You Cannot Download this book untill you login but you can read it .

---

Login Register

a gidan giya akwai babba, bana son naji ace akwai wacce zata iya karban matsayin ki, Mu Ahalin Jannart, Uwar mijinki muna matukar kaunarki da kuma girmama duk wani abinda ya shafe ki, karki ji kome duk abinda kike bukata ki gaya min, za mu miki."

Kwalla ne ya cika min ido, zuciyata ta kuma cika da kaunar Jay, Kaf dangin Mahaifiyar shi suka matukar kaunata. Na rasa wani irin so suke min, suna matukar girmama alamarina, kamar su goye ni suke ji, bani da Uwa amma Allah ya bani su ta sanadin Jay.

     Daga nan ta bani wata lafayya, na saka bayan na shirya cikin riga da skirt, na atamfa sannan na nad'e kaina da laffayar ta ja hannuna zuwa. Babban Falon Dr Bulama..da sallama muka shiga cikin.
"Ango ba cefene, yau kaine a garin mu, na zata ba zaka tsaya anan bane!"

Shafa kan shi yayi sannan ya sake wata lallausar murmushi, sannan yace.
"Uwargidan Amaryan, duk ke daya. Babu me kwace miki fadar ki."
"Aikuwa na iya kishi Dan wannan jaja amaren ka, waka zan mata da ruwan sanyi."

Murmushi nayi tare da sunkuyar da kaina, sannan muka gaisa da baba Dr, muna cikin gaisawa yace min.
"Maamah! Baki ba shi labarin yadda yayi jinyar shi bane!"
Kallon juna muka yi da Jay ya sake min murmushi, nima na maida mishi, tare da gyad'awa Baba Dr kai nace mishi.
"Idan na fada ba yarda zai yi ba, shi yasa na bar maganar, dan zai ce ba gaskiya bane"

  Gyada kai yayi sannan ya shiga bamu labarin, rikicin da muka yi ta yi, akan ya kirani Maamah, murmushi kawai yake, yana kallona, ganin har lokacin yana me kafe ni da ido, kawai naji a raina da zan iya jin abinda yake ran shi nasan yabo ne da jinjina...
07035133148/ +22784506476 Zahrah ko Nana Aicha....
10/23/20, 10:21 AM - Ummi Tandama: *Allah, ya maida ƙoƙo masaki.*
_Ke Alkhairi ce duk namijin da ya same ki a rayuwar shi, yayi sa'a_ yace a ranshi, yana murmushi.

    *Akwai sa'ar da mutum zai yi bayan ya sami nagartaccen mutum irinka? Ai kai ne sa'ata baki daya* na fadi haka  a raina, ina me sunkuyar da kaina, hira sosai aka bude tare da tattaunawa akan asibitin shi da za a bude mishi, amma kuma naji Baba Dr yana cewa.

" Bai zama dole a bude maka ba, dan naji suna wani batu akan ka Allah ya tabbatar da Alkhairi."
"Amin Ya Allah,"
Muka amsa baki dayan mu,

  Dakin abinci muka nufa, anan muka ci kad'an sannan muka fito,  ina kallon yadda yake bina da ido, kin kula shi nayi. Har muka nemi kwancin mu, daki daya aka bamu, dan haka muna shiga.

   ..Na shige ban daki, na watsa ruwa, ina fitowa na same shi, ya rage kayan shi zai shiga wanka, janyo ni yayi tare da kallon fuskana.
"Ki shiryarwa daren yau! Dan ina ganin zan rage za...."

"Yallabai! Kwantar da hankalinka, Ni hutun sallah ma nake, yanzun na gani." B'ata rai yayi wucewar shi abin shi. Bai kuma kulani ba.

    Har ya fito ya samu na fara barci, shiryawa yayi sannan yazo ya kwanta a bayana, tare da janyo ni jikin shi, a hankali barci yayi gaba dashi, sabida mun rigada mun gama gajiya, shi yasa bai dame ni ba.

