You Cannot Download this book untill you login but you can read it .

---

Login Register

na restaurant ɗin, sai wani cika yake yana batsewa kamar wani shegen mai kuɗi, duk kuma yana yi ne kar yaji kunya a idon ƴanmatan nan.

Ibraheem bawan Allah tun da Jehan tazo yake aikin kashe wuta, daga ta jajumo masa wannan sai ta jajumo masa wancan, yanzu ma yana zaune shiru yana latsa wayar sa cikin nishaɗi yana murmushi da alama abun da yake gani a cikin wayar tasa tana sashi nishaɗi,

Kamar daga sama ya fara jin ruwan bala'i wannan mutumin da Jehan ta kaiwa abinci "Wannan wani irin iskanci ne? Nayi odar gasassun kaji da chip ma'aikaciyar ku ta kawomin yar gidan malam Shehu wato shinkafa, me za'ayi da wata yar gado itace gidan uban kowa, ni na wuce cin shinkafa wlh sai dai kaji, kuma abun haushi ina mata magana tayi banza dani, har kamar ni zaku yiwa wannan cin mutuncin, to wlh baku isa ba sai na sa an rufe wannan restaurant ɗin, kun san waye ni kuwa? To na ma fasa cin abinci a wannan kazamin restaurant ɗin, kun ɓata min rai!!!" Duk bala'i da yake Jehan na jin sa amma ko ajikin ta dan bai ishe ta kallo ba.

Sai hakuri Ibraheem yake ba wa mutumin nan, amma yaki hakura ya dage shi ba zai ci abincin ba ya fasa

Daga jin wannan zancen nasa kasan dama bai da kuɗin sayan abincin.

Ba yadda Ibraheem bai bashi hakuri ba amma yaki yace ba zai ci ba kuma ba zai sake zuwa restaurant ɗin ba, sannan sai yasa an rufe restaurant ɗin yaga uban da zai buɗe

Daga karshe dai shiru Ibraheem yayi yana jin sa, har ya kammala surfa ruwan masifar nasa ya juya zai bar wajen, karaf sukayi ido huɗu da Jehan dake tsaye a bayan sa

Dogon tsaki yaja kafin yace "Ki rubuta ki ajiye sai kinyi nadamar abun da kika min" daga kasa Jehan ta fara kallon sa zuwa sama, wani kazami da shi ta faɗa a ranta

A takaice cikin kwanciyar hankali tace "Kuɗin abinci" zaro ido yayi yace "Ban gane kuɗin abinci ba, ai ga abincin ku can ban ci ba kuje ku ɗauki kayan ku" shiru Jehan ta ɗan yi kafin tace "Kai kasan baka ci ba, ni dai kuɗi zaka bani, domin in dai Jehan ce ta kawo maka abinci to ko kaci ko baka ci ba dole zaka biya kuɗi"

Shi dai Ibraheem ido kawai ya zubawa wannan dirama na Jehan da mutumin,

Rai a ɓace mutumin yace "Wannan ne kuma baki isa ba, bazan biya abun da ban ci ba" shiru Jehan ta ɗan yi kafin tace "Zaka bani kuɗi nane ko dai sai rai na ya ɓaci?!!" A wannan karon tayi maganar cikin harshen turanci, nan take yaji tsoro ya kama shi

yadda Jehan ke magana da confidence yana sanya mutane da yawa tsorata suyi zaton ko yar wani ne ko kuma akoi abun da ta taka, amma kuma basu sani ba ita ma tsoron nata na ciki, kawai dannewa take tayi magana da confidence dan ta kwatar wa kan ta yanci, a tunanin ta idan ka nuna kana tsoro abune sai ya baka tsoron da gaske, amma idan kace baka san tsoro ba a filli sai abun yazo maka da sauki.

Mutumin dai yaji kunya domin ya tsorata da Jehan dan ta tsaya with her full confidence tayi masa magana kamar wata yar uban wani ko ta taki wani tsiya.

