You Cannot Download this book untill you login but you can read it .

---

Login Register

An dauko wannan littafi daga shafin https://taskarnovels.com.ng ku ziyarci shafin na https://taskarnovels.com.ng domin samun kayatattun littatafan hausa kama daga kan na yake yake dana soyayya




Marubuci ko marubuciya zasu iya turo mana da littatafansu mu dora masu a shafinmu kyauta don masoyansu su rika Downloading a online,



Sannan marubuta zasu iya turo mana da tarihin rahuwarsu da tarihin rubutunsu, dama sharhin littatafansu don masoyansu su gani kuma su karu da hakan

Domin turo mana da littafi ko tarihin rayuwar marubuci ko marubuciya sai ayi mana magana ta whatssap da wannan nambar +2348140419490



A lura dakyau - kyauta muke saka littafi a shafinmu bama amsan ko sisin marubuci, duk wanda ya amshi kudinku da sunanmu babu ruwanmu,



Alura dakyau - manazarta bama tura littafi ta private ku dena binmu private kuna neman mu tura maku littafi, duk mai bukatar littafi yaje website namu



Alura da kyau - Littatfanmu suna fitowa cikin manhajoji uku ne PDF,TXT da DOC amman munfi amfani da PDF da TXT masu amfani da wayar android ko tablet ko computer zai fi kyau ku riga dauko PDF da DOC



Masu amfani da kananan wayoyi java ko mara java TXT zakuna zaba don shine daidai wayarku


This hausa novel was uploaded and downloaded from https://taskarnovels.com.ng

You can download more hausa novels there

Also you can send us your novel to upload it in our website for your fans to download it online

It is free we do not charge for uploading novel

Also if you are an Author be it online or Non online you can send us your biography including your book summary,commentary and others via this number +2348140419490 its free we do not charge for our services



Note that - we do not charge for our services we uploaded novels and posted biography free, any person that collect your money in our name is your fault do not blame us



Note that - pls readers stop calling us and be asking us to send you a novels we are not sending novels through whatssap or private our novels is public at any day, any time you can visits our site and download it



Note that - our ebooks came as PDF,TXT or DOC format but the popular format are PDF or TXT, those with android or tablet or pc we suggest you to download PDF or DOC
those with java phone or non-java phone we recommend you to download TXT



This Novel is downloaded from https://taskarnovels.com.ng
to download more hausa novels visits our site at www.taskarnovels.com.ng

For feedback and support

Facebook : https://facebook.com/taskarnovels

Twitter : https://twitter.com/taskarnovels

Telegram : https://t.me/taskarnovels

*❣IDAN KA RAINA INDA KAKE❣*



1⃣


Na : *SAJIDA*

sadaukarwa wa *ummu lalla Fatumah sisna Hawwer*





Haba Aïsha, haba Aisha har yaushe zaki daina irin wannan mugun halin? Shin mai mahaifinmu ya rage mu da shi, daidai karfinsa yanai mana, du abinda muke bukata daidai gwargwadon iyawarsa yanai mana aman a kulun idan kika budi bakinki ba zaki yabi tarin alkhairan da yake yi mana na yau da kulun ba sai dai ki fadi wani wajen da ya gaza, a kulun ina fada maki ki daina kokarin hada rayuwarki da ta sabuwar kawar da kika yi.. kin ga iyayenta masu hali ne sannan samarinta sun tsaya mata...............ki........m

Wace aka kiraya da Aisha wace ta yi tsai tamkar tana daukan nasihar yar uwarta ta dago fuska a hade ta watsawa yar uwar tata harara ta ja wani uban tsaki ta ce" kinga malama ki saurara min haka, shin tambayar ki nai ki yi min kari a kan tarbiyar da kike ganni bani da ita ko mai? Ni ina mamakin idan kika sakoni gaba kinai min fada tamkar ke ce yayar tawa ni kuwa kanwarki,,, idan ke ita rayuwar nan ta yi maki sai ki je ki karata da talauci aman ni na fada maki idan baba ya nacewa FASKARE ni ba zan iya ba, ga ayuka nan barkatai a duniya aman shi ya nace sai dai faskare da shi ne zai ciyar da mu? To zan fada maki ko ta tsiya sai na shiga banban gida na hau babar mota domin Allah ya bamu halin auren nairar tunda ya kayatar da halitar mu.......
Ta gama tana mai juya dara daran idannuwanta ta zarce wajen dan karamin madubinsu ta zauna ta shiga fence fuskarta

