You Cannot Download this book untill you login but you can read it .

---

Login Register

2⃣4⃣



Aisha ce ta yi karfin halin cewa" mama, walahi Aba ya canza, abanmu mai hakuri yau harda duka? Mama ni dai kar ya yayi min aure da kowa kar nima wannan yar uwar taki ta jaya min mama ni *ELHAJ SUDAIS* nake so kuma da shi zan rayu

Sai a wannan lokacin kuka ya zowa Mariama, ta dago hannunta na hagu wanda ta dafe kuncin nata da shi ta ce" a nan ya dake ni, a nan ya mare ni, bai taba yi min haka ba, ya kasance mai hakuri da dukan shirme na, ba zan iya tunkararsa da wannan magangannun ba, ni kaina a yanzu walahil azim tsoronsa nake

Cike da mamaki suke binta da kallo, daman mamansu na tsoron abansu haka aman take shagalinta? Ko dai tana anfani da irin yanda baya iya yi mata komai ne take taka rawarta ba kida?

Hannayen su ta gamo ta fi bada hankalinta ga Rauda ta ce" yau zan baku tarihin rayuwar mu,
Da farko Ahmad baya so na ko kadan, ni ni na yi ta naci har ya saurare ni! Na taso a gidan mu mu biyu mata ni da aunty sai namiji guda musbahu . Mun kasance............................ta kwashe labarin rayuwar su da yanda ta fara son Malan Ahmad da irin wahalar da suka sha, da irin gatan da malan ya yi masu, bayan rasuwarsa irin neman da malan ya ringa yi dan kar na shiga wahala kar na sha wuya, a haka har na haife ku daga baya ya dawo faskare
Malan bai taba ko da wasa shakunata da fuskar fada ba, ya kasance mai hakuri da ni!

Raudat, na ji haushin hukumcin da malan ya dauka a kanki, aman a yanzu ni da kaina neman kaina nake! Ki yi hakuri idan ya sauko daga fushin nan da ya tafi sai mu tatauna na tabata zai warware maki auren nan

Mama ni fa? Muryar Aisha ta katse mahaifiyarsu wace jikinta har ya dauki zafi, ta kasa yarda da hannun Malan ne ya kawo jikinta da niyar fada
Ta ce" sai mu yi fatan Allah ya sanyaya masa zuciyarsa kar ya yi maki ke ma

RAUDA kam a daskare take ta fada cikin tunani, labarin iyayenta ya birge ta sannan sun bata tausayi, daman iyayen mamanta da ran su? Sannan masu kudi ne sukai watsi da ita dan kawai ta auri talaka.? Oh duniya ina zaki damu, a yanzu kawai idan baka da shi ba lale ne a ganka da daraja ba
Ta kali mahaifiyar su dake rarashin Aisha a kasan zuciyarta take aiyana to ko dan mama ta fito daga tsatson masu kudi ne ya sa ta daina gannin kokarin Aba a kan su? Ko shi ya sa ya kasance *TA RAINA INDA TAKE?* to aman ai *IDAN KA RAINA INDA KAKE INDA ZAKA YA RAINA KA* wannan gidan kadai rufin asiri ne domin mutane da yawa suna mararin gannin su a irin wannan gida, zaka ga mai arzikin yana bin gidajen haya

Rauda kar ki saka abinnan a ranki kin ji? Kar ya dawo ya hadasa maki cuta daman ba gama warkewa kika yi ba, insha Allahu malan zai saurare ni..... (KO?)

mai kake so duniya ta dauke ka? Ya kake so a dauki lamarin? Haba SUDAIS bayan ka san irin yanda sunnanka ya yi fice a nigeria ? A gidan nan waye bai tako ya zo dan yi maka ta.aziyar rashin matarka ba? Aman a ce ko adu.ar 40 ba.a yi ba ka shigo min da maganar ka yi aure?
Mahaidiyar sudais ce ke fada tun karfinta bayan Humaira ta suma sun yayafa mata ruwa ta farfado tana rusa kuka, gefe guda kuwa Auta ce ta yi tsutsuru sai Hajiya kaka da Mahaifin Sudais

Aman kai yaron nan mai ya kaika aikata irin haka a kasar mu ta hausa? Bayan ka san duniya da kin gaskiya baka gudun a yi maka wata fasarar daban? Hajia kaka ta furta haka tana talabo habarta

Humaira ta ce" mai na yi maka Elhaj? Mai na tsare maka? Yanzu du kukan da ka sha da rashin baci da sauke gadon dakinka dan matarka ta rasu aman ka je ka kara aure da wurin nan haka? Ta juya wajen Momy ta ce" momy mutuwa zan yi nima, walahi momy ina jin zafi a zuciyata, mai na yi masa da zafi haka? Wa na kashe masa? Ni dai ba zan iya zama da shi ba ba zan iya zama da kishiya ba sai dai ya sake ni !

