You Cannot Download this book untill you login but you can read it .

---

Login Register

ture har uku, yasa ta zuba mata ido. Ta zauna a hankali bayan an ajiye tiren, kar'ar wayar Sarah yayi ta dauka tare da cewa.
"Alhamdulillahi barkanku da zuwa."

     Mik'ewa tayi tana gyara zaman Alkyabar ta, tana kallon Raihanah karama tace.
"Maamah tashi maza ga Ummin ku na sokoto sun iso, maza kuje ku gyara mata d'akin dake shashina, tare da ke Maman Kawa."

       Mik'ewa Aliyah tayi suka nufi shashin Sarah aka shiga gyara, duk sai jikin su yayi sanyi. Sakamakon abinda Jaamal ya faɗa.
"Yau shekaru talatin  da  bakwai, haduwa ta da Jannart! Ranar da bazan manta ba, mun fito cikin gari daga aikan Baba. Muka same su tana kuka, lokacin da muka tsaya Domin taimakon sun muka kalli juna."

   Murmushi yayi sannan ya zuba idanun shi akan kofar shigowa falon yana kallon Rahil tare da Hanisah da Jannart karama, buɗewa Jannart karama hannu yayi, ta shiga tafiya a hankali tana kallon kowa, a hankali ta shiga jikin shi.

        Ya mai da idanun shi kan Jikar shi ta fari itama Jannart ce ya kirata, ta mike da sauri. Sai Yar gurin Aliyah itama Jannart ce, ta isa jikin shi sannan ya shiga duba Jannart babba yar aurar shi.
"Aura!" Ya kira ta.
      Shigowa tayi tare da Fahad, sai nokewa take.
"Zo nan." Da sauri ta isa gare shi.

   Dukkan su, sunan mutum daya suka ci, kallon Rahil yayi cikin kulawa yace.
"Ina Yar Jannart?!"

    Murmushi tayi tana goge kwallar da ta cika mata idanu, tace.
"Tana abuja, gurin Kanwar Mahaifiyarta."

                   Da sauri ya zuba mata ido, kafin ya mai da idanun shi kan Jay wanda jikin shi yayi mugun sanyi kafin yace.
"Me yasa ta tafi can?"

       "Tun bayan fasa aurenta, Ikrama yace matukar tana Sokoto, zai ya tozarta ta."

       Da wani irin yanayi Jay ya kalle ta, bakin shi na rawa yace.
"Akan me?"
"Kan abin da kayi mata! Dauke ta da kayi ranar auren ta."

     Jan numfashi yayi tare da kau da kan shi, tare da mike yana me tauna bakin shi yace.
"Ita ce ta shirya ni kuma na gabatar." Daga haka ya bar falon.

"Kamar kumbo kamar kure! Halin uban halin d'an." Inji Mama Raihanah,

                "Toh itama tazo nan ayi bikin dawowar d'an uwanta da ita."

             Ba tare da sanin Jay ba, Abban shi ya turo Najim suka tazo da Aani.

             .....
Da yamma muka iso Daura, dan haka yan matan suka ja ni zuwa dakin su, yayinda Rumah da Aliyah suka ce na fita cikin su ba zan zauna a cikin yara ba.

                  Murmushi nayi kawai, nan muka shiga hira, akan wasu abubuwan har lokacin cin abinci yayi.
          Sanye nake da jar doguwar riga, muna shigowa suma suka shigo tare da Kamil Mijin Aliyah, sai Khalid dan Mamah Raihanah, mijin Rumah, suka shiga.

                Sai Najim, Fahad, Da Shi kan shi Jay din. A hankali yake tafiya suna biye da shi, har inda aka zuba abincin, babban teburin cin abincin.

     Tunda muka zauna nake kokarin b'oye yanayin da nake ji a raina, har muka fara cin abincin. Kallon shi nayi lokacin da naji kamar shi tana yawo akan nawa, sai da na kware, murmushi yayi ya cigaba da cin abinci.

            "A ci abinci a hankali bazai kare ba."

