You Cannot Download this book untill you login but you can read it .

---

Login Register

ya sa tarayar tasu ta kawo karshe domin sam ba alkhairi a wannan taraya tasu

A hankali ta warware rigar wajen mahaifiyar tasu domin yayarta ta dage sai sun saka su yau ta dora saman kananun kayan da ta saka wankaku tas

Jiyowa ta yi ta saki baki cike da mamakin yayar tata, somin ta daga wayar ta bude kararta tana yatsina tana ci gaba da fente fuskarta ta amsa da ina jinki

Daga dayan bangaren Amina ta ce" sowi kawata , na san jiya ban kyauta ba aman ki gane motarta ta samu matsala shi yasa kuma kinga su basu saba shiga motar haya ba shi yasa nace bara kawai na kai su aman yanzu ki yi ki fito zan zo na dauke ki kin san fa yau bamu da lecture da yawa

Aisha ta yi gagawar katseta da fadin sai kin zo, dan kar ta idasa maganarta

Rauda ta kifta idanuwanta cike da mamakin yayar tata, aman kuwa lale wani rashin zuciyar ma mai ake da shi

Yaya dai??? Aisha ta jefowa Rauda tambayar tana mai bin yanda rigar rauda ta mugun yi mata kyau harma ta fara kokonta a kan zabanta da ta yi na rigunan

Rauda ta kawar da kanta tana kokarin warware gugar hijabinta da ta yi fari kal mai hannu sannan ga tsayi har kasa ta ce" gani na yi jiya jiyan nan kika gama rantsuwar kin daina shiga motarta aman yanzu ta yi kiranki bama dan ta baki hakuri ba sai kara caba maki magana da ta yi aman du da haka kika amsata da sai ta zo?

Rauda kina da motar da zaki kaimu ne? Ba gaskiya ta fada ba cewar nice na saba da yawo a bos aman su mai suke da bos motar talakawa? Shin idan na yi fushi ta ina zan samu hanyar zama watar? To kinga ki saurara min binta zan, sannan idan kina zuwa gaskiya ba zamu daukeki da wannan hijabin haka sai kace wace zaki tafi masalaci mtsssssss " Aisha ta karasa maganarta da jan wani uban tsaki

Rauda ta sauke ajiyar zuciya sannan ta bi hijabin jikinta da kalo, ta kuma dagowa ta kali yayar tata sai kawai ta zura hijabinta ta lakaci mansu mai maski ta dan gogawa lebenta ta juya ta shiga harhada takardunta

Tana kalo yayarta ta yaye kanta da dan kwalin rigar wanda hakan ya baiwa dogon gashin kanta damar fitowa a bayanta sosai sannan daga gaba ma yayi konce gaban goshinta ana ganinsa sosai
Takalminta plat ta dauko ta saka sannan ta dan goga turarensu da ya dauko hanyar karewa ta fice ba tare da ta kuma fustawa Rauda kalma daya ba

Itama cikin nutsuwa ta gama ta fito ta nufi wajen mamansu ta ce " umma zan tafi

Dago kanta ta yi ra zuba mata ido, kamar mai nazarin wani abin sai can ta ce" oh to ni dai Rauda ko dai wani kasurgumin ustaz zaki aura? Na cire kudina na sayo maku rigunan aman dan wulakanci shine zaki hadata da wannan uban hijabin da ubanku ya saya maku? Shiyasa ashe Aisha tayi tafiyarta ta barki kina fama da hijab

Ita dai kanta a kasa bata furta komai ba har mahaifiyarta ta gama fadanta ta ce" na tafi umma

Ajiyar zuciya Nana Mariama ra sauke ta ce" a dawo lafiya Allah ya bada sa.ar tafiya

Ta yi murmushi ta juya da kudaden da mahaifinsu ya basu, bata tsaya nemansa ba dan ta san idan ransa a bace sabkon fita yake

Tafe take tana sauri dan isa bakin titi wani mai adaidaita ya zo ficewa ta tsayar da shi dan ta yi lati sosai , sai dai mai adaidaitan ya ki ya dauketa koda a naira dari da hansin ne , haka tana kalonsa ya tayar yayi gaba abinsa

Tana isowa bakin titi ta tsayar da bos yafi a kirga sai dai du a cike basa tsayawa da kyar ta samu guda wace ita dinma ta kudan cika domin an tsatsaga mutanen sosai sannan harda maza a ciki

