You Cannot Download this book untill you login but you can read it .

---

Login Register

yi! Toh sake ni Nima zan rabu da mijinki! Ki sake ni nace Ziryana." Juya baya nayi dan a iya zuwa yanzun bana jin kome idanuna sun kad'a jajjur, jini yake d'iga a hancina.
   
             "Ranki shi dad'e! Nayi mubayi'a!" Juyawa nayi na ganshi duke akan gwiwar shi, dan dukawa nayi ina kallon fuskarshi.
"Idan na gadama, zan iya sanyawa a kama min d'an iskan da yake tare da kai, idan kuma naso zan Barka nayi ta matse bakin ka, Kana sake magana kowa yasan halin da kake ciki.

          Amadadin gidajen ku ya samu zaman lafiya sai a iya samun tashin hankali da rashin zaman y, ka sani bana da zab'i a rayuwata sama da na bada rayuwata domin Jalal, idan na kuskura na kuma samun wani shirme har naga canji a fuskar shi.
           Na rantse da karfin kujeran da na gada, sai tsuntsaye sun tsatsagi namar ka, a samar sahara kamar yadda ka kai shi ka ajiye shi a gurin."
Cikin wani irin bala'in sauri ya ke kallon da fuskana, tare da ganin gaskiyar maganar da nayi, Uwa Uba, jinin da yake fita daga hancina.
  
     Cikin tsantsar rashin yarda da abin da yake gani, yace min.
"Toh Ziryana ki kashe ni mana!"

"Ba zan kashe ka ba! Domin nasan kai ka saka Abdul kashe Ubanshi! Ka kuma kashe Gamji! Ka kuma kashe Abdul din, Kayi a hankali ni ba zubda jini nazo ba.dan haka ka kiyayye abin da zan ce maka.  Kafita harkokin shi"

Daga haka nayi feccewar zan bar gidan yace min.
"Ya tsawon shekarun yake?"
"Dai-daiton da tunaninka!"
"Me yasa kika fusata?"
" Bazlah ki sanya a mishi horo na musamman bakin shi yana nan!"
Ina fadar haka na bar gidan.

               ----
Allah ya taimake ni, Jay baya gida dan haka nayi kwanciya ta.

     Kwanaki sunyi tafiyar bazata, sati sun koma watanin, watanin sun shuɗe, Shakara ya kuma sako jikin.  Muna dab da fara azumin watan Ramadan. Na fara wani irin ciwon ciki, kasancewar Munih tana dauke da wani cikin, kusan wata biyar, sai ni da nake fama da ciwon ciki.

      Ranar da na fara, kamar ba zan rayu ba, haka nayi ta juya. Bazlah kuwa haka suka yi ta kawo min saiwa,ina ganin shi zan fara amai. Data ga haka sai ta dakatar da kome.  Duk suka zuba min ido,  Jay baya gari ya tafi Maiduguri. Dan haka zan iya cewa kamar jira ake ya bar gidan suka dauke ni.

......... Shigowar wani tsoho cikin dakin, ya gama dubani sannan ya cewa bazlah.
"Ba zai yi tasha maganin mu ba, domin ita bani Adam ce, kuma Sarauniyar mu, dauke take da juna biyu, iya abin da na gani kece Uwar Fada!" Ya gayawa Bazlah, cikin wani irin farin ciki. Ta kalle ni ina barci wahala sannan ta kalli tsohon tace mishi.

        "Ka gama naka,kuma masarauta tayi maka kyauta, kaje kofar taskar masarautar nan a baka zinari da lu'ulu'u."

  D'an dukawa yayi sannan ya mata.
          "Ranki shi dad'e! A kula da cikin domin zai iya samun matsala, idan da hali a bar bayyana mata masarautan nan, shima cikin a adana shi yadda babu wanda zai san dashi har sai ya kai matakin da ba zai iya salwanta ba.". Jinjina mishi kai tayi sannan tace mishi.
"Na baka damar haka, ka gwada sa'arka."

        Daukar wani magani yayi ya shafa min akan cikin, sannan ya dauko wani abu ya shafa min a goshina,  ba zata kuma ganin masarautan ba, amma zata na yawan kawo shi a cikin ranta. Idan ta haihu sai mu bar musu abin da ta haifa, ita kuma mu dawo da ita duniyar mu. Amma ki nazarci abinda nake nufi."

