You Cannot Download this book untill you login but you can read it .

---

Login Register

?, to me yake faruwa haka?.
“Kije ku gana da ƴan uwanki, nima zanje na ga nawa“
Ita de ba haka ta so ba, tana san ta kwana a gida yau, a cikin 'yan uwanta. Dan ta yi kewar kowa a cikin su.”
Ta juya jiki a sanyaye zata fita, caraf ta ji ya riƙe hannunta, ta juyo ta kalleshi, a kan lips ɗinsa ya furta.
“I love you”
Bata ce Komai ba, dan kanta cike yake da ruɗani.
Ya saki hannunta ta buɗe motar ta fita, sai yanzu take kallon yanda jama'a suke binta kallo, gaba ɗaya maƙota an leƙo ana san a ga ƙwaƙwaf.
Ko da ta shiga cikin gidansu se ta ga su Hussain na irga kuɗi.
Ta zauna a inda ta tashi ɗazu tana faɗin.
“Wannan ribar shagon wayar ce?”
“A'a mijinki ne ya bayar yace a bawa Maanmu da Anti Hanne”
Ta ɗanyi murmushi, ita de kam ta ƙagu ta san wacece wannan Anti Hannen, gashi kuma tana zaune a wajen, babu damar ta tambayi su Hussain.
“Hassan ɗauko min jakar nan”
Hassan ya miƙe ya shiga ɗakin Maanmu ya fito mata da jakar, se yanzu Maryam take ƙarewa gidan kallo, har sabon fenti suka sake, an gyara gidan sosai.
Bayan Hassan ya kawo mata jakar ta buɗe ta shiga raba musu kayan tsarabar da ta kawo musu, kowa se murna yake har da Abti Hannen da bata tsara kawo gujirin da ita ba itama ta samu, harda maƙotansu.
TAFIDA POV.
Kai tsaye fada ya wuce, sai da ya yi parking motarsa a babban parking lot ɗin katafariyar fadar, sannan ya buɗe motarsa ya fito.
Kamar yanda aka saba, dogarai da hadima dama bayi sai kirari ake masa da miƙo gaisuwa.
“Tafida ɗan Tafida, ruwan kogi tafi sannu sannu wanda ya yi wargi zai halaka, giwa ta gama da masu ƙarfi ta wuce......”
Haka wani dogari me kaifin murya ya ci gaba da rangaɗowa Tafida kirari har ya shige soron farko.
Ya ci gaba da taka sorayen fadar har ya isa inda yake san isa, wato b'angaren Fulani Khadija.Sai da aka masa iso da ita sannan ya samu ya ganta.
Yana zaune a falo na uku ta fito cikin wannan tafiyar tata ta ƙasaita. Tun da ta fito take binsa da kallo, ya sauya mata sauyi ba ɗan kaɗan ba. Ita a yanda me martaba me bata labarin ya sauya ma sai ta ga ya fi, ya yi ƙiba ya ƙara haske, kai da ganinsa kasan cewa hankalinsa ya kwanta.
Zama ta yi a kan kujera tana amsa gaisuwar da yake mata.
“Ina Nadra?”
Sai da wasu sakkani suka wuce kafin ta amsa da.
“Taje wani bikin ƙawayenta”
Ya gyaɗa kansa.
“Ina Maryam ?”
“Na kaita gidansu, inshaallah zata zo ku gaisa”
Itama kan nata ta gyaɗa.
“Bari na saka a kawo maka abinci”
Muryarta ta faɗi cikin shirun da falon ya ɗauka.
“A'a ranki ya daɗe, sauri nake, dan a can gidana zamu sauƙa, zan shiga na duba jikin Galadima sannan na wuce, kuma dama mun yi magana da me martaba kan sai gobe zamu gaisa“
“Babu matsala, Allah kai mu goben, zaka iya tafiya”
Ya miƙe yana mata sallama sannan ya fice.
Fulani Khadija ta ɗaga kanta tana godewa Allah, zuciyarta cike take fal da farin ciki da kuma murna, murnar ta sauƙe nauyin marayan Allahn da aka ɗora mata, murnar ganin tilon ɗan da zata iya kira da nata na cikin farin ciki bayan wani abu da ta yi a rayuwarsa.
Tafida ya yi sallama a falon Fulani Sadiya, jakadiyar da ta masa iso ce a kan gaba, yayinda shi kuma ke biye da ita.
A gaba ɗaya zamansa a fadar wannan shine karonsa na biyu da ya shiga b'angarenta, na farkoma da Fulani Khadija suka fara zuwa sanda ta haifi Amina, bayan nan bai sake shiga ba.
Bin mutanen dake falon ya yi da kallo kafin ya samu waje ya zauna. Fulani Sadiya, Maimun, Amina da Nabil.
Ɗaua bayan ɗayan suka gaida shi, kafin shi ya gaida Fulani.
