You Cannot Download this book untill you login but you can read it .

---

Login Register

nata ce." Inji Jannart karama.

Har zata fita yace mata.
"Noorie! Dama Ni din Mahaifiyata Kwarkwarah ce?"

Juyawa tayi sannan ta sake mishi murmushi wanda ya sanya ta zubda kwalla, ta tako a hankali gaban shi.
Ta durkusa, a gaban shi. Tana kallon shi sannan tace mishi.
"Mamah Raihanah da Abba dukkan su y'ay'an Kwarkwarah ce, Ummin sokoto da Umma Jannart duk Y'ay'an Kwarkwarah ne.

Su wad'ancan matan sabida masalaha aka samar dasu, ita kuma ta samar da daidaiton zaman lafiya ne da fahimtar juna, ta kuma warware matsalolin rayuwar wasu!"

"Indai haka ne, toh ki ce mata ta je bana sonta."

Mik'ewa tayi sannan tace.
"Hamma yayi maka haƙan."
. Kauda kan shi yayi, dan baya son ma ya kalle ni.

A sanyayye na bar falon, jikina ba karfi, hmm Jay kenan na barshi har Abada, na rabu dashi kenan, idan son shi shine ajalina gwara na mutu na huta.
.....
A sanyayye kowa ya bar falon, Kawu zai mishi magana Mamah Raihanah ta d'aga mishi hannu tare da cewa.
"Zuru, ta ishi É—an kunya.! Kyale shi barin gado asara ce."

Babu wanda bai ji zafin Jay ba, sai aka kyale shi.
..... Ina kwance kowa na barci amma ni idanuna biyu, juyi nake a hankali, karshe na mike tare da nufar ban daki nayi alola nazo na gabatar da sallar dare.

Na jima ina kaiwa Allah kuka na, har zuwa wani lokaci, kafin nayi sallama, tare da mik'ewa. Na nad'e abin sallah. Kwanciya nayi ban cire hijab din jikina ba.

Na gyara kwanciya ta.
"Aanihhhhhhhh! Shiiii." Naji kamar ana kirana tare da jin karar matan nan, a hankali na mike na sauka a gadon, na fita daga d'akin, sannan na nufi hanyar fita daga gidan baki d'aya.

Har na isa bakin kofar fita na sami kofar a bude, a hankali na saka kai na fita daga cikin gidan baki daya na hango ta tsaye, gurinta na nufa tare da bin bayanta har can karshen gidan.

Yana dakin shi bai yi barci ba, sai ganin wuccewa yayi dan haka yayi maza ya d'aga labulen tagar shi, sai hangota yayi tana tafiya kamar wacce aka tura ta.

Da gudu ya fito daga cikin gidan ya leka dakin yaga duk suna kwancen, tsawa ya daka musu duk suka mike ya gaya musu ga Aanih can ta fita, sannan shima ya fita da mugun gudu, suka biyo bayan shi Rumana da Aliyah.

Bayan shi suka bi, yayi musu nisa, har ya cimma. Lokacin da suka iso, sun same shi da ita, suka dambe, lallai ya kyaleta ta tafi.

Yadda take kai mishi duka tare da yakushi, sai dai ƙoƙarin janyo ta daga jikin itacen da ta makalewa, ita sai ta isa jikin ganuwar gidan, ga gurin ya zama sunkuru.

Lokacin da ya fincikota har su Mamah Sarah da Raihanah sun iso, tare da Kawu.

Da shi da Kawu suka janyo ta da karfin tsiya, suka nufi cikin gidan tana ihu tare kuka tana faÉ—in.
"Wallahi sai ta mutu! Sai na kashe ta. Sai ta sadaukar mana da rayuwarta."

Share zufa Jay yayi, tare da kallon Kawu, sannan yace.
"Idan na fahimta akwai abinda kuke boye min, meke faruwa a cikin masarautan nan?!"

Ajiyar zuciya Kawu ya sauke sannan ya mike tare da shiga dakin shi sa ya dauko wata ruwan addu'o'in ya kawo ya shafa mata, da taimakon Raihanah aka dura mata ta shanye.

Bayan sun bata ta watso musu tare da komawa ta kwanta sai barci.

"Abba me kuke nufi dani da ba zaku gaya min me ke faruwa ba?!"