         ---
A can daura kuwa, sun san mun sauka a Abuja, dan haka Abba da kan shi, ya saka aka kira su Husnah. Bayan sun shigo suka gaishe shi, kallon su yayi sannan yace musu.

"Allah yayi muku albarka." Ya fada a sanyayye, sannan ya kuma cigaba da cewa.
"Gobe Insha Allah, Mijinku zai dawo suna Abuja ne, da yayarku!"

      "Allah ya dawo dasu lafiya, muna jiran su." Inji Husnah,

Kallon su yayi sannan yace musu.
"Ko kuna da bukatar wani abu ne?"
"A'.."
"Eh! Muna da bukatar kudi." Inji Munih, bayan Husnah tana son cewa a'a, murmushi yayi tare da dauko wata takarda me kunshe da kudi ya mika musu.

Suka amsa suna godiya, sannan suka mishi sallama, tare da barin falon, murmushi yayi yana jinjina qarfin halin Munih, yana kuma girmama hakurin Husnah.

  ... .. Yadda take murmushin mugunta bayan sun fito.
"Insha Allah saura kiris naci qaniyar wata, idan na gama da ita na dawo kan farar angulu." Daga haka tayi wucewarta, Husnah bata kulata ba, dan tasan da ita take.

......
       Washi gari
Farkawa yayi ya kalli yadda gashina ya rufe mishi fuska, yana fitar da wani daddar kamshi, shafa kaina yayi sannan yace min.
"Nanah Fatimah!" Tura mishi baki nayi tare da gyara kwanciya ta a jikin shi, sake shafa fuskana yayi zuwa wuya na yace.
"Zuhruyyah! Tashi zan tafi sallah ne!"
A hankali na d'ago kaina  sannan na janye daga jikin shi, cire matashin kan shi yayi ya cusa min a jikina, sannan ya daga gadon, kallon yadda na k'amk'ame matashin yayi.

   Murmushi yayi sannan yazo ya sumbaci bakina, zuwa goshina, kafin ya shiga ban daki. Sai da ya watsa ruwa, sannan ya dauro alola tare da saka jallabiya ya nufi masallacin da yake cikin gidan.

                    --- Kafin ya dawo nayi wanka, ina fitowa yana shigo min d'aki, zama nayi a gaban  mudubi na shiga gyara jikina, ina gamawa na dauki kayana, ina sakawa ya matso kusa dani.  Rungume ni yayi tare da cewa.
"Kina da jiki me kyau! Shi yasa baya nuna tsufarki"

    ..... Gyada mishi, kai domin Jay bai iya magana ba, kuma duk abin da zai fito bakin shi, Alhamdulillah Nagodewa Allah, kawai yankota yake.

     Ina gamawa na shirya cikin doguwar rigar yadi me tsantsi, duk da na saka wando da rigar mama, amma haka Jay ya hanani sukuni da surutu.
"Wallahi baki isa ki fita gidan nan da dan jinjirin mayafin nan ba, sabida rashin sanin ciwon kai, toh wallahi naga kafarki  a waje zan zane ki kinji na rantse da Allah."

  Zuba mishi ido nayi,  gaban madubi na duba kaina naga dole yaji Babu dad'i, domin kuwa duk inda na juya jikina sai ya girgiza,  dake ina da ƙaruwar jiki ne, cire kayan nayi sannan na nimo wata atamfar riga da zani, na saka amma dake yau yana jin rikici ne, nan yace bai iya ji ba.

   Na nimo doguwar rigar na saka, na atamfa, na saka ina sakawa ya kare min kallo, kauda kai yayi sannan yace min.

