You Cannot Download this book untill you login but you can read it .

---

Login Register

daddy ya hakura ya dai na shiga zancen ta ita da dolly ɗin ta ya zuba musu ido.

Lokaci ya ja haka James ya rinƙa wasa da tunanin ogan su a kan kashe GAR, yayin da shi kuma daddyn Jelly ya samu saukin takura daga wajen baban Muneer haka zalika shi kuma Abbi dukiya sai haɓaka take yana kara samun kuɗi, Allah ya sawa abun albarka, yayin da shi kuma, daddyn su Rimsha siyasa ta gaba to ko ina sunan sa ke yawo jama'a na son shi sosai, ta ko ina masoya ne, Nawazudden, Nawazudden, ta ko ina, sosai daddy ke murna da farinciki a kan haka, tun wan nan tafiya da su Imran sukayi basu sake samun dama sun zo Nigeria ba, saboda abubuwa da suka sha musu kai, yayin da ita kuma Umaisha ta biyewa Aafia ta dai na sanya hijabi, duk wani abun da Akil yace mata sai da ta watsar ta dai na yi, kasan cewar abubuwa sun sha kan sa sosai baya samun damar bibiyar me take, sai dai bata sanya attachment da eyelashes, sune abun da ya rage a cikin dokan da Akil ya kafa mata bata karya ba, ita kuwa Aafia komai sanya wa take hankalin kwance, shima Irfan tun wan nan tafiya da yayi sau ɗaya yazo hutu, ko da yazo ya tsawatar wa Aafia sosai a kan sanya hijabi da ta daina sanya attachment da eyelashes da sauran su, amma yana komawa ta watsar da duk wani nasiha da tsawatar wan da ya mata ta koma gidan jiya

shi kuwa wan nan mutumin da suka haɗu a kofar gidan su Rufaidat yasha neman ta har ya gaji basu sake haɗuwa ba amma bashi da burin da ya wuce sake ganin ta, Abbi bai cika zama a gida ba shi yasa su Aafia ke yin abun da suka ga dama, sai dai duk wan nan abun da suke sun san ba dai dai suke ba dan Abbi bai barsu haka nan ba sai da ya tabbatar ya basu ilimin addini, so sun san komai sun san ba dai dai suke ba, amma suka take sani.

A ɓangaren su Abba kuwa duk karshen shekara wayan nan dodannin suna zuwa musu, kuma sai sunyi sati suna zane su kafin su tafi, in sun tafi kuma sai bayan shekara suke sake dawuwa, babban damuwar shine da dodannin sun tafi shikenan suma zasu manta komai hakan yasa basu samu dama sun iya sawa a musu saukan Al Qur'ani mai girma ba kasan cewar sun manta komai basa iya tuna komai.


*ABUJA*

Kamar kullun yau ma daddy na gida bai fita ba missalin karfe 3 na yamma, yau suna tare da uncle Shitu, sai hira suke a palo, uncle Shitu na ta hira da Rimsha ita kam Jehan daman ba shiri take da kowa ba, dan Uncle Shitu bai isshe ta kallo ba, a cewar ta duk wanda ke karkashin daddyn ta to a karkashin ta yake dole ya girmama ta,
Jehan yar sanda sosai take bawa kan ta horo tayi ta azabtar da kan ta ta fannin gudu da ɗaga karfe, iya bin kwakkwafi a kan abu, bata da yawan surutu kamar dai ita ma Rimsha ɗin basu da yawan surutu, sai dai Jehan a koi ta da zafin kai, rai na mutane, rashin kunya, tsaurin ido, shagwaɓa, izza da kuma girman kai, amma duk da haka tana da ilimin addini sosai sai dai bata kai Rimsha ba amma tafi Rimsha ilimin boko, dan ita ta ɗauki boko da muhimmanci, ita ma Rimsha tana da ilimin bokon sai dai ko a School daman Jehan tafi Rimsha da class, ita ma Rimsha bata son rai ni amma tana da fara'a ga son mutane ba ruwan ta shiru shiru bata son hayaniya.

