You Cannot Download this book untill you login but you can read it .

---

Login Register

bayan babu shahida?,akwai wani abu daya kaimin ita muhimmanci ne?" Nauyi yadan kamata,sam anwar din kamar wani me sambatu,zarar magana yake kanshi tsaye,'yar kunyar dake tsakaninsu ma ya manta da ita
"Don Allah daada,Allah yasani dake na dogara,dukkan wani buri da fatana yana kanki" ko banza tasan iya kwanakin kawai shima ya dandana,tana sane itace ta amshi wayar shahida ta tayata kashewa,shi yasa daga bisani koya kirama bata shiga
"Anwar,nayi niyyar horaka ne kuma alhmdlh dukkan wata gaba ka tsallaketa,zanyi wani aiki da nake fata shizai daidaitaka da shahida,abinda yasa tunda farko ban goyi bayanka kai tsaye ba tare dana horaka ba shine,akan samu matsala tsakanin miji da mata,amma babban cikas da koma bayan da ake samu shine,dangin mata sukan rufe ido,suqi tsayawa su saurari qorafin diyarsu bare subi diddigin matsalar abi mata haqqinta,kawai koma meye yafaru sai ace taje tazauna taci gaba da haquri,saboda suna tsoro kada yarinyarsu tazama bazawara ko aurenta yamutu,bayan hakan ba aibi bane,babban abinda ke sake bazama surukai ya qara musu qaimin azabtar da matarsu shine irin wannan,data kawo matsala wasu kota bakinta baza'a saurara ba za'ace tashi ki koma kiyi haquri,komai girman matsala kuwa,kumashi babu mai tsawatar masa koya nemi yadaina,saiyayita cin karensa babu babbaka,duk da alhmdlh kaidin baka cikinsu,kuma dukkan wata alama dake nuna nadama da danasani na ganta tattare dakai,zan shiga lamarin ammafa ta bayan fage,sai kuma ka yadda da shardan dazan gindaya maka" da sauri ya gyara zamanshi cikin zumudi yafurta
"Kowanne irin sharadine indai har shahidana zata dawomin zan iya daukeshi" kai tajinjina tana murmushi
"Nafarko kasa haquri aranka ka kula da aikinka,nabiyu banason ka yawaita zuwa gidan nan,koda zakazo din a qalla yazamana sau daya idan yayi tsamari sau biyu a sati,na ukun kuma jigo shine,bazan taba nunawa shahida cewa ina bayanka ba,zan nuna mata a bayanta nak,nasan halinta sarai wannan shine kawai hanyar da zan dawo da ita hanya,na sani ko rantsuwa nayi bazanyi kaffara ba cewa akwai soyayyarka cikin zuciyarta amma daskararriya,zanyi qoqarin farkar da wannan qauna da tausayin da tun asali take maka,wanda shine hanya daya tilo,sabida haka zaka jure kyara kora baqar magana daga wajena ka fahimta?" Kai ya gyada cike da gamsuwa,duk da sharadin rashin ganin shahida yafi kowanne yi masa tsauri,amma dole yadaure
"Na fahimta daada,kuma nagode Allah yaqara girma,amma daada,wayarta fa,batashiga koda nakira"
"Karka damu,tana wajena,zan bata,amma sai lokacin da hakan ya dace" godiya yasake mata wanda daga bisani daadan tamiqe cikin daga murya
"Saika tashi ka koma inda kafito,don jikata babu inda zata koma tunda kai bakasan darajar aure ba,bakasan darajar matarka ba,ka wulaqanta mana diya,karna sake ganin qafarka idan ba takaradarta ka kawo mata ba" tun shahida na kwance tana saurare tana sakin ajiyar zuciya harta miqe tazauna tana sauraren yadda daada ke babbaka fada kaman zata ari baki,yayin da nawar ke faman roqo da namen yafiya,daga bisani taji dif alamun yatafi kenan,saita koma takwanta tana tuna irin kalaman da daadan take.