"Shima ai ya fidda kirjin ki, Ni kam na shiga uku, wai ke dama haka kike a hanaki sata ki koma sane, toh cire rigar ki saka riga da zanin can." Kwalla ce ta zubo min, dole na cire na saka. Ajiyar zuciya ya sauke, sannan ya matso kusa da ni, idanu shi akan kirjina.
"Wannan ma an mutu ba a tsira bane toh amma da sauki tunda ya.. kai ina zo nan daga yau zaki daina saka rigar mama masu fitar da mama nan!" Ya faɗa haka tare da fita.

   Har ya isa bakin kofar yace min.
"Kuma ki saka babban mayafi irin na juya, yawwa."

   Banza nayi dashi, a hankali na gama shiryawa na fito, muka karya, muna hira har kusan karfe  goma sannan muka dawo shiryawa, ina cikin shirya kayan ya shigo, a zafaffe ya juyar dani. Tare da bina da wasu zazzafar sumbata. Kamar zai cinye ni.

Tun ina kau da kai na, har na kasa na shiga biye mishi, kamar ba zamu bar juna ba, ban da ina hutun salla da babu abin da zai hana Jay karb'an hakkin shi domin ban tab'a ganin shi  cikin damuwa da kumar bukata irin na yau ba,

       Ture ni yayi gefe, tare da rike hannu na gam, ina mamakin abin da ya kawo mishi sauyi, lokaci guda. Dan haka wuta wuta ya fitar mana da kayan mu, dan yana fama da ruwan kashe gobara ne koda kuwa ta kwata ce zai iya watsawa.

.....idan har wutar zata mutu toh bukata ta biya shi kenan, dan haka muka shirya sai filin jirgin sama. Kamar zai yi hauka. Sabida yadda yake jin shi.

              --- karfe sha biyu muka sauka a Katsina, ba tare da ya gayawa Najim mun taso ba, haka ya kira. Murad karamin yaron Sarkin Katsina ya gaya mishi isowar mu, mota biyu aka turo suka kwashe mu zuwa daura

     .......
Karfe biyu yayi mana a cikin masarautan, ko cikin gidan bai shiga, ya nufi cikin gidan shi. Wani abu naji ya tsaya min a rai. Take na fara niman taimakon Allah.

   Kafin na shiga cikin gidan, na nemi kome na rasa sai ma nutsuwar da zuciyata ta samu, shi kuwa yana zuwa.

Ya taradda Husnah tana lalle, afujajjan ya kwace kome ya cire sannan yaja ta zuwa d'akin ta.

       Anan ya gurje ta son ran shi, tare da sauke nauyin da ya kwaso baki daya akan ta, ajiyar zuciya ya sauke, lokacin da ya fahimci ya sauke gajiyar shi akanta, yana kallon yadda take sauke numfashi. Tausayi ta bashi,  duk da haka yayi fatan ina ma Da Fatimah ce zata kasance haka da yafi kowa amfana da ita, Husnah ma ba laifi dan ta haɗu.

     Ban ɗakin ta ya shiga yayi wanka sannan ya fito abin shi ya shiryawa ya barta kwance, bayan yace mata.
"Ki tashi kiyi wanka bana son kazamta."

Yana fita,ya nufi cikin gidan su anan ya taradda ana ta hira yaushe gamo, zama yayi cike da kunya, dan alamun wasu abubuwan da yayi suna bayyana, kasa magana yayi duk da tambayar shi lafiyar shi da ake, Ni Ko ban kalle shi ba, dan na san juyen bakin mai yayi, dan haka ban koma sha'awan kallon inda yake ba balle na kula shi.

            Mik'ewa nayi na Barsu a falon na shiga dakin su qarama na rufe kaina na fashe da kuka, sai da nayi me isata sannan nayi kwanciya ta a d'akin.

  A gidan na wuni,naki yarda na koma gidan shi,ina jin shi yana kaiwa da komowa, akan mu tafi nace bazan koma ba yayi tafiyar shi.

           Har dakin ya biyo ni, ina kwance, juyar dani yayi tare da zubawa fuskana ido.

