You Cannot Download this book untill you login but you can read it .

---

Login Register

dan in ganshi, in dai har shine yazo daukan ta zan so ace shima yana son ganina dan haka shi zai aiko a kira ni ba wai ni inje kafin ma ya neme ni ba.

Sai na saki hannunta ina girgiza kaina "kije kawai Mufida, na tuna nayi mantuwa a hostel kuma nasan an kusa zuwa dauka na, ki je kawai zamuyi waya in na je gida" ta tsaya tana kallona, daga dukkan alama bata ji dadin magana ta ba kuma na saka ran zata yi retaliating amma sai naga ta gyada kai tace "shikenan. Allah ya kiyaye hanya. Ki kira ni fa kina zuwa gida. Ki gaida Umma da Amira" nace "zasu ji. Ki gaida kowa" a raina ina son ko sakon gaisuwa ne in aika masa amma pride ya hana ni, na juya na koma inda na fito.

Sai dai ban gama sauraron labarin da Maryam take bani ba, duk da ba fahimta nake yi ba, sai ganin Mufida nayi a gaba na. Gaba na ya fadi, muka tsaya muna kallon juna sannan muryar ta can kasa tace "ki zo wai.....inji Yaya Doctor" gaba na ya fadi, har wani gumi naji ya karyo min, kafin in bada amsa Sai ta juya ta fita, wani side na zuciyata ya ce min inyi zamana kar inje, wani kuma, inda already dama yake daukin ganin sa ya fara tsallen murnar ganinsa, nasan babu yadda zanyi in rarrashe shi ya hakura dan haka na tashi na bita a baya.

Har tayi nisa saboda sauri take yi, ni kuma ban iya sauri ba kuma ba zanyi saurin zuwa saurayi ba dan haka na cigaba da catwalking abina. Sai kuma naga ta tsaya can nesa kadan da inda naga mota irin wadda rannan suka zo a cikinta. Na karasa kusa da ita na tsaya nima bance komai ba, a raina ina jin babu dadi abinda tayi min, ta juyo tana kallona sannan tace "daga Abuja yake, suna can shida Daddy, yaji yau zan yi graduating shine ya dauko hanya tun asuba ya taho dan yana so yazo ta ganki, ba wai dan ya dauke ni ba" na bita da kallo, ina jin zakin maganar ta kamar suga a zuciyata, amma kuma bana jin dadin yanayin da take yi min maganar da shi.

Ban ba ta amsa ba ya bude kofar motar ya fito, numfashina da bugun zuciya ta duk suka tsaya a tare, ya saka shadda ruwan zuma kansa da hula ba kamar ranar nan ba, sai naji na kasa tantance yaushe ne yafi kyau, ranar nan ko kuma yau?

Na taka a hankali na tafi inda yake, dan nasan ni yake jira kuma nasan in banje ba zai iya tahowa kuma inda muke tsaye ana iya hango mutum tun daga exam hall din da sauran daliban suke ciki.

Kafin in karasa naga ya zagaya daya side din motar ya bude kofar gidan gaba sannan ya tsaya a bakin kofar tare dayi min nunin cewa in shiga da dayan hannunsa, fuskar sa dauke da irresistable murmushi. Naje gabansa na tsaya idanuna a cikin nasa, sannan a hankali na sauke idona kasa. Naga kofar motar daya bude na kuma fahimci me yake nufi da hakan amma nayi ignoring. "Sannu da zuwa" na fada da sassanyar muryata. "Yauwa nagode" ya amsa, "bismillah" ya fada yana sake nuna cikin motar da hannun sa, na daga kai ina kallon fuskarsa amma ban shiga ba sai yace "ba cinye ki zanyi ba fa, I promise, ina so muyi magana ne amma bana son muyi a nan saboda........" Ya nuna jama'ar da suke ta zirga zirga a wajen.

Na gyada kai na. Zan so inji abinda yake so muyi magana akai amma ba zanso Abba ya shigo ya ganni a tsaye tare da wani wanda bai sani ba. Ƙwaƙwalwa ta tayi kokarin tuna min da cewa gwara ya ganni a tsaye tare da wani akan ya ganni a cikin motar wani, amma sai zuciyata tayi saurin kawar da warning din, dan tana so ta farantawa abin son ta.