Duk da cewa sunyi da daada zuwa biyu zai dingayi a sati amma saiya gaza hakan,yakanzo sau uku ko hudu,wanda daadan kanyi lamfo tadinga zabga masa fada da sababi,barinma idan idanun shahidan biyu,tana boye cikin dakin daadan ta fuskanci tana jinsu,duka wannan ba damuwarsa bane,duk zuwan da zaiyi saiyayi addu'a,Allah yasa yasamu ganin koda giftawar shahidan ne,akwai sanda yaqi tafuya da wuri,amma haka yaqaraci zamansa yatafi bata yarda koda labule ta daga ba bare tafito.

Bangaren nafisa kuwa duk inda tashin hankali yake nata yakai nan,daga sanda ta fuskanci cewa anwar ya qauracewa gidan ne gaba daya,babu wani abu daya raga mata wanda idan yana nan akeyi,komai akwai cikin gidan kai kace yana nan,saidai kuma tun ranar daya saka qafarsa yabar gidan bata sake ganinsa ba,sanda ta kirashi kiran yashiga saidai ba'a daga ba,sai bayan wasu lokuta aka biyo kiran,kuka tafashe masa dashi waiko zuciyarsa xatayi laushi,abinda batasaniba shine haushin kukan nata dayakeji ya zarce misali
"Dakata malama,karki cikamin kunne ya akayi." Ya dakatar da ita,wanda kakkausar muryarsa ta dauke mata kukan cak
"Ta yaya zaka barni a gida a jingine?,me nayi maka da zaka qauracewa gida,baka nemana,idanma shahidan ce ta janye maka hankali ko gida ka raba mana ai a qa'idar addini raba kwana ake ko?" Idanunsa a lumshe yana kwance rigingine sanda take wannan maganar,ambatar sunan sunan shahida da tayi saiya zama kamar wani fami ne tayi masa,qyamar nafisan tasake cika masa rai,yadinga tuno maganganu da labarin boyayyun halayen nafisan dayau saurayin da yasa aka kame masa wanda shiya watsar da shahida qofar gidansu yake bashi,tun yanaji har ya kasa zama ya saurara ya miqe yafice ba tare daya gama ji ba,yadinga jin cewa tacuci mahaifanta mutanen arziqi,ta yaudaresu taci amanarsu,donya tabbatar suma basu da labarin duka wannan badaqalar,ta yaya zasu zaci tana zuwa club har idan ta kama takwana a can,bude idanunshi yayu tarwai yana kallon dakin nasa da yake ciki sannan yasoma magana cikin izza
"Abu nafarko da zan gargadeki dashi shine,sunanta yafita daga bakinki,abu nabiyu kuwa matsayin da kike ciki shine yadace dake,abinda nabaki kuma shine akwai abinda kike da buqata,gargadin dazan miki shine,karki kuma kirana" ya maimaita har sau uku sannan yadora
"Idan kika sake kuma kika tako gidan da nake ciki,bama gidan da nake ciki ba,idan kika sake kika aikata haka a bakin aurenki,ban yarda naga qafarki a waje ba,hakanan ban yarda naga qafar wani cikin gidana ba koshi waye,ki kiyaye" daga haka bai sake saurararta ba ya kashe wayar.

Bin wayar take da kallo baki a sake,wannan wanne irin tashin hankali ne yake shirin tunkarota?,tayiwa kanta tambayar da bata da amsarta.

🎍🎍🎍🎍🎍🎍🎍🎍🎍🎍



Duqe take gaban famfon dake tsakar gidan sanye da riga da skert na wani yadi mai rawa wanda yazauna mata das a jikinta,ka ta babu dankwali sai kalba manya da daada tayi mata,jelolin kitson suka biyota saboda duqawar datayi,kayan sawarsu take daurayewa ita da daada,Allah Allah take tagama ta je tadauki alalen gwanwgwani na manja daadan tayi musu yau,don sam kasa yi tayi ita tayi niyya,saboda idan tayi da kanta saita kasa ci tarasa dalili.


