You Cannot Download this book untill you login but you can read it .

---

Login Register

tsaye katafaren kofar da zata sada shi da cikin gida ya nufa shi kan shi kofar ma abun kallo ne, yana zuwa wajen ya buɗe yatsun sa ya ɗaura saman finger scanner yana kwaɓe fuska yana jin haushin wan nan matakan tsaro irin na gidan, ba karamin fama ya shaba kafin Romeo ya yarda ya dai na haɗa shi da bodyguard suna raka shi School har rashin lafiyar karya yayi dan a barshi ya rinƙa fita shi kaɗai yana shanawar sa, bayan finger scanner ta gama scanning na hannun sa ne katafaren kofar mai girman ta wangale kan ta, guntun tsaki yaja tare da kutsa kan sa cikin,

wani aljannar duniya ne a wajen palone mai girman plot 1 da rabi shi kansa palon yayi girman gidan wani, palon ɗauke yake da tampatsa tampatsan kujeru na alfarma masu numfashi set huɗu ko wani set kuma yana da nisa da ɗan uwan sa kai kace ma kujerun ba a palo ɗaya suke ba saboda ratan dake tsakanin su zaka ce palo huɗu ne kusa da juna amma kuma ba haka bane dukka palo ɗaya ne girman palon ne yasa a kai wa kowani set da mazaunin sa, kowani set da kalar sa sky blue fari milk golden color shine colors ɗin kujerun, wajen table ɗin cin abincin su ma duniya ne guda, table ɗin yana da tsawon 2meter ga haɗanɗun kujerun sa launin golden color masu ɗaukan hankali da ɗaukan ido guda 24, gaba ɗaya curtains na falon farare ne kal kamar yanzu a ka fito da su daga kwalin su saboda haske, Makekiyar Tv ɗaya ne a palon mai bala'i girma wadda idan kana kallon mutun sai kaga kamar ka kira shi ya amsa saboda girman Tv, fentin palon gaba ɗaya golden color ne sai ɗaukan ido yake kamar gidan gold, daga kusa da sofa set milk color nan wata iriyar tampatsetsiyar staircase ne mai kamar indomie raun haka kamar maganain sauro haka staircase ɗin yake, daga farkon staircase ɗin a miƙe yake straight daya ɗan yi nisa kamar nisan tsawon mutun daga nan sai ya tafi sama a nannaɗe kamar maganin sauro, shi kan shi staircase ɗin abun kallon ne duniya ne guda fentin jikin sa golden color ne kamar gold san nan ga wasu kwayaye fitillilu a jikin sa dake haske stair ɗin da kyau sai walwali yake yana kwalli kamar gold, staircase ɗin nan ya haɗu iya haɗawa sosai, gashi tsab da shi kamar kafa bai taɓa taka kan shi ba,

a kasan iya palo da katafaren kitchen ne kawai a wajen sai wajen dining table wadda shima duniya guda ne wajen, kitchen ɗin kawai kusan 1 plot ne a wajen babu abun buƙata da babu a kitchen ɗin jibga jibgan sojoji ne ke musu girki da duk wani aiki na gidan gaba ɗaya gidan daga farkon ta har karshen ta babu alamar mace a cikin ta

gaba ɗaya palon kasan kewaye yake da tsadaddun curtains masu bala'i kyau da ɗaukan hankali farare tas ko ta ina hasken gaske ne a palon saboda kyawawan fitullin dake bada haske daga sama POP,
palon nan a gyare yake tsab kai kace ba a taɓa taɓa komai na palon nan ba saboda tsab ɗin da yake, sai wani fitinan ne kamshi ke tashi a palon kamar an yi ɓarim turare,
Wan nan gida dai sai dai muce Masha Allah dan ta ko ina yayi ne

Kai tsaye staircase ɗin Michel ya nufa sai kwaɓe fuska yaƙe, yana hawa wani kyakkyawan Bature ya sauko wadda kallo ɗaya zaka masa kasan daddyn su ne dan kammanin sa ɗaya da Michel sai dai shi kwayar idon sa blue ne, ko kallon in da yake Michel bai yi ba ya wuce, cikin sauri daddy yace "Welcome My tiger" da yake haka daddy ke kiran sa a cewar daddyn wai idon Michel ɗin na shining like Tiger eyes shi yasa yake ce masa tiger "Thank you dad" ya faɗa tare da wucewa ya karisa hawa saman, a mai makon ya shiga palon saman sai ya kauce hanya ya shari kwana ya nufi wajen wata kofa wadda daga bakin kofar kana iya leko palon kasa, kofar ya sanyawa fingerprint na shi na tsakiya, nan take kofar ta buɗe ya shige abun sa, shi kuma daddy ya wuce ya sauƙa palon kasa ya nufi wajen sofa sky blue ya zauna tare da kunna News a makeken Tv plasma su.

