You Cannot Download this book untill you login but you can read it .

---

Login Register

boye mishi, musamman idan Kaka tana mishi kallon bai cika ba? Ashe itama bata amshe shi a matsayin jikarta bane.

Shi yasa Munih take son sakar mishi jiki dan tasan babu wata alaƙa a tsakanin su! Lumshe idanunshi yayi tare da kwanciya a kasar dakin shi.

Me yasa shi kaddarar shi tazo mishi a kaikace!? Me yasa kome ya lalace mishi lokaci guda? Taya Haka ta faru ba tare da ya fahimci cewa shi din d'an wasu ne?....
#Mai_Dambu
10/23/20, 9:53 AM - Ummi Tandama: MAGAJIN IZZAH!!!

   {CIGABA KWARKWARAH}

   *HAZAKA WRITER'S ASSO*
(HWA)

*Ban yarda wani ko wata ta juya min koda Harafi daya ne na Labarin! Ko kuma a samun wani kafar Sadarwa! Yin haka zai sanya wani ya fuskanci b'acin rai!*

Mallakin
  Mai_Dambu

Sadaukarwa ta gare ki bazata kare ba! Mab'allin zuciyata! Zahran Addah Ramla☺️

SHA SHIDA.
Dafe goshin sa yayi tare da fadin.
"Nayi hauka!" Ya kuma mik'ewa daga kwancen ya shiga ban daki, cika ruwa yayi a cikin abin wankar ya shiga ciki.

   Ya kwanta ruwa na ratsa shi, kamar yadda yake takura Ƙwaƙwalwar shi da zurfaffa tunanin halin da yake ciki. Ya jima a cikin ruwan kafin ya cud'e jikin shi ya fito. Yana shiga dakin shi yayi arba da Munih.

  Kauda kan shi yayi kamar baya Dakin, takowa tayi har gaban shi ta mika mishi madara mai zafi tayi tana kallon hadaddiyar surar jikin shi, wanda yake cike dam da gashi, sun kwanta luf luf.

          Saukar da idanun ta tayi kan k'uguna shi, tare da d'ago kai.
         Amsar madarar yayi tare da ajiyewa a saman mirror din shi. Sannan ya juya mata baya tare da goge jikin shi. Ya jima sosai yana gyara jikin shi kuma tana d'akin.

    Yasan tana kallon shi dan yana jin haka a jikin shi.
Bai gama ida tunanin shi ba, sai jin hannun ta tayi tana me rungumo shi ta baya, rintsa idanun shi yayi tare da janye ta daga jikin shi, ya nuna mata hanyar fita.

                 Ba musu ta fita tana murmushi, tun da ya zauna a bakin gadon, yake kuma jinjina qarfin hakurin Aanih! Yarinyar tasan darajar kimanta ta kuma san hujjar da zata kawo maka dan ta kare kanta, duk da tana ganiyar matantakar ta.

           Amma ba tab'a d'aga kai ta kalle shi da wata manufa ba, asalima idan ta ga yana saka kaya juya mishi baya take.

        Fatimah tana da mugun kunya da kawaici, amma soyayya ta sata bude baki ta gaya mishi sirrin zuciyarta.

      Bayan ya gama saka kayan shi ya dauki madarar ya sha, sannan ya tattara kome na d'akin ya gyara sabida Allah yayi shi mutum me mugun tsafta, baya son kazamta ko na miskala zarratin.

       Yana gama sha ya kwanta, abin shi a d'akin.
Bude kofar d'akin aka yi, ya d'ago kan shi, ya zuba mata ido.

  Juya mata baya yayi dan bai shirya tambayar su,  abinda suka adana mishi ba.

          A hankali ta shigo, tare da zama a gefen gadon, tana kallon shi.
"Jaheed!  Meke faruwa ne?!"

Rintsa idanun yayi kamar zai nutse cikin matashin ya furta da huci me zafi! Sannan yace.
"Babu!"
"Jay! Nasan kan! Na kuma san halin ka! Me zaka iya boye min bayan naga dimauta a kwaryar idanun ka! Bayan naga tarin tashin hankalin da suke cikin idanun ka. Ba a b'oyewa uwa ko uba tashin hankali."