Sai hira suke zubawa daddy na cike da farinciki ita kuwa Jehan ta lafe a cinyar Gwaggo sai shagwaɓa take zuba mata, gwaggo na biye mata, mum dad suna hira Uncle shitu na hiran da Rimsha a kan wani hadisi Manzon Allah Sallallahu alaihi Wasallama in da yake cewa ka kyautatawa Mumini kyakyawan zato, ka zauna da kowa zuciya ɗaya, idan kayi hakan ko da wani yayi niyar cutar da kai Allah ba zai bashi dama ba dan kai baka kullace sa a ranka ba.

Suna tsaka da hirar su mai gadi yayi sallama, da fara'a daddy ya amsa masa, har kasa mai gadi ya duƙa yace "Alhaji kayi baki a waje" kasan cewar daddy ya saba da ansan baki kala kala ko yaushe musamman ma da siyasa ta gaba to hakan yasa bai damu ba ya miƙe ya nufi waje yana faɗin "Ina zuwa baby Jehan" jikin sa sanye da jallabiya baka.

Fitan daddy ba'a da 5mins ba uncle Shitu ya miƙe yana faɗin "Bari na bi bayan Alhaji sai mu dawo tare" da fara'a mum ta amsa masa da to, san nan yayi waje.

Yana fita harabar gidan sai bai ga kowa ba, cikin sauri ya nufi waje, dai dai lokacin wasu jibga jibgan sojoji ke kokarin tura daddy cikin motar su, jibga jibga ne sosai da sosai gashi dukkan su face nasu da face mask zasu kai su takwas, cikin sauri Uncle Shitu yace "Meke faruwa lafiya?" Ɗaya daga cikin sojojin ne ya nunawa uncle Shitu ID card nashi na aiki ba tare da yayi magana ba, kallon daddy uncle Shitu yayi kafin yace "Meke faruwa Alhaji" girgiza kai daddy yayi kamar zai yi kuka yace "Wai wani ɗan kidnaping suka kama yace musu nine mai gidan shi nike basu makamai suke sace mutane, nayi kokarin su barni na kira lawyer amma sun ki yarda, ni ina jin akoi abun da a ka shirya min ne, please Shitu ga amanar family na ka kulamin da su kafin na dawo karka sanar musu abun da ke karuwa san nan ka kira min lawyer mu haɗu da kai a office ɗin na su" innalillahi wa inna ilaihir rajiun shine kawai abun da uncle Shitu ke iya furtawa, muryan sa har kerma yake wajen cewa "bari na fito da mota sai muje tare" basu jira uncle Shitu ya gama magana ba suka ja motar su a guje suka tafi da daddy kamar zai yi kuka

cikin sauri Uncle ya koma cikin gida ya ɗauko mota, duk abun da ke faruwa mai gadi na kallon su sai salati kawai yake, uncle Shitu na kokarin jan motar mum ta fito, tana faɗin "Lafiya Shitu fita kuma zaku yi ne ba sallama" in brief uncle Shitu ya sanar da ita sojoji sun kama da daddy da kuma abun da ke faruwa amma yanzu zai bi bayan su, su taya su da addu'a komai zai dai dai ta In Sha Allah, sosai mum ta shiga tashin hankali mara misaltuwa har jiri jiri take gani saboda tashin hankali nan take taji kan ta ya mata yauyi ta kasa motsawa daga wajen, har uncle Shitu ya ja motar mai gadi ya buɗe masa gate ya fita da gudun gaske yabi bayan su daddy.

Slowly mum ta juyo da nufin ta koma cikin gida sai ganin Jehan tayi tsaye a bayan ta tana hawaye, da kyar ta iya ɗaga kafafun ta da suka mata nauyi kamar dutse ta karisa wajen Jehan ɗin, ta rungumeta tana goge mata hawaye tare da bata baki, a haka suka koma cikin Palo.

Da gudu Jehan ta faɗa jikin gwaggo tana kuka tana faɗin "Gwaggo uncle yace an kama daddy wai ɗan kidnaping ne" zubur gwaggo ta miƙe tare da dafe girjin ta tana ambaton sunan Allah, ita ma Rimsha miƙewa tayi cike da shin hankali nan take hawaye suka fara wanke mata fuska, mum na kokarin yin magana sukaji sallama daga bayan su, a bakin kofar shigowa palon, a sukwane suka juya, wasu yan sanda ne sanye cikin kayan aikin su hannun su riƙe da wasu mai ɗauke da wasu rubutu, kai tsaye suka shigo cikin palon basu jira wani izini ba kuma