Ta jima zaune tamkar ruwa ya cinyeta tana mai takaicin halayar yayarta, a hankali ta mike ta karaso kusa da ita ta dora hannunta na dama saman kafadar yayar tata ta marairaice murya ta sada kanta alamar zata bada hakuri ta ce" ki yi hakuri Autyna, ban fadi haka dan na bata maki rai ba idan na ga irin haka na faruwa ne sai hankalina ya tashi domin bana so ki fada *tarkon samarin zamani ne* inai maki son da ba zan juri ganinki a wani hali ba plz auntyna ki yi hakuri kar ki yi fushi da ni

A hankali Aisha ta juyo ta kamo hannun kanwarta wato *RAUDA* wace take yiwa kiranye da LALLA ta ce" *LALLANA* ki gane ni du abinda ya shafi talauci batan raina yake, ki duba fa ki ganni kulun Abanmu jalabiyarsa kwaya daya ya fice da ita da gatari ya tafi yawon anguwa anguwa kofa kofa yana neman itacen da za.a bashi ya faskara, bayan ya gama a hada shi da naira ashirin naira talatin baban samunsa naira dari watarana sai ya wuni bai samo komai ba ya dawo haka zasu yi ta samun matsala da mama sannan da wannan samun ne yake ciyar da mu ya siya mana atampa roba ya yi mana dinkin naira dari bibiyu, sai fa sallah ta zo bamu da kayan sallah dududu har muka yi yarinta muka gama hijabanmu hudu a duniya muna arawa juna muna canzawa...... makaranta litafinmu kwaya daya da shi kike rubutu nima da shi nake yi.... haba ko yaya na ga haske ai zan nufe shi shi ya sa nake fada maki yanzu mun taso mun kai mizanin yin samari muna jami.a dole mu so daukan wanka ko dan gudin raini , sannan samarin nan harin mu suke ina mai baki shawarar ki kula su tun suna kula ki ba sai su yarda ke ba ki dawo kina zubar da kwalah kina haukan neman su

Ajiyar zuciya Rauda ta sauke, kwata kwata magangannun yayarta banda caza mata kai ba abinda suke... a kulun adu.arta shine Allah ya katsewa yar uwarta irin wannan dogon buri na mahaifiyarsu tun kafin ya zame mata matsala, ita bata ga abin damuwa a rayuwarsu ba mahaifinsu yana nema tun karfinsa da shi yayi ta fafutuka wajen gannin sun yi karatu sun samu ilimin adini da na boko, da yake mutun ne mai tsayuwar dare mai fawalawa Allah lamuransa sai ya kasance duda makarantar gomnati suke yi sannan a jarabawa basu da mai kama masu sai Allah Ya tsaya masu suke tafe cikin nasara har Aisha ta samu shiga University sannan Rauda...... manema aurensu kuwa ta ko.ina fitowa suke sai dai idan har sunanka bai zarce ba Aisha Bata sauraronka ita kuwa Rauda tana saurare sai dai mahaifiyarta ta shiga ta fita ta kori mutun sannan ta....

Tunanin mai kike ne Lallana?
Muryar Aisha ya kashewa Raudat tunanin da ta fada ta zabura ta kakaro murmushi ta ce" ba komai Auntyna , Allah ya shige mana gaba

Aisha ta amsa da amin sannan ta juya ta ci gaba da gyara fuskarta dan zuwa makaranta

Haka suka fito Aisha ta gyara fuskarta tamkar zata je wajen biki Raudat kuwa banda kwali da ta dan furta a idannuwanta ko hoda bata shafa ba

Mahaifinsu ne zaune yana wanke hannunsa da gatarinsa gefe ya saka jalabiyarsa wace dan tsufa har yamutsewa take sai hularsa irin zigegen alhazan nan wace a kadan ta shekara hudu da aka yi masa kyautarta

Amsa gaisuwar yayan nasa yake cikin sakin fuska da basu mahinmanci sannan ya shiga laluben aljihunsa ya jawo naira dari da ashirin ya mikowa Aisha wace ita ce baba ya ce" Aisha ga wannan ba yawa sai ku sha ruwa a hanya