       Tashi yayi zaune ya kura mata ido, idanun shi suna kyalin kwallar da suke cike fam da ruwan hawaye. A hankali ya bude bakin shi zai magana sai kuma ya fasa tare da mik'ewa ya shiga daukar yar falmarar rigar shi!(Jacket top)

   Sannan ya dauki takalmin shi na sawu ciki. Ya juya tare da barin d'akin.
"Jay!"
     Cak ya tsaya yana jin hawaye na sauka akan fuskar shi, ya d'an juyar da kan shi kad'an yana me d'an wai-waiye kad'an, dafa kafadar shi tayi ya sashi jin wani irin b'acin rai.

"Shin ban cancanci jin meke damun D'an nawa bane?!" Ta faɗa a sanyayye.
"Kiyi hakuri!" Daga haka ya saka kai ya fice daga gidan ma baki daya, yana zuwa inda ya ajiye motar shi ya sami Munih a cikin motar tana kallon shi.

  Shiga yayi  tare da kwantar da kan shi.
      "Ina zamu je namijin Zaki!"
Kwantar da kan shi yayi tare da lumshe idanunshi,  ya d'aga mata yatsun shi biyu.

        Sosai take jan motar bata tsaya ba, sai gidan Asood! Wanda yake Alberta town south.

         Wata irin kasala yake ji, tare da tsintar kan shi cikin wata irin buƙatar mace wanda bai tsammaci haka ba,. Buɗe ido yayi cikin nutsuwa yaga ta koma Mishi Aanih.

      Hannun shi ya kai kan cinyarta tare da matsawa, a cikin wata irin bugawa zuciya.

           Murmushi Munih tayi tare da bin shi da wata yaudararriyar murmushi. Fita tayi ya biyo ta, har zuwa cikin gidan.

      Tunda ya shiga, suka zube a falon, sam bai jin ya aikata abinda zuciyarshi take muradi! Amma halin da yake ciki ya wajaba akan shi ya sauke ajiyar da take jinin shi.

  .....matse cibiyar shi yayi zuwa marar shi, ya zuba mata ido.
"Jayyyyy! Ina sonka!"

      Lumshe idanunshi ya kuma yi a karo na ba adadi. Ya sauke wata irin ajiyar zuciya.

         Mika mata hannu yayi tare da b'alle rigar jikin ta, ya rungume ta.

      Jin wani irin yanayi yake kamar ba zai. Amma yana ƙoƙarin ganin ketare iyakar shi, kamar wanda aka watsawa wani abu, ya fara wani irin barci. Me dauke da mafarkai.

                   Yau ma ri ke da hannu. Shi take har bakin kofar da kullum sai an bude mishi haske yake hana shi ganin mutanen cikin su. A hankali aka bude kofar yana me addu'ar Allah ya bashi sa'ar kallon meke cikin gurin, kawai yaji an rufe kofar tare da cewa.
"Babu wani magajin Izzah sai Zulum! Doly na cigaba da mulkina ko na sake aikata abinda zai zame muku mafarin bala'i."

          Kamar giftawa sai tsintar kanshi yayi a wata masarautar na daban wanda shi kan shi ba zai iya cewa ga abinda yake gani ba, zuɓewa suka yi a gaban shi tare da bashi hanya matar tana rike da hannun shi har bisa wata kataga da akayi ta da d'anyen azurfa, sai kambu da aka sanya mishi. Akan shi wanda ya haifar mishi da wata irin yanayi na musamman, bude idanun shi yayi ya kafe shi akan ta, sanye cikin kaya me launin ruwan ja, kanta sanye da wata irin kambu duk inda ta wuce sai ka ga mutanen sun zube akasa rigar jikinta ja ne.

    ....kuma yana haifar da jini sabida jikewar shi, tana nisa gaban shi ta kalle shi tare da zare siririn jar igiyar da take gaban rigar ta. Taja rigar ta zube daga jikinta kyakyawan surar jikinta me cike da kyau da kuma haiba.

       Suka bayyana mishi.
"Jalaludeen! Karka kuskura ka amince da shi ba Ziryana bane Zulum ne!"

             Juyawa yayi tare da lek'awa yana kallon su, a daidai lokacin da ta dauki hannun shi ta sanya a k'ugunta, kallon fuskar ta yayi, tana murmushi tace mishi..
"Jayyyyy! Baka yarda Aanihn ka bace?!"

