You Cannot Download this book untill you login but you can read it .

---

Login Register

fuskanci dagashi har shahidan basa gidan gaba daya,sai ita qwallin qwal,maimakon taji hankalinta yakwanta amma saitaji akasin haka,don ragewa kanta damuwa ta zari muqullin motarta taje gida ta dawo amma babu abinda ya ragu,saita ciro wayarta ganin har sanda ta dawo din babu anwar babu dalilinsa tasoma kiransa,harta qaraci burarinta ta katse ba'a daga ba,haka ta dinga kiransa a jejjere amma is'nt answering,daga qarshe ma idan ta kira saita katse bata tafiya,haka ta wuni har gab da magariba sannan tawuce kitchen ta dora abinci,wanda girkin nata dama baya wuce shinkafa da miya da dafaduka,suta iya.

Sanda taji ana knocking qofar falon ta zaci anwar ne yadawo,farinciki ya kamata,Allah yasa shi daya ne ba tare da shahida ba,kai Allah yasama gagarumin fada sukayi tanemi saki,tunda ta goranta mata kan abinda take tunanin cewa ita nafisan bata sani ba,abinda zata tsammata kawai amwar ne yazauna ya kwashe ya gaya mata,tuna wannan yasa murmushi ya qwace mata
"Ashe dai nima ba baya bace na iya hada tuggu" tayi furucin a sarari tana sake feffesa turare yadda zata burge anwar,cikin ranta tana lissafin saura sati biyar komai ya daidaita,maganinta yagama aiki,ita kanta batasan budurin da za'a kwasa ba ranar,qila ma saitasashi ya baiwa mai gadi hutu donsu baje kolinsu dakyau,da wannan tunanin tasake fitowa tanufi qofar falon kana tabude.

Wadda tagani tsaye bakin qofar tayi masifar daga mata hankalinta,yarinyar da tuni suka jima dayin handing over da ita?,ta gama mata aikinta ta kuma sallameta?,to kuma meye ya dawo da ita?.

Fiddausi ta ratse nafisan tashigo kai tsaye cikin falon tana qarewa daular falon kallo,lallai mima tayi gaskiya,ita tana can tana fama da ciwo babu kudin aiki bare na magani na nafisa na morar aikin data mata?,lallai da sake kuwa wai an baiwa mai kaza kai.

Zama tayi hankali kwance kan daya daga cikin kujerun,yayin da nafisa ke tsaye cikin rudewa tana kallonta
"Fiddausi?,meya kawoki gidana bayan kinsan nawar yasanki,dama ba'a ta batun shahida,bamuyi haka dake bafa"
"Zauns malama nafisa meye abun tashin hankali?,maganace 'yar qalilan takawoni muyi mu gamata nawuce nima ba dadin jikina nakeji ba,kawai tasowa nayi"
"Fadi abinda ke tafe take,duk da nasan babu wata sauran alaqa sata rage tsakanina dake" baki fiddausi ta kama sannan ta watsa mata harara
"Hakafa,kaza ci ki goge bakinki,to zuwa nayi in shaida miki inada buqatar wasu kudade da ga wajenki,don hantata tasamu matsala sakamakon shan kayan maye dana dinga yi" dukka qugunta ta kama da hannayenta,tana ganin tsantsar rainin wayo irin na fiddausin
"Kimin aiki tsahon shekara shida baya sannan yanzu kawai don taki taciyoki saikizo neman kudi gurina,ce miki akayi banki ce ni?,waishinma in tambayeki?,nina aikeki shan kayan maye?" Idanu fiddausin ta zuba mata kafin tadaga mata hannu
"Kinga malama,zaki bani ko bazaki bani ba?"
"Bazan bayarba aiba ajiya kika bani ba,ko kuma ki danneni ki qwata idan kina da qarfi" dariya fiddausin ta fashe da ita har tana dafe cikinta inda yake mata ciwo saboda amsawar sa wajen yake
"Sanda kika bani aikinki aina dambe mukayi ba,hakama wannan,na qyaleki,amma ki tuna ina daya daga cikin matakan nasararki,kuma bazan rabu dakeba,kisa haka a ranki" fiddausin ta miqe tasoma ficewa daga falon,sai tsoro yakama nafisa,tayi kamar tabita ta kirata su sasanta amma taji wani girman kai yazo mata,wata zuciyar na gaya mata
"Qyaleta,kada ki bita,idan kikayi haka kin nuna tsoronki a fili,sannan gobema dawowa zasuyi,iyaka koma meye duk inda za'aje a dawo kice baki santa ba qawar shahida ce,kinga kota nan kin qarawa wuta fetur,kin qarawa shahidan baqin fentk,wannan shawarar takarbu sosai a ranta,saboda haka tasaki ranta tazauna taci gaba da kallonta.

