You Cannot Download this book untill you login but you can read it .

---

Login Register

ya waiwayo yana dubanta,hannunta ya kamo ya saka cikin nashi hannun ya riqe dakyau yana dubanta cikin wata tattausar murya
"Shahida,dukka wannan kukan bana buqatarshi daga wannan wajen,inda na kaiki kinji labarin abinda yaruga ya wanzune a rayuwarmu wanda ina fata da yaqinin cewa yariga daya wuce a yanzu,inason ki saki ranki mu koma shahida da anwar da kowa yasanmu a baya,inasonma fiye da haka,no more rigima tashin hankali zargi da rashin yarda da juna daga yau,iname neman afuwarki shahida,ki yafemin,ki yafemin ki yafemin" da sauri ta dakatar dashi
"Ashe ni wawiyace ban sani ba saiyau?,ashe da nake zargin ka rabu danine saboda bakasona bansan shine soyayyar da zaka nunamin ba,ka rufe maganar danake da tabbacin fitarta kamar fitar mutuncine daga gangar jikina,abune da zaita wanzuwa yana yaduwa a bukanan mutane,koda inada da gaskiya kowa da yadda zai juya maganar a kaina,inada tabbacin data fita a yanzu gaskiyata ta bayyana koda wasu daga cikin mutane zasu gasgatani wasu ba zasu taba yarda ba,zasuji gaba da dorar da abinda sukaji,wasunsu ma gaskiyar maganar ba zata kai kunnuwansu ba,zasuyita daukarta a yadda sukaji da fari,xancan zai iyaci gaba da wanzuwa a doron qasa yakai ga kunnuwan 'ya'yana harma da jikokina,koda na mutu wani bazai iya shuru ba saiya fada abu mara dadi akaina koda bayan shekara dubune,dukka wannan sharrin ka tunkudemin shi,ka yarda karayu da zancan yana cinka cikin zuciyarka,ka yarda da hukunci daya da zaka iya yimin shine ka rabu dani,babu wani alkhairi anwar dayakai haka,babu wata soyayya datakai wannan wadda zaka boye dukkan wani abu na masoyinka komai girmansa kaqi yadda wani yasani,ba abinda zance dakai sai godiya,sannan inason ka yafemin bisa mummunan zaton yaudarata dakayi kan ka sauya nafisa dani,ashe duka hoton hadine?,me yasa hankalinmu duka baikai kaiba?" Ta qare maganar tasigar tambaya muryarta na rawa kukan na sake taso mata
"Allah ya qaddara dole mu rabu da juna kowa yaje yasamu rabonsa na tsahon shekara shida,amma dayake ALKAWARINSA ne saimun auri juna yanxu ba gashiba?"
"Me muka musu haka rayuwa?" Ta jefa masa tambayar abun na sake mata ciwo
"Ka yefemin,duk ni na janyo dana yarda na karbi abun maye a matsayin magani,bansan cewa matsala na qarawa kaina ba,yanzu gashi ya barwa rayuwata babban tabo,yayi sanadin dana rasa mahaifina,ina dab da rasa mutuncina Allah ya rufamin asiri daya sanyaka masoyi mairufun asiri ga masoyinsa,bamai tonon asiri da kwaroroto kan....." Kuka ya sarqe ta ta kasa qarasawa,wanda hakan ya sanyashi fitowa da sauri ya zagayo kujerarta,ya saka dukka gwiwoyinsa a qasa
"Nina cancanci naroqi alfarmarki bake zaki roqi tawa ba" sa sauri takama hannayensa daya hade waje daya tace