Kai tsaye wajen mum suka nufa suka miƙa mata takardun da bairo a kan ta sanya hannu, ko kaɗan bata damu ba a tunanin ta tun da har suka iya wuce asalin babban gate na estate ɗin suka zo nan to manyan yan sanda ne, kuma kila a kan case ɗin daddy suka zo, dan haka bata tsaya duba takardun ba kawai ta sanya hannu jikin ta sai kerma yake

gwaggo ce tayi ta maza wajen cewa takardun me wan nan, already lokacin mum ta sanya hannun sun miƙawa Rimsha a kan itama ta sanya hannu, ko kallon in da Gwaggo take basu yi ba

cikin kiɗi ma da tashin hankali Rimsha ta sanya hannu jikin ta sai kerma yake, ansan takardun daga hannun Rimsha sukayi suka miƙa wa Jehan ita ma ta sanya hannu, kallon tsab Jehan ta musu kafin tace "Wace dokace ta baku damar shigowa gidan matan aure kuma har cikin palo ba tare da izinin masu gidan ba kuna kartin maza da ku? San nan wan nan takardun me, ba zan sanya hannu ba sai na san takardun menene" tayi maganar babu alamar tsoro ko kaɗan a face nata, sai lokacin mum tayi nadamar sanya hannu da tayi a takardun, taruɗe sosai shi yasa tayi saurin sanya hannun dan bata kawo komai a ran taba.

Ba tare da sun yi magana ba babban cikin su mai riƙe da takardan ya ciro ID card ya nuna mata, kallon sama da kasa ta masa ko tsoro babu a face nata tana ganin kartin maza har huɗu amma bata ji shakkan su ba tace "ID card ba shine na tambaye ka ba, abun da na tambaye ka wace dokace ta baku damar shigowa cikin gidan matar aure ba tare da izinin su ba, kuna kartin maza da ku, san nan kuma takar dan me kuka kawo mu sanya hannu, ba zan sanya hannu a komai ba sai naji na menene ko kuma ku bani takardan na karanta"

tsare ta da sheggun idon sa wanda ya riƙe takardun yayi, a zuciyar sa yana faɗin "Wan nan idan muka ce zamu bita ta karfi zata iya tona mana asiri amma in ta san wata ai bata san wata ba" ya kai karshen zancen zucin na sa tare da shammatar ta ya zaro takarda guda ɗaya daga cikin takardun ya miƙa mata, amma sai ya zaro takarda na kasa ba na sama da su mum suka sanya hannu ba, kwata kwata Jehan bata lura da hakan ba, ansan kawai tayi ta fara larantawa, ganin an sanya takardan neman bellin daddyn sune yasa cikin sauri tace "Ku bani pen na sanya hannu" ansan paper yayi sai yayi kamar ya ɗaura mata a saman sauran takardun al halin kasan sauran na hannun sa ta tura ya miƙo mata takardun dukka tare da bairo, cikin zumuɗi ta sanya hannu a kan wadda su mum suka sanya hannu ba tare da ta lura ba, tana sanya hannu suka ansa suka juya suka fice daga palon,

rungume mum Jehan tayi tana dariya tana faɗin "Mum daddy zai dawo, yanzu ba zai daɗe ba" nan take dukkan su suka fara murmushi suna jin daɗi, sai godiya ga Ubangiji talikai suke, suka koma suka zazzauna suna tayiwa daddy addu'a.

Misalin karfe 9 na dare duk suna zaune a palo sun yi jugum jugum kamar masu zaman makoki, kowan nan su da abin da yake sakawa a ransa, duk sai tambayar kan su suke ya akayi daddy bai dawo ba bayan kuma sun sanya hannun a kan takardun beli, sai addu'a suke ta masa, ita kam Jehan ta tada kai da cinyar Gwaggo tana aikin hawaye ita kuma Rimsha tana kan dadduma ta buga uban ta gumi tana tunanin wani hali daddyn ta ke ciki.

Sun yi nisa cikin tunanin da suke Uncle Shitu ya faɗo cikin palon babu ko sallama goshin sa a fashe ga jini duk ya wanke masa kayan jikin sa sai nishi yake sama sama ya dafe goshin nasa in da ya fashen ga jinin sai bin hannun sa yake, jiri yake gani sosai amma saboda karfin hali irin nasa sai ya danne yana kame kan sa.