A nutse yayi parking din sabuwar farar motarshi dayau yasoma hawanta,wani kyau na musamman yaudin yayi,yana sanye da wani yadi na maza mai taushi da rashin kauri,wanda har kana iya hango fara qal din vest dinsa taciki,dinkin da kadan yawuce gwiwarsa,haka hannun gajere ne iya gwiwar hannu,idanunsa glass ne mai garai garai wanda ka iya ganin qwayar idanunsa,baqin sau ciki da baqin agogon hannu na fata na maza,sosai yake qamshi kamar yadda yasaba a al'adarsa,a nutse yashiga soron gidan,yana addu'a tare da fatar yasamu yau ya ganta.

Sallama biyu yayi babu amsa,saboda haka yadan leqa tsakar gidan don yaduba koba kowa a gidanne,idanunsa suka hango mishi ita,wani abune ya tsirga masa tun daga kansa har qafa,ya kafa maya idanu yana kallon qugunta daya sake budewa,saiyaji kaman ana jansa zuwa gareta,yataka zuwa bayanta ya tsaya yana qare ma lungu da saqo na jikinta kallo.

Ko kusa bataji sallamarsa ba ko tsaiwarsa,saidata gama matse kayan ta dago sannan ta juyo cikin gaggawa da niyyar shanyawa a igiyar dake bayanta,karan taci karo da mutum kana ta fada jikinsa,baiyi sanya ba ko daga mata qafa yasa hannayensa gaba daya ya lullubeta tsam cikin jikinsa yana maida numfashi,saita soma kiciniyar qwace kanta
"Lafiya malam,meye haka?,me kakeyi?"
"Kewarki nake shahida,wallahi na azabtu sosai,don Allah shahida please,ki tsaya ki saurareni" dukka qarfinta ta sanya ta tureshi sannan tasoma yunqurin shigewa dakin bayan tasaki kayan shanyar hannunta,caraf ya damqo hannunta,saita waiwayo suka shiga kallon kallon,kyau da qyalli gami da taushi da fatarta ta dadi yi yanason gigitashi,fuskarta tayi wani fresh tana fidda annuri,qirjinta yaciko kaman yadda hips dinta suka fito,idanunsa taga yana mata wani haske da kwarjini,yaci gaba da kafeta da kallonshi yanason kallon yabi duk wata jijiya da jini na jikinta ya karya lagonta,ganin kamar yasoma samun dama yasanyashi zare gilashin idon nasa yaci gaba da jefa mata guba a kallonsa,yarrr taji jikinta yayi,wanda yasanyata cikin gaggawa tasake tureshi da sauri ta afka dakin nasu.

A tsorace daada dakejin redio wadda batasan dukka abinda ke faruwa ba ta tashi daga kashingidar da tayi tana tambayarta lafiya?,bata iya tsaiwa amsa mata ba tafada dakin gadonta jikinta na rawa,saita zubawa qofa ido ta daga murya tana cewa
"Waye?"
"Nine daada" ya amsa mata lokacin dayake kwashe kayan data zubari din yasoma shanyawa a igiya.

Bai shigo ba saidaya gama,tasan cewa lallai shahidan najinsu,saboda haka ta dinga surfa masa bala'i,yana zaune yana murmushi gamida addu'ar plan din daadan yaci,ta masa nuni daya tafi ya dawo gobe yayin da asarari ta masa kora sosai,ya miqe ya mata sallama yafice,ko iya haka yau yaci ribar zuwan nashi,cikin nishadi yadinga tuqi don zuwa gidan inna,yanajin qamshin nan nata har yanzu cikin hancinsa kamar tana jikinsa ne,ya lumshe idanu yana tuna yadda yaji laushi da taushin jikinta,yasaki murmushi mai sauti shi daya cikin motar kamar zautacce yana fata da burin daidaituwar komai,don zahirin magana yana buqatar matarsa,ta lasa masa zuma mai azabar zaqi da wuyar mantawa kuma tana neman ta gujewa rayuwarsa?.