Momy ta kamo Humaira ta shiga rarashinta ta ce" kar ki furta haka, karki fadi haka Humaira, ba dai ke ba zai saka sai dai ya saki ita yarinyar da ya auran! Wannan wani irin tashin hankali ne kuma kai da kanka Dady ka yi ja gaban daurin auren? Ba zai yiwu ba ya jaza min zagi a cikin gari

*TO KIN ZABI FUSHIN ALLAH KENNAN A KAN ZAGIN CIKIN GARI?* DADY ya furta da kakausar murya

Ke yanzu daman fadan naki dan kar a zage ki a duniya? Du iliminki? Ku dai mata idan abu ya shafi kishiya ne ba zaku yi masa kyakyawan zato ba? Shi dai aure rai ne da shi kuma lokaci ne !

Hajiya ai kin ganni, shi yake daure masa yana rashin mutuncinsa, ki duba fa ki ganni Hajia "Momy ta karashe tana kara zabgawa Sudais harara

Hajia ta tsuke dan bakinta ta rafka tagumi hannu bibiyu, ita kam bata san mai zata ce ba ko yanda zata kashe wutar nan ba, tabas ba wanda ya isa ya hana abinda Allah ya halasta, duniya kiwa ba.a iya iya mata du irin kokarinka na ka iya mata zaka gaza ne

Auta ta dago kanta ta shagwabe fuska ta ce" momy please ki yi hakuri a bar maganar haka

Momy ta hayayago mata ta ce" auta kaniyar ki! Na ce kaniyar ki , ke tashi ki ba mutane waje an ki a yi hakurin!

Sudais dake zaune saman kafet, ya kurawa waje daya ido du wannan hayagagar da ake bai furta ufan ba ya yi gum tamkar ma ba dashi ake ba

Ta kuma juyowa wajen sa ta ce" kai ba zakai min magana ba ka bar ni na yi ta yawan magana kennan?

Sudais ya dago idannuwansa ya sauke kan mahaifiyarsa murya a cunkushe ya ce" ki yi hakuri momy, ki yi hakuri

Daga shi bai kuma furta komai ba, ita kanta sai ta rage fadan aman Hulaira sai rusasa kuka take tamkar ranta zai fita tana rantse rantse

Hajia kaka ce ta matso kusa da shi ta kamo hannun sa ta ce" tashi mu tafi, mu je ka konta ka huta

Mikewa ya yi da hanzarinsa ya shige gaba daman abinda yake jira kennan wanda zai fitar da shi daga gaban mahaifiyarsa a wannan lokacin

Suna fitowa ya daga kafa ya shiga sauri dan barin wajen
Hajia kaka ta ce" kai ya haka? Ka tsayani mana, ka tsaya ka san fa tsoron hanyar nan nake ga nisan tsiya ga shiru tamkar kushewa, me ke damunka haka ne?

Dan dakatawa ya yi ya juyo, wannan tsohuwar na son ta hadasa masa ciwon kai, a dan kufule ya ce" dababayi na yi maki ne? Ki daga kafarki ko na yi tafiyata abinda zai kama ki ya kama ki a hanyar

Hajia kaka ta ja ta tsaya ta rike habarta ta ce" iye, ka ji dan nema, ai ni ba makauniya bace, Allah na tuba ni muna yan mata kawance fa na yi da Ina kika fito fada ina zaki fada mai kike fada, ni har ka gwada min karfi? Kai din karfin ne da kai dan kana ganninka jibgaga sai shegen tsayi da jiki a tunaninka zaka iya tsare min wani abin ne?? Solopiyo kawai

Sudais ya girgiza kai ya yi kwafa ya yi gaba abinsa ya barta a nan,

Shiru ta yi ta jima tana waige waige can ta juya tana tafe tana fada tamkar ta ari baki ta koma bangaren Su momy wanda tana shiga Humaira na fitowa ta yi tamkar ta bangajeta ta fice