Aisha ta bi hannun mahaifin nasu da kalo naira darin ta yakune du a cicire hakama ashirin din ta sama ta kakaro murmushin yake ta ce" baba ai ka barshi kawai

Tana gama fada ta mike ta fice inda suka rakata da kalo jikinsu ya mutu murus

A hankali ya juyo da dubansa wajen Raudat ,

Saurin basar da abinda Aisha ta yi ta yi ta kakaro murmushinta mai kyau da tsari ta mika hannu biyu ta ce" Lah Abanmu ni dai ina so, bani naira ashirin din sai na kara da sauran canjin da ka bamu jiya bamu kashe su duka ba shi ya sa aunty ta ce bama so, tana son cewa ai da saura ne

Ta karasa maganar tana karbar ashirin din da iya kokarinta dan gannin ta mantar da shi dabi.ar yayar tata

Murmushi yayi ya sakar mata ta mike ta kama hanyar fita
Har ta daga kasarin da ya kare kofar mahaifinta ya ce" *Raudat*...

A hankali ta juyo tare da amsa kiransa

Cikin murya mai cike da nutsuwa ya ce" Allah ya datar da ku da dukan alkhairin rayuwa, ya daukaka ku, ya sanya farin ciki a cikin rayuwar ku, ya baku mazaje na kirki masu tsoron Allah da bin umarninsa ,

A hankali take amsawa da amin a dukan adu.ar mahaifinta har inda yake cewa" Allah ya shiryar da yar uwarki tun kafin dama ta kubuce mata, ya sa ta daina hangen na wasu ya kasance ta daina *raina inda take kar taje ta yi biyu babu domin mafi yawancin irin haka inda zasu ya raina su*

Saurin dago da kanta ta yi bata ce komai ba sai lumshe idannuwanta da ta yi ta mike ta kara gyara hijabinta ta juya tana sauri kar Aisha ta yi tafiyarta

Wani irin haushi da bacin rai ne ya turneke mata zuciya hango yar uwarta da ta yi tana kokarin shiga motar sabuwar kawar da ta yi mai suna Aminah

Dan tsayawa Aisha ta yi tana kalon Yannayin Raudat, dan haka ta hade fuska danma kar ta kawo mata wargi gaban Amina

Tana karasowa ta ce" mu je ko? Kin ga Allah ya kawo freind ba sai mun sha wahalar tafiya kafin mu hau bos ta sauke mu a bakin titi mu kuma yin wata tafiyar kafin mu karasa jami.a
Ta karashe tana dage gira dudan ta shawo kan Rauda duda ta san abu ne mai wuya ta yarda ta shiga dan ba shiga take yi ba

Rauda ta dan kakaro murmushi ta ce" ai kin san ina son tafiyar kafar nan ko dan na dan ringa mike kafana aunty ku je kawai sai na karaso

Tun kafin ta gama maganar Aisha ta daga kafadu irin ke kika jiyo ta bude gaban motar ta shige Amina ta ja da mugun gudu suka bar wajen

Ajiyar zuciya Rauda ta sauke ta daga kafa ta nufi bakin titi dan shiga bos ta kaita makaranta

Lecture din awa hudu ne da ita a yau, haka ta yi karatun nan ba tare da ta saka komai a cikinta ba dan tana son kudin su isheta komawa gida

Karfe 2 na rana suka fito ta nufi bangaren su Aisha dan gannin ko basu sauka ba ta yi jiranta sai dai mai tana karasowa ta tardo Amina kawar Aisha ta kwashi wasu yan mata a motar nata tana baiwa Aisha hakuri cewar zata sauke su ita ta yi hakuri gobe sai ta dauke ta, cikin raini da isa take fada mata hakan

Aisha ta yi sororo jikinta ya mutu ta kasa koda daga kafa ta bi motar da kalo har suka kai bakin gate din agriculture suka fice har ta daina hango su aman ta kasa daga kafarta

A hankaki Rauda ta ce" aunty, mu tafi plz ai har sun bacewa ganinki kina tsaye,

Da sauri ta juyo tana kalon rauda , maganar rauda ya fado mata inda take cewa" Aunty a duniya idan kina son ganin wulakanci ki kwalafa rai da *abin mutun* komai kusancinki da shi ya kasance kina nesa da abinda yake malakinsa ne hakan zai saka tarayarku ta jima sannan mutuncinki ya dauwama a rike a wajensa

Idannuwanta ta lumshe wa.inda suka yi jajajir ta ce" WALAHI WALAHI WALAHI SAI NA HAU MOTAR DA TA FI TA AMINA SAI MURZA NAIRAR DA KO UBANTA BAI MURZA BA..........