Na sunkuya na shiga motar na zauna tare da dora yar karamar jakar hannuna a kan cinyata, idanuna akan hannayena, ina jin sa ya rufe kofar sannan ya zagayo seat din driver ya bude ya shigo tare da rufewa.

Na rike numfashi na ina jin rashin dacewar zaman mu har cikin zuciya ta, I had never been so close to namijin da ba muharrami na ba kamar haka. Na kasa dago ido in kalleshi amma ina jin idan sa a kaina, na dan ja hijabi na ina kara rufe cinyoyi na da suka bayyana kasancewar wandon uniform ne a jiki na kuma hijabin mu bashi da girma sosai. Sai kuma na tuna cewa ban gaishe shi ba. "Ina kwana?" Na fada da muryar da naji kamar ba tawa ba. Bai amsa ba sai kallo na daya cigaba da yi, na fara tunanin in bude motar in fita sai naji yace "wai dan Allah in tambaye ki Jidda, ke wacce tribe ce?" Na dago da sauri muka hada ido, sai dai banyi mamakin tambayar tasa ba saboda na sha jin irinta a gurin mutanen da basu san ni ba.

Yace "ina ganinki ranar nan sai nayi tunanin bafulatana ce, sai dana kalla sosai naga cewa ba ita bace ba and definitely not Hausa and not kanuri, nooooo bayin nan basu da wannan kyan, and I thought about shuwa but idanunki ba irin nasu bane ba, idan ma sune to an samu mix, ba dan kalar fatar ba kuma zan iya cewa Arab but skin din ba tasu bace ba" ya dan rage ido yana kara kallon fuskata, sai na kama kasan hijab dina zan rufe fuskar sai kuma na tuna hakan yana nufin bude cinyoyi na, sai na saki hijab din na rufe da hannu na.

Ina jin shi yayi dariya kadan. "Please ki gaya min mana, it kept me awake at night, inyi ta tunani, har pictures din girls from different tribes nake browsing ina comparing da taki fuskar dana riga na dauki hotonta na kuma yi saving anan...." Ya fada yana nuna kirjinsa. Na bude fuskata inajin maganganun sa kamar busar sarewa a kunne na saboda dadin su, amma na dage wajen kin nuna hakan a fuska ta.

Nace "kace zamuyi magana, ina dan sauri ne kar azo daukana ayi ta nemana. Wacce maganar zamuyi?" Ya dan gyara zama da serious murya yace "taimako nazo nema gurin ki Jidda" naji gaba na ya fadi nace "taimako kuma? Wanne irin taimako?" A take zuciya ta ta fara lissafo irin abubuwan da zan iyayi dominsa, sai ya dan langwabe kai "bani da lafiya, magani nazo ki bani" na kalleshi da sauri, a idona sai naga yayi kamar mara lafiyan gaske, kamar ya dan rame akan wancan ganin da nayi masa, nace "me yake damunka? Ni bani da magani ai, kai ba Doctor bane ba ka duba kan ka mana?"

Ya danyi murmushi still idonsa cikin nawa yace "nayi kokarin treating kaina na kasa, har allura nayi wa kaina duk da bana son allura amma ban warke ba" na danyi shiru ina assessing maganar "to ka fada mana a gida sai a kaika gurin wani likitan ya duba ka? Ni ai ban iya duba marasa lafiya ba, me yasa zaka taho guri na?" Ya sake fadada murmushin sa, idanuwan sa suna sake yi min kyau, na kasa dauke idona daga kansa a hankali kamar mai rada yace "saboda kina da nasaba da abinda yake damuna" nima nayi magana a hankali "zazzabi ne yake damun ka ko mura? In zazzabi ne zan baka paracetamol in mura ce kuma...." "Nan ne yake min ciwo" ya fada yana nuna kirjinsa, ɓangaren da zuciyarsa take, "kuma bana iya bacci, in na rufe ido na sai inyi ta ganin ki kina yi min murmushi, irin wanda kika yi min ranar nan da kuna tafiya ke da Mufida, shine na dawo in roke ki Allah da Annabi ki sake yi min wani irinsa, ko wanda ya fishi"

"Wannan shine maganin ciwo na, shine abinda zai warkar dani, shine abinda ya saka yau nayi driving seven hours straight dan in ganki, ina fatan ba zaki hana min ba" na cire idona daga cikin nasa na mayar dasu kan hannayena da absentmindedly suke wasa da strings din jakata, a raina ina tunanin ko dai mafarki nake yi? A cikin ire ire-iren mafarkan da nake yi nasa, amma it felt sooo real, kalaman sa felt as real as kamannin sa.