Kura mishi ido nayi, cikin bakin ciki,, idanuna na cika da kwalla. Mik'ewa nayi yayi maza ya hard'e kafarshi da nawa.

        Komawa nayi tare da zama na kasa cin abinci.
"Kici kar ya kare!"

    Toshe baki na nayi, tare da barin gurin da sauri kuka yana zuwa min, a hankali nake tafiya. Dake nafita daga gidan, duhu ne a gurin.

      A hankali nake tafiya ina kuka, daga nesa na hango wata mace tsaye, tsigar jikina ne ya mike.
                A hankali ta fara tafiya, kamar wanda aka sani dole sai na bita, har muka kusan barin masarautan, ji nayi an dafani wani irin tsoro ne ya kamani tare da sake wata irin kuka da ajiyar zuciya.. kamshin galaxy naji na juya da sauri na fada jikinshi ina me rufe fuskana a kirjin shi. Kuka na saka me mugun karfi jikina yana rawa.

       Kasa cire ki yayi a hankali yana kallon yadda na razana,
"Me ya kawo ki nan?!"

       Fincike hannuna nayi tare da zabga mishi harara nayi, ina kuka tare da cewa.
"Ba kallon yunwa kake min ba, ace mutum yazo gidan ku kana wulakanta shi."

     Juyawa yayi tare da barin na a gurin yana fadin..
"Toh ki koma gidan ku mana"

"Ai ba kai ne ka kawo Ni ba!"
Juyowa yayi tare da takowa gabana, ya zuba min ido.
"Ina son a rayuwata, idan nayi magana kar a maida min!"

     "Sabida ka girme kowa? Toh ka tambaya da kyau na baka shekaru shida!"

            Takowa yayi ina ja da baya, har na dangana da wata bishiyar durimi.
"Haka nake son naga tsorona a cikin idanun ki, baki girme ni ba! Sabida zan iya sarrafa ki a kowani ɓangare."

   Ture shi nayi tare da cewa.
"Tir! Ni ba yar iska bace."

Na rab'a zan.wuce daga gurin shi.
Fisgo ni yayi jikin shi tare da matse ni, ya saka kan shi ta wuyana yana faɗin.
"Waye d'an iska?!"
"Wanda ya tsargu!"
Na bashi amsa.
"Toh bari na nuna miki Iskanci."
Lokaci guda ya saukar min da kasala, cizon shi nayi da mugun karfi sai da ya sake yar nishi, sabida zafin.

          Kwace rikon da yayi min nayi zan gudu, ya samun kafa ai kuwa na zube akan kafaffuna. Tare da sake kuka. Kallon hannun shi yayi tare da shafa gurin sabida zafi da azabar da gurin yake mishi, a hankali na mike ya kuma saka min kafa, cikin kuka.
Na fara magana, ina cewa.
"Allah ya isa min! Tunda ban san abinda nayi maka ba, kake ta samun kafa ina Fad'uwa, ba zan yafe maka ba.".

             "Ban nemi yafiyarki ba! Kuma sai na rama cizon da kika min."

  Zaro idanu yayi cikin tsoro, yadda ya murtuke fuska zaka dauka da gaske hakan ne a ran shi, sunkuyowa yayi Allah ya bani Sa'a na ture shi na kwasa da sauri sauri gudu gudu.

      Mik'ewa yayi tare da kwafa, akan sai ya rama abin da nayi mishi.

.....
A cikin kwana biyu mun zama wasu irin abokan fada, kamar wuta da auduga, yana gani na zai ce zai rama cizon shi. Ji min Iskanci sai kace Yaro.

         Ranar Juma'a aka yi walimar dawowar shi, bayan an gama nasiha da fadakarwa, kawai Galadima ya tashi yayi sallama tare da godiya, sannan yace.
"Ina farin cikin dawowar Abokina, Jalaludeen ina kuma kara mishi wata kyauta ta musamman, na Jikar da nafi so yar wajen Umar, wato Husnah. Tana gurin Nanah Khadijah. Ku dai-daita kanku."


Zufa ne ya shiga sauko min ina kallon shi daga can sanye da alkyaba ruwan madara wanda yake sirke da zaren gwal.

