You Cannot Download this book untill you login but you can read it .

---

Login Register

ina sakawa.

Ya mika min hannu na tashi, sai kallon yadda mutanen suke faduwa muke, a tsora ce na koma bayan shi na boya tare da boye fuskana, a bayan shi.

                      Hannuna daya a samar kafad'arshi, cikin tsoro.

   Sai a  lokacin muka fahimci guguwar da ta cire guri guda take, tare a guri ɗaya tana tashi sama.
"Jay!"
    Ashe addu'o'in yake, kallon bakin shi nake, tsabar yadda addu'ar take fita. Da wani irin gudu guguwar tayo kan shi, na rike rigar shi tare da kwala ihu,  watsewa guguwar tayi,  a bayana naji an tab'a ni. Cikin wani irin tsoro na juya.

  Wata mace na gani cikin jajjayen kaya, tana fidda hayaki a kanta da idanunta.

"Dole kema ki d'andani abinda taji! Dole ki biyo ni, dole ki buɗe idanunki dole ki sadaukar da Rayuwar ki domin na shi, dole ki taya mu yaki! Tun daga farko kuka shiga zanen kaddarar juna! Babu yadda zaki yi ki fice a nashi haka zalika shima bazai fice a naki ki, dole a karasa bashin da ba kune kuka ci ba."

   Kasa motsi nayi, naga ta juya tare da zama hayaki ta baje.
             Ba zance na kuma fahimtar wani abu ba, amma tabbas na bude idanuna na ganni kwance a wani daki,. hannuna daya dauke da karin jini.

Mik'ewa nayi zan zauna, aka ce min.
"Koma ki kwanta."

  Wata mata ce, cikin shigar wata irin Wutar rissa, bakin shi. Kallon na jikina naga nima an sauya min kayana, daga riga da wandon jikina, zuwa wata duguwar riga, wacce suke kiranta da Bougaje.

        Fita matar tayi, can sai ga tare da wasu maza biyu.

"Innaih sannu da ƙoƙari, har ta falka? Sannu ya kumarin jikin naki?"

        Lumshe idanuna nayi sannan nace musu "da sauki."

   Ina rufe baki jini na saukowa daga hancina.

      "Ina Mujaheed din yake?! Halo dai Jinin yana zuba, kuma bamu san meke haifar da zubar jinin ba, dole a san abin yi." Suna cikin maganar ya shigo.

   Fita suka yi, can ya kuma dawowa da wasu malaman jinya aka zo, suka fita dani.

   Lokacin jini ke fita daga hancina, haka idan nayi tari jinin xan fitar abinda ya d'aga musu hankali kenan, baki daya. Suka rasa yadda zasu yi dani.

     Haka yayi ta bincike ko zai samu matsalar da nake fama dashi, amma bai yi dace ba.

           Karshe bayan an dawo dani dakin da nake. Suka mikar dani. Zasu mai dani gadon kawai na yanki jiki na fadi.

    Sai da aka kira shi, yazo lokacin ga baki daya na suma.

    Rayuwata ta zame mishi tashin  hankali, domin zubda jinin da nake ba na wasa bane. Shi kan sa ya fara dana sanin dauko ni da yayi.

       Sai da suka hada da rokon Allah da addu'a, na farka ban kuma jin wani ciwo ba, sai na masifar jin Jay! Wani irin abu nake ji shi  kamar zuciya ta, zata fito daga kirjina.

       Ban san lokacin da na shiga wannan halin ba, sai dai na wayi gari.ina ji a raina zan iya rasa rayuwata akan Jay.

.......
Na ji sauki sosai, har an sallame ni. Dan wulakancin amadadin ya kaini inda zan zauna cikin gidan su. Sai ya kai ni can bayan gidan su.gurin masu aikin gidan.

    Kuma ya saka aka bani dakin da bai da maraba da matattarar dabbobi, kullum da safe ni ke kwashe kazamtar su,bayan na basu abinci. Tun ban saba ba, har ta kai na saba dasu.