             A hankali ya shafa k'ugun shi, jin wani abu yayi tare da fidda shi, kafin ta fahimci kudirin shi, tuni ya soka mata sai da ya biyo ta bayan ta, daidai shigowar wasu wanda ba zai iya cewa gasu waye ba, kawai sai ganin yayi Fatimah ta yanki jiki zata zub'e ya riketa a kirjin shi, gefen shi kuwa matar nan ce ta fashe da Dariya bayan ta rikid'e zuwa wani baƙin bamaguje tare da girgiza jiki ya b'ace yana faɗin.

      "Indai zaka iya kashe Macen da kake so tabbas Ni d'aya zan cigaba da mulki tare da...."

             "Jayyyyy! Dole kai.... Har olau  baka kaunata?!" Tayi mishi tambayar hancinta yana zubda jini, haka ma gefen bakinta yana zubda jini.

         "Rayuwata! Farin cikina! Sadaukarwa ce a gare ki, Aanih kar ki manta i...."

A firgice ya farka daga mafarki da yake, tsintar Munih ba yayi a kirjin shi tana wani irin barci me cike da nutsuwa tare da jin dadi, d'agota yayi tare da ganin babu kome a jikin shi, daga shi har ita.

    Mamaki ce ta kama shi ya daki kanshi tare da tir da abinda ya faru.

        Hankad'e ta yayi cikin tashin hankali ya dira daga gadon, yana tangaɗi har ya shiga ban daki, ruwa ya sakarwa kan shi tare da sake kuka.. sabida ganin yadda  tsinci kan shi cikin mummunan yanayin.

         A gurguje yayi wanka tare da tsame jikin shi ya fito,ko inda take bai kalla ba, ya shirya tsaf sannan ya nufi waje ɗaukar wayar shi tare da mukulin motar shi yayi ya fito a sanɗa kamar wanda yayi wani mugun abu, yaba gudun kar asirin shi ya tonu.

"Jay!!! Ina zaka tafi ka barni cikin wannan yanayin! Bayan ka lalata min rayuwa ta! Shine zaka gudu kabar ni!"

Ta karshe maganar cikin Kuka, me mugun tasiri a zuciyar wanda ya saurara, cak ya tsaya tare da juyawa yana kallon yadda jikinta yake rawa, hatta halittar jikinta girgiza yake.

Cikin matuƙar bakin ciki da nadamar rayuwa, zuwa yayi gabanta ya tsaya tare da taimaka mata ta saka kayanta, ganin yadda jikinta ya b'aci da jini ya sanya shi zaro manyan dara-daran idanun shi akanta, yana kallon fuskarta! Jikin shi kamar wanda aka jona mishi lantar ki haka yake rawa.

"Munubiya! Gaya min me ya faru? Innalillahi wa'inna ilaihi rajioun Ubangiji wani laifi nayi haka. Ka jarabce ni da zina! Ya Allah na tuba ka yafe min!"

Rungume ta yayi hawaye na zuba daga idanun shi, yana d'aga a bayan ta, ya kuma k'amk'ame ta, sabida bai zaci haka ba.

"Shi kenan! Ya Jay, ka raba ni da abinda ko wacce mace take takama da shi! Wani namijin ne zai yarda banin aikata ba, ka rabani da wanda zai zame min abokin rayuwata! Ya Jay nasan ba aurena zaka yi ba! Me yasa kayi min haka? Me yasa na cancanci haka daga gare ka! Meye laifin kaunar da nayi maka.

Nagode zaka iya tafiya, nima zan iya tafiya. Tunda ka iya tafiya Nigeria da baka da kowa kabi wata mace ai ba damuwa me zaka yi da ni!"

Ta faɗa cikin wani irin kuka, tare da kifa kanta a kirjin shi, shafa bayan ta yayi, sannan ya fara da cewa!
"Inji waye yace bazan iya aurenki ba? Kiyi hakuri! Insha Allah zan duba Alamarin amma muje asibiti!"

"A'ah ba zan iya zuwa ba, in kara tozarta kaina! Bazan kuma na wulakanta kima ta ba, kawai ka kai ni gida, ka mai dani gida." A birkice tayi maganar ga baƙi ɗaya ya gigita mishi hankali, ga kukan da take, kasa motsawa yayi yana kallon abin da yafi karfin tunanin shi. Shi ba abin yayi ta kuka ba, sai na bakin ciki.

