You Cannot Download this book untill you login but you can read it .

---

Login Register

Ibrahim Dan Sarkin Zazzau Kwasau daga shekarar 1924 zuwa 19337

Sarki Jafaru daga shekarar 1937 zuwa 1959

Alhaji Muhammadu Aminu daga shekarar 1959 zuwa 1975

Alhaji Shehu Idris (wanda ke kan karagar mulki yanzu) daga shekarar 1975 zuwa yau


*Gidajen Sarautar Zazzau*
A karkashin Daular Fulani, masarautar Zazzau tana da gidaje hudu, wadanda  suka hada da:

·        *Gidan Mallawa* wanda Malam Musa ya kafa,

1. Sarkin Zazzau Malam musa

2. Sarkin Zazzau Malam Abdulkadir dan Musa

3. Sarkin Zazzau Malam Abubakar dan Musa

4. Sarkin Zazzau Malam Alu Dan Sidi.

·     *Gidan Barebari* wanda Yamusa ya kafa,

1.Sarkin Zazzau Malam Yamusa

2. Sarkin Zazzau Malam Hammada dan Yamusa

3. Sarkin Zazzau Malam Mamman Sani dan Yamusa

4. Sarkin Zazzau Malam Abdullahi dan Hammada                                                         

5. Sarkin Zazzau Malam Yero dan Abdullahi

6. Sarkin Zazzau Malam Kwasau dan Abdullahi

7. Sarkin Zazzau Malam Dalhatu dan Yaro

8. Sarkin Zazzau Malam Ibrahim dan Kwasau

9. Sarkin Zazzau Malam Ja'afaru dan Isiyaku

·        *Gidan Katsinawa*
wanda Malam AbdulKarim ya kafa,

1. Sarkin Zazzau Malam Abdulkarim

2. Sarkin Zazzau Malam Sambo dan Abdulkarimu

3. Sarkin Zazzau Malam Muhammadu Aminu

4. Sarkin Zazzau Malam Shehu dan Idrisu Auta

·        *Gidan Sullubawa (Fulani)* wanda Malam AbdusSalam ya kafa.

1. Sarkin Zazzau Malam Abdulsalam

Kowanne gida dai ya biyo asalin inda wanda ya kafa shi ne ya fito. Mallawa Fulanin Futo Toro  ne da suka fito daga kasar Mali,

Barebari kuma sun fito ne daga Kukawa a yankin da a yau aka fi sani da Jihohin Barno da Yobe, amma asali su Fulani ne, kuma ana kallon su ne a matsayin Fulani. Saboda haka ne ma ake kiransu da Fulata-Barno.

Haka Sullubawa Fulani ne da suka fito daga yankin jihohin Sakkwato da Kebbi, kuma yadda AbdusSalami Basullube ya sami sarautar Zazzau kenan.


*Yadda aka sami gidaje hudu na sarautar Zazzau*

Gidan sarautar Zazzau ya kasu hudu ne, saboda Zazzau kasa ce wadda ta tattara dimbin al’umma da suka fito daga wurare daban-daban, don neman ilimin addinin musulunci.

Saboda haka, a lokacin da jihadin Shehu Usman Danfodiyo ya zo, an sami malama ne masana  ilimin addinin musulunci, da shari’o’i, da kuma ka’idar mulki na musulunci.

A lokaci ba wai ana la’akari ne da cewa wane ya gada ko wane ne ya gada ba, ana neman wanda zai zama khalifa, don tabbatar da kafuwar addinin musulunci a Zazzau.

Zazzau wata cibiya ce, tun ma kafin jihadi Shehu Usman Danfodiyo, saboda kasancewarta ‘Zo-zo�, kasa mai albarka, mai daukar komai da komai na noma, tana da laima da ni’ima. Kowa yana son ya je ya zauna a Zazzau, ya amfana ta fuskar noma da kiwo.

Wannan ya sa Fulani da yawa suka zauna a Zazzau tun zamanin mulkin Habe, kuma da yawansu abin da suke yi baya ga kiwo, shi ne karatun addini. Kuma lokacin da dan uwansu Shehu Usman Danfodiyo ya bullo, sun kai masa gaisuwar caffa, suka yi masa mubayi’a, ya yarda da su. Suka zauna da shi, suka yi karatu tare da shi, suka yi yake-yaken da aka yi tsakanin Sarkin Gobir da Usman Danfodiyo.