... "Idan kana son sanin meke faruwa sai dai ka auri Yarinyan haka ne kawai zai taimaki rayuwar ta, in ba haka ba toh kuwa mutuwa itama zata yi." Inji Kawu.
...."kamar mutuwa zata yi? Kenan akwai bashin da kuka ci, wanda sai ita da bata ji ba bata gani ba? Me yasa kuke ruffenfen sirrin boye?

Ku gaya min abin da yake faruwa"

Shiru yayi sakamakon kallon da Rahil tayi mishi, dan yasan bata sakewa kowa fuska.

"Babban Rumah ina ga tunda ta sami barci, ku koma cikin Ni zan zauna da ita."

"A'ah muma zamu iya zama ai. Sauran su shiga cikin gidan, mu sai mu zauna."

Shiru kowa yayi, dan yan matasan sun razana, kawai sai suka zauna a gurin dan tsoro ya hana su shiga dakunan su.

...... Tsura mata ido yayi, yana juya amsar da Abban shi ya bashi akan ta, shi dai baya sonta amma a duk lokacin da zata shiga wani irin yanayi sai yaji ba zai iya jurewa ba, shi yasa baya kaunar yaji wani abu ya same ta, amma ba damuwan shi bane yayi ta kirb'a mata rashin mutunci, koda kuwa zata na kuka yana masifar kaunar kukan ta, dan burge shi take. Baya kaunar macen da bata da raki, ya na son mace me raki.

Musamman wacce take da saurin fansa tare da fada, yana son mace me addini da ibada, Aanih kuwa yaga har tabon Sallah ce da ita, shi duk da ta haÉ—a abubuwan da yake so.

Sam baya ra'ayin bazawara, duk abinda zai mata yana mata ne dan tana ramawa.

Ya jima yana nazarin wasu abubuwan akan ta, wanda suka mishi amma shi baya kaunarta ko kadan.

Har aka kira sallah farko sannan ya mike ya nufi shashin sa, yayi alola tare da saka jallabiya ruwan toka, sabuwa kal.

Haka ma Abban shi, ya fito sanye da farar jallabiyar, suka nufi masalacin tare.

Karfe bakwai saura Kwata na farka tare da dafe goshina, ina ƙoƙarin tuno abinda ya faru amma ya tafi kamar mafarki, tashi nayi Ummi ta rike ni muka nufi ban dakin dake dakin da muka kwana.

Ita ta haÉ—a min ruwan wanka, na shiga nayi tare da alola nazo nayi sallah, sannan aka kawo min abinci na ci, kadan ina kallon Ummi ta hada mana kayan mu, sannan aka fitar da shi waje.

Bayan an shirya mana, na mike a sanyayye, na saka hijab dina. Ina gyara zaman shi yana shigowa cikin É—akin, wani irin bugawa kirjina take kamar zata fashe. Sunkuyar da kaina nayi kasa.

Jikina a mace. A hankali ya tako gabana, tare da zura hannun shi a cikin aljuhun rigar shi. Shiru yayi na wani lokaci sannan kalle ni a karo na biyu.

"Ban san me yasa haka ke faruwa damu ba, amma ina miki fatan Alkhairi." Ya faÉ—a min , da sauri na d'ago kaina na kalle shi da idanuna wanda suke cike da kwalla.

A sanyayye na raba gefen shi zan wuce, ya rike min hijab.

"Bana jin zan iya samun damar maimaita abinda ya faru a cikin rayuwar mu ba.

Daga jiya zuwa yau, Zuciya ta ta haneni da na barki kiyi rayuwarki kamar kowani me Yanci, nasan na baki wahala,. amma ina niman haka ya zame mana abinda zamu tuna muyi dariya da farin ciki.

Nasan na sanya ki kuka, amma ba zan iya baki hakuri ba, amma zan iya ce miki ina miki fatan Alkhairi.

Ki fahimci..."

"Toh me yasa kake fada ni matar kace? Me yasa kake son kare martabata da sunan matar ka ce ni, Jay da zaka zauna dani ba zan tab'a barin ka kamani da laifi ba. Da zaka zauna dani, ba zan tab'a barin ka kayi korafi ba.

..... Jay shin son ka da nayi laifi ne? Meye kuskure na? Gaya min meye laifina? Meye baka bukata a tare dani zan gyara, saura kwanaki ƙalilan."