Har sanda yafita tana kwance tana jinsu,idanunta a lumshe tana qoqarin controlling kanta,tana jin wani azababben feelings na saukar mata,wanda kaf rayuwarta bata taba jin abu makamancin haka cikin jikinta ba irin yanzu,bayan wasu da suka shude tana kwance a haka,tana tuna fuskarshi da adonshi,tanajin buqar kasancewarta tare dashi,daada ce tashigo dakin,tana sane tadinga qananun mita da sababi kala kala kan anwar din,shuru tayi mata tana kafe akwance,tun tana shuru har batasan sanda tabude bakinta ba muryarta tayi sanyi sosai
"Tunda dai yatafi daada ba shikenan ba don Allah" cikin mamaki saman fuskarta,farinciki qasan ranta tawaiwayo
"Au,ni shegiya kaza,me kike nufi 'yar nan?,idan son mijinki kike kiyi bayani karna zaqe da yawa" haushi ya kamata harta gaza shuru
"Daga magana?,ni maganarce banaso,ciwon kai take saka min"
"Auto,yanzu naji batu" harta saka qafa zata fita tadawo
"To alalen naki fa,zaifa huce,kin zubo kin barshi" fuska ta yatsina,don batajin ko taci zataji dadinsa yadda ta tsara ma ranta
"Zai ciyu kuwa,na qoshi gaskiya" ta fada tana canza yanayin kwanciyarta ko zata samu sauqin abinda takeji,dariyar mugunta daada tayi qasa qasa sannan tasa kai tafice ba tare data sake cewa komai ba.


🎍🎍🎍🎍🎍🎍🎍🎍🎍🎍

Qarfe biyu daya na rana daada tafito tasamu shahida kwance saman doguwar kujera iskar fanka na ratsata,sanye da doguwar riga ta yadi mai talewa,yankakken hannu ne da ita,kanta babu dankwali don sam yanzu jinsa take yana damunta,wayartace a hannunta wadda dazu da sassafe daada ta bata,itama tajima batayi amfani da wayar ba shiyasa take marmarinta,tajima kuwa a hannunta tana game,babu wanda tayi kira duka saqonnin data gani.

Kanta tadaga tana duban daada wadda tayi shar cikin atamfa riga da zani da hijabinta dayasha guga,daada badai tsafta ba
"Nins shirya,zanje barkar jikar sahura,idan la'asar azahar ta gota ki dora mana tuwo kafin nadawo na amsa,karki cemin kin dafa bazaki iya ciba" fuska tadan bata,batason zama a gidan ita kadai
"Kai daada don Allah,yanzu barkarce tun yanzu?,ina laifi ma kibari sai anjima"
"A'ah,gwara dai naje na huta,yau kwana uku ban samu naje ba"
"Shikenan saikin dawo" tafada tana maida kanta ta kwanta,fitar daada yasa gidan yasake shuru,don haka tasake bude wayar taci gaba da game dinta.

Bata jima ba kasala ta saukar mata,wayarma taji ta maya nauyi,saita sauke wayar tayi shuru iskar fanka na ratsata tako ina,idanunta a lumshe amma ba barci take ba.

