You Cannot Download this book untill you login but you can read it .

---

Login Register

fadin" wato dai sai an daga maka hankali , aiki? Me zaki yi da aiki *MATA?*

Tare suke da Samir tunda suka fito daga masalaci wajen meeting na manyan mayan yan kasuwa masu rike da kaso 60 na nigeria fannin talafi wa Gwamnati, suna gamawa Samir ya jawo motar wanda kira.a ke tashi sannu sannu

Sudais ya ce" SAMIR, KAI NI GIDAN Su MATA

samir ya juyo ya dan kallo shi, gidansu kuma? Me zai je yi gidansu? Ko laifi ta yi masa?
Aa halayen Sudais ba irin na ya kai kara bane dan matarsa ta yi masa laifi domin ko mahaifiyarsa baya yarda ta san tsakanninsa da matansa dan yau da gobe sai Allah tana iya tsanarsu shi kuwa idan yana da bukatarsu a tare da shi a samu matsala

Samir bai zame ko.ina ba sai kofar gidan su Aba,

A daidai wannan lokacin Aba na zaune saman dan dakalin kofar gidan yana kallon gari haka dai yana dan nazarin duniya

Sudais ya jima yana kallon gidan, da bangon gidan, sannan ya maido dubansa wajen Aba wanda kallo daya ya yiwa motar da ta tsaya a dan gefensa ya kawar da kansa , SUDAIS ya sauke ajiyar zuciya ya tina rayuwarsu ta da can baya su sun ma kasance masu rufin asiri, a hankali ya furta " *ALHAMDULILAH*

Issa mai kanti ne ya zaburo ya zo kussan motar yana dan lekawa sai rawar jiki yake yana fatan Allah ya sa ta samu

Ganninsa ya sa Sudais ya dan zuge gilas din motarsa kadan dan jin lafiya?

Barka yalabai,
Issa mai kanti ya fada yana yage bakinsa hakoransa suka bayana da jan goro futu futu


Sudais ya yi murmushi, sosai rayuwarsu ta da take fado masa, suma sun zauna a irin anguwar nan, sannan sun rayu da irin mutanen nan , wani murmushin ya saki da ya tina majalisar su Abansa, yakan je ne tare da Abba dommin shi yana yaro ma akoy shakuwa tsakaninsa da Abansa sosai

Hannunsa ya fitar ya mikawa Issa sukai musabaha, kafin yake fadin" Gidan MALAN AHMAD muka zo
Domin ya san tsegumin hakan ya fitar da shi, kuma yana sane ya fada masa dan ya san zai iya buda baki ya ratafa masa magangannu yana son sannin datakun surukan nasa

Lumfashi ya sauke kafin yake cewa" ina fatan dai ba yarinyar gidan ba kake so Yalabai? Domin dai kana hangensa can? Wannan shi ne Malan Ahmad, shi kam mutumin kirki ne, talaka ne da ya iya talaucinsa sai dai yayi shirme ya kai yayansa boko, yaran mata ne suka girma har suke kokarin tsofewa a gida tun ana bibiyarsu har ya kasance an janye domin shegen idon cin naira ne da su
Ita karamar dai uban ya bayar da ita sadaka har wasu na cewa ko auren jari yayi wa yar , sai dai tunda aka yi auren yana nan yanda yake jiya i yau baya maganin naira goma sai shegen sabkon zuwa wajen Aiki Faskare

*Faskare?* Sudais ya maimaita a hankali,

Issa ya ce" Faskare ne sana.arsa, har an gajiya aman ba wata sana.ar sai shi

Kai Sudais ya girgiza ya yiwa Samir nuni da ya salami Issa domin ya fara caza masa kwakwalwa

A hankali yake takawa har kofar gidan su Rauda

Yana zuwa yayi salama wa Malan Ahmad

Aba ya juyo yana mai amsa salamarsa,
Sai dai abin mamaki kafin ya mike Sudais ya zube kasa gaba dayansa kansa a kasa ya ce" Aba barka da hutawa

Sai a sannan Malan Ahmad ya gane SUDAIS , ikon Allah daman a samari akoy sauran masu biyaya haka? Mijin Raudansa ne ,

Da sauri Aba ya amsa yana mai umartarsa da ya tashi ya tashi domin wajen ba dai dati ba , kun dai sani😌

Kin mikewa Sudais yayi sai da suka gaisa sosai da Aba kafin yake cewa" zuwa na yi daman na gaishe ku

