You Cannot Download this book untill you login but you can read it .

---

Login Register

kasan zuciyarta ta shiga furta" ohohoh mutumen nan har yanzu ya kasa sakewa dan kawai wannan rusheshiyar matar tasa ta rasu, to dama mene sauran ciwo kawai ita kulun tana fama ita ba ga kura ba, ita ba turare mai karfi ba, ita ba cin tashi ba, ita ba shan kankara ba, ita ba shan ac ba abubuwa dai da yawa ita sun fi karfinta wannan ai mutuwa hutu ne gareta ma🤦‍♀, ta yatsina fuska ta ci gaba da zancen zucin ta tana fadin sai ka ci gaba da tunane tunanen sai na ga gaban nan wa zakana fakewa da halayensa kanai min gorin na yi koyi da shi domin kuwa Allah ya sa ni din nan dai da ka yawaita nuna bani da halaya ni ce daya kwalin kwal matar naka MU SUDAIS

nufarsa ta yi ta dan duka, wanda warin man bleating din da take kamar hauka ya bige shi ya hautsina masa yayan hanji ya saka shi zabura da dawowa a duniyar mutane sannan ya dan ja baya ya sauke mata jajayen idannuwansa a kanta

Farfar ta yi da idannuwanta ta kara matso shi sosai ta kashe muryarta ta yi kalar tausayi ta ce" ya dace mijina ya kula da lamarina, kwana takwas fa ba wasa ba

Tsai yayi da idannuwansa a kanta, ya kasance namiji mai yawan bukata, yana da yawan kaiwa iyalinsa ziyara sai dai a yanzu ya kasance cikin zulumi, yana afkawa duniyar tunani na irin warin da matar da ta kasance kwalin kwal a wajensa a wannan lokacin da take fitarwa, warin da ba haka take ba ta dai siyawa kanta dan ta birge, wanda yake hana shi nutsuwa maimakun ya samar masa, wanda ke rikita masa dukan wani abin dake tatare da farin cikinsa dan karni ne take tamkar an zuba mata jini a jikinta hakan kuwa koda ta yi wanka da turare ne

Katse masa tunaninsa ta yi lokacin da ta dora hannunta na dama saman nasa ta ce" tunanin me kake haka? Har yanzu ba zaka daina tunaninta ba? Ka yi hakuri ka bita da adu.a kar ka shiga hakina

Lumshe idannuwansa ya yi bai iya ce mata komai ba, ya mike ya shiga babale boturan rigarsa domin rabun masan nan da ta yi ji yake shi kanshi ya kwashi warin

Dakinsa ya nufa yana shiga ya tarar an mayar da katifarsa, an gyara gadonsa an canza zanin gadon da komai harda su turaren wuta

Direct bayi ya nufa dan watsa ruwa ya konta ko zai samu bacin da ya jima rabonsa da shi domin kansa har ji yake ya yi masa nauyi sosai

Zuzuta kyaunsa, zuzuta kyaun gidan su, na yan uwansa take tunda suka dawo, can ya dora kafa daya kan daya ta ce" mama kin san wani abu kuwa

Mamansu ta girgiza kai ta ce" aa sai kin fada

Aisha ta ce" matar sa, matar sa, man bleating ne take ya mugun ci mata fata ya shige ta sosai ya bata mata kafa domin kafarta ta shaida ta da hannayen ta, ta wani hakimce ita ga matar gida sai shan kanshi take tana basarwa tamkar ita ce mai kudin, uhum mama zata gane bata da wayo idan na shiga gidan oga SUDAIS, zai ajiye fari na ainahi, kyau na Allah, halita tsarara ba irin nata ba, Mama koda a cikin hijab take ina iya gane yannayin tsarin halitarta ba wata tsarara bace sam wannan ba matar gaban mota bace

Mama ta ce" aa, ya akayi du gayun sa ya tsaya a mai bleating? Duk matan nan na duniya?