Wani irin tuqi yake cike da gajiya da tunanuka barkatai,kamar bazaikai kanshi gidan ba,tafiyar awa biyu da rabi saida takaishi awa uku da rabi cur kamin ya isa garin kano.

Sanda me gadi yabude masa qofar taba shirin fita itama daga gidan,haske fitilar motarsa ta dallareta,saiya samu kanshi da zuba mata idanu sosai,kaman fiddausi,kaman itace,tome ya kawota gidan?,me tazoyi?.

Saida ya aje motar tashi sannan yafito yadawo wajen maigadin,cikin girmamawa ya rusuna
"malam usman waccae yarinyar wacece?"
"Wai wadda tafita yallabai?"kai.ya kada masa don baison yawan magana ma saboda yadda kanshi ke sarawa
" eh ita"
"Ai qawar hajiya amarya ce,tacemin qawarta ce wajenta tazo,to Allah da ikonsama sainaga hajiyan tabude mata qofar falo da kanta"
"Ohkey" anwar yafada yana juyawa zuwa cikin gidan.

A duburbuce tamiqe tana masa sannu da zuwa cikin fargaba tana addu'ar Allah yasa baiga fiddausi ba,don fitarta daga falon da shigowarsa idan ba shegen sauri tayi ba mawuyacine idan bai ga ta din ba,idanu kawai ya zuba mata yana fata da addu'ar Allah yasa bata cikin wannan lamarin kodon girma da mutuncin iyayenta dayake gani,saiya amsata sama sama yana hayewa sama,ta biyoshi tana masa zancan abinci zai fara ci ko wanka,waiwayowa yayi yana dakatar da ita
"Idan ina da buqata zan sanar dake,yanzu hutu nake buqata tukunna" haka ta juya takoma qasan,abu duka yabi ya dagule mata,abu goma da shirin,haka tazauna nan ta rafka tagumi tana jiran sanda zaiyi maganar yace takawo masa,saidai har sha daya nadare shuru babushi ba dalilinsa,alissafin kwana dama ba nata bane bare tabishi tayi qorafi,girkinma tayine kawai donta fake da taga shahida bata nan,haka tagaji ta haqura tattara tawuce dakinta tana saqa yadda zatayi da fiddausi tun bata zame mata gagarumar matsala,ta yanke cewa zuwa gobe da safe zata nemi mima suyi magana,zata shaqa mata kudi yadda aiki zaifi tafiya daidai.

Cikin dare gaba daya tunanin yadda suka hadu da nafisa yake da yadda tafara sonshi,daya kasa samun nutsuwa saiya tashi yayi sallah da addu'o'i sosai,wani irin zargi a kanta mai qarfi yadinga shiga zuciyarsa,ya dade yana wassafa abubuwa iri iri kafin yasamu bacci ya debeshi.