“Ya Galadima da jiki ?”
Ya tambaya yayinda suke gaisawa, Fulani Sadiya ta jinjina kai.
“Jiki da dama, sai godiyar Allah”
“To Allah bashi lafiya, ni zan wuce”
Ya ƙrashe yana miƙewa.
Ya kuma musu sallama sannan wuce.
Gidansa ya koma, yaje ya yi wanka sannan ya ƙara fita ya tafi asibitinsa.
*Unguwar Garko*
*Da 08:15pm*
Suna zaune a kan babbar tabarma, abinci suke ci suna hira, Hassan, Hussain da Muhsin suna ci a kwano ɗaya, yayin da Maanmu da Anti Hanne da kuma Maryam suke ci a kwano ɗaya.
Zuwa yanzu Maryam ta saki jiki da matar dan tana da kirki, kuma wani abu ɗaya ne ya gifta a tunaninta kan matar, da alama Abbansu ne ya yi aure, dan ko girkin daren ma ita ta yi.
“Yanzu da bana nan waye yake shara da wanke-wanke ?”
“Da da bakyanan Ko ni ko Hussain, amma bayan zuwan Anti Hanne kullum ita take yi” Cewar Hassan.
Maryam ta kalli fuskar matar ta cikin hasken wutar dake tsakar gidan.
“Hassan cover nake so me kyau“
Hassan ya kai loma yana miƙa mata hannu.
“Muga wayar taki”
Da hannunta ɗaya ta zaro wayar a cikin jakarta sannan ta miƙa masa.
“Inalillahi wa inna ilaihi daji'un Hussain kalli wayarta ka gani!”
Ya ƙarashe yana miƙawa Hussain ɗin.
“Kai miye ya samu wayar tawa ?”
“Babu abinda ya sameta, kawai de kuɗinta muke lissafawa”
“Ai nake gaya maka matar nan ta faso gari, kai baka ga hasken da ta yi ba?”
“Harda ƙiba ma ta ƙara”
Maryam ta girgiza kanta tana tauna abincin bakinta.
“Maryam Iya Ummi ta dawo fa“
Maryam ta tsame hannunta daga cikin trayn da suke cin abinci tana kallon Maanmu.
“Tana gari yanzu haka ?”
Maanmu ta gyaɗa mata kai.
“Tana nan, karkiga abinda ta riƙa yi akan wai anyi auren ki bata gari”.
Iya ummi itace babbar ƙawar Maryam tun tasowa, dan hatta da makaranta basu tab'a rabawa ba, da sukayi candy ne ita Maryam ta ta shiga Binyamuini, ita kuma Iya Ummin ta tafi Gashuwa. Ko sanda akayi bikin Maryam ɗin bata gari.
“Yaya akwai irin cover wayar taki”
“Me kwaliya fa nake so”
“Kar ki damu gobe zan kawo miki”
“Ah-ah su Yaya a india”
Cewar Hussain bayan yaga hoton da ke kan wallpaper wayar tata.
“India ?, mu gani”
Muhsin ya faɗi yana dawowa kusa da Hussain, daga haka kuma se hirar ta koma a kan India, Maryam na ta basu labarai akan wuraren da suka je, ta na yi tana nuna musu hotuna.
“Salamu Alaikum!”
Muryar Tijjani ta rangaɗa sallama daga bakin ƙofa, da gudu Muhsin ya miƙe ya yi kansa, Tijjani ya riƙeshi yana dariya.
“Kasan minene a nan ?” Tijjani ya tambayi Muhsin yana nuna masa ledar da ke hannunsa.
“Yalo ?”
“A'a agwalima ce”
Muhsin ya karb'a yana masa godiya, Tijjani ya ƙarasa shigowa cikin gidan, Hassan, Hussain, Maanmu da Anti Hanne duka suka masa sannu da zuwa, ya amsa yana zama a kan tabarmar shima, Anti Hanne ta miƙe ta kawo masa abinci.
Gaba ɗaya mamakinsu ya hana Maryam cewa komai, Abbansu ya sauya, amma yaushe hakan duk ta faru ita bata sani ba?, abun akwai ɗaure kai.
“Ah-ah ashe mutanen lagos ne a gidan”
Sai yanzu Maryam ta ankara da bata gaida shi ba.
“Abba ina wuni”
Tijjani ya amsa da fara'a kamar ba shi ba, daga haka kuma se ya shiga neman yafiyarta, har da saka mata albarka sannan ya rufe da nasiha.
Abun ya bala'in ɗaurewa Maryam kai, ashe akwai rana irin wannan da zata zo ?, koda a mafarki bata tab'a zaton ta.
________________
_Allahu akbat kabira!, kai duniya ina zaki da mu?, jama'a kuga yanda Tijjani ya sauya, hmmmm_
_Ni de ina san na san wacece wannan Anti Hannen, dan da alama kamar sauyin Tijjani ta silar ta ne,to a har kullum ina me matuƙar godiya a gareku_
🌸SAI KASKA CE✍️🌸



