You Cannot Download this book untill you login but you can read it .

---

Login Register

shi a kasar nan? Aman ya haka shiru sai jibga jiban dawissu da ake kiwo suna ta baza fifike sun fi karfin irgenta masha Allah, sai aku kuturu da ta hango can wani gefe suma masu dan yawa,

Motar ta ji ya taka hakan ya sa ta bado hankalinta wajen sa

Fitowa ya yi ya bude gefenta ya ce" bismillah

Ta jima tana adu.a kafin ta yi tawakli da Allah ta fito jikinta a matukar mace sai kara kallon gidan take tamkar sabon shigowa birni

Aman ya aka yi na ga abubuwan kiwo? Bana gannin mutane? Ina mai gadi?

Samir da ya kunnawa Sudais komai tun zuwa daukota yana sauraron su ta karamar wayarsa ya ce" ba mai gadi, get din na anfani ne da command,
Akoy ma.aikata sosai suna can bangaren su na maza daban na mata daban, sun bi umarnin oga ne na baya so suna yawace yawace har sai ya zauna, sannan wannan tsuntsayen ba su kadai ne yake kiwo ba, akoy kayan kiwo sosai a gidan an jejefa su ne bisa tsarin oga

Shiru ta yi tana biyar bayansa har ya zo daidai wata kofar gilas wace ba.a gannin na ciki sai dai na ciki yana gannin na waje sosai, irin gilas din nan ne da bulet baya ratsa shi sannan duka baya yi masa sai wani ikon Allahn ke kashe shi

Jikin mabudin Oga ya fada masa wajen da zai danna ya budu dan haka ya danna ya bude ya tura da dab karfinsa domin nauyin tsiya ne da shi

Ita kam ta yi shiru biye kawai take da shi a baya

Suna shiga ya yi salama

Su Hafsat dake zaune suka amsa shi suna kallon wajen su

Kanta a kasa hakan ya sa Hafsat bata gane ko wacece ba

Humaira kuwa cike da gadara ta ce" wannan fa? Mai aiki ce ko me?

Samir ya yi dan murmushi a kasan zuciyarsa yana ayana zaki fada ne wannan ta fi karfin ikon nan naki da kike yi mana dan kina matar mai gida tamkar kece mai kudin kina yi mana abubuwa tamkar wasu karnukan ki!

Samir ya ce" aa, ba mai aiki bace,
Daga haka bai kara ba gudun kar oga ya tsawatar masa domin ko daya baya bari a raina masa iyali ita kanta tana wulakanta su ne bayan idannuwansa domin itama bai bata damar ta wulakanta su ba, su kuwa sunai mata biyaya ne domin maganarta ta fi tasu tasiri a wajensa duba da darajar da Allah ya yi mata na zama matarsa abinda ya fi kisanci da shi a gidan duniya wato matarka ko mijinki

Yatsina fuska Humaira ta yi, ita fa har ta gama cinyewa sai cin magani take tana kakauda kai ita ga matar Elhaj ta sha wani uban lesh baki ya kara fitar da hasken fatarta wly har kashe ido yake ta yi bau da ita aman kana yin kusa da ita karni zai kore ka ta ce" malan idan ba mai aiki bace ai sai ka jata ka koma da ita dan baya nan bare ka kwaso wata mai datin budurwarka ka kawowa mutane!
Ta karashe ta a dan daga muryarta

Jin abinda ta ce gaban Rauda ya kara faduwa da dan tsoronta ta dago dan gannin matar tasa ce? Ko matansa domin murya bibiyu take ji ta mata


Hafsat ce ta dan kwalalo ido gannin Rauda, da murnarta ta mike ta nufo wajen Raudar ta ce" Lah, lale da yar uwata, auntyna

Rauda ta sauke ajiyar zuciya domin har ga Allah irin yanda Hafsat ta taso har ta fara kokarin buya a bayan Samir dan ta yi tunanin ko dukanta zata yi? Rauda ba dai tsoro ba

Dan murmushin da bai kai zuci ba ta yi tana dari dari ta dan rike hannun Hafar kamar yanda itama ta rike ta tanai mata murmushi


Auta wacece ne? Ban ganeta ba
Humaira ta fada itama ta mike tana karasowa tana bada hankalinta wajen su tare da fatan ba wata ta jiki bace sosai kar ta je ta fada bata yi masu tarban kirki ba