Yaron motar ne ya fito ta kare mar kalo, garjejen kato ne sai wari dati yake , a hankali ta ce" dan Allah malan ku dan matsa na shige ciki

Kowa yana muzurai suka dan ja kafafuwansu ta samu ta shige can ciki jikin window ta makale tana neman sheda

Haka suka ja motar nan suna tafe suna tsayana suna sauke wasu suna daukan wasu

Daidai danja motar ta tsaya suna jira a sake su
Kan Rauda a kasa tana dan jan nunfashi tana share gumi da dan kyanlenta mai tsafta tana dan hura hijabin nata

Kamar ance ta dago da kanta sai idannuwanta suka sarke da wani mutun a zaune a bayan wata wuleliyar mita baka sai dai gilashin motar ana gannin na ciki kamar yanda yake gannin na waje,
Abinda ya bata mamaki sai ta ga tamkar gala mata harara yake, kwarjininsa ya saka mata faduwar gaba hakan ya sa ta sada kanta aman mai sai zuciyarta ta dameta da son sannin shin hararan nata ne yake da gaske ko kuwa?

Kuma dago da kanta ta yi ta dan sato kalonsa aman mai tabas harara ne yake gala mata irin mai cike da haushin nan

Cike da mamaki ta bi motar da yake ciki da kalo daidai lokacin da danja ta saki motocin suka fice shat shat tamkar iska ke tafe da su

Bata san tana sauke ajiyar zuciya ba har sai da na kusa da ita ya ce " malama sannu kin matse ko??

Kawar da kanta ta yi domin wani irin warin baki ne ya daki hancinta daidai motar ta tsaya wajen jami.a

Da sauri ta sauka ta biya kudin ta yi gagawar sayan piyawata ta cira ta kwararawa fuskarta ta shiga sauke ajiyar zuciya tamkar ta yi tsere


..........

A wannan rana sai ta rantse bata ga anfanin zuwanta makaranta ba domin da ta shiga aji bata samu gabagaba ba sai can baya dan an jima da fara lecture, inda ta samu kuwa daman wajen zaman yan bata aji ne banda labarai ba abinda suke

Suna fitowa ta zauna tana duba litafenta

Wata sansayar murya ce ta yi mata salama cewar"asalamu alaiki ya ke ma.abociyar kyau

Bata dago da kanta ba aman bata ci gaba fa karanta takardar ba ta yi tsam ta shiga tunani,
Wannan mutun wanene? Du inda na yi yana biye da ni, shi ba wani mai shekaru ba ko daga kalon fuskarsa aman du inda ya ganni ya kama kure min kalo sannan kokarinsa mu kasance iya mu ya samu damar yi min magana
Du wannan magangannun cikin zuciyarta take yi jin shiru ya saka ta dan dago da kanta tamkar mai tsoron ya kamata

Murmushi ya sakar mata yana mai yi mata irin kallon kurullahn nan

Hade fuskarta ta yi, ta sada kanta kasa

Gannin haka ya ga a yau fa wannan itace damarsa wace idan yayi wasa da ita may be ba wata

Muryarsa ya kara sasautawa tamkar munafuki ya ce" na tabata zaki cewa zuciyarki wannan mai nacin haka fa? Ki yi hakuri ko na hakura zuciyara sai ta shiga fada tana tsale tana fadin dan me ai itama mai inci ce dan haka ke ta zaba

Wani irin gingirigin take jin zancensa, ba wai dan bata saba ji ba aa sai dan wannan da salon yan gayu a ciki

Dago da kanta ta yi a karo na biyu, yana da kalar nutsuwa, yana da matsakaicin tsayi sannan kakaura ne bashi da rama ko kadan, irin mazan nan ne masu kiba harda dan tumbinsa na fura(😂)


Katse mata tunani yayi da fadin" sunana Abdurahaman, ni ba kowa bane sai mai nema tun karfinsa, ina da shago a rijiyar lemu ina siyar da kayan yan mata da na mak up, daifai gworgwado ina da rufin asiri sannan ina karatu a wannan jami.a inda nake karantar kasuwanci domin wannan rayuwa komai sai da ilimi, na taba aure matata ta rasu tun kafin ta tare, hajia Rauda na jima ina bibiyarki a gaskiya nutsuwarki ta fi kwadaita min son kula alaka ta alkhairi da ke, na sani ke din kalar manya ce aman na zo da kokon barata zan hau takara idan rabona ce kinga ai sai hamdallah , ya karashe yana mai sakin dan murmushi