⭐️YADDA ƘADDARA TA SO⭐
⭐️ شاء القدر⭐️
*Magical love story*
©By Sai Kaska
Wattpad @Sai_Kaska
Phone number:08130172702
Tiktok @SAI_KASKA
Arewabooks @18saikaska
Facebook fage: Salma Ahmad Isah Sai Kaska
_________________________________
*Proud of my first novel*

★TAURARI WRITER'S ASSOCIATION★

*wannan babin naki ne Oum Nureen*

*BABI NA ARBA'IN DA TARA (49)*

MARYAM POV.
Tafe suke ita da su Hussain a lungun unguwar tasu, Bayan Tafida ya kirata yace gashi nan a wajr ta fito su tafe, shine su Husaain ɗin suka ce zasu taka mata.
“Hussain wai yaushe aka samu sauyi a gidan nan har haka ?”
Ta tambayi abinda ya maƙale a ranta tun bayan sauƙarta a garin.
“Hummm, ai Yaya tun bayan auren ki komai ya sauya, kin ga da sadakin ki Abba yaje ya auro Anti Hanne a ƙauye, ya kawota gida, ita kuma Anti Hanne tun bayan zuwanta gida sai Allah ya haɗa tata da Maanmu, biyyaya babu kalar wadda batawa Maanmu, duk abinda Maanmu zata ce mata shi take, amma fa a wajen Abba bata masa da sauƙi, dan ita ta saka Abba ya buɗe wani shagon provition, ya dawo shi ne yake kawowa abinci a gida, duka ɗawainiyar gidan ta dawo kansa. Ya setu ya dawo dai-dai, abun de sai alhmd”.
“Wallahi yaya auren ki alkairi ya zama ga gidanmu”
Maryam ta yi murmushi, tabbas aurenta da Tafida alkairi ne ga rayuwarta.
“Amma Hussain me yasa to ni ba'a sanad da duka wannan ba ?, kuma fa muna waya da Anti fati, ko da wasa bata tab'a sabar da ni ba”
“Maanmu ce tace kada wanda ya faɗa miki, wai dan kada a tayar miki da hankali”
Allah sarki Maanmu, Maanmu uwa ta gari.
“To mu zamu juya daga nan, sai gobe, ai zaki zo ko ?”
Cewar Hassan a sanda suka fito bakin titi har suna hange motar Tafida dake tsallake.
“Inshaallah zan zo, sai goben auta”
Ta ƙarashe tana dafa kan Muhsin. Daga haka suka mata sallama gaba ɗayan su suka juya, ita kuma ta nufi motar Tafida.
Yana gidan gaba, ya jingina kansa da kujera, kayan jikinsa ma ya sauya.
Ita kuwa wanka kawai ta yi, amma bata sauya kaya ba, dan kayan nata ya tafi da su.
“Hello!, bacci kake ne ?”
Ta furta a sanda ta shiga cikin motar , A hankali Tafid ya buɗe idonsa ya kalleta, asa'ilin da take rufe ƙofar motar, ƙwayar idonsa ta koma ja, zuwa yanzu Maryam ta saba da wannan abun, dan sam baya bata tsoro. Sun glasses ɗinsa ya janyo sannan ya saka.
“Mts!, ba bacci nake ba”
Muryar sa ta fito kamar me jin baccin, kuma kamar wanda yake a wahale.
“Baka da lafiya ne ?”
Ya girgiza mata kai yanawa motar key.
“Lafiyata ƙalau, kawai yunwa nake ji”
Ta zaro ido cikin faɗin.
“Baka ci abinci ba wai ?”
Ya gyaɗa mata kai, ai dole yaji yunwa, sanda zasu taho daga abuja ma beci abinci ba, cewa ya yi idan ze yi dogon tuƙi baya cin abinci.