Malan Ahmad cike da jin dadi yake amsa Sudais, harma ya ce da shi bara ya fadawa mamanta ya shiga su gaisa

Kafin Sudais yayi magana har Aba ya shige dan haka ya shiga dan shafa sajensa

Shiga suka yi a tare inda Sudais yake dan bin gidan da kallo da yannayin hasken farin wata

Tabarma mama ta shinfida kafin take takurewa can gefe ta zauna

Har kasa itama ya duka ya gaisar da ita inda ya ji muryarta irin na Rauda

Mikewa ta yi ta dauko masa ruwa a randa mai sanyin gaske ga kanshin laka ta zuba a kwanon silba na aba na shan ruwa ta kawo masa ta ajiye

A nan hasken farin watan ya bashi damar gannin fuskar mahaifiyar abin kaunarsa
Kamarsu daya shi ne abinda zuciyarsa ta ayanna masa

Mama na so ta tambayi Rauda sai dai kunya da nauyi sun hanata yin hakan har Sudais ya mike ya tafi ba tare da ya ajiye masu komai ba (notez bien bai basu komai ba)

Yana zuwa suka shige mota suka tafi da Samir yana ayanna abubuwa a kasan zuciyarsa

Konci tashi yau an yi sati uku wanda a sati ukun nan zuwan Sudais gidan Su Rauda sau biyar

Ya maida wajen wajen zuwansa ya zauna su zanta dan halin rayuwa da iyayenta harma ya ci abinda aka kawo masa ya tashi ba tare da ya basu ko naira biyar na alkhairi ba

Abinda ya fara birge shi shine bai ga canji a fuskar su koda a wajen amsa gaisuwarsa ne
(Nuna kwadayi ga abin wani, na sakawa ka zama hadamamen mai zalama)

Yana karantar rayuwar iyayen matarsa cikin nutsuwa yana fahimtar abubuwa da dama

A yau ya dawo daga gidan da ya saka ake gyarawa daya daga cikin gidajensa ya shigo a dan gajiye domin ya je ne ya ga irin tsarin kayan da aka zuba a gidan kama daga gadaje kujeru tv kayan kicin da sauransu

Yana zuwa ya tarar da su zaune a falo suna game gardama ya kaure tsakanin su

Ba zato ya zauna shima ya ce " a sake, a saka ta mutun uku

Da mamaki suke kallonsa daga Raudar har Hafsat din
Girarsa daya ya dage yana kallonta ya ce" sannan ni zan fara

Au na manta, mama ta ce a gaishe ki, da ABA

Da sauri Rauda ta dago tana kallonsa, muryarta na rawa rawa ta ce" mammmmamana? Sire Abannna????????

Tana fada ne tana matsowa kusa da shi sosai wanda ya dago idannuwansa ya sauke a kanta.......ya ce""""

*❣IDAN KA RAINA INDA KAKE❣*







Na: *SAJIDA*




*_LITATAFAN MARUBUCIYAR_*

*_Duk Karyar kada_*
*_Yar Mahaukaciya_*
*_Neman na kaina_*
*_Bani da zabi_*
*_Daga tafiya daukar soja_*
*_Idan ka raina inda make_*