"ka daina don Allah,ka tashi daga gabana" sosai ta riqe hannayensa nasa saiya tsaya yazuba mata idanu tausayinta na kamashi,tanata qoqarin hadiye kukan
"Zan tashi amma bisa sharudda biyu,wataqila idan biyun sun fada na sako sharadi na uku" ya fada cikin son maida mode din bacin rai da suke ciki su duka zuwa wasa da raha,kai ta gyada masa alamun tana jinsa
"Na farko daga yau kimin alqawarin ba zaki sake cewa abba ya rasu ta sanadinki ba,ki yadda da qaddara cewa ko babu abinda yafaru dama kwananshi ya qare,hakanan bawa baya tsallake wa'adinsa,babu me kashewa ko rayawa sai rabbul izzati" kai ta gyada masa da dakusashshiyar muryarta tace
"In sha Allah" kai ya gyada cikin jin dadi sannan yadora
"Nabiyu karki qara tunama ranki ko saudaya cewa kin taba shan wani abu da sunan abun maye,kinsha bisa kuskure da rashin sani,kin tuba kuma tuba maikyau irin wanda Allah yakeso tuntuni,sabida haka ko cikin babin zunnuban da kika aikata babushi,kin yarda da wannan?" Shima kai ta gyada yace
"Good,na uku daga nan wajen,nan wajen da muke" ya sake fada yana jaddadawa gamida nuna wajen da yatsa
"Kin bar duk wani kuka tunani ko bacin rai,kimin Alqawari don Allah"
"In sha Allah" ta sake fada cikin confidence taba goge hawayen da tafin hannunta
"Ma sha Allah,matata 'yar aljanna,sai abu na hudu duk da ban lissafa dashiba na fada?" Ya fada yana fiddo ido kamar qaramin yaro wanda hakan yasata murmushi
"Fadi mana,ka manta tsakanin anwar da shahida babu wani boyeyyen abu,sai wanda shahidanu suka so hadawa,Allah yadubi dukkan zuciyar kowannensu ya fallasa abin?" Kai ya gyada cikin jin dadi da gamsuwa
"Inaso kimin alfarma,don Allah alfarma nace,ki dawo dason anwar kamar yadda yake cikin zuciyarki"
"Fiye dana baya ma" qirjinsa yadafe ya lumshe idanu kamar yadda ya taba mata randa tace tana sonshi
"Wayyo ni dan gatan rahamatulshahida"
wani kyakkyawan murmushi ya subuce mata,duk wani feelings nata a kanshi daya tafi a baya taji a hankali a hankali yana dawowa,ya miqa mata hannunsa tadora nata akai,cikin muryar dake nuna tsantsar qauna da kulawa
"Na miki alqawarin maidake sarauniyar mata,saikinji a jikinki cewa babu wadda takaiki sa'ar miji cikin mata" idanunta ta waro tana murmushi
"Karfa ka fasamin kai da yawa"
"Ki bugi qirji ako ina,ki tsaye kan kowanne bigire ki daga murya ki fada,kice kuma ni anwar nina gaya miki haka" daga hakan ya dagata,yana riqe da hannunta sukaci gaba da takawa zuwa cikin gidan,jinsu suke cikin wata sabuwar duniya,sunajin kamar su kadai suka rage daga ita saishi,dan dubanta yayi kafin su qarasa falon
"Ammafa kafin mu taho daga katsina daada ta kiranu tace baki da kafiya na kula dake,meya sameki?" Baki tadan turo tana tuna tsiyar da daadan ta dinga mata
"Ni lafiyata qalau,kawai wai cewa tayi........" Sai kuma ta kasa qarasawa
"Uhmmm,cewa tayi me?" Shuru ya sake masa,ganin kamar bata da interest kan maganar ya watsar da ita.