Tafiya suka fara, babu wanda yace da wani ƙala, koda suka zo round about ɗin fada se taga ya yanke hanya, tunaninta fada zasu je.
Mamaki be kamata ba sai da taga sun ɗau hanyar Kano road, bata de ce komai ba, a kusa da sabuwar tasha taga yatsaya wajen wani me seda gasashiyar kaza da doya.
Ya fita, ta yaje wajen mutumin, ita batasan cewa mutane irinsa na cin irin waɗanan kayan ba.
Bayan ya siya ya dawo motar, ya miƙe titin express ɗin nan, sannan ya yi kwana ya dawo hanyar shiga gari, sai kuma taga sun ɗau hanyar Maje road, kuma a Maje road ɗin ma ya tsaya ya shiga Wani store ɗin dake kan hanya.
A nan kuma bata san me ya siyo ba se ganinsa ta yi da ledoji niƙi-niƙi, yabuɗe gidan baya ya saka a ciki, sannan ya shiga ya tayar da motar suka ci gaba da ta fiya.
Hanyar Shagari G.R.A taga ya nufa, hakan ke nuna mata cewa gidansa zasu je, gidan da a da sai de ta wuce ta ƙofar sa, wani lokacin har gaisawa suke da masu gadin gidan.
Yau se gata zata shige shi a matsayin matar me gidan. Kafin su kai gidan har bacci ya fara ɗauketa, dan bata ma san sanda suka isa gidan ba.
Ƙarar buɗe ƙofar motarsa ne ya farkar da ita daga gyangyaɗin da ya soma ɗaukarta, ya zagaya ya buɗe mata motar ta fito, sannan ya kuma zagayawa ya ɗebo ledojin dake baya.
“Kawo na taya ka”
Ya girgiza mata kai.
“Ke da kike bacci“
Au ashe ya ganta, se bata sake cewa komai ba har suka shiga cikin gidan, duk da dare ne hakan be hanata ganin kyan gidan ba.
Shine a kan gaba ita kuma na biye da shi, har ɗakin da taga ya shiga, a cikin ɗakin ne kuma taga jakar kayanta. Kai tsaye wurin jakar ta wuce, ta buɗe ta ta ɗauko wasu pyjams riga da wando masu kyau, ta shiga bayi ta saka kayan sannan ta fito.
Sanda ta fito ta iske shi zaune a kan sofa yana cin abinci. Bata ce masa komai ba ta wuce ta ɗauko hijabinta,sannan ta dawo kan gadon ta kwanta, kamar daga sama ta ji muryar sa.
“Ba za ki ci abincin ba ?”
Ta juyo ta kalleshi amma shi ba ita yake kallo ba kamar yanda ya saba. Kuma har yanzu idonsa sanye cikin baƙin glashin nan.
“Naci abinci a gida”
Shi ma be ƙara cewa komai ba, har ya gama cin abincin nasa, ya aje sauran kayan da ya siyo, ya miƙe ya shiga ɗakinsa na gidan, kayansa yaje ya sauya sannan ya dawo ɗakin da ya bar Maryam.
A kan gadon ya kwanta yana kallon fuskarta ta cikin hasken dake ɗakin, hannunsa ya motsa a setin swithch, take wutar ɗakin ta mutu.
Tsoron da ya saba kama Maryam shi ya kamata, dan haka ta matsa kusa da Tafida ta shige jikinsa, shi kuma ya kai hannunsa ya riƙeta, ya mata peck a ka.
“Ka yi addu'ar bacci ?”
Addu'a ?, ita bata san cewa shi ba kamar kowa yake ba ?.
Tana jin kansa da ya girgiza mata.
Kamar yanda ta saba idan suka kwana tare se ta yi addu'ar sannan ta tofa masa.