Kurawa juna ido muka yi, sannan na kauda kaina,

Sunkuyar da kaina nayi hawaye na zuba min, sabida bakin ciki. Kusan har aka tashi ban iya kallon kowa ba. Sai dai an shirya wasan dawakai ne. Kuma shima zai hau dokin.

Bakin ciki ya sani ko zuwa gurin kallon dawakan ban yi ba, na nufi can bayan gidan, na zauna a lambu.

Ina kallon ruwan da ya taru a gurin da wasu manyan agwagi ke wasan ruwan dasu.

"Shiiiiii!" Na juya ina kallon inda nake jin karar, matan nan ce sanye da jajjayen kaya, jini na zuba a jikinta duk inda ta wuce jinin na b'atawa, hannunta rungume a kirjinta, ga kudar zuma bakakke da suke shawagi a kanta.

Kukan doki naji, ya shiga wani irin mik'ewa.

Da gudun gaske yayo kaina, tun kafin ya iso, naja zuwa zuciya tare da zuɓewa a gurin, ban san lokacin da na dauka ba, sai dai na kuma ganin matar ne, a kusada ni tana shafa fuskana.

"Wani lokaci bayyana cutar da take ran mu, itace igiyar farko da take fara illatar mu, ko da kuwa zaka fadawa duniya girman halin da ka wanzu a cikin shi ba Lallai bane kowa ya fahimci bashin da ba kaine ka ci ba.

Taya duniya zata fahimci girman Soyayyar da Sadaukarwa? Taya duniya zata gane halin da zuciya take ciki? Maza ki dakatar da wannan Kuskuren da ake shirin saka shi a ciki, idan ba haka ba.

Daukar nauyin kasadar yana jingine bisa kafadarki!"

Bude idanu nayi, tare da tashi zane. Jini ne ya digo daga cikin hancina, ga kaina yayi wani dum.

Da sauri na fita daga lambun dan ina iya hango abinda yake shirin faruwa a filin nan da wasu mintuna masu zuwa.

Ganin shi nayi yana ƙoƙarin hawa doki, na rike shi hancina na saukar da jini.

Girgiza mishi kai nayi cikin zubda kwalla, sabida jin wani irin karfi da nake ji a jikina, tare da wani irin yanayi me tadda hankali.

Zuba mishi ido nayi dakyar bakina ya iya furta.
"Jay! Karka tafi."

Cikin ganin yafi karfin ya saurare ni yace min.
" Koda zaki ya zamma wulakantace, ba ya yi wasa da khinzeri ba! Dan haka ki sa kai ki bar nan kafin na miki abinda baki zata ba."

"A'ah Jay, Bera yana gani'n raminshi, bazai yarda wuta ta cishi ba. Me yasa?"

"Ke bana son shirme da yayyafi kogi yake cika, ke kin isa ko dakatar da ni ne?!"

Murmushin takaici nayi tare da zuba mishi ido, sannan nace.
"Allah ba ya ba gwanni'n tona tsaba.! Ai ya fishi sanin dalilin da ya hana shi, don Allah karka tafi."

Ture Ni yayi tare da hawa dokin shi...

Paid before read 🕊�?
10/23/20, 9:55 AM - Ummi Tandama: Acct: 0472282105
GTBNK Ramlat Abdulrahman Manga 300�? katin mtn 300 normal posting 21/October Insha Allah
Zahrahn Addah Ramlat domin nuna shaidar biya! ita za a turawa....
07035133148/ +22784506476 yan Nijar zasu iya samun A'isha Indo Nijar.....

*Jiki Magayi... Duka da d'anyen kara*

   Da gudu ya zaburi dokin, ji nayi kamar ance min.
"Ki dakatar dashi!"

      Da sauri na mike na nufi hanyar wajen.
"Karku sake tafito!"

Ya fadawa Fadawa masu tsaron kofar shiga filin, ina zuwa suka hanani shiga, kamar zanyi hauka haka nake kuka.

"Don Allah ku barni na je, wallahi akwai abin da zai faru mara daɗi ne!" Na fada musu ina rokon su.