"Kinyi kuka? Me aka miki?" Wani kukan ne ya tawo min, na kuma rushewa da shi, ina yi ina shasheka, nace mishi.
"Don Allah yaushe zaka kaini gurin Baabina?"

Zuba min ido yayi sannan yace min.
"Babu rana! Balle wata. Indai dan haka kike kuka toh ki shirya domin kuka yanzun kika fara, kuma babu wanda ya isa ya juya ni baki isa ba, dan haka ki taso mu tafi ko raina ya b'aci na miki abinda baki zata ba. Tun dake baki da burin kome sai na sanya Ni a b'acin rai.

       Ban san me na miki kike aikata min wannan mugun abin ba,daga ki sanya ni cikin damuwa sai ki sanya ni cikin b'acin rai, abinda kananun yaran da kika samu basa min, shine ke bari ki min, wallahi baki isa ba.

Kin kasa, kuma babu wanda ya isa ya juya min baya a wannan lokacin. Ki fito ina jiranki."

Daga haka yayi ficcewar shi, kuka nake har da shasheka, ina ji ina gani bai damu da alamarina, ba, koda na fito na same shi suna magana da Mamah Sarah, tana mika mishi wata littafi, tana faɗin.
"Ina ga akwai wani a hannun Kawu, kuma tun shekarun baya naso buɗewa, na kasa amma tace min a wani takarda dole sai na nimo Jakadiya Sahurah, ka duba yadda zaka bude Littafin yana da amfani.

..... Naso baka tuntuni sai wannan hatsarin ya faru, toh yanzun kuma naga kasami lafiya kuma ina jin Kawu yace wata me zuwa zasu baka sarautar bana son abubuwa su maka yawa, ba tare da ka duba ba."

  Amsa yayi tare da kallon bangon littafin an rubuta, kundin tarihina! Me kunshe da al'ajabi. Murmushi yayi sannan yacewa Mamah Sarah.
"Rubutun Ammih na, irin nawa ne. Tun ban karanta ba, naji ina kewarta."

Murmushi Mamah Sarah tayi, sannan ta goge kwallar da ya zubo mata, tace.
"Idan kuma ka karanta, sai kaji dama zata dawo ne, sabida Jannart tayi min kome!"

                Girgiza kai yayi sannan  yace mata.
"Toh Mamah zamu tafi."

     Daga haka Yasaka kai muka fita, tunda muka nufi gidan yake duba yadda zai bude Littafin, wanda aka rubuta cewa.
*Sunan Kawu da Nawa ne, mukulin bude littafin, sunar da ya bani ranar da muka rasa junar mu! Kalmomin masu Harafi bakwai*
Har muka shiga gidan, zama yayi a falo ya mika min, tare da cewa.
"Sunan Ammih da Abba! Ki hada ya baki ma'anar kuma kalmomi masu Harafi bakwai. Tayani dubawa."

Duk da ina jin haushin sa, amma haka muka raba dare muna duba  cikakken sunan da zamu bude Littafin.

    Wasa wasa muna gurin, har kusan asuba, sanan ya jani zuwa d'akina, anan muka kwana. Da asuba muka daura har kusan karfe ɗaya na rana babu karya ba.

         Abu kamar wasa sai da muka dauki kwanaki, dan Munih bata nan, ranar da Abba ya bata kuɗin suka yi tafiya da safe da zamu sauko, ina kallon Yadda ya gama shan wahala sannan. ya ajiye Littafin.

Yana me cewa.
"Wallahi na gaji, Littafin babu wani abun da zan iya buɗewa."

      "Ka dai tuna da kyau! Babu mamaki tasan zaka san sunan ne ko kuma kaje ka tambayi Abba!"