Takawa yayi har jikin tagar dakin, yana me d'aga labulen yana kallon waje.

"Ba zan iya baki abin da kika bani ba! Ba zan iya tisassa zuciyata kaunar abin da bana son shi! Zan iya kome amma banda dolantawa kaina abinda bana so? Kije Allah ya baki zaman lafiya da mijinki. Tare da zuri'a na gani."

Ji nayi kamar nuna juya na rungume shi, ina sake wata irin kuka. Ji nayi kamar na bude mishi kirjina yaga yadda sunan shi take rubuce jikin allon zuciyata.

Bana É—ebe tsammanin koda zan rasa kome, indai zan same shi zanyi maneje da shi a haka, koda zan iya samun tawayya daga dangina zan rungume Jay a matsayin abokin rayuwata.

Zan yi hakuri akan shi kuma zan kauda kaina akan shi, bazan tab'a zama mishi azzalumar mace ba.

Iya abinda zan iya yi akan shi ya hadda har da sadaukar da Rayuwata da farincikina akan shi, amma ina lura da yayi ina mutuwa akan soyayyar shi itace makulin rashin mutuncin da yake min, lura da yayi ina kassara zuciyata akan shi itace zaren azabarin janyowa yake azabtar dani ta hanyar cewa baya yi na.

Me yasa mace bata da kima a duk lokacin da ta cewa namiji tana son shi! Me yasa mace bata da wata daraja dan tace tana son namiji, wannan al'amarin yana matukar damuna, a duk lokacin da mace ta furtawa namiji ina sonka toh daga ranar duk wata kima nata ya kare.

Koda kuwa yarinya ce qarama, toh da zaran ta fadi haka toh magana. Ya ƙare sai na miji ya bijiro da wulakancin yayi ta mata gashin kuma,.yana wulakanta ta, yana mata abinda ya gadama...
#Mai_Dambu
10/23/20, 9:57 AM - Ummi Tandama: *Dole ne, cin kasuwa da maƙiyi*

Ban kuma tsinkewa da Jay baya yina ba, sai da na fito matar shi ta tsare ni zata min rashin mutunci, Rumah ta dakatar da ita.
"Kina wani abu kamar Jahila! Kina hauka akan mutumin da ya kusan kare minti arba'in a cikin d'akin ta.

       Haka bai ishe ki ba? Haka bai nuna miki ita ce abin da yake bukata ba."

"Rumah! Bana son damuwa, mata ta zo muje." Ya mika mata hannu! Cikin dauki da murnan ta mika mishi hannu. Yadda ya rike ta sai da ta kalle shi.

       Suna barin shashin, ya makureta a jikin bango, tare da zare mata idanu.
"Wallahi Munih kina kure hakurina, idan na kuma ganin kin zagi Aanih sai na karya miki hannun ki. Wacce bata san ciwon kanta ba."

                  Sake ta yayi ta fadi kasa, sannan yayi wucewar shi, sashin sa. Yana shiga dakin shi ya d'aga labulen da yake kallon inda su Aanih take, a sanyayye yake kallon yadda take niman shi. Tana duba ta inda zai ɓullo amma har ta shiga cikin motar babu shi babu alamar shi.

  .... Har ta zauna ta kuma fitowa, domin gyara zama. Kamar ance ta d'aga kai ta hango shi yana kallonta, sake labulen yayi tare da juya bayan shi, ga tagar.

     ---
Tunda na gan shi yana leke na abin ya bani mamaki da al'ajabi, kawai na shiga motar tunda ba zai min amfani ba.

          Tunda muka dauko hanyar gida, na shiga damuwa sosai. Domin naga sakon Saif da ya turo min akan gashi a gaban Dangina, ya kawo ƙara na akan abinda muka mishi ni da Jay.

        Tunda naga sakon jikina yayi sanyi, na rasa yadda zan gaya mishi abin da min bai kyau min ba. Haka nayi shiru, can naji Ummi tana magana a hankali. Tare da bawa Baabi hakuri.

       Can ta kashe wayar sannan ta juyo gare Ni tace min.
"Meye amfanin abinda kika yiwa mutumin da zaki aura? Kin ja min Bankad'a  a cikin danginki. Sunce nice nake sanya ki abubuwa saboda d'an yar uwata meye yayi zafi da Mahaifinki yake min barazana akan aurena?"

