You Cannot Download this book untill you login but you can read it .

---

Login Register

    Aiko dan tarbiyyan da ta bashi, ya kamata ki d'aga mata kafa, bawai kice ta mishi tarbiyyan mugunta ba, dan haka ki shirya muje ki bata hakuri, tare da Uban Yaron, dan babu abinda zaki kuma yi nan gaba, sai dana sani mara iya ka da amfani..
#MI
#HWA
#Mai_Dambu...
10/23/20, 9:50 AM - Ummi Tandama: MAGAJIN IZZAH!!!

{CIGABA KWARKWARAH}


*Ban yarda wani ko wata ta juya min koda Harafi daya ne na Labarin! Ko kuma a samun wani kafar Sadarwa! Yin haka zai sanya wani ya fuskanci b'acin rai!*

Mallakin
Mai_Dambu

Sadaukarwa ta gare ki bazata kare ba! Mab'allin zuciyata! Zahran Addah Ramla☺️


Godiya sosai Maman Abba Allah yabar zumunci!🌹😍

UKU..
Haka Baabi Yasaka Ummi a gaba da fada har karshe ya bar mata d'akin, tana kuka da dana sanin, abinda ta aikata, a cikin daren ta haɗa kayanta kala daya.

Da asuba ta barni a hannun amintacciyar baiwarta, sannan suka nufi Daura.

Sun isa da wuri, dan haka sun sami ganin Sarki Jaamal. Bayan sun gaisa Sarki Jaamal yace musu.
"Amma kun fito wani guri ne? Dan naga kamar daga tafiya kuke?"

Sunkuyar da kai Baabi yayi sannan yace.
"Mun zo baka hakuri ne! Akan b'atar Jay! Shine muka zo domin mai d'akinka tasan kome!"
.gyara zama yayi sannan yace.
"Dan Rahil tayiwa Jay fada ya fita, shine zaku zo bani hakuri!

Rahil! Kanwar Jannart ce, kuma uwa ce mishi, koda me tayi bazan tsawatar mata ba, sabida tafi ni kaunar shi, kai jinka da Jannart tana raye zata yarda na dibo jiki kazo bata hakuri ne bata borance muku ba, wallahi ban tab'a jin kome akan b'atar shi ba.

Sai dai ina kyautata zaton cewa! Allah yayi hikimar haka ne dan wasu dalilai, da yana tare damu, bazai iya rayuwa babu kalubale na, dan haka babu komai."

Shiru duk suka yi sannan Aaryan yake gaya mishi, ai ga halin da nake ciki, shiru Sarki Jaamal yayi sannan yace.
"Karku canfeta, ku dauka jarabta ce! Domin yin haka dai dai yake da wasa da rayuwarta. Don Allah karki bari wani ya camfeta"

Wannan abun da ta gaya musu, yayi matukar tasiri a zuciyar su, har suka dawo gida, sun sanya dokar kar wani ya kuma cewa akwai wani abu a tare dani.

----
A hankali rayuwa take Gara mana, har na kusan gama jami'a, a lokacin na hadu da wani soja, muka makalewa juna, a waya dan a lokacin Waya ta shiga hannun kowa, idan muna wayar nan kamar zamu cinye juna, tun ina b'oyewa har na hakura kowa ya sani.

Aikuwa Adda kishiyar kakata, ta sani a gaba da Tsokana. Sai na gaya mata.
"Ke yar doguwa waye ne kuke magana dashi a wancan manta sabo."

"Addah ki fita idanuna na rufe ina ruwanki da darling dina, jeki gurin dattin ki, kuyi ta lallaba juna"
Maka min mahuhuci, Innono tayi kamata, na tura mata baki cikin jin zafi nace mata.

"Wallahi koda Baabi ya sayo miki maganin zafi ya bani, bazan kawo miki ba tunda kika buge ni!"

Ina tura mata baki.
"Yar kwaila kawai, dube ki don Allah waye zai yi asarar kudin shi ya auri mace ba kirji."