Juya min baya suka yi, alamar ba zasu saurare ni ba, sunkuyar da kai nayi, dai dai fitowan Abban shi dasu Baba Aswad, suna zuwa aka bude musu kofar kafin suyi wani yunkuri, na shiga filin da sauri.

Tattaro alkyabar jikina nake, tare da niman in da yake. Hango sahun farko nayi nasu Fahad, tare da Mijin Rumah sahu na biyu kuma shine akan doki, wata irin guguwa ce ta taso tare da mamaye filin baki daya.


Kafin ya lafa, tawagar farko suka fara suka juya da gudu sannan suka koma, tawagar Jay suka tashi amma dokin shi yaki tafiya sai mik'ewa take, abinda ya d'aga hankalin Iyayen shi.

Kowa so yake ya kai mishi dauki, shi kuma yana hankoron ya jan linzamin dokin yake, amma dokin yaki sai ma mik'ewa da dokin yake.

Ban san lokacin da na cire alkyabar jikina ba, babu takalmi a kafana, nake keta dandazon mutanen da suke kokarin ganin sun dakatar da mutane shiga.
Tsalle yake tare da walagigi da shi, kamar wacce ake cilla ni cikin filin.

"Hasssss! Kunba nuba! Jiyya hiyya, huuuuuuuuuu, ja hass bam da..." Na daka mishi tsawa, wani irin tsalle dokin yayi suka zube a gabana, durkusa nayi a hankali tare da riko hannun shi.

Jini na d'iga a hancina tare da idanuna, dakyar ya mike tare da fisge hannun shi, yana harara na. D'igin shi ya fara a hankali lokacin da su Abban shi suka iso filin.

Guguwa ce ta kuma tashi da karfin tsiya zata sure shi.

"Zulum! Ka Raf ka, atɓa di na, fass haya mi ro, fur ab fuuwa"

Cak guduwar ta tsaya tare da zuwa ya kuma dungulewa da karfi ya sure ni a guje.

Hankalin kowa ya tashi, sabida ganin yadda iskar take kwantawa dani,.kafin ta watsar dani can gefe. Dakyar na cire kaina na mika Mishi hannu.

Kallona yayi sannan ya kauda kan shi, kamar bai ga halin da nake ciki ba.

"J...a..y!" Na Kira shi a gajiye da kuma wahalar da nasha.

Banza yayi kamar bai sanni ba, sai da Baba Aswad ya nufoni da sauri tare da Najim,

Suna isowa Najim ya kai hannun shi da niyyar dauka na, ai kuwa Jay ya doke shi sai da ya fad'i, sannan ya durkusa ya dauke ni, tare da b'ata rai da fuskar shi, sai ka rantse mugun abu ya dauko.

A hankali ya nufi cikin gidan, ina hannun shi sai aman jini nake, tare da mik'ewa ina kokuwa da numfashi na,


Kai tsaye shashin Mamah Sarah yayi da ita, inda aka shiga bata kulawa, yana tsaye a kanta. Har ya juya zai fita ta rike hannun shi.

Cikin tausayawa kanta ta bude ido, ganin irin kallon da yake mata ne yasa ta sake shi. Ya fita da sauri yana me jin ɗacin abinda tai a gaban jama'a, babu dan mayafi, ai haka bai dace ba.

Tsaki yaja tare da tunawa toh meye matsalar shi da ita, haka yayi ta sakawa yana warewa, har Najim yazo ya zauna kusa dashi sannan ya kalle shi kafin ya kauda kanshi, yana me kallon sama.

"Inji Baban Sarki wai kazo!" Inji Najim.

Mik'ewa yayi, sannan ya mike tare da barin gurin, Najim yana bin shi.
"Amma Fatimah tayi kasada da rayuwarta fa?" Cewar Najim,

"Toh ina ruwa na, meye matsalata da ita."

