinyar damuwa da tashin hankali goggo tace "Ai zama bai ganmu ba tashi za kuyi mu wuce police station mu kai Report" girgiza kai mum tayi tana faɗin "Aunty A'isha kin manta abun da Alhaji Shitu yace mana ne?" "A'a Maryam ban manta ba amma ai yanzu ya zama dole ne muje police station dan wan nan ba karamin case bane kin san dai idan Allah yayi Nawazudden ya zo yanzu ba zasu kare da shi ta daɗi ba ko?" "Nasani Aunty A'isha na sani amma to ya zamuyi bamu isa muje police station ba jiya ma da nace muje ido na ne ya rufe gaba ɗaya ban da haka da ban isa in yi wani zancen police station ba" "Maryam yanzu to me abun yi?" "Aunty A'isha sai dai fa mu zubawa sarautan Allah ido mu ci-gaba da yiwa Rimsha addu'a amma batun muje police station ko mu fita neman ta ma ya kare daga yanzu dan gudun ukubar da zamu shiga kin ji dai abun da Alhaji Shitu yace mana ko?" Shiru goggo tayi tana tunani ita kuma Jehan sai ruwan hawaye take wani na bin wani tana mai dana sanin kin zuwa aikan da tayi har a ka aiki Rimsha yanzu gashi yar uwar ta ɗaya tilo a duniya ta ɓata innalillahi wa inna ilaihir rajiun, jugum jugum sukayi dukkan su ba mai iya yiwa ɗan uwan sa magana kowa da abun da yake tunawa a ran sa amma kallo ɗaya zaka musu kaga tsananin tashin hankali a kan fuskokin su.

KANO STATE

Katafaren two storey building gida ne mai matukar kyau da tsada iya haɗuwa gidan nan ya haɗu kai da ganin gidan kasan masu rayuwa cikin wan nan gidan ko dai wani babban kusa daga gomnati ko wani babban ɗan kasuwa gate ɗin gidan kawai abun kallo ne ɓangaren biyu ne a cikin gidan ga wani ɗan ma dai dai cin pool a tsakar harabar gidan daga gefen hagu katafaren parking space ne mai ɗauke da katon rumfa ga dankara dankaran motoncin uku a wajen kirar *Mercedes-Benz* *McLaren solus GT.* *Roll-Royce boat Tail* motocin kawai abun kallo ne daga gefen dama kuma shuke shuken fulawowi ne awajen masu matikar kyau da ban sha'awa launin ja da yellow daga ɗan gefen parking space wani Katafaren wajen hutawa ne dake kewaye da glass wajen ɗauke yake da tampatsa tampatsan kujeru masu numfashi set ɗaya launin sky blue a tsakiyar kujerun wani haɗaɗen sofa table ne mai ɗan girma a wajen da gefe guda kuma ga makeken fridge a wajen dake ɗauke da lemukan sha kai ko ta ina gidan nan ya haɗu ba karya.

Wani kyakkyawan puppy dog ne fari tas mai yalwataccen gashi a jikin sa ya fito da gudu daga katafaren kofar da zata sadaka da babban palo na gidan da
Da gudu wata yar matashiyar yarinya ta fito daga kofar wadda a shakaru ba zata wuci 13 to 14 years ba tana sanye cikin wandon jeans guntu zuwa guiwa da yar riga baki mara nauyi kanta ba ɗankwali ta saki gashi har zuwa bayan wuyar ta, an zuba mata kananan kitso a kan nata kyakkyawace sosai chocolate color tana da dogon hanci da kyakkyawar fuskar ga manya manyan idon farare tas kamar madara yar siririyace ba kuma siririya sosai ba yar ma dai dai ciya,
da gudu ta biyo puppy dog ɗin tana faɗin "My Dolly ki tsaya mana haba Dolly na so ki ke nayi kuka ne" gudu Dolly take sosai yarinyar tana bin ta a baya har sai da suka kai wajen wasa dake gidan waje ne mai girma ga gefen buga basket ball a gefe ga wajen lilo ga wajen hawa dokin wasa da motoci na yara na wasa da dai sauran su wajen ya haɗu iya haduwa. Saman lilo Dolly ta hau ta zauna da gudu yarinyar ta kariso wajen tana haki tana mai da numfashi ta tsaya ta rike kugun ta da hannun ta dukka biyu tana kallon Dollyn ta yayin da itama Dolly ita take kallo "Why Dolly kika wahalar da ni me na miki?" Tsalle Dolly tayi ta faɗo jikin ta hannu yarinyar ta sa tana shafa jikin dolly ɗin tana kallon face nata. Dai dai lokacin wani babban Alaji ya iso wajen kai da ganin sa kasan Naira ta zauna masa kyakkyawa ne sosai fari tas da shi kamar balarabe ga kyakkyawar saje da gemu dogo da ka ganshi kaga Ustadz yaji hutu fatar jikin nan nashi ta kwanta luwai luwai da shi, yana sanye da jallabiya