"Innono! Wallahi ki daina wannan maganar, zaki sanya ni dai na shigowa wallahi, ai haka Allah yayi ni"

"Karki kuma saka mana mijin mu" sake baki nayi tare da kallonta sannan nace.
"Yanzun don Allah sabida wancan takwarkwashen mijin ku,.kike min wannan wulakancin, na zata sabida kawai na tsokani yar uwanki! Toh wallahi sai na kuma!"

Make ni ta kuma, na tura baki na karar wayata ne ya katse ni, na dauka tare da sakawa a kunne na.
Gyara kwanciya nayi, sannan na lumshe idanuna, tare da bude shi nace.
"Barka hasken rayuwata! Muhid"

Murmushi ya sake, wanda naji sautin shi har cikin jikina, lumshe idanuna nayi tare da narkewa a cikin kujerun falon.
."farin cikina! Ya yau? Da fatan kina lafiya."

Juya idanuna nayi sannan na sauke ajiyar zuciya nace.
"Alhamdulillah! Da fatan kai ma haka;"

"Gamu nan muna fama zamu tafi gurin wani meetinga da fatan Kema haka!"

Nan muka tsinke da hira, kamar me, har Addah tana dukana, ban ce mata kome ba, sai yar kukan da na saka, muhid yayi ta min dariya.

Mun hadu da shine lokacin zamu aikin Hajji, shima zai tafi da Yan uwan shi da Maman shi, tun daga lokacin muka fara gaisawa sama sama, har muka dawo daga nan kuma soyayya ta bude Muhid Nasir Arkilla shine cikekken sunan shi, yana aiki da hukumar soja na kasar nan.

Yanzun haka yana garin Makurdi..shine yaro na uku a gidan su, yana da yayu mata biyu a gaban shi sai shi na uku sai kanen shi biyar.

Muna gama waya dashi na katse kiran na mike ina mita tare da shafa inda Addah ta zabga min duka.

Shigowar Kanin Baabi, Baba Annuwar, ya sani mik'ewa da sauri, sabida ban san me nayi mishi ba, yana dan jin zafina.

Tunda na gaishe shi, na sa kai zan fita. Ya bini da ido, da sauri na fice dan shine Ɗan Addah na biyu, dan haka shima yana son kujeran da Baabi yake Kai.

Akwai wasu abubuwan da yake faru a cikin masarautar mu, amma bai da wani damuwa, kawai dai abin ya kasance kome sama-sama ne, kuma ana ƙoƙarin b'oyewa sabida mu yara.

Baabi yana da hakuri kuma duk abinda zaka mishi bai tab'a d'aga ido ya kalle ka.

......
Muhid ya gabatar da kanshi ga gidan mu, da ahalin gidan mu baki daya, sai kuma aka yi dace shima mahaifin shi, dan yana da sarautar a cikin masarautar mu,

Dan haka ba tare da wani tsawaitawa ba, aka saka komai cikin mutunci da girmamawa, domin anyi tunanin gwara ayi bikin nayi bautar ƙasa a dakin mijina.

Wannan tsarin yayi mana dad'i, dan haka na mai da hankalina guri guda, lokacin bikin mu na karatowa Kakanina na gurin Uwa suna ƙoƙarin gyara ni, ga matan Baabi, suma matukar ƙoƙarin na fito Matar so.

....
Haka aka yi ta shiri babu kama hannun yaro, har lokacin bikin yazo, aka fara duk wata shagalin da ake na al'ada, da sauran su a aure.

Sai dai a bangarena, tun saura kwana uku bikin na soma wasu irin mafarkai, masu mugun ban tsoro.

Ban damu sosai, ba har aka daura auren, ranar hankalin kowa ya tashi domin kuwa kin fita nayi ina kwance sai da Baabi ya saka aka b'alla kofar dakin, koda suka shigo sun same ni ina zaune, na cusa kaina a tsakanin cinyoyina, ina kuka sosai.

Zama Baabi yayi tare da cewa.
"Na zata zaki fi kowa farin ciki, dan zaki tafi gidan Muhid, Sai gashi kina zubda kwallarki masu daraja! Fatimah gaya min baƙi son auren ne? Idan baki so yau za a raba auren, dan nayi alqawarin bazan tab'a barinki, ki zubda kwalla ba."