Bayan sun gama shirin kwanciya zama na musamman sukayi ko ace zaman tuna baya,ya dinga zaqulo wasu daga cikin kyaututtukan data masa,mamaki yadinga kamata,ta tsammaci yarabu daduk wani abu daya shafeta ai kamar yadda ya rabu da ita,lallai wannan kawai ya isheta hujja kan cewa taba ranshi,kuma qauna ta domin Allah bata mutuwa,saidai wani abu yaso murqusheta.

Babban abinda ya qara masa kima da daraja cikin wannan lokaci shine duk wata takarda daya mata fadi tashin samun makaranta tana hade waje guda kamar yadda ya amsosu,takaddu da albishir din dayaso mata kenan ranar da aka tarwatsa tarayyarsu,duk yadda taso saida tayi kuka,tana sake amanna da qaunar anwar din gareta,kafin wani lokaci kuwa zazzabi ya rufeta ruf wanda shiya tarwatsa musu daren nasu,yayi yayi kuma suje asibiti tace zata warke,cikin taimakon Allah zuwa safiya zazzabin yasauka,ta shiga sabgoginta.

Wunin ranar gaba daya yana maqale da ita,hira ba kalar wadda basuyi ba,kowanne ya baiwa dan uwansa labarin yadda yarayu bayan babu daya,abu guda taboye masa shima kuma bai tambaya ba wato silar soma shaye shayenta,abinda yasa bai tambaya ba shi harga Allah ya rufe wannan babin daga rayuwarshi,ita kuma tana ganin hakan kamar tona asirin mahaifanta ne,duk da cewa anwar yana ganin qima da darajar iyayenta fiye da kima da tunanin mai tunani,tun a wunin ranar tagama karantarsa tsaf,ta masa uzuri tasan kuma yayi haquri hakanan ya jigata,saidai ta bari daya tsoro yacika gaba daya na yadda zata kaya musu,don bata manta wahalar datasha ba a baya,duk saita koma sukuku,ya ganeta sarai ya dinga mata dariya yana tsokanarta.

Koda daren tayi mamakin yadda komai yazo da sauqi ba kamar yadda ta zata ba,ya tafi da ita cikin lallabawa da nuna qauna da soyayya,saidai bayan sallar asubama bai batta ta huta ba,nan ta baje kolin shagwabarta tayi abarta son ranta shi kuma ya biye mata,wuni sukayi suna shayar da juna zallar madarar so da qauna da kuma kulawa,dukka sun fanshe wani rashin kasancewa da juna da sukayi na tsahon shekaru shida.

Kwanansu biyu kafin yasamu ya lallaba a safiyar ranar yace zaije office,kaman ta hanashi fita haka taji,saidai kuma tana tunanin wala'alla daganan zai zarce gidan nafisa ne,haka ta wuni sukuku a kwance bata iya tsinana komai ba,kishinsa da batayi ba a sanda zai qara auren sai a yanzu yake nuqurqusarta,amma ga mamakinta sanda tagama wanka tana tsaka da shafa turare bayan tasauya kaya aka turo qofar,take taji zuciyarta ta washe,duk wani quncinta yatafi,ya qarasa inda take tsayen ya rungumeta ta baya yana sakin ajiyar zuciya mai qarfi,yana kallon fuskarta ta mudubin dake gabansu
"Kaman na shekara daya ban ganki ba Allah shahidana,ya Allah wannan wanne irin sone mai qarfi haka?,anya baki roqi Allah ba kan duk sanda yatashi sake dasa min sonki ya dasaminshi bada wasa ba?",dariya yabata saita murmusa kawai
"Ni don bakasan ya nakeji bane,ya naganka ka dawo?,na zaci kawuce?"
"Ina?" Ya tambayeta ba tare daya saketa ba
"Gida?" Ta amsa masa a taqaice
"Wanne gida?,dama inada gidan daya wuce nan ne?,pls banason ki sake cewa komai,daganan har zuwa wani lokaci duk abinda zanyi ki zuba ido kawai,don Allah karkice komai"
"Kome dai zakayi nidai abu daya zance maka,ka yiwa kowa adalci"
"Abinda nake shirin yin shine kawai adalcin da zan iya nunawa" daga haka ya janyeta bandaki,ya bata duka wankan da kwalliyar saida suka sake wani tare.

Kwana biyu yayi yana fita office don yanason yayi handling komai hannun muhsin na wasu watanni,don yanason ya tattara shahidan subar qasar gaba daya su huta.