"Please......" Ya kuma roka, "please kar kice nayi zuwan banza, ko fake smile ne a bani ina so a haka, amma nafi son real din, in son samu ne a hada min harda dariya ko yar karama ce"

Ban san yaya akayi ba sai kawai jin murmushi nayi akan fuskata, bansan sanda nayi ba dan zuciyata bata yi shawara dani ba kawai ta bi umarnin sa. Ajjiyar zuciya naji ya sauke mai karfi "alhamdulillah. Masha Allah. Tsarki ya tabbata ga ubangijin da ya halicci wannan kyakykyawar sura. Jidda Allah yayi miki kyau, ki gode masa, fuskar ki da suffar ki mai kyau ce sosai. Kuma yanayin yadda kike ta faman gyaran hijab dinki da yadda kika makale a jikin kofar kadai ya saka naji a raina cewa kyawun ki ba'a physical kadai ya tsaya ba, har cikin zuciyarki ke kyakykyawa ce. Ni Umar Faruq naga Hauwa'u Maijidda kuma ina sonta, har cikin ruhina ina son ki. Na yaba da komai da idanuwa na suka gani, ina kuma neman alfarmar ki bani dama in gama sanin abinda ban sani ba kema kuma ki san duk abinda kike bukatar sani daga gare ni, that's in abinda kika gani physical yayi miki....."

Ya fada yana nuna kansa, na kalle shi briefly na kuma mayar da idanuna kan band dina da nake ta jujjuya wa a hannuna, ina jina kamar ina yawo a cikin gajimare.

Yace "Maijidda.......kiyi magana mana..... please zaki bani dama? Zaki bamu dama mu karanci juna sai kuma muga inda Allah zai kaimu. Me kika ce?"

Na motsa bakina amma sai na kasa magana, to me ma zance ne? Ina sonsa, kuma abinda na gani na daga suffarsa yayi min, sannan nima ina fama da irin ciwon da yake fama dashi kuma nima fuskarsa da murmushin sa sune suke ratsa cikin baccina a duk lokacin dana kwanta, wannan shine amsar dana bashi amma ba zan iya gaya masa ba, kunya da kuma pride ba zasu barni in gaya masa ba, at least not now. Na bude bakin sai kuma na mayar na rufe.

Ya rankwafo yana leka fuskata "ba zaki yi magana ba ko? Ni kadai zanyi kida na kuma inyi rawa ta ko? Shikenan to, in dai zaki saurara kuma zaki kalla I will gladly sing and dance for you, indai har hakan zai saka ki cigaba da yi min kyakykyawan murmushin ki" na sake yin murmushin, sai kuma na kama hannun motar ina kokarin budewa, naji ta a rufe, na juyo ina kallon sa "am I a prisoner?" Ya daga hannu "nooo, never. But at least say something mana, anything........ please" nace "abbana zai iya shigowa makarantar nan a kowanne lokaci, and do you know abinda zaiyi min in ya ganni a cikin motar nan?"

Ya girgiza kai, his face looking concern. Ni kaina bansan abinda zaiyi min din ba amma ba karamin aikinsa bane gobe inji an daura min aure, zaice zan dauko masa abin kunya ne, but ba zan gaya masa haka ba sai nace "zai shiga staffroom ne ya aro bulala ya fito nan ya zane ni a gaban kowa sannan ya saka ni a booth din motar sa ya tafi dani gida" ya danyi dariya, sannan yayi unlocking kofar, yace "that means akwai good upbringing. Masha Allah" na bude kofar na fita sannan na sunkuyo muna kallon juna nace "Allah ya kiyaye hanya" ya dan bata fuska "amsa ta fa? In zo gobe in karba?"

Na girgiza kai "ba gobe ba, nan da sati biyu ko wata biyu, ko kuma shekara biyu, depending on the mood din da zan samu kaina a ciki" ya lumshe ido ya bude yace "then I will make sure nayi keeping dinki as happy as possible har sai na samu amsata, daga nan kuma insha Allah I will keep you happy for the rest of our lives".