          "Kaje zan duba abin." Godiya yayi sannan ya bar d'akin, Ni kuma bazlah ta shafa fuskana, sannan tace.
"Ranki shi dad'e! Zamu yi kewar ki, muna tare dake domin bawa baki kariya."

          Mai dani d'akina suka yi, sannan takira wasu manyan bayinta tace musu.
"Ku kula da cikin jikin ta! Sannan ku saka ido, akan wani a cikin gidan. Idan kunga abin da bai muku ba, ku gaya min."
Daga haka suka b'ace.

           Wuni nai ina barci, har zuwa lokacin sallah, sannan na farka dakyar babu ciwon yanzun, ban daki na mike zan shiga naji motsin ruwa, ina shiga na samu an cika min ruwa har da wasu fure akai, ga kamshin turaren da yake fita a dakin, tunani na ne ya tsaya cak ina niman inda na tab'a jin kamshin..
   
Wanka nayi sosai, sannan na hada da alola na fito. Lokacin da na fito, naga kayana har da abin sallar, sam ba zan iya cewa nice na ajiye ba, amma kaina ya daure. Kawai na share tare da sakawa na gabatar da sallah.

Ina cikin addu'o'in barci ya dame ni ga yunwa. Mik'ewa nayi zan fice falo Zabba'u ta shigo, kallon ta nayi sannan nace mata.
"Zabbah ina jin yunwa! Nima min wani abu koda dan wanke ne, domin Allah, a saka yaji da kayan lambu. A dafa min kai a saka a kai."

            "An gama ranki shi dad'e!" Ta fita da sauri, ji nake kamar bata sauri dan haka na nufi kitchen ɗin na shiga aikin nima,.tunda muka tsame na farko, na juye a yar kwanon tangaran na fita waje, na cinye shi tass,  na kuma tasowa lokacin har ta gama, tana fitowa na zauna a kasa, hada min tayi sannan na shiga ci a hankali. Ina lumshe idanuna, ga wani abun dad'in da yayi min, ina gama ci na fara yunkurin amai, a hankali naji yana sauka, sakamakon jin ana min fita tare da jin wasu abu kamar ana shafa bayana.

             Kallonta Zabba'u nayi sannan nace mata.
"Baki ji abinda nake ji ba?"

Cak aka bari, "A'a ranki shi dad'e!" Turo kofa aka yi Munih ce da cikinta, zare ido ta fara yi kafin idanunta ya sauka akan kwanon abincin dauka gama ci, dan na saka Zabba'u munci tare.

       Allah Sarki kamar wata mayunwaciya tazo ta ɗauki kwanon har tana had'iye yawu, dariya ta bani nace mata.
"Ranki shi dad'e! A miki zaki ci ne?" Murmushi tayi wanda ya janyo zuba kwalla daga idanunta, na kalli Zabba'u, nace mata.
"Tashi ki hada mata itama, irin namu da muka ci "

     "Toh uwar d'akina." Ta nufi hanyar kitchen, kallon yadda Munih take zaune a dame ya sani kallonta a fisge, ba laifi Yar buzayen akwai kyau, kome nata me sanyi ce, kawai matsalarta bata da mutunci ne, ba a bin damuwa bane tana gama ci ya kafta mana rashin mutunci, amma dan nutsuwa akwai shi.

         "Aanih Khatoon! Kamar kina da ciki?" Murmushi nayi mata zan ce mata eh sai ji nayi kamar an rufe min bakina, na girgiza mata kai, nace.
"Babu kome!". Shiru tayi sannan ta cigaba da jana da hira ina biye mata, har aka kawo dan wanke ta zauna taci sosai. Sannan ta mike zata fita.

Naji bana son ta fita sake janta da hira nayi har can wani lokaci, sannan muka sauko tare, ganin mu tare da Husnah tayi ya sanya mata wani irin tsoro, dan haka ta kasa boye b'acin rainta. Zama muka yi a falon muna tab'a hira dasu Zabba'u, Haka tazo ta wuce mu, fuu. Kota kanta ban bi ba.

          ...... Ranar da Jay ya dawo a dakin Husnah ya sauka, ban mu san meye ya faru ba, sai kawai ganin shi nayi ya hauro yana huci.
"Meye Husnah tayi muku da kuks hada ta da bayinki suka mata barazanar cewa zasu kasheta?"

Tashi nayi zan mishi magana, ya dakatar dani, haka yayi ta masifar shi, tsabar ya bani dariya, juya mishi  baya nayi, tare da fashewa da dariya. Fincikoni yayi tare da kallon fuskana.
"Ga mahaukaci nan ko?"