  Shiru nayi tare da sunkuyar da kai na ƙasa, har muka isa sokoto.. Ummi waya take cikin harshen kanuri, ban san meke faruwa ba, amma naji Hanisah tana ce min.

        Baabi ya haɗa Ummi da Babanta ne shi yasa take ta magana tana faɗin gaskiya.. har muka shiga cikin gidan. Inda na samu yan uwan Baabi da Saif ana jiran mu, Ummi bata tsaya ba tace zata yi sallah idan zasu iya jiran mu toh.
   Tsoto ya kamani musamman da naga dangin mu baki d'aya, har da kakata Ummi.

        Bayan mun idar muka nufi inda ake tattaunawar,.ina bayan Ummi. Dake ranta ya b'aci sosai zama tayi tana kallon kowa a wajen tarr.

          "Assalamu alaikum jama'a Barkan ku, ba wani abu ya hada mu anan ba, sai magana akan abin kunyar da Fatimah take shirin aikatawa a cikin masarautan nan! Jiya da dare Saif ya kirani yana gaya min Ya kama Fatimah da D'an Sarkin daura da ita suna masha'ar su."

Ba iya Saif ba hatta ni sai da muka kalli Bana Annuwar, jikina ya dauki rawa sosai, kamar wacce aka jona min lantarki.

          Kallon Baabi nake kam shi a sunkuye, tare da kallon Saif shima na shi a sunkuye, wani irin kuka ne ya kwace min.  Na shiga rantse rantse.

        "Wallahi babu abinda ya haɗa Ni da Jay, asalima fada suka yi Saif ka fada musu gaskiya mana"

  ..shiru yayi, sannan Baba Annuwar ya shiga fadar wasu abubuwan masu daure kai da muni, wanda sam ban aikata ba, kallon Baabi nayi tare da son ganin shin ya yarda da abin da suka ce, amma yaki kallona.

       Nan kowa ya shiga fadar albarkacin bakin shi. Daga nan suka min cin mutuncin akan Jay. Juyawa da suka yi zasu zagi Jay Ummi tace musu.
"Baku isa ba! Baku haifu ba, yar ku dai ku mata fada amma duk wanda ya Kuskura ya zaga min d'a ko ya sake kazamar bakin shi akan Jalaludeen. Toh na rantse da Allah sai masarautan nan ta tashi tsaye da kafaffunta.

     Sannan kai Annuwar da kake maganar cewa Jay da Aanih suna masha'ar su, kai meye ribar tozarta d'an uwanka a gaban jama'a?

  Meye amfanin cin fuska haka, sabida yana da hakuri ko? Sabida baya fada baya kome duk abinda zaku mishi akan ta bazai tab'a cewa kome ba.

       Toh wallahi ku kiyayye abinda zai sanya shi yayi magana, kai kuma Saifullah zaka aureta ko ba zaka aureta ba?"

    Bakin shi na rawa yace.
"Zan aureta!"

      "Tashi kar na kuma ganin me kama da kai sai ranar auren ku" da sauri ya mike, yana fita ta shiga gayawa yan uwan mu magana, tare da cin mutuncin su. Kamar yadda suka yiwa Baabi, cikin izza tace musu.

"Ban da nima a cikin nima, haramun ne da sai an nimawa Jalaludeen auren yarku muga ta karshen tsiyar ku, kuma a biya sadakin da ba'a tab'a biyan wata mace da shi ba a cikin masarautan nan ba."

Korata tayi sannan ta zauna tayi musu wankin babbar riga, sannan ta bar falon abin ta, tana zuwa ta amshi wayar hannu na, tare da kashewa.

   Bayan tafiyar ta, nan suka shiga fadan abin da yayi musu, har da cewa.
"Matukar  Aanih ta auri yaron nan babu mu babu ita. Taje can su kara ta, dan bazata  ja mana faduwar daraja ba, daga masarautan Zazzau ba."

                      "Hmm! Ban san me yasa Rahil take takama ba, ban san me yasa take jin ita wata ce ba, ko ce mata aka yi muma sakarkaru ne da zata zauna yana gaya mana magana, son ranta wato d'an Yar uwanta shine abin burgewa ta kare laifin shi.