Ƙasa ya farayi da murya yana faɗin "Ni ba zan biya abun da ban ci ba" tsare sa da ido tayi bata sake masa magana ba, hakan ba karamin tsorata shi ya sake yi ba, dan gani yake kamar ko dai wannan kanwar maza ne, ma'ana irin kannen yan daban layin nan ne shi yasa take haka, ko kuma dai yar wani hamshakin ɗan daban ne, wadda idan ka taɓa ƴaƴan su suke kashe mutun

Allah sarki bawan Allah shi kuma ta nan ya kai Jehan, ita kuwa ta tsaya kyam a fili babu alamar tsoro a fiskar ta amma a ciki sai dukan uku uku zuciyar ta keyi kamar zatayi fitsari a wando.

Ibraheem na kokarin dannan Jehan a kan ta hakura mutumin ya tafi tun da bai ci abincin ba su su ɗauki asaran kawai, afili Ibraheem yayi magana kamar da gaske amma ba haka bane, yana tsoron kalaman mutumin ne da yake cewa zai iya sawa a rufe restaurant ɗin wadda idan hakan ta faru ogan su sai ya rufe shi a police station zai ce shi ya hadda sa komai, shine baya kula da costumers, sai dai ya manta wace ce Jehan dan in tayi magana ba wanda ya isa ya sata ta janye.

Hannu ta ɗagawa Ibraheem kafin tace "Malam ka manta nace kada ka sake min magana ne? Ogan ka shine dai'dai nayi magana da shi ba kai ba, please karka sake shiga harka ta" shiru Ibraheem yayi dan shi kan shi Jehan na bashi tsoro wani lokaci, shi ɗaukan mai aljanu ma yake mata.

Jehan kenan duk wanda ya zauna da ita tofa ɗaukan da zai mata daban.

Ɗago dara daran idon ta tayi ta kalli agogon dake manne a bangon wajen 12:50pm ɗaure fuska tayi sosai cikin tsawa tace "Ka bani kuɗin abinci lokacin tafiya ta gida yayi!!!" Zaro ido Ibraheem yayi "Lokacin tafiyan ta gida yayi kuma?" Ibraheem ya mai'mai ta a zuciyar sa yana mamaki.

Mutumin kuwa da yaga Jehan fa ba wasa take ba, sai ya hakura ya ciro 2k daga aljihun sa ya miƙa mata yana faɗin "kuje Allah ya isa na" karɓan kuɗin tayi abun ta ta wuce ta koma wajen girkin nasu, shi kuma mutumin haka ya wuce ya fice daga restaurant ɗin yana son cin abinci amma yana jin kunyar yaje yace zai ci yanmatan da yayi burga dan su su mashi dariya gashi kuma yinwa yake ji sosai haka ya hakura ya fice daga restaurant ɗin,

Yana fita waje yace "Allah ya isa na munafukai yar 2k na ya tafi ni ban ci abinci ba, kuma bala'i yinwa nake ji wlh, gashi 500 ya ragemin a aljihuna, wayyo Allah rayuwar tiktok bakiyi ba nazo nayi video mai kyau ina cin lafiyayyen abinci, yanzu gashi na kare ni ba ga video ba, ban kuma ci abinci ba ba kuɗi ba ga kuma yinwa, kai kwata kwata rayuwar karya dai baiyi ba, dole na tuba na koma ga Allah, in godewa Allah da arzikin da yamin, daga yau a gidan ubana zan rinƙa video sai dai followas na su zaje ni ko su daina following nawa ina dalili in wuni ina fama da buga katako duk ƙusa tayi ta fasa mana hannun da kyar muke samu da wuya mu haɗa kujera, oga ya sallame mu naje na karar da kuɗin a yawon restaurant da hotel dan yin video fake life" kamar zararre haka ya tsaya yayi ta suruntan sa a bakin gate ɗin restaurant ɗin, har ya gaji ya kama kan sa ya wuce yana jan tsaki.