         Aikuwa ya fita zuwa gidan Abba, ya sashi a gaba ya bashi daya kundin tarihin Maman shi, sannan ya bashi ya kuma makelewa Abba sai ya gaya mishi Mabudin, ya rasa meye kalmar da Zata bude littattafan guda biyu...
_Kuyi hakuri mura ya dame Ni_
07035133148/ +22784506476 Zahrah ko Nana Aicha....
10/23/20, 10:25 AM - Ummi Tandama: *Abin da ya ci doma, ba zai bar awai ba*

"Kai amma abin yayi kyau,Yanzun aiki ne babba a gurin ki, kiyi hakuri da halin shi da duk wani abinda zai miki,  ki daina kuka domin shima zai yi duk abinda kika yi dashi zai cigaba hakuri kawai yi kina nuna mishi abin da ya dace a rayuwar shi."

Yayi bayani sosai, sannan ya kuma yi gargadi kar a kuskura abar shi yayi wani abin da zai shafi jima'i, dan bai cikin hankalin shi, kuma matukar aka ce zai yi jima'i da mace toh akwai matsala. Domin zuciyar shi  ba zata iya sarrafa sakonni Ƙwaƙwalwar shi ba. Dan haka ayi takatsantsar dashi. Idan kuma haka ya faru.

         Toh tabbas karfin shi da lafiyar shi zasu rubayya zuwa kashi tamanin cikin dari, kuma idan hakan ta faru.

   Likitan yayi bayani sosai, kafin ya fita. Kallona Abban shi yayi a raunane yace min.
"Ina ga zaki..."
"Ina ruwanka? Meye matsalar ka dasu? Fatimah zaki iya zama da Jalal?" Inji Baba Aswad,

Gyad'a mishi kai nayi, wasu siraran hawaye na zuba min, nace..
"Don Allah ya bar kirana da Mama!"
          Murmushi Baabina yayi sannan yace min.
"Ciwo ne ya mai da shi haka, Insha Allah ya warke bazai kuma kiranki Mama ba"

  Gyad'a kai nayi, shi kuwa ganin na daina kuka, yazo ya mannu da jikina tare da saka hannun shi a bakin shi, yana kallon su Baabi.

                 
          Gani yake kamar, sune suke bata min rai dan haka ya narke a jikina, kamar wani mara lafiya, karshe haka Baabi yayi min nasiha, sannan suka tafi.
"Maamah!"

Cikin shashekar kuka, na kalle shi.  Kwantar da kanshi yayi  a kafad'a na, yana shafa cikin shi. Jan hannuna yayi tare da daurawa akan cikin shi, janyewa nayi da sauri. Sakamakon jin gargasa har saman cikin shi..

       Zamewa nayi daga gadon, zan nima mishi abinci shima kuma ya sauka daga gadon, ina d'aga kafana yana saka nashi, ina juyawa kawai muka yi karo da shi.

            Shafa cikin shi yayi, tare da kallon abincin. Zama nayi a kujeran jikin gadon shi kuma na nuna mishi bakin gado, nokewa yayi. Naga ya fara kokarin zama akan cinyata. Zubur na mike tare da zare mishi idanu, na nuna mishi bakin gado.

         Kamar yadda nayi mishi haka yazo ya zauna tare da kwaɓe fuska zai min kuka, na shiga bashi abincin yana ci yana tura min baƙi.

      🤦🏽‍♀�? Dakyar ya karbi abincin, sannan na tuna ko wanke mishi baki banyi ba, tsawon kwanaki yana kwance.

    Barin shi nayi na wuce ban daki, ina shiga yana bina, a fusace na juyo. Kwantar da kan shi yayi, na juya ina hada mishi ruwan zafi wanda zai yi wanka, Allah yaso ni da arziki, ruwan babu wani zafi sosai.

Jin ina ta haɗa ruwan tare da saka hannuna ina tab'awa, kafin na fahimci me ake ciki sai ji nayi ya jefa ni cikin ruwan.

       A razane na kalle shi, na fita da sauri, tare da Zungure mishi goshi.

      "Ka cire kayanka, wanka zaka yi" na fada mishi.