*Cosgrove Estate wuse,st 3, house NO 334*
*08:40pm*
HARIS POV.
Seda ya tabbatar da ya gama aje komai a yanda yake, sannan ya yi sama zuwa ɗakin Hanam.
Zaune ya samesu ita da Arya, tana waya wadda yake da tabbacin da Masarrat suke yi, dan ya ji tana larabci, pyjams ne a jikinta iri ɗaya da na jikin Arya.
Kanta ta ɗago ta kalle shi a sanda ta aje wayar.
“Ammi tace tana tayaka murna, da waƙarka da ta yi trending a africa baki d
ɗaya”
Ya yi murmushi yana ɗaukar Arya.
“Godiya nake, muje”
Ta miƙe tare da faɗin.
“Zuwa ina ?”
"Ƙasa mana“
Bata kuma cewa komai ba ta bi bayansa.
Baki sake take kallon falon nasu, wutar falon a kashe take, sai wani haske me kyau da ɗaukar ido kalar purple dake haskawa a farlon, ga katifa an shimfiɗe a ƙasa an rufeta da bed sheet, ga pillows manya manya an kewayeta da su, katangun falon na glass ya sauƙe curtains, sannan ga wani farin bord da aka aje a wajen.
Ga wani table da aka ɗora projector a kai, wanda ke facin farin bord ɗin, a kan coffee table kuma kayan kwaɗayi ne kala-kala aka jera.
“Wow!, amma fa wurin nan ya yi kyau”
Haris ya aje Arya a kan katifar yana faɗin.
“Disney ne suka saki wani sabon film, wai shi 'WISH' shi ne nace bari mu kalla“
Hanam ta zauna akan katifar itama, yayinda shima Haria ɗin ya zauna, suka saka Arya a tsaya, ya kunna ya danna wani switch a jikin projectorn, nan take film ɗin ya shiga playing.