A ɓangaren Ibraheem kuwa ba karamin daɗin yaji ba karɓan musu kuɗin da Jehan tayi wajen mutumin nan, sai dai kuma ta wani ɓangaren yana tsorace karfa da gaske mutumin nan zai iya sawa a rufe musu restaurant ɗin su, dan ɗan Adam ba abun renawa bane ta iya yiwu wa yana da hanyar da zai iya yin hakan.

Sai tunai Ibraheem yake bai ankara ba sai yaga Jehan ta nufi hanyar fita daga restaurant ɗin, cikin sauri yace "Ke ina zakije?" Ko kallon in da yake ba tayi ba bare ya sa ran zata amsa masa ta wuce abun ta ta fice daga restaurant ɗin, baki sake Ibraheem ya bita da kallo yana tunanin yadda zai yi da ita.

Jehan kenan mai abun ban mamaki ita da kan ta ta tsarawa kan ta lokacin zuwa aiki da lokacin tashi kamar restaurant ɗin nata ne ko na daddyn ta.

Tana fita ta tari abun hawa ta hau zuwa anguwar su, dan tace sai taje gidan su taci uban Alhajin nan sannan ta dawo asibiti ta duba jikin mum, ba karamin haushin taji ba abun da Alhajin nan yayiwa Hanan ji take kamar idan ta ganshi ta shaƙe ɗan banza sai ya mutu, yau ta ɗaura niyar duk wanda ya dakatar da ita wajen ciwa wannan Alhajin mutunci tofa bazata ɗaga masa kafa ba, sai ta haɗe da shi duk taci uban su.

Tun daga nesa take hango jama'a sun ɗan taru a kofar gidan su Sadiq wato gidan su na yanzu

Tsabar sauri irin nata gani take mai mashin ɗin baya sauri dan haka sai tace ya sauke ta a wajen ta karisa da kafar ta zata fi sauri, yana sauke ta ta miƙa masa 500 bata tsaya ta karɓi chanji ba ta wuce, yana ce mata ga canjin ki amma ina bata ji ba, hankalin ta yayi wajen jama'ar nan dan tana zaton su Sadiq ke rikici da Alhajin.

Ai kuwa zaton ta gaskiya ne hakan ne, Sadiq ne yake rikici da Alhajin da kuma baban sa, ga Hanan zaune saman dakali kofar gid tana kuka, jama'a suna ta bawa baban Sadiq hakuri, sai zuba ruwan bala'i baban Sadiq ɗin yake wai bai isa ya yiwa ƴaƴan sa magana ba, wannan mijin Hanan ne ya bashi auren ta zai ɗauke ta suje duba kaya a shopping Sadiq yace zai hana wlh ba zata saku ba, haka baban Sadiq ke ta surfa uban bala'i, shi kuma Sadiq ya kasa faɗin abun da Alhajin ke nufi da Hanan dan ya rufa wa kanwar sa asiri baya son kowa yasan abun da Alhajin ya mata jiya da daddare.

Shikuwa Alhajin babu kunya ba tsoron Allah ya tsaya ya kafe ya tsare zai tafi da Hanan suje sayayyar kayan auren su, a yadda yake faɗawa jama'a kenan

Jehan na isowa wajen kai tsaye wajen Sadiq tanufa, yana sunkuye kamar yayi ruku'e ya sunkuyar da kan sa yana kallon kasa kamar mai yin kuka, tana zuwa ta fara tambayar sa abun dake faruwa


Share fisabilillah 👏

To masu karatu sai mun haɗu gobe idan mai dukka ya kai🤪

💞Star Lady💞


TRIPLET'S💞



💞 FATEEMA MUSA💞
(💞STAR LADY💞)