    Rike dariyar da nake nayi, sannan nace mishi.
"A'ah Hamma!"
Na faɗa ina dariya.
"Wai meye matsalar ki ne? Dariyar me kike min?"

"Dalla sake ni, kaje an baka aji garau, tare da tafiya birnin dad'i shine zaka zo kana min ihu, Ni babu abin da nayi mata, kuka babu abinda suka mata, idan baka yarda ba ka tambayi Munih!"

"Wacce Munih? Bayan an gaya min kun hade mata kai, keda Muniba, kuka ci mutuncinta."

    "Ka godewa Allah, iya mutuncinta muka ci fa." Na faɗa mishi ina kauda kaina, dan na fara jin haushin sa.
"Ni kike gayawa magana!"
"Toh kayi hakuri!"
Tsaki yayi min sannan ya bar d'akin, zan  ci qaniyar Husnah, dan  gidan su.

...... Fushi Jay ya dauka wai yazo yana magana na mai dashi dan iska, har da kai karana gurin Ummin, kirana tayi cikin fada wai na bata kunya, tayi ta min faɗa akan Jay. Haka bai mishi ba ya kuma hada ni da Mamah Sarah, ita kan bata bi bayan shi ba sai ma tambayar shi da tayi akan me ya faru, yana gaya mata, ta harare shi. Sannan tace masa.
'baka da hankali har yanzu, A madadin ka tara su kaji ta bakin kowa shine zaka yanke musu hukunci kai tsaye.

Ba ayin haka domin ba adalci bane, kuma zan je gidan naci mutuncin kowacce ce munafukar zan mata diban albarka."

      Fadar da tayi mishi ya sashi jin wani abu a ranshi har yake tuninanin dan ba ita ta haife shi ba, dan ko da tayi fadar sai da fuskar shi ta nuna bai gamsu da haka ba,  bayan ya bar gidan ne ya nufi namu..ya sami Munih da Husnah suna faɗa.

            Har suna tana gaya mata cewa.
"Kiyi fatan ki haihu lafiya! Sai kiyi tunanin fada akan mijin ba wai kina nan miji yana juya muku bayan.."
Shiru tayi naja hannun Munih, kawai bazata yarinyar nan ta fashe da kuka, tare da ɗaukar yarta me sunan Mamah Sarah, zata fita daga gidan, kallon ta yayi. Sannan ya zuba mana ido..
"Nagode da kuka ci mutuncin Yarinyar da babu ruwanta."

"An cin kaci namu!" Inji Munih, dariya ya bani, nacewa Munih.
"Muje kici dan wanke, zan yanka miki har da gurji da ganyen latas."

    Juyawa yayi kamar wanda aka aiko shi kaina, zai mare ni. Sai kwashe shi aka yi ya zube a gurin.
"Kafin kayi fada dani, ka shirya da kyau."

Na rike hannu Munih muka haura sama, muna dariya, tun daga lokacin muka manna musu hauka, bawai na jone da Munih dan na cutar da mijina bane, a'a itama tana fada ne akan mijinta, dan haka ba wani shirin azo a gani bane, kawai abin da Bature yake fada nan ne (Fight for Survive) shine abin da muke tsakanin mu da Husnah, ita dan ta bakanta mu a gurin shi. Mu kuma sai muka hada har dashi muka bakanta musu, idan ya ga ina mishi dariya haushi yake ji yayi ta masifa kafin wani lokaci sun sussuta shi, ya zama wani mara hakuri.

Idan aka mishi a fada anan gidan kuma Husnah ta hada shi damu, ba zan mata wani mafarki da nayi ba akan shi, tun da na farka, na taka har dakin Husnah tana ganina ta fara kame kame, sawa nayi Zabba'u, ta daure min ita. Na shiga tambayar ta.
"Meye kuke mishi haka? Me ya same shi kuke sanya shi haushi."

"Ya rabu da kaka na! Idan na haka ba, iya haushi yake yi? Gaba hauka tuburan zaiyi."
" Saketa Zabba! Kika ce hauka tuburan ko?"

     Daga haka na fita a dakin hankalina a tashe, shiga d'akina nayi Zabba'u zata bini nace mata.
"Jeki!"
Juyawa tayi tare da cewa..
"Allah ya huci zuciyar ki!"