Cikin sati daya komai ya kammala,bai gaya mata ba sai daya zama saura kwana uku tafiyar,taji dadi qwarai donko babu komai tafiya mabudin ilimice,ya dauketa yakaita gidan anty zubaida ta wuni,itadai anty zubaidan nata kallonta,tanason tace wani abu amma tayi shuru ko tana tunanin hasashenta ne kawai,sannan ita kanta shahidan bataji tace komai ba,washegari kuma yakaita gida nanma ta musu sallama,anan ta tadda bikin mubina saura watanni uku kacal,tayi farinciki sosai da irin mijin data samu,sai yamna lis gab da magariba yazo ya dauketa suka wuce gidan anty usaina don itama suyi mata sallama,haka ta tafi tana kewar 'yan qannen nata kowa na bata sautun abinda yakeson ta siyo masa.

Gidan anty usaina ta sake abinta sosai kamar ba yayar mijinta ba,batasan me yasa Allah ya hada jininta da ita haka ba,sunsha hira taci tuwonta acan san ranta,itama anty zubaidan binta take da kallo da kuma ayar tambaya,saidai itama taga kaman su anwar din basu fahimci komai ba,iya kallon kulawa da anwar din kebin shahidan dashi duk wani motsinta kawai ya isa ya gaya mata komai,ta dinga sakin ajiyar zuciyata tana yiwa Allah godiya ita kadai,sai bayan shahidan ta basu wajene ta dubi anwar din
"Don Allah anwar kakula da yarinyarnan dakyau"
"Meya faru anty?"
"Inaganin kaman bata da lafiya sosai,bayaga haka kuma inason ka kula da ita kulawa irinta soyayya tausayi da jin qai,shahida mutumce anwar,tasoka tun bata da tabbacin xaka zama wani,ta sadaukar da komai nata saboda walwala da farincikinka,banajin duk duniya zaka samu soyayya makamanciyar tata" murmushi yasaki
"Anty,wannan fadan tun kafin ayimin nayiwa kainashi" zancan sosai yayiwa anty usaina dadi,saiya dora
"Kwanaki haka daada tacemin bata da lpy,to amma na tambayeta tacemin qalau take,sannanma bata wani ciwo,tayi zazzabi dai sau biyu daganan bata sake ba,saicin abincinta ma daya qaru kinga ko babu batun cuta" murmushi kawai tayi ta gyada kai tace gaskiya kam.

Wajen tara na dare suka baro gidan anty usainan,saidai abinda ke baiwa shahida mamaki shine ba wanda ya mata magana kan abinda yafaru na tafiyarta katsina,kenan babu wanda daada ta gayawa abinda yafaru?,murmushi tasaki,daada kenan,daada ta wajenta,tabbas dada ta musamman ce,badon tsananin rabo ba da Alqawarin Allah akansu ba,da yanzu ba wannan batun ake ba,da tuni tabar anwar,anwar yabarta,sun rabu kenan rabuwa tahar abada.

Amwar ne daya lura da murmushin da takeyi ya damqe hannunta
"Yadai tawan?,naga kinta murmushi ke daya,hala an tanadarmin wani babban abun anjima" ya qarashe maganar yana daga mata gira,saita ture hannunsa dake saman cinyarta tana jefa masa hararar wasa
"Ba wani nan,nikam baccina yau zanyi"kai ya langabe mata yayi kalar tausayi
"Haba mana anshad,a tausayamin mana,jiyafa ba'a sanmin ba,yauma kuma sai ace a'ah?"
"Badon halinka ba" ta fada tana murguda masa baki,yadda tayin yabashi dariya sosai,daga bisani tayi shuru tana tunanin ina nafisa wai?,kodai sakinta yayi bai gaya mata ba?,ya gaya mata ba huruminta bane karta sake magana hakan yasa dole tayi shuru.