*Gargarɗi*

_Ban amince wani ko wata yayi amfani da wani sashe na book ɗin nan ba ta kowace siga, ko akaranta mun shi a youtube batare da an nemi izini awurina ba, ko a haɗamun document, ko amin Edit, Idan kunne yaji jiki ya tsira ko da Allah nabar mutun zaibi mun haƙƙina_




WhatsApp me for more information 09162620621






Episode 38-39


Jehan na isowa wajen kai tsaye wajen Sadiq tanufa, yana sunkuye kamar yayi ruku'e ya sunkuyar da kan sa yana kallon kasa kamar mai yin kuka, tana zuwa ta fara tambayar sa abun dake faruwa, cike da damuwa da tashin hankali ya ɗago kai ya fara bata labarin abun da yake faru, baban sa ya tara musu jama'a wai basa jin maganar sa mijin Hanan zai fita da ita suje sayayya shi Sadiq ɗin ya hana, ɗagowa Jehan tayi ta kalli Alhajin.

Kara zaro ido tayi tana kallon sa tabbas tasan wannan fuskar amma ai na ta mance, shiru tayi tana tunanin ai na ta san wannan fuskar

Ganin ta zubawa Alhajin ido tana kallon sa tayi shiru ne yasa Sadiq yace "Jehan lafiya" dago da kallon ta kan Sadiq ɗin tayi tana girgiza kai alamar babu komai, shesshekar kukan hakan yasa ta juyo ta kalle ta

A takaice tace "Hanan tashi ki shiga gida" ƙin tashi Hanan tayi dan tana tsoron baban ta, Jehan ta fahinci abun da Hanan ɗin ke nufi, dan haka sai ta dawo da kallon ta kan baban Sadiq wadda yayi shiru saboda zuwan Jehan, yana tsoron aljanun Jehan na dare shiyasa yayi shiru

"Kace mata ta shiga gida" Jehan ta faɗa tana kallon baban Sadiq ɗin, ba musu baban Sadiq yace "Tashi ki shiga cikin gida Hanan" da gudu Hanan ta tashi ta shige cikin gida, dan dama kamar a kan kaya take zaune.

"Baba ya zaka ce ta shiga gida ban gane ba" cewar Alhajin, shiru Jehan tayi tana kallon su tana son taga ya zasu kare

Cikin girmamawa baban Sadiq yace "Kayi hakuri Alhajin wani lokaci zaku je yanzu dai ka kyale ta" da sauri Alhajin yace "A'a baba ni yau nake son muje, yau nayi niyya" satar kallon Jehan baban Sadiq yayi kafin yace "Dan Allah kayi hakuri Alhaji" girgiza kai Alhajin yayi yana faɗin "Ina ba zai yiwa ba gaskiya kawai ta fito mu tafi" sai hakuri baban Sadiq ke bashi amma Alhajin nan ya murje ido yace sam bai yarda ba dole Hanan ta fito su tafi.

Da dai Alhajin yaga da gaske baban Sadiq ba zai kira Hanan tazo su tafi ba, sai ya fara masifa yana faɗin baban Sadiq ya karɓe masa kuɗin sa akan ya bashi Auren Hanan, to wlh ba zai yarda ba dole yau Hanan ta fito su tafi,

Yadda zaka gane da wata manufa a ran sa game da Hanan ɗin shiyasa ya dage a kan tazo su tafi.

"Hanan ba zata fito ba kuma daga yau ma karka sake zuwa wajen Hanan idan ba haka ba duk abun da muka maka kai ka ja ma kan ka" cewar DPO wato Jehan, tayi maganar cikin kwanciyar hankali, kallon tsab Alhajin ya mata kafin yace "Idan Hanan ba zata zo ba ke zaki zo kenan? Dan naga kin fi Hanan ɗin hankali zaki fita iya zaɓen kayan sai mu tafi dake kawai a bar hanan ɗin" karo na farko da Jehan ta saki murmushi a rayuwar ta na yanzu, dan ita ko lokacin da suke tare da daddy ba ta murmushi bare dariya haka face nata yake a ɗaure tamau.