Yana zuwa rigarsa kawai ya iya cirewa ya konta rigingine ya zubawa siling ido

Humaira ce ta shigo ba ko salama ta ja ta tsaya tana cika tana batsewa ta kasa ci gaba da zuba rashin mutuncinta kamar yanda ta fara a wajen su momy

Baya ya juya mata ya ja bargo ya rufe jikinsa ya shiga tunanin abinda yake ciki, shi sai ma yake jin baya zumudin auren nan a yanzu ko dan ya ji halayan mahaifiyarta ne?
Oh duniya yana mamakin irin yanda mutane son kudi ya rufe masu ido

Asuba ta gari angon RAUDA🥰

yanda ta ga rana haka ta ga dare, Malan Ahmad bai kwana cikin gida ba, sam bai ko leko su ba har garin Allah ya waye

Motsin yayanta suna shiga wanka ya saka ta mike dan dora masu zazafe

Tana faman hasa wutar ya shigo da salama ciki ciki,
Da sauri ta mike ta amsa ta shiga gaishe shi aman ya yi tamkar bai ganta ba ya ja ya tsaya kofar dakin su Rauda ya kirayi sunnanta

Da sauri ta amsa ta zumbula hijabinta ta fito ta duka tana gaishe shi

Yannayinta yake karantawa, kamin ya sauke ajiyar zuciya, a sake ya amsa mata tamkar ba abinda ya faru ya ce" akwati da na baki jiya su ne suturun da mijin ki ya umarta da ki dawo sakawa, sannan ya ce akoy takarda a ciki , sai maganar zuwa aiki ya ce akoy waya a cikin akwatin idan kin dauka zaki ga sunna daya a ciki sai ki kirayi number ya kaiki wajen aiki ya dawo da ke

Kanta a kasa take dan dagawa mahaifinta har ya gama ya ce" Allah ya yi maki albarka , ya juya ya barta nan tsugune ya fice a gidan ya bar Mariama baki bude, ta shiga tambayar kanta " kai malan fushin nasa har ya kai haka?

Raudat kuwa ta shiga wani hali, a kasan zuciyarta take tambayar kanta " wannan shi kuwa wanene? Yaya sunnan sa ? A ina yake? Anya kuwa zai yi adalci a rayuwa? Ya ba zai zo ya isar mata da sako ba sai dai ya aiko mata da mahaifinta?

Komawa ta yi dakin ta zauna ta jawo akwatin ta bude
Dadagawa ta shiga yi cike da al.ajabin wannan lamari,
Dogayen hijabai ne da dogayen riguna bakake kirin ba komai a jikin su sga sheken kauri sai gam irin ta hannu da safa da kuma likaf!
Cike da mamaki ta mayar da kayan gefe ta dauko wayar yar karamar nokia ce tsohuwa harda wani dan zare an daure ta, da mamaki ta juya ta dadaga kayan, sababi ne, sannan da gannin yadidikan zasu yi tsada, kuma basa warin gonjo, aman wayar ko a dari biyar da wuya a saye ta, mamaki ne ya kashe ta ta mika hannunta ta dauko takarda fara kar da ita an yi rubutu kamar haka..............
.........



*❣IDAN KA RAINA INDA KAKE❣*







Na: *SAJIDA*




*_LITATAFAN MARUBUCIYAR_*

*_Duk Karyar kada_*
*_Yar Mahaukaciya_*
*_Neman na kaina_*
*_Bani da zabi_*
*_Daga tafiya daukar soja_*
*_Idan ka raina inda make_*