Baki bude Rauda ta bi yayarta da kalo, inda gabanta ya tsananta faduwa har ta furta tambayar " *AUNTY ta ina? Ta yaya? Ta wace hanya kike irin wannan tunanin?*

Aisha ta ja tsaki ta ce.............



Shan koko bukatar rai😍❣😍



*❣IDAN KA RAINA INDA KAKE❣*



2⃣


NA: *SAJIDA*



Allahuma ajurni minna nar......👏🏻




Aisha cikin kakausar murya ta ce" ki sani Raudat, ko ta hanyar Allah ko ta tsiya sai na yi kudi sai na kamo kawayena sai na shiga motoci , sai na rike babar waya sai na kwatarwa kaina inci na arziki

Ran Rauda ya baci iya baci hakan ya saka ta shiga hawaye wanda mafi akasarin lokuta hakan zaka ga yana faruwa idan ranta ya baci wajen mutumin da ba yanda zata yi da shi sai kawai hawaye su balewa idannuwanta

Juyawa ta yi kawai ta bar yayarta a nan dan ta lura Aisha fa ta yi nisa bata jin kira, burinta na ta zama mai kudi ko ta auri mai kudi ya girmami tsoron Allahnta (wa.iyazubillah)


A wannan rana kowace ta dawo gida ne ranta a bace ba mai yiwa yar uwarta magana

Suna zama mahaifuyarsu ta shigo, tun fitar karfe shiga da ta yi da sunnan ta tafi gidan biki sai wannan lokacin ta dawo da leda a hannunta

Fuskokin yayan nata ta bi da kalo ta dasa ayar tambayar abinda ya dauke annurin fuskokin su

Ansa gaisuwar Rauda take hankalinta na kan Aisha ta katse amsa gaisuwar ta ce" *Jarina* wani abin ya faru ne? Nake gannin fuskokin naku du a hade ko abin da ta saban ne ta yi maki???? Ta karashe tana zabgawa Raudat harara

Aisha ta kara hade rai ta shiga kwararowa mamansu abinda ya faru

Ran mamansu Raudat ya mugun baci da wannan cin mutunci da kawar yarta ta yi mata, cike da bacin rai ta ce" mai ta fi ki? Kyau fari gashi sura ko mai? Abinda ta fiki uba mai "Takaici" ita mahaifinta ya gane cewar faskere banda kashe zuciya ba abinda zai hadasa masa, ya fahimci cewar mutunci kankaro shi ake sannan kudi su ne jin dadin gidan duniya idan babu su sunanka wulakantace kaskantace marar galihu

Tunda ra fara fadan nan kan Rauda yake sade a kasa tana sharar hawaye a kasan zuciyarta tana fadin ikon Allah wannan shine wani da aikata laifin wani da shan duka

Dan haka nake fada maku ku mu tashi mu nemawa kanmu yanci...
Wannan rayuwar talaucin haka na sha ta tun da jan sahunna wai ni soyaya... a soyayar nan banda tsufa da karewa ba abinda ta kara min , ku fa sani ba soyayar nan ake ci ba idan tafiya ta yi tafiya baka da abinda zaka zama sai abin "tausayi"

Aisha ta bude idannuwanta ta ce" mama, ki daina bata yawun bakin ki domin ni nan da kike ganni talauci shakar kanshinsa sai dai idan na shigo gidan nan kafin mu kenkyara namu mu koma....... abinda Amina ta yi min ban ga laifinta ba domin wa.inda ta dauka yayan masu fa shi ne
A gaskiya mama ke kika cuci rayuwar mu da kika auri baba..... ni nakan rasa amsar tambayar mai kika gani baba dai ba wani kyau ba gaba daya ke muka biyo bafilatanar usil aman kika auri mutun irin baba
Ta karashe maganarta fuskarta na nuna tsantsar bacin ranta a lamarin

Mahaifiyarsu mai suna nana Mariama ta ce" uhum ke dai a bar naganar kawai , kun ga fa fogayen riguna na gani na sayo maku sai dai kwaya uku ne maimakun hudu dan haka ke Rauda ki yi hakuri da dayar Gaba sai na kara maki