Washegari yana idar da sallar asuba yakira marwan donjin ya ake ciki,tun da dare yaga miscal dinsa amma bazai iya kiranshi ba a sannan saboda yadda qwaqwalwarsa ke a cunkushe,
"Sir,mun samu nasarar kama wani saurayi,mun soma masa tambayoyi amma bamukai ga kammalawa ba,zuwanka muke jira"
"On my way" ya fada a taqaice ya aje wayar,yana aje wayar marwan ya lalubi shahida,a sannan ta gama sallarta da addu'o'inta tana niyyar komawa takwanta,saboda yadda takejin wani sabon bacci na dibarta,ji take kamar ma batayi bacci ba gaba daya,wayar ta kalla,ta gane number din ta anwar ce,saitayi rejecting kiran kana ta maida haqarqarinta takwanta.

Wayar ya daga sanda suke gaya masa busy da alama kashewar akayi kenan,saiya sake qoqarin kira amma aka gaya masa a kashe take,yasaki wata ajiyar zuciya sannan ya aje wayar yatashi yashiga wanka.

Sanda yakammala yasauko batako tashi a bacci ba,ya bude qofar yafice,saidaya tada motar taji qarar motar,ta tashi a firgice ta leqa,daga yadda taga ya shirya tabbas bada wuri zai dawoba kenan,saita saki labulenta tana tabe baki gamida komawa cikin bargo ta nannade cikin zuciyarta tana cewa
"Zakazo hannu me,wato saboda waccar gantalalliyar da bansan ma ina taje ba bata nan shine kaketa wannan ciccikar,to in sha Allahu tama tafi kenan" ta qarasa fada tanayin rub da ciki gamida rungume fillo taci gaba da dibar baccinta.

Ba ita ta farka ba sai sha goma nasafe,wanka tasoma shiga tayi kafin tagama shiryawa taji cikinta nakiran ciroma,saboda haka tagama shiryawa a gaggauce ta fito tayi kitchen,kayan break ta hada sosai don jiya bata wani tsaya taci abinci sosai ba ta kwanta,ta dauko ruwa da drink ta dawo falo ta zauna ta baje tana cin abincinta hankalinta akwance,don kullum gari ya waye hankalinta sake kwanciya yake,tana ganin nasara na kusantota,kwanakinta na sake raguwa na zuwan ranar da takewa mugun tanadi,donko jiya saida tayi order din wasu matsiyatan rigunan bacci,inda za'a mata lalle da gyaran jiki kuwa da gyaran gashi tuni tayi booking tama biyasu,dukka zannuwan gadonta ta bayar tayi order wasu shegun upcoming design 2020,wayarta na hannunta tana neman number mima don suyi zancan fiddausi da yadda za'ayi da ita sai kawai taji sallamar miman.