Kai tsaye qasar germany suka soma yiwa tsinke,ya kama musu hotel mai kyau da tsari wanda zai dace da yanayinsu da kuma tsarinsu,kwanakin da sukayi a germany kwanakine masu matuqar tsayawa a rai,kwanakin da suka zamto musu haske a rayuwarsu,kwanakin da cikinsu babu wanda yakejin zaya manta dasu cikin kundin tarihin rayuwarsa,an zuba soyayya iya soyayya,an barji amarci,an tada tsohon tsumin soyayya wanda akaso kashe musu shi,wata irin soyayya ke tasiri cikin zukatansu,take habaka kullum kwanan duniya,yanayin garin ya karbesu gaba dayansu,wanda kallo daya zaka musu gaba dayansu kaga sauyi tattare dasu,kada ma shahidan taji labari,wanda sau tari anwar din kan koma saikace wani dolo,yazauna yayita binta da kallo duk inda tayi,idan tayi qorafi kuma maimakon ya amsata sai kawai taji yana hamdala,tun bata saba ba har abun ya zame mata jiki,sunyi yawo gurare daban daban har shahida ta gaji,zata iya cewa wannan lokaci bata yaba spending time me dadi a rayuwar ba irin wannan lokaci.

Wani kwanciyar hankali da salama ta ratsasu gaba daya,sun manta da dukkan wata matsala,sun daina tuna kowa da ganin kowa sai junansu.

🎍🎍🎍🎍🎍🎍🎍🎍🎍🎍🎍

Zaune yake kan kujerar dake falon dakin nasu na hotel,yayi kyau cikin wasu kayan sanyi da wando three quater,qafafunsa miqe saman wani abu mai kama da tum tum yana amsa wayar da yanzun nan anty usaina ta kirashi,wanda hakan yasanya shahida miqewa wanda daa tana kwance ne a jikinsa suna hira,tahau kintsa dakin daya hanata dazu,yace tayi zamanta shikam sanyi yakeji yanada buqatar duminta.

Wayar yake amsawa amma duk inda ta gifta idanunsa na kanta,dogon wandone a jikinta wanda ya kamata dam,ya fidda shape dinta sosai,rigar jikinta ruwan hoda me wani irin adon duwatsu masu haske ta haskata qwarai,hakan yasa tasake daukar hankalinsa,rabin hankalinsa naga wayar,rabi naga shahidan
"Kiraka nayi inji dalilin daya sanyaka jingine matarka kana mata wannan wulaqancin dacin kashin anwar"
"Matata?,nafisa?" Mamaki ya kama anty usaina,tsoro da taraddadin karya soma halin nasu na zama ganin yasamu shahida
"Auni kake tambaya?,bayan shahida da nafisa kana da wata matarne halan?" Shuru kawai yayi yana sauraren anty usainan,don sunanta kawai yasa yaji ranshi ya cunkushe
"Ina iliminka hankalinka da tunaninka yatafi anwar?,me tayi maka haka zata janyo abinda zai jefaka cikin halaka ranar gobe qiyama,ashe har diyar alhj abba ta cancanci haka daga gareka?,kaga yadda tarame ta fige ta lalace?,kana tunanin idan mahaifanta sukaji ko suka gani ransu xai musu dadi?,me tayi maka?"
"Ashe bata gaya miki abinda tayimin ba ko?"
"Eh bata fada ba,tace dai ta rasa gane kanka,don me yasa zaka aikata mata haka?" Ciki sanyin rai da salama yace
"Kiyi shuru anty don Allah,ki sata gaba ta gayamiki abinda yafaru,idan ta gama kuma ki sakata ta rantse kan gaskiyar maganar ta gaya miki,daganan sainace miki kiyi hukunci kan batun"
"Kai me yasa ba zaka gayamin da bakinka ba?"
"Ita tasoma kawo qara kinga a bakinta yakamata aji komai da komai,ni ban kawo qararta ba,kuma bance tamin wani abu ba" shuru anty usaina tayi tana nazari,ba shakka tasan halin anwar ciki dabai,kaifi dayane,hakanan qarya bata cikin tsarinsa ko za'a kasheshi kuwa,to amma duk da haka yau da gobe sai Allah,kuma batason nuna masa wani abu mai kama da goyon baya bare yasamu mafaka,saboda haka rufe idonta ta masa fada sosai tace zata kuma nemi nafisan taji meya faru,shidai qarshen magana yace idan ta gaya mata koma meya faru zata iya nemansa,takumayi masa duk fadan da taga dama.