Murmushi Najim yayi sannan yace.
"Amma kamar naga wani abu na daban a cikin ƙwayar idanun ka"

Shiru yayi sannan yace.
" Ganin ka ya gano karya! Malam Lauya"

"Malam likita me yasa bazaka amshi batuna ba!"
"Ban iya dogon magana bane!"
Da sallama suka shiga falon, kowa kallon shi yake, sai a lokacin ya kalli kan shi da jikin shi sun yi butubutu, sunkuyar da kai yayi cikin nutsuwa, dan bai lura da suwaye a falon ba, sai da yayi an ce mishi.
"Jaheed!!"
Da sauri ya d'ago kan shi da sauri, yana kallon Baban shi na Canada.
Kau da kan shi yayi sabida har yanzun yana jin zafin abin suka mishi.
Kallon kasa yayi cikin nazarin meye ya kawo su Daura.

"Jalaludeen! Ga Babanka na canada, tare da sauran iyalan shi suna cikin gida.

Abin mamaki ashe ma d'an ne ga Yayan Rumanah kakarka, matar shi kuma kanwa ce ga Balkisu. Kai dai Allah ya dauke ka ya kai ka cikin dangi da yan uwa."

Shiru yayi kamar ruwa cinye shi, ya rasa abinda zai ce bai kuma firgice ba, ya d'ago kan shi yana kallon su.
"Gashi ya baka yar shi Munubiya! Sannan mun nima maka auren Fatimah."

"Wallahi bana sonta! Bana kaunarta don Allah karku haɗa mu, dan zan zalince ta."

"Baka isa ba, idan an daura maka ita ka mutu."

Kamar wani karamin Yaro. Ya b'ata rai mik'ewa yayi zai fita Najim ya zaunar dashi yana kallon fuskar shi.
"Ahalin masarauta an samu da kamewa da kuma ɗa'a yin haka sam bai dace ba."

Kallon iyayen su Najim yayi cikin nutsuwa sannan ya cigaba da cewa.
"Ku iyayen mu ne, sannan kun fimu sanin dalilin da yasa kuke son a nima mishi Aanih Fatimah Aryaan, mu bamu sani ba. Amma ko a musulince, shi yake da ikon nimawa kan shi mata, dan shi waliyyin kan shine! Dan haka don Allah ku dakatar da nima mishi ita, tunda ya ce baya yinta a barta kowa ya hakura tunda ya amince da sauran zab'in ku."

Jikin kowa yayi matukar sanyi sabida abinda Najim ya faɗa.
"Kuje!"
Mik'ewa suka yi, ba tare da anyi wani magana ba.
Har suka fita babu wanda ya tanka musu.
"Abba haka zamu bar shi babu wanda ya isa dashi."

"Kai ma haka kayiwa uwar shi, ai gado ba karambani bane!"

Shiru suka yi ba tare da cewa wani abu, ba. Har dai suka watse.

---
A hankali maganar ya watsu a cikin gidan, kamar wutar daji. Jay kan babu abinda ya dame shi. Koda aka ce ya samu Husnah shareta yayi ya cigaba da abinda ke gaban shi, Munih ce ma tayi ta shige mishi.

Tare da nunawa ai ita ana sonta.
Ina kwance a dakin Mamah Sarah Hanisah tana hada min kayana, Munih ta shigo cikin wani rawan kai tana kiran.
"Janna!!!!"

D'aga kai muka yi tare da zuba mata ido, kamar taga kashi haka ta kalle mu, shigowar Jay ya mai da hankalin shi kan mu, fuskar shi babu fara a ya shigo. Har gabana ya iso, kaina a sunkuye, zama yayi a kujeran dake gaba na ya zauna.

"Assalamu alaikum! Abba gata nan!"
Ajiye min wayar yayi akan cinyata yayi tare da tsare ni da ido, mun jima muna magana ban gama magana da Baabi ba, wayata da take cikin shiru tayi haske, ina dauka naga Asood Buba Yaro, dake data na yana kune.

Domin na cusawa Jay Haushi cikin sakalci na kashe kiran Baabi ina ce mishi.
"Baabina zan kiraka an jima."

Da sauri na dauki wayar ina me sake murmushi.
"Sahibi na! Ya kake? ya kwana biyu?"