Na matsa baya sannan na rufe masa kofa, wannan ya hana min ganinsa saboda tinted glass din motar, amma shi nasan yana kallona sai na juya na fara normal catwalking dina feeling his eyes on me, fuskata dauke da madaukakin murmushi, zuciya ta tana screaming with excitement ta yadda har bana ganin gaba na sosai, da ace ni kadai ce a wajen , da ace baya kallo na da tabbas na yi tsallen dadi.

Ban ankara ba sai ji nayi munyi karo da mutum,nayi saurin dawo da hankali na jiki na ina kokarin bada hakuri sai naga Mufida ce ashe, ta bini da kallo, fuskarta dauke da wani yanayi mai wahalar fassara. Wanda yasa naji murmushin fuskata yana raguwa nace "Mufida.......ammm kije ku tafi.....sai na taho" tace "he is handsome right? Kuma ya iya kalamai ko?" Na kalle ta sharply, ina tunanin inda zanyi placing maganar ta, nace "Mufida? Menene wai? Menene problem dinki? Bakya......" Ta dakatar dani ta hanyar daga min hannu, ba dan na san Mufida kuma daga labaran da take bamu na gidan su nasan cewa Doctor yayanta bane uwa daya uba daya da zan iya yanke hukuncin cewa kishi take yi dani.

Maganar da tayi ce ta goge wancan zargin amma kuma ta dasa min wani sabon yanayi na daban "Yaya Umar yaya na ne, uwa daya uba daya muke ni da shi, yana daga cikin mutanen da nake so sosai a duniya. Ke kuma kawata ce da nake so a cikin kawaye, ban san menene a tsakanin ku ba amma koma menene, no matter how it ended, bana son in rasa ki a matsayin kawa. Yaya Umar yayi relationships da yawa, kuma he has left a trail of broken hearts, I don't want yours to add to that. I don't want you to get your heart broken" sai ta kama fuskata a hannunta ta riƙe a hankali tace "I trust you will do the right thing" sannan ta sake ni da sauri ta tafi inda yake jiranta.

Ban juya ba har naji ya tayar da motar sannan naji sun zo sun wuce, nabi motar da kallo har suka je gate aka bude musu suka fita,a lokacin ne kuma motar Abba ta shigo daukana, amma sai naji duk murnar graduation din da kuma murnar maganar Doctor tana fita daga jikina kamar yadda motar da yake ciki ta fita daga makarantar. Wani bacin rai da wasi wasi yana replacing dinsu. Na rufe ido na tare da jingina bayana da jikin bishiyar da take gurin a hankali nace "Inna lillahi wa inna ilaihir rajiun".


Ga masu son siya zasu iya turo kudin su #300 zuwa wannan account din

0779484494
Nafisa Tafida Usman
Access Bank

Sai su turo evidence of payment zuwa wannan number din ta hanyar WhatsApp
08067081020

Wadanda basu da account kuma zasu turo MTN recharge card na 300 zuwa wannan number din 08067081020

Please banda kira, WhatsApp only






*💔 Jidda 💔*

*By*

*Maman Maama*


*Episode Three: Pilot*

Free Episode

Tun da muka fito daga makarantar, na juya ina kallon gate din amma sai naji bana jin wani excitement kamar yadda nayi tunanin zan ji. Na yi ajjiyar zuciya tare da mayar da kaina na kwantar a jikin tagar mota tare da lumshe idona.

"Bana son in rasa ki a matsayin kawa"
"He has left a trail of broken hearts"
"You will do what is right"

Wadannan maganganun su suke ta yi min yawo a kaina. Muryar yaya Tahir naji "ban taba ganin wadda bata murna da zuwa gidan su ranar candy ba sai ke. Unbelievable. Wai kuka kike yi?"

Na dago kai ina kallon sa, sannan na kalli yaya Muslim da yake driving, na dan goge idona ina kallon hawayen da ban ma san sanda suka fito ba nace "ina murna mana yayana, ina murna sosai da sosai, kawai dai ina jin babu dadi ne zan rabu da kawaye na dana saba dasu shekara da shekaru, wadansu fa shekarar mu shida tare kaga kuwa ai sabon mai yawa ne"

Yaya Muslim yace "to ba kina da numbers din su ba? Ai zaku ke waya ko? Kuma kina zaki sake wasu kawayen da har zasu mantar dake wadannan. Ni yanzu few abokai na na secondary school ne yake da contact dasu, duk kowa ya kama gabansa" sai suka cigaba da hirar abokai a tsakanin su, tunda kusan duk abokan su daya, ni kuma na koma na kwanta na rufe ido na ina ganin fuskarsa "smile please" na danyi murmushi sai kuma na bata rai, shin da gaske abinda Mufida ta fada min akan yayanta haka ne ko sharri take yi masa? Amma kuma akan wanne dalili zata yi masa sharri? In kuma gaskiya ne mai yasa ta gaya min? Kamata yayi ace ai ta kare image dinsa a matsayin sa na yayanta dan na tabbatar cewa tafi sonsa a kaina.