MARYAM POV.
Yau da safe da suka ta shi bayan sun shirya gidan Wani abokinsa Muktar ya kaita ta gaisa da matarsa har da ɗansu da suka ce mata me sunan Tafidan ne.
Sun ɗan jima a gidan, kafin suka tafi, kuma daga nan unguwarsu taga ya nufa, a ƙofar lungunsu ya yi parking.
“Se yau she kenan ?”
Ya tambaya idonsa a kanta.
“An jima mana”
Se ya gyaɗa mata kai yana cije lips ɗinsa.
“To a dawo lpy”
“Ameen Allah ya sa”
“Ki gaida Maanmu da Abba da Anti Hanne”
Maryam ta fita daga motar a ranta tana faɗin wato shima ya san Anti Hanne, itace ba ta da labarinta, koma me ya faru lefin Anti Fati ne, ai suna waya ya kamata a ce ta faɗa mata.
“Yauwwa shigo, ai kinganni nan sammako na yi yau, tun da an ce mana ganinki se an cike file”
Muryar Iya Ummi ta faɗi bayan Maryam ta yi sallama, da gudu Maryam ta yi kanta tana dariya.
“Allah sarki ta gidana, na yi missing ɗinki wallahi”
“Ba wani nan, ɗagani ni, ai da ace kin yi kewata ba zaki koma lagos ki yi zaman ki ba”
“To ai keɗince baki da waya..”
“Inji ub*n wa ?, to wallahi na yi waya”
Ta ƙarashe tana miƙo mata wayartata, Maryam ta karb'a.
“Iyeee?, ki ce Iya Um...”
“Ke ke dakata dallah!, na soke wannan sunan, sunana Hafsa, idan kuma bazaki ce Hafsa ba ki barshi”
Maryam ta ɗaka mata duka tana juyawa wajen Maanmu.
“Maanmu ina kwanan ku”
“Lafiya”
“Anti Hanne ina kwana”
“Lpy Maryam ”
Anti Hanne ta amsa mata da fara'a, bata tambayi ina su Hussain ba, dan tasan akwai school.
“Ina gujirin nawa”
Maryam ta miƙe tana faɗin.
“Muje ɗaki na baki”
“Ke ta gidana kinga yanda kika yi kyau?, kin yi fresh a binki, ko dan wa ya sani ma ko akwai ƙaramin Tafida a cikin ki....”
Maryam ta ɗaka mata duka a sanda suke zama a kan gadon Maanmu.
“Wallhi Hafsa bana san iskanci, ke tsiyata da ke kenan, baki iya bakin ki ba”
“Yau ai gaskiya na faɗa, kinsan ni ba'a ƴar b'oye-b'oye da ni ehee“
“Ah!, me hali ba ze fasa ba”
“Se na dawo na iske ƴar iskar nan ta bar gari”
Maryam ta yi dariya.
“Ko ba Badar ba ?, ta koma kano wallahi”
“Umm!, Maryam yanzu duk yanda ƴan matan Haɗeji ke zilamar Tafida kece kika yi wuf da shi, ke nifa ko hira ake se na ce ƙawata ce ta auri Tafida”
Maryam ta tintsire da dariya, dan tasan wannan ba ƙaramin aikin Hafsa ba ne, idan aka ce ta yi fin haka ma ba za'a musa ba.
“Wannan tabon na fuskarki fa”
Maryam ta kai hannu ta tab'a gefen fuskarta, dede inda ta ji rauni sanda Heleen ta daketa.
“Faɗuwa na yi”
“Oooh!,Muga wayar taki to”
Maryam ta miƙa mata, hoton wallpaper farko ta gani, wanda na Maryam ne ita da Tafida, da a ka musu a Mumbai, a Marine drive.
“Oh ni duniya, wai dama Maryam har indian kuka je ?”
Maryam ta janyo wata jaka a cikin kaya da ta zo da shi tana faɗin.
“Mun kusa wata ma a can, bamu fi kwana huɗu da dawo ba”
“Kai ƙawata Allah saka mu a danshin ku”
“Ga wannan shine gujirin ki”
Hafsa ta aje wayar Maryam ɗin dake hannunta, ta miƙe tsaye ta ware rigar da Maryam ta bata, ta kara a jikinta baki buɗe. Ta aje rigar sannan ta ɗauko ɗan kunnen da ta haɗa mata da shi ta gwada.
“Kai na gode amaryar Tafida, irin wannan kyauta haka....”
Sallamar Anti Fati suka ji a gidan,Maryam ta fito da saurinta har da ɗan gudu, tana ganin Anti fati ta faɗa jikinta.
“Oyoyo ƙaunar Imran”
Anti Fati ta faɗi cike da jin daɗin ganin ƙanwar tata, Maryam ta saketa tana karb'ar Imran dake hannunta, Anti Fati ta shiga ƙare mata kallo, gaba ɗaya ta sauya, ta ƙara ƙiba ta ƙara fari.
“Anti fati sannu da zuwa”
Muryar Hafsa ta faɗi daga bakin ƙofar dakin Maanmu, Anti Fati ta amsa mata su na shigowa cikin gidan.
Imran na wasa da ɗankwalin kan Maryam ya ja shi baya, ɗankwalin ya faɗi, gashin kanta da bata nannaɗe shi ba ya baje a bayanta.
“Kai ni kuwa yau naga ikon Allah, wai da ya kai ki indian gashi suka sake miki ?”
Hafsa ta faɗi tana kallon gashin Maryam ɗin.
“A'a wallahi babu wani gashin da na sake, in faɗa miki gyara makawai ya ji”
Maryam ta faɗi a sanda ta miƙawa Anti Fati Imran, ta ɗauki dankwalinta tana ɗaurawa.
“Ai ko baki ga yanda gashin kan naki ya yi kyau ba”.
🌸SAI KASKA CE✍️🌸