Brown a jikin sa ya kariso wajen yana faɗin "Baby jelly kizo muje kiyi breakfast a gaba na kafin na fita" make kafaɗa jelly tayi cikin shagwaɓa da murya kamar mai kuka tace "Dady ni ba zan iya cin komai ba dan dolly na tun jiya taki cin abinci fushi take da ni fa dady" ta kai karshen maganar kamar zata yi kuka rungumota dady yayi tare da dollyn nata yana ɗan bubbuga bayan ta cikin sigar rarrashi yace "Haba babyn dady muje ki ci abinci zan kira doctor Sadiq ya duba dolly ɗin sai muga meke damun ta yasa taki cin abinci" make kafaɗa tayi tana faɗin "Ni dady idan baka kira dr yazo ya fara dubata ba bazan iya cin komai ba" "Okey muje na ɗauki waya ta na kira dr ɗin ko dan ki samu kici abinci nima na samu na fita ana ta kirana a office tun ɗazun kuma nasan inna tafi ba cin abinci zaki yi ba" to tace masa ya kama hannun ta tana rungume da dollyn ta suka wuce cikin palon. Katafaren palo ne mai girman gaske mai ɗauke da manyan sofa set, set 2 launin Milk da Brown sai wani kyakkyawan table ɗin cin abinci mai ɗauke da kujeru 6 daga gefe ga wani makeken Tv plasma manne a bangon. Palon yaji komai da ake buƙata.
Saman kyakkyawar table ɗin dady ya wuce rike da hannu jelly sai faman turo baki take table ɗin cike yake da kayan abinci kala kala zama yayi tare da zaunar da ita saman kujerar kusa da shi ya ɗauko wayar sa dake saman table ɗin ta gefe ya shiga contact ya laluɓo wata number da a ka yi saving da Dr ya fara kira.
Bugu ɗaya dr ya ɗaga cike da cikin nitsuwa dady yace "Assalamu alaikum" daga ɗayan ɓangaren Dr yace "Waalaikumussalam Alhaji Ya gajiya?" "Lafiya lou dr daman nace idan kana kusa ka zo ka duba mana dolly taki cin abinci tun jiya" "To alhaji gani nan zuwa" "Ok sai ka zo" ya kai karshen maganar tare da katse kiran ya mai da wayar ya ajiye a gefen sa ya ɗauki spoon da ya fara cin abincin sa da shi kafin ya fita kiran jelly ya ɗibo abincin ya kai sai tin ɗan bakin jelly yana faɗin "Ci ko my baby" turo baki tayi tana faɗin "No dady ni ba zan ci ba gaskiya sai Dolly na taci" "Haba my baby kinji fa dr yace zai zo ya duba ta, to ki ci naki ke ma kafin dr yazo ya dubata kinji? Yauwa babyn dadyn ta" a hankali ta buɗe ɗan bakin nata ya zuba mata ta fara tauna a hankali hankali tana turo baki a haka har ta haɗiye ya sake ɗebowa ya kai mata bakin ta, ta ansa ta fara ci haka ya rinƙa lallaɓata har taci ta koshi san nan shi ma yaci ya koshi kafin ya miƙe ya riƙo hannun ta suka haye sama tana rungume da dollyn ta suka shige wani haɗaɗe bedroom mai ɗauke da katafaren gadon kwanciya dake shinfiɗe da white bed sheet na alfarma sai makeken drawer sanya kayan su,
Sai da suka isa tsakiyar ɗakin ya saki hannun ta ya nufi toilet yana faɗin "Let me bath my baby ki zauna idan kinji dr ya shigo sai ki kai masa dolly ya fara dubata kafin nazo, wucewa tayi ta haye saman katafaren gadon su ba tare da tayi magana ba shi ma ya wuce ya shiga toilet

Da zaman ta ba'afi 10mins ba dr yazo jin dr yazo yasa ta fito da gudu tazo ta miƙa masa Dolly tana faɗin "Uncle ka dubata taki cin abinci kwata kwata" tayi maganar kamar zata yi kuka tun daga nesa dr ya kura mata ido yana kallon ta har ta kariso gaban sa tana miƙa masa Dolly hankalin sa na kan kyakkyawar face na ta bai ma san tana miƙa masa wani abu ba sai magana take masa amma bai ji taba hankalin sa yayi nisa kallon face nata kawai yake, tana kokarin sa masa kuka dady ya fito yana faɗin "dr Sadiq har ka iso?" Yar firgigit dr yayi kafin yace "Eh na iso" yayi maganar tare da ansan dolly da jelly ke miƙa masa cikin sauri ya fara dubata da gudu jelly ta wuce ta rungumi dady tana faɗin "Dady bana son a yiwa Dolly ta allura" rungumeta dady yayi suka koma saman kujera mai zaman mutun 2 suka zauna shi ku ma dr yana aiki yana satar kallon jelly
`````Dr`````
Babban mutun ne wadda a kalla zai kai 35 year a duniya yana da kyan sa dai dai gwargwado ɗane ga abokin dady suna shiri da dady sosai.