  Yana fita na zauna kamar mareniya.
"Ranki shi dad'e! Ciyar dashi suka yi, ta cikin gida can. Saboda nan an zuba nasa an kwashe, ki bamu izinin mu sanya ta tayi magana mana."

    A hankali na d'ago tare da zuba mata ido, sannan na sunkuyar da kai na kwalla na cika min ido.
"Bazlah kina ganin babu matsala."

   "A'ah akwai! Sai dai zaki yi hakuri ne, dan domin kayi nasara sai ka fadi a gaban abokan gaba! Domin ceton rayuwar shi! Dole ki fuskanci tozarci! Shine makarin...."

😪😓😭😭😭 Alqur'an labari ya sauya ku bani shawara Oum Nass na datse musu na gudu 😜🤣  naji ance Dambuje buje 🤨🙄
10/23/20, 10:07 AM - Ummi Tandama: *An san da Allah bai hana damo shan sanda ba*

Tunda na shiga cikin gidan, na sami Munih a tsaye, kallona tayi a sanyayye, har zan wuce ta rike alkyaba ta, had'iye yawun b'acin rai nayi sannan na juya na kalle ta.
"Na san ba zaku dawo ku same ni ba, Aanih ga shi abin cikina bai kai na Haihuwa ba da na bar miki, don Allah ki taya ni, niman gafaran Jay, kuma ki gaya mishi ina son shi sosai, Aanih domin kawo karshen wani labari dole sai an gina wani labari."
Saukowa nayi daga matakalar, na zuba mata ido, tausayi ta bani. Rike hannunta nayi muka wuce d'akinta, na shiga hada mata kayanta. Har na gama sannan muka fito tare ban iya mata magana ba, zan haura sama tace min.
"Kina jin haushina ko? Na san da haka ai, amma idan kika yi hakuri zaki ga rayuwar duniya babu kome a cikin shi sai hakuri da nasara, kafin mutane suyi nasara dole sai sun fad'i, kiji a ranki nasarar da kike son Jay dashi ne ya zo!"

Murmushi nayi sannan nace mata,
"Babu kome! Insha Allah zan dawo na same ki, kin sauka lafiya."
Daga haka na haura sama, ina gama abin da zanyi na dawo na shiga dakin shi na zubawa hotuna na, ido "yaushe aka yi su? Ta ina ya same su?" Abin mamaki bani da mai bani amsa, wasu a Calgary, wasu a Sokoto, wasu ban masan ta ina ya same su ba, yayi yan rubuce-rubuce a jikin shi a hankali na isa jikin wani wanda nayi ana ruwan sama a Calgary, ina rike da lema.
Kasan hoton ya rubuta wata yar karamar kalama.
*SAU DAYAWA BAKA SANIN WAYE ABOKIN RAYUWAR KA, SAI DALILI ME KARFI YA GIFTA KE ALKHAIRI CE AANIH BINT AARYAAN.*
A hankali na shafa rubutun ina kallon yadda yayi wasu rubuce-rubuce a gaban wasu, dama ina haukana ashe shi yafi ni haukacewa taya? Kwalla ce ta cika min ido, a hankali na gama hada kayan, idan nace zan karance wasu kalaman soyayya shaukin soyayyar shi ba zai barni na gama ba, haka na tattaro abun da zan iya na fito muka fita da cikin gidan, juyawa Munih tayi sannan ta kalli gidan, kwalla na zuba daga idanun ta. Rike hannunta nayi sannan fadawan da suke jiran mu, suka kwashi kayan mu. Muka nufi cikin gidan. Na sami Jay kamar yadda na barshi.

Jay ya gama da kowa da renin hankali, haka Najim ya kama shi zuwa mota, muka wuce katsina.
---
Bayan kwana uku, ban fahimci shiga da fitar shi ba, sai dai na lura da yau yake son barin Maiduguri, kallon shi nayi sannan nace mishi.

"Ba dai tafiya zaka yi ka barni ba?"
"Me kika gani?" Ya dawo min da tambayana,
Jim nayi sannan na kuma kalle shi nace mishi.
"Bana ganewa jikina ne, jina nake a daudaure!"

"Alhamdulillah! Baki fara shan ruwan addu'o'in bane, kuma kin ce kina son ki haihu, shine aka baki addu'a ko zamu dace da rahamar Ubangiji."