    ...raƙumai ne suke kiwon su abakin Innaih naji labarin ai kusan rabin su na Baban shi ne! Murmushi nayi kawai, ina jin dadin idan yazo kwashe su zai tafi kiwo. Burge ni yake, domin yana saka wata shudin mayafi tare da rufe fuskar shi.

   Yau ma ina cikin basu abinci,  na zubawa wata Rakuma mace ido, tana ta nishi.

      Wai ashe haihuwa zata yi, kawai naji Innaih tace min.
"Fadima! Kira min Mujaheed, yazo Rakumar nan haihuwa zata yi, maza yazo ya san abinyi."

          Da sauri na fita sanye da kayan bougaje, bayan na rufe fuskana da wani baƙin mayafi, haka kawai yasani na dinga rufe fuskana dan cin mutumci,
      Wai yake gaya min.
"Ke fa bawani fasali ne da ke ba, domin tsayinki yayi yawa sai kace sallar dare, gashi kin cika yanayi da aljanu.

         Idan na takura kaina da kallon ki, sai naji kamar na boye kaina dan sak kike da aljanu, don haka daga yau kar na kuma ganinki babu mayafi in ba haka ba zan iya yin komai. Musamman abinda zai samar min da nutsuwa ta. Shi zan aikata."

Tun daga wannan ranar na daina, wannan gangancin. Daga nesa na hango shi....

      *K'ak'ak'ara k'ak'ai!!!! Shin kun shirya! Toh ku biyo magajin Izzah! Domin jin yadda kome zai warware*

.,Acct: 0472282105
GTBNK Ramlat Abdulrahman Manga 300�? katin mtn 300 normal posting 21/October Insha Allah
Zahrahn Addah Ramlat domin nuna shaidar biya! ita za a turawa....
07035133148/ +22784506476 yan Nijar zasu iya samun A'isha Indo Nijar....
#Mai_Dambu...

    
#Mai_Dambu
10/23/20, 9:52 AM - Ummi Tandama: MAGAJIN IZZAH!!!

   {CIGABA KWARKWARAH}

  

*Ban yarda wani ko wata ta juya min koda Harafi daya ne na Labarin! Ko kuma a samun wani kafar Sadarwa! Yin haka zai sanya wani ya fuskanci b'acin rai!*

Mallakin
  Mai_Dambu

Sadaukarwa ta gare ki bazata kare ba! Mab'allin zuciyata! Zahran Addah Ramla☺️


SHA ƊAYA

          Cogewa nayi tare da zabe mishi ido, ganin yadda suka nad'e kan su da shigar buzaye. Sun ajiye yar butar shayi, suna sha tare da hirar. Baka fahimtar kome akan abinda suke cewa.
Domin yaren buzanci suke.

                 Tab'a shi jibo yayi tare da nuna mishi kofar garka, ina tsaye.

          Banza yayi dani, ganin yaki juyowa. Kawai na juya abuna. Tunda na fahimci bazai taso ba. Koda na shiga kasa zama nayi sai leka kofar shigowa nake.

               "Yaki shigowa ko?"
Gyad'a mata kai nayi, sabida tafi kowa sanin halin shi. Da kanta ta fita, can sai gashi tare da ita, wani irin kallo ya jefe ni dashi sannan ya ware rawanin kanshi ya durkusa gaban Rakumar.

      Ya shiga ƙoƙarin ciro mata yaron cikinta, dakyar ya ciro mata yaron, sannan ya koma ya karasa abinda zai yi.

    Takowa yayi gabana, ya shafa min jinin Haihuwar Rakumar, cikin tsantsar mugunta.
"Idan na kuma ganinki a waje."

    "Toh ka mai dani inda ka dauko ni mana! Tunda baka son ganin ina zuwa inda kake."

                   Take min kafana yayi, na d'ago kaina ina kallon shi, cikin kuka nace.
"Allah sai ya saka min."

    Baki na ne ya furta hakan, amma zuciyata sam bata aminta da hakan ba.