Rauda kam bata cewa komai tana bin su da kalo nan Aisha ta shiga dadaga kayan tana ta murna domin kaya ne masu kyau duda ba masu kudi da yawa bane

Cikin mutuwar jiki Raudat ta mike ta shige dakinsu ita da Aisha

Zama ta yi gefen katifar su ta kurawa madubi ido tana kallon fuskarta a ciki

A hankali ta lalubo hoton mahaifiyarsu inda take ganiyar kuruciya ta zubawa hoton ido
A jikin hoton bata fi shekara ashirin ba komai na cikakiyar mace akoyshi a jikin ta

Ajiyar zuciya ta sauke a fili ta ce" shin ikirari takama da su mama suke yi da kyau da yarinta da kalar fata bata lura aya ta kasance a kan kanta ba? Ita da ta yi gadon kyan gaba da baya wajen mahaifiyarta da mahaifinta bata ga yanda yanzu fatarta ta dawo ba? Duda tana fadin cewar wahala ta dawo da fatarta haka aman ai daman kuruciya kyau ba madawama bane, ita fa a ganinta ai gwara ka yi anfani da kyan naka wajen aikata alkhairi da shi ka kilace shi ka rufe shi ya anfaneka sai mijin da ka aura ba? Da ka biyewa rudin dun....... ..........
Tunaninta ya katse daidai lokacin da Aisha ta jefo mata jar riga cikin rigunan wato ra zabi kala biyu ta bata guda sannan ta ce" ki tashi mu je mu dora tukunya mai nemowar ta kawo mana yau nama zamu ci,.... kai da ba dan Mama ba da mun yi anagon nama da sai muna tafe muna kalo a wajen masu siyarwa

Mikewa Rauda ta yi ta cire hijabinta ta shanya shi saman yar igiyar da suka kula suke shanya kananun kayansu a dakin nasu ta daura dan kwali ta fito

Itatuwan da mahaifinsu ya sara ya kilace masu fan dora tukunya ta fauko kwara hudu ta ajiye gefe ta share cikin murhun da bakin murhun ra hada tokar ta kai cikin shara bakin kofar gidansu ta dawo ta tsintsinto ledoji busasu ta karaso bakin murhun ta saka itatuwan ta hasa wutar
Juyawa ta yi tana kara wanke tukunyar sanan ta dora saman murhun ta dawo ta zauna tana wanke naman nan tana zubawa cikin tukunyar bayan ta gama ta kawo kayan yaji atarugu da gujiyar miya dakakiya ta zuzuba ta rufe ta juya ta shiga yanka albasa kananuwa domin so take ta yi ta gama fan du infa mahaifinta yake ya kusa karasowa gida

Nana mariama ce ta fito da tarin tafarnuwa a hannunta tana fada ta ce" daman na san ba zaki zuba ba dan ubanki yace baya ci sai kika manta cewar ni na nemo na kawo shi abinda ya iya kawowa masara da gero ne, malama karbi ki zuba min a ciki tun kafin ranki ya baci

Raudat ta dago da kanta tana fan share irin hawayen nan na zafin albasa ta ce" haba mamanmu, naga ai mu idan da akoy ko babu ma muna iya ci ko? Mai zai hana idan na gama na fitarwa da baba nasa sai a zuba a namu mamanmu? Kinga ba kyau ka ci tafarnuwa ka je masalaci domin ita warinta yana fa naci ne, yakan zaunawa a jikin mutun na tsawon lokaci koda kuwa ya wanke bakinsa , ki yi hakuri idan na fitar masa da nasa sai mu saka

Nana Mariama cikin bacin rai ta dauke Rauda da mari, daman ita akoy saukin hannu ga zafin zuciya ta ce" ki shiga a taitayinki Raudat, ke banda shirme irin naki mutumin da datin jikinsa ma ya ishe shi shine zai fito mana da karyar wai shi baya cin tafarnuwa? Yaushe ma ? Sannan ki bari idan ya shigo gidan nan da leda dauke da nama sai ku yi mana iya yi

Tana gama fada ta bude tukunyar ta afka tafarnuwar sannan ta juya ta yi tafiyarta aka bar Raudat da takaici


Zaune yake yana irga kudin da yayi a yau, cike da farin ciki domin wata mata ya samu irib masu kasa itacen nan ce sannan bata da bakin ciki ta bashi faskaren mai yawa wanda sai da ya kasa shi uku ta biya shi wajen dubu guda da dari uku