Kamar wanda aka wurgo Asood ya shigo, ganin halin da take ciki ya sashi juyawa da sauri, yana faɗin.
"Jay! Me ka aikata haƙa? Ƙanwarka ciki d'aya itace ka haƙewa, haba Jay!"

.wani irin firgici ne ya kuma cika zuciyar shi, a take ya juya da sauri yana son yayi mishi bayani ya dakatar da shi, yana faɗin.
"Amma kasan Ni nake sonta? Shi ne ɗan bakin ciki, ka raba ta da abinda nake burin samu a jikinta! Toh ka sani ban yafe maka ba! Kuma daga yau babu wata aminta a tsakanin mu!

Kuma sai na gayawa kowa ya san abinda ka aikata min."

"Don Allah ka saurare ni? Ka. Fahimci abinda zan gaya maka, bana cikin hankalina nayi a..."

"Fitar min a gida! Nan kayi ta ihu sai ka lalata min rayuwar Khatoon! Ashe ba nata zaka lalata ba, rayuwa na zaka lalata me zaka gaya min maciyi amana, haka kaje ka dawo baka rama min ba."

"Asood! Ban aikata kome ba, batun Aanih kuma ka ajiye a gefe! Wallahi ban aikata kome ba, Aanih ta fito daga cikin babban gida ne! Matukar na tab'a wani abu da yake kimarta toh kamar na tab'a kimar masarautar suce, shine masarautar ta uku mafi kafuwar tarihin musulunci a kasar hausa! Don Allah karka min haka.!"

"Kai jin ka zan zuba maka ido ne bayan ka lalata min rayuwa, wato nice mara daraja! Aanih kuma itace mace mai daraja!

Nagode da ka fada min bani da daraja! Asood kaga sonkai ko? Dake ba iyayena suka hai....."

Shiru tayi tare da rab'a gefen shi, zata wuce ya dawo da ita sa karfin bala'i!

"Me kika ce? Gaya min me kika faɗa? Me naji zaki ce? Wato dan ba iyayenki bane suka haife ni ba ko?"
Wani irin tsoron shi ne ya kama su dukkan su...
#Mai_Dambu
10/23/20, 9:54 AM - Ummi Tandama: MAGAJIN IZZAH!!!

   {CIGABA KWARKWARAH}

   *HAZAKA WRITER'S ASSO*
     (HWA)

*Ban yarda wani ko wata ta juya min koda Harafi daya ne na Labarin! Ko kuma a samun wani kafar Sadarwa! Yin haka zai sanya wani ya fuskanci b'acin rai!*

Mallakin
  Mai_Dambu

Sadaukarwa ta gare ki bazata kare ba! Mab'allin zuciyata! Zahran Addah Ramla☺️

SHA BAKWAI.
Kafe su yayi da ido, a sannu ya riko hannunta suka fita tun kafin ya isa inda motar shi take jefata yayi cikin tashin hankalin.

A da yana jin zai iya magance matsalar shi, amma jin abinda Munih ta faɗa ya kuma sanya mishi tashin hankali sama da wanda yake ciki, domin bai tab'a kawowa kome zai lalace mishi lokaci guda ba. Taya ma haka zai faru? Bayan shi.

Dukar motar yayi cikin tsawa.
"Ki min shiru" ya daka mata tsawa, had'iye kukan da take yayi cikin tsananin tsoro, tana kallon shi har suka isa gida.

Kuka take, ga baki daya baya cikin nutsuwar shi dan haka bai damu da halin da take ciki ba. Yazo ya fincikota tare da nufar cikin gidan da ita, Sai dai duk da wannan wulakancin ya samu.

Baban su da Maman basa nan, dakin shi ya wuce tare da barin Munih a falo, itama ta lallaba ta shige tare da fad'awa ban daki tayi wanka.

....
Tunda ya shiga cikin dakin shi, ya zauna yana nazarin abinda ya faru. Tare da girmama laifin da Munih take zargin shi ya aikata. In dai zai iya hakuri bai tab'a kusanci Fatimah Khatoon ba, toh baya jin zai iya aikata abin da Munih take zargin shi.

Tafka yake yana kuma warwara, mik'ewa yayi tare da safa da marwa.