Tunda yashigo gidan ya fuskanci daadan bata nan,me yiwuwa shi yasa tace masa yadawo yau?,wato yasha shagalinsa kenan?,murmushi mai qayatarwa ya qwace masa,ya shafi Fuskarsa zuwa gemunsa yana qare mata kallo a sanda batasan da zuwanshi ba,saidaya gama morewa kallonta sosai sannan yakoma daga bakin qofar dakin yayi sallama cikin wata murya mai taushi da nutsuwa,idanunta tabude fes sai cikin nashi,tayi zumbur tamiqe tazauna sannan tasoma yunqurin shigewa dakin daada
"Indai kika dara daga nan ban yafe ba" ya fada da sauri don yasan cewa shine kawai hanyar da zai tsayar da ita,cak kuwa ta tsaya din,hakan yayi masa dadi,ya dinga takowa a hankali harsai daya qaraso bayanta,da sauri ya janyota ya mannata da jikinsa,dukkaninsu suka lumshe idanunsu lokaci guda,kowannensu wani saqo na gudana cikin jini da bargonsa,sun jima a haka sannan yasa hannunshi ya hade mata jelar kalbar kanta waje daya,ya saka bakinsa saman wuyanta yasakar mata tattausan kiss dayasa numfashinta daukewa na wucin gadi,har batasan sanda tasaki ajiyar zuciya ba mai sanyi
"Shahida....nasan na bata miki,hakanan na aikata dukkan wani nau'i na laifi kuma zunubi a rayuwar masoya,gani gareki na kawo kaina,nasan ni riqaqqen me laifi ne shahida,ki hukuntani yadda kikeso,ki kima yimin dukkanin hukuncin da kike ganin ya dace da rayuwata,amma don Allah,karkice baxaki yafemin ba,kada kice zaki rabu dani shahida,zan iya jure komai amma banda wannan,idan ma zama zakiyi anan harsai kin huce duka na yarje miki,bana iya bacci shahida,kullum ciwona kaman zai tashi a haka nake wayar gari,kiyimin afuwa karna rasa raina don Allah"ya qarashe maganar yana hura mata iska cikin kunne,jikinta yayi sanyi matuqa,kalmar mutuwa daya ambato yasa jikinta yasake sanyaya,saita soma qoqarin zame jikinta daga nashi amma yaqi bata dama
"Nayi missing dinki shahida,ko yayane ki bari naji dumin jikinki mana" nema yake yarusa mata dukkan wani makamin yaqinta data tanada,saboda haka ta tattara sauran qarfin dake gareta ta tureshi takuma zille,yakai mata cafka amma tuni ta fada dakin daada ta kulle qofar,tazauna bakin gado tana haki kamar wadda taci uban gudu,jikin qofar yatsaya sosai yana jingina jikinsa dayaji ya masa nauyi,cikin wata tattausar murya yace
"Shahida please,inason inji kalaman bakinki,inason kice wani abu don Allah shahidana,please"
"Sai yanzu anwar?,sai yanzu kake tunanin kana da buqatata?,sai yanzu daka tabbatar da ingancina kenan?,wato da hakan nake da gaske anwar bazaka iya zama dani ba kenan?" Ta jefa masa tambayar data sashi duqawa bakin qofar dakin saman qafafunshi,ko banza furucin bakinta kawai da tanka masa da tayi yanajin wata rahama ce tattare dashi
"Inda wata matarce shahida zan zauna da ita,amma bazan iya kallonta ba yadda na kalleki a baya,bazan iya hada shimfida da itaba yadda na hada dake,bazan iya sauraren kalaman bakinta ba yadda nake kwana datashi da daukin jin naki,koda kinja bakinki kin qulle saina tabbatar da cewa na sakaki magana,shahida....keta dabance a rayuwata,daban kike da sauran mata,hakanan yadda nake kishinki duk duniya babu wata halitta da nake kishinta kamar haka,ko meye nayi kishinki ya kaini aikata haka,daidai da aurenki shahida kishin ganinki da wani yasa na nemi aurenki baya da yardarki ba,zan tafi tunda bakison ganina,amma ban miki alqawarin cewa bazan dawo ba" sanda yamiqe ya soma takawa don barin falon itama saita miqe tsaye tana duban bakin qofar dukda bata ganinsa,duk takunsa daya don barin falon saitaji wani abu ya motsa zuciyarta,baikai ga fita ba daada tayi sallama ta kunno kai,suka hada idanu yamata nuni da dakinta alamar shahida naji,saitaja baya tana kallonshi bayan ta zabgo salati kamar wadda taga mutuwa.........