Aisha ta ce" mama, ina tunanin dan na more rayuwana ne Allah ma ya sa ya auri mai bleating

Mama zata yi magana wata mata ta yi salama,

Cira cira da ita, hijab ne mai ruwan kasa a jikinta aman har ya zama baki dan dauda, ga yaronta ta matkayo shi jikinsa dati har wani shuni yake na dati
Gaba daya suka zuba mata ido, ta zube kasa ta shiga gaishe su

Mama da Rauda kawai ke amsawa inda Aisha ta yatsina fuska ta tashi ta dauke kofin su na shan ruwa ta mika daki ta dawo tana hade rai tamkar ta ga kashi

Matar nan ta ce" dan Allah hajia ki taimaka min ki ban aikin aikatau koda siyen kayan miya ne na ringa yi maki ina samun abinci koda kanzo ne ina ci ina baiwa yarona

Ta karasa maganar tana kara risinawa ko Allah zai sa a dace

Ido kawai Rauda ta zuba masu, wani tsoron Allah ya kara shigarta a ranta take furta alhamdulilah Allah mun gode maka da ni.imar da ka yi mana , Allah ka kara yi mana arziki mai anfani

Muyar mama ce ta katse ta tana kallon matar ta ce" baiwar Allah, da ake zuwa aikatau gidan masu da shi dan ka samu abubuwan anfani na alkhairi ka karu har ma ka kara wasu da shi ke kuwa mai zamu baki a nan? Mu kanmu mun samu na yau muna neman na gobe ne fa

Ta kuma sada kanta ta ce" hajia mun yi yawo ne har mun gaji kofa kofa sai dai a kore mu ko a bamu hakuri dan datin nan dake jikin mu, ku yi hakuri ku dauke ni inada kuzari ba zaku yi kuka da ni ba

Ke ke ke, malama tashi tashi tashi, mai kike nufi? Da wannan kazantar ta jikin ki da goyo zaki yi wa wa aiki? Kinga mike ki kama gaban ki mu kam ba zamu dauke ki a nan ba! Aisha ta katse ta da mugun fada ranta bace tana nuna kyankyaminta a fili

Kara risinawa matar nan ta yi , kana ganninta ka tabata ta jigata, a gajiye take sosai , wahala ta nakasata, ta share gumi ta ce" ki yi hakuri hajiya, yanda Allah ya taimake ki ki taimak........
Ke dAllah malama nace ki mike ko ana dole ne? Ki fice mana a gida tun kafin na wulakanta ki haba!

Saurin mikewa ta yi tana kara gyara yaronta da ya tsalara kuka yana kankame jikin mahaifiyarsa cike da tsoron yanda Aisha ke zazaro ido tana masifa tamkar zata doki mamansa

Mama bata iya cewa komai ba dan tana gudun furta wani abu ran aishar ya baci hakan ya sa ma ta mike ta yi daki

Da sauri Rauda ta fito da leda baka ta bi bayan matar nan da gudu ta ce" malama, malama

Dakatawa ta yi ta juyo tana kallon Rauda

Rauda ta karaso ta miko mata ledar da naira dari ta ce" ki yi hakuri ki ci gaba da neman aikin, Insha Allahu zaki dace, ga wannan tufafina ne duda sun sha ruwa ki samu ki canza naki sai wannan kadan ne ba yawa nima iya shi ne ya rage min Allah ya sa ki samu aikin

Godiya ta yi ta yiwa Rauda inda ta tsaya ta bita da kallo har ta shige gidan su
Murmushi ta saki ta bi kudin da Tufafin da kallo a fili ta furta" *alkhairin ki zai bi ki RAUDA* (😳😳😳😳😳)


*❣IDAN KA RAINA INDA KAKE❣*







Na: *SAJIDA*




*_LITATAFAN MARUBUCIYAR_*

*_Duk Karyar kada_*
*_Yar Mahaukaciya_*
*_Neman na kaina_*
*_Bani da zabi_*
*_Daga tafiya daukar soja_*
*_Idan ka raina inda make_*