Karshe ya zube a gadon tare da zuba tagumi yana nazarin tashin hankalin da yake ciki, idanun shi ne ya sauka akan kofin madarar da Munih ta kawo mishi, cikin nutsuwa ya isa gaban kofin ya dubi kofin da kyau. Sannan ya ajiye shi dan bai ga abin da yake nima ba.

Yana jin an buɗe kofar d'akin shi, bai kai da ya juya ba, ya cigaba da abin da yaƙe.

"Ya Jaheed!"
D'aga mata hannu yayi tare da nuna mata hanyar fita! Sannan ya cigaba da kallon madubin. Yana kuma hango iyakar kamar da suke da mutane biyun da ya gani a nigeria, indai har zasu iya samun shi a matsayin d'an su, ya ga kuma tarin soyayyar da suke mishi a kwayar idanun su, tabbas. Har abada ba zai tab'a rasa mutanen da zasu yi kuka bayan mutuwarsa ba.


"Ya Ja...."
D'ago kai yayi cikin nutsuwa, ya zuba mata rinannun idanun shi. Tunda taga haka da sauri ta juya zata fita. Bai damu ba har ta fita.

Hannu bibbiyu ya saka a kan shi, yana me jin haushin abin da tayi mishi (😒🤣 dan banza me halin gado)

---
Sokoto...

Wani irin zazzaɓi ne ya rufe ni, tun bayan fitar su Baabi. Nake kwance a kasa, ina shashekar kuka.

Ina ji ina gani, sun kasa bani abin da nake so.

Wuni nayi a d'akina ko waje naki fita, Abinci kuwa da Kan shi yake kawo min, ina kwance sai ga Aunty Aina'uh tazo.
Kanwar Mahaifiyata ce, kauda kai nayi naki kallonta, domin babu abinda zasu iya min a wannan lokaci. Kura min ido tayi na wasu lokuta kafin tace.
"Yarinya!" Yarinya suna ne da suke kirana da shi, sabida Sunar kusan kakata mace wacce ta haifi Mahaifiyata itama Fatimah ce, haka ma Umman Baabi itama Fatimah ce.

Shi yasa suka tsayar da Yarinya kawai kira na dashi dashi.

Kuma bayan haka Ita kakata da ta Haifi Mamana, Kanwar Kakata da ta Haifi Baabi ne, haka ma Dattijo Ƴaƴan kaka na ne.
Tsura mata ido nayi, sannan na juyar da kaina.
"Ki shirya kayanki, zamu koma Abuja dake"

Juya mata baya nayi tare da cewa.
"Babu inda zani, sabida na san Jay zai dawo."

"Ai kuwa, da kin cire yaron nan a ranki domin babu wanda zai bashi ke, sabida babu aure a tsakanin ku"

Mik'ewa nayi zaune ina kallon ta. Cikin jin haushi nace.
"Ba zaku ba shi ne ba? Akan me ne? Gani nai rayuwata ce, kuma ina da yadda na tsara.

Dan haka duk abinda zaku yi sai dai kuyi hakuri amma kamar na sami Jay. Kuma babu inda zani,"

Kura min ido tayi sannan ta fita ranta a b'ace, ina zaune Baabi ya shigo cikin b'acin rai yana kallona. Sunkuyar da kaina nayi.

"Shirya kayan ki, zaki tafi abuja."
Ya faɗa min cikin tsawa, a matukar tsora ce na hada kayana ina share kwalla.
"Baabi na!"

"Fito nace"
"Amma Baabi.... Id.."
"Fatimah bintu Zahrah." Cike da mamaki nake kallon shi, kwalla na zuba min daga Idanuna.

"Daga yau kar na kuma jin sunan Jalal a bakin ki, idan kuma na kuma jin wani abu makamancin haka! Toh Insha Allah zan baki mamaki, na fasa aurar dake ne, sabida wasu dalilai. Kije kema ki samu nutsuwar zuciya.

Idan Jalal mijinki ne, wallahi duk inda kike zai zakulo ki, idan kuma ba mijin ki bane, Allah ya baki wanda ya fishi. Bana son kina kuka akan d'a namiji, sai naga kamar na kasa amsa sunar Ubane"

A hankali na isa gaban shi, nace.
"Baabi, idan na tafi zaka yi farin ciki ko? Toh zan tafi. Kuma zan rufe batun Jay!"