Amma dai whatever the case warning ne tayi min, ya kamata kuma inyi wani abu a kai, Amma me zanyi? Tace ba ta so yayi breaking heart dina, abinda ya kamata nayi shine in nisanta kaina dashi dan kar in fada cikin soyayyar sa but Oops! am already in. Sai dai zan iya fita tun kafin in nutse har kai, tun kafin inyi drowning. Menene abinyi?


Zan bawa Farhan labarin sa, nasan kuma in muka hada kai ni da ita zamu samu mafita..........amma me yasa in na hango rabuwa dashi a matsayin mafita sai inji zuciyata tana min zafi? In kuma na hango cigaba da alaka dashi a matsayin mafita sai inji murmushi yazo kan fuskata?

******************************************

Sunana Jidda. Sunan Mahaifina Alhaji Habib Mahmud wanda yake haifaffen cikin garin kano ta bangaren uwa da uba gabaki daya, malamin makaranta ne wanda a halin yanzu yake da matsayin principal a daya daga cikin manyan makarantun secondary school na jeka ka dawo na maza dake garin kano. Alhaji Habib yana da rufin asirinsa dai dai gwargwado dan gidan mu bamu taba rasa ci ko sha ko kuma wasu basic needs na rayuwar duniya ba, duk wadansu bukatun mu Abban mu ya dauke mana su dai dai gwargwado.

Ba zamu kira kanmu direct da masu kudi ba, kamar yadda ba zamu amsa sunan talakawa ba. Mata biyu Alhaji Habib yake dasu, Hajiya Maryam ita ce uwargidan sa wadda muke kira da Hajiya, sai kuma Hajiya Ayesha wadda muke kira da Umma, ita ce kuma mahaifiya ta. Mu goma sha biyu Abba ya haifa, takwas daga ciki yayan Hajiya ne wadanda suka hada da Sa'adatu (Mama Sa'a), Hadiza (Mama Hadiza), Yaya Shamsu, Yaya Aminu, Yaya Hudallah, Yaya Mukhtar, Yaya Muslim da kuma Aysha (Farhan) wadda take takwarar Umma kuma autar Hajiya.

A dakin Umma kuma mu huɗu ne, Yaya Tahir ne babba, sai Mahmud (Abbah) sannan ni Hauwa'u (Jidda) sannan autar mu Maya (Amira) wadda take autar gidan gabaki daya.

Mahaifiya ta Ayesha, yar asalin kasar Ethiopia ce, duk da cewa bata taba taka kafarta zuwa kasar ba har yanzu. Mahaifinta, Amadi, ya baro kasar su ne ya taho neman kudi har ya sauka a Nigeria kuma ya kafa kasuwancin sa anan Kano, Allah yayi anan abincinsa yake, saboda son ya koma gida ya saka iyayensa a lokacin suka nema masa auren kakata Maya, takwarar Amira, dan suna tunanin idan suka yi masa aure zai koma gida, sai dai ya koma din amma ana daura masa auren sai ya dauko matar tasa ya taho da ita Nigeria itama, suka ci gaba da zamansu anan a dole yan uwa suka hakura ya zamanto tsakanin su da juna sai dai ziyara da kuma ta hanyar waya.