Aunty, Aunty amarya ce fa, Hafsat ta bata amsa fara.a konce a kan fuskarta tana jan hannun Rauda dan ta karasata wajen makamakan kujerun falon wa.inda kala har hudu ne maka maka saiti hudu an mugun tsara su kalar tsanwa mai duhu da fari haka labulayen ma sun yi kala daya da kujerun sai wasu tafka tafkan tableau kwaya shida an jejefa su da wani tafkeken zanen zaki da akai a jikin bangon wanda sai ka rantse mai rai ne domin an yi shi ne da komai irin na ainahin zakin na gaske sai wata tv wace da ba dan tana haska hoton namomin dajin da suke kallo ba da sai ka rantse ba zai yiwu a yi tv mai girma irin nata ba tamkar a cinema ta cike bangon gaba daya sai wasu tafka tafkan Peau de fleur kwaya biyu farare kar sai dan kyalin tsanwan da suke an ajiye su gefe da gefen tvn wace du tsayinta sun kai daidai tsayinta ( uhum wasu kayan sai amale ) sai abin turaran wuta mai kalar dawisu an baza fikafikensa wanda ta nan hayakin turaran ke busowa a hankali an saka su har kwaya hudu a kowace kusurwa ta dakin
Sai capet mai kamar shukar ciyayi an tsara shi tamkar zanen mutun an zagaye shi da fari farin ciyayi a tsakiyar kujerun nan bai cika tsakiyar ba sai ya kara haska tiles din falon fari kar mai dan Garza garza, sanyin ac din palon ne ya saka ta dan kara kankame hijabin dake jikinta sai wani sanyin kamshin da ma.aikata ke kula du mintuna sai sun dawo sun jona sun saka turaran wuta sun fesa na ruwa mai sanyin kanshi


Humaira ta ce" eyah, ai ban ganeta ba Auta, wace auntu amarya? Ko na ce ta ina?

Hafsat ta ce" kai Aunty, ta gidannan mana matar yaya

Jin maganar Hafsat ta yi tamkar saukar aradu a tsakiyar kanta, kuturun uba, matar wa? Ba yace sai an yi adu.ar matarsa zata tare ba? Wai ma ina wa.inda suka rakota? Sannan wannan yar kauyen ce ya aura? Me ke damunsa?

Bata ankara ba sai gani ta yi Hafsat na kokarin zaunar da Rauda saman kujerar falon

Da mugun tarashi ta furta" ke hafsat kar ku karasa kar ku saki ku karasa

A tare suka ja suka tsaya da dan alamun tsoro a tatare da su don kuwa ita kanta hafsat ta yi tunanin ko wani abin ne ta gani

Da sauri ta daga kafarta ta karasa wajen su, hannunta ta kala da mugun kyankyami ta kama gefen hijabin Rauda ta jawota kiiiiiii har daidai kusa da Samir wanda yake tsaye da mamaki yana kallon lale Humaira ta samu fada a wajen oga aman bata san darajar Mata ba

Cika ta ta yi wanda har Rauda ke dan haki na mugun saurin da ta yi ta biyo bayan Humaira da kuma bugawar da zuciyarta ta yi na tsoron me haka kuma?

Humaira ta cika hijabin tana nuna kyankyamin hannunta ,
Taku daya biyu uku ta yi ta dan zagaya Rauda tana dan tafa hannayenta,
Wata dariyar tabara ta saki irin na an goge din nan ta ce" ke? Ke ce kishiyata? Lale na yarda kadara da rubutun tun ran gini tun ran zane! Bakar kadara ta kawo ki auren mijina? Sannan abin mamakin kin tare ke kadai ba dangi hakan na nuna min an gama sannin juna tun a kofa?