Fuskarta cike da murmushi ta daga kai tana duban miman tace
"Kice nayi serving credit dina 'yar halak kina kan hanya" tayi furucin tana duban miman,ganin shigarta tayau ta musammance,ga wani shegen baqin gilashi data manna a fuskarta tana taunar chewing gum
"Ai kuwa dai" ta qaraso kusa da nafisan tazauna tana jan farantin gabanta,ta dauki tsoka daya na kazar da nafisan keci takai bakinta tasoma taunawa sannan tace
"Kina sha'aninki,kinfa samu yadda kikeso"
"Wallahi,saima komai ya daidaita"
"Ko?" Miman tafada cikin gatse
"Aikinfi kowa sani,qawa zan jiqaki fiye da yadda kike zato"
"Zamu jiqe tarai daiko?"
Saita waiwaya tana duban miman cikin rashin fahimtar lafazinta,saita maza tana cire hannunta daga abincin,dama taqoshi takai geji
"Eh mana,magana nazo muyi dake"
"To inajinki" ta fada tana tattara dukkan hankalinta ga miman
"Nifa gaskiya magana ta Allah nagaji aure nakeso,saidai dukka mazan gaba dayansu ba'yan goyo bane ba 'yan mutunci ba,gashidai tare aka sha sha'anin amma duk wanda kasoma masa zancan aure mai mutuncin cikinsu nema kawai zaimaka kame kame,mara mutunci kuwa ga da ga zai gayamaka bazai aureka ba 'yar mutunci yakeso,wadda zai bareta a leda yakoya mata komai kamar an gaya musu ana yiwa Allah wayo ne,to duka dai yanzu ba wannan ba,kinga dai anwar gaba daya tare mukasha wahalar nemansa,Allah kuma da taimakonsa da tawa dabarar yasa aka sameshi,saboda haka yadda muka sha wahala tare yanzu ya kamata mu raba dadin tare" wani shashashan kallo takenin miman dashi harta kammala,kaita girgiza tana yatsina fuska
"Amma gaskiya bansan nayi saken da kika rainani da yawa ba mima sai yanzu,mijin nawa kike maganar mu hada dake?,kin gama bin kwalta shine kikeso na hada miji dake?,to bari kiji,kinfi kowa sanin bazan hada anwar dakowacce mace ba,ba abinda bazan iyaba don na mallakeshi ni kadai,yadda nayiwa shahida kawai ya isheki shaida,saboda haka idan wasama kike ki daina" shu'umin murmushi Mima tasaki tana kallon nafisa kai tsaye
"Ko banza bin kwaltata da kike magana akai ya miki rana,shahida kuma tun daga shaye shaye da aka jefata,wurgota gaban anwar cikin jinin period da sunan abortion tayi zuwa hotunan qarya da aka turawa anwar duka idea dita ce,naki kawai shine biyan kudi amma qwaqwalwarki babu wani motsai da take"
"Innalillahi wa inna ilaihir raji'un" cewar anwar dake niyyar shigowa falon kunnuwansa sukaci karo da munanan lafuxan da suka kusa tarwatsa zuciyarsa,da hanzari yadafe qarfen valcony din sannan ya daddafa yasamu ya tsaya da qyar don gujewa aikata ba dai dai ba,ya nutsu ya tattara hankalinsa wajen daya
"Idanma akwai inda qwaqwalwarki ta motsa tobai wuce inda kikaci gaba da tafi da anwar ba tare da munana masa shahida cikin tunaninsa a fakaice,hatta da hotunan da aka aika mata saboda dodewar basira tunaninki bai kawo ayi haka ba saida nayi magana,to bari kiji....inma dai ki bani qofa ayi mu taru mu rufawa juna asiri,imma kuma ayi uwar watsi kowa ya rasa wallahi,abun boye kuma yafito fili" cikin hargagi masifa da tashin hankali nafisa tace
"Ke qaramar 'yar iska qaramar qwaruwa,kinyi kadan wallahi,yaushe akayi daren bare garin ya waye?,ko shahida dana gansu tare inakan bakana na rabasu balle ke da kika ganmu gaba daya sama taka?,duk matar data rabi anwar wallahi ba zata tsira ba,ita kanta shahidan sainasa ta dandani guba mafi daci a rayuwarta fiye da wadda na dandana mata a baya,saboda haka kicire kanki daga wannan rikicin ba gurin shigarki bane,sannan idan ke kika turomin fiddausi ma yarinyar da tunda tagama baiwa shahida kayan maye na sallameta ta gama aikinta,bata tashi dawomin ba sai yanzu,kuma ina kyautata zaton plan dinku ne toki gaya mata ta jaye jiki daga rayuwata,don ina da wasu ma'aikatan bayan ke,wuyarta na fidda kudi zan samu wadanda suka fiki komai da komai" dariya mima ta sheqe da ita
"Haka kikace?"
"Qwarai kuwa" yatsunta ta murza suka bada sautin d'as d'as sannan tace
"Mu zuba nida ke,shege ka fasa" daga haka ta juya tana neman hanyar fita.

Daidai lokacin da tuni anwar yakira police dake maqota dasu,suna tsaye a qofar gidan,ya riga ya basu umarnin budurwar da zata fito yanzun su kame ta,sukumaje su aje masa ita harsai lokacin daya buqata.