        "Ka cire kayanka wanka zaka yi" ya mai-maita, takaici ya bani na shiga kukuwar cire rigar, karshe da yaga zan takura mishi ya ya galla min cizo, a hannuna idanuna ne suka cika da kwalla.

    Na kalle shi yana rike da hannun, da hakoran shi.
.wani irin tausayin kaina ne ya kama ni, na zare daga bakin shi ya ture shi ina duba gurin, jingina nayi da bango a hankali na sulale kasa, tare da sake wani irin kuka mara sauti.

           Shima zama yayi a gaba na, yana kallon yadda nake kuka. Shima kuma ya kama kukan.

Haushi ya bani, na mike tare da kallon shi kamar na daka mishi tsawa, sai kuma na shiga kiciniyar cire mishi rigar jikin shi.

       Fisgo ni yayi tare da kallon fuskana, yana murza idanun shi.

      Kallon juna muke, na wani lokaci. Sannan na kuma mik'ewa, na saka cire kayan shi na bar shi da yar gajeren wando.
Nasha wahala kafin nayi mishi wanka, da na gama kuma. Na rasa yadda zan mishi bayanin ya cire wandon shi.  Karshe dai haka na kauda kaina na zare mishi wandon shi, da sauri na daura mishi tawol idanuna a rufe.

              Riga da wando, ruwan sararin samaniya na saka mishi, kalar kayan marasa lafiya,

      Ina gama shirya shi malamar jinya tana shigowa da maganin shi, tana bashi yaki amsa sai da na karb'a na bashi.

        Can ya saka mana rikici, dakyar ya tsaya na bashi ya sha, zuwa wani lokaci ya kama barci, akan cinyata.

        ......
Washi Gari.

       Ya rigani ya tashi, hannun shi ya kai, yana lallubar hannu na. Tare da kaiwa cikin shi yana shafawa, a bisa kuskure na ya kai hannuna saman marar shi, wani irin yanayi muka ji babu shiri na bude  idanuna, ina kallon shi.

    Shima Ni yake kallo, sa sauri na ciro hannuna daga cikin wandon.

               "Hmm!" Ya furta yana kallona.
        Da sauri na mike ba kalli agogon dakin, ban daki na shiga ban kai ga rufe kofar ba sai gashi nan ya shigo.

                 Takaici ya kamani na ce mishi.
"Jay don Allah fita."

"Jay don Allah fita!" Ya faɗa min.
Tsaki naja shima kuma yayi.
Mik'ewa nayi tare da turo shi waje, na rufe kofar.

     Ina tsaki, sai da na gama uzurina, sannan na fito.

           Kallona yayi har da sauke ajiyar zuciya, idanun shi yayi jajjur. Alamar zai fara kuka..
   Kai shi nayi tare da zare mishi wandon shi, na nuna mishi yadda zai zauna, kamar wanda zan daura shi akan mugun abu na gudu haka ya ririke ni.

   Kwalla ce ta cika min ido, domin hannun shi ya damki, kirjina. Kallon juna muka yi da sauri na buge hannun shi, kallona yayi tare mai da hannun shi kirjina, na kuma make hannun. Kamar zararriya haka ya manna min hauka, nayi ta faɗa. Ni daya na.

        Ko ya fahimci bana son ya tab'a min ne, aikuwa sai da ya barni na manta, kawai naji hannun shi a gurin, cikin wani irin yanayi yake tab'a min su. Zabura nayi dan yadda yake tab'a min ko lokacin da yake da cikakken hankali bai min irin wannan tab'awar har cikin jinin jikina nake jin hannun shi a gurin.
     Dakyar na kwace kaina a hannun shi.

   Na juya mishi baya, kwalla na zubo min. Hannun shi ya kai tare da dafa kafad'ana, cire hannun shi nayi tare da cewa.
" Ka rabu da ni! Tunda baka jin magan...."