*🌈KAINUWA WRITERS✍🏼 ASSOCIATION*🤝🏻
```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation




1⃣9⃣



Matarnan na gama fadar hakan ta fice!

Rauda na komawa ta tarar aisha sai fada take tamkar ta ari baki, tana rantsuwar idan ta Auri Sudais ba zata dauki yan aiki a nigeria ba dan kuwa ba zata amince tana ji tana gani a kawo mata karnin talauci ba!

Rauda ta girgiza kai kawai ta shige bayi dan dauro alwallah

Har karfe tara na safiyar larabar nan Rauda bata fito daga dakinta ba, hakan ya sa mahaifiyarta shiga tana fadin" RAUDA, lafiyarki kuwa na ga har kin yi lati yau bayan nan da kwana hudu za.ai maku albashi kar ki yi wasa fa a taba maki albashin ki

Rauda dake konce saman katifar su tana ta bari, jikinta ya dume da mugun zafi ta kasa furtawa mamanta komai dan kuwa bata jin zata iya buda bakin nata

Da sauri Nana Mariama ta karasa tana fadin" subahannalahi, Rauda da zazabi kika tashi yau? Ya Allah ka ji kaina kar ta yi maki irin abinda take maki
Idan rauda na zazabi takan yi mata duka ne mai zafin gaske domin har combilser take tana zabura jikinta na dumewa da mugun zafi har rike su ake a asibiti , zazabi dai bayai mara da dadi

Janye rufar da ta yi da hijabi ta yi, ta dora hannunta a saman wuyanta, da sauri ta janye hannun tana fadin ta faru ta kare domin kuwa jikin Rauda har wani huci yake saki kuma da alama bama ta gane wanda ke kanta ta fara yin nisa

Jiki a sanyaye ta konce harshen zaninta, daman da dari uku ta tashi, mahaifin su Rauda ya kara mata dari hudu kafin ya fita, Aisha ta karbi dari hudun ta bara mata ukun wanda ta yi niyar ta baiwa Rauda dari biyu ita kuwa ta sha garin kwaki da rana

Ajiyar zuciya ta saki domin kiwa dari ukun nan ko kudin mota ba zai ishe su zuwa asibitin gwanati ba bale a yi maganar siyan magungunna dan kuwa koda an duba ka kyauta kai zaka sayi maganinka

Mayar da dubanta ta yi wajen Rauda, dan haka ta mike da gagawa ta janyo hijabinta ta kara dakin na rauda ta fita da mugun sauri ta tari mai napep ta dawo ta talaba da kyar ta saka mata hijab ta fito da ita ta rufe gidan suka shiga adidaitan ta yi masa kwatancen gidan yar uwarta ko Allah zai sa ta bata wani abin ta kai Rauda asibiti

Suna zuwa ta fito da rauda ta bashi dari biyu da hamsin yayi mata sauran naira hamsin ta talaba Rauda ta shiga gidan bayan ta gaisar da mai gadi ta gaisar da kishiyar yayar tata wace ta amsata a yatsine tana nuna kyankyaminta a fili

Tana shiga baban falon Yayar tata ta samu ta shinfidar da Rauda saman doguwar kujera saman wani dan kwali ne ko hula ita kam bata tsaya lura ba

Mai aikin Aunty salma ce ta shiga dan sanar da ita zuwan kanwarta NANA MARIAMA

AUNTY salmar ce ta fara fitowa da fara.a a fuskarta ta zauna suna gaisawa nan ta lura da Rauda ta ce" kai wannan kamar mai kin gidanna ( haka take kiran Rauda, domin sam Rauda bata son zuwa gidanta dan yarinyarta Sarah dake da wani irin hali irin na mahaifinta wulakanta talaka koda kuwa dan uwanta ne)

Murmushi Mama ta yi ta ce" eh ita ce, zazabin nan nata ne ya zubo mata, mu kuwa mun tashi garin a cure

Auntu salma ta fahimci inda zancen Mama ya nufa, ta sauke ajiyar zuciya ta dafe kanta, murya a bace ta ce" kinga irinta ko Mariam, kin ga abinda nake fada maki ko? Ki duba ki ga irin rayuwar da kika zabarwa kanki , ke soyaya ko? Ki duba ki ga da kyanki, da dirinki kika kare a talaka wanda shi kansa bai samu cin yau bare na gobe ba harda su haihuwa da shi dan kasada, ke yanzu da ban sa an tsayar da haihuwar nan taki ba fa da kin ci gaba da zubo masa yaya yana takama ya ajiye zudediyar mata a gida bayan ya kasa magance maki matsalolin ki bare na yayanki, yanzu wannan abin kunyar har ina? Yarinya karama da ke aman du wahala ta saka kin yamutse tamkar kece babar ni kuwa kanwarki,?

Rauda ce ta fara sakin dan nishi a hankali ta shiga dan mimikewa tana juya kanta a hankali wanda ke nuni da tana jin jiki sosai

Ido ta dan zaro ta ce" wai kwannan duniya dama haka zazabi ke wahalar da ita? Kuma kin tabata ba wani ciwon ke dawainiya da ita ba?

Mama ta sauke ajiyar zuciya bayan ta bi Rauda da kallo, ita tama kasa magana sai gyadawa yayarta kai kawai da ta yi

Sunnan Sarah ta kwala da kira wace ta fito da waya tana ta zuba sangarta tamkar yarinyar goye ta mikawa mamanta waya tana fadin" Mom kin ga grandma ko? Wai dole sai na je birthday din limo ni dai aa ba zan tafi ba

Ido Mariama ta zubawa Auntynta wace ta karbi wayar mahaifiyarsu tana dariya tana amsa kiran , ji take tamkar ta karbi wayar ta zube a kasa ta bata hakuri, ta fada mata ta yi nadamar bijire masu da ta yi , ta fada masu su yafe mata su karbeta da yayanta

