You Cannot Download this book untill you login but you can read it .

---

Login Register

zira hannu yaciro envalope din,cikin sassarfa ya bude dakin yafice,ya sauka qasa ya durfafi dakin karatunsa ba tare daya duba cewa dare yasoma nisa ba,baiko damu da kunna qwan lantarkin dakin ba yayi amfani da hasken bayan gidan da yake ratsowa yake shigowa tacikin dakin,ya kunna cumputer yazauna sosai kaman zai shige cikinta,ya bude littafin da suke karatu ya dudduba wasu bangarori a gurguje bayan ya tashi cumputer din yasoma shige shige bayan ya saita camera din laptop din yadauki hoton katin dake hannunshi ya maidashi cikinta.

"La haula wala quwwata illa billa,la'ilaha illa anta subhanaka inni kuntu minazzalim,astagfirullah" ya dinga ambata dukka hannayensa guda biyun saman kanshi kamar wanda ke shirin rushewa da ihu,idanunsa qyar bisa allon cumputer din,aikin dabai xaci xai iya ba sai gashi cikin awanni uku yayi shi,tunda suma karatun bai taba practicing abinda yake karantawar ba,sai a yau a karon farko,fuskar shahida da aka dora saman ta fice tas,ainihin me fuskar ta bayyana,wanda take tsirara haihuwar uwarta ita da saurayin dake jikin hoton,sosai yazubawa fuskar idanu yanason tunata
"Fuskar wace wannan?" Ya dinga maimaitawa idanunsa na sake kadawa suna komawa kalar ja,FIDDAUSI sunanta yafado masa bayan ya tuna inda yasanta,qawace ga shahidan,yasha ganinta tare da ita,shahidan tasha kai masa qorafin yadda zunnurah ke qinta ba gaira ba dalili,yasha maganar da xunnurah,sau tari takance
"Wallahi ni kawai batayimin bane anwar,saboda ina shakkar tarbiyyarta,banason tashiga jikin qawata kuma alhali tana da wata mummunar dabi'a,kabar abinda kake kokwantonsa izuwa abinda baka kokwantonsa kawai" kasa zama yayi saman kujerar kawai saiya sulale yazauna sosai saman carfet din dakin,bayan ya saka remote ya kunna duka qawayayen dakin,dukka tunaninsa da kwanyarsa sun dauki zafi,hoto daya tak shine wanda wanda yake nuna ainihin fuskar ta shahidan ce(wanda aka dauka randa ta raka fiddausi siyan syrup takusa faduwa wani ya tarota),dukkan wani tunani nashi ya tsaya cak,ya soma tattara dukkanin hotunan yana yamutsasu bayan ya cire iyakan shahida dana saurayi,koda komai nashi zai qare saiya nemo wanna yaron,koda xai rasa duk abinda ya mallaka saiya nemosu,fiddasi?,ina zaiga fiddausi?,sai a yanzun ya tuna ma tunda ya soma haduwa da shahidan karo nabiyu cikin rayuwarsu bai taba ganin fiddausin tare da ita ba,anya wannan ba YANKAN BAYA BANE?!.

kiran sallara asubar daya soma ratsa kunnuwanshi ya sanyashi tashi ala dole yabar dakin,ya dinga takawa tamkar wanda yasha wani abun maye,yana tafe yana yamutsa gashin kansa,duk wata kafa da qofa ta tunaninsa ta dinke tsaf!.