        Toh Wallahi duk abinda take ji zata samu, dan.."

Shiru tayi sakamakon haÉ—a ido da suka yi da Ummi tazo gurin Baabi.
"Hajiya kenan! Da fatan na barki da ɓaɓatu! Duk ba laifi bane, amma kin san kome lalacewar gawar Giwa tafi kwando tara,"
Gaban Baabih taje suka yi magana sannan ta d'ago kanta. Mik'ewa yayi sannan ya basu hakuri da abinda ya faru.

......
.  Haka da yayi musu ya masifar d'aga musu hankali, nan suka fita daga gidan. Aka shiga yawo damu a cikin Zuri'ar mu.

   Su lallai Baabih ya min fada tare da Ummi, shi kuma bai ce komi ba, sai ma zuba ido da yayi.

    Abun ya zama rikici da ya janyo aka hanamu shiga cikin gidan kakanmu, hatta wasu abubuwan an hanamu shigar cikin shi, balle kuma irin su Suna da wasu abun.

..... Matar kanin Mamana ta haihu dan haka nayi ta rokon Baabih ya bar ni naje, ni da Hanisah. Muka tafi mun je an karb'e mu hannu bibbiyu. Muna zaune a dakin Ayyah kakanta ta gurin Mahaifiyata.

Sabirah da Hoor, suka shigo y'ay'an maza muke dasu, Baban su ke bin Mamana, suna gani na suka fara dariya tare da faÉ—in.
"Makara! Kece a gidan sunan bayan an hanaku fita sabida ana gaya muku gaskiyar da baku so?"

      "Shi yasa naga ganku cikin sanin ya kamata, zancen manyan na manyan ne, mu yara ina ruwan mu."inji Hanisah, wata irin B'oyayyen ajiyar zuciya na sauke tunawa da nayi ita din gwana ce a masifa, gyara zama nayi tare da zuba musu ido.

         "Ke karki min rashin mutunci!" Inji Sabirah.

Budar bakin Hoor tace mata.
"Ai gado ba karambani bane, abinda aka sha a non..."

   "Ni rawa gadon mai kyau ce? Wasu tasu gadon har abada ba zasu iya sakewa da mutane ba, Ni Yanzun idan Uwata ya zo nan an santa da zafi yanayinta kenan, uwar wata kuwa sai dai kaga ana tattara kome saboda dabi'ar bera gareta."

      "Kan uban can! Ni kika zaga?"  Inji Hoor!
                "Bafa zagi nayi ba, wai ina gaya miki gadon da muka yi ne, ke baki fahimtar Yaren ne."

    Ai kuwa suka fita, can sai gasu tare da dangin Mahaifiyata, suka shigo zasu dake ta, kallon su tayi sannan ta girgiza kanta, tace musu.
"Ko kunya baku ji ba, kun dibo jiki zaku wulakantata sabida an gaya muku karya da Karerayi akan yar yar uwan ku, ko tausayin rashin uwa da bata dashi baku yi. Kun zauna akan abinda aka gaya muku sabida ranku yana sosuwa da SOYAYYA da ta samu a gurin mahaifinta.

       Da yau dukiya tana dawo da mutum tabbas Hassanah Ummina zamu bada duk abinda muka mallaka daga masarautan daura har zuwa masarautan shehun Borno, tun duniya tana kwance ahalin mu suke taka rawan gani a kasar nan.

          Dukiya mun gan shi mun kuma san shi, soyayyar da Zuri'ar mu takewa Hammah Jay, ya wuce yadda kuke tsammani..akan shi kuke tsanar Mahaifiyata? Sabida son kai da son zuciya, toh ku dake ni, sabida nice nayi magana ba mareniya ba.

Ko kunya baku ji ba, ku iyaye kuna fadan abubuwan da basu dace ba akan yan uwanku, wallahi matukar Fatima ta shiga cikin Zuri'ar mahaifiyata sai kun gane cewa shi mulki da dukiya al'amarin Ubangiji ne, yau muna kallon Hammah Jay a matsayin Mahaifiyarshi ce, sabida shi daya ta bari.