Da sauri Sudais ya rintse idannuwansa domin du abinda ke faruwa a kunnansa, mamaki, da al.ajabin dan adam ne ya kama shi , shi? Shi ne Humaira ke jifa da kalaman nan da zargi? Sun gama sannin junna? A tunaninsa irin yanda ta san ko shi waye ciki da bai ba zata iya yarda ta furta wannan kalmar kansa ba, murmushin takaici ya saki yana ayanawa ransa ya sani ba zai yi shaidar Mata ba, aman zai iya shaidar kansa, um ita Humaira ta sani ne da ace mata nake bi da bata layin macen da zata wanken takalmina bare har ta san sirinA nonsense kawai

Katse masa tunaninsa ta yi inda take fadin" ki sani, ni Humaira sai na zame maki jaraba masifa balakin da zai saka ki hadiyi zuciya ki mutu a tarar da gawarki! Mijina nawa ne ni kadai , ke koda zan raba shi da wata sai yar masu fada a ji ba wai ke ba yar talakawa! Dan haka hanyar da ta kawo ki ta maida ke inda kika fi wayo

Haba Aunty, menene haka kike yi wai? Tamkar marar ilimi?
Hafsat ta furta domin Rauda ta bata tausayi irin yanda take hawaye kanta a kasa tamkar ta yiwa sarki karya ita kuwa Humaira sai kara hargowa take tamkar tanaiwa yarta fada
Sam abinda ta yi bai baiwa hafsat mamaki ba domin ta santa da rashin kamun kai zata iya yin fiye da haka ma sai dai tausayin Rauda ya sa ta yi mata magana

Kin ga, Hafsat ki fita a maganar nan, ba abinda ya shafeki da abinda nake yi a gidan mijina ehe, ni ai har na shiga fargabar kar a je ya auro min wata big girl ne ashe tsami girl ne, no bani da wajen zamanta a gidana

Murmushi Samir ya yi jin abinda SUDAIS ya fada cewar ya gwadawa Rauda dakinta gayanan zuwa gidan,

Ya tabata a yanda ya yi maganar a kausashe sai ya ci uban wannan mai karyar rashin kunyar

Wajen rauda ya kallo ya ce " hajia mu je ga dakinki can inji Oga

Da sauri Rauda ta bi bayansa domin daman jira take tamkar ta tashi sama dan sauri haka tsoron Humaira da haukanta ya darsu a ranta

Da sauri ta shige bayan ya danna wasu number ya bude mata dakin tana shiga ta turo kofar da karfinta irin dai ta shigowar ce ana gannin na falon ba.a gannin na ciki

Tsaye ta yi dan nesa ba tare da ta lura da irin aljanar duniyar dake dakin da aka kira malakinta ba ta tsurawa Humaira ido yanda take ta masifa har dira take tana kumfar bakin yau ko ita ko Rauda sai ta bara mata gidan mijinta

Hannayenta biyu ta dora a saman kanta ta silale saman kafafuwanta, a fili ta furta" *wayo Allahna ni Rauda tawa ta same ni, Abanna kana ina Abanna ? Aba wannan bawan Allahn shi ne Aunth Aisha ke matukar so, shi ne na daga hannu na mara, shi ne ya tsane ni tun kafin mu hadu da juna, shi ne mai arzikin da ko a kafarsa aka kula masa ni zai cire ni ne ya yar, matarsa mahaukaciya ce tsoronta nake Aba, Abana bana son sa, bana sonsa Abana bana son fitinar dake tatare da shi, SHIN YAYA ZAN YI?*



*❣IDAN KA RAINA INDA KAKE❣*







Na: *SAJIDA*




*_LITATAFAN MARUBUCIYAR_*

*_Duk Karyar kada_*
*_Yar Mahaukaciya_*
*_Neman na kaina_*
*_Bani da zabi_*
*_Daga tafiya daukar soja_*
*_Idan ka raina inda make_*