Tana ji tana ganni har ta gama wayar ta kashe sannan ta yiwa Sarah umarnin ta dauko mata dubu goma a cikin jakarta

Sarah ta yatsina fuska, ta bi kanwar mamarta da kallo mai shigen harara bata iya ta gaisar da ita ba ta juya a kasan zuciyarta tana furta sai na fadawa grandma ko matar nan mai nacin tsiya zata bar mu mu sarara a cikin gidan ubana!

Tana fitowa ta mikawa mamanta kudin ita kuwa ta baiwa Mariama ta mike tana godiya ranta a mugun jagule ta cicibi Rauda ta talafota ita kadai suna kallonta har ta fice a fallon

Da kyar ta samu mai napep ta tsayar ya dauko su ya kai su asibitin gwamnati

Yelemin kuwa suna zuwa aka basu gado aka rubuta magungunna ta tafi nema wanda tashin farko sai da ta kashe dubu biyu ta dawo ta mikawa likitocin nan aka yi mata allura aka saka mata karin ruwa



Yau kwannan Rauda biyu a rike a asibiti, sai dai sam bata dayo yanda ake so ba

A yau ne Sudais ya diro kampani dan gyara takardun biyan ma.aikatansa

Tunda ya zo yake zuba ido dan gannin ta inda zata fito, aman shiru ba ita ba alamarta har lokacin cin abinci ya yi Salif ya kawo masa nasa ya juya aman ya kasa koda kallon abincin ne bare ya sa ran zai iya ci, a hankali ya dana wayarsa ya shiga laluben lambar SAMIR

Salif na fitowa ya dubi kofar Rauda, shi kam ya rasa ya zai yi da tunaninta, ta zo ta tsaye masa a zuciya ta hana shi sukuni aman yau zai bi yayarta ko zata fada masa inda take ( kai ko😳)

Tunda ta fito yake dan binta da motarsa 4×4 aman ta ki tsayawa

Gannin ba zata tsaya ba ya saka shi fitowa da sauri ya sha gabanta ya hade hannayensa biyu ya ce" Auntynmu dan Allah ki saurare ni, ki yi hakuri aunynmu na kasa jurewa ne kwana biyu bata zo aiki ba, ina cike da zulunmin ko ta fasa aikin a nan ne, Aunty ina Rauda ta shiga kwana biyu?

Ja ta yi ta tsaya, cikin yan sakwani ta karanci Salif, ba laifi gy din ya hadu sannan da yan canjinsa ta yi murmushi a ranta take ayanna wace rana Rauda ta yi abin kanta, dan kuwa Salif bashi da laifi

Dan yatsina fuska ta yi ta ce" menene tsakaninka da kanwata?

Salif ya dan sosa keyarsa ya kallo Aisha ya ce" auntynmu ina fatan dai ba.ai mata miji ba?

Aisha ta dan saki murmushi ta girgiza kanta ta ce" eyah, LALLANA bata da lafiya ne tana asibiti ma an kama ta

Ido ya zaro harda dora hannun a kansa ya shagwabe fuska ya ce" eyah, rashin lafiya bai yi min adalci ba, aman aunty ya za.a yi na ganta ne?

Aisha ta kara waigawa ta kali motar, kalar ruwan baki ce, a ranta ta ayanna ba laifi zan dan kankaro mutunci , ta ce" ai yanzu ma can na nufa idan kuwa zaka je mu tafi

Samir dake nesa da su bai san mai suke tataunawa ba, shi dai yana biye da ita ne bisa umarnin ogansa dan sannin inda Rauda ta shige kwana biyu wanda da kyar ya kwaci kansa bisa uzuri da ya nema ogansa ya yi masa

Gani ya yi Aisha ta shige motar Salif, ya girgiza kansa a fili ya furta ke kam sai kace taxi? Kowa ma so kike!

Biye yake da su har suka karaso wajen asibiti inda Salif ya tsaya wajen masu abarba da lemo da sauransu ya sayi kaya guda ya biya suka shiga

A hankali Samir ya tsayar da motarsa ya fito ya bi bayansu

A cikin dakin mutun biyar ne a konce, kowane da masu jinyarsa abinka da ba mutun daya ko biyu ba sai dakin ya dume yake fitar da wari wari hakan kuwa du iya kokarin mama wajen kuna turaren haki da ya cinye sai warin ya dawo

Suna shiga Aisha ta ja dankwalinta ta rufe hancinta ta nufi wajen gadon tana yiwa Salif iso

Har kasa ya duka ya gaishe da Mama mariama, shi kuwa Samir ya ja kusan wani tsoho marar lafiya da yake barci ya tsaya yana sauraron su

Aisha cike da fara.a ta ce" mama, wannan saurayin Rauda ne a wajen aikin mu yake shi ne gaba daya chef din bangaren abinci

Wata irin bugawa kirjin Samir yayi , jin abinda ake fada , Salif.... ne saurayin Raudar??????

Katse masa tunani suka yi lokacin da Salif ya dawo da docter yana fadin" docter, a taimaka a bamu patient dinmu mu koma privet hospital

Dumdumdum gaban Samir ya kuma faduwa, ya rasa hanawa zai yi, kallo zai yi har su gama? Ko ya zai yi? Shi dai abinda yake da tabacinsa shine ba Salif kadai ba shi kansa a matsala yake.......


*❣IDAN KA RAINA INDA KAKE❣*







Na: *SAJIDA*




*_LITATAFAN MARUBUCIYAR_*

*_Duk Karyar kada_*
*_Yar Mahaukaciya_*
*_Neman na kaina_*
*_Bani da zabi_*
*_Daga tafiya daukar soja_*
*_Idan ka raina inda make_*




*🌈KAINUWA WRITERS✍🏼 ASSOCIATION*🤝🏻
```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation




2⃣0⃣



Bai gama yanke hukuncin abinda ya dace ya yi ba ya ga nurse biyu sun tura RAUDA saman garon asibiti mai taya an shige ambulance da ita su kuwa su Salif sun shiga motar sa da Mama da Aisha

Hannayensa biyu ya dora saman kansa a fili ya furta" na shiga uku!

Daidai lokacin wayarsa ta kwashi kuka, da sauri ya daukota a aljihunsa ya duba sunnan mai kiran *OGA SUDAIS* ya gani a rubuce hakan yayi daidai da bugawar zuciyar sa

Kin dagawa ya yi ya nufi motarsa ya tada ya bi bayan su a guje wanda da kyar ya samu ya cin masu suka karasa asibitin tare

Karban su aka yi da hannu bibiyu aka basu gado , nan kwararun likitoci suka shiga aikin su kan Rauda

Jiki a sabule Samir ya juya ya nufi gida wajen Sudais......

Aba na zuwa asibitin gwanati ya ga wayam ba su Raud ba alamunsu gadon da take har an dora wani tsoho
Gabansa ne ya yanke ya fadi, shi dai da safe kafin ya tafi Nema a yanda ya barta bata ma shaida wanda ke kanta domin jikinta zafi rau ta zubo mata kuma yanzu ya dawo ya ga basa nan

Da mugun sauri ya juya ya nufi wajen likitocin, tun kafin ya karaso yake yi masu nuni yana tambayar su inna yarinyarsa?

Da yake wasu likitocin ne suka canji wa.incan sai suka tsaya sokoko dan kuwa basu san wace yarinyar tasa ba!