Tana fitowa sukaci karo dashi,yana tsaye jingine da qofar shiga falon,tsoro da firgici yadan shigeta nako yaji abinda suke fada?,saidai kafin tagama kowanne tunani yabi ta gefanta ba tare daya kalleta ba yashige cikin falon,da kallo tabishi tana sake yaba anwar din,tare dajin haushin kanta natunda farko ta tsaya taya wata yaqin nemanshi,bayan itama macace kamar waccar kuma tana da buqatarsa,saita saki ajiyar zuciya taci gaba da takawa don ficewa daga gidan tare da bawa kanta qwarin gwiwar mallakarsa kota halin qaqa.

Tsaye tamiqe sanda anwar yashigo falon,gabanta yayi wani mummunan faduwa sanda suka hada idanu,shi daya yasan me yakeji a lokacin,tabbas banda yayi dogon yaqi da dogon nazari ba ya afko sanda suke tsaka da zancan daga mima har nafisa saidai su tsinci kansu gadon asibiti,duka jijiyoyin kansa sun tashi rudu rudu,wani irin bala'i yakejin yana cinsa tako ina,amma yadanne zuciyarsa saboda abubuwan da zuciyartasa ta shirya masa aiwatarwa cikin dan qramin lokaci,bayan yayi qoqarin dannar kansa da kiran sunayen Allah,kauda kansa yayi ya nufi saman,yasoma takawa cikin sauri sauri,yayin data bishi da kallo cikin kokwanto,tanason yi masa sannu da zuwa amma ta kasa,tunaninta yakasu kashi biyu,ko yaji abinda suke fada?,ko mima ce ta gaya masa wani abu?,a'ah baijiba,don da yaji batajin girman abinda yajidin zai iya barinsa yawuce ba tare dayace komai ba,da wannan tunanin tasamu waje tazauna tana dakon saukowarshi,donta lura bai fiyason tana hawa saman zuwa dakinsa ba,abun yana bata haushi.52

Yakai ya kawo ya kawo cikin dakin nashi yafi sau shurin masaki,idanunsa sun kada jazur haka zuciyarsa quna kawai take,ji yake kaman yasauka ya kama nafisa yayi mata mafi munin hukunci zuciyarsa na tausarsa,wayarsa yadauka yayi kiran daya daga cikin jami'an tsaron daya damqa case din a hannunsa,ya shaida masa aje a karbi mima su hada da saurayin,ya jaddada masa lallai lallai yanason su karbi hukunci mafi tsananin kafin ma akai ga tafiya kotu,bayason abar kowa yagansu koyasan inda suke bare ma akai ga zancan beli,don babu shakka bazai qyale daya daga cikinsu ba.