*🌈KAINUWA WRITERS✍🏼 ASSOCIATION*🤝🏻
```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation




2⃣5⃣




Lettern ya kunshi magangannu kamar haka: A yau na zo masalaci dan gabatar da sallar da ta kama ni a hanya na tarar da datijo ya zo da maganar zai aurar da yayansa *sadaka*, ina zaune ina kallo har kowa ya watse ba wanda ya taya, na jinjina abinnan harma na yiwa kaina tambayar *WHO ARE YOU* haka da har *bakin jini* ya yi maku mugun shiga? Ko kuwa *Munin ku ne ya yi yawa?* ko kuwa kun *tsofe* masa ne a gida ba mashinshini? ko dai *HALAYAN* ne sai a hankali? *I don.t know🤷‍♂* gannin du an watse an bar shi *Tausayin* datijon nan ya saka na kasa tashi sai da na karbi *tayin sa* aka daura min aure da karamar mai sunna *RAUDA*
*ASALAMOU ALAIKI RAUDA* ni musulmi ne, wanda ya san darajar aure, koda kuwa ban sanki ba dole ne na fada maki cewa ina kishin du abinda yake nawa! *RAUDA YOU ARE MINE!* an aura min ke ina so ki kare min mutuncina kafin na bada lokacin da zaki zo gidana da matana domin ba ke daya bace,
Mahaifinki ya shaidan kina aiki dan samun kudin makaranta, bani da damuwa da *NEMAN NA KANKI* da kike a yanzu aman ban yi maki alkawarin zai dore ba, ga tufafi ki yi anfani da su,su ne zabina indai zaki tsalake soron gidan ku, idan da magana sai ki rubuta ki baiwa Malan zai bani! Kar ki manta *AUREN HADI* aka yi, *BIYAYA* wa umarnina ya zama dole.

Ta maimaita karatun wasikar nan ya fi a kirga har Aisha ta yi tafiyarta tana mitar bata gama ba

Firgigit ta yi kamar wace aka zubawa ruwa a jikinta ta jujuya takardar tana tunani, ita fa daga jiya zuwa yau ta kasa gane a raye take ko a mace? Takardar ta kuma budawa dan sake karantawa sai ji ta yi wasu zazafan hawaye sun wanke mata fuska,
Kanta ta kifar a jikin bed dinta ta saki wani dan marayan kuka wanda yake fitowa da kyar domin muryar ta a shake take sosai
A fili ta furta" *WHO ARE YOU 2?* ya aka yi ka iya zarowa mutun dan adam zafafan kalamai haka dan Allah ya hada ka da shi? Ka yi hakuri, kar ka koya min baudadan halaya domin nakan koyi yanda mutun ke son zama da ni ne, ka yafe min *ka sake ni* domin ni ma bani da sanayar za.a hada ni aure da kai da na kiyewa wannan kudiri!

Ta dan jima kamin ta mike ta goge idannuwanta ta saka doguwar rigar ta zumbula hijabin sannan ta saka safar hannun da na kafar gaba daya bakake ta dauko nikaf din ta dauki yar wayar ta latsa kira aman har ta mutu ba.a daga ba
Gannin ta kusa minti ashirin tana jira kawai ta dauko pos dinta ta fito ta yiwa mahaifiyarta salama jiki a sanyaye ta fita inda mariama ta bita da kallo

Tana fitowa abin mamaki ta ga wata mota kofar gidan baka da bakaken madubai sannan kamar ta mugun jin jiki kamar an yi accident da ita dai,

Hon aka yi mata sannan flashing ya shigo wayar dan haka ta nufi motar gannin an bude kofar bayan dukan alamu suka nuna ita ake yiwa magana

Asalamu alaika malan ko kai ne aka turo ka kai ni wajen aiki?
Rauda ta fada tana kallon direban da fuskar sa ke kallon wajenta aman idannuwansa a sade

Kansa kawai ya iya daga mata alamar eh sannan ya yi mata nuni da hannun sa
Da mamaki take kallon sa, a ranta ta ayanna" wayo bawan Allah ashe kurma ne, aman yana ji, to aman ya aka yi ya hada ni da direba kurma? Wani irin tuki zai yi?
Kafadunta ta daga ta dan yi murmushi ta ce" aa ke kuwa Rauda ai yana ji yana kuma gani maidawa ne baya yi dan haka zai ji hon din wani sannan zai gani, komai dai sai Allah ya yarda dan haka Allah kare mu

Shiga motar ta yi ya ja bakinsa gum bai furta ko a ba

Suna zuwa ga mamakinta zarcewa ya yi, masu tsaro basu wani tare shi ba, aka wangame masu get motar ta shiga da su, sai da ya kaita har bangaren da zata hau ta nufi office din su ya sauke ta,
Ta sauka tana al.ajabin wannan mutumin da aka aura mata ko waye ya yi mata farin sani, dan ba zai ce mahaifinta ne ya fada masa wajen aikinta harma da kofar kofar aikin nata domin shi kansa bai sani ba

Shi kuwa direban yana ajiye ta ya juya wajen samir dake tsaye kusa da motarsa yana kara jadadawa cewa idan ta zo kar wanda ya hana ta shiga da irin shigar nan tata umarnin oga! Domin a ma.aikatar ba.a shiga da irin wannan kukuf din ko da nikaf dan gudun mugaye

Yawa Adahir fatan ka kula da dokokin oga

Wanda aka kira da adahir, wato direban Rauda ya yi murmushi da mamakina ya ce" haba Elhaj, ai koda cewa aka yi na yi tuki a konce zan yi balatana wannan ai a kurma ma ta dauke ni kuma insha Allah ba zan taba yi mata magana ba kamar yanda oga ya hana ( to ka ji)