Da sauri ya tarota wanda hakan yasa envalope din hannunshi subucewa ta fadi qasan gadon sanda yake niyyar shiga ita kuma tana yunqurin tashi daga saman gadon xuwa toilet dinta,jikinta ya dauki zafi sosai,saiya kalli qwayar idanunta,bai iya tantance meye saman fuskartata saidai yunqurin jaa da baya da tayi
"Kada ka sake tabani,ka qyaleni haka tunda muradinka yacika,na hadaka da Allah",ta qarasa fada tana hade tafin hannayenta alamun roqo,duk da cewa ta kasa kallon koda fuskarshi ne bare idanunsa
"Kafita,na roqeka"ta kuma furtawa muryarta a karye,da alama kuka takeson saki,kasa ci gaba da tsaiwa tayi saboda azabar da takeji saita koma tazauna bakin gadon badon taso ba,kaman wanda aka rufe mishi baki haka yaji ya kasa cewa komai sai kallonta kawai da yake,kowane daqiqa daya yana tariyar duk wata magana daya gaya mata ne a baya,inama zai iya,inama kuka zaizo masa?,inama zai iya rusa ihu,yayita rusawar harsai yaji sanyi cikin ranshi,saidayaga takoma ta zauna sannan ya qarasa gabanta,yazube dukka gwiwoyinsa a qasa,yakai hannu zai kama hannayenta tajanye hadi da janye gwiwar tata
"Kome zaki fada na yarda da hakan,ki bari na taimakeki don ke kanki kinsan baki da qwarin aiwatar da komai" batace masa komaiba idanunta na runtse don batason kallonshi,duk da hakan hawaye bai hana fitowa ta qasan idanun nata ba,wani babban tashin hankali yaji yana saukar masa,da wanne ido zata kalleshi a sanda tasan dalilin da yasa yaqwafeta yake xarginta?,yanajin kaman zunubinsa wajen Allah na qaruwa duk sanda qwalla daya tafito daga idanunta,taqi ta tankashi,saboda haka yamiqe ya shiga toilet dinta,ya cika mata bathtube da ruwa mai azabar dumi sosai,sannan ya sake kunna water heater din yatsaya saida koriyar danja ta kama alamar wanda yakeciki ya tafasa sannan yakashe yafito,har yanzu tana zaune a inda take bata motsa ko nan da can ba,inama ace dukkan abinda yafaru bai farunba?,inama ace komai daya faru a baya mafarki ne?,ya dade yana gina wannan daren cikin tunaninsa,ya dade yana suranta yadda daren zai kasance,ashe duka bazata samu ba,ashe duka zaizo musu ne a hugunce shida ita?da xaiyuwu zaici gaba da rufe komaine kamar yadda tsahon shekara shida yake rufe da abinsa,amma hakan bazata yiwu ba,dole ya gaya mata komai saboda babu wata hanya da zai gane wanda keda hannu cikin lamarin saida goyon bayanta.

Sau uku yanace mata tashiga tayi wankan amma kamar da dutse yake,ya daga kai ya dubi agogo,saura kadan lokacin sallah ya kubce musu,yatuna da yadda yake tafi da ita wanda kafin sannan basirar hakan tabace masa tas saboda yanayin da yake ciki,saboda haka ya soma tattare hannun rigarsa
"Indai kika bari na qaraso nan baki tashi ba ba abinda zai hanani qarasa ladana,tunda na fahimci so kike ki mana asarar samun sallah akan lokaci,zumbur tamiqe wanda har sai dataji a jikinta,ta soma takawa da daya da daya,ganin hakan yasanshi qarasowa gaba daya ya dagata yayi bandakin da ita,saidaya ajeta sannan ya fito yaja mata qofar bandakin.

Fita yayi daga dakin dasauri yana gaggawar yarigata gamawa kada ta rigashi fitowa.

Ta jima tsaye gaban mudubin bandakin tana kallon fuskarta tare da sakin wani sabon kukan,ayau bata da wani sauran alfahari daya rage mata anwar ya karbeshi a yanayin da ko kusa ko alama bata shiryawa hakan ba,sai data gaji don kanta sannan ta fidda kayan jikinta ta soma gyara kanta,wanda dataji azaba kawai takeci tabarshi tasoma wankan.

_kuyi manage_🥰*Alqawarin Allah*
48



Yaci sa'a kuwa,sanda yadawodin bata fito ba,saiya haura gadon ya yaye zanin gadon dake samanshi ya hada da pillow case din ya sabule gaba daya,ya bude sif dinta duk da baisan kanta ba ya soma lalubawa,cikin sa'a yasamesu a jere yazabi daya ya budeshi ya shimfida,ya tattara duk wani abu daya baci a dakin ya share gami da gogewa,fes dakin yayi,ya riga yasaba kusan tun can baya daya rayu shi kadai cikin gidansu,shi yakeyin komai,don haka irin wannan hidimar bata bashi wuya saidai bai samu lokaci ba ko bai sanya kanshi ba,ya kunna turaren wuta a burner daya gani jone kusa da gadon.