Kashe wayar yayi yana furxar da iska mai zafi daga bakinsa,yana tunanin yadda zaiyi da nafisa,bayajin ko kusa ko alama zai iyaci gaba da tarayya da ita a rayuwarsa,yadda tayi dukkan abinda tayin donta rabashi da shahida yaci alwashin ba zata taba samunsa ba a rayuwa,burinta bazai taba cika ba,inama ace wannan abun ya bayyana ne kadin yakai ga aurenta?,yaso ace hakan tafaru ne a sannan,bazaiyiwu yaci gaba da kallonta qarqashin inuwa guda shida ita ba,donta cutar dashi cutarwa mai yaw,uwa uba tasa ya cutar da rai mafi soyuwa a gareshi,randa take masa soyayya daya tsaftatacciya ta domin Allah,sake fitar da iskar yayi da qarfi tun daga huhunsa,bayaso yasake tafka wani kuskure saboda haka yasake dannar zuciyarsa ya tako a hankali yasauko zuwa qasan,tana zaune a falon tana waya,wanda tana ganinsa ta katse kiran,saita miqe tana dubanshi yadda yazuba mata idanu jikinta bai bata ba,cikin wata kakkausar murya bayan yakauda idonsa daga kallonta yace
"Me yasa kika aikata haka!" Gabanta taji kamar zai yanko ya fado saboda tsananin firgici da tsoro,amma saboda tsoron kada ta bada kanta yasanya tace
"Me nayi?,akanme kake magana?"
"Bakima sani ba?" Ya fada yana dage mata dukka girarsa
"Bansan me na maka ba?" Takuma fada tana gayyato dakiya
"Me shahida dani kaina mukayi miki kika cutar damu har haka?" Tambayar ta bugeta matuqa,har taji wani jiri jiri na shirin kayar da ita,tadan samu ta dafe kujerar da take tsaye daura da ita,gargadi da jan kunne mai girma zuciyarta tayi mata na matuqar bata nutsu ta tsaida hankalinta ba kwabarta zatayi ruwa tsululu ma kuwa,saboda haka ta hade rai tsaf
"Ban gane bafa,me kakeson cewa ne?" Kafeta yayi da idanu bacin ransa na bayyana muraran ganin yadda take nema raina masa wayo,yana ganin yanzu ba lokaci bane da zai kulata,lokaci yana nan zuwa,lokacin daya gama dafata da ruwan jikinta,lokacin da zata fito da bakinta ta bayyana duk wani mugun qullinta,saiya sauke hannayenshi wanda ya nade su ne a qirji yana tsoron kada zuciya ta kaishi aikata abinda baiyi niyya ba,saiya juya ya soma takawa don barin falon,yayin da ita kuma tazuba masa ido,wani dadi na ratsata,tana fatan tafiyar da yayi ya gamsu ne da abinda ta gaya masa,idan kuwa hakane,har fushin qarya zata masa da bore don kada yasake tada magana makamanciyar wannan.

Cikin mintinan da basu gaza talatin ba yashirya dukkan wani abu dake da muhimmanci a wajenshi cikin wata kyakkyawar akwati,yafito da ita,ya kulle dakinsa dana shahida,sannan yasauko ya kulle saman gaba daya,yaja akwatin yafita zuwa harabar gidan,a sannan nafisan na daki tana tsara yadda zata masa boren,kada ma yasameta a falon yasake jefa mata tambayar koya tsammaci wani abu,motarsa guda daya ya bude yasaka akwatin,ya janyo motar yakawota bakin gate,sannan yafito ya nufi wajen malam usman wanda shima yataso da saurin ganin tahowar mai gidan nashi
"Yallabai za'a fita kenan"
"Eh malam usman" ya amsashi yana saka hannu a aljihunsa yaciro kudade masu yawa ya miqa masa
"Duba dakyau kagani,wannan zasu isheka kula da iyalanka da sauran buqatu harna wata uku ba tare da takura ba?" Cikin murna da farinciki yace
"Sosaima yallabai,harma sunyi yawa"
"Babu komai riqe duka,ka koma gida kazauna na baka hutu na wata uku,zanyi tafiya bazan dawo ba sai bayan wannan lokacin,idan kuma nadawo kafin watanni ukun sucika zan nemeka in sha Allah" sosai malam usman yadinga zubawa anwar godiya,ya budewa anwar qofar yafice,sannan shima yakoma cikin dan dakinsa yasoma hada karonshi cikin farinciki.