💞💞💞💞💞💞💞💞

*KANO*

Sai 04:00 pm su jelly suka dawo gida a motar Imran, sauri sauri Imran ya sauƙe su a gida tare da yin sallama da daddy dan lokacin jelly tayi barci a jikin daddy sauri sauri ya juya kan motar sa ya bar gidan dan tsoron kar dare ta masa a hanya ba shi da amsan da zai bawa Ammie sa idan ta tuhume sa a kan ina yaje,
wucewa cikin gida daddy yayi kai tsaye bedroom na shi ya wuce su Zuwaira na gaida shi amma bai kula su ba saboda bai son amsa magana jelly ta tashi daga barcin da take, saman gadon ta dake bedroom na shi ya kwantar da ita a hankali dan karta tashi, sai bayan ya kwatar da ita ya tuna sun manta basket na ta a motar Imran, wucewa yayi ya ajiye jakar computer sa ya nufi toilet dan yin wanka.

💞💞💞💞💞💞💞💞

*👹 DAULAR MUTUWA 👹*

Yan sanda mota biyu ne suka shiga wajen wan nan dajin dan sun samu labarin akoi gidan magicians a wajen, tun daga ɗan nesa suka kashe motocin su, suka sauka suna tafiya da kafa a hankali hankali kamar wasu ɓarayi sai sanɗa suke suna tafiya, suna addu'ar Allah yasa nan shine address ɗin da a ka basu kuma Allah ya basu Sa'a su samu su tarwatsa wan nan gidan dan an sanar da su waje ne mai haɗari ga kuma a saran rayuka da basu ji ba basu gani ba da ake a wajen, a na zaluntar bayin Allah a wajen,

Sunyi tafiya mai nisan gaske sunayi suna duba map har sun gaji wasu daga cikin su suka cire takalmin kafarsu suka ci-gaba da takawa da tafin kafar su,

Dai dai wasu bishiyoyin masu tsawo ga wajen da ɗan duhu saboda cikan ganyen bishiyoyin, suna shiga wajen sun ɗan fara tafiya kenan suka fara jin wata iriyar gigitatchiyar takun sahu dan duk in da a ka taka sai kasa ta bada dum dum, a guje suka nemi wajen ɓuya kowa yayi ta kansa suka laɓe suna ɗan leƙowa wasu sun laɓe wajen bayan bishiya wasu kuma sun shige cikin ciyayi, suna tsaye sunyi tsurutasu suna jiran su ga wanene zai bayyana,

ba karamin girgiza sukayi ba ganin barbushi basu taɓa ganin irin wan nan halitta mai girma da muni har haka ba nan take tsoro ya bayyana a face nasu wasu daga cikin su fitsarin tsoro suka saki a wandon su, wasu kuma sumewa sukayi a wajen dan halittar Barbushi sai mai karfin imani zai iya kallon sa kuma yasha lafiya, wani ɗan sandan ma har da kashi yayi a wando saboda tsoro, jikin su sai kerma yake ido ya rena fata sai zufa suke sun kasa riƙe bingun hannun su wasu daga cikin su sai kalmar shahada kawai suke furtawa a ran su, shima kalmar shahadar basu iya furtashi dai dai ba dan akoi masu ɗauko farkon kalmar shahada su karasa da wata sura ko nasi ko falaki saboda tsoro,

ɗaya daga cikin sune yayi ta maza ya saita Barbushi da bindiga, hannun sa sai rawa yake haka ya daure ya danna kunamar bindigar ya harbi Barbushi a sai tin hannun sa, abun da ya kara rikita ƙwaƙwalwa su shine da bullet ɗin yaje sai ya daki hannun Barbushi ya faɗi kasa kamar wadda ya daki karfe,
ihu ɗan sandan da yayi harbin ya saki saboda tsorata dan bai taɓa ganin in da aka harɓi mutun kuma bullet ɗin taje ta daki jikin sa kuma ta dawo kasa ta faɗi kamar ta daki karfe ba, jin ihun ɗan sandan yasa Barbushi juyo da idon sa masu kama da wuta dai dai sai tin in da yaji ihun, kasan cewar wajen da ɗan duhu baka gani sosai yasa nan taƙe idon Barbushi ta rikiɗe ta zama kamar torchlight mai hasken gaske kai tsaye sai kan ɗan sandan da ya harbe sa hasken idon nasa yaje, a guje ɗan sandan ya fita daga maɓoyar sa yana kokarin guduwa