Abinka da halayen wasu likitocin har sun fara yi masa masifa , daya daga cikin wanxen nurse din ta fito ta gan shi nan ta fada masa ai sun canza asibiti sun koma ta kudi ta fada masa sunnan asibitin

Tsai ya yi ya dan jima kafin yake samu ya fita a asibitin

Tafe yake yana tunani a cikin zuciyarsa, tambayar kansa yake wai dama idan *baka da kudi ba.a gannin mutuncin ka? Maganarka ma zaka rasa mai saurare?* yanzu ya dace abinda Mariam ta yi masa kennan? Koda bashi da karfi, koda ba lalai ne ya bada gudunmuwarsa a haka ba koda aljihunsa ba nauyi yana da iko na matsayin da Allah ya bashi na mahaifin yaran nan, aman komai ta tashi sai ta shige gaba ta aikata abinta ba ruwanta da ya zai ji, mai zai ji, bale a kai ga abinda yake so a yi ko kar a yi wato umarninsa ko ra.ayinsa! Yakan tambayi kansa shin rabuwarsa da uwar yayansa ne ya fi masa alkhairi bayan tsayin shekarun nan ko hakuri zai yi ya ci gaba da fuskantar matsaloli irin haka kamar yanda aminina Salisu ya sha fada min Allah jikan rai cewa *Ahmad Auren yar masu kudi kai talaka gaba da baya,? Ahmad kana son ka saka kanka a tashin hankali ne ko me? Menene damuwarka da zaka kai kanka ka saka a irin wannan rayuwar a matsayinka na wanda aka ajiye ba baka ba wani ajiya ba? Dadaya ne a cikin irin yayan masu kudin nan zaka aure su ku zauna lafiya kai ko mai kudi dan uwansu sai ka zamto a sama kake kaima! Ka kara tunani kar ka dawo ka ringa dana sani daga baya*
Ajiyar zuciya ya sauke ta barkatai a fili ya furta" ba laifina bane aminina , giyar soyaya da tausayin Mariama ne suka kwashe ni idannuwana suka rufe ta yaudare ni sa kalamanta da nuna tsantsar soyayarta wa ni ta dawo yanzu take wulakanta ni,
Ya Allah ka yi min magannin wannan damuwar ya ubangiji


Glas na inox ne ya saki ya fadi kasa tartsatsa cike da tashin hankali ya juyo ya ce" bata da lafiya? Tun yaushe? Me ke damunta? Kuma a ina take? Wani likita ke kulawa da ita ne?

Samir ya ce" oga ai a asibitin gwamnati take, yanzu salif ya mayar da ita ta kudi

Tsai yayi ya dakata jin suna salif, wai salif waye kuma salif?
Tsare Samir ya yi da ido, yana jiran jin karin bayani aman shiru samir sai wani kara sada kai yake tamkar yana gaban sarki

Sudais ya ce" a tunanina bata da dan uwa muharaminta mai suna SALIF! WAYE SALIF! Ya karasa yana daga murya

Samir ya dan ja baya ya shiga koro masa dukan abinda ya faru a gaban idannuwansa

Sudais kai tsai yayi tamkar gunki yana sauraron abinda Samir yake fada, wai wani gardi, gardin ma Salif, yaron da ko gaishe shi zai yi sai ya risina yana girmama shi yana kiran shi da yayan sa, yaron da idan fito na fito ne ba zai yi gigin ya dora sahunsa a kan na Sudais ba shi ne yake son *MATA!*

juyowa ya yi ya ce" du yanda aka yi laifinta ne, laifin yarinyar nan ne, dan me ita du inda take sai ta yi kokarin tayar min da hankali ta ja min bacin rai? Wai me ke damunta ne haka? Yanzu a shiga wajen cin abincin har ta yi sabon da ta kula soyaya da wannan karamin yaron?

Ya hade hannayensa ya jimke ya ce" Ni kuwa karya suke gaba dayan su, ba zai yiwu na yi takara da wannan yaron wajen neman soyayar Mata ba! Ko ya ki ko ya so, ko mutuwa take itama sai ta barshi! Samir menene aibuna da yarinyar nan ta kasa fadawa tarkon so na kamar yanda sauran yan matan ke so na? Ko dai ita ganina take tamkar dodo?
Ya karasa yana tsare samir da ido

Samir ya sauke ajiyar zuciya, domin a yanda ya tsamaci abin ya zo masa da sauki, aman abinda yake tsoron fada a yanzu shine abinda yake son fadawa ogan nasa

Samir ya dan kara gyara zaman sa ya ce" Elhaj ni da san samu na yi da na fada maka salon yan matan zamani masu aji

Sudais ya dan dage girarsa ta dama ya kara tsare Samir da kallo

Samie ya ci gaba da magana gannin bai kyare shi ba ko ya dakatar da shi, ya ce" wato oga, yan mata fa sunna suka tara, wasu zaka ga dan tsabar