Yaya uku Allah ya basu, Umma ta ce babba, sai Aunty Afia, sannan Uncle Salim, shikenan. Umma ta da yanuwanta babu wani yare ko kabilar da suka sani sai Hausawa tunda a cikin su suka taso, yaren ma sunfi iya hausa akan nasu yaren, kamanni ne kawai suke tona asirin cewa ba hausawa bane ba, bayan haka babu wanda zai iya ware su dan har birth certificate dinsu na Nigeria ne. Sai dai kamar yadda muka samu labari cewa ba'a jima da haihuwa ta ba sai Allah yayi wa kakata rasuwa anan kano, a lokacin ne babansu ya nemi ya tafi dasu gabakidaya can garin su dan dangi su gansu kuma suyi musu gaisuwa amma sai Abba ya hana Umma zuwa saboda tana jego na kuma lokacin, wannan abu ne da Umma har yau bata manta ba saboda a can ne bayan sunje Allah yayiwa babanta rasuwa shima. Wannan yasa Aunty Afia ce kadai ta dawo Nigeria dan Uncle Salim shima zamansa yayi a can cikin yan'uwa. A inda yanzu har yayi aure, sai dai lokaci zuwa lokaci ya kan kawo wa su Umma ziyara kuma aunty Afia tana dan zuwa babu laifi amma Umma har yau bata je ba, ita tayi fushi ta daina tambaya shi kuma Abba bai ma san fushi tayi ba ya dauka hakura tayi.

Umma na da yan gidan su mutane ne masu rikon addini sosai, sannan suna da dauke kai da hakuri da juriya da tawakkali duk da dai zama da Hajiya ya chanja Umma sosai, kamar yadda muke ji wani lokacin Abba yana fada "ba haka halin ki yake ba, ni bansan ki da rigima ba, ni hakuri na san ki dashi" amma yau da gobe bata bar komai ba. Tabbas duk hakurin ka indai kana zaune da mutum mai irin halin Hajiya to dole sai ka tanka mata.

Hajiya mace ce mai tsananin fada, mai tsananin kishi, fadanta kuma bai tsallake kan yayanta ba dan suma ba kyale su take yi ba idan suka yi mata abinda bata so. Bata son Umma ko kadan, ko zaman hour daya idan kayi da ita zaka fahimci bata son Umma, in kuwa kana son kaga bacin ranta to ka fadi wani alkhairi a game da Umma ko kuma abinda ya shafe ta.

Wannan rashin jituwa ya wuce daga tsakanin su ya tarar har kan mu mu yayan su. Manyan yayan Hajiya duk sunyi aure tun muna kanana. Ni da nake yar Umma ta uku nice sa'ar autar Hajiya (Farhan), wannan banbancin shekarun ne ya kara saka distance a tsakanin mu da rashin shakuwa tunda bamu taso tare ba musamman Mama Sa'a, Mama Hadiza, yaya shamsu da yaya Aminu, duk bamu wani saba dasu sosai ba dan ko mun hadu tsakanin mu ba ya wuce few words, words din ma kuma most of the times marasa dadi. "Barbarar yanyawa" shine sunan da Hajiya take kiran mu dashi ita da manyan yayanta.

Abba mutum ne mai rikakken ra'ayi, babu wanda yake saka shi kuma babu wanda yake hana shi, hakan kuma ya samo nasaba ne da cewa bashi da mahaifa a raye sai kannen mahaifan sa wadanda kuma yawanci a gurinsa suke samun kwandala dan haka babu wanda yake iya ce masa "a'a". In yayi magana abinda kawai yake bukatar yaji shine "to" baya son jayayya ballantana shawara. Baya kuma shawara da kowa idan zaiyi abinsa sai dai kawai ki ga yayi, wani lokacin ma sai yayi sannan zaku sani daga baya.

Baya wasa ko kadan. Ba wai yana takura mana bane ba ko kuma baya son mu a'a ba ya nuna mana soyayyar sa ne, typical uban bahaushe, zai providing dukkan basic needs din mu sannan zai tsaya a dukkan al'amuran mu amma babu emotions a ciki.

Sannan kuma yana da wani ra'ayi wanda da ban fahimce shi ba sai da na kara girma sannan na fahimta, sai kuma na lura ba shi kadai bane ba yawanci mazan hausawa suna da wannan ra'ayin, suna kallon mata a matsayin masu karamar kwakwalwa kuma weak ba zasu iya yin tunanin komai ba, ba zasu iya bayar da shawarar komai ba, ba kuma zasu iya tsayawa kansu ba ballantana su tsayawa wanin su sai dai su a tsaya musu.

Wannan dalilin ne ya saka baya barin ƴaƴan sa mata suyi dogon karatu kafin yayi musu aure dan yana ganin za'a iya yi musu wayo a yaudare su a lalata su,