Matsowa ta ɗan yi gaba kaɗan kasa kasa tace "Anya zaka iya fita da Jehan kuwa?" Tayi maganar tana murmushi, shiru Alhajin ya ɗan yi kafin yace "Amma ke kin san me kika faɗa kuwa" kashe masa ido ɗaya tayi kafin tace "Eh niko na san me nake faɗe cewa nayi mu tafi, idan zaka iya fita da ni, Jehan a shirye take" Tashin sense, shiru Alhajin yayi Jehan ta jefa sa cikin tunani, "anya wannan yarinya lafiyar ta kuwa, kai ina ga bata san me na shirya a tafiyar bane shiyasa amma bari na gwada ɗaukan ta muje in gani, idan bata san me na shirya ba, na samu ɓagas daman tafi Hanan komai da komai zan more tsuntsu daga sama gasashen" duk Wannan zancen a zuciyar sa yake sakawa.

Yana cikin zancen zucin nasa ne muryan Jehan ta katse shi da cewa "Ko dai ka manta baka kama hotel ɗin bane? Au sorry na manta fa ashe gidan ka zamu je ba hotel ba, amma ina son sani wani abu ɗaya kafin mu tafi, a gidan naka babu kowa ko, ma'ana iyayen ka ba a nan suke ba ko? Dan ban cika son hayani ya ba" tashin hankali, wani irin dukan uku uku gaban Alhajin nan yayi, tunani ya kara shiga "Anya wannan yarinyar mutunce kuwa? Ita da kan ta ta kawo kan ta, to gaskiya ba lafiya take ba, kila tana da wani ciwon dai, dan mace mai lafiya kuma cikakkiyar mace kamar wannan ba zata miƙa kan ta haka ba, gata da ka ganta kaga cikakkiyar mace mai addini to meke shirin faruwa ne"

Su Sadiq dai yau suna ganin ikon Allah

Ganin yayi shiru yasa Jehan ta kara matsowa kusa da shi, kasa kasa tace "Farooq Salahuddeen Abubakar, right?" Zaro ido waje yayi yana kallon ta da mamaki ai ina ta san shi

Bai gama tunanin sa ba muryan ta ta katse shi da cewa "Me yasa kayi shiru? Ka tsorata ne? To karkaji komai, amma dai ya kamata kasan wani abu guda, duk abubuwan da kayiwa Hanan jiya da daddare munyi audio recorded na voice naka, sannan duk wasu maganganu da kake mata a nan duk munyi recorded, dan kullun idan ka zo tana kunna karamar wayar ta tayi ta recording, so ina son ka sani idan ka sake dawowa cikin garin Katsina wlh sai na baza wannan recorded ɗin wa duniya kowa yaji, kasan dai ba wanda bai san muryan ka ba ko? Dan kullun kuna hawa kaban mike kuyi ta shirgawa mutane karya, kowa ya sheda wannan ɗan iskan muryan naka kamar na karuwar akuya, ka baro Abuja kana bin kauyuka kana lalata ƴaƴan mutane, dan bakin iyaye na bin ka ko? To mu nan munfi karfin yaro sai dai baban yaro wato Salahuddeen Abubakar ina ga shine dai dai mu, wato yanzu kun dai na neman mata a manyan birane saboda gudun cututtuka, sai ku shiga kauye ku yau dari ƴaƴan talakawa da sunan aure ku lalata musu rayuwa ku gudu ku barsu, wasu ma da ciki zaku gudu ku barsu, ayi ta haifan ƴaƴan da basu da uba suna tashi cikin wahala da kuncin rayuwa, ba ilimin boko bare Arabic, da sun girma su zama yan shaye shaye dan ba ilimi, saboda ire iren ku zan zama yar sanda, duk sai naci Kutumar uban ku, na tarwatsa muku tunani yan iska banza" duk wannan magana tayi shine cikin harshen turanci