Ciro kaina nayi cikin kuka nace.
"Baabi! Tsoro nake ji, tsoron kar wani abu ya faru."

Riko hannuna yayi sannan yace min.
"Kwantar da hankalinki, babu abinda zai faru sai Ikon Allah, Insha Allah bazan tab'a barin ki, kiyi kuka ba, maza shirya an jima zasu zo su tafi dake! Khatoon ki taimake ni naji a raina na sauke nauyin da Allah ya daura min ne. Don Allah ki rike mijin ki da kima, yin amfani da hakan zai sani jin na cika Burin Fareeda."

Gyada kai nayi cikin zubda kwalla nace.
"Insha Allah Baabina!"
. Bai fita a dakin ba sai da yaga na shiga ban daki nayi alola sannan ya fita, yacewa Ummi.
"Ku lallabata."

Ina sallah ina kuka, har na idar, sannan na zauna naci gaba da kuka, ina tausayin kaina da Baabina, Shigowar Mama Sarah da Umma Raihanah, da wasu mata dai da suke da daraja, duka shiga shirya ni cikin liffaya, tare da min wanka da turaren zamani da na hadin Maiduguri, aka kaini shashin kaka na, inda Baabina yake, tunda na shiga na matsa jikin Baabih na daura kaina a bisa cinyar shi, ina sauke ajiyar zuciya.

Haka suka min nasiha sosai, sannan aka zo za a fita dani na rike shi, nace.
"Wallahi bazan biku ba, shi zai kai ni!"
.dayawa yan uwan shi, sun ji haushina amma ban damu ba, sabida bani da kowa sama dashi, Haka ya riko hannuna ina kuka ya amshi keyn mota ya saka Ni gefen shi, bai dauki kowa ba, muka nufi gidan su Muhid, tun kafin mu isa aka kira Muhid aka gaya mishi ga Amaryan shi babanta yake kawo ta.

Yan rakiya na, sun biyo bayan mu, koda muka isa. Har cikin gidan ya kaini ya zauna a babban falon gidan yayi ce a kira mishi Maman Muhid! Cikin shigar kamala ta iso.

Bayan sun gaisa, sannan yace mata.
"Toh ga Fatimah Khatoon nan na kawo miki ita, Bata san mahaifiyarta ba, amma tasan Baabinta, Amma daga ganin Muhid nasan cewa! Yayi sa'an Uwa, ko babu kome zaki riketa a matsayin yar da ta taso babu uwa, nagode sosai."
.ya faɗa a raunane, cikin damuwa da kewata. A hankali ya mike na kuma rike hannun shi. Cikin kuka ina cewa.
"Baabi! Don Allah!"

Rikon da Muhid yayi min itace ta hanani karasa abinda zan fada, haka baabi ya tafi ya barni a cikin su, Ummi da Sauran mutanen suka kai ni dakin Naman Muhid, kowa sai magana yake akan irin shakuwar da take tsakanina da baabi.

Dakyar nayi barci me cike da ban tsoro da firgitarwa, cikin dare, naji ana ta hayaniya, buɗe idanu nayi naga Maman Muhid tana share kwalla, hannunta rike da calbi, tashi nayi zaune tace min.
"Koma ki kwanta kinji!"

Shigowar Tayar shi tana kuka wiwi, ya sani tashi zaune ina raba idanuna.

"Allah ya jikan Muhid!"

Wasu irin taurari naga suna yawo a kaina, daga nan yadda na bude baki zanyi magana, kawai sai bushewa nayi a gurin. Hankalin su yayi mugun tashi.

Akan lokaci aka wuce dani asibitin kwararru na nan Sokoto, aka shiga duba lafiya, kafin asuba Baabi ya iso, cikin farar jallabiya.

Ina kwance, zama yayi a gabana yana me tausaya min, har na farka rike wuyana nayi ina son nayi magana amma ya makale.