Jehan ta riga kowa miƙewa tsaye, cike da tashin hankali Mum tace "Innalillahi wa inna ilaihir rajiun Shitu lafiya? Accident kayi ne? Girgiza kai uncle Shitu yayi ciki firgici da kyar ya iya buɗe baki murya na rawa sai haɗe kalmomin yake saboda azaban da yake ji "Hajiya ku wuce muje da wuri karku ɓata lokaci" gwaggo ce tace masa "Ina zamu je" juyowa yayi ya kalle ta yana faɗin "Aunty A'isha in mun fita zan faɗa muku ni dai burina mu bar gidan nan, ku ɗauki ɗan abun da zaku buƙata muje baku da lokaci fa" tun da mum taji haka sai ta fahinci a koi babban matsala dan haka sai ta haura sama da gudu ta ɗauki trolley ɗaya babba ta zuba kayan ta da gwala-gwalai ɗin ta, da duk wani abu ta mai tsada ta haɗo da wayar ta da ATM nata, ta sauko kasa ta ajiye trolley ta wuce ta koma ɗakin su Rimsha cikin sauri suma ta ɗauko musu kayan su trolley ɗaya tare da wayoyin su da ATM na Jehan, ko da ta dawo palon gwaggo ta ɗauko nata trolley, a tare suka fice uncle duk da jirin da yake ji hakan bai hana shi ya ɗauka wa mum trolley ɗin ta ba.

Mum ta kara tsorata sosai lokacin da suka fito waje taga motar uncle Shitu duk taɓo da datti yayi caɓa caɓa da alama yayi gudun cetan rai ne
dukkan su gidan baya na motar suka shiga, ko sallama basu yiwa mai gadi ba, kasan cewar daman uncle a waje ya bar motar bai shigo da ita cikin gida ba, haka suka wuce cikin motar.

Da wani mahaukacin gudu uncle ya ja motar, baya ganin gaban sa sosai saboda jirin da yake ji, jinin sa ya zuba sosai abun ya fara affecting na shi, amma haka ya daure yana ambato sunan Allah yana gudu da motar.

Uncle na tafita ba'a fi da minti 20 ba sai ga wasu jibga jibgan sojiji sanye da kaki sun diro gidan, kai tsaye suka wuce cikin gida, ganin babu kowa ne yasa suka dawo bakin gate dan su tambayi mai gadi, nan suka tarar da ba mai gadi shima ya gudu, hakan ba karamin fusata su yayi ba, haka suka kulle gidan ko ina suka sanya kwaɗo da key suka rufe gidan suka fito suka shiga Hilux car ɗin su suka bar estate ɗin da gudun gaske cike da bakin ciki.

Shi kuwa uncle kai tsaye park ya kai su mum, yayi Sa'a motar zuwa Katsina ya samu saura mutun uku a ke buƙata motar ta tashi, haka ya ciro kuɗi daga aljihun sa ya bawa mum ta biya musu kuɗin mota, san nan ya sanar da su a kan su ɓoye kan su karsu kuskura su bari wani wadda ya sansu ya gane face na su, suje Allah na tare da mai gaskiya kuma Allah zai tsare su, mum ta tambaye sa ina daddy, amma sai ce mata yayi suyiwa daddy addu'ar Allah yasa can ta fi masa nan, mum taso sake tambayar sa amma kasan cewar babu lokacin, hakan yasa suka fita suka shiga motar Katsina, shi uncle yaki fita daga motar sa saboda jinin dake jikin sa idan jama'a suka gani zasu iya kin ɗaukan su mum a tashan ko kuma suyi wani abun da zai tonawa su mum asiri, Allah ma yasa dare ne ba'a ganin sosai a koi duhu.

Haka uncle yaja motar sa ciki fitar hayyyaci dan ya fara fita hayyacin sa sosai, haka ya bar park ɗin ya hau titi, duhu yake gani sosai baya ganin komai bai san ina ya nufa ba kawai gudu yake shararawa a kan titi gashi ya kasa dakatar da motar saboda ya galabaita over.

Tafiyar 10mins yayi tsakanin sa da park ɗin ya samu haɗari, yayi karo da wata motar, juyi uku motar sa tayi a saman titi kafin ta kama da wuta, anyi Sa'a a komai mutane a wajen suka fara kawo ɗauki, shi wan can motar da sukayi accident ɗin ma da alama driver shima ya mutu.