Tun da ta fara magana Farooq ya tsare ta da ido yake ta faman haɗiyar wahalallen yawu, sai zazzaro ido waje yake kamar wani ƙasurgumin munafuki, tunani yake wace ce Jehan, ai na kuma ta san shi farin sani haka, wayan nan tambayoyin duk ita ya dace yayiwa sai dai ba dama, dan cikin sa ya ɗuri ruwa, musamman da yaji sun yi recorded abubuwan da yayi ta faɗe a matsayin sa na kanin babban ɗan siyasa, idan wannan abun ya fita yake nan, gashi kuma ba wanda bai san voice na saba, wasu ma a media har tsokanar muryan nasa suke, saboda yana magana da sauri sauri kuma muryan tasa kamar na yar baby, irin munafukan muryoyin nan gare sa.

A ɓangaren su Sadiq da sauran yan anguwa kuwa, sun zubawa Jehan da Farooq ido, sun kasa kunne suna son jin me Jehan take faɗawa Farooq, sai dai basu samu damar ji ba, dan ƙasa ƙasa Jehan tayi maganar saboda ita da kan ta bata son fitina, bata son kowa ya gane wace ce ita, kuma da turanci tayi maganar.

A ruɗe Farooq ya shiga motar sa ya kunna, har lokacin yana kallon cikin idon Jehan yayin da itama take kallon cikin idon sa, sai dai Farooq ya kasa gane wace ce saboda fake face dake fiskar ta yasa bai gane wace ce ba, amma bashi da wani burin da ya wuce ya gane wace ce Jehan ai na kuma ta san shi, dan shi bai cika wani fitowa gidan Tv ba, sai dai ya taya yayan sa kanfen da muryan sa kawa, amma dai dayawan mutane sun san shi, sai dai ba kowa ya damu da fuskar tasa ba dan ba shi ne mai neman takarar ba yayan sane, tunani ɗaya yake, ko ma wace ce Jehan makusanciya ce a gare shi dan wannan sanin da ta masa ba sanin wasa bane farin sani ta mi shi.

Ko uppan ya kasa cewa Jehan ya ja motar sa ya bar wajen yana tunanin ko dai kashe Jehan zai sa ayine, dan in wanna voice ɗin nasa ta fita shikenan ya gama yawo yayan sa ma ba zai bar shi ba, da tuni fal ransa na ya zai yi da Jehan, ya zai yi ya kwace Audio sa dake hannun ta haka ya bar layin gaba ɗaya tunani cike da ran sa, sai dai abun da bai sani ba ba wani recording da Jehan ta masa, kawai ta shirga masa karya ne dan ta ceci Hanan.

Bayan ya tafi ne Sadiq ya matso wajen Jehan, dan tana tsaye tana bin motar Alhajin da kallo har ya bar layin nasu.

"Jehan me kika ce masa haka, naga ya tafi da sauri kuma yana cikin tashin hankali har haka?" Cewar Sadiq, kamar jira Jehan take a mata magana ta juya da sauri ta wuce cikin gidan.

A zaure ta wuce su maman Sadiq sunyi cirko cirko suna leƙo abun dake faruwa, kai tsaye ɗakin maman Sadiq ta wuce, ta faɗa saman yar katifar maman Sadiq ta hau kuka kamar karamar yarinya.

Tashin hankali yau ga DPO Jehan tana kuka meke faruwa muje zuwa.

A tare Sadiq da maman sa suka biyo bayan ta, kusa da ita maman Sadiq ta zauna yayin da shi kuma Sadiq ya zauna ta bakin kofa, in da ya saba zama.