*🌈KAINUWA WRITERS✍🏼 ASSOCIATION*🤝🏻
```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation




3⃣2⃣

*ALHAMDULILAH YA ALLAH,*




Haikewa Aisha ta yi tana fadin" in ba jaraba ba irin na maza mai ya gani a jikin wannan? Idan farin ne gashi a gidansa, kyan na tara mai ya rude shi?
Ta juyo wajen su Samir ta kananage ta hana Samir fita ta hana Hafsat magana sai masifa take wai taya ma za.a baiwa wannan yar talakawa mai datin wannan dakin? Ita ta tabata ya fi nata dan haka ba zata yarda ba ita ce baba ita zata zaba kafin ya zuba wanda yake so

Kan samir a kasa yake yana sauraron yanda Sudais ke gudu da mota, a ransa kuwa yana fadin da ba.a san asalin balbale ba da ta ce daga turai ta fito

Bata ji karan shigowarsa ba tana ta masifa sai ganinshi ta yi

Dif ta yi da magangannun da take tana kalon sa sannan ta dan matsa da sauri kusan Hafsat

Kofar Rauda ya kala ya ga daga ciki tana gannin na waje domin yana iya canza abin ya dawo na waje ke gannin na ciki, dan haka ya sakarwa Humaira murmushi ya kali samir ya salame shi

Hannun Humaira ya rike tamkar suna maganar soyaya yana dan murmushi ya jata har zuwa dakinsa

Suna shiga ya tabatar ya rufe ya hankadata wanda ya saka ta yi tagatagal ta fadi kusa da bed, kansa ya dafe yana tir da irin halayan Humaira, sai ta saki baki ta ringa fadin magangannu mararsa tsari sai daga baya ta yi zuru zuru, tabas zai ringa biye mata har ya ga wacece ainahin wada ta haukata zuciyarsa haka kafin ya mugun daukan mataki a kanta

Taku ya yi zuwa da zauwa ya kai sau uku ya tsaya daidai inda take, murya a matukar kaisashe ya ce" ki iya takun ki Humaira, ki iya harshen ki, ki kiyaye ranar da idannuwana zasu rufe kan izgilancin ki, ki kiyaye shiga sabgar *SIRINA*

Yana gama fadar haka ya juya ya fada bayi

Shatata ta yi da baki ta bi bayansa da kallo, ya aka yi ya ji abubuwan da ta fada, me yake nufi da *SIRIN SA? WAYE SIRRIN SA?*

tunda ya shigo ta tsayar da kukanta ta zuba masa ido wanda ita kanta bata san ta yi ba, tana gannin tun budewarsa da shigowarsa , du irin tijarar da matarsa ke yi sai ta ga ya sakar mata murmushi ya ja hannunta ya yi daki da ita harma da alamar ko fada ya yiwa Samir?

Wani irin gum ta yi ta rasa tunanin mai zata yi, ita kanta ta san Sudais ba tsararta bane ya fi karfinta nesa ba kusa ba, sunanta da nasa basa kama da juna , matsalolin dake tsakanin tarayarsu ta girmameta, Aisha Aisha, Humaira

A hankali ta juya dan ta samu ta nutsu sai dai kara waro ido ta yi,
Wannan fa? Ko dai Samir bai gane inda aka ce ya kaita ba? Daki ne ciki daya, sai dai girmansa ya isa a yi ciki uku da shi, ba komai sai makeken bed da wani abu tamkar runfa a samansa, an yi masa shinfidar alfarma iri daya da jikin bangon dakin wato fari, labulaye ne a jikin runfar wa.inda take kyautata zaton Ana sakin su ne

Sai gefe daya wajen gabas da tapi na sallah da dan table na silba mai kyalkyalo samansa kur.ani me da litatafai

Kara kallon bed din take da dakin, mamaki take wannan tankamemen dakin na wane? Dakin kadai ya kai girman gidansu harda dakuna

Kanta ta kai gefen bed din daga sama sai ta ga wasu manyan buton da rubutu a jikinsu

A hankali ta matsa tana adu.a abinka da mai ilimi ta karanta,
Hannunta ta mika ta danna wanda ke nufin bayi, ai kuwa sai ga kofar bayin ta bude wanda hakan ya sa har ta tsorata, ta yi saurin rufe shi ta kuma danna na kusa da shi sai ga armoire ya bude, sutura dai mai sunnan sutura shake a ciki, kwalalo idannuwanta ta yi ta girgiza kanta kawai ta rufe ba tare da ta matsa ko kusan kayan ba,

Haka dai ta yi ta zuba kauyancinta tana kara bin dakin da kalo , ba wani katsamniya sai sanyin ni.ima dake tashi