Sake murmushin jin dadi nayi tare da mai da kai na jikin matashin ina sauke yar karamar dariya nace.
"Hmm! Toh me ka shirya min idan na dawo daga daura wanda zai zame min na musamman?"

Wani shegen shewa na saka, nan kuwa bakar magana Asood yake gaya min.
"Kasan yadda nake kokarin na dawo mu hadu! Ayya Asood tun a Canada kak...."

Jikin shi na wani irin rawa, ya fauce wayar hannu na, ya shiga gayawa Asood bakar magana,.karshe suka yi fada kaca-kaca.
"Malam bani wayata! Kuma wallahi sai na kai karar ka gurin Ummi."
Kallon Hanisah da Munih yayi cikin nutsuwa, take suka fita, kasa magana yayi yana kallona.
"Wallahi idan baki rabu da yaron can ba!"

Daga haka ya shiga ya kulle hanyar da Asood zai dame ni, kasa hakuri yayi ya fita da wayar, ban kuma ganin shi ba. Sai da aka gama hada min kaya a mota yazo ya same ni a falo ya cilla min kwalin sabuwar waya, tare da sabin layi.
" Ki Cigaba da kwashe kwashe!"
"Idan nayi akan ka nake? Ina ruwanka dani? Wai in tambaye ka Jay zaman ka nake da ba zanyi kwashe kwashe ba. Ince nan kace min baka sona Ina ruwanka da samarina!"

Duk kanen shi sun zuba mana ido, ran shi ne ya b'aci.
"Uban me kuke jira da bazaki bar falon ba!"

A tsorace suka bar falon, yana zuwa ya dauke ne da mugun mari, sai da bakina ya fashe rike kuncina nayi! Kuka ya kwace min.
"Allah ya isa min! Mugu kawai."

"Kika kuma gaya min magana sai na zane ki!"
"Sabida kai ne Ubanta? Wallahi Deen ka fita hanyar Fatimah ina ruwanka da ita, baka ce baka sonta ba? Uban me tayi maka da zaka mare ta!"Inji Rahil Kanwar Jannart,

"Wai meke faruwa Rahil?" Inji Mamah Raihanah tare da Sarah.
Cikin b'acin rai take nuna musu ni, ina kuka sosai.
"Kawai ya bani wayata da layinka!"

Na fada, banza yayi dani.
"Baka ji bane? Ina wayarta da layinkanta?"

"Na wurga a rijiya!" Daga haka Yasaka kai ya fita, kuka nake ina fadin.
"Allah sai yabi min hakkina, lokacin da aka saya min waya babu shawarin wani banza balle ya dauki wayata ya wurga min, wawa kawai."

Su kan su basu yi tsammanin zai dawo ba, sai ganin shi muka yi ya kamar zai rufe ni da duka.
Da karfin tsiya ya janyo ni zai fita dani, Mamah Raihanah ta tsinka mishi mari, sai da ya sake ni.

"Ta gaya maka wawa! Wanda bai san inda ke mishi ciwo ba, wani shegen ne yace ka yarda mata wayarta, ina ruwanka da ita? Toh wallahi ahirr dinka Ubanka ma bai isa yazo gabana yayi min rashin kunya ba, balle kai sakarai kawai kuma na kuma ganin ka daki wata a cikin masarautan nan sai na baka mamaki."

Yana fita ta juye kaina ta balbale ni da fada, sannan ta dauki wayar da ya kawo min, ta mika min, dukda tafi rawa tsada da kyau amma bai burge ni ba.

Da wuri na bar garin daura, shi kuwa uban yan ɗacin rai, haka ya wuni cikin dakin shi, fita masalaci yake sanya shi fita.

Dayawan mutane, sun watse su Ummi ma sun koma Sokoto.

Yana zaune, rike da yar na'ura me ƙwaƙwalwa, yana dube dube. Yaga sakon Munih.
_Barka Jay😍_

Share ta yayi tare da cigaba da aikin shi, sake turo mishi wani tayi.
_Ayya Jay kayi hakuri mana😭_
Bude sakon yayi tare da cigaba da abin aikin shi.

_Jay ina sonka☺️_