Tun kafin a yi ganuwa, akwai mutane, wato Fulani, irin su Malam Musa da Yamusa da Malam AbdulKarim da su AbdulSalam da ke zaune a cikin garin Zariya, suna koyarwa ta addinin musulunci.

Da suka ji bullowar Shehu Usman Danfodiyo yana zuwa wurare daban-daban yana kira da a gyara addinin musulunci, suka yadda da abin da yake yi, suka yi masa mubaya’a

Tarihi ma ya nuna cewa, Malam AbdulKarim ya zauna da Shehu Usman Dan Fodiyo, ya yi karatu a wajensa. Shi kuwa Malam Musa kusan tsaran Shehu Mujaddadi ne, kuma tare suke tafiye-tafiye.


Gidan Malam Musa

Malam Musa shi aka ba tutar sarauta a lokacin da jihadi ya iso Zariya, Malam Musa shi aka ba wannan tuta, don ya yi jagoranci, kuma bayan mutuwar Malam Musa, ba a mayar da sarautar ta zama gado ba.

To, bayan mutuwarsa ba a mayar da abin ya zama gado ba, sai aka ba wani daga cikin malaman da suke tare da Shehu Usman Danfodiyo, wato Malam Musa. Kuma Shehun ne da kansa ya ba shi tutar halifanci.

Gidan Malam Yamusa

Kana sai Shehu Usman Danfodiyo ya ba Malam Yamusa shugaban rundunar sojojin yaki na Malam Musa a matsayin Madakin  Zazzau.                                                 

Gidan Malam AbdulKarimu

Shi kuma Malam AbdulKarimu, Shehun ya ba shi sarautar Sa’in Zazzau, wato mai ilimin rabon arzikin kasa.Ya san masu dabbobi da suka cancanci bayar da zakka, ya san manoman da suka cancanci bayar da zakka, ya san nisabin dukiyar da za a fitar wa zakka. Ya kuma san su wa ya kamata a ba zakkar.

Gidan Malam AbdulSalam

Shi kuwa Malam AbdulSalami yana cikin dalibai Fulani wadanda suka yi amfani wajen taimakon Shehu Usman Danfodiyo a yake-yaken da ya yi tsakaninsa da Sarkin Gobir. Amma shi ba ya bullo ne kamar yadda su Malam Musa da Yamusa da AbdulKarimu suka bullo ba.

Hawan Malam AbdulSalam kan gadon sarauta ya kasance raba-gardama ne, saboda lokacin da sarautar Zazzau ta koma gado, ’ya’yan gidan sarakunan guda uku suka fara cewa sai daga cikinsu ne za a sami wanda zai zama sarki a Zazzau, sai ‘ya’yan Sarkin Zazzau Yamusa suka fara irin wannan  sarautar. Inda Hammada ya fara sarauta, daga nan sai kanensa Mamman Sani.

Bayan Mamman Sani ya kau, sai Sidi AbdulKadir, babban dan Malam Musa da Shehu Usman Danfodiyo ya ba tuta, ya zama sarki bisa gado. Shi ma yana da ilimin addini, kuma ya cancanci rike sarautar.

Sai dai bayan da Sidi AbdulKadir ya zama sarkin Zazzau, an yi ta samun kwamacala da rigingimu, tun da abin ya zama gado kowa ma dan gida yana ganin ya cancanci rike sarautar. Daga nan aka fara samun rashin yarda da juna, har aka kai kara Sakkwato, aka dakatar da Sarkin Zazzau Sidi AbdulKadir daga sarauta. Shi kuma ya ce, duk zargin da ake masa na sarautar ba shi kadai yake sarautar ba. Tare da shawarar dukkan ’yan majalisarsa ake yi, wato su masu son a ba su sarautar nan. Saboda haka, ba wanda ya cancanta a cikinsu, kamar yadda shi ma bai cancanta ba.