Girgiza jiki barbushi yayi ya fasa ihu mai rikita ƙwaƙwalwa da wan nan katuwar muryan tasa san nan ya zuro harshen sa waje wata iriyar doguwa harshen nasa tayi kamar igiya, yana tsaye a wajen ya aika harshen nasa ta capko masa ɗan sandan nan, ya kawosa gaban sa ɗago katuwar mummunar hannayen sa yayi ya damki ɗan sandan nan ya murɗe masa wuya ya ji kake kakas kas wuyar ta karye nan take rai tayi halinta ɗan sandan ya mutu, buɗe mummunar bakin sa duk wari kamar shadda yayi ya jefa ɗan sandan a cikin ta ga hakoran san nan zabga zabga kamar block a ka jera masa gasu da tsini kaifi kamar wuƙa nan take ya fara tauna ɗan sandan da gabza ganzan hakoran sa, kan kace me jinin ɗan sandan ya fara gangarowa daga bakin Barbushi hancin sa har ta ido

ihu sauran yan sandan da suka rage suka fasa tare da fita a guje suka bazama, suna neman cetar ransu, girgiza jikin sa Barbushi yayi kafin ya durkusa a wajen nan take ya rikiɗe ya zama katuwar maciji mai katon kai kamar faranti, ihu yan sandan nan suke basu san in da suke takawa ba guduwa kawai suke masu kashi a wando suna yi masu fitsari suna yi, kwanciya Barbushi da ya rinkiɗe ya zama katuwar maciji yayi ya kutsa ta cikin grass dake wajen yabi bayan yan sandan, duk wanda ya kama haɗiye su yake kamar paracetamol, yan sanda Shabiyar ne suka shigo cikin dajin Barbushi ya cinye uku yanzu biyar sun sume a wajen da suka fara ganin barbushi bakwai kuma suna gudun cetar rai sai kalmar shahada suke shima kalmar shahadar ba dai dai suke faɗe ba saboda tsoro da suke ciki

Sai da Barbushi ya cinye yan sanda biyar daga cikin su san nan yaji ya ɗan koshi sai ya fara kamasu yana murɗe musu wuya idan sun mutu sai ya goya su a bayan sa,

har ya gama kashe su dukka ba tare da ya lura da biyar ɗin da suka sume a wajen bishiyoyin ba ya ɗauki gawar wayan da ya kashe san nan ya rikiɗe ya koma asalin mummmunar halittar sa ya wuce ya koma in da ya fito

Su kuma biyar ɗin suna sume a in da suke.

💞💞💞💞💞💞💞💞

*WASHINGTON DC*

*Harvard University*

Kamar kullun zaune suke saman kyawawan fararen kujerun dake gore place, Michael yana latsa wayar sa Johnson na riƙe da drinks shi da test, dest kuma na shafa gashin jikin lucky, basu da aiki kullun in sunzo school sai su zauna suyi ta shaye shaye suna addabar ƴaƴan mutane,
School ɗin ma dan dole suke zuwa Michel bai isa yace ba zai zo school ba saboda Romeo zai ɓallasa duk wan nan iya shegen da suke Romeo bai sani ba kuma ba wan da ya isa a School ɗin ya tunkari Romeo yace zai sanar da shi dan bala'i tsoron sa suke ji, shi yasa Michel keyin abun da ya ga dama kuma dole a masa biyayya ko ana so ko ba'a so

Wani lecturer ne yazo wucewa ta in da suke zaune bai lura da su a wajen ba yazo zai wuce cike da iya shege John yace "Dr Simon kwana biyu baka watsa jini ba kenan da har zakazo ka wuce baka gaida mu ba" kafin Dr Simon yayi magana John yace "Copper punish him" ihu Dr ya fasa yana faɗin "I'm sorry I'm sorry Johnson please karku haɗani da wayan nan tashin hankali" ya kai karshen maganar tare da duƙawa kasa yana kuka, hannu kawai Michel ya ɗaga masa ala'mar ya tafi ya basu waje, a guje Dr Simon ya miƙe ya bar wajen shi kuma Copper yana zaune ko motsawa bai yi ba dan daman idan ba Michel bane ya basu umarnin basa taɓa yin abu umainin Michel kawai suke bi