Tausayin kanta ne ya dirar mata lokacin da ya kawo aya ta tuna maganar mahaifinta inda yake cewa *Raudana kinga rayuwa ki yi fatan samun miji na gari, kar ki yarda rayuwar wani ta rude ki ko ki sakawa kanki dogon mafarki wanda ba zai fishe ki ba, ita duniya komai Allah ne mai yi, kina iya nacewa mai kudi ki zo ki aureshi ya talauce, dan haka ki barwa Allah zabi du wanda ya fito maki idan mai mutunci ne ki amince a yi maki auren ki domin ni dai a yanzu banban burina shine na aurar da ku kafin kasa ta rufe idannuwana....* , babar damuwarta mahaifiyarta domin ita fa a wai take ji wai zata so da namiji, wani irin so kuma? Kawai sai ta kali garjejen kato ta ce masa tana sonsa? Ita wani abu ne zai kaita ga aikata haka? Bata tunanin kyau isa ko arziki zasu yi tasirin karkata mata tunani haka aman ance idan aka zauna da mutun anfi shakuwa da shi, ta sani bata taba kawo koda mai keke ne gidansu ba hakan ya saka mamansu ke koran dukan manema aurenta tun tasowarta shekara goma sha biyu har zuwa yanzu da take cikin ta ashirin da daya , wannan bawan Allah harda mashin dinsa wanda take ganinsa yawancin lokuta a sama, tabas zata saurareshi koda kuwa a kansa ma bata ji soyayar ba idan Allah ya sa shine mijinta shikenan ta yi aurenta Abanta ya samu konciyar hankali

A hankali ta ce" ka yi hakuri, ka bani lokaci zan je na yi shawara

Murmushi ya saki, ya ce " ki taimaka wajen shawarar nan ki yita da mai kaunana

Dan murmushi ta saki domin ya bata dariya wai da mai kaunarsa, ta sada kanta kasa ta mike ta tatara kayanta inda ya bita yana magiyar ta zo ya kaita gida aman fir ta kiya karshe ma sai ta tari adaidaita ta mika masa duka canjinta ya dauke ta suka dauki hanyar gida




Mita na tsayawa ya bude ya sauko ya shiga taku cikin hanzari ya shige part dinsa ba tare da ya waiwayi kowa ba

Yana shiga ya rufe dakinsa ya dauko remote ya danna ac ya kara masa gudu dakin ya garwaye da kanshi da kuma sanyi

Botiran maroon din jalabiyarsa ya bale daga gaba, ya konce dan nadin da yayiwa kansa tamkar balarabe ya fada gadonsa da baya yana fadin" bismillahi rahamanin rahim


Daga bakin kofa ake buga masa kofarsa ya bata rai ya dago hannunsa na hagu yana dubawa ya ga karfe 12 ne yayi

A hankali ya furta" ai ba zuwa kasar ba , auta ta dami mutun, yama aka yi ta sauko da wuri haka????? = domin kaf gidan nan ba wanda ya isa ya ratso kofofin nan ya zo har bangarensa sai ita ! Dan kuwa baka ga fuska bama bale har ka rabe shi, wai danma ya zurfafa a adinni domin har sunna sukai masa da ustaz....

Mikewa yayi ya mayar da botiransa ya bude kofar sannan ya saka hannunsa ya kare danma karta shige masa daki dan kuwa ransa a bace yake

Fuskarsa ta karewa kallo, gannin ransa a bace ya saka ta daina fada masa abinda tayi niya, ta ce" big broth what happen????

Idannuwansa da suka canza kala ya lumshe a hankali ya ce" ina son komawa saudiya

Ido ta zaro, a ranta ta furta komawa fa tap, ai ka zo kennan dan kuwa naji Aba na fadin saudiyar nan ta isa haka kuma ka zauna a kasarka

Murmushi ta yi ta ce" haba yayan *Hafsa* , mai yayi zafi harda zai kone? Mu muna son ka zauna da mu plz yayana,

Ajiyar zuciya ya sauke ya rufe dakin ba tare da ya bata gamsashiyar amsa ba

Cike da sanyin jiki ta koma, ita fa abinda ta yi niya sai ta yi domin so take ta yi masa birthday na surprise ta gayato kawayenta harda kawarta *AMINA* dake mugun son koda magana ne yayanta yayi mata