           Jay bai bar inda nake ba, sai da ya sani kuka sosai. Sannan yayi tafiyar shi.

                Innaih ce tayi ta bani hakuri, tare da gaya min bafa halin shi bane, kawai yana min haka ne dan laifin da nayi mishi.
.karfe sha biyu saura. Ina kwancen ya shigo inda nake, kunna wutar dakin yayi ya ganni zaune ina ƙoƙarin b'oye  tsimar da nake goge hancina.

       Takowa yayi cikin nutsuwa, ya saka hannu ya ciro tsimar, yaga yadda ya jike da jini.
"Aanih! Meke damunki?!"
.kallon renin hankali nayi mishi, sannan nace mishi.
"Jin dadi!"
Daga haka nayi shiru, tare da kwanciya na juya mishi baya.
"Tashi ki rakani!"

"Babu inda zani a wannan tsohon daren"
"Toh ina saka miki kayan"

Zubur na mike tare da amsar bakaken kayan na saka, ina mishi kallon tuhuma.
"Da alamu ka fara fashi da makami ko?!"
Tab'e baki yayi, sannan ya bar d'akin. Na saka riga da wandon sai yar karamar hijab.

  Sannan na fito, a hankali babu kowa a tsakar gidan.
"Shiiiiii! Naji kamar ana jan abu, juyawa nayi cike da tsoro, na hango matar ranar, sanye da doguwar rigar yana jan kasa, ya jike sosai da jini. Tafiya take ina bin bayanta,  dafa ni akayi na sake wata irin ajiyar zuciya tare da sake kara.

"Ke dalla tafi can!"
Ya gaya min,  riko hannuna yayi tare da fitar dani a gidan, har gurin motar shi muka isa, sannan ya sake hannuna ya koma mazaunin shi na shiga motar.

   Tunda ya fara tuki bamu tsaya a ko ina ba, sai a wani can gidan rawa,(club)  tunda muka shiga nake jin warin giya. Da wiwi.

        Kallon mutanen gurin nayi, sunata bad'alar su, can gefe na nima na zauna. Tunda ya shigo ake ihun zuwan shi.

     Sai gaishe shi ake, ga yan mata sai rungume shi suke.

     Da alamu ba bakon gurin bane, sannan kuma zan iya cewa duk inda yake sai ka samu ana girmama shi.

                   Ina zaune maza keta kawo min hari, ban kula su ba.
"Manyan a ina ka samu iri me kyau haka? Gaskiya ta haɗu."

       Bai magana ba, haka suka yi ta magana, yana jin su. Mik'ewa daya daga cikin su yayi zai zo inda nake ya rike mishi hannu.
"Karka fara!"
     Komawa yayi ya zauna,
"Toh wacece ita?!"
"Ita din kamila ce! Daga gaban iyayenta na daukota."

  Shiru yayi sannan ya mike, tare da mika musu hannu, sannan yazo inda nake ya riko hannuna muka fita, kallona yayi sannan yace.
"Me yasa kike daukar hankalin su?!"
Banza nayi dashi dan bani da amsar bashi, can yace.
"Ina magana kinyi banza dani ke wacece!"

            Dake kaina a sunkuye yake, yana tab'a ni ina dungurawa, abin ya dame shi.

   Yana kuma mamakin yadda nake wannan abin. Har dawo dani gidan, ya zagayo tare da saka hannun shi zai dauke ni, aikuwa sai ga hannun shi ya sauka a kirjina, cike da mamaki. Ya kalle yadda nake sume ga jinin nan yana d'iga daga hancina...  

.        Janye hannun shi yake son yi, amma shaidan na mishi huɗubar tsiya, kara tabawa yayi yaji yadda suke, wani irin yanayi yaji lokaci guda, d'ago fuska na. Yana kallon yadda zubda jini hanci da idanu.
.janye hannunsa yayi tare da kaini d'akina, yafita.

Tunda daga ranar, ban kuma ganin shi ba, shigar da yake yi ma, ya daina baya zuwa inda nake.