Dakyar nace mishi.
"Baabih ruwa!"
Babu ruwa a dakin dole ya fita, aka nimo ruwan ya dawo ya bani nasha, wani irin kuka ne ya kwace min, ban san ya akayi ba nayi aman jini. Abin ya d'aga hankalin Baabih akwai Kanwar shi da take aure a Canada, tazo itama , dan haka zama tayi a jikina.

Haka na zama kamar mahaukaciya, bana hum bana hmm! Har tsawon kwanaki bakwai aka sallame ni, daga nan gidan Mu aka wuce dani, a lokacin Ummih da Ammih suka ke kula dani, na sha matukar wahala, sabida bana iya magana da kowa, mutuwar mijina. Ya dake ni.

Ashe rungume Ni da yayi shine kawai abinda zai hada mu dashi, haka nayi ta jinyar zuciyata. Na tsawon watanni sannan na koma makaranta dan saura kiris na tasa jarabawar karshe.

Muna gamawa na samu damar tafiya, bautar ƙasa, har zuwa lokacin naki sake jiki da wani namijin dan gani nake kamar abinda ya faru da Muhid zai kuma faru dashi.

Koda na gama bautar ƙasa, na samu koyarwa a cikin wata makarantar kwana da take nan Sokoto.....
#MI
#HWA
#Mai_Dambu
10/23/20, 9:50 AM - Ummi Tandama: MAGAJIN IZZAH!!!

   {CIGABA KWARKWARAH}

  

*Ban yarda wani ko wata ta juya min koda Harafi daya ne na Labarin! Ko kuma a samun wani kafar Sadarwa! Yin haka zai sanya wani ya fuskanci b'acin rai!*

Mallakin
  Mai_Dambu

Sadaukarwa ta gare ki bazata kare ba! Mab'allin zuciyata! Zahran Addah Ramla☺️

      Fatan Alkhairi gare ki Mame na group ɗin Bagudu 😍🌹

HUƊU

Cikin lokaci ƙalilan na fara koyarwa, bawai dan albashin ba a'a, sai dai haka yana matukar rage min kewar Muhid, sosai na maida hankali na sosai akan abinda nake.

              Shi yasa sam ban kuma damuwa da kowa ba, sai dai haka kawai muna cikin wannan yanayin Sai ga Baraq ya shigo rayuwata.

           Tun daga ranar da na ganshi, a daren na kwana ina mafarkin shi, inda nake ganin shi kwance cikin jini.

Washi gari haka na tashi babu walwala, tunda na nufi makarantar na daure fuskana tam, duk yadda naso kauce Mishi sai da ya shige min.

                  Haka muka tashi ban sake mishi fuska ba, duk yadda naso kar na shiga rayuwar shi, ina Baraq ya gama shigewa rayuwata. Shi yasa naki shi yayi juyin duniyar akan naso shi naki.

     Yakan sani a gaba yana kallon tare da ce min.
"Fatimah meye laifina?! Ko dan bamu da arziki ne?!"

     Girgiza kai nayi, sannan na zuba mishi ido, kafin na bude baki nace.
"Kawai bana jin kome akan ka ne! Kuma da zaka taimaka min ka daina damuna zai fiye maka Alkhairi."

   "Toh an tab'a kin mutum babu dalili ne? Ki gaya min meye matsalar ki da ni?!"

     Mik'ewa nayi ina duba agogon hannuna, sanan nayi wuccewa ta na barshi a gurin tsaye. Yana mamakin yadda nake gudun shi.

       ---
Baraq Nafi'u! Ya addabi rayuwata, yadda ya kai kanshi gurin Baabi ya bani mamaki, dan haka ba iya gurin Baabi ba, sai da ya gama zage dangin mu, na cikin masarautar, da nuna musu yana kaunata.

    Su kuma suka mara mishi baya da taimakon Baabi, zama nayi a gaban Baabi, ina kuka wanda tun rasuwar Muhid ban kuma haka ba, kallona yayi sannan yace.

          "Toh Mamana meye na kuka haka indai Baraq ne, zan ce me ya hakura, kuma zan nima miki wanda ranki yake so! Amma ki duba dakyau yaron yayi kokari domin kowa a cikin zuri'ar mu, ana son shi dan haka kiyi hakuri ki amince ayi abin."