*🌈KAINUWA WRITERS✍🏼 ASSOCIATION*🤝🏻
```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation




4⃣8⃣








A hankali ya lumshe idannuwansa ya shiga lailaya lebenta kafin yake isa cikin bakinta, kanshin maclean na frz ne yake shiga bakinsa, idannuwansa ya kara lumshe kafin yake cafke lebenta ...... ..
Sako yake bata iya nan, sakon da ya zo mata a rashin shiri sannan daga mutumin da take shayi........ bata taba kwatanta irin haka da kowa ba, bata taba kawo haka lamarin yake ba........jikinta ne ya dauki rawa ta damke damatsunan hannunsa ta shiga dan girgiza masa kanta dan ya tsayar da kissing dinta kar ta sume masa

Elhaj Sudais Uban masu gida yau ya zama dan gida, ya mace ne a bukatar kara gaba daga nan domin lamarinta na zuwar masa da ba zata kala kala......
Bakin Mata kanshi yake fitarwa, wari bai dake shi ba
Bakin mata laushi, haka jikinta.... gashin kanta kanshi ya salam...... ya salam.......
Cikin nutsuwa ya kame bayan keyarta ya kara kusanta jikinsa da nata still yana kissing dinta ...
Gani yayi tsayuwar bata yi masa a hankali ya cirata a jikinsa bai saki bakinta ba yayi bakin bed da ita
A hankali yake kara sarafa harshensa da nata lumfashinsa na wani irin gudu

Gannin Sire baya jin yarenta ta fashe da kuka tana kokarin cije lebensa
Tsai yayi da abinda yake yi a lokacin kuma aka buga masa wani irin abu na tunani....yarinya ce, sai ta warware, sai ta zama bunkasashiyar budurwa zata iya da kai Sudais....ka bari kar ka tsorata ta mana ka yi hakuri da bukatarka gareta har sai ta isa daukan nauyinka
Du kwakwaluwarsa ce ke yi masa fadan nan wanda a hankali ya samu ya shinfidar da ita saman bed din yana shafa gefen gashinta alamun rarashi

Ajiyar zuciya kawai take saukewa idannuwanta a rufe domin kunyarsa take ji sosai(ki shirya fa) wai dama haka yake?

A hankali ya mike ya daidaita mata gudun ac ya kuma dawowa kusa da ita ya duka sosai ya shafa gefen fuskarta murya can kasa ya ce" ki yi baci, kar ki yi tunani ki dauki rayuwa a yanda ta zo maki *MATA*

Tsikar jikinta sai da ta mimike ta bi shi da kallo har ya mike ya fita a dakin nata

Sudais na shiga dakinsa ya je ya yi wanka ya fito ya yi nafilarsa ya zauna ya yi adu.u.insa kafin yake mikewa a hankali ya hau bed
Bashi da tunani sai nata, bashi da buri sai na kasancewa da ita... yana son a haka ya shigeta ba tare da ta ankara ba, ya kasance bugun zuciyarta wanda sai ta yi nisa da shi zata gane shi ne ita ita ce shi
Yana begenta har baci ya daukesa

Da safe bayan ta gama abinda ya zame mara al.ada wato gyaran dakinta, wankin bayinta, wanke bedsheet dinta... kafin take shiga wanka
A wajen wanka a kadan Rauda na daukaninti goma sha biyar wanka kadai ba wani uzurin ta kasance mai kwalkwalce kwalkwalce, taba nan , wanke can, goge nan, takan hada ruwa har kala uku tana wankanta cikin kuzari kafi ta fito
Abin busar gashi ta dauka ta busar da gashinta cikin nutsuwa kafin take shafa masa man gashi mai sanyin kanshi ta daure shi a gadon bayanta

Yau kuma ta tashi da son saka kayan hausa dan gaka ta dauko wani lesh mai ruwan sararin samaniya (bleu ciel) da dan fari fari wajen adon....lesh din sabon fitowa ne, wato lesh din matan gwana😂, ya hadu ya hade an yi masa dinkin yan matan zamani riga wace ake ce mata makeba sai dai ba mai tsayi har kasa ba bakinta gwuiwa da zaninta da dan kwalinta
Dinkin ya dinku dogon hannu ne da shi cigarette sai wuyan kuwa bateau ne ..(c tres joli l model) cikin nutsuwa ta shafa mayukanta na humra wa.inda suma a dakin aka jera mata domin Sudais ma.abocin kanshi ne
Bayan ta shafa ta saka kananun kayanta pant nd bras kafin take daura zaninta irin daurin hausawa ya hau kugunta ya dauru da kyau ta saka rigar ta ja zip