A dan hanzarce ta kuka bude bayin ta shiga, nan ta ga idan da mutun dole sai shi zai bude ya fito aman wani ba zai dana ya kara bude masa ba

Rufewa ta yi tana bin bayin kansa da kallo, a fili ta furta" tamkar ba za.a mutu ba, tamkar wannan watarana ba zai dawo kasa ba, tamkar kasa ba zata linke shi ba

A hankali ta cire hijabinta, ta tube ta shiga kasan shower wanda kana shiga kasan sa zai bada ruwa kana fita ya tsaya, da ba dan ta ji yan ajin su da Aisha na fadar wasu abubuwan ba da ta kurma ihun tsoro

A hankali ta sabe jikinta da sabulun ruwa da sabon soso fari kar har gashin kanta,
Tana gamawa ta dauro alwallah ta yi tsaye wajen kayan da ta cire , dauka ta yi kawai ta mayar da abinta ta fito a hankali ta zauna kan darduma ta dauki alkur.ani mai girma ta shiga karantawa da kudirin yana zuwa zata roke shi da ya sawake mata, ta bashi hakurin abinda ta yi masa (uhum.....)


*Me ya gani a jikinta in ba jaraba ba irin ta maza !* maganar ta kuma dakar dodon kunnen Sudais wanda ya yi tsaye kasan shower tana ta zubun masa saman lalausan gashin kansa
Idannuwansa ya bude tarrr ya tsurawa waje daya ido,
A kasan zuciyarsa yayi murmushi, ya shiga bin miscle din jikinsa da kallo, dukan wata gaba ta jikinsa ruwa na sauka kanta yana binta da kallo, wani murmushin ya kuma saki a fili ya furta" she is yng
Sudais ba wani abokai ne da shi ba bale ya ji zantutukan yau da kulun na rayuwa,
A film kuwa du abinda zai kala ya dauke shi a matsayin karya domin yana kallon film din turai, wai zaka ga wani wajen sunna koda wannan harkar shi dai sai ya yi murmushi ya fice wajen, KHAIRATH marigayiya ta kasance mace mai jiki sosai, yar lukuta ce ta gaske wanda tana son kai shi wajen da ba.a dawowa ma aman sai abin ya yi mata wuya yannayin girman jikin
Ita kuwa hajia Humaira abubuwan sun taru sun yi mata yawa, shegen son jiki ita sai dai ta sankame masa, ga warin man bleating din nan wanda ta dorawa kanta!, ga dan uban ciko ita ce acuci na gidan nono ita ce na baya , gashin kanta a kulun cikin saka kari take, idan ta tube yanda ka san tabarwa bata da tsari ko wani abinda zai fizgeka gareta , SUDAIS ya kasance yana shan ruwa ne dan korar da ishirwa kar ta kar shi bai san banbance dadin ruwa ba bai iya banbance ruwan tafki na rijiya da na pampo ba shi dai kawai gugarsa yake sakawa ya ibi ruwa ya sha, abinda ya sani daya ne, karamar randa tai masa kadan,
Idannuwansa ya lumshe ya fita daga kasan pampon ya dauki fari kar din towel sabo fil ya nado iya kugunsa ya fito ya zauna gefen bed,
Shiru yayi ya hasko Rauda a idannuwansa, shi dai bai taba ganninta da garamar shiga ba, ainahi ma idan ba zumbuleliyar doguwar riga wace watan takan dan matse mata daidai mama watan kuwa yanda ka san buhu a jikinta sai zumbula zumbulan hijabai wanda ba zai iya tantance ya take ba domin iya tsintsiyar hannunta kawai ya iya gani a zamansu tun lokacin da ya fara ganninta har zuwa yau ba, ba zai iya sifanta ta ba,
Lumshe idannuwansa yayi, a fili ya furta" yarinya ce, abu na farko da zai hana na sota dan wani abin na jikinta kennan domin na fi karfin taraya da yarinya karama, ya kuma sakin murmushi a kasan ransa ya ayana ko harbawa ba zatai ba idan na taketa, wly ko motsi ba zatai ba zata je inda ba.a dawowa,
Wani murmushi ya kuma saki ya ce" baby , na baby girl, no Humaira ba dan jikinta na aureta ba ba dan kyau ko wani fari dake daukan hankalinki ba ni kaina na rasa takamaimai abinda ya sa nake kaunarta, just na wayi gari ne cikin bakon yannayi, na farka ne na tsinci kaina a halin soyayarta, abinda na yi ta kaucewa ko nace na yi ta tunanin ba zai faru da ni bane ya faru da ni, ina tsananin son *MATA*