Dafe kafad'ana yayi cikin jin yace.
"Dakyau Sarauniyar Aanih muje ku tafi."

A sannu muka fito, Baabi yana bani labarin abin da ya shirya min, murmushi nayi tare da goge jinin da yake d'iga daga hancina, dan ya zame min jiki zubar jinin daga hancina, kuma ina kan magani.

"Wallahi yau naji zafin abin da Yarinya tayi min, dan nace ta shirya kayanta zamu tafi Abuja sai ya zama laifi. A gani na wannan damuwar da kike ciki, har da rashin dumin uwa, dan da Yaya Fareedah tana raye ba zaki zauna kina hauka akan Yaron karami ba.

Kin zauna kina kuka akan shi kina asarar hawayen ki, gaki kamar babba a ido, amma shirmen ki yafi karfin ki, sakarya."

Masifa take tare da watsa hannunta kamar zata buge ni, haka ta gama jarabar ta ban kulata ba.

......
Har bakin motar da zai kai mu tashar jirgin sama,Baabi ya raka mu.

Tunda muka shiga na juyawa Aunty Aina'uh kai, naki kula ta. Tayi mita tayi masifa, kai karshe ta watsar dani bata kuma bin ta kai na ba.

Har muka isa tashar jirgin, bayan wasu mintuna muka bar garin sokoto.
---
Kwantogora...
_"gadon hari sai fana! Ramin kura sai Y'ay'an ta, wutsiyar raƙumi tayi nesa da kasa, tauraruwa me wutsiya! Ganinki babu Alkhairi! An gaida Uwar makirai! Shugabar munafukai! Ranki shi dad'e Fulani Hasiyah"_

Duk wannan kirarin wani tsohon mutum ne yakewa Fulani,, zama ta gyara cikin Izzah tare da zuba mishi ido, tayi tana watsar da hannunta.

" Fawa biu tana ɓata hankalin kuɗa"
Dariya mutumin yayi sannan ya cigaba da cewa.
" Allah ba ya ba gwanni'n tona tsaba. Dan haka dukkan ku lokacin ya karato!"

Wani irin kallo take mishi, tare da kura mishi ido.
"Me kake nufi?" Ta faɗa da mugun karfi.

"Idan rana tafito tafin hannun bai kare ta! Duk yadda kike tsammaci abin ya zarta haka! Shi daya jinin shi a tafashe yake."

Murmushi tayi cikin mamaki sannan tace
"Ai ba domin tsawo a kanga wata ba, Ka fahimci hak?"


Dariya ce ta kama shi sannan ya kalleta kafin yace.
" A yi, a gamma, ta fi takamma, gobe a koma."

Cikin jin haushi abinda bada yake gaya mata tace.

"A dade a nayi saikaskiya, karya fure take bata yaya, dan haka nayi da wanda suka zarta Jaamal. Balle kuma Ubanshi!"

Girgiza kai yayi sannan ya fara magana cikin budadd'yar murya yace.
"Tabbas! Gamayyar halittar shi sak take da halittar mutanen b'oye! Shi kan shi har yau bai san kan shi ba, karki kuma sakewa ya cimma matsaya akan kan shi! Matukar haka ya faru! Toh tabbas a cikin ido, ake tsawirya."

"Kana nufin akwai abin da zai razana ni ne?" Ta tambayi mutumin.

"Ashe ana tsoron inna? In ji 'ya'yan mayya! Me yasa kika razana? Bayan ke kanki baki da hanyar kare kanki, kiyi mubaya'a, domin shi ba gama garin mutane bane! Murucin kan dutse ne!" Ya gaya mata haka cikin nutsuwa ba tare da yaji kome ba.

"hmmm!Abin kasuwa, na mai ciniki ne. Wasa farin girki, a shirye nake na kutsa cikin majalisar masarautar Daura na dakatar da d'an iskan da zai kawo min iyaka da mulkin masarautar." Ta faɗa tare da sake wata ƙatuwar huci.

"Ba zaki iya ba, sabida daga ranar da ya shiga masarautar muryan kowa zai sauka kasa, sannan shi kan shi zai kasance Sarkin da ba a tab'a samun irin shi ba tsawon karnika ɗarai.

Shine sarkin da yake da gamayyar halittar Mutum da aljan! Kuma