Malan Ahmad ne zaune kasan shukar maina , faskarensa gefe ajiye, sai bakar ledar da ya anso shinkafa da wake lwajen laure mai tuwo ya tisa ledar ya kasa ci" a fili ya furta ko mai zasu ci yau?

Ajiyar zuciya ya sauke ya dago hannun nasa na dama dan cin abincin sai dai ya tsaya tamkar an tsayar da shi ya tsurawa hannun nasa ido, a fili ya furta" da wannan hannun ne na mare ta! Da wannan hannun na mare ki Mariamna, kin ga kin ja na kaucewa wa.azi cewa idan matarka ta bata maka rai har ka yi niyar dukanta ka dake ta a bayanta (duwawunta) dA karan tsintsiya aman ke kin saka na gabza maki hannun gardi ko? Na biyu kin ja na taba lafiyar jikin ki wanda har wajen adu.ata nake rokon Allah ya bani ikon gama rayuwana ba tare da na taba lafiyarki ba ko? Mariamna kin ja na hukunta baiwar Allah, har na shiga zulunmin wani hali zata shiga? Shin mutumin nan mai kudi ba zai wulakanta min Raudana ba? Mariamna ya fuskar ki? Fatan bata haye ba? Kin ga kin saka na zama abinda ba haka nake ba, aman dole na hukunta ku, dole na nuna maku ni na san darajar kaina!

Can kuma ya js numfashi ya ce" Raudana, Allah ya baki farin ciki mai dorewa, ya sa halayen ki na kwarai su zamto silar shigar ki farin ciki, ya sa kar ki canza hali har zuwa kushewar ki..........


Tana shigowa mai goge goge wato Rabilu ya gaishe ta aman kansa a kasa
Da fararan idannuwanta take kalon sa ta amsa shi muryarta a shake , ta juya da niyar hawa matatakalar da zai sada ta da office dinta sai dai da mamakinta sai ya nuna mata accensaire🤨 din Elhaj Sudais ya ce" *HAJIA* an bar salahun idan kin zo ki daina bi ta nan ki bi ta cikin nan ya hauda ke, sabon tsarin da aka fido ne

Mamakinta ne ya ragu, duda ta san ba mai shiga sai shi kadai, shi dinma idan baya zagaye, aman jin sabon tsarin gidan ne sai ta juya ta dana ya bude ta shiga bayan ya shaida mata numbe 9 ne daidai office din su a ranta take ayanna " *oh na aunty AISHA sarkin iya yi, ya dai saka muma har mun ji dadi mu tsufa da kafafuwa

Kokowa yake da zuciyarsa tunda ya ga fitowarta ta nufo office dinta, tsale zuciyar sa ke yi tana murnar ta ga abincinta , ingiza shi take da ya fito da gudu ya yi mata oyoyo ya tarbe ta ya rungume ta a kirjinsa ya fada mata *how yake son ta*
Mikewa ya yi da saurinsa da karfinsa ya tunkari kofar office din sa ya kama kamar zai bude , ya koma....
Ya kuma tasowa ya koma ya zauna ya hade bayansa da jikin kujerar ya dafe daidai zuciyarsa dake yi masa kida tammar zata bala kirjinsa ta fito
Tamkar zarare a fili ya ce" haba SUDAIS, kar ka manta da irin yanda ka yi niyar zuwar mata, kar ka manta sai ka san wacece ita kafin ka yi mata tayin so, dan haka ka daina irin wannan bayar da kan naka har ta fahimci abinda kake ciki

Lumshe idannuwansa ya yi, ya yatsina fuska tamkar wani ne ya yi masa maganar sai ya baiwa kansa amsa ya ce" ka gane abin ne zai yi matukar wahala gani ga *MATA* a matsayin matata aman bani da damar nuna mata ? Akoy damuwa domin ina sonta da yawa....
Ya shagwabe bakinsa ya kontar da kansa domin wata muguwar kasala ce ta shiga jikinsa lokaci guda,
Wayarsa ce ta dauki kara dan haka ya bude idannuwansa dake lumshe ya mika hannunsa ya janyo wayar ya daga ya kara a kunnen sa bai yi magana ba

Samir da ya tabata yana jin sa ya ce" oga, Direban ya bi dukan dokokin da ka dora Alhamdulilah ya kawo ta lafiya

Samir ya yi shiru ko zai bashi amsa aman shiru har kusan minti biyu kuma ba.a kashe wayar ba,
Dan haka ya ce" oga ko baci kake?

Sudais murya a can ciki ya ce" samir, ba zan iya wannan tsarin ba, *INA SON ABINA* kuma zan tafi na fada mata yanzu
...

Wata irin zabura samir ya yi cikin gagawar murya ya ce" aa, aa, aa Ka saurare ni kar ka aikata haka , ka tuna dalilin da ya sa ka ce zaka yi mata haka, kar ka manta kana son sai ka ware zare da abawa.....

Samir na cikin magana karaurawar office dinsa ta dan yi kara irin na neman izinin shigowa

Firgigit ya kali saman computersa dan gannin ko waye domin ya shagala bai ga zuwan kowa ba
Mikewa ya yi tsaye hannayen sa suka kwashi bari, muryarsa kanta rawarawa take ya ce" Samir...... ita ce....

Bai tsaya ya ji amsar samir din ba ya.....



*❣IDAN KA RAINA INDA KAKE❣*







Na: *SAJIDA*




*_LITATAFAN MARUBUCIYAR_*

*_Duk Karyar kada_*
*_Yar Mahaukaciya_*
*_Neman na kaina_*
*_Bani da zabi_*
*_Daga tafiya daukar soja_*
*_Idan ka raina inda make_*




*🌈KAINUWA WRITERS✍🏼 ASSOCIATION*🤝🏻
```{United we stand and succeed;Our ambition is to entertain & motivate the mind of readers}```