Miƙewa dady yayi yana faɗin "My baby zauna ki kalli Dolly ki dr na duba ta bari na yi shirin zuwa office ko" jinjina masa kai tayi tana faɗin "To dady" wucewa dady yayi yana faɗin "Sadiq dan Allah ka duba mana dollyn nan da kyau muji ainihin meke damun ta yasa bata cin abin ci kaga kwana ki ma haka ta mana to dan Allah wan nan karon kam ina son sanin asalin a bun da ke damun ta" ya kai karshen maganar tare da hayewa saman ya shiga bedroom na shi dan shirin zuwa office.

Dady na tafiya dr Sadiq ya dubi jelly da ta buga takumi ta tsare sa da manya manyan idon ta tana kallon yadda yake duba dollyn nata ɗaga ido yayi ya kalli sama ganin cameran palon a kunne ne yasa ya ɗan ɓata rai tare da mai da kan sa kan dolly ya ci gaba da yan dube duben sa ita dai jelly ta zuba masa ido tana kallon sa.

Wacece jelly

Jalila kenan ya ɗaya tilo ga Alhaji Abdul Malik Salman Sultan tun jelly na da shekara biyu mahaifiyar ta ta rasu dadyn ta kuma yaki kara yin wani auren ya ci gaba da zama da yarsa su biyu suke rayuwa cikin wan nan Katafaren gidan sai masu musu girki Nana da Zuwaira Alhaji Abdul Malik bai cika zama sosai a gida ba wan nan dalili yasa ya sanya camerori a gaba ɗaya longu da sako na gidan sa dan ya rinƙa ganin halin da yar sa ɗaya tilo take ciki yana bala'i son jelly sosai fiye da ran sa, duk abun da take so shi ma shi yake so yana son farincikin ta kasan cewar ita ka ɗai ke garesa yan uwan maman ta sunyi sunyi ya bari su ɗauke ta su rike ta a wajen su amma yaki san nan anyi anyi da shi ya kara wani Auren nan ma yaki karawa dan gani yake duk wadda zai auro ba zata rike masa jelly yadda ya dace ba shi yasa yayi zaman sa daga shi sai ita sai masu aiki.
Wan nan shine ta kai taccen wacece jelly.

Shirye cikin wata dakakkiyar shadda sky blue dady ya fito ya sanya hula da takalma farare sai kamshi yake zubawa yayi kyau sosai, in da ya bar jelly nan ya dawo ya same ta ta buga tagumi tana kallon dollyn ta kusa da ita dady ya dawo ya zauna yana faɗin "My baby kar ki damu dolly zata samu lafiya ta dawo normal" kwantar da kan ta tayi saman cinyar sa tana faɗin "Dady ina jin kamar zan yi kuka" kallon dr dady yayi kafin yace "Dr Sadiq ya ake ciki meke damun dolly ɗin namu" satar kallon jelly dr yayi kafin ya fara magana "Alhaji zaka fitane?" Gyaɗa masa kai dady yayi "To muje tare sai na sawo mata magungu nan da suka dace ko? Dan gaskiya dolly bata da lafiya tana da matsala a zuciya amma In Sha Allah tana shan maganin nan zata samu sauki" "Okey to muje mana amma ni zan wuce Office idan ka sawo maganin sai kazo ka bata" "Miƙewa dr yayi yana faɗin "Ba damuwa zan dawo na bata maganin jelly a kula da dolly sai na dawo yanzu zan zo na bata magani ta warke taci abinci kin ji ko? Da fara'a ta amsa da "To uncle sai kun dawo" . A tare dady da dr suka fice daga palon kowa ya shiga motar sa driver yaja dady shi kuma dr ya ja kan sa suka fice daga gidan suka bar jelly rungume da dolly tana jiran dr.

KATSINA

washegari haka su mum suka tashi cikin kunci da jimami a kwana biyu da ɓatan Rimsha har mum tayi mugun rama saboda tunani.
Yauma kamar kullun zaune suke tsakar gida saman tabar ma sunyi jugum jugum kamar wayan da aka aikowa da sakon mutuwa Jehan na zaune daga ɗan gefen su saman yar ƙaramar kujera tana rike da wayar ta tana kokarin yin