Daga haka yaja jakar kayan shi, zai fita.
"Tafiya zaka yi?"
"Aanih!" Ya kira suna na a gajiye da tambayar da nake mishi.
"Ki zauna zan dawo."
"Shikenan!"
Nace mishi,sannan ya fita da sauri. Tunda muka shigo gidan ake yawan sauka da sadaka, tare da bani addu'o'in, ban kawo kome ba amma na fahimci kodan cikin jikina ne da nake yawan jin naushin.

.kafib zuwan su Aanih Maiduguri, Jay ya dauki Munih ya kaita gidan Baba Magaji ya bata ruwan addu'o'in, har zasu fito sai yace Jay ya tsaya. Shine ta fita,
Kallon Jay yayi sannan yace mishi.
"Na samo mafita! Amma yana da hatsari!"
Cikinr zakuwa ya kalli Baba Magaji yana jiran me zai ce mishi.
"Ka nisanta Aanih da Daura, Insha Allah za'a dace, idan akayi addu'o'in ranar jumma'a, yau Litinin, gobe ya kamata kubar garin nan, amma kuma idan ita ta rayu kai zaka mutu! Idan kuma kai ka rayu ita da abu cikin sun zama fansa daga abinda aka yiwa Ziryana!"

Wani irin zufa ke karyo mishi, kafin yacewa Baba Magaji.
"Na amince?"
Da haka ya fito, daga cikin gidan suka dawo gidan su, Jay ya kasa barci domin sintiri yake tsakanin dakin shi da falo.

Shigowar Husnah dakin Munih yasata mik'ewa, tana kallon ta. Murmushi Husnah tayi, sannan ta ajiyewa Munih wani abu tace mata.
"Ranar jumma'a, zaki yi amfani dashi, domin raba Jay da Aanih. Idan kika ki kuma kece zaki rasa shi ne na rigana da na same shi!" Daga haka ta fita, Munih bata tab'a abun ba, kawai dai ta cigaba da kallon abun har gari yawaye, daga nan ta samu ta fita da abun zuwa gidan Baba Magaji.
Ta samu bayanan, dan haka ta dawo dashi, sannan ta maidawa Nanah abinta, yawan ganin Jay yana cikin damuwa yasata bin shi har falon shi ta zauna a kusada shi.
"Jay! Nasan nayi maka laifi amma ka gaya min halin da kake ciki ko zan iya taimaka maka?"

Ajiyar zuciya yayi sannan yayi wani miskilin shiru, kafin ya shiga gaya mata halin da suke ciki, rike hannun shi tayi cikin nata, tace mishi..
"Bafa abin damuwa bane! Kawai kai ka dami kanka, Insha Allah Ubangiji zai kawo mana mafita, ai kun dace da Aanih, kawai ka ji a ranka kana tare da Aanih ka."

Daga nan ta koma d'akinta tayi ta kuka, sabida tana jin abun da zata yi shine zai iya bawa Jay da Aanih daman cigaba da rayuwar su, dan haka ita ta kasance a tsakanin su babu wani riba sai faduwa, haka ta kifa hannun ta akan fuskarta tayi kuka kamar ranta zai fita,. Washi gari da zasu bar garin ta sami Aanih tana rokonta ta nima mata yafiyar Jay..


Bayan koma gidan su Mamah, tana kwance tana shafa cikinta, tana kallon agogon bango, takwas, da rabi na safiyar Jumma'a, dan haka ta mike tare da shiryawa cikin doguwar rigar fari, ta cewa Mamah Sarah zata taza ta gaida Baba sarki da Umma.

Tana fita ta wuce gidan Baba Magaji, inda ake ta Addu'o'i. Tana zuwa ta wuce dakin Baba Magaji tasamu yana ta Addu'a,
A can gidan sarautar kuwa manyan motar rusa gidaje ne aka shigar dashi tun daga shashin bayi ake rusa gidan har zuwa kan tsuhuwar bishiyar tsamiyar da take gidan, duk da ana aikin amma motar suna tsayawa, suke tsayawa sabida motar su haka kawai zata kashe kanta dakyar suke aikin.

---
A can gidan Baba Magaji kuwa, wasu abubuwan da ake Munih ta dakatar tare da bashi damar ayi sadaukarwa da ita, duk da yaki amma haka yasa ta bashi hakuri tare da kafewa tace.
"Kayi hakuri kawai kayi dani,".
.duk yadda yaso kar a sami matsala, dole aka samu sabida bukatar da ta bada, ana sakata cikin addu'o'in kuwa inda suke gidan ya shiga zubda jini sosai, kamar ana yanka dabba, Jay yace su cigaba.

----
A dakin Nanah itama kokuwa take da numfashinta, sabida rashin wadatar shi, karshe duk yadda taso fahimtar da mutane halin da take ciki babu wanda ya gane domin mutuwa tayi, .

Haka Zalika Galadima shima a dakin shi ya rasu.

"Zan tafi ba zan kuma wai-waiyar Zuri'ar ku ba, Sai dai kaucewa Aanih Fatimah ta rike Gaskiya ta kuma tsayawa mijinta, dan ya tsaya mata. Ya kuma sota, ina kuma baku hakurin tafiya da Munih. Amma ga yarinyar da ta bari dan bazan iya tafiya da rai biyu ba."

Daga haka Ziryana ta koma cikin madubin da ta fito, tare da ɗaukar wani abu tayi tafiyar, kafin tayi magana lokacin da aka mai da aikin Kan Munih, nakuda ya taso mata gadan gadan, dole aka mai da ita cikin gidan, inda tasha wahala, sannan ta haifi yarta mace yar karama da ita.

Sabida bata kai watanin Haihuwar ba, bakwai kawai takai. Yarinyar tana faduwa ana rufe ganuwar tare da fitar ran Mahaifiyarta. Dama ta faɗa tace.
_Domin karshen wani labarin dole a kuma gina wani labarin_.
Labarin ta ya tafi, shima Jay yankar jiki yayi ya fadi, tare da aman jini.

Zulum kuwa kama shi Ziryana tayi sannan ta saka shi a cikin wani sunduki, suka kai shi karshen wata rijiya da take can karshen Dafur dab da iyakar Madinatul Noor, iyaka da Birnin kisra, aka saka shi a ciki sannan aka rufe shi, sawa Bazlah tai aka dinga zuwa duwatsu a cikin rijiyar tare da shafe bashi labarin.

Sannan itama Ziryana suka baje a iska, dama ita fansa haka take. Sabida buri yana zama a zuciya, da zaran aka samu wanda yaji zai iya tayaka yakin da ka gaza yakan shiga zuciyarka yaji meye kake bukata, meye fatar ka! (Wannan shi ne abinda masana tarihin aljanu da dangogin su suka tabbatar, fansan yana rayuwa ne akan muradin ramuwa.)

Daga nan Dafur suka nime d'aya daga cikin jinin Sarautar birnin suka bashi rikon kwarya kafin a fidda sarauniyar su, dama dayawa basu son Aanih sai gashi an musu iyaka da ita...

---
Ina wanka a ban daki nima na yanki jiki na zube a gurin, ina aman jini, babu wanda ya sani. Sai da Ya kaka taji shiru yazo duba lafiya, suka shigo bude ban dakin tayi ta hango ni kwance babu b'ata lokaci ta fita tare da kiran Gimbiya Zainab, aka tafi da ni asibiti.

Tun da aka kai ni, nake kwancen ban san waye a kai na ba, abun ya dame su, ga jinin da yake zuba. Sheikh Amin Kawu yakewa Jay, yana zuwa yaga irin yadda fatar jikina yake tattarewa ina kara komawa ruwan rawaya, yasa aka yi maza aka mai dani gida. Anan aka cigaba da kulawa dani ana min magani.

--
Daura
Anyi Jana'izar Munih, cikin tashin hankali Jay yake kallon Jaririyar da aka bar mishi, hawaye na zuba mishi, ta tafi ta bar masarautan shikenan haka ya rike yarinyar yayi mata huduba da sunan Munubiya, wanda asalin sunan ta A'isha ne suka boye shi, lokacin da iyayen ta suka ji mutuwar sun dimauta, sosai dan haka suks tawo daga Canada, aka yi addu'ar rana bakwai dasu, da zasu tafi ne suka roki Jay ya basu yarinyar idan ta kara girma ya amsheta, bai hana su ba dan shima zai so haka. Dake da aka yi rasuwar bai shiga gidan shi ba, sai da aka ji kukan Maryam yayi yawa aka shiga aka samu uwarta itama ta mutu, har ta fara lalacewa, amma Allah da ikon Allah inda yarinyar take shan nono, babu matsala, haka itama aka tattara bayan an yafa mata ruwa..aka mata yar Sallah dan wasu sunki yi mata sallah.

Aka suka kai ta, makwancinta..yana dawowa ya dauki yarinyar Jaririyar ya bawa Mamah Raihanah, ta tafi da ita akan idan ta cika shekara biyu zai amsheta.