https://www.Facebook.com/kainuwawritersassociation




2⃣6⃣

*MOM KHALEED GODIYA MAI TARIN YAWA ZUWA GARE KI, NA BAKI PAGE DIN NAN KYAUTA KI YI YANDA KIKE SO DA ITA, COMMENT DIN KI NA SAKA NI NISHADI*




Bai tsaya ya ji amsar Samir din ba ya datse kiran, ya zabura ya shiga gyara doguwar jalabiyar dake jikinsa mai ruwan ash kala, ya gyara hiraminsa ya dauki papier ya goge agogon hannunsa mai ruwan ash color mai haske, ya dauki turaran sa dake ajiye saman table dinsa ya kara yiwa jikinsa wanka da shi ya koma kan kujerar ya hakimce ya hade fuska ya dana bouton din dake bude kofar

Sanyayan kamshi hade da mugun sanyin ac ya watso mata wanda duda uwar shigar nan ta jikinta sai da ta ji sanyin nan, ita kam tana mamakin wannan mutumin ko dan yana zaman saudiya ne? Sanyi baya ce masa komai
Muryarta a shake ta ce" morning sire

Bai iya dagowa ya kale ta ba ya daga mata hannu cike da basarwa , aman kasan zuciyarsa yana tambayar sa mura take? Mai ke damunta? Mura? Muryarta a shake ko dai kuka ta yi?
Gabansa ya bada ris, kuka? Kukan me ta yi? Na bata son aurensa ko me?

Takardun hannunta ta ajiye saman table, ta dan gyara muryarta ta ce" sire ga takardun nan

Dago da fuskarsa ya yi cikin wani irin yannayi da rashin nutsuwar jin kalar muryarta ya zuba mata idannuwansa su ba jajaye ba su ba farare ba an yi daidai itama ta kalo wajen sa, wani irin abu take ganni a idannuwansa tamkar mai galla mata harare hakan ya sa ta yi gagawar sada kanta jikinta na kyarma ta fara kokarin kunce nikaf dinta domin ita a tunaninta ko dan nikaf din ne yake harararta

Kasa kifta idannuwansa ya yi daga kanta, har ta cire nikaf sin ta cukuikuye shi a hannunta sannan ta shiga cire safar wanda hakan ya baiwa fararan hannayenta damar bayana
Kanta kasa murya na rawa rawa ta ce" ka yi hakuri, nnnnna , an