Su mum kuwa sai kuka kasa kasa suke a cikin mota Rimsha na zaune saman cinyar mum, ba abun da take sai ambato sunan Allah, yayin da ita kuma Jehan ta fita kanta da jikin kujerar motar tana tunani a kan takardan da ta sa hannu tana yi tana hawaye, while ita ma gwaggo hawayen take sosai da sosai, mum kam ba'a magana nata tashin hankali na daban ne, yafi nasu dukkan su.


01:30 am suka shiga Katsina, kasan cewar dare yayi sosai a tasha suka kwana cikin sauro da zafi, abun da basu taɓa ba, hakan yasa suka kasa barci, Jehan sai kuka take yayin da ita kuma Rimsha tayi shiru tana yiwa daddy addu'a, har wayewan gari.

Tun gari bai yi haske sosai ba suka sayi face mask suka sanya a face nasu, mum tayi kokarin kiran layin daddy, amma a rufe haka tayi kokarin kiran layin uncle Shitu shi ma a kashe, sun rasa ina zasu je dan basu san kowa ba, gwaggo ce tayi ta maza taje ta tambayi wasu maza dake zaune a runfar mai sai da shayin cikin tashan, ta musu sallama bayan sun amsa ta musu sannu san nan tace hotel take so su nuna mata su baƙi ne basu san kowa ba, wani bawan Allah ne ya tashi yace da gwaggo "Mama muje na numiki in da zaki hau abin hawa zuwa hotel ɗin" ba musu gwaggo tayi gaba yabi bayan ta har zuwa wajen su mum, gwaggo ce ta sanar da mum abun da ke faru wan nan mutumin zai nuna musu in da hotel yake su kama ɗaki su zauna, kallo gwaggo da kyau mum tayi sai taga gwaggo fa bata cikin hayyacin ta, hakan yasa mum ta kalli mutunmin cikin sanyin murya tace "Bawan Allah ba hotel muke da buƙata ba karamin gida ɗan dai dai muke so dai dai talaka" washe baki mutumin yayi yana faɗin "Nima ai dillaline, daman a koi gidan na da zan sayar muje ku gani in ya muku sai ku saya" ba musu su mum suka bi shi, ya tari abun hawa suka ɗauki trolleys ɗin su suka hau.

Nan ya kai su wani gida ya nuna musu wai gidan shi ne zai sayar, kasan cewar a kiɗi me suke ba su wani duba gidan sosai ba suka ce ya musu, sukayi ciniki 5 million, haka mum tace ya nuna musu bank, ya nuna musu, ga baɗaya basa cikin hayyacin sosai sun rikice ga tashin hankali ita kam Jehan ko magana ta kasa, Rimsha ce ma mai kuzarin bakin magana itama gwaggo ta kasa magana, haka mum ta ciro kuɗin nan ta bawa mutumin nan ko takardun gidan basu tambaya ba, su dai kawai sun samu gida, suka fara sanya kayan cikin ɗakin suka zauna shiru, shi kuwa mutumi yayi gaba abun sa

A wan nan halin asalin masu gidan ya dawo ya same su, da mamaki ya tambaye su mum wanene su, nan mum ke shaida masa ai sun saya gidan ne, ba karamin mamaki mai gidan ya sha ba, cike da mamaki ya tambayi su mum a wajen wa suka sayi gidan nan

da kyar mum ta iya masa bayanin yadda komai ya gudana, a fusace mutumin yace "Wlh dan faran ku murtala yayi wan nan ba gidan shi bane gida nane, tare muke kwana da shi a ɗakin kawai amma ba gidan shi bane" lokacin guda mum taji duniya na juya mata dafe kan ta tayi ta zauna tana mai da numfashi kwata kwata daman 9 millon ne a account nata sai gwala-gwalai ɗin ta, dukkan su sun kasa magana, waya mutumin ya ciro ya fara kiran layin Murtala amma a kashe, tuni Murtala ya bar garin Katsina abun sa ya samu kuɗi,

sai lokacin gwaggo ta lura da gidan ma da suka saya, ashe gidan ma irin gidan mazan nan ne ɗaki biyu ne a cikin gidan, sosai su mum suka shiga damuwa, gashi ba halin zuwa police station basu da zaɓi dole su hakura, wan nan abokin Murtala ne ya taimaka musu ya nema musu gida a Unguwar farin yaro da kan sa ya musu jagora suka sayi gidan 3 millon suka biya kuɗi, san nan suka ɗauki 500k suka sayi kado da kayan abinci da sauran kayan amfani na talakawa, sauran 500k suka bari a account ɗin mum while ita gwaggo daman bata da account sai account na Jehan mai ɗauke da 1 million a ciki.