   Bamu da madadinta sai shi, mahaifiyarta ta rasu ta bar muku  ita, domin idan kun tuna da ita ga madadinta sai ku mata addu'a, amma sai gashi babu wacce kuka tsana sama da ita, da yau ana mutuwa a dawo baku ji kunyar Mameeh ta dawo ta ga abinda kukewa Yar ta ba. Burin ku sunan ta ya b'aci ace sabida rashin amana mahaifinta ya gaza bata tarbiyyar da ya dace. Ku ji tsoron Allah akan zalunci da kuka mata. Allah sai yabi mata hakkin ta, karku manta akwai rayuwa akwai mutuwa.".
Daga haka ta riko hannuna zata fita ta kalli Hoor tace mata.

"Kuskuren ki tab'a min ji kimata! Shi yasa na tab'a naki, ba kare bin damu!" Daga haka muka bar gidan. Ina kuka Allah yasa ita ke jan motar dan dukkan mu Baabi ya saka an koya mana mota.

             "Nagode kanwata Kawata." Na faɗa mata cikin kuka, girgiza kai tayi sannan ta cigaba da tuka mota tana faɗin.
"Ban san me yasa baki iya karban kanki hannun mutane ba, nifa ba zanyiwa kowa kuka ba"

       "Sabida kuka da gadon taurin zuciya ba! Kuna iya boye kaunar abinda kuke so ba! Da zaki ji yadda nake son D'an uwanki da sai kin tausaya min."

  "Mun sani mana, toh ya zamu yi da dangin Baabi? Kin san Ummi ma ba sha tayi a hannun su ba, kawai tafi su baki ne. Wallahi kaf dangin Ummi babu wanda baya mutuntaki, ana ganin darajarki fiye da yadda baki zata ba, ko jiya sai Da Kaka Bana ya tambayi Hammah Jay, akan da gaske yana sonki? Yaki bashi amsa.
.da ya bashi amsa toh ina gaya miki sisin gwal ne sadakin ki.

     .ko Ni bana tsammanin zan sami sadaki sisin gwal, amma ke naji har kowa ya gama hada kome na sadakinki.. amma mara kirkin nan ya ce baya sonki."

     Lumshe idanuna nayi sabida kalmar baya sona ba sabon kalma bace da zan ji haushinta, kalmar ta jima da zame min Alakakai. Bude idanu nayi lokacin da naji ta ja burki.

          Ikrama ne ya sha gaban mu, da sauri nace.
"Ke tadda motar mu bar nan mahaukaci ne."

Sai da ta barshi ya kusan zuwa dab damu, kawai ta finciki motar da masifar gudu, ya kuma koma cikin nashi ya rufa mana.

  Da sauri na shiga lallubar Number Saif, ban san na fada kan Number Jay ba, kawai na shiga kiran shi.....

Acct: 0472282105
GTBNK Ramlat Abdulrahman Manga 300â‚? katin mtn 300 normal posting 21/October Insha Allah
Zahrahn Addah Ramlat domin nuna shaidar biya! ita za a turawa....
07035133148/ +22784506476 yan Nijar zasu iya samun A'isha Indo Nijar....
#Mai_Dambu...
10/23/20, 9:58 AM - Ummi Tandama: *A tambayi kalwa zaƙin miya, a tambayi barkono a sha labari.*

  "Saif! Ikrama ya biyo mu!" Na fada a rikice, muryana yana rawa,

       "Da alamu baki duba wanda kika kira ba ko?" Yana fadar haka ya kashe wayar.
Kafin nasan abin yi ya daki motar mu, wayar ta fadi nida Hanisah muka saka salati. Sai lallubar wayar nayi cikin tashin hankali, na kuma kiran Jay.  Naji yana waya.

        ---
Yana zaune a dakin shi, dan sunan yayi aure ne, amma babu abinda ya dame shi da matan shi,   suma tsoron shi suke dan Munih ta tab'a gaya mishi magana akan ya ajiye su babu abin da yake tsinana musu. Shi kuma da Iskanci yayi mata alluran fitina.

          Tayi ta hauka yana kallon ta, sai da ta gama fita hayacinta, sannan ya mata wani alluran da ya Sata barcin dole, shi yanzun burin shi a gini mishi asibitin shi ne baya son kome sama da haka.

   Ya zaune Aanih ta kira shi,  kamar ba zai dauka ba, dan