Qofar bandakince ta bude a hankali shahidan tafito,tana ganinsa ta dauke kai kanta,yayin dashi kuma yaci gaba da kallonta,tafiyarta gaba daya ta canza,tana takawa kamar mai tausayin qasa,kanshi ya girgiza da alama bata shiga ruwan zafin dakyauba,baice mata ba ya zagayeta ya koma toilet din,ya hada ruwan zafi dakyau ya dawo dakin ya taddata tana zaune zata soma shafa mai,yasan ma batun ya mata magana tayi kai tsaye bata bakine,saboda haka yayi mata irin na dazun ya sunkuceta kawai,bata tsammata ba saboda haka abun ya bata tsoro ta riqe wuyanshi da hannunta tana jin kaman zata fadi
"Ka saukeni....banaso...meye haka?" Ta dinga fada cikin fada,saidai hakan bai bayyana ba sakamakon laushi da muryarta tayi,bai saurareta ba sai daya sanyata cikin ruwan yana zare qaton towel datayi daurin qirji dashi,tana qoqarin riqowa ya sake zare na saman kanta,saita koma cikin ruwan tayi laqwas duk da zugin da takeji,babu damar fita saboda ya amshe duka towel din,sai qwalla kawai data dinga sauko mata zuwa saman fuskarta idanunta a runtse,ta rasa ina zata kalla,ko bata fada ba dole yadinga hango jikinta tacikin ruwan tunda garai garai yake.

Hakan take kuwa,yana tsaye ya jingina da wata 'yar cupboard dake bandakin yana kallonta tacikin ruwan,wani bari na zuciyarsa farinciki ke ratsashi mara misaltuwa hadi da godiya ga Allah daya kare mishi shahidarshi,ya tsareta,yasa duk abinda yake tsammanin yafaru din ya zama zato da hasashe,na biyu kuma idan ya tuna yadda suka zama abu guda sai abun yayita masa dadi da qayatar dashi,abu na uku kuma shine yadda Allah yajuya akalar tunaninsa,ya kasa haquri da shahidan awancan lokacin har sai daya taka da kanshi yaje ya nemi aurenta,da tuni yabarwa wani banza da baisan ciwonta ba ita?,da tuni wannan zumar dayasha a yau din wani ne zai sameta?.

Gefe daya na zuciyarsa kuma tunaninsa yayi nisa qwarai ta inda zai binciko dukkan wani wanda yake da hannu wajen shiryawa da faruwa lamarin,ya quduri aniyar koma waye bazai taba sassauta masa ba,saiya biya duk wani radadi da suka shiga suka dandana shida shahidan tsahon shekaru shida,saiya dandana dacin daya lasa musu tsahon lokaci,bazai masa afuwa ba,a yanzun kam bayason ya bayyana komai wa shahidan,yafison saiya kammala zaluqo duk wanda keda alhaki kan abun,babban burinsa shine a yanzu ya dawo da soyayyarsa cikin zuciyarta,yanada buqatar dukkan wani abu dake nuna qauna da soyayya daga gareta kamar yadda suke a baya,shima zuwa yanzu ba'a zancensa,yadda yakejin shahida a yanzu cikin ruhi da rayuwarsa,koda ace da gasken ta aikata wancan abun da abaya yayi tsammanin bayajin zai iya rabuwa da ita,ta zama shi ya zama ita,bazai iya barwa wani ita ba,bare daya bayyanar masa cewa akwai wani boyayyen lamari da shiryayyen shiri cikin lamarin,to waishin wa suka tsayawa haka a rayuwarsa dahar ya zabi yi musu wannan mummunan hukuncin?.

Yayi nisa a tunanin nashi yadinga jiyo kaman shashsheqarta,yasake kai dubanshi gareta zuwa yanzu tana cure waje daya cikin ruwan,saiya aje towel din hannunsa ya matso inda take
"Kin hade jikinki gaba daya,ta yaya ruwan zai ratsaki?"
"Don Allah kafita ka bani waje don Allah ka qyaleni"
"Kiyi haquri shahida....bazan iya ba" ya fada yana durfafarta,qarfi yasa mata ya tabbatar tazauna sosai ruwan yana ratsata yadda ya kamata,hakanan tanaji tana gani ta zuba mishi ido,don bata da wani sauran abunyi,sai daya canza mata ruwa sau uku sannan yamiqa mata towel din yace tadaura,yadan bata space ta daura din sannan ta fito,yana binta a baya kamar bodyguard,ita