Yana rufe dakin ya ja wani uban tsaki, a fili ya furta" ba zan iya zaman garin nan ba, kana tafe ne ranka na baci , a cikin tafiyar hanya ma zai ka danne zuciyarka karta buga da abin haushi ina da ka zauna zaman dindindin, yanzu in ba rainin hankali ba macece fa ta shige can ciki maza sun saka ta a tsakiya haka tana shakar shedar su suna shakar nata koda maharamanta ne shi sam bai ga dacewar hakan ba ( wayo Rauda a bos🤣 )


Haka yayi ta fada shi kadai har lokacin sallah yayi ya mike ya shige bayin dakin nasa ..........
(Wannan kennan )





*❣IDAN KA RAINA INDA KAKE❣*



4⃣




Na: *SAJIDA*



Bayan kwana biyu

Zuru Aisha ke zaune a tsakar gidansu tana kallon waje guda , yannayinta ya nuna tana cikin tsantsar damuwa

Mamanta ne ke zaune a bakin murhu tana faman kada miyarta ta kuka da ta sha kayan hadi ba laifi

Dayan gefen kuwa Rauda ce zaune ta dukar da kanta kan litafin adinni tana ta tilawa

Mama,..... " Cewar Aisha cikin sanyin murya

Dago da kanta ta yi ta amsa tana kalon yar tata

Aisha ta sauke ajiyar zuciya ta ce" Mama, kawar Amina ce ta gayaci amina gidansu, ita kuwa ta gayace ni ana wani sabga a gidan, mama kayan da kika kawo mana gaba daya na saka du sun ganni da su, sannan gidan gida ne na manya baki ga yanda Amina ke rawar kai tana murnar zata je gidan ba, shine abin ke damuna kuma abin nan ya kama gobe ne da safe .... ban san ya zan ba

Shiru Nana Mariama ta yi ta afka tunanin ya zata yi ta taimaki yarta?

Ba tare da ta tambayi wace irin sagba bace, sannan ba ruwanta da sannin ina ne, abinda yarta ta fada cewar suturar da ta kawo masu du ta saka tana jin kunyar a kuma ganninta da ita bai dameta ba a matsayinta na mai neman cin yau .... sai ta fahimci hakan a matsayin kankarowa kai girma, sannan abu guda ta san idan dai ta yiwa Aisha sai ta yiwa Rauda domin du inda zata je dole sai rauda ta raka ta wannan kam ta kasa hana wannan dokar ta malan du nacinta

Cikin nutsuwa ta ce" karki damu

Shine kawai abinda Nana mariama ta fadawa Aisha wanda ya saka ta washe ta mike ta shiga shiryawa wannan tafiya ta gobe ta hanyar kyalkyale kyalkyalen kafafuwanta da shafa masu man bulanga dan su kara taushi su dauki kalar wankA(😂)

Can cikin bacin su take jin dan muryar mahaifiyarsu kadan kadan tana fadin" to me na na yi maka yanzu kuma?

A hankali muryar mahaifinsu ke fadin" du abinda kike shuka min a gaban idannuwan yayana ina kawar da kai ne dan a yanzu sun girma sun kawo mizanin rike du abinda muke aikatawa, idan har na biye maki zamu dawo ne muna raba masu abin kunya , ki sani du talaucina , munina kamar yanda kike fadi ina da galihu, nima mutun ne, ba tsananin soyayarki bane ya saka na kasa daukan mataki a kanki sai dan idannuwan yayana kawai, domin ina jin kunyar daya cikinsu ta bude ido ta ga na aikata abinda zai bata kunya shi ya sa nake fama da karfina nake neman abincin bakina da na iyalina dan gobe kar a zage su, ko yau na mutu bani da bashin kowa a kaina sannan ba wanda zai jefe ni da kalmar na taba cutar sa, na iya talaucina, yanzu tun muna mu biyu ki sanar min inda kika samo makudan kudin da kika yiwa yaran nan wannan siyayar domin dai ni a sanina danginki har yanzu basu gama sake maki ba bale su baki , ke kuwa sana.ar mai kike? Banda kawaye da kika tara wa.inda suka fi kargin mu.amalarku?
Ki sanar min , idan kuwa ba haka ba kin ji na rantse ba zasu yi anfani fa suturun nan ba koda kuwa sune zasu daura auren ( domin ta cewa baba wajen aure zasu tafi)