Saboda haka, sai sarkin musulmi na wancan lokaci ya ga ya fi dacewa a dauko wani malami cikin daliban Shehu Danfodiyo a ba shi jagoranci, duk da ya manyanta a wannan lokaci. Kuma lokacin ya yi tsawo, Malam Musa ya yi shekaru goma sha, Yamusa ya yi shekaru goma sha, AbdulKarim ya yi shekaru goma sha, Hammada ya yi ’yan kwanaki, Mamman Sani ya yi shekaru, Sidi AbdulKadir ya yi wata takwas zuwa goma a gadon sarauta. To, idan ka tara wadannan shekaru, ka ga an dumfari shekaru arba’in.

To, shi Malam AbdulSalam idan ka dora shekara arba’in a kan shekarunsa, ka ga ya manyanta. Amma sai sarkin musulmi na wancan lokaci ya ce a ba AbdulSalami sarautar Zazzau ya rike. Da haka ya zama raba-gardama. Ba a ba kowa ba daga cikin ‘ya’yan wadancan sarakuna. Wannan kuma shi ne dalilin zuwan gida na hudu a sarautar Zazzau kenan, wato don a sami natsuwa.                                                                                                                                                                                                            

Ta haka ne aka sami wadannan khalifofi guda hudu, kuma kowannensu an ba shi sarauta ne a matsayin kansa na masanin addinin musulunci, na mai biyayya da gaskata abin da jihadin Shehu Usman Danfodiyo ya kawo bisa koyarwa Alkur’ani da Sunnar Manzon Allah (SAW).


Tarihin Mai Martaba Sarkin Zazzau, Alhaji Dokta Shehu Idris
Haihuwa da Tsatson Sarki

Mai martaba Sarkin Zazzau, Alhaji Dokta Shehu Idris, an haife shi ne a watan Maris na shekarar 1936. Wanda ya haife shi ne Mai Unguwa Auta. Sunan na Auta aka fi sani, amma sunansa na Littafi shi ne Idrisu. Shi da ne, dan autan Mai Martaba Sarkin Zazzau Muhammadu Sambo.

Shi kuma Sarki Muhamadu Sambo da ne, kuma na biyu a cikin ‘ya’yan Sarkin Zazzau Malam AbdulKarim. Shi kuma Sarkin Zazzau Malam AbdulKarim shi ne na farko a daular Fulani karkashin jaddada addinin musulunci da Shehu Usumanu Danfodiyo ya yi a kasar Zazzau, kuma shi ne ya assasa gidan Katsinawa a sarautar Zazzau.

Ina Sarki ya taso?

Shi Mai martaba Sarki lokacin mahaifinsu yana Mai Unguwa a unguwar Iya a nan aka haife shi. Unguwar Iya wata unguwa ce da ke tsakanin unguwar Durumi da Kuyanbana. A nan ya girma, ya shekara akalla bakwai, inda har ya shiga makarantar allo, ya fara karatun addini.

A nan dai unguwar Iya ya yi makarantar farko da Bature ya gina a cikin birnin Zariya, wadda ake kira ‘Town School one�, ita ce kuma makaranatar ‘Kofar Kuyanbana Local Government Education Primary School�. Yanzu ana ce mata ‘Waziri Lawal Local Government Education Primary School�, a nan ya fara karatu.

Bayan ya gama sai ya tafi Alhudahuda College, lokacin ana kiran makarantar da sunan ‘Middle School�.  Daga nan aka yi masa sauyi, ya koma makarantar koyar da malunta a Katsina lokacin ana kiran ta ‘Katsina Teachers� College�.To, a nan ya koyi aikin koyarwa, wanda shi ne babbar sana’arsa ta farko da ya iya.

Daga baya mai martaba ya sauya daga malamin makaranta ya shiga aikin mulki, wanda har ya je kasar Ostireliya (Australia). Yana cikin daliban farko da ofishin jakadancin Ostireliya suka dauki dawainiyarsu suka je suka yi karatu na koyon ilimin mulki a kasar ta Osireliya

Wuraren da ya yi aiki

Daga shekarar 1956 ya koyar a wurare daban-daban a cikin garin Zariya da kauyuka. Ya koyar a Zangon Aya, ya koyar a Paki, har ya yi hedimasta a Pakin. Ya kuma yi hedimasta a Hancin Kare a makarantar ‘Town School No.3’�.