⭐️YADDA ƘADDARA TA SO⭐
⭐️ شاء القدر⭐️
*Magical love story*
©By Sai Kaska
Wattpad @Sai_Kaska
Phone number:08130172702
Tiktok @SAI_KASKA
Arewabooks @18saikaska
Facebook fage: Salma Ahmad Isah Sai Kaska
_________________________________
*Proud of my first novel*

★TAURARI WRITER'S ASSOCIATION★

*Wannan babin naki ne Aisha Muhammad*

*BABI NA HAMSIN (50)*

TAFIDA POV.
“Ki fito ga ni na zo”
Yana faɗin hakan ya aje wayar sa kr kare a kunnensa, yanzun kusan ƙarfe shida ne na yammma, dan yau kusan yini ya yi a asibiti.
Tun da suka doso motar yake kallonsu ita da wata da besanta ba har suka iso wurin motar.
Ƙofar gaban ya buɗe ya fito, gaisawa suka yi da wadda ya gansu taren.
“Sundar ƙawata ce, sunanta Hafsa”
Tafida ya juya ya kalli Hafsa.
“Sannu ƙawarmu ya kike, ya al'amura”
Hafsa na washe baki tace.
“Wallahi komai lpy”
A hankali ya gyaɗa kansa sannan ya kalli Maryam.
“Muje Miriam”
Daga haka kuma ta yi sallana da Hafsan sannan ta shiga motar ya tayar suka tafi, sai ta ga ya ɗauki hanyar unguwar kantin waje.
Har suka kai wani gida bata ce masa komai ba. A parking lot ya yi parking suka fito a tare.
“Gidan Mairama ne, ƙanwar mahaifi na”.
Sun kusan kaiwa minti goma zaune a makeken falon gidan, kafin wata hamshaƙiyar mata ta fito tana taku cike da isa da ƙasaita, kallo ɗaya Maryam ta mata ta gano kamarta da me martaba.
Cike da girmamawa Maryam ta duka gaisa da Maryam, kafin tasa a yiwa yaranta magana suka zo suka gaisa da Maryam ɗin, wata ce wai ita Asiya ta bi Maryam da kallon raini sannan ta miƙe zata bar falon.
“Ke Asiya, ba ki gaida matar wanki ba”
Asiya ta juyo tana wani yatsina fuska.
“Sbd Allah wannan zan gaisar ?, jibeta fa, wata villager da ita...”
“Asiya bana san iskanci, ke da da aka ce ki aure shi ba ƙi kika yi ba, se yaunzu za ki zo kina wa mutane iyayin banza da wofi, ki bata haƙuri yanzun nan”
Ba haka Asiya ta so ba,amma koda wasa basu isa musu da Mairama ba,dan haka tace.
“Sorry”
Daga haka kuma ta juya, Mairama ta sallami sauran yaran nata sannan ta dubi Maryam.
“Ki yi haƙuri takwarata”
Maryam ta girgiza mata kai.
“A'a ranki ya daɗe babu komai ”
°°°
Maryam da ke kallon window ta ji hannun Tafida ya riƙo nata, ta juyo ta kalke shi.
“I am sorry Miriam, ba ta san wacece ke ba shi yasa tace haka, ita fa ƴar uwata ce, kwanaki aka ce ta aureni, amma tace ita bata san monster”
Sai kuma ya yi murmushi me sauti.