Yana aje wayar suka hada idanu da shahida,ta langabe wuya ta bude baki zatayi magana ya dora yatsanshi saman lebbansa yace
"Shshshshsh!!" Sannan ya mata nuni da hannu kan ta taho,ba musu ta aje abun hannunta,ta taho a hankali ta fada jikinsa,tanason saka baki amma qiri qiri ya hanata cewa komai,lullubeta yayi cikin jikinsa yayi kissing goshinta a tausashe sannan yace
"Shuru nake buqata,na yafe hirarma" hakance kuwa ta kasance,sukaci gaba da zama shurun a haka har barci ya sacesu.

_zaku jini shuru gobe,zan taho muku da sauran pages dinku,nidai a nunan kara aci gaba da sauraron littafaina a SAUTIN HIKIMA dake youtube_🏃🏾‍♀️🏃🏾‍♀️🏃🏾‍♀️🏃🏾‍♀️55





*_ina ma'abota karatun tsararrun labari masu dauke da tarin darussan rayuwa?,maza garzaya ka nemi littafin 'YA'YA NA,na haziqa fasihiyar marubuciya NABILANCY LUV,littafin 'YA'YA NA,labari ne daya qunshi soyayya mai ban tausayi,soyayyar wa da qanwarsa ba tare da yasan ciki daya suka fito ba,garzaya ki sayi naki kan farashi mai sauqi,sannan ku saurari littattafan marubuciyar a tasharta ta DA BAZARKU NOVELS dake dandalin youtube,karki sake a baki labari_* 🏃🏾‍♀️🏃🏾‍♀️🏃🏾‍♀️🏃🏾‍♀️🏃🏾‍♀️🏃🏾‍♀️🏃🏾‍♀️






Aqalla saida suka kwashi cikakkun watanni biyu suna hutawa sannan soma suka shirin dawowa qasarsu,har sannan anty usaina tana masa mitar nafisa,amma yace shi bazai sauraraba,yayi alqawarin zama ayi maganar duk sanda tagaya mata abinda ta aikata masa,amma tunda bashi yakawo qara ba bayanin me zaiyi.

🎍🎍🎍🎍🎍🎍🎍🎍🎍🎍🎍


Cikin fushi tasake cire rigar karo na hudu tajefar da ita itama,ranta na suya kamar zata fashe,anwar dake zaune gefe dariya tanacinsa kamar ya mutu amma haka ya cinye kayarsa
"Wannan ce ta biyar,idan taqi shiga itama saidai a haqura da fitar"
"Yi bismillah dai ki gwada,in sha Allahu za'a dace" ya qarashe maganar yana wayancewa da tari saboda dariyar data ciyoshi,tun rannan suke musu,yace mata tazama 'yar lukuta amma sam taqiya tace yafita yin qiba.

Kuka kawai yaji ta fashe dashi bayan ta wurgar da rigar ta samu waje ta zauna,da hanzari yatashi yana cinye dariyarsa ya isa inda take yajawota jikinsa yana lallashi
"Haba anshad dina.....yanzu meye abun kuka a ciki?"
"Wallahi qibar nan ta isheni,duk bakai ka jawo ba,kayita bani zaqi da maiqo kace naci babu komai?,duba fa tumbina don Allah" ta fada tana jawo hannunsa saman cikinta ta dora,saiyadan fiddo ido,shi kansa yayi mamakin yadda cikin nata ya daga fiye da jiya,don ko a jiya bai daga haka ba
"Yanzu kiyi shuru bari nasake lalubo miki wata rigar ki saka saimu fita,daganan saimu biya asibiti su baki maganin rage qibar da tumbin" ya fada yana miqewa yanufi ma'ajiyar kayansu yafidda mata wata doguwar riga free size,Allah ya taimaketa tana sakawa tayi mata,hakanan tashirya suka fice.

Sai da suka gama duk uzurorinsu sannan yaduba wani asibiti ta internet wanda suka qware kan duk wani abu daya shafi mata,yabi map wanda ya nuna mishi hanya har asibitin.