Du irin taurin kan mahifiyar su rauda idan mijinta ya juye mata tana shakarsa domin kuwa mutun ne mai hakuri bai iya fushi ba

Cikin sanyin murya ta ce" aunty salma ce ta kawo masu tun tafiyarta dubai da mijinta, da ta bani sai na ce ta ajiye min domin idan na kawo masu tun a lokacin zasu iya sakawa ne su je makaranta , ga kayan kuwa masu kyau ne , shine yanzu da suka fada min maganar tafiya wajen auren nan na je na karbo

A yanda ta yi maganar sosai ya shagaltar da baba, har ya tino masa zamanin da idan magana ne ba zaka ji muryarta a dage ba, shi ya sani yau da gobe da zugar mutane ne ya sa tun bata damu ba, tun bata kulawa har ta dawo ta fara kulawa

cike da mutuwar jiki ya daina fadan, ya jima yana kalonta sannan cikin sanyin murya ya ce" *shin mai ya sauya maki dabi.unki kyawawa wa.inda suka saka nayi maki lakabi da mar.atun saliha? Mugayen kawaye ne suka yi tasiri a kanki ko ke kanki ce kika raina inda kike? Ummu Rauda Allah ya ganar da ke*
Yana gama fada ya fito ya bar mata dakin da wannan tsohon daren

Jinginar da bayanta ta yi a jikin bangon dakin, a hankali ta sulale kasa tana sharar hawaye, murya kasa kasa ta ce" laifinka ne, komai na zama laifinka ne, ai ba mai son wahala, sai da aka yi maka tayin sana.a ka zo dan girman kai ka nuna aa kai ba zaka yi ba, ba ruwanka da irin damuwar da muke ciki kai dai kanka kawai ka sani , kai a tunaninka a haka zaka aurar da yaya yan mata har biyu? *Ai dole na kara baiwa dangina hakiri kan irin kuskuren da na tafka a baya domin a yanzu da na kuma samun gardin jar miya ba zan dawo na rungumeka mu kare da karnin rana ba* !


A hankali Rauda ta shafa adu.a ta koma ta konta, ita kam dan bata da yanda zata yi ne domin sam tafiyar nan bata yi mata ba ! Cike da adu.ar daidaituwar tsakanin iyayenta ta yi baci

Tun karfe tara wayar Aisha take ringin da sauri ta fito ta daga amina ce take shaida mata tafa yi sauri ta shirya

Cikin gagawa take kara kyalkyale fuskarta tana duban Rauda wace ke shiri cikin nutsuwa , a dan hasale ta ce" yanzu lalana dan zaki rakani ne kike komai cikin sanyin nan? Ki daga kafa kinga dai birthday din nan na surprise ne, kuma an ce karfe goma yake farkawa daga baci ya motsa jikin minti ashirin kafin ya fito kin ga ki daga kafa kar a yi banda mu

Bata bata amsa ba sai tsaki da ta ja cikin ranta ta saka rigarta doguwa mai ruwan peak color , riga ce da ta sha adon duwatsu farare karkarkar kananuwa tun daga wuyanta har kasa an bi an yayarfa masa duwatsun wanda hakan ya karawa rigar kala , sai banban mayafi domin irin rigar larabawan nan ce masu mayafi da kyan fasali da tsada yayar Mahaifiyar su Rauda ta yi masu tsaraba da yayanta
Rigunan kala bibiyu ne bakake biyu sai blue da peak Aisha ta dauki baka guda da blue ita kuwa ta dauki peak din da bakar

Bata yi kwaliyar komai ba sai yar hoda da ta murza kadan sai jan baki pink sai ta dan furta kwali a idannuwanta

Gashin kanta ta kama ta tufke a bayan kanta ta saka ribom dinta fari ta daure sannan ta dauko mayafin ta gyara shi ta ninka shi yanda zai yi mata dadin dauri sannan ta daidaita ta dora shi a kanta ta yane kanta da shi ya kasance ya rufe mata gashin kanta sai yayi irin yanda larabawa suke

Sosai wannan riguna suka karbi jikin su Rauda, domin daga sama sun dan matse daga bakin kugu suka bude sai hakan ya hau da yannayin tsarin halitar jikinsu wato coca cola