A shekarar 1962 ya koma aikin mulki, lokacin da ya koma karkashin hukumar ‘NA� (Native Authority) ta Zariya a zamanin Sarkin Zazzau Aminu. Inda ya gwama aiki biyu, wato yana aiki a hukumar ‘NA�, kuma yana aiki a matsayin jami’in sadarwa na hukumar kula da kananan hukumomi da masarautu na jihar Arewa.

Daga baya Mai Martaba Sarkin Zazzau Muhammadu Aminu ya ba shi mukamin Babban sarakatare na musamman na sarki. Daga nan ne sai aka nada shi sarauta, ya zama wakilin ofis, wato mai daukar nauyin duk abin da ya shafi aikin masarauta a karkashin ‘Native Authority� a wannan lokacin.                                                             

Ya rike wannan mukami na tsawon kamar shekara biyu zuwa uku, sai Mai Martaba Sarkin Zazzau Muhammadu Aminu ya nada shi hakimin birni da kewaye, mukamin da ya rike na tsawon shekara biyu zuwa uku, yana hakimi. Kuma Dan Madamin Zazzau.

A shekarar 1975 likafarsa ta yi gaba, aka ba shi a sarautar Sarkin Zazzau.

Sauyin da ya kawo a sarautar Zazzau cikin shekaru arba’in da biyar yana mulki

Makusantan Sarkin suna ganin ba wani al’amari da ya shafi rayuwar Zage-zagi a birnin Zariya ko a masarautar Zazzau ne da ba a sami ci gaba ba. Ta fuskar ilimi, tun daga kananan makarantun firamare zuwa sakandire, zuwa na gaba da sakandire, zuwa jami’o’i, makarantun sojoji da sauransu da aka yi a masarautarsa, akalla ba za a rasa makarantu ashirin ba.

Iyalin Sarki

Allah Ya albarkaci mai martaba Sarkin Zazzau Alhaji Dokta Shehu Idris da iyali masu yawa. Yana da mata hudu, da ‘ya’ya maza da mata da yawansu ba zai gaza arba’in da biyu ko da biyar ba.

Dabi’u da halayen Sarki

Daya daga cikin hakiman masarautar Zazzau, Salanken Zazzau, Dokta Muhammadu Bello AbdulKadir, ya ce, babbar baiwar da Allah Ya yi wa mai martaba Sarkin Zazzau, Alhaji Shehu Idris, shi ne hakuri, yana da hakuri matuka.

Ga shi kuma yana da kawaici, wanda a sakamakon haka ne ya kai kusan shekara ashirin yana sarauta, amma bai nada kowa daga cikin ‘ya’yansa sarauta ba, saboda kawaici. Sai da dattawa suka matsa masa, cewa idan bai nada ‘ya’yansa a sarauta ba, wa zai nada masa su.

Hakurinsa da dauriya suka sa Zazzau ta zama kowa ya zo karbabbe ne, zai zo ya sami karbuwa wajen al’umma ya yi kasuwanci, ko ya nemi ilimi, ko ya yi kasuwanci ko sana’a da sauransu.

Don haka, birnin Zariya ya zama wata matattarar kowacce kabila daga sassa daban-daban na Najeriya; ba kabilar da ba za ka samu ba a masarautar Zazzau.


Masallacin Juma’ar masarautar Zazzau
Zazzau wurin ne wanda tun kafin bullowar jihadin Shehu Usman Danfodiyo akwai rukuni-rukuni na Fulani a cikin gari da kauyuka wadanda aikinsu shi ne bayar da karatu na addinin musulunci. Kuma tun a wannan lokaci akwai masallacin juma’a a unguwar Juma cikin birnin Zariya, wanda aka gina a zamanin mulkin Isiyaku Jatau wanda Habe ne.

Malaman unguwar Juman nan ko da aka yi jihadi sun ci gaba da limanci, kuma har yau su ke limanci, tun da su ma Fulani, kuma an same su da iliminsu. Ko da Sarkin Zazzau Malam AbdulKarim ya gina masallaci a kofar fada, wancan masallacin na unguwar Juma ya rushe, an ci gaba da yin sallar Juma’a tare da limanci wadannan Fulani na unguwar Juma.Har yau zuri’arsu ke limanci. 