To masu karatu sai mun haɗu gobe idan mai dukka ya kai

💞Star Lady💞

Share fisabilillah 👏

*💞TRIPLET'💞10

Masu son magana dani su min magana ta wan nan number 09075846926 wan can layin ya samu matsala


*💞The beginning💞*


*Episode 10*

Masu tambaya ta menene ma'anar sunan Rimsha da Jehan to gashi nan *Rimsha means Beautiful or face like moon* *Jehan means the world* san nan duk wan da na kira sunan sa a book nan zanyi kokari na rubuta muku ma'anar sunan Nagode Princess Teema Musa...✍️✍️


💞💞💞💞💞💞💞💞

💞ABUJA💞

*RIMSHA*


Kwance Rimsha take a ɗakin su saman katafaren gadon ta taja lallausar blanket ɗinta ta rufe daga ƙafa zuwa cikin ta tana sanye da rigar shan iska zuwa gwiwa fari kal da shi mai laushi, tana rungume da ƙatuwar teddy ɗin ta, ɗaki ne na Alfarma komai na ɗakin bibbiyu ne kama daga kan katafaren gadon su wardrobe dressing mirror komai bibbiyu ne na Rimsha pink color na Jehan ash color toilet ne kawai guda ɗaya, dressing mirror su cike yake da lotions kala kala masu kyau da tsada ga perfume masu bala'i kamshi komai a jere tsab sai kamshin ɗakin ke zubawa, daga saman dressing mirror glass ne wadda kana iya hango sarkakunan gold da abubuwan hannun su dake cikin drawer mirror, daga cikin drawer mirror kuma a kwai fitilla mai bada haske yana haske sarkoki da abun hannun nasu, sai ya karawa wajen kyau da ɗaukan hankali,

kwance take tana Chatting da friends nata a Telgram Group nasu na makarantar su, suna magana akan *Prize-giving* day daza suyi a makarantar su Ranar Saturday mai zuwa Auntyn su ta basu zaɓi akan kayan da zasu saka Black and white ko Black and blue kowa na faɗar ra'ayin sa basu yarda akan abu ɗaya ba daga ƙarshe tace za su yi voting waɗanda suka fi yawa shi zasu ɗauka haka akayi ƴan Team na *First lady*(Rimsha) da ƴan Team *Miss Assistant*( Maryam).

Abun da yasa suke kiran Rimsha da first lady saboda kaman da take da mum, idan dad yaci zaɓe mum ce zata zama first lady shiyasa suke kiran Rimsha da first lady dan kamannin mum

....Tun kafin Rimsha ta zaba duk suka ce zaɓin First lady shi ne nasu, Black and White ta zaɓa sabida sune favorite color ɗin ta. Bayan Auntyn su taji zaɓin ta shi ne ta ce kowa yayi dressing in Black and white. Daga ƙarshe ta masu nasiha akan karsu bar karatu su dinga duba littattafai lokacin hutu sannan tace masu akwai online lesson da zasu fara Friday, Saturday and Sunday su sanar ma Iyayen su.
Da jin ɗadin suka amsa mata da In Sha Allah zasu Rinƙa karatun suka nuna mata farin cikin su akan lesson daza su fara.

Aunty na Sallamar su Rimsha ta miƙe aguje ta fice a ɗakin nasu rungume da ƙatuwar teddy ɗin ta, ta nufi office ɗin daddy dake palour ɗin ƙasa wajen da yake zama yana duba mahimman abubuwa sa.

Zaune yake a saman 2 Sitter dake office ɗin yana duba wasu takardu, Da sallama ta shiga office ɗin tana nishi kaman wacce kare ya biyo, ɗago wa yayi da sauri ya sauke idanunsa akan ta kara waro ido waje yayi yana faɗin "My sima kiyi a hankali don't hurt yourself am about to come and surprise you ai and then you came" ya faɗi yana kamo hannun ta ya zaunar da ita a gefen sa "Daddy let's go to the shopping now I want to be the best among everyone" ta faɗi tana mai da numfashi, miƙewa Daddy yayi ya ɗauko mata ruwa a fridge ɗin da ke office ɗin ya dawo ya ɗauke ta ya dorata saman cinyarsa ya buɗe ruwan ya kafa mata a baki, kaɗan tasha ta janye bakin ta "Haba my Siha you are now a big girl stop running anyhow like that is not proper kinji" ya faɗi yana shafa curly hairs ɗinta daya gangaro mata har bayan ta, gyaɗa masa kai tayi ta kwantar da kanta a kirjinsa tana mai da numfashi tare da jujjuya dara daran sleeping eyes nata.