Dukkansu suna zaune gaban likitan bayan sun gama masa bayani,yayi rubuce rubuce sannan yace zata shiga wani abu wanda zaiyi scanning jikinta duka,zai nauyinta,tsaho da maganin daya dace da ita.

Cikin mamaki baturen likitan yake kallan anwar idanunsa a waje yana cewa shahida maza tasauko cikin yaren turanci
"Yallabai?,ka taba ganin an baiwa mai ciki maganin rage qiba?"
"Wacce mai cikin?" Saiya nuna shahida
"Matarka mana,tana da ciki ta yaya za'a bata maganin rage qiba?" Idanu shima ya fiddo duka suka kalli juna lokaci daya shida shahida,ta dubi likitan
"Bani da wani ciki,bani da komai"
"Bata da ciki dr"
"Taya zaku qaryatani bayan gashi na gani da idona,idan baku yarda ba muje dakin scan".

Dukkansu idanunsu na kan allon computer din scanning din sanda yasoma yawo da abun gwajin saman cikin shahidan,Allahu akhbar,saiga baby nan wanda yasoma girma halittarsa soma sauyawa zuwa ta mutum,daga anwar har shahida qamewa sukayi kawai,anwar yanajin kansa yana zagayawa cikin duniyar farincikin da yakejin babu irinta,yayin da shahida wani abu me sanyi yashiga ratsa ranta,yau itace dauke da cikin anwar dinta?,yau itace cikin qudura da hikimar ubangiji xata samawa anwar da ko 'ya?,likitanne ya katse kowa cikinsu yana cewa
"Hala madam batayi ciwo bane shi yasa bakusan da shigar cikin ba?" Hannu anwar yasa yadauke siraran hawayen da suka ziraro masa ta gefan idanunsa yana baiwa likitan amsa
"Ko kadan,ba wanda yakawo ciki gareta"
"Haihuwar fako ce?" Kai ya kada masa yana miqa hannunsa zuwa ga shahida,ta saka nata a ciki ya matse gam yana kallon qwayar idanunta,wata qaunarta da soyayyarta nasake tasiri a ranshi,yanajin duk duniya babu wani abu daya isa ya shiga tsakaninsu yanxu,ko mutuwa tayi yanajin zai iya binta
"Saiku kula da kyau daga yanzu tunda kun sani,gashinan baby ne sati goma sha biyar" ido ya sake fitarwa yana girmama lamarin ubangiji,wata uku harda wani kwanaki akai amma cikinsu ba wanda yakawo cikin ranshi?,anan likitan yarubuta mata 'yan magunguna na qarin lafiya,sannan sukayi xaman dirshan aka samu nurse dake kula da masu ciki tamusu lacture na yadda mace zata kula da kanta da babyn cikinta,wuni guda ana abu daya,matar tasha tambaya,saidai dariya kawai da take sam bata gaji dasu ba,don ita abun ya qayatar da ita sosai sun burgeta,tasha jin ana cewa baqaqen fata musamman hausawa basu iya soyayya ba ashe qarya ne,ta qaryata hakan akan anwar da shahida,sai yamma sosai sannan suka dawo gida,nanfa sabon fi'ili yatashi,bata da katabus anwar ya sanyata a gaba,ko sanda sukazo kwanciya ya cuso kanshi saman cinyarta gaban cikinta,ta zaro idanu
"A'ah,yaaa anwar karfa ka bugeni" ta fada a shagwabe,baki ya kama
"Ni na isa,inason in cewa babyna gudnyt ne" dariya yabata,tace
"Yau kuma?,babyn da ba'asan dashi ba saiyau shine duk za'a soma matsantamin" wani tsalle yayi yadawo yazauna dirshan saman gadon yana dubanta
"Inji wa?,kinsan na dade inaji a jikina ciki ne dake?,kawai na qyalekine don naga kamar tsoronshi kikeji,kumama kinsan me?" Kaita girgiza murmushi mai kyau yana fita a fuskarta,saida yamatso sosai yadora kanshi kafadarta saitin kunnenta sannan yace