Cire kaina nayi cikin kuka nace.
"Baabi! Tsoro nake ji! Ina tsoron abinda ya faru da Muhid don Allah baabi na kayi wani abu."

    Jikin shi ne yayi masifar sanyi, tare da kura min ido, yana me jinjina maganar da nayi, amma da ya tuna. An hana shi camfin abinda zai faru, dani sai ya zuba min ido na wasu lokuta kafin yace.
"Za ayi auren ki daina sakawa a ranki wani abu zai faru saboda babu kyau canfe!"

Da haka Baabi ya kashe bakin maganan ya kuma hanani cewa kome, na cigaba da zubda kwalla, ba tare da na amince ba Baraq ya shiga niman aurena, tare da goyan bayan Baabi na, sabida lokacin, na kai shekaru ashirin da biyar, dan bayan na gama bautar ƙasa, nadan zauna na shekara daya, toh yanzun fara aikina ma yana niman shekara biyu.

      ..tun ina nunawa bana so, har ta kai na hakura, sabida Baraq akwai son sanya mutum a walwala. Haka kuma Iyayen shi, suma sunyi godiya sosai da irin karb'an da aka yiwa ɗan su.

             Tunda aka fara hidimar na fara mafarkin ya mutu, har aka daura auren, a tsora ce nake, kasancewar ni bazawara ce yasa aka kayi kome a ranar, sannan aka watse.

          Bayan ya samu rakiyar abokan shi, tare da mana yar nasiha. Sannan ya raka su.

  Bayan ya dawo, ya fara nuna min wasu abubuwan da gaskiya tunanina bai kai nan ba, kunyar shi tasa na shige ban daki nayo..ina cikin ban dakin naji yana magana a waya, ina fitowa ya janyo ni, tare da matse ni a jikin bango, ga baki daya dauke wuta nayi, sabida jin yana min abinda yafi karfin tsayuwa.

    Lokaci guda naji kamar zan zube, haka ya kuma matse ni kamar zai yi kome dani a tsaye, duk da a shekaruna bai dace na razana da shi ba, amma ga baki daya sai nake ganin kamar yana wuce iyakata.

    .... Ganin kamar zan zube a kasa ya sashi mana masauki a gadon, daga nan ya nime kome ya faru, sai dai buga kofar gidan da ake yi yasa Allah ya kwace ni a hannun shi, har zai fita ya tsaya yana murmushi sannan yace.
"Da dai kin buɗe idanunki, domin yau zamu raya daren ne!"

         Jan bargo nayi tare da rufe fuskana, ina me juya mishi baya. dan ban san ya akayi kayan jikina suka watse ba, gidan da muke hade yake da na iyayen shi, suna dan ciki damu. Dan haka naji muryan yayar shi mace da namiji suna magana da ƙarfi.

                "Yo kwaɗayin abin duniya Yasaka auri mutuwarka ita din ba macen aure bace, sabida akwai tsinuwar  mutane da aljanu akanta kazo muje cikin gida, kaji a cikin mutanen da suka zo daga kauye iskar wata ya tashi take gaya mana, wallahi kazo."

                Koda suka shiga abinda matar tace.
"Ayya! Ina baku hakuri sabida sun kashe shi, kuma itama yasan ya mutu, tunda tana yawan ganin shi cikin barcinta an kashe shi, dan haka kuyi hakuri ku koreta a gidan dan zasu iya yin komai."

      Kawai ganin Baraq aka yi ya yanki jiki ya zube tare da anan jini, dan haka kanen shi da mugun gudu suka yi d'akina, tare da rufewa zasu dake shi, sai dai abin mamaki sunyi bugun duniyar nan yaki buɗewa karshe haka suka hakura.

              Har zuwa asuba, sai ga Baabi da Ummin suka zo, tare da zama akayi jana'izar Baraq sannan aka kai shi ina kwance ina barci me hade da mafarkin ya rasu, har ina cewa karya ne a mafarkin yanzun yanzun ya gama.

     Buɗe ido nayi ga yan uwan mu, da sauran mutanen. Tashi zan yi na tuna babu kaya a jikina cikin kunya.
"Ummi kayana!"