Bayan ya gama irgawa ya shiga tunanin mai zai yiwa yayansa da matarsa dan ya faranta ransu???wani mai siyar da takalma ne irin na robar nan na mata bakake da chocolate ya zo ficewa hakan ya saka Malan Ahmad mikewa fa dan hanzarinsa ya tsayar da mutumin ya dauki taki uku bakake biyu da chokolate guda suka yi cikini

Da kyar ya bara masa su a dari takwas ya biya cike da farin ciki ya dauki hanya da naira dari biyar din da ta yi saura yana ayanawa a ransa cewar gobe idan zasu tafi makaranta naira dari bibiyu zai basu ya tabata Aisha zata yi murna da hakan (😭)

Da salama sannan da karfinsa ya shigo gidansa , inda ya tarar da iyalinsa kyawawa zaune saman tabarmar ledar dakin matarsa suna hira sannan ga abinci suna ci cikin annashuwa

Ba yabo ba falasa mai dakinsa ta amsa gaisuwarsa inda Raudat t mike d sauri ta karbi ledar hannunsa da gatarinsa tana ta jera masa sannu da zuwa ta kai gatarin ma.adaninsa sannan ta nufi dakinsu da ledar

Cikin fara.a ya ce" Raudana aa wannan naku ne mikawa mamanku

Cike da murna ta mikawa mahaifiyar su ledar wace ta dago a yatsine ta karba tun kafin ta bude ta ce" ba girin girin ba dai ta yi mai

Fitar da takalman take a yatsine sanna ta dago tana dubansa wanda yayi kasakai yana jiran gannin fara.a a fuskarta sai dai kashhhhhhh abinda fuskarta ya bayanar masa sai yayi dan daman ma bai shigo gidan a wannan lokaci ba

Ba tare da ra bayana farin cikinta ba ta mike ta zubar da su a nan ta kare yi masa kalo ta shige dakinta

A hankali aisha ma ta mike ta yi kamar bata ga abinda ake yi ba ta kwashe kwanon namanta ta shige dakinsu

A tare suka raka su da ido,

Raudat ra yi gagawar mikewa ta kwashe takalman, tamkar wata yarinya karama ta shiga murna harda dan tsalanta ta matsa wajen mahaifinta ta kamo hannunsa ta ce" Abanmu, kamar ka sani kuwa takalmanmu sun tsufa, kai Abanmu Allah ya kara budi ya saka maka fa gidan Aljannah ya kara maka wadatar zuciya da arziki mai anfani

Bai amsata ba, sai wani ciwo da yake ji yana kara yin sama a zuciyarsa
A hankali ya mika hannunsa wajen fuskarta da ta jajir ga sawun yatsutsai wanda du idan an taba lafiyar jikinta baya buya yakan shaida kansa ne koda kuwa an kwana

Dan shafawa yayi ya dago jajayen idannuwansa ya zuba su a kan fuskar yarsa, wace shi yayai imanin da bata tare da shi da tuni zuciyarsa ta buga a irin halayar matarsa da yarsa ta fari, cikin yannayin damuwa ya ce" RAUDANA kin tsokani magana bayan bana nan ko???????


Rauda ta ce.....

.......

......



.......






Tafiya sannu kwana nesa❣





*❣IDAN KA RAINA INDA KAKE❣*



3⃣



Na: *Sajida*




Raudat cikin mutuwar jiki da abubuwan dake faruwa a gidansu da mugun tausayin mahaifinsu ta sada kanta ta ce" babanmu ba komai

Dan murmushi ya kakaro ya dauko canjin aljihun nasa ya rage naira dari kawai ya mika mata ya ce" Raudana yau alhamdulilah an yi samu sosai, kin ga canjin na rago maku ki baiwa yar uwarki

Tamkar ya malaka mata duniya haka ta yi ta godiya tana kwararowa mahaifinta adu.a wace tanai masa a fili shi kuwa yanai mata a zuciyarsa a haka ya juya ya fice dan gabatar da sallah a masalaci


Washe gari ya kama ranar laraba, tun da safe yar karamar wayarsu wace Aisha ta zamneta take ringin , kira na uku ne Amina ke kiran wayar aman Aisha taki dagawa dan cike take da ita

Ran Rauda fari kal tana adu.ar Allah