       Sosai na damu akan rashin ganin shi, ga wani irin yanayi da nake tsintar kaina, na tashin hankali.

......
Yau kwana bakwai kenan, ina kwance ya shigo min, hasken wayar shi ya dallara min, sannan ya coge a gefe..idanun shi a kaina.

    .."zaki raka ni!"

"Gaskiya indai gidan rawa ne bazani ba, sabida ba tarbiyyar gidan mu bane!"

   Takowa yayi gabana, cikin izza ya durkusa tare da haska fuskar mu yace.
"Kalli cikin idanuna! Nace zaki raka ni!"

        "Ni bazan."
Fincikoni yayi har jikin shi na rawa ya kura min ido, cikin jin haushi yace.
"Ki tashi kafin nayi.amfani da baiwar da Allah yayi min, na gyara miki zama!"

  ... Babu shiri na mike ya watsa min kayan ya ficce a d'akin, kuka ne ya kwace min.

  Sai da nayi ya ishe ni, sannan na saka kayan, doguwar riga ce har kasa, a hankali na fito daga dakin. Wannan karar da naji na ranar can.
"Shiiii!"
   Tsintar kaina nayi da bin inda kar'ar yake fitowa, kawai naji ya fincikoni. Tare da ja na,.muka fita.
    

                 Sai da ya jefa ni cikin motar, sannan ya dawo yaja mu, tun a hanyar nake aman jini. Kaina kamar zata yi bindiga, buga motar yayi bayan ya tsaya, cikin jin haushi yace.
"Duk abinda zaki yi, sai kin rakani party nan!"

         Babu yadda na iya haka muka nufi, inda suka shirya, shirmen su. Bana jin dadin shigar da nayi.

... Tunda muka shiga, abokan shi suka ja shi can gefe. Wani cikin su yazo ya takura min da surutu. Karshe da na gaji, na silale zan gudu. Ashe sun ga fita na daga dakin party wani daga cikin abokan shi yace mishi.
"Yarinyar da kuka zo ta fita fa! Kuma naga su Ghali sun bita."

   Mik'ewa yayi, yaji gabaki daya, bazai iya dogon tafiya ba, komawa yayi ya kwanta a kujeran. Tare da buga kanshi, yana faɗin.
"Yarinyar kamila ce! Ni ne na daukota domin daukar fansan abinda tayi min, taya zan su min haka."

Dakyar ya mike,  yana buga kanshi sannan ya fito. Can nesa yaji ihuna, da sauri ya shiga niman inda nake, nan kuwa kokuwa suke dani, daya na kokarin yaga min rigar jikina, daya kuma yana me rufe min bakina.

  .... Wani irin kuka ne ya kwace min, cikin tashin hankali na kwala mishi kira.
"Mujaheed!" Sake toshe min bakina suka yi, tare da kai ni kasa.
Allah ya bani Sa'a wanda ya rufe min bakina, na gantsara mishi cizo, sai da yayi ihu, a lokacin Jay ya iso, tare da zama a gaban su.
"Karku mata kome! Domin mata ta ce!"

.   Da mamaki suka zuba mishi ido, Ghali ya dauki wata sanda a gurin ya make mishi kai, tare da cigaba da dukar shi, sannan ya tura wanda na ciza, ya dauko musu ruwa.

      Zuba mishi ruwan suka yi, sannan suka mike tare da cewa.
"Karka kuma gigin kawota gidan casu, domin wallahi gobe zamu kuma farmata."

... Gyada musu kai yayi, suna tafiya na iso gurin shi da sauri, tare da kallon shi, dake abuge yake mika min hannu yayi da sauri na rarrafa jikin shi ina kuka sosai.
"Jay! Ka kai Ni gurin Baabina, bani da lafiya! Idan baka kai Ni ba wani abu zai same ni!"

       D'ago kaina yayi, giya tana gaya mishi wani abu na daban, kafin nayi wata yunkuri sai jin bakin shi nayi cikin nawa, duk yadda naso kwace kaina, na kasa.