*karku manta,ku ziyarci tashar SAUTIN HIKIMA,ku saurari litattafanmu,mun gode*🙏🏽🙏🏽🙏🏽53

"Yanzu saida ka faki idona kayi wuuuuffff ka shigomin gida?,tsaya ma tukunna,takardarta ka kawo mata ko kuwa?" Tayi tambayar kamar gaske tana miqa masa hannu,dai dai lokacin shahida tayi zumbur ta miqe,ta tako da sauri ta dage labulen taleqo tana kallon abinda ke faruwa,russunawa anwar yayi cikin sanyi
"Bazan iya sakinta ba daada kiyi haquri"
"Abun nan dai nina hadashi?,tona raba,wuce maza kaficemin daga gida,ka tabbatar nan da gobe ka kawomin takardar jikata na gaya maka,idan ba haka ba kada na sake ganin qafarka a gidan nan" yana sane yahangi tsaiwarta jikin labulen,saiya dauko handkherchief a aljihunsa kamar mai share hawayen gaske ya juya ya fita.

Fuskarsa a matuqar washe,farinciki na cika zuciyarsa yafada sit dinsa yana lumshe ido murmushi na fita daga fuskarsa,ba shakka akwai alamun nasara,akwai alamun shahidan zata sauko cikin ruwan sanyi,ya tada motar cikin qwarin gwiwa da karsashi yana tsara yadda rayuwarsu zataci gaba da kasancewa,tunanin nafisa yakutso cikin ranshi,take bacin rai ya bayyana saman fuskarshi,duk sanda yatuna da ita da irin abunda ta aikata saiyaji gaba daya ta sake futa daga kanshi,yaja dogon tsaki tare da kauda tunanin nata.

Kamar yadda daadan tasaba haka tashigo tana mita,wannan karonma shurun shahidan tayi mata,tana lafe saman gadon ta soma bubbuga qofar
"Budemin mana munafuka,halama kece kika kirashi ko?,don kinga nataho zan shigo shine kika rufe qofar don kada nace da saninki yazo" jiki a matuqar mace tasauko tabude mata qofar,daadan tazuba mata ido
"Kwanciyar me kikeyi ma?" Tayi maganar cikin salon tuhuma,hakanan taji ranta yadan sosu,tome daadan ke nufi?,kamar wadda ta kama da kwarto?
"Nibansan zaizo ba,bansan kuma yazo ba,ina kwance naganshi kawai" salati tahau
"Anya ko zan yarda dake,ke yarinya idan dakinki kikeso toki tattara ya naki ya naki kibi mijinki,idan yaso ko dafaki zaiyima ya dafaki ba ruwan habiba" ranta ya qarasa baci gaba daya,saita juya mata qeya tana gunguni
"Sai ana abu rimi rimi dake daada saiki dinga soko wasu maganganu,idan kora da hali kikemin kawai ki fada" ta qarashe maganar tana komawa saman gadon cikin jin haushi,boye dariyarta daada tayi,tanajin dadin yadda taketa ganin ci gaba
"Yo ba gwara nafadi gaskiyata ba tun kafin keki fada?,wannan yaro saina saka an soma masa atire indai yaci gaba da takura mana" idanu shahidan ta fiddo tana kallonta
"Atile daada kamar wani kwarto?" Waiwayowa tayi tana dubanta
"Ai qanin kwartonne tunda saki muke nema amma yake biyomu har cikin daki"
"Wallahi shikam.baiyi kama da kwarto ba" tayi subul da bakan fada,saboda furucin daadan ya daketa sosai,Har taji wani abu ya sosa mata zuciya
"Shahida!,iyeeee,to bari yazo ya tattaraki ku koma,dama qaryar neman saki kike" da sauri tace
"Ba haka bane daada,kiyi haquri,kawai maganar ce naga kaman bata kamata ba,bazan sake magana ba tunda haka ne" sosai daadan tasamu abunyi,tadinga sababi,so take kawai ta qarasa tunzura shahidan tace zata tafin.

Daren ranar tsaf bacci yadauke mata,duk juyin da zatayi tana tuna lokacin data kasance cikin jikinsa ne,ta kasa mancewa,idanunsa masu matuqar tasiri,wadanda shekarun baya suka dinga dagula mata lissafi,suka dauketa suka jefata can qurya a duniyar qaunarshi,wannan karon tanajin wani abu dangane dasu,kaman wancan yanayin yanason tasiri cikin jikinta.