Abin da kasar Zazzau ta ginu a kai
Ita Zazzau kasa ce da ma da ta ginu ne a kan abubuwa biyu, wato ilimin addinin musulunci, da harkar noma da kiwo. Kuma ko da Shehu Usman Danfodiyo ya yi jihadinsa abin da ya karfafa kenan.

*Wasan Kanawa da Zage-zagi*
Kamar yadda masana tarihi kan fada, mai karfi shi ke da iko. To, a wancan zamani, daular da ta yi karfi sai ta yunkura ta je ta mamaye wata. To, inda aka yi nasara, sai ka ji, amma inda aka gwabza, aka yi kare jini biri, ko kuma kowa ya tare kan iyakarsa, sai ka ji irin wadannan wasannin suna aukuwa.

Haka ma inda aka sami nasarar cin su da yaki, sai ka ji irin wannan wasa yana faruwa. Misali za ka ga Katsinawa da Gobirawa ana irin wannan wasa.

To, Kanawa da Zage-zagi ma akwai wannan wasa, cewa ita Sarauniya Amina ta kai hari Kano har Kofar Mata. Wannan kofar ai ana cewa nan ne aka dakatar da Sarauniya Amina, aka hana ta shiga cikin birnin Kano.

A wancan zamani na mulkin Habe dai, an ce an wani sarkin Kano ya kawo farmaki har Zariya, amma aka tare shi a tsakanin yankin da a yanzu aka sani da karamar hukumar Kubau, wajen garin Kargi. Aka yi ba-ta-kashi.

Saboda haka, ba mamaki ka ji ana wasa tsakanin Fulani da Barebari, tsakanin Katsinawa da Gobirawa, tsakanin har Yarabawa da Gobirawa. Kuma za ka ga irin wannan wasa yana dada dinke zumunci ne, ba yana batawa ba ne.

Wannan dai duk a zamanin mulkin Habe ne aka yi ire-iren wadannan hare-hare. Amma yayin da aka sami shigowar daular Usumaniyya, back kasashen suka zama daya, addinin musulunci ya hade su. Saboda haka, wata kasa ba ta kai wa wata kasa farmaki ba a cikin titocin da Shehu Usumanu Danfodiyo ya kafa. Sun zama abokan aiki, abokan hulda, kuma abokan shawarar juna.






*Girman kasar masarautar Zazzau a halin yanzu*

Sauyin da aka samu bisa sabon tsari na gwamnati, a yanzu a kowacce karamar hukuma ana da gundumomi ashirin da uku wadanda hakimai suke mulki a karkashin Mai Martaba Sarkin Zazzau. Kamar dai yadda gwamnatin jiha mai ci yanzu ta mayar da su.

Amma gwamnatin baya ta nunnunka wadannan gundumomi, saboda ana shigo da harkar siyasa a cikin masarautun. Wata gwamnatin ta zo ta kara gundumomi, har sun kai tamanin da shida, ita kuma wannan gwamnati da ta zo sai ta rage su zuwa ashirin da uku.

A zamanin mulkin soja an yanke wasu kananan hukumomi da ke kudancin jihar Kaduna, wadanda ke lardin Zazzau, wadanda suka hada da Kaciya da Zonkwa. Ta yankin kudu, sai aka bar lardin na Zazzau da kananan hukumomin Igabi da Kaduna ta kudu da Kaduna ta Arewa. Ta arewa akwai kananan hukumomin Giwa da Kudan, ta gabas kuwa akwai Makarfi da Ikara da Kubau. A yankin tsakiya kuwa akwai kananan hukumomin Soba da Sabon Gari da Zariya. A yanzu kananan hukumomi goma sha daya da gundumomi ashirin da uku kenan suke bin masarautar Zazzau a yau.

A da kuwa tun daga karamar hukumar Kaciya, zuwa Chikun, har zuwa Kagarko, duk suna bin Zazzau ne. Amma daga baya aka sami wata gwamnati ta soja ta yanke wadannan kananan hukumomi, ta yi wasu sababbin masarautu, abin da ya sa aka sami masarautu kusan talatin da biyu. Saboda ra’ayin siyasa na son a ba kowacce kabila ‘yancinta, kar a ce an Dianne wa nice yanki a jihar.