Dan kwalin ta konce ta dauko abin daurin dan kwali baki dogo na yayi ta kontar da dan kwalin ta saka ta gyara shi da kyau kafin take zuwa gaban mirror ta daura shi ya zauna dasss ta yi daurin zahra bahari aman bayan ta yi shi yayi tamkar bindin zakara kosashe

Tana kokarin dauko sarka ya shigo dakin da salama a bakinsa

Da mamaki ta juyo domin sam bata ji karar shigowarsa ba sai kuma abin jiya ya fado mata a rai wanda ta kwana tana tunawa ta yi saurin juyawa tana dan rurufe ido

Murmushi ya yi ya shiga takawa cikin nutsuwa har ya karaso wajen sarkokin nata
Wata yar siririya fara kar mai dan bul shima farin ne aman mai haske domin ana ganin cikinsa tamkar ruwa ne a ciki sai yan kunayensa siraru suma bakin kafada domin da dan tasayinsu ya dauko ya nufota yana murmushi

Yana karasowa ya gyara sarkar ya sakota a hankali ta wuyata kafin yake balawa ya dan raba kansa da wuyanta sajensa ya shafi wuyanta ta lumshe ido
Murya can ciki ya ce" morning *MATA*

kunya ce ta sakata ta narke a kirjinsa na gaisheran da ya fara, bata iya amsawa ba sai kara lumshe ido da ta yi tana kara shigewa kirjinsa domin yanda sajensa ke hawan mata wuya sai tana jin tamkar yanai mata tafiyar tsutsa ne

Murmushi ya saki, ya ce" wani turare ne kike anfani da shi haka?

Idannuwanta dake lumshe ta dan bude ta kallo shi,
Dan yatsanta ta nuna masa wajen da turaran yake
Dubansa ya kai wajen tarin turarukan ya lumshe idannuwansa, a ransa ya ayanna lalai zai kara oder irinsu domin kanshinsu daban ne a jikin *MATA*

Haka kawai ta rasa abin ce masa sai cewa ta yi" a ina ka koyi saka sarka wa mace?

Tambayar ta bashi mamaki, wa mace? Aman sai ya kawar da hakan ya ce" ya dace mai sana.a ya iya sarafa abin sana.arsa *MATA*

Du idan ya kirata da mata takan ji sunnan wani iri, ya aka yi baya kiranta da RAUDA sai dai ya kireta da sunnan mata mata mata ta dan kebe lebenta


A hankali ya cikata ba dan ya so ba ya ce" ki shirya mu je ki ga mama da Aba

Rauda ta kwalalo ido ta matso da sauri ta riko shi ta ce" dan Allah ? Zaka kai ni na ga mamana?

Idan kika kuma cewa mamanki ke kadai za.a fasa

Da sauri Rauda ta shiga girgiza kai bata ce komai ba ta juya ta shiga neman hijab har jikinta rawa yake

Ya girgiza kai yana murmuahi ya fice

Hijab ta dauko fari kar mai hanaye ta saka ta kara turare ta dauko takalma masu dan tudu farare kar ta saka, ta shafa lips ta juya da dan sauri domin du ji take zai fasa ne

Tana fita ta ga Hafsat sai cika take an ce ba da ita za.a tafi ba
Ai rauda bata iya tsayuwa rarashinta ba dan zumudi ta bi bayansa da sauri

Tana fita ta ga galeliyar mota mai wani irin tsari tamkar kifi domin gabanta ya mike kamar gaban jirgi
A hankali ta taka ta karasa ta ga Humaira zaune a gidan gaba ta sha itama shiri aman itama hijab ne a jikinta ta zagaya a hankali ta bude bayan ta shiga ba tare da ta yiwa kowa magana ba

Cikin nutsuwa yake tuki har suka karaso gidan su Humaira
Nan ta fara fita kafin Sudais ya umarci Rauda da ta fito su shiga su gaisar da iyayen Humaira

Sai da gaban Rauda ya fadi, a ranta ta ayanna lalai dole Humaira ta ringa daga kai ashe iyayenta masu kudi ne haka, tap tama yi kokari domin da wata ce abin sai ya fi haka ( baki san garin ba )

Har kasa ta duka ta gaisar da mahaifiyar Humaira , ga mamakinta raji raji tamkar ba ita ce maman Humairar ba domin sam halaya bai zo daya ba
Harda yar nasiha ta yi mata kan su zauna lafiya Allah ya hada kawunan su
A haka sukai mata salama suka fice

Tafe yake a hankali yana tuki da kansa , yakan dan waigo ya kali Rauda da jikinta du ya yi la.asar bai san dalili ba..............









Sajidar mama😍


*❣IDAN KA RAINA INDA KAKE❣*







Na: *SAJIDA*




*_LITATAFAN MARUBUCIYAR_*

*_Duk Karyar kada_*
*_Yar Mahaukaciya_*
*_Neman na kaina_*
*_Bani da zabi_*
*_Daga tafiya daukar soja_*
*_Idan ka raina inda make_*




*🌈KAINUWA WRITERS✍🏼 ASSOCIATION*🤝🏻
```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation




4⃣9⃣





Kyauta gare ki kausar tun daga saudiya,



A haka ya karaso anguwarsu , nan ta dago ta shiga bin layinsu da kallo, yana nan yanda yake ..., canjin da aka samu sai karin kwatoci da kananun yara suna yawo ko.ina datin jikinsu ma ya ishe su,
Sai gugun gugun samari ana zaune ana tadi sai dan tsirarkun yan mata wasu daga makarantar islamiya , wasu an aike su, wasun kuwa kawai yawon anguwa ne basa nan basa can

Daidai kofar gidansu ya ja ya tsaya
Sai a wannan lokacin gabanta ya fadi, tuno auntynta da ta yi ya boye mamakin ya aka yi ya san gidabsu kwata kwata

Ko mu juya?
Ta ji muryarsa mai tsada ya aiko mata da tambayar
Cikin nutsuwa ta girgiza masa kai
Ta ce" mu mu tafi tare?
Domin a yau ji take tamkar bakuwa a gidan su, sannan bata san me zata tarar ba... auntynta na nan? Me ta fadawa mamansu kan mijin da ke aurenta? Shin ya mama ta dauki lamarin?

Bata ma san ya fita a motar ba sai da ya bude gefen da take ya mika mata hannunsa na dama bai iya ce mata komai ba

A hankali ta saka nata hannun ta fito cikin nutsuwa aman kafafuwanta suna mata rawa

Gannin mutane ta shiga kiciniyar karbe hannunta aman yaki saki
Kasa kasa ya ce" *MATA* ki bani nutsuwa mana kar ki fadi

Ajiyar zuciya ta saki kafin take jin dan karfi karfi ta kama kanta du da haka ta dan labe a bayansa tana bin yan anguwa da aka fara taruwa ana " lah Rauda ce, wly Rauda ce

Shiga ya fara yi da salama, domin shakuwa ta shiga sosai tsakaninsa da su aba har an janye masa iyaka da gidan

Mama ce ta dago tana faman hasa wuta a bakin murhu dan dora koko ta damawa Aba ya sha kafin ya fita domin yau shi kawai aka samu

Amsawa ta yi tana murmushi ta mike tana kara gyara hijabinta baki har kasa sai dai me Raudanta ta hango a bayansa
Du kawaicin mama sai da ta ce" Rauda? Da mamakin anya kuwan Raudan ne?

Ai Rauda tamkar jira take da gudu ta je ta fada jikin mama ta saki wani irin kuka
Mama kanta idannuwanta ta lumshe ta hana hawayenta zubowa, a hankali ta shiga dan bubuga bayan Rauda kafin ta dake ta cireta a jikinta ta ce" ke bana son sakarci kukan fa? Ke har yanzu ba zaki girma ba?

Rauda ta tsaya tana kikifta ido tana faman komawa jikin Maman

Muryar Abanta ta ji ya ce" Raudana ne?

Ai da qani irin ribos ta juyo ta gansa ya fito daga daki da rigarsa doguwa jalabiya da hula , ta tabata da kayan aiki a kasan wa.innan
Da sauri ta karasa wajensa ta kamo hannunsa ta dora kanta shima ta fashe masa da kuka

Aba ya ce" kai kai kai, autan Abanta kuka kuma? Kar ki ce min na murna ne domin na fi so a dara min idan har farin cikin ganina ake

Ai sai ta dago kai tana kallon sa ta shiga dariya hadi da kuka tana shesheka

Shima ya yi dariya yana goge mata ido daidai nan ya ja hannunta wajen tabarmar da mama ta shinfida har Sudais ya yiwa kansa masauki yana kallon yanda Rauda ke zuba shagwaba

Amsa gaisuwar sudais ya yi a mutunce kafin yake cewa" ka yi hakuri fa yau mutuniyar yan rigimar a kai suke an shigo da kuka

Bakinta ta turo ta kara lafewa a jikin Aba tana mamakin kennan sun san wa suka aura mata ko me?

Nan ma ya dan jima kafin yake tashi ya ce zai je wajen aiki idan ya taso zai dawo ya dauke ta,
Da ido yake kallonta ko zata taso ta yi masa rakiya ya hana ta kukan nan aman ina sai ma ta sauka ta zauna sosai jikin mama tamkar ta koma cikinta ta ki gane yaren sa
Haka ya fita yana tunanin bata ci komai ba ya fito da ita da kuma koke koken nan shi fa tana faman caza masa kwakwaluwa da tunani

A hankali ta dago daga jikin mama, ta shiga waiwaigawa bata ga aunty ba, ko ta je makaranta?

A hankali ta kallo mama da itama ita kawai take kallo tana jin farin cikin Raudanta ta samu konciyar hankali,
Murya a shake Rauda ta ce" Mama, wai dama kun san wa kuka aura min?