Tana tsaka da wannan kira yashigo wayarta,daada na falo tana nafilfilinta,ta duba agogo daya saura na dare,tayi mamakin dadewarta a kwancen tana juyi ta ba tare da baccin yadauketa ba,baquwar number ce,sai gabanta yafadi zuciyarta tasoma raya mata kodai wani mummunan abu yafaru ne a kano,da sauri tadaga ta kara akunnenta
"Allah ya taimakeki!" Lafazin yafito daga bakinsa kamar yadda yasaba kiranta shekarun baya,hakan ya karya duk wani laka dake jikinta,ta lumshe idanu,sunan ya tuna mata da abubuwa masu yawa,ta koma can baya duniyarsu da suka taba wanzuwa a ciki shida ita,batasan tayi nisa ba saida tasake jiyo muryarsa
"Allah ya taimakeki bakiyi bacci ba kema ko?" Ya jefo mata tambayar,sai tayi hanzarin turbune fuska da sauri tace
"Saboda tsabar rashin sanin haqqin mutanen ne dai yasanyaka kirana cikin wannan talatainin daren?" Murmushi mai sauti ya qwace masa har cikin kunneta
"Meye nasaurin kawo uzuri kuma?,kina abu kaman kin manta waye anwar da shahida?,Kin manta na sanki ciki da bai?"
"Hakan bai maka amfani ba,tunda harka kasa fahimtata a lokacin daya dace"
"Na yarda shahida,kiyita fada indai hakan zak saka zuciyarki tayi sanyi,nidai na sani cewa koma meye yafaru kishinki ne ya jawomin" shuru dukkansu sukayi,kowa yana suraren ko dan uwanshi zaice wani abu
"Shahida" ya kira sunanta cikin matuqar sanyin murya,bata amsa mishi ba amma tana saurarenshi,kiran sunan nata ya taba ranta sosai
"Ki yarda ba zamu taba iya rabuwa da juna ba,koda munyi hakan iya na idanuwan al'umma ne,zaki yarda dani idan kika zauna kika tuna yata kasance miki shekara shidan da mukayi ba tare da juna ba...,nasani cewa na cika azzalumi,mai gaggawar yanke hukunci,amma idan aka dorash duka bisa mizanin yiwa masoyi hukunci na cancanci a dubeni,ayimin afuwa akuma yafemin,anwar dinki ne shahida,kin manta?" Gaggawar datse kiran tayi ganin yana neman karya lagonta,dukka furucinsa qwaya daya yana kwance duk wani dauri data daura kanshi,saita saki wayar ta kwanta rigingine tana sakin ajiyar zuciya,idanunta a lumshe fuskarsa na mata yawo cikin idanun nata,hannu tasa ta dafe goshinta saboda zuciyarta data soma zillo,tana mata amsa kuwwa,tare da tuna mata tarayyarsu ta baya,tarayyar da kowa ke sha'awa,kowanne masoya manya sa qanana suke burin inama sune a bigiren?,saita sake komawa rub da ciki tanason shafe babin wannan tunanin.

Qarar shigowar saqo a awayarta ya katse mata nazarin da takeyi
"Anshad,indai har da gaske kin daina sona,indai dagaske bakison ganina kicemin na tafi,ni kuma na miki alqawarin tafiya nabarkin kamar yadda kakeso" tsaki taja da sauri tasoma maida masa amsa
"Go please go,it will never hurt me anymore,na rayu shekaru shida baya ba tare dakai ba,me kaga ya canza?,kaiba komai bane cikin rayuwata".

Sam bai zaci amsar da zai samu kenan daga wajenta ba,yana tsaye saida yasamu waje yazauna,kanshi ya wani sara,yasoma baiwa kansa baki kada hawan jininsa yatashi,aqalla ya kashe mintuna kyawawa ashirin yana zaune wajen,inda daga qarshe ya amshi shawarar da zuciyarsa ta bashi,yana fatan samun mafita kan hakan.