           Hancina da kunne ne, suka fara zubda jini, kafin wani lokaci, idanuna sun rufe da jinin, saukar da bakin shi yayi wuyana, tare da Binta da wata zazzafar sumbata.
Sai ganin kaina yayi yana reto.

    Dakyar ya mike tare da lallubar makulin motar shi, ya kunna, sannan ya nufi motar tare da daukata, shi kanshi bai san inda zai kai ni ba.

    Tunda ya ajiye ni a cikin motar, ya nufi gida dani, dakyar ya isa konace Allah ya nufa muna da nisan kwana.

                Daukata yayi zuwa dakin da ya bada na zauna, ya kwantar dani, sannan ya fita. Dakin shi da yake da taga ta wajen d'akina, ya shiga. Ko cire kayan jikin shi bai yi ba, ya kwanta.

            ---
Washi gari! Koda ya farka, a hankali abinda ya faru daren jiya ya shiga dawo mishi.

   Ganin har yayi Sallah tare da wanka bai ji muryana ina wasa da Yar Jinjirin Rakumar nan ba, ya sanya shi fitowa. Har tsakar gidan.

        Gama kewaye tsakar gidan yayi kafin ya koma inda Innaih take aiki, yace.
"Innaih ina wancan Yarinyar?!"
   
Cike da mamaki take kallon shi, kafin ta maida kanta, izuwa aikin da take sannan tace.

"Faɗimah ba yarinya bace! Magajin Izzah, kawai jikinta ne da bai nuna alamar girma."

Tanke fuskar shi yayi cikin jin haushin abinda Innaih tace.
"Innaih! Tambayarki nayi ina take?!"
"Allah ya huci zuciyar ka! Barden Damagaram."

              Nuna mishi dakin tayi, cikin wani irin Izzah da jin kai, ya nufi dakin, daga shi sai 3 qrt. Ya iso bakin kofar.

      Yana turo kanshi sai da ya razana, sabida yadda gashin kaina yayi buzu-buzu, ga Idanuna da suke fidda jini.

            Mai da kaina nayi kasa ina gogewa.
"Dama baki da lafiya ne?!"
Banza dashi nayi, na cigaba da goge jinin.
"Ina miki magana kinyi banza dani.!"

   ...
"Don Allah ka kyale ni! Ka mai dani gurin Dangina, idan ba haka ba. Mutuwa zanyi."

Fita yayi daga dakin, ya nufi dakin shi. Ya shirya ya bar gidan,

Bayan wani lokaci, ya kuma dawowa d'akin. Kwalayen allura da ruwa ya ajiye har ya durkusa zai sanya min karin ruwan. Kawai ya juya abinshi can ya kuma dawowa ya taimaka min tashi nayi kuma na koma zan zub'e da sauri ya rikoni kaina yayi baya.

               Cikin tashin hankali, ya dauke ni zuwa dakin shi, ya shiga had'a min, maganin da alluran.

Yana gamawa, ya haɗa min ruwan sannan ya zuba alluran, ya koma gefe yana kallon yadda nake fidda numfashi, jikin shi yayi mugun sanyi. Yana ji a ranshi bai kyauta ba. Sam yana ganin rashin dacewa da ya daukota a gaban ahalinta. Duk halin da ta shiga shine silah
#Mai_Dambu
10/23/20, 9:53 AM - Ummi Tandama: MAGAJIN IZZAH!!!

   {CIGABA KWARKWARAH}

  

*Ban yarda wani ko wata ta juya min koda Harafi daya ne na Labarin! Ko kuma a samun wani kafar Sadarwa! Yin haka zai sanya wani ya fuskanci b'acin rai!*

Mallakin
  Mai_Dambu

Sadaukarwa ta gare ki bazata kare ba! Mab'allin zuciyata! Zahran Addah Ramla☺️

      Wannan shafin gaisuwar shi takuce Aunty Mamie da Sister Safiya 😍🌟🤗

SHA BIYU.

Zuba mata ido yayi cikin sanyin jiki, dole ya bata kulawa kamar yadda ya daukota, dole ya ji da lafiyarta, kamar yadda ya daukota.

A hankali barci yayi gaba dashi wanda yake dauke da mafarkai daban daban.
"Zo muje na kai ka, kaga yadda al'ummar da suke jiran ka! Taso kaga yadda kowa ya jima yana jiran zuwarka."

        Riko Hannun shi aka yi, ana bude kofar haske ya cika mishi idanu, karewar da yayi kenan ya farka daga barcin.

      Jin tarina ya sashi mik'ewa, koda yazo na gama b'ata mishi zanin gadon shi da jini. A rud'e ya kai hannun shi ya riko ni.

"Don Allah ka mai dani gida! Kaji a can suna da maganin da suke min idan ciwon ya tashi kaji Jay!"
Na faɗa cikin wani irin kuka,

    Wani allura ya janyo tare da cikawa sannan ya ga yadda nake zare mishi idanu ina shirin kuka, fincikoni yayi tare da matse ni, ya tsikara min alluran, ajiyar zuciya na sauke, tare da janye jikina, zan kwanta.

         "Gaya min! Meye ke damunki!"
          Shiru nayi ban amsa mishi ba, can ya kuma ce min.
"Me yasa kika zabi rayuwarki sama da ta iyayenki musamman mahaifinki?!"

               A hankali nake bashi labarin, yadda na taso tare da kulawar da nake samu, a gurin Baabi, har zuwa lokacin da nayi ta samun rikicin aurena.

       "Abinda yasa naki auren Ikrama, ba kome bane sai dan ya kasance, yana niman abinda zai hada auren mu, shi da mahaifinsa tare da kanin Mahaifina, idan suka bashi aurena, zan zame musu wani abinda zasu na aikata mugun nufinsu."
         
        Shiru yayi sannan na cigaba da cewa.
"Nasan Baabina yana cikin damuwa, damu kuma nasan yan uwan shi zasu mishi caaa! Jay "

Na tashi a hankali, tare da matsowa gaban shi nace.
"Shekaru na talatin da uku! Zuwa da hudu! Gashi kaje ka sato ni, yanzun me zan gayawa Baabina, bana son yayi fushi dani!

    Kuma bana son ya zarge ni, Jay kana da mugun hali, amma kuma kana da tausayi, ni Yanzun bana son na koma gida ma, nafi son na zauna kayi ta ce min aljana, idan haka zai sanya kasami farin ciki. Jay bana son kana kula...."

       Zuba min ido yayi, tare da gyara min gashina.
"Jay! Wai da gaske ni mummuna ce? Don Allah gaya min meye laifina."

        "Ban tab'a ganin mummuna irinki ba!"
             Ware shanyayyun idanuna nayi kafin na mai da su na rufe, tare da b'ata rai, na tura mishi baki.
"Jay! Baabina yace! Babu kyakyawa irina, ina da kyau kamar Umma Jannart. Sannan ina wasu abubuwa irin nata."

Daga haka na zube a jikin shi, na fara wasu maganganun kananu, saka kunne shi yayi, yaga naja yar bakina nayi shiru, d'ago kaina yayi, yana kallon baki. Mai dani yayi kwance.

     Tare da zuba min ido, jikin shi a mace. Har zai mike na rike hannun shi.
"Jayyyyy!"
      Komawa yayi yana mai da min gashina baya, kamar zanyi kuka, na riko hannun shi. A kirjina na cigaba da barci, sai da yaga barcin yayi nisa dani, sannan ya zare hannun shi.

      Yana me komawa kujeran hutawa, ya zauna yana me nazarin maganar da nayi.

   Dole yana bukatar ya mai dani gida, amma taya!

        ---
Sokoto.
A.S.P Habib Samim talba.
   
Mari ya kwad'awa Ansaar, sai da bakin shi ya fashe.
"Gaya min! Ina kuka kai Fulani Aanih?"

    "Wallahi! Yallabai, ban kaita ko ina ba, asalima ita ce ta nime na sace ta, ko kaza ban tab'a dacewa ba, wallahi iya gaskiyar kenan! Muna cikin haka wani yanayin wani mutum yazo daga kasar waje.

    Shine ya bani kudi tare da cewa na bar mishi aikin zai karasa, shi kuma ya cigaba da gaya mata yadda zai shigo gidan da fari ta amince, amma daga baya ta turo min sakon karshe ta fasa, ashe shi bai fasa ba, shine ya shiga cikin gidan a matsayin me gyaran panpo. Iya abinda na sani kenan!"

       Shiru Habib yayi tare da gyara yar gemun shi da take kara tsirowa.

          Fita yayi daga dakin horon

  ...... Bayan b'atar Aanih Me girma Gwamnan ya saka aka kawo Habib yazo yayi bincike, garin binciken ne ya samu sakon da aka turo a wayarta, da kuma Whatsp ɗinta, daga nan suka shiga niman Ansaar, suka kamo shi yau sati biyu kenan, suna mishi mugun duka.

        ---
Lokacin da ya fita daga ofishin su, Fada ya wuce, inda ya samu sarki akan maganar ko yana sane da cewa Yar shi wani tabi ta gudu.

                    Sunkuyar da kai Aryaan ya, cikin matsanancin kunya da jin tozarci.

.... Mik'ewa kanin shi da suke ciki d'aya yayi zai kaiwa Habib mari.
"Barshi ya fadi gaskiya! Akan yarinyar da ta gama gantali, zaka  fara kokarin daukar shi, toh bari na gaya maka, wallahi ba zaka dake shi ba karya yayi muku?

.kawai Aryaan yayi murabus, mulkin a matsayin sarkin Musulmai bai dace dashi ba, sai sarkin mata, tunda bai iya lankwasa yar shi ba, waye zai lankwasa ya biyu.

       Dan haka ya sauka daga muqaminsa, dan bazamu cigaba da bin jagorancin sa ba."

    Mik'ewa Naufal yayi Aaryaan ya dakatar dashi, cikin murmushi, me cike da tawwakali.. mike daga kujeran da yake, ya sauka a kai.

          Ya kasa cewa kome, sannan ya juya ya bar fadan baki daya. Kallon kallo aka yi tsakanin Habib da Najim wanda Sarki Jaamal na daura ya turo shi domin taimakawa, Sarkin Da wasu bayyanan da ya samu.

     Sai kuma yazo ya samu kome ya lalace, cikin mutuwar jiki ya bude bakin shi dakyar yace.
"Habib! A dokar kasa ka taka doka sosai, domin amadadin ka nime shi cikin nutsuwa, kuyi magana kazo ka tadda husuma wanda dokar kasa ta haramta haka."

       "Malam Lauya! Bazaka koya min aikina ba, dan haka abinda doka ta bani nayi, dan rashin Imani an samu mun kama wani na daban, bayan yasan Yar sh...."

          Kifa mishi mari Najim yayi, cikin fusata yace.
"Dan sanda ka mara?!"
Ajiye jakar shi yayi yana nade hannun rigar shi yayi cikin b'acin rai yace.

       "Ni a matsayin abokina nake maka magana, dan abu kazan ka, idan aka sami mahaifinka da wannan batun ya zai ji? Kasan wutar da ka hura kuwa! Ina ma da Jalal yana raye, nasan sai yaci Ubanka laada a waje, banza wanda bai san aikin shi ba."

  Daga haka duk suka watse a cikin fadar, har da sauran mutanen.

      ......
Tsaye yake ko kayan jikin shi bai cire ba, yana kallon hoton. Aanih cikin rauni da tausayin wani irin yanayi take ciki, yana yawan jin kewarta da shashekar kukanta.

A baya bayan nan. Yana yawan mafarkin ta, tana mika mishi hannu. Ko kuma tana kwance cikin jini.

  Shi yasa tunda ya shigo ya hana kowacce mace ta shigo mishi daki dan bai nutsuwar zuciya.

       Kafe hotonta yayi da ido,