----
Mu koma labari...
Saifullah.......
#Mai_Dambu
10/23/20, 9:56 AM - Ummi Tandama: Acct: 0472282105
GTBNK Ramlat Abdulrahman Manga 300â‚? katin mtn 300 normal posting 21/October Insha Allah
Zahrahn Addah Ramlat domin nuna shaidar biya! ita za a turawa....
07035133148/ +22784506476 yan Nijar zasu iya samun A'isha Indo Nijar....

  *Ma sha ruwa.. magirbi*

*Saifullahi Ahmad sullubawa*

Shine d'a na biyar a gidan sarautar Zazzau, mahaifin shi sarki Ahmad Abdullahi Sullubawa, shike mulkin Masarautar Zazzau a yanzun, sarki me matukar adalci, Sarkin da talakawan shi ke matukar son shi da kaunar shi.

      Mutum me kawaici da rikon amana.

    Sarki Ahmad yana da mata hudu russ, da yara Kimanin goma sha biyar.

            Maza da mata kuma, Saifullahi shine d'a na biyar, kafin shi akwai hudu a saman shi biyu mata biyu maza, Abdullahi shine na fari, sai takwaran Sarkin Kano wanda ake kiran shi San kano, Adamu. Sai Mariya, sannan Asma'u.

  Sannan Saifullahi, dakin su Saifullah su maza uku ne da mace daya ne sai sai sauran goma sha daya, sun kasance dakunan. Inda me bin mamansu Saif tana da yara uku mata biyu namiji ɗaya, sai me bin ta tana da yara maza biyu rak.
.sai amaryan da take da mata uku namiji É—aya.

     Duk da ana zazzafar kishi amma haka bai hana kasami hadin kai a gurin Yaran su ba, domin su saif sune manyan, dukda akwai wasu a gaban shi.

     Amma a halin yanzun anfi mishi kallon shi zai gaji mahaifinsu. Sabida hakuri da juriya,

         Sannan masarautan tana da wani irin tarihin al'ajabi na rasuwan tsohon sarki, Shehu dan idrisa.
Yakasance sanda uwarshi ta haifrshi a ranar kudan Zuma sukazo gidan har kofar dakinta sunata yawo daga sama zuwa kasa daga baya suka rankaya suka tafi,
Haka ranar da aka bashi mulki na sarautar kasar zazzau ma wannan kudan zuman sunzo mashi suntafi,
Ana jibi ze rasu Dan kadan sunzo ana gobe zai rasu masu yawa sukazo sunata shawagi suje sama su dawo kasa kamar masu Kai gaisuwa za a kashe su girgiza kai yayi sannan yace.

" kowacce rayuwa tana tafe ne da mahadin ta, a'' a barsu  suma iya wannan shine wa adin da ya rage tsakanin mu, muyi sallama. Dan haka kar a cutar dasu idan sun tafi ba lallai bane su kuma dawowa"haka  suka zo .
Daga bayan sun tafi seya girgiza Kai kawai ya cikin matsanancin jin jiki ya kalli  uwargidansa yana  cewan.

"Nifa  lokaci yayi Daman inata ganin wasu halittu daban masu cutarwa Amman basumin komai harda maciji.  Dan Allah bai nufa zasu cutar dani ba, kome na rayuwa yana da iyaka, dan haka zan tafi."
(Wannan labarin da na bada na Sarkin Zazzau! Gaskiya ne domin nima haka aka turo min sakon, kuma Alhamdulillah naga ya shiga cikin labarin)

.....
"Aanih Fatimah! Baki cewa zararre irina kome ba!"  Da wutsiyar ido na kalle shi, sannan na kauda kaina, tare da kallon gefe na.

          Shiru yayi bai kuma magana ba, tunda yaga naki magana,  juyawa nayi na kalle shi. Murmushi yayi sannan yace.
"Na zata zaman kurame zamu yi."
              Juya idanu na nayi, sannan na mai da kaina inda nake kallo nace.
"Ka tsaya daga bakin kofar gidan tunda ka fahimci inda na fito."

           ...
"Duk inda kike fito! Ya nuna min cewa an shuka bishiyar zinariya ce ta bada Lu'ulu'u, dan kinfi karfin jauhari ko azurfa."