Yana tuqin yana tuna yadda dukka al'amuran suka faru har kawo yau,bai tsaya ko inaba sai katafaren gidanshi,wanda ya rayu a cikin kafin yayi aure,dukka ma'aikatan gidan suna nan,don haka gidan fes yake kamar akwai mace a ciki,suka dauka masa kayanshi har zuwa bigiren da suke da iyaka suka aje masa ya qarasa dasu,dakinsa yabude yasanyasu,sannan yazuge akwatin ya fito da envalope din guda biyu wanda yasa musu suna da baqaqen envalope,ya tako yafita zuwa balcony dinsa bayan yadauko ashana,da daya da daya yadinga fito da hotunan yana kallonsu tare da jerasu daya saman daya,nadama danasani mara misaltuwa na sake kamashi,duk sanda zai kalla saiya tuna kalar abinda yayiwa shahidan,bugu da qari kuma tawani fannin mamakin yadda zuciyar wani mutumin take cike fal da sharri,tare da mamakin yadda suka iya zama suka tsara wadan nab abubuwa da yake da yaqinin ba qananun kudi aka sakaba wajen shirya shi kansa plan din,nafisa na qarasa fice masa a rai,zuciyarsa na sake qarfafashi da bashi qwarin gwiwa kan hukuncin da zai yanke mata,shi dayane yafu dacewa da ita,zataCi darajar abu biyu ne a haka,igiyar aurensa da qaddara tasanya aka daura mata,da kuma mutunci da karamcin iyayenta,saida yagama jerasun gaba daya sannan ya qyasta a shanar ya cinna musu,wata takamasu kuwa sosai kaman tasan abinda yake da buri da fata kenan,yana zaune ya zuba musu idanu har suka gamaci suka qone qurmus suka zama toka,yana fatan yadda suka qone dukkan wata matsala dake tsakaninsa da shahidan suma su xama haka.

Miqewa yayi yakoma ciki,ya janyo wata akwatin daban yasoma shirya kayanshi,yau basai gobe ba zai tafi katsina,sam sam ko kadan zuciyarsa ta gaza jurewa,ba shahida a zahiri hakanan babu koda muryarta ne ta waya?.

Yana tsaka da wannan aikin kiran muhsin yashigo masa saiya dakata yadaga kiran yakara a kunnensa.
"Hutu kadaukane mutumina baka sanar da ma'aikatanka ba?" Ajiyar zuciya yasake a fili sannan yace
"Kana ina ne?"
"Ganinan a hanya,yanzu na dawo daga wajen mama"
"Zaka iya biyowa tagida inason ganinka don Allah"
"Babu damuwa,jirani kadan,ina fata amarya ta tanadar mana deliciouse?" Wani tsaki yaja wanda yashiga kunnen muhsin sosai harsai dayace masa meye haka
"Karkaje wannan gidan bana nan,ina gidana na nasarawa" dan jim yayi kadan kafin ya amsa da to,sam shi ya manta ma da cewa duka yau babu abinda yasanya a cikinsa,ko yunwarma bayaji bare akai ga batun cin abinci,a haka muhsin ya taddashi yafito falo ya sameshi.

Binsa da kallo kawai muhsin yake,duba daya yayi masa yasan ba lafiya yake ba,fuskarnan ta sake zama a daure,saida ya shanye coffe cup daya yaji hanjinsa yasoma warewa sannan yadubi muhsin
"Zan ragamar jagorancin office dina a hannunka nawani dan lokaci,akwai wani aiki daya tasomin nakeson na kammalashi da gaggawa" cikin mamaki yake dubansa,anwar da baya wasa da aiki ko zuwa office,koda kuwa bashi da lafiya idan ba tsanani tayi ba zaije akoda a daddafe ne yataba aiki sannan ya dawo gida?
"Meyake faruwa?,Allah yasa lafiya" a nutse ya warware masa komai kamar yadda yayiwa daada ba tare daya gaya mishi ainihin meye matsalar ba,yarufe da cewa
"Dole na tafi katsina,saboda daada da nake da hope akanta naga kamar wannan karon bani da wannan goyan bayan,wallahi muhsin ku fitar darai dani wannan karon idan narasa shahida,bazan iya jurewa ba,wancan lokacin hawan jini kawai nasamu,wannan karon kuwa zuciyata ce zata buga" yaga gaskiyar haka qarara saman fuskar anwar din,tausayinsa yakamashi,cikin qarfafa gwiwa ya daki kafadarsa
"Be a man mana,haba ba haka nasan anwar dina ba,nasan zaka iya u can do it,kaje,inada yaqinin soyayyar da shahida ke maka kamar yadda nake da yaqini kan taka soyayyar a gareta,ina maka fatan alkhairi,zakaci nasara,kayi qoqarin hada duk wani courage naka Bravery" kalaman muhsin sun kwantar masa da hankali,shine mutum nabiyu dama dayake tsammatar samun qwarin gwiwa daga garesa,sai anty usaina,wadda ya gaza fuskantarta ya bayyana nata komai,baisan da fuska dakuma sigar da zaiyi amfaniba ta fahimceshi ba tare da an samu wata barakar da qarin damuwar ba.