Washegari yanemi daada sukayi magana kan qudurin daya yanke,hakan kuma yayi mata itama ta bashi goyon baya,sai kawai yashirya tafiya jahohin da makarantunsa suke yaje ya dubasu,bai gayawa kowa ba banda muhsin,don yasan idan yafada anty usaina zata dorawa tafiyar ayar tambaya,yayi mamaki ma da har yanzu nafisa bata shaida mata abinda ke faruwa ba.

Washegari ya hada komai nashi ya tsallake ya tafi.

🎍🎍🎍🎍🎍🎍🎍🎍🎍


Kallon daada kawai take wadda tazage tana bata labarin sa sam ita bai mata armashi ba,don sam hankalinta ita bai wajen,batasan me yake damunta ba gaba daya kwanaki biyun bataji wani walwala,zuciyarta a quntace take,hakanan ranta babu dadi,duka abinda take daadan na ankare da ita,kuma tana sane ta dage take bata labarin wanda kusan rabinshi gugar zana ce,taqi yarda ne kawai cewa kewar anwar take,wanda yau yacika kwanaki takwas kenan baizo gidan ba,koda wasa bata taba mata maganar ba tana jiran lokacin da zata sake tunzuratane yayi,kuma kamar yanzun shine gabar yin maganar,saboda haka tace tana gyara daurin dankwalinta
"Ummm,kwana biyu dai kunnenmu shuruuuu,wannan yaron me shegen naci yabarmu mun huta,wala'alla yayi zuciya yadda nake fata,ba mamaki cikin satin nan ko satin gaba kiga takardar sakinki,haka nake tunani" wata mummunar faduwar gaba tasami shahida saboda kalmar sakin data fito daga bakin daadan,hakan na nufin zasu sake rabuwa karo nabiyu,zasu nesanta da juna?,zata barwa nafisa shi?,zata tashi daga sunan matarsa?.
"Kinga saikiyi zamanki a nan harki gama iddarki,ki samu wani wanda kikeso ki aura abinki hankali kwance,ki zaba ki darje" maganar daada ta katse mata tunaninta,saita tsaya kawai tana duban daadan yadda take maganar bilhaqqi,wani tashin hankali taji yana sauko mata,aure?.

Aure kuma dai?,tunanin wa zatama aura yafado mata,kanta taji ya soma juyawa,saita koma ta jingina da baya a hankali tana lumshe idanunta ba tare data baiwa daada amsa ba,ita kuwa saita miqe abinta kamar bataga yanayin da take ciki ba tana ci gaba da cewa
"Ja'iri,ko baizo ba nan da jibi ni zan nemeshi"
"Don Allah ki barshi daada,basai kinyi ma kiransa ba" waiwayowa tayi
"Kamar yaya?" Saita rasa amsar bata,don saida maganar tafito tagane tayi baran barama
"Kawai ganinsa ne banason yi"
"To ai kuwa dole yazo ya sallameki,da an rabu kuma ba shikenan ba?" Bata iya amsa mata ba wannan karon,ita kuwa tasa kai tawce uwar daka tana ci gaba da maganganunta,wadanda suka sanya shahidan taji kaman tadora hannu aka tasaka ihu.

Tafi tafi saiga anwar ya kwashe sati uku cur babushi babu duriyarshi,dif kakeji kaman anyi ruwa an dauke,daadan ma ta daina maganarsa kwata kwata,tun tana iya jurewa harta soma qananun zazzabi a tsaitsaye,batasan cewa dan gantalallen zaman da sukayi sabuwar shaquwa ta soma shiga tsakaninsu ba sai yanzu.

Ta bangaren nafisa ma tana can cikin wani irin yanayi,ta rasa wanda zata dosa da maganar,idan tace zata je gida takai qara tasan halin abba da mommyn sarai saisun buqaci dalilin abinda tayi masa wanda ya sanyashi dauke mata wuta haka,tunda sunsan halinsa sarai ciki da bai,idan suka buqaci dalilin kuma tace musu me?,tace meta aikata mishin?,batajin zatayi ganganci ko saken da dukkan abinda ta aikata zai