        Muna shiga kwanar gidan, na nuna mishi inda zai sauke ni.

        Bai kula ni ba, har cikin gidan ya shiga dani, bud'e motar nayi zan fita najita a rufe, juyawa nayi muka kalli juna.
"Koda baki magana ba, zan isa sokoto na gabatar da kaina."

      Shafa kan shi yayi cikin nutsuwa, sannan ya lashe bushashen lebban shi, yace.
"Balle kuma nasan kina yina!"
Sake kallon shi nayi a karo na biyu, kaifin idanun shi ya sani sunkuyar da kaina.

           Na shiga wasan dole. Saif ya haɗu, babu karya ya kai a so shi, kawai zuciyata bata yin shi ne, tana can manne da Jay. Bude baki nayi zance mishi yayi hakuri, sai na kasa magana. Kawai nace mishi.

        "Allah ya tabbatar da Alkhairi!" Daga haka na fito daga motar da sauri, zuciyata tana harbawa.
    
             Ba wai ina son shi bane, amma ko babu kome ya dace na amshi tayin shi, tunda wanda nake dawainiyyar so yace baya yina.

     Sai da yaga shiga na cikin gidan, sannan ya juya kan motar shi yayi tafiyar shi,   ina shiga cikin na sami Aunty Aina'uh, na zauna muka tab'a hira sannan na wuce daki har na shiga sai naga bai dace naki gaya mata Saif ne ya dawo dani ba.

         Dawowa nayi ko zama banyi ba na gaya mata, zuba min ido tayi kafin tace min.
"Amma ya zanyi da wasilah?"
  Dariya ta bani sannan nace mata.
"Ai hakuri zaki bata tunda bana son D'anta."

Bata zata da gaske nake ba, sai da aka kwana biyu, lokacin wakilan shi sun isa gurin Baabi, ya amshi tayin su, amma ya basu hakuri tare da ce musu, zai kirani yaji ta bakina.

             Duk yadda muka yi zai musu magana, dan haka suka tafi tare da Alkhairi, bayan tafiyar su ya kirani, mun jima muna magana, bani da zab'i haka na nuna mishi ina son Saif. Shima kuma Baabi yasan na amshi tayin Saif ne kawai, amma bana son shi. Dan haka bayan sati biyu Baabi ya kira Sarkin Ahmad ya gaya mishi zasu iya turo duk wani abinda ya dace.

       Haka yayi musu dad'i, tun daga ranar muka shiga ƙwarya ƙwaryan soyayya, wanda ya shiga jan hankali na, da kuma nutsuwa ta, Saif yana da kirki. Yana da mutunci sosai.

            .......
"Kaga abinda nake ta gaya maka, kaje ka sami yarinyar nan kuyi magana, gashi nan ta tura wani gidan su"

     A razane ya d'ago kan shi, daga cin abincin da ya mik'e, tsaye bai kuma wani abu ba, ya bar gidan.

                     A hankali ya shiga duba wayar shi, hotunar bikina da Ikrama ya shiga dubawa, kafin ya shiga niman inda zai samu Ikrama, sun jima suna magana kafin ya kashe kiran.

               Huci yayi tare da shafa fuskar shi.
          .......
Daura.
Yana kwance a dogon kujera, wayar shi tana gefe yana sauraron tafsirin din malam Jafar Muhmood Adam, wanda yayi na hadisin Ummu Zarr.

      Zama Jannart tayi tare da kallon shi, tace.
"Hamma!"
Bude ido daya yayi, tare da d'aga mata gira.
"Ka sami labarin wata me zuwa za a yi baikon  Addah?"

           Bude idanu yayi tar akan ta yace.
"Toh Noorie me zanyi? Ina ruwana da Addarku, ko gatari ce bata gaba na."

    Zare ido tayi tare da rike baki tace.
"Hamma!"
"Noorie!" Yakira sunanta a gajiye, sannan yace.
"Don Allah jeki d'akina zaki ga ipad din da kika ce kina so"

     Rau-rau tayi da idanunta, sannan tace.
"Ni wallahi bana son Husnah da wancar buzuwar, ni nafi sonka da Addah."

      "Wayyo Allah na!" Ya fada a hankali.
"Kina son ipad din ko na bawa Raihah."

      Da sauri ta mike