🎍🎍🎍🎍🎍🎍🎍🎍🎍🎍


Tana zaune rumfar daadan ta tasa kwadon zogale a gaba tana masa cin qoshi kamar wadda tasamu shinkafa,yayin da daada ta zuba mata idanu tana kallon ikon Allah,dukkan wani alamu name yaron ciki yagama bayyana tattare da ita,amma har yanzu bataji komai daga bakin shahidan ba tattare da wani abu dazai nuna tasan da zaman cikin,kasa shuru tayi ganin yadda take hannu baka hannu qwarya
"Ohni habiba na shiga uku,wannan anya ba nomau zaki haife mana ba?,wannan ci haka kamar gara?" Idanunta ta wurga tsakar gida waidon taga koda wani take magana?,don sam koda wasa bata gane da ita take ba,don maganar batayi kama da tata ba,saida ta gama dube dubenta sannan tace
"Nifa dadina dake wani lokaci saikiya hira ke kadai,yanzu dawa kike?" Harararta tayi sannan tace
"Sabon kamu ce,gidan nan bayan ni akwai watane?,konice nake da juna biyu?"
"Juna biyu kuma?" Shahidan ta tambayeta tana dubanta
"Ciki mana"
"Wainice mai cikin?" Ta sake tambayarta tana maida lomar data dauko cikin kwananon
"Ah ah nice don gyatumarki" saita narke fuska tana duban daadan
"Allah ni bani da komai,kawai don hankalina ya kwanta inacin abinci yadda yakamata saikice wani ciki ne dani?" Idanu kawai ta zuba mata,ta tabbatar da gaske bata sani ba,a qadamin da ake kaima yanzu sai taga shurun yafi alkhairi,don haka ba abunda tace illa
"Hakane,Allah yakyuata" tasaka a ranta kawai zata lura da ita tasa mata idanu,har zuwa sanda zata fahimci haka.

Haka kawai taji zogalen yafita daga ranta,saita ture gefe tana niyyar tashi
"Ahaa,ya haka"
"Na qoshi" tafada tana ficewa bakin famfo tasoma wanke hannu.

Sallamar anwar data ji ya sanyata kwasowa da gudu daha bakin famfon zuwa rumfar daadan,tasaki salati tana kallonta
"Ahir dinki wallahi karna kuma gani kina gudu,idanba haka ba zan cire hannuna daga lamarin naki"
"To daada me yazoyi don Allah?"
"Ina ruwanki dashi,ki barshi mana yashigo yagamu dani ai,yi wucewarki kawai" saita wuce uwar dakan daadan,tahaye saman gado ta qudundune abinta tana kasa kunne sosai don taji ya zata kaya.

A nutse yasake sallama yashigo,yayi kyau cikin shadda wadsa ta amsheshi matuqa,ta qara masa kyau da kwarjini sosai,,daada dake xaune daga dakin nata amsa mishi,ya qaraso yana cire sau cikinsa,tun jiya yashigo garin cikin dare,daqyar ya taushi kansa ya iya bari zuwa safiya.

Dubanshi daada tayi sanda suka gama gaisawa,ta lura yadanyi rama kadan
"Yanzu kake tafe?" Kai ya girgiza
"A'ah,tun jiya da daddare"
"Aikin kuma fa anwaru?" Cikin kalar tausayi ya karyar da murya
"Wanne aiki daada