      Cak ya na had'iye maganar, rungume ni yayi tare da saka kan shi a kafad'ana zuwa wuyana, ina jin saukar hawayen shi. Tausayi ya bani na janye jikina daga gare shi, na matsar da shi gefe.

.a hankali na nuna mishi abin da nake bukata, bawai yayi bane, domin kuwa ya sani kuka yafi sau goma, kafin muka fito.

    .kuma bai yi kome ba, muna zaune dashi kawai naga yana matse cinyar shi, kallon shi nayi, cikin fargaba, a hankali na kai hannuna tsakanin cinyar shi da sauri na cire, sabida wani abu na daban da naji, na zuba mishi , mik'ewar da zai yi kawai ya fara saka fitsari a jikin shi. Kai shi ban daki nayi. Tare da jan kunnen shi na zaunar dashi bayan na cire mishi wandon shi nace.
"Idan kana jin fitsari kace min zaka yi wiwi! Idan kuma zaka yi!"

      Shiru nayi sabida ya taso ko gama bukatar shi bayi ba, na zuba mishi ido, garin diban ruwa na wanke mishi jikin shi, muka fara kokuwa, sai da ya buge ni,  dakyar ya wanke jikin shi muka fito bayan nayi alola shima yayi, sallah kan Sai godiyar Ubangiji.

        Domin kuwa, bayan na idar haka yayi ta bankauran shi, muna idarwa ya kamo hannuna zai kai cikin shi. Nayi maza na kwace tare da dalla mai shi harara. Sunkuyar da kan shi yayi,
Na mike tsaye..kamar jirana yake ina mik'ewa ya mik'e.

       Yana biye dani, har na hada mishi ruwan zafi, na ajiye na fara kokarin cire mishi maganin da zai sha. Ban san me ya faru ba sai ji nayi an watsa min ruwan zafi a jikina ya sake kofin a kasa ya fashe, shi kuma ya rike bakin shi da hannun shi.

Juyawa nayi na kalle shi, takaici ya hanani magana, haka na tattara kofin, haushin sa yasani kin bashi maganin, na cigaba da hada nawa, ina gamawa na koma gefe ina sha ina kallon yadda yake wangale bakin shi, hawaye na zuba mishi.

.. sai da na karya da ruwan shayin sannan shima na hada mishi nasa. Ina bashi yana zubda rabi a jikina yana shan rabi. Koda ya gama sha, nazo bashi magani nan ya kwara min amai, dai dai shigowar su Baabi.

            Tashi nayi na shige ban daki raina yana kara b'aci, dakyar na fito,  na same shi ba zaune a bakin kofar, yana jin na buɗe ya mike da sauri zai sure ni na. Dakatar da shi da sauri, dan dole ya koma gefe tare da rab'ewa. Yana kallona a sace.
.. can ya kama kuka, irin kukan nan me shegen ban haushi, dakyar na samu yayi shiru, bayan na zauna ya daura kan shi akan cinyata, can ya fara barci.

    Fita suka yi ban san ya aka yi ba, sai gasu da takardun wai nan da wata uku za a kuma mishi aikin, amma an sallame mu.

            Kamar na daka tsalle dan murna, na shiga hada kayan mu, duk inda nayi yana bina, har na gama muka fito, dan sun ga dacewar mu koma gida, babu amfanin zaman nan ɗin, tunda aikin sai nan da wata uku..kuma za'a ta kashe kudi ne.

          Masaukin su Baabi muka koma, tun a bakin kofar mashigar yaga wata mata, sanye da irin riga me bayyana kirjin nan, Allah yasa idanuna suna kan shi, kawai kafin su Abban shi ya taro shi ya kaiwa matar nan cafka nayi maza na buge hannun.

    Kallona yayi tare da saka dariya, dakyar muka shiga otel din.

     Abubuwan ban haushi Jay yayi shi cikin rashin damuwa, tunda na lafiyar ce ta ishe shi ba.