      Mik'ewa tayi ta bani nasaka, sannan na sauko da kafana daga gadon, kawai naga hatta bargon jini ya b'ata, shiru nayi ina nazarin abin da ya faru, su kuma ganin haka. Sai suka dauka ai jiyan, sai da yayi tarayya dani kafin ya rasu.

         Ban fahimci abinda yake faruwa ba, amma yadda naga suke kallona ya ɗan sani tsarguwa da kaina, a hankali na shige ban daki nayi wanka da alola nazo na gabatar da sallah, bayan an dawo daga kai Baraq makwancin shine Baabi ya nemi tafiya dani, sabida yadda yan uwan Baraq suke faɗa zasu kashe ni.

    Tunda na zama makara, duk wanda ya aureni mutuwar shi ya aura. Babu wanda ya gaya min abinda ya faru, sai da naga suna hada min kayana, anan na fahimci akwai wata matsala. Dan haka na shiga tambayar su, ko ya sake ni ne.

"Ba sakinki yayi ba, Allah yayi mishi rasuwa ne!"

           Kurawa Ammih ido nayi, na kama dariya dariya kamar mahaukaciya, ina nuna su da hannu, zuwa wani lokaci na zube a gurin. Na fara ihu tare da kuka, dakyar Aka fitar dani a gidan,  zuciyar Baabi ta karaya da alamarina.

      Dan haka koda muka isa gidan na kule kaina a daki, sai da Baabi ya ɓalle kofar, shi ke bani abinci a baki. Shi yake kula dani, har na sami watanin da zan gama takaba, daga nan ban kuma sha'awar fita kofar gida ba, kai ko bikin sallah ake bana fita waje.

    Balle kuma wani sha'anin bana zuwa, sabida bayan rasuwar Baraq, anta yawo dani wai mayya ce ni.

              Har takai a cikin Zuri'ar mu, ana zargin na da hakan sai na daina shi, duk da wasu na zuwa gidan mu dan ganin halin da nake ciki,sai Allah ya nuna musu bani da wani damuwa a fuskar sai a zuciyata.

    Akwai Yayar Baabi hajiya Amina,.tana auren Wazirin sokoto, dan tane ya fara nima na, kamar da gaske, dan na fara gudun shi, kawai tasaka aka kirani, koda naje gidan, ina zaune a falon kasa wasu yan mata biyar suka fito, biyu yaranta ne, daya kuma yar kawarta ce. Biyun Kawayen su ne.

       Kasancewar muna wasa dasu, suna zuwa suka zauna.
"A'ah makara kece a gidan?!"
Wani irin muzanta nayi domin a kiraka da makara ba abin dad'i bane.

                        Ciro kaina nayi ina kallon su, sai kuwa suka kwashe da dariya, sannan suka ce.
"Ban da rashin adalci! Taya kin san baki da lafiya zaki amincewa Ya Hisham! Dan ki kashe mana shi ko? Toh wallahi idan baki rabu dashi ba. Kai ku tashi muje,  ga mace har mace ta zama matar mutuwa! Kowa ya aureta sai wani bashi ba."

     Shiru nayi ina me wasa da zoben hannuna, har Yayar Baabi ta sauko Hajiya Amina, kaina a sunkuye, ta zauna.

"Da fatan su Khareema da Loloh sun miki kashedin kar na kuma jin labarin Hisham a cikin gidan ku! Idan kuma kina son a tozarta zumunci ne toh zamu yi hakan."

         Girgiza mata kai nayi, sannan na mike tare da ce mata.
"Sai an jima!"

    "Ki dai k'iyayye abinda nace miki"
     Tunda na fita, dakyar nake takawa, har na isa gidan daki na wuce na rufe kaina, duk sai naji Sokoto  tayi min girma, dan haka nayi kuka nayi kuka a ranar, kamar babu abinda zanyi bayan shi.

      A hankali rayuwata ta zama abin yayatawa, yau saurayi zai zo gobe zai gudu bani kuma ganin shi, haka ya sa. Shiga kunci sosai.