Ko ya Raudat take? Mama ke zaune tana zancen zuci har ya fito fili

Aisha dake mike saman tabarmar leda tana dadana yar karamar wayarta ta tabe baki , ita fa mama ta fara isarta, shi kennan ita daga an zauna sai tunane tunane da tambayar infa Rauda take? To siyar da ita za.ai ne ko me? Ba aure akai mata ba? An hada ta sabuwar rayuwar talauci ba dole ta labe ba

Mama ta kai dubanta wajen Rauda, a ranta take aiyana" Allah sarki Rauda, da tana nan ba zata bari na shiga kicin ba, ba abinda take bari na yi, ta wuni tana aikace aikace hakan ma cikin rigingimun gidan nan, ya Allah ka sa ta samu farin ciki a gidan da aka kaita a matsayin gidan mijinta

A hankali ta kuma kallon Aisha, yau tunda ta farka ta karya ta mike kafa saman tabarmar nan ko tsinke bata dauke a gidan ba, aiki kamar ya kashe mama sai dauke nan ajiye can take , yanzu kwatakwata basa wani dasawa da Aisha, ko dama dan tana gannin Rauda ne take like mata ita kuwa tana ture Rauda? Ita kam takan rasa kan Aisha,

Bata gama tunaninta ba Sarah ta yi salama

Aisha ta mike da saurinta ta tarota tana murnar ganinta

Sarah ta yatsina fuska ba tare da ta gaishe da mama ba ta ce" ke yanzu baki ma shirya ba me kike ne haka?

Aisha tamkar zata shige jikinta take fadin" ai kayana kawai zan saka ki shigo na saka mu tafi

Sarah ta yatsina fuska ta ce" aa aa, na zauna a ina? Ke dai je sako kayan mu je
Tana gama fada ta jiya ba tare da ta gaishe da kanwar mahaifiyarta ba ta nufi motar mamanta da ta dauko

A gurguje Aisha ta fito ta ce" mun tafi sai mun dawo mom

Mama da baki wangale ta bita da kallo, a ranta take ayana ina kuma zata je? Me suke aikatawa ne yaran nan?


Rauda ta wuni karatun alkur.ani wanda tana gamawa ta bingire a nan baci yayi awon gaba da ita

Hafsat ce ta shigo dakin bayan ta jima a falo har magarib ta shigo bata ga fitowarta ba
Tausayinta ne ta ji ya kamata, gannin hijabin nan dai shine a jikinta, gaskiya ya dace ace ta canza domin kuwa da ganni ya jima a jikinta sannan Samir ya kawo mata akwatin tufafinta domin sudais ya bada umarnin a kawo mata ko dan ya kara gannin halayenta sai samir ya canza kano ta yi zahin ya zuba kayan a akwati

A hankali ta karaso kusa da ita ta duka ta shiga tashinta ta hanyar dan jan hijabinta tana fadin" aunty amarya aunty amarya

Firgigit Rauda ta farka a bacin da take mai dadi ta kali Hafsat, dan ja da baya ta yi tana kokarin tashi du a dan firgice take domin bata ji shigowarta ba ko dan bata samu isashen baci jiya ba sai ta yi shi tamkar ta mutu a yanzu har aka shigo bata ji ba

Hafsat ta dan dago hannunta ta ce" Aunty lafiya kuwa?

Rauda ta yi dan raurau da ido, ta sada kanta kasa tana kokarin saita bugun zuciyarta domin ta tsorata ainun ta yi tsoron ko matarsa ce? Ko shi din kansa aman da alama kanwar nan tasa tana da mutunci
Dan girgiza kanta ta yi alamar aa, ba komai

Hafsat ta sakar mata murmushi ta ce" ki tashi ki canza kayan nan Aunty sai ki fito ki ci abinci, baki ci na 12 ba har dare ya kawo

Rauda ta sauke ajiyar zuciya murya na rawa ta ce" kakayana ban dauko ba

Hafsat ta yi murmushi a kasan zuciyarta take ayana innocent

Kayan ta miko mata ta fice ta bata waje

Ba tare da ta sake wani wankan ba ta canza kayan jikinta ta saka daya cikin atampopin da Abanta ya dinka mata,
Wa.inda ta cire ta koma bayi ta wanke ta sarkafe jikin karfen da ake shanya towel

Fitowa ta yi daga bayin tana fan tsane hannunta tana gyara daurin zanin dake jikinta bata lura da mutun ba sai da ta dago da kanta ta ganshi tsaye ba fuskarnan tamkar zaki ya hadeta ba alamun wasa a tatare da shi

Gabanta ne ta ji ya mugun buga mata wanda har ta saki.....m




*❣IDAN KA RAINA INDA KAKE❣*







Na: