You Cannot Download this book untill you login but you can read it .

---

Login Register

amma gobe idan kayi ƙoƙarin gano bakin zaren zaka rike shi da daraja. Mu ahalin sarauta an san mu da tsage gaskiya,.tare da fadar ta, bama gudun abokan gaba. Domin da su aka halicce mu, abinda muka sani zartarwa.

Hukuntawa, adaltawa Dai-daiton laifin tsakanin talakawan mu da attajiran mu, don Allah idan kana son Ahalinka su kare rayuwar su cike da kunya bismillah idan zaka iya zuwa ka tsayawa mutanen da suka saka rai. Da zuwan ka, koda yaushe mafarkin su Magajin Izzah zai dawo. Ashe ba haka bane domin sarakin da nake gani a gaba na lusari ne."

A fusace ya makure wuyar Najim.
"Toh idan har zaka iya fusata kamar yadda kayi a nan. Saboda kimar ka ka bi mace har nigeria, toh lallai Jarumin da ya wurga yarinyar nan wancan ranar a cikin kashin dawakai! Ya kuma sake nasarar sanya ta cikin kashin aladu.

Wannan jarumin da ya kalli idon Sa'i yace mishi ya kiyayye harshen shi da fadar magana ga mahaifin shi, ba tare da yaji d'ar ba. Toh gobe da karfe biyu na yammaci ina jiran shi a tashar jirgin sama, nasan Saraki baya sab'a magana, amma naga isa da ikon nan da na sani a da. Ina nan ina jiran mai martaba sarkin Daura."

Daga haka ya dauki rigar shi ta sama, ya bar inda Jay yaƙe. Yana tsaye kamar bishiya. Tsigar jikin shi mik'ewa yake.

Wani irin jin kai tare da Izzah musamman wanda yake cikin kowani jinin sarauta, cikin ƙasaitar da bai zaci yana da ita ba yake tafiya, tare da wani irin yanayi wanda yake cike da mulki tsantsar ta.

Koda ya isa gidan. Ganin kowa yayi shiru, suna ta harkokin su, sai dai Munih da take bin shi da ido, har ya shige dakin shi, bai kuma fitowa ba.

.....
Har washi gari, yana dakin ya gama had'a kome nashi, sannan ya fito da manyan jakukkunan shi, tare da kallon agogon hannun shi, karfe biyu saura minti sha biyar.

Koda ya fito ya same su, suna cin abincin rana. Zama yayi har suka idar yana yi yana kallon agogon hannun shi, tare da sake murmushin takaici, dan ya fahimci sabida shi suke kin gamawa, amma bazai iya barin su ba, zai zauna dasu. Har su gama.

Koda suka gama kowa kama gaban shi yayi zai tafi yace musu.
"Ku dakata mana!"
Cak suka tsaya, kwaso takardun shaida karatun shi yayi, sannan ya mikawa Baba furofesa, ya mika mishi, kafin yace.
"Nayi Kuskure, kayi hakuri ka amshi ban hakurina, gasu kaine ka bani so cikin so da kauna, yau na dawo maka su a matsayin tsintaccen nan.

Nasan nayi kusakurai masu yawa, amma ina rokon Allah ya baku hakuri, zan tafi naga Ahalina Insha Allah zan dawo saboda shagona da yake nan, Bama iya shi ba, sabida ku zan dawo.

Nasan nayi laifi me girma, don Allah ku yafe min."

Daga haka yaja jakunan shi zai fita, da mugun gudu Munih ta rungume shi tana faɗin.
"Wallahi mutuwa zan yi idan ka rabu dani, don Allah ka dawo ina sonka."

Janye jikin shi yayi bai kuma sauraronta ba, ya fita abin shi ihu take tare da cewa a dawo mata da shi, shine abokin rayuwar ta,.

.........

Karfe biyu saura minti biyu, Najim ya hango shi, yana shigowa, cikin sauri ya isa gurin shi tare da rungume shi. Mara mutunci. B'ata rai yayi kamar ba shi ba.

Har inda aka duba kayan shi, sannan ya wuce abin shi suka nufi cikin jirgin.

----
Abuja..
Tunda Aunty Aina'uh ta zo min da maganar d'an mijin kawarta, naki bata fuska. Har dai ta gama damuwarta sannan ta kyale ni, yau da wuri na tashi sabida ina Son na fita, naje na duba mai na da sabuluna, sun kusan karewa.

Sosai na shirya sai dai fuskana babu kwalliya, sai man baki da na saka, ko kallon inda Aunty Aina'uh take banyi ba, nacewa karamar yarinyar ta, dan itama Aunty bata haihu da wuri ba, kuma tsakaninta da Maama wato Mamana shekaru uku ne, sai da ta shekara sha takwas, kafin Allah ya basu Haihuwa.

Babban yaron yana makarantar king Abdul Azeez riyadh, sai kuma wacce take bin shi tana nan turkish, na abuja.

Sai wanna yar karamar wacce taci suna Mamana, suna kiranta da Hanan. Dan haka na riko hannunta tare da janta muka fita.

.....
Sahad store muka je, Nan na sayi kayan amfani na, muka nufi gurin biyan kudi.

"Kowa yafita ga dan gidan ministan Abuja zai sayi kaya!"

Lokaci guda mutanen cikin, shagon suka fara fita ban dani da na ke biyan kudi.
"Ke wacece da ba zaki fita ba, ana magana."

Mikawa matar katina nayi, sannan na kwashi kayana tare da riko hannun Hanan, zamu fita. Kamar ance na d'aga ido na, sai akan Asood. Ban yi mamaki ba.

.kawai nasaka kai zan fita ya tsare hanyar fita, cikin isa ya iso gabana.
"Karuwar mu!". Rintsa idanuna nayi tare da kawar da kai na.

"Ina abokin ciniki ki? Koda yake naji ana min tayin auren wata bazawara, amma bazan ki tayin ba. Idan na duba yadda ko ina yake cike tam!"
Ya kai hannun shi kamar zai tab'a ni nayi baya, cike da bakin ciki.

.. ..".karki damu! Zan zo har gidan na kwashi rabona abin da Jay ya bari zan tattaro na karasa"

Takowa yayi gabana, tare da min kallon kaskanci.
"Karki manta nan ba Calgary bane! Nan birnin tarayyar mu ce! Muke fada muke yadda muka so!

Kudi mulki Izzah mun gaje shi, ki kalli Asood Ahmad Buba Yaro kika mara, idan zaki iya ki fara gudu, karki tsaya karki tsaya karki tsaya, domin sai na jiyar da ke, zafin da bazaki iya kwatanta ya yake ba.

Sai na gama miki azzabar da ba zaki iya kwatar kanki ba, kina da sauran lokaci, na gudu ki nime matsirata. Sabida shi wancan da na turo ya kasa min yadda nake so!

Fatimah Khatoon fara gudun ceton rayuwarki.
#Mai_Dambu
10/23/20, 9:55 AM - Ummi Tandama: Acct: 0472282105
GTBNK Ramlat Abdulrahman Manga 300�? katin mtn 300 normal posting 21/October Insha Allah
Zahrahn Addah Ramlat domin nuna shaidar biya! ita za a turawa....
07035133148/ +22784506476 yan Nijar zasu iya samun A'isha Indo Nijar.....

*Cusa Kai*

"Ba zan tab'a gudu sabida kai ba! Ba zan nemi maboya sabida kai ba, abinda na sani Allah yana tare da mai gaskiya kai baka isa kayi min abinda bai min ba, kai ba kowa bane facce mujirimi, baka isa ka tozartani ba, sabida Allah ya kare mutanen da suka yi imani da shi.

                 Idan ka isa kabi layyin unguwar mu tukun sai na san kai na musamman ne! Har ila yau yarintar tana kwance cikin jini ku."

      Daga haka na wuce abi na, ban ma bin ta kan shi ba, sabida ba zan iya karar da wani abu bayan wanda idanuna suka gane min ba.

     .... Koda muka isa gida, Aunty Aina'uh taso fahimtar halin da nake ciki, amma naki bata fuska, dan na fahimci ita ke son b'allo min ruwa.

.......
    Ranar Laraba jirgin su Najim ya sauka a garin Lagos, cikin nutsuwa suke saukowa tare da jin dadi. Shaƙar iska yayi cikin nutsuwa sannan ya fesar yana me ɗauki ganin mahaifar shi.

         Kallon shi Najim yayi kafin yace mishi.
"Abba ya gaya min cewa, garin Lagos yana daga cikin garuruwa masu dinbun tarihin rayuwar ka, domin anan aka kafa soyayyar da ta samar da kai.

                Dan haka idan zamu dawo nayi kokarin ganin mun sauka ta nan, domin ka fara jin ƙarfin shigar masarautar daura"

           Tab'e baki yayi cikin ko in kula, kamar bai damu da yadda yake so garin ba, yanzun burin shi su isa garin daura yaga yadda mahaifar shi take. Wannan itace muradin zuciyar shi. Zaman minti goma suka yi sannan suka nufi wata jirgi da zata kwashi fasinjojin Abuja sannan ta ajiye su daga can su sami jirgin da zata dauke su zuwa daura.

                     Tunda suka taso kirjin shi yake bugawa, tun yana zaune har ya tashi zuwa ban dakin cikin jirgin. Bai yi kome ba ya kuma fitowa.

          Ya zauna, har suka iso abuja, anan suka sake samun wani jirgin zuwa katsina, kafin nan jikin shi ya jike jagwa da gumi.

      Karfe biyar da minti goma jirgin su ya sauka a garin Katsina, suna isa suka sami. Fahad.

   Cikin wani irin farin ciki idanun shi cike da kwalla ya rungume Jay, duk da ya manta fuskar shi, amma ya rike shi sosai.

          A hankali ya juya ga Najim yana cewa.
"Aminin Arziki Barka da hanya. Babban lauyan mu!"
.  Ya sake Jay ya rungume Najim, murmushi yayi sannan Najim yace mishi.
"Ni ba surukinka bane da bazaka gaishe ni da da'a ba?"

        "Banza Bakwai, ba zan gaida ka ba, mara mutunci. Jannart ce ko zaka mutum ka dawo sai an bani ita ko Saraki?"

      Murmushin yake Jay yayi tare da juya idanu,  motar Fahad suka shiga.

       Suka fara tafiya, suna hira sama sama,  tunda suka fara tafiya Najim ya fahimci ana bin bayan su, dan haka yacewa.
"Kai Uban Maganannu tsayar da motar nan"

Tsayawa Fahad yayi motar tazo ta wuce su da gudun tsiya, murmushi Najim yayi sannan yace.
"Kasan me zai faru? Mu koma gidan sarkin Katsina"

       "Malam Lauya!"
"Nace muyi abinda na gaya maka," ya faɗa da matukar muhimmanci.
"Toh"

Da sauri ya sake hannun da suke, sannan ya koma daya bangaren, tun kafin su bar layin gurin Najim ya kira wayar wani kafin su isa wata mota kirar toyota, tazo tare da wani saurayi.

  Canza motar suka yi sannan Najim ya mika mishi kudin da zai hau wata yana cewa..
"Mansoor karka shiga motar ka bar shi anan, sabida wani dalili.

      Wannan kuma zamu tafi da ita, dan haka ka kiyayye yan sanda zasu zo nan!"

   Daga haka suka koma cikin motar, Jay na kallon su, har suka fara tafiya Fahad yace.
"Najim! Kaina ya daure da sauya motar nan, sannan kuma kace a nima mana me bakin gilashi. Me yasa?"

            Banza yayi da shi yana wani aiki da yar na'urar computer din shi.
"Saboda banzan surutun ka, baka san ana bibiyar motar ka ba, banza kawai baka san kome ba sai yadda kudi yake shiga da yadda kudi yake fita."

     Shiru yayi can ya kira wani a waya, suka sake magana..sannan ya kashe wayar. Tare da cewa Fahad.
"Kashe wayar ka, wasu babin didigin layinka."

Da sauri ya kashe wayar dan Allah ya daura mishi masifar tsoro.

  ......
   Sunyi dogon tafiya kafin suka kuma haduwa da mutanen suna jiran motar su, koda suka wuce su.

    Najim ya kuma kiran abokin shi ta intanet, daga nan suka ci-gaba da tafiya, har suka haɗu da wata motar kirar sieena, anan suka tsaya tare da sauya motar baki daya, sanan suka bar wannan toyotan a gurin.

                 Suna shiga wannan motar Jay ya zuba mishi ido.
"Saraki wannan kallon naka damuna yake, don Allah tambaye ni kome zan gaya maka banda wannan irin kallon."

                 "Me ke faruwa?" Inji Jay,
Shiru yayi sannan yace.
"Wato abinda yake faru, duk shiri ne na dakatar da kai, karka shiga masarautan."

  Kura mishi ido yayi, sannan ya kuma mai da kan shi yana fad'in.
"Suwaye suke son ganin bayana?"

          "Akwai mutane da yawa, matsalar wasu ba a san fuskar su ba."

        "Toh taya aka yi na bar gida?" Ya kuma wurgawa Najim tambaya.
"Bamu sani ba"
Najim ya bashi amsa a takaice.
    A hankali suka shiga garin daura, tare da sauke ajiyar zuciya. Dukkan su uku suna fadin Alhamdulillahi!

          Tun kafin su isa fada Jay yake kallon garin, cikin wani irin yanayin farin ciki, ya kasa fahimtar halin da yake ciki har suka isa cikin Masarautar, wanda aka shagali.

      Tsigar jikin shi ne, ya mike sakamakon busar alkaki da kakaki da ake, tare da buga tambura.

                   A hankali yake sauka daga motar bakin shi dauke da addu'ar da Manzon Allah ya bada da zaran zaka shiga cikin jama'a.

           Kallon shi ake ana faɗin.
"Lafiya d'an sarki jikan sarki! Lafiya Sarakin Asali, taka lafiya me Shehun Borno me Sarkin Musulmi, Lalle maraba da namijin duniya! Murucin kan dutse baka fito ba sai da ka shirya! Zauna lafiya d'an karamin su kuma Baban su! Lafiya Kanin Ummu Rumana Jikar Ummu Rumanah!  Takawar ka dodon su.

                    Barka da zuwa Magajin Izzah! Barka da zuwa Magajin masarauta! Barka da Zuwa Yayan Gimbiya Jannart Yayan Gimbiya Jannart, An gaida D'a ga Gimbiya Sarah! Takawar ka lafiya Barde namijin zaki.

                   Wuwuwu ina gwani ganawa ina maji kira ga nawa, Chau namijin Giwa."

        Duk sai yaji shi kamar bai cika mutum ba, a hankali yake takawa, yayinda Najim da Fahad suke taka mishi baya, dogarai suna rike da jakkuna shi, da gudu  tawo tana fadin.
"Yaya Jayyyyy!"

    Ba tare da ya ganeta ba, ya tsaya cak yana jin kiran yarinyar har cikin kwakwalwar shi, da gudu ta faɗa kan shi ya rungume ta. Fashewa tayi da kuka, tana son magana kuka yaci karfinta, sai nuna mishi hanya take tana son tayi magana takarda saboda kukan da take dakyar tace.
"Ni...ce ....Ja...nan... Kanwar ka da ka tafi ka bari, Ga Raihanah can ga Kuma Ummu can muna kewar ka"

     Rungume ta ya kuma yi yana fadin.
"Ba zan yafe masu ba! Ba zan tab'a barin hakkin hawayen ki ba..gani nan na dawo Noorie!"

      Cikin wani irin murna tare da ihu tace.
"Ya ce min Noorie."

     Aikuwa take masu shela suka fara kara bisa suna fadin cewa.
"Saraki ya kuma kiran Gimbiya Jannart da Noorie haka ya sata farin ciki."

Aikuwa dake ana son karawa magauta haushi aka shiga sake ganguna, jan shi tayi har babban falon tsohon sarki Jalaludeen.

Tare yake da yaran shi tare da jikokin shi, ga kuma Aminan shi, a hankali ya shiga dakin tare da sallama, ya tsaya zai cire takalmin shi.
        "Barka da Zuwa Amale!"

         D'ago kan shi yayi cikin nutsuwa ya kalle ta, murmushi yayi tare da zubar hawayen, sannan ya cire takalmin ya isa gaban Jaamal ya zuba gwiwar shi a kasa, tare da sake wata irin kuka.

Wanda ya kuma saka kowa a falon kuka, sunkuyar da kai Jaamal yayi tare da tuno Jannart din shi, shekaru Ashirin da bakwai.

                  Rungume shi yayi tare da ce mishi.
"Ban san yaushe mutumin nan ya koyi kuka ba, dan a sanina baya kuka sai dai ajiyar zuciya."

                    Murmushi tsohon sarki yayi sannan yace.
" Idan gora tana rawa ba a cika  bane, dan haka ban ga jarumi a gabana ba Ragon mata na gani, wanda mace ta sanya shi biyota."

        Janye jikin shi yayi daga na Kawu, sannan ya share kwalla da take fuskar shi, ya sake murmushi. Yana shafa kan shi. Tare da kallon kakan shi ya matsa kusa da shi, ya zauna ya kasa magana sai shafa yalwatattacen gashin kanshi yaƙe cikin wani irin farin ciki mara iyaka.

         "Yanzun ina Iyayenka na can?" Kakan shi ya tambaye shi.
Kallon Jama'ar dake falon yayi sannan ya sunkuyar da kan shi kasa.

     "Nayi rashin adalci, har na dawo basu tsaya nayi sallama dasu ba." Ya faɗa a sanyayye,

                 Share batun kakan shi yayi sannan ya kuma mai da hankali gurin tambayar shi.
"Me ka karanta?"

   Murmushi yayi sannan ya shafa kan shi yace.
"Likitan mata da yara ne Ni!"

             "Matakin digiri ko ka kara gaba?"
Gyara zama yayi sannan yace.
"Zuwa mataki na biyu na digiri."

          "Kana da ra'ayin aiki ne ko zaka..."

"Yallabai! Bako ne kamata yayi a bar shi ya tafi ya huta da iyayen shi sauran tambayar ya biyo baya."

    "Toh Rumanah!"
A hankali ya sallami kowa har Jay wanda Sarah da kanta ta shirya mishi abinci, bayan ya wuce dakin Kawu ya zauna Kawu ya dauko mishi hotunar Mahaifiyarshi. Tare da wasu abubuwan da yake mata hatta Littafin da ta bar Mishi.  Sannan ya kuma dawowa dashi wani daki dake can sama kusa da na Sarah ya bashi key din dakin.

       Sannan ya bude kofar ya shiga, kome na d'akin a shirye yake.... Ban daki ya shiga,

      .---
Buga cinyar shi Ajiya yayi cikin jin haushin kowa, yana huci kamar zai tashi sama.
"Amma!"

     "Me zaka ce Sa'i? Amma me? Bayan ka san Yaron nan takaddari ne, sannan mara jin magana ba ma zai tab'a kyale mu ba, bana rena kankantar allura."

     "Ajiya me kake son nayi bayan ka gaya maka nima ban san kome ba! Kawai naji labarin zai dawo ne, kuma."

"Kuma ka tura sakarkaru su tare su a hanyar zuwan su ko? Sabida an ce maka Wancan shadanin lauyan zai taso babu sanin abinda ya dace. Kaga bamu da lokacin da zamu ɓata, akan wannan al'amarin kawai kaje zan nime ka."

..jiki a mace sa'i ya mike tare da kad'e babban rigar shi, sanan  ya nufi hanyar fita.

                 ---
Abuja...
Zaune nake ina ƙoƙarin shan tea, kiran Hanisah ya shigo min.

"Ke yan mata! Ina Baabi da Ummin tare da Ammih na,"

     "Addah ba shi ya kawo ni ba, albishirinki"

     Juya ido nayi sannan nace.
"Katon farin goro!"

        "Wayyo Hamma Jay ya dawo Wallahi, yanzun haka yana daura."
           
Idanuna ne suka cika da kwalla, kamar zanyi kuka nace.
"Hanisah ina wasa dake ne?"

Dariya ta saka tare da cewa.
"Malama Addah kin fada soyayyar Hammana, ki min magana cikin da'a in ba haka ba, zan iya."

   Hawaye ne ya zubo min kashe wayar nayi tare da sake wani irin kuka, na rasa meke damuna akan shi.
            Bude data na nayi tare da duba Hanisah a Whatsp, na tura mata da cewa.
_Bani Number Ummu Rumanah!_
      *🤣🙄 akan me zan baki number ta? Kinga malama Addah kiyi hakuri kawai dan na lura*

            _😒😠 Ina wasa dake ne wai?_
Na tura mata,
               *😡😜🤭 Gayawa keya labarin! Bazan bada ba sai an bani cin hanci*

         _🙆🏽‍♀️🤦🏽‍♀�? Abinda ya kashe kasar mu wannan cin amanar kasa ne! Bazan bada ba_

      *🙅🏼‍♀️Tun muna shaida juna nemi wacce zata baki ba dai Jikar Shehun Borno ba*

      _🤔🤔🤔 Yau naga abinda yafi zare tsayi, toh wallahi duk ranar da muka jone dashi Hammanki sai na gaya mishi hassadar da kike mishi dan kar ya sami kyakyawan mace irina_

           *Haba? 🙄🤣 Toh maza gaya mishi Addah ina son zoben hannunki nan, shi kawai nake so, sai na tura miki number*

    _🤦🏽‍♀�? Kaico kin dage sai na baki cin hanci dai? Toh na baki amma ki duba yana nan a cikin dakina ban tawo dashi ba_

       Turo min Number tayi cikin sauri na ajiye shi a wayata, sannan na kuma kirata zuciyata tana bugawa, tana dauka murya na yana rawa nace.
"Hmm! Hmm! Dama ina son magana da Kanin ki ne"

      "Toh dan kashe bari na bashi yana falon Abban mu ne"

           Cikin sanyin jiki na kashe ina jin wani irin tsoro, yana kamani, can ta kira ki da sauri na .kashe kiran sannan na kirata,
"Gashi nan!"

      "Waye kuma Ummu?!"

        Naji muryan shi me matukar daɗi ta daki kunne na.
"Jayyyyy"
Sauke numfashi yayi, sannan yacewa Ummu.
"Kinga ban san me wayar ba jeki dashi!"

.kamar na fashe da kuka, na kashe kiran.

  Sake kirana tayi, cikin damuwa tace.
"Aanih kiyi hakuri, wai bai gane ki ba!"

     "Ba damuwa Rumah ya oga Khalid,"

  Dariya tayi sannan tace.
"Muna lafiya,kina Abuja amma baki son zuwa gidana, idan na dawo don Allah kizo"

  "Insha Allah, zan zo....
#Mai_Dambu
       
10/23/20, 9:55 AM - Ummi Tandama: Acct: 0472282105
GTBNK Ramlat Abdulrahman Manga 300�? katin mtn 300 normal posting 21/October Insha Allah
Zahrahn Addah Ramlat domin nuna shaidar biya! ita za a turawa....
07035133148/ +22784506476 yan Nijar zasu iya samun A'isha Indo Nijar.....

*Kamar Kombo kamar kure!*

  "Insha Allah idan kin dawo zan shigo miki da Yardan Ubangiji."

        Haka tayi ta jana da hirar, ina kaucewa. Amma babu yadda na iya, har zuwa wani lokaci. Sannan muka yi sallama.

         Kifa fuskana nayi a tafin hannuna, na fashe da kuka, me mugun cin rai, sai da nayi ya ishe ni sannan na mike na wanke fuskana.

            Sannan na cigaba da zama a dakin dan nafi son zaman dakin sama da zaman waje.

  ---
Daura.
"Saraki! Baka da kirki amma kasan wacece ta kiraka, amma kake nunawa baka santa ba, Toh Aanih Fatimah!"

     Cigaba yayi da cin abincin shi ba tare da ya kalli inda take ba.
"Amma baki da hankali, mutum yana cin abinci kina cika shi da suturan banza." Inji Mama Sarah,

      "Kai Mama! Meye laifina dan na tuna mishi ita, Yau kina gani. Shine ta sanadin ta, da bata yi dalilin zuwan shi ba, da babu ku babu labarin shi.

      Mama ko da yaushe kamata yayi kina abu babu wani fifiko, sabida shi aka fasa auren ta, yau ta kira tayi mishi Jajjen ya dawo cikin dangin shi sai yaki kulata. Shegen girman kan shi nan zai janyo mishi asara wata rana."

              
    Tana gama fad'ar haka tasa kai zata fita, Mahaifin su ya shigo.
"Mamahna keda waye haka?"

 
   Cike da jin haushi, ta gaya mishi abinda ya faru.
"Amma Ni banga laifin Khatoon ba, dan yarinyar tayi kokari sosai. Kuma ina sha'awan ta shigo gidan nan a matsayin surukata!"

Da sauri ya d'ago kan shi yana kallon Abban shi kafin ya ajiye cokalin. Shiru yayi bai ce wani abu ba. Sai mik'ewar da yayi abin shi.

  ....... A cikin kwanaki ƙalilan ya saba da kowa, sannan Raihanah tazo daga Abuja ita da sauran yaranta har da Aliyah da yaran ta.
              "Yawwa Mamah don Allah kice Abban Jannart ya kara min kwanaki."

      "Ina ruwana, lokacin da kika zo kunyi shawara dani ne? Kawai kika bar min wannan janny da shegen farin idanun ta, tayi ta saka min kuka, dauketa kafin nayi mata."

      Shigowar Jay tare da Najim yasata zuba musu ido, cikin farin cikin da ta kasa b'oyewa.

Suna shigowa sai ga Jaamal da Aswad suma sun shigo, a hankali tace.
"Alhamdulillahi, naga wanan amintar yau gashi Ƴaƴan ku ma suma sun haɗe kan su. Allah ka jikan Jannart da Rahama, duk wannan aikinta ne."

    Shigowar Sarah tare da bayi mata dauke da manyan