Mama ta ce" da farko ban sani ba, sai daga baya
Rauda ta gyada kanta, ta ce" mama, ban sani ba mama, ban taba sannin shi bane sai da na gansa, na yi kuka na yi kuka har na gode Allah mama, ba zan taba amincewa da haka ba da da sani na

Mama ta hada rai ta ce" me kike nufi da hakan?

Rauda ta shagwabe fuska ta ce" mama baki gane shi ba ne? Shi ne fa na wajen Aunty? Mama auntyna tana fushi da ni na tabata

Mama ta ce" ehe sai aka yi yaya?

Rauda ta shige share hawayen idannuwanta ta ce" ba sai ya sawake min ba ya aureta?

Mama ta zaro ido ta buge leben Rauda ta ce" kul, Rauda baki da hankali? Aure ya kusan kwana arba.in ki zo min da maganar mijinki ya sake ki ya auri yayar ki? Wani zama ne kike a gidanki da mijin ki? Ke ina islamiyar da kika kwashe rayuwarki kina zuwa? Me ake koya maku ne a can? Ya Rab Rauda bayan shirmen harda rashin hankali ke damun ki?
Sosai mama ke fada kafin ta sasauta muryarta cikin nutsuwa ta ce" Rauda, auren shi ake kira da ba wanda ya isa ya hana shi, tabas da zai zo da wani ja.in jar mu da kafin a daura shi Allah zai sanar mana, ke yanzu kike gannin a wannan lamari kina da ja ne? Ni auren nan bani da abin fadi sai adu.a Allah ya sanya alkhairi Rauda, auren nan ina ji a jikina du wanda ya ce zai ja da shi yana cikin rigimar rayuwa,
Rauda ki kontar da hankalin ki, wannan mutumin Allah ne ya hada auren nan naki da shi, ki bi shi ki yi masa biyaya a matsayinsa na mijin ki, ki faranta masa ki nemi lahirar ki, ba wanda ya isa ya ja da abinda Allah ya tsara Rauda, ki kadara in dai har auren nan naku ya rabu da wannan bawan Allah to fa Allah ne ya yi zaman ku ba mai dorewa bane, kar ki yarda ki furta masa kalmar ya sake ki koda kin furta ki nemi gafararsa, ba inai maki wannan nasiha dan yana wani a nigeria ba, inai maki ita ne dan ina son ki shiga inuwar aure ki samu albarkarsa gobe kiyama ki samu rabauta

Rauda kam du ta yi sanyi, bata taba kawowa mama zata yi mata nasiha kan auren nan ba, kanta a kasa tana jin du abinda mama ke fada har ta tsaya tana sauke ajiyar zuciya domin har zuwa lokacin a hasale take da irin furucin Rauda wai ya sake ta, tana jin kunyar kanta domin tabas wannan na cikin dabi.arta , ba komai ban3 a wajenta ta yi tsaye daga wani abin ya hado su da malan ta ce masa ya sake ta a gaban yayanta ko shi ya sa du irin ilimin da ta baiwa yayanta na islamiya da boko hakan bai yiwa Rauda nauyi a bakinta ba ta fade shi gatsal haka?

Hawaye ta ji sun tarun mata a idannuwanta kafin ta goge har sun samu damar zubowa

Hankalin Rauda ne ya tashi ta riko hannun mama ta ce" mama kuka? Mamana kuka kike? Ki yi hakuri mama ba zan kara ba, ba zan kuma ce masa ya sake ni ba koda yankan naman jikina yake, bana son bacin ranki mama

Mama ta janyota sosai kusa da ita ta ce" wai ke din mai dama daman kennan ina ga yar uwarki? Na cuci kaina na zuba rayuwa tamkar ta dabobi ina baranci a gaban yayana gashi yanzu ina gannin abubuwan da sukan iya tsayar da bugun zuciyata ,

Ina aikin me na ringa ginawa kaina ramin mugunta ina muzantawa mijina a gaban yayana a tunanina isa ce dan na isa da shi ni yar wane ni yar gata ni meron miji ina tuka sitiyarin ragamar rayuwarsa ina iza shi du a tunanina isa ce ashe ni na gama ginawa kaina ramin da in ba Allah ya tsaya min ba idan na afka na kade ?

Mama ki daina irin magangannun nan , ba zan kara ba na yi maki alkawari ... Rauda ta kuma fada tana kara rike mamanta

Mama ta ce" ba zaki fahimta ba Rauda,
Aman yanzu ki misalta min irin yanda hankalinki yake