After some minutes Jehan ta shigo office ɗin bako sallama ta ƙaraso gun daddy ta zauna a gefen sa tare da kwantar da kanta a kafadar sa, hannun sa ya kai ya shafa lallausan gashin kan ta, cikin shagwaɓa tace "Daddy our party outfit is black and white" "same as ours" Rimsha ta faɗi tana ɗago kanta daga chest ɗin daddy "Alright go and make the lists of all you need well go to shopping later" ya kai karshen maganar tare da rungumar su a jikinsa, kiss suka manna masa a kumatunsa har suna rige rigen tashi su fita suna faɗin "That's why we Always love you daddy" Suka faɗi suna ficewa a ɗakin murmushi yayi shi ma yana mai jin kaunar yaran nasa har cikin ransa, ci-gaba da duba takardun da yake yi yayi.

💞💞💞💞💞💞💞💞

*KADUNA*

A yaune Abbi ya kira dillalai masu sayan filaye da gidaje, a kan suzo su sai company'n sa, yana tsaye sanye cikin shadda nevy blue kayan sun masa kyau sosai ɗinkin full jompa, while Irfan na tsaye a gefen sa sanye cikin wandon jeans baki da t-shirt blue gashin kan nan nashi yasha gyara sosai, dukkan su fuskokin su babu annuri kallo ɗaya zaka musu kasan suna cikin damuwa da tashin hankali, su kuwa dillalan sai kewaye company suke suna dubawa, har zufa Abbi yake haɗawa shi Irfan ma ba'a magana dan tashin hankali sa yafi na Abbi yawa saboda abun ya haɗun masa biyu ne na farko a baya Abbi bai da kuɗi yasa Ummin su ta gudu ta barshi, bayan tafiyar ta Allah ya azurta Abbi har company ya saya yanzu kuma wani yazo ya zalince sa, ga zafin ciwon abun da Ummi tayiwa Abbi ga kuma zafin ciwon abun da ya samu Abbin yanzu.

Suna tsaye a wajen har dillalai ɗin suka gama kewaye kewayen da dube duben su suka dawo wajen su Abbin, Shiru Abbi ya zuba musu ido yana jiran yaji nawa zasu fara taya masa wajen, da buɗar bakin ɗaya daga cikin dillalan sai cewa yayi mun saya 5 million a sukwane Irfan yace cikin tsawa "What!! 5 million fa kukace ai ko wan nan fillin kawai yafi karfin 20 millon, company guda mai girman filli plot 15 shine zaku ce 5 million bayan har da gini a wajen kuji tsoron Allah bayin Allan" dogon tsaki ɗaya daga cikin dillalan ya ja kafin yace "Kai da kake mana wani lissafin banza da na wofi mu ina ruwan mu da abubuwan da kuka kashe kuka saya yanzu dai sayarwa zaku yi, kuka kiramu to mu kuma 5 million muka ce zamu saya idan ya muku, mu baku kuɗin ku cash mu ansa takardu idan kuma bai muku ba sai mu wuce ku nemi wasu, a zamanin yanzun nan waye ma yake ta wani filli ko gida kowa ta abincin da zai ciwa cikin sa yake na rantse muku ba wanda zai sayi wan nan kangon 6 millon!!" Ya kai karshen maganar cikin faɗa, kallon Irfan Abbi yayi yace "Muje gefe mu ɗan yi magana" ba musu Irfan ya wuce sai huci yake dan yadda suka taya wajen ba karamin ɓata masa rai suka yi ba filli mai girman gaske har ka kuma a cikin garin kaduna ba'a kauye ba kai wan nan ma ai rai nin hankali ne.