Kiran amina na ba adadi ya saka Aisha wartan pos ta fice tana fadin idan kika dora wasu mintunan zan yi tafiyata

A haka itama ta fito, bakin takalmi ne a kafarta mai dan tudu kadan


Sun yi tafiyar a kallah minti talatin kafin suke shigowa anguwar gra

Kofar wani gida suka ja suka tsaya

Dane horn Amina ta yi wanda hakan ya baiwa masu gadin kofar damar jin da mai son shigowa

Daya daga cikinsu ne ya fito ya karaso wajen motar ya ja ya tsaya
A hankali Amina ta sauke gilashin motar tana kallonsa

Fuskarsa a hade ya ce" takardar shedar ke yar familly din ce

Baki sake suke kallonsa, Amina ta ce" ko dai mun yi batan kai ne, shin ba nan ne gidan su *Hafsa* ba?

Bai saki fuskarsa ba yace " eh, aman dokar mai gidan ce idan dai kai ba na gidan bane baka da carte din shedar kai dan gidan ne sai ka yi kiran number oga yayi kiran mu ya bamu izinin ka shigo da mota idan ba haka ba kiwa sai dai ka shiga a kafa koda kai wanene idan kin kula ga motoci nan na kawayen madame domin abinda take shiryawa bata so oga ya sani

Cike da mamaki Rauda ke binsa da kalo garjejen kato wanda ko jayaya ba zaka so yi da shi ba, kofa maganar ne zaka yi gudun yi da shi

Ajiyar zuciya ta sauke da ta ji Amina na koda wannan tsarin tana fadin" lale dole ne manya manya ne bara mu fito, ta juyo wajen Aisha da ta fara yin la.asar tace" kawata mu tafi ko

Haka suka bar motar suka fito, Amina ma doguwar rigar ce ta saka red color sai dai tata ta dameta sosai sai ta yafa mayafinta a saman kanta

Haka suka shiga wannan gidan wanda kallo sai ka shigo idannuwanka zasu baka kalaci domin gida ne mai girman gaske , faduwar tsaruwarsa ba zai yiyu sai dai nace ya hadu iya haduwa ko a kasar waje sai haka


Suna shiga suka tarar da wata mata da uniform na ma.aikata cikin sakin fuska ta tambaye su wajen birthday suka zo

Suka bata amsa da eh, nan ta nuna masu wata hanya da kofa a jikinta ta ce" ga bangaren Ogan nan

Kallon juna suka yi suka nufi hanyar inda Rauda ke biye da su a baya kamar kwai ya fashe mata a ciki domin gaba daya ji take tamkar bata da laka

A tare suka furta waouh!!! Domin tsarin wannan waje ya zarce wanda suka baro, tsari ne irin na turawa domin kasan shinfide yake da gazon wato wannan tsanwar ciyawar irin ta filin ball mai laushi a kafa da santsin takawa

Sai wasu dogayen shukar dabino a jejefe a filin
A nan filin wajen motsa jiki yake an kawata shi fa dukan abubuwan bukata na motsa jiki, da wani dan karamin frij mai cike da dukan abin sanyi wanda bayan ka gama motsa jikin zaka dauka ka fitar da kishirwa

Gefen dama kuwa wasu fararen kujerun karfe ne irin wa.ina ake sakawa daga cikin kasa, sai dan nesa da su abin lilo ne shima an yi masa fenti da fari sosai ya hasku a kan wannan ciyayin

Sai wani dan table da runfa a samansa gefensa kuwa wani dan sip ne cike da litatafai na adini da na turawa

Wata sansanyar iska ce ke kadowa tana badawa dalilin ruwa da ake baiwa wannan ciyayi da kuma shukokin nan sai ya kasance wajen ya zama gurin samun nutsuwar du wani bawa mai cikakiyar lafiya

Wajen mutanen da suka hanga a tsatsaye suna daukan hotuna du yan mata sai yan gidan da basu fi su biyar ba gaba daya dai har su Rauda ba zasu kai su 15 ba

Gaisawa suke da hafsa wanda Rauda ta raja.a a shakar kanshin wajen somin kanshin shuka yake bayarwa da sanyi mai dadi

Hello????????
Hafsa ta maimaita a karo na biyu domun tana yiwa Rauda sanu da zuwa aman bata ji ba

Da sauri ta juyo da fuskarta, kunyar hakan ya saka ta sakin murmushi