Tun da sukazo Unguwar Jehan bata cin abincin da su mum ke girkawa, kuɗin account nata kawai take kashe musu ita da Rimsha, dan ita Rimsha bata da account ita ma Jehan ɗin da kyar bank suka yarda suka buɗe mata account tana da 15 years sai da daddy ya nemi alfarma san nan suka bata account, kullun Jehan ke fita ta sawo musu abinci ita da Rimsha da su mum, ita kuma Rimsha tana gida bata fita, dan ita unguwar ma tsoro yake bata shi yasa bata fita take zaune a gida.

Tun da suka zo sau biyu Rimsha ta fita ranar da ta raka Jehan restaurant, sai ranar da ta fita a ka sace ta shi kenan.

*KADUNA*

A wan nan satin Abbi ya auri amaryan sa Halima wadda wani abokin sa ya haɗa su kasan cewar Halima yarinya ce mai hankali ga addini sai dai yar gidan talakawa ne sosai da sosai, shi kuma Abbi yanzu arziki ba'a magana su Aafia an kara goge wa dama ba daga nan ba.

Wan nan shine takaitacen labarin a kan abun da ya raba su Jehan da daddyn su da kuma abun da ya sanya daddyn Jelly zai aurawa Jelly Muneer, da kuma yadda Abbi ya auri Aunty har su Aafia ke mata rashin mutunci. Yanzu sai mukoma cikin asalin Story.


STORY.....✍️🤪


MUCH KAUNA MASU MIN COMMENTS ALLAH YA BAR ZUMUNCI ALLAH YA BAR KAUNA ❤️💖 KUMA MASU MIN LIKE MUCH KAUNA ❤️ MASU MIN SHARE ALLAH YA BIYAKU DA GIDAN ALJANNATUL FIRDAUS INA GODIYA BA ZAN MANTA DA KU BA MUCH KAUNA ❤️


Share fisabilillah 👏

To masu karatu sai mun haɗu gobe idan mai dukka ya kai🤪🤪

B 💞Star Lady💞






TRIPLET'S💞 21





https://chat.whatsapp.com/Fv91yECNmlW3W0mQG2hGSo


*THE BEGINNING*



💞*STAR LADY*💞



Mai neman karin bayani yamin magana ta wan nan number 09162620621


EPISODE 21


```*💞BACK TO THE STORY💞*```


______Da iya karfin su wayan nan magicians (Matsafa) suka sanya hannu suka fara tsigewa yaran nan gashin kan su, koda ɗaya daga cikin su ya damko gashin Rimsha ya ja yana kokarin shigewa, ihu ta fasa tare da furta kalmar shahada da karfi, hakan yayi sanadiyar magicians ɗin suka ja da baya da sauri, gudun kar su kone, jin sunan Allah yasa Santilago ɗago kai da sauri yana kallon su, yayin da sauran magicians suka ja baya suna zaro ido gwanin ban tsoro, ita kuwa Rimsha sai sauke ajiyar zuciya take tana ambato sunan Allah ta runtse ido gam.

Gigitatchiyar tsawa Santilago ya daka, tare da fara Yaren tsafin su, da karfi ya ɗaga hannu tsama nan take idon sa suka sauya launi, kan kace me gidan ya turnuke da duhu da hayaki kamar guguwa mai karfi, Rimsha bata cikin hayyacin ta sosai ba zata iya ja da su ba, dan bata san meke faruwa ba, salatin Annabi ka ɗai take iya furtawa sai kalmar shahada dake fita daga bakin ta, shima kuma ba'a dai dai take karan tasu ba saboda ruɗu da tashin hankali, yayin da shi kuma Santilago ke faman kiran abubun tsafin su, kusa da shi Barbushi ya zo ya tsaya, suka haɗa hannu da murya sama suka ci-gaba da ambato sunayen manya manyan jiga jigan magicians