“A time ɗin ban ji haushinta ba, amma yanzu na ji, sbd nasan ni ba monster ba ne, Tafida Eshaan ɗin Miriam ne”.
Maryam ta yi murmushi, wato yanzu baya san sunan da yake kiran kansa da shi a da, se de a cikin ranta ta ayyana irin wannan abun da take gudu tun sanda aka ɗaura aurenta da Tafida.
“Kuma duk da ina monstern, amma ke naga kina so a haka”
Dama ita tasan da walakin, dan bisa ga dukkanin alamu sun nuna cewa Asiya fa kishi ta ke. Bata cemasa komai ba kawai ta ci gaba dakallonsa.
Fada ta ga su nufa, kuma ta ji daɗin hakan dan ko ba komai zata je ta ga Fulani da Nadra.
“Nadra bamu waje”
Wannan Muryar ta Fulani ta faɗi a sanda ta shigo falon da Maryam da Nadra ke ciki, Nadra ta saka Maryam a gaba se zance take mata.
Sim-sim Nadra ta fice daga falon. Fulani ta nemi kujera ta zauna kusa da Maryam tana mata murmushi.
“Babu abinda zance da ke Maryam se godiya, dan sosai na ga canji a tare da ɗana, naga har wata ƴar ƙiba ya yi”
Maryam ta yi dariya tana sunkuyar da kai.
“A'a ranki ya daɗe, ba ni ya kamata a godewa ba, Allah zamu godewa, kuma akwai wata magana da nake so na miki.....”
Fulani bata ce komai, ta yi ahiru tana jinjina hankali da tarbiyar yarinyar.
“Ranki ya daɗe ya kamata a ce kina jansa a jiki, ciwonsa yana buƙatar ja a jiki, yana buƙatar ya samu wanda ze riƙa faɗawa damuwarsa, yana san a ja shi a jiki sosai, ta haka ne ze faɗa miki duk wani abu dake damunsa”
Fulani ta kasa cewa komai, ta kafe Maryam da ido kawai.
“Salamu alakimu”
Sallamar Tafida da ga waje ta katse musu hanzari.
Ya shigo ciki ya zauna.
“I dan kun gama zamu iya tafiya?”.
“Muna ƴar hirar tamu zaka ɗauke min sirikar tawa”
Ba Tafida ne kawai ya yi mamakin sakewarta ba, harda Maryam da ta bata shawara, bata tab'a zaton zata ɗauki shwarar ta haka da sauri ba.
“A'a kawai dr naga dare ya yi ne, shi yasa nace zamu koma”
Bisa ga mamakinsu sai suka ji ta yi dariya.
“Babu damuwa, zaku iya ta fiya, ammam dan Allah ku dawo gobe”
Muryarta a sake kuma cikin raha, Tafida xai iya rantsewa da Allah bai tab'a jin muryarta cikin wannan yanayin ba.
*Unguwar Garko*
*12:00pm*
“Da Allah wace zan samu ta min lalle idan zamu tafi ?”
Cewar Maryam yayin da take saka alkakin da Maanmu ta saka aka mata a cikin leda.
Yau kusan satinsu ɗaya a haɗejia, kuma suna sa ran tafiya zuwa jibi, ta yi ziyara sosai, dan har dangin Abban su seda suka je, hatta da gidan kawu usman da da bata san zuwa sbd ƴaƴansa da suke