Kasa kasa da murya Abbi yayi ya fara magana dan kar dillalan suji "Irfan suna da gaskiya yanzu ba kowa yake da kuɗin sayen gida ba al'umma ta abincin da zasu ci suke dan haka mu hakura da asarar kawai mu sallama musu" riƙo hannun Abbi Irfan yayi yayi kasa da murya cikin girmamawa yace "Abbi wallahi karya suke ta haka suke fakewa suce ba kuɗi kowa na ta abinci ne sai su kashewa mutun jiki susa ya sallama musu kayan sa kamar kyauta ina da tabbacin suna mutuwar son company nan dan haka Abbi ka rabu da su idan ba zasu bada 20 millon ba wallahi su bar mana abun mu ni zan ɗauki degree certificate na naje neman aiki, ai ta Allah bata karewa kuma bai kamata bawa ya yanke tsammani daga samun Rahman Ubangijin ba" "Hakane Irfan to ni dai zan koma cikin motar ka najira ku ka yi magana da su kaji kai na ciwo yake ba zan iya tsayawa a wajen ba" ya kai karshen maganar tare da wucewa ya bar wajen ya nufi motar Irfan ɗin, shi kuma Irfan ya koma wajen dillalan a ƙule yace musu "Zamuyi tunani idan mun gama zamu nemeku" ya kai karshen maganar tare da juyawa zai bar wajen, cikin sauri ɗaya daga cikin su yace "To mujira zaku sayar mana ne ko dai" Irfan ba tare da ya juyo ba yace "Zamu neme ku idan mun gama tunani" yana kai karshen maganar ba tare daya jira amsar su ba ya bar wajen cikin sauri yaje ya shiga motar sa, suka zauna shiru shi da Abbi har sai da dillalan suka tafi san nan su Abbi ma suka fitar da motar su waje, Irfan ya kashe motar ya fito ya rufe gate ɗin company nin ya koma mota suka bar wajen

A takaice dai dillalai har kala uku su Abbi suka kira amma duk wadda suka zo tayin wulakanci sukewa wajen ba wanda ya taya sama da 7 millon a cikin su, dukkan su Irfan yaki sallama musu ya ɗauki takardun sa ya fara naman aiki,

💞💞💞💞💞💞💞💞

*KANO*

Zaune take saman tsakiyar gadon daddy tana latse latse a system na shi da ya ajiye saman bedside drawer ya fita, sai latsa masa take bata ma san in da take shi ga ba kawai duk in da ta samu latsawa take, da sallama daddy ya shigo bedroom ɗin, ganin abun da take masa da system yasa ya kariso wajen da sauri yana faɗin "Jelly me kike min a system kuma? Ke da nace ki cire kaya ina zuwa in miki wanka" turo baki tayi kamar biro cikin shagwaɓa tace "Daddy amma yau tare zamuyi wanka ko?" Waro ido waje yayi yana kallon ta cike da mamaki yace "A'a ba dani ba" kuka ta sa masa tana faɗin "Daddy ni gaskiya idan ba da kai ba ni ma bazan yi wankan ba" kara waro ido waje yayi yana kallon ta, ganin da gaske take kukan ga hawaye sun fara bin kuncin ta ne yasa yayi kasa da murya yace "My jelly Allah ya hana mutane biyu su shiga toilet" cikin sauri tace "Daddy ai to tare muke shiga ba kai kake min wankan ba kaga kenan mu biyu muke shiga ai" ɗaure fuska yayi sosai kafin yace "Ni ai daddyn ki ne zan iya yi miki wanka amma ba muyi tare ba Allah ya hana hakan" kara turo baki tayi tana faɗin "Daddy nima zan iya maka wankan ke nan ai" saura kaɗan dariya ta kubce masa amma sai ya danne ya wuce ya nufi toilet yana faɗin "kiyi sauri kizo namiki wanka anjima kaɗan su Yaya Irfan dash yaya Imran zasu zo" ya kai karshen maganar tare da shigewa cikin toilet ɗin yana mamaki wai zata masa wanka ita da ko brush bata iya yiwa kan ta ba ne zata ce zata masa wanka,

ita kuwa jin daddy ya ambaci su yaya Imran zasu zo ne yasa ta miƙe da sauri ta diro kasa daga gadon ta shige toilet ɗin da yar gudun ta tana dariya,

After some minutes.

Daddy ya fito ɗauke da ita a saman kafaɗar sa ya naɗo ta a towel mai laushi sai murmushi take, kai tsaye saman chair ɗin gaban mirror ya ɗaura ta tare da ɗauko karamin towel ya goge mata jiki tsab, san nan ya