A hankali maman Sadiq ta shafa kan ta tana faɗin "Lafiya Jehan meke faruwa? Me ya saki kuka" ɗago wa tayi cikin kuka tace "Daddy na na tuna, Farooq ya tunamin da daddy na" ka san cewar su maman Sadiq sun san wace ce ita sai bata ɓoye musu waye Farooq ba da kuma abun da yake tsakanin su.

"Yayan Farooq yana ɗaya daga cikin abokan takarar daddy na, ya taɓa zuwa har gidan mu, sannan kuma akoi hotunan su a wayar daddy na sosai, na san Farooq nasan halin sa, duk yan gidan su na san su, da Farooq da yayan sa sun taɓa zuwa har gidan mu wajen daddy na" ta kai karshen maganar tare da sake fashe wa da kuka, sosai maman Sadiq da Sadiq suka shiga bata baki suna rarrashin ta, da kyar suka samu tayi shiru ta hakura.

Da sallama Hanan ta faɗo ɗakin da sauri taje ta rungumi Jehan, duk da zata girmi Jehan a shekaru amma sai tace "Aunty Nagode" shafa kan ta Jehan tayi murya a dashe tace "Ba komai Hanan" maman Sadiq ce ta tambaye su wai meke faruwa ne tsakanin Hanan da Alhajin nan, basu ɓoyewa maman Sadiq komai ba suka sanar da ita, sosai ta musu addu'ar kariya daga sharrin zina sai amsawa da amin suke.

Sannan Jehan da Sadiq suka fito suka nufi asibiti, dan maman Sadiq tace musu anyiwa mum aiki cikin nasara, amma har yanzu bata farfaɗo ba likitoci sunce zuwa gobe da safe zata farfaɗo, tun safe maman Sadiq na asibitin sai shabiyun rana ta dawo gida.

A tsakar gida suka wuce baban Sadiq da amarya, baban Sadiq yana zaune saman kujera yana tsinkewa amarya ganyen alayyaho zatayi musu miya, sosai Jehan ke jin haushin baban Sadiq kamar ta shake sa ya mutu kowa ya huta, wani kato da shi sai ya rinƙa biyewa yar amaryan nan tana sashi abubuwa kamar ƙaramin yaro.

Amarya da baban Sadiq ɗin har suna haɗa baki wajen cewa "Sannun ku" ko kallon su Jehan bata yi ba ta wuce, shi kam Sadiq mamaki ne yake hana shi amsa sannun nasu, Allah sarki Sadiq bawan Allah bai saba ba, sai yaga abun kamar a mafarki.

Sunyi Sa'a suna fita suka sami taxin suka hau zuwa asibiti.

Mu koma muje mu leƙa su Umaisha wato gidan Abbi mu dawo sai muga ya jikin mum.

💞KADUNA💞

Sai karfe 4 na yamma sannan su Umaisha suka dawo gidan, ba laifi Aunty ta samu sauki sosai da sosai, taji kwarin jikin ta saboda ruwan da aka kara mata

suna shiga Palo Umaisha ta wuce bedroom nasu, ita ma Aunty nata bedroom ɗin ta wuce, tana mai godiya ga Allah sanan tana yiwa Umaisha addu'ar fatan alkhari da fatan Allah ya tsare ta da tsarewar sa.

Umaisha na shiga bedroom nasu wayar ta ya fara kara, dogon tsaki taja kafin ta kalli Aafia dake baje saman gado tayi ɗai ɗai tana barci, a ƙule ta ɗauki wayar kamar zata sa ihu dan haushi.

Shiru tayi bata yi magana ba, shima Akil ɗin shiru yayi bai yi magana ba, almost 5mins suna manne da waya a kunne ba wanda yace da ɗan uwan sa uppan, da dai taga bashi da niyar yin magana sai tace "Hello" shiru yayi kamar ba zai amasa ba "Hello ina jin ka, kayi maganar da zakayi pls" ta sake faɗa tana hararar ɗakin nasu kamar Akil ɗin take gani a zahiri

Cike da wannan izzar nasa yace "Lallai dole