   Domin har nayi dana sanin rayuwata, bani fita bani da kowa sai kanwata Hanisah, wacce muke matukar kaunar juna da ita.

   Sai Muhammad Kabir, shi ke bin Hanisah, shi kuma yaron Ammih ce, sai Janny  ita ke bin shi, kafin Kuma Kazeem, dan Ummi da Hassan da Hussaini, duk yaran ta idan aka cire kabir, Yaran Ammih biyu ne Kabir da Husnah.

         Dan haka idan na shiga damuwa kanena, zagaye ni suke suna masu kwanciya a jikina, suna kuka, yawan damuwar da nake ciki yasa Baabi shirya min kayana zuwa Canada.

              Haka yayi min dad'i sabida inda Zani a Canada, Yan uwan mune! Aunty Fouzia, da mijinta shima Kuma Yayan Mana na ne.

   Suna zaune a jahar Calgary na kasar Canadan, sani a gaba kanena suka yi, wannan yace kaza wannan yace kaza.

   Karshe ni dai kallon su nake ina murmushi me hade da kuka, sabida zanyi kewar su. Tunda muka fito, dayawa wasu sunyi farin cikin tafiya na, saboda kar na zauna y'ay'an su. Suce suna sona.

       Cikin shekaru talatin na rayuwata, na fuskanci damuwa har nake ganin kamar dan ni matsalar take karuwa, sai dai tunda na bar sokoto naji matsalar ta ragu min.

    Baabi da kan shi, ya kaini Canada, mun isa garin Calgary da safe, tun a filin jirgin na fahimci haduwar garin, sannan muna tsaye Aunty Fouzia da mijinta suka zo daukar mu.

  Cikin farin ciki, Yanayina bani da jiki sosai, amma ina da tsayi masha Allah, sannan ina da dan karamin kyau, dai-dai gwargwado, amma ni wankar tarwada ce, bakina yana da dan fadi. Sai dogon karan hanci, bani da manyan idanu, amma yanayina ba laifi.
#MI
#HWA
#Mai_Dambu
10/23/20, 9:50 AM - Ummi Tandama: MAGAJIN IZZAH!!!

   {CIGABA KWARKWARAH}

  

*Ban yarda wani ko wata ta juya min koda Harafi daya ne na Labarin! Ko kuma a samun wani kafar Sadarwa! Yin haka zai sanya wani ya fuskanci b'acin rai!*

Mallakin
  Mai_Dambu

Sadaukarwa ta gare ki bazata kare ba! Mab'allin zuciyata! Zahran Addah Ramla☺️

Fatan Alkhairi Fans din KWARKWARAH da MAGAJIN IZZAH ga Pagen ku nan gaisuwar taku ce😍🙈

BIYAR.

Idan nace zan baku labarin yadda garin calgary yake zamu kwana mu wuni ban gama bada labarin yadda garin yake, dan matuƙar haduwa ce, koda muka. Isa gidan wanda yake.

       Preston town, anan motar su Kawu Muddam ya tsaya,  a hankali ya karasa jikin kofar gidan ya tsaya, sannan muka fito. Ina kallon Unguwa, yayi min kyau, musamman iskar da take kad'awa.

               Cikin gida suka mana jagora shi da Umma Fouzan, tunda muka shiga nake kallon yadda tsarin gidan yake, bayan munci abinci muka yi wanka na kwanta kenan Baabi ya turo min yar Karamar yarinyar Umma Fouzan me suna.

      Ablah, da sauri na mike na fita gurin shi.
    "Baabi na gaji ne! Na kwanta na huta."

           Murmushi yayi sannan ya kalli agogon hannun shi yace.

      "Zamu shiga jami'ar Alberta ne, mu gama miki kome zuwa nan da jibi na koma gida!"

   Gyada kai nayi, sannan nace mishi.
"Baabi ko nazo muje ne?!"

       "Idan zaki iya muje mana!"
Murmushi nayi dukda na gaji sosai, amma bana son rabuwa da Baabi na ya sani shiryawa zan fita sai ga Umma tashigo.

"Ba fa inda zaki domin nace su tafi! Ko kunya baki ji