"Idan ban manta ba,lissafina yayi dai dai da randa nake tunanin nayi ajiyata fa,kin tuna ranar?,randa nace ki taimakeni mutuwa zanyi,ashe kuwa da baki taimakeni ba shahida mutuwar zanyi alhalin datai a jikina,daga sanda nafisa tazama uwar yarana aina mutum,duk dadai ko banza nasha yakushi da cizo da duka ma duka,ranar nasha wuya ba kadan ba" ya fada yana mata cakulculi wanda ya sanyata curewa waje daya kunya na kamata tana dariya qasa qasa,ajiyar zuciya yasaki wanda tashiga kunnenta ta tada mata tsigar jiki
"Alhamdulillah,Allah ya taimakeni ya kadoni daga dakin nafisa yasanyani nayi ajiyata a kyakkyawan muhalli,bigiren daya dace,jikin uwa tagari,na godewa Allah da wannan karamcin daya yimin,na godewa Allah daya cikamin burina yasanyaki zaki zama uwar 'ya'yana abinda naketa buri tun bansan alfanun haka ba" luf tayi tana sauraren yadda yake kodata,tana godewa Allah bisa dacen miji datayi,ajiyar zuciya itama tasauke
"Amma haskena....ya kamata ka waiwayi nafis...." Yatsanshi ya dora saman lips dinta wanda hakan ya sanyata kasa qarasa maganar
"Nafisa babu abinda zan mata,bazan iyaci gaba da zama da ita ba,duk wanda yace nazauna da ita amatsayin matar aurena ba shakka ya zalu ceni zalunci mai yawa,hakan kuma na nufin ta haifamin yara daga jikinta?,Allah ya tsareni,bakisan haqiqanin wace ita ba,yarinyar da har yanzu nina mata lefi ba ita tayi kefi ba nare ta saduda tanuna nadama,abu dayane zai hana na bata takardarta direct hannu da hannu na maidata gida,girma da qima da darajar alhj abba,amma duk randa ta gaji da zama da kanta zata bayyana abinda ta aikata kota nemi saki,wannan shine sakamakonta,mu rufe wannan caftar karmu bata darenmu,matso kidan sanmin" ya fada yana cukuikuyeta,tunda yafadi hakan tasan me yake nufu,alhmdlh bata da matsalar rashin lafiya ko kuma lalura,don haka bataga abinda zaisa ta nesanta kanta da mijinta ba,cikinta lafiyayye ne,irin lafiyar da ita kanta tayi mamaki,duba da yadda mata ke fuskantar qalubale daga wannan zuwa wancan daga sanda suka samu ciki harsu haifeshi.

Cikin nasara farinciki nutsuwa da kwanciyar hankali suka koma nigeria,suka tadda kowa lafiyar Allah,sun sage zaga wadanda suka dace sujewa,a sannan ciki dai yasoma bayyana kanshi,murna wajen anty usaina kamar tayi me?,ranar saidata dafa abinci mai azabar yawa tayi sadaka,burinta zai cika,burinta na taga dan anwar a duniya,jikokin iyayensu xasu qaru,bata fasa masa fada kan nafisa ba nashi kawai murmushi,sai washegari yashriya zuwa gidan don yanason yasake debo musu wasu kaya.

Yana gama parking mota ya tunkari gidan,ya tura qofar saiya sameta a bude,tun kafin ya qarasa falon yasoma jin tashin hayaniya da zage zage,dab dazai qarasa din tafito da sauri kamar zata fadi suka kusa cin karo da anwar,yaja da baya yana dubanta,fiddausi ce,tabbas itace,saiya koma da baya ya saka muqulli ya datse gate din gidan sannan ya daga waya yayi kira na 'yan mintuna sannan yakashe,sanda yadawo dukkansu suna tsaye cirko cirko itada fiddausin,jikin fiddausi rawa kawai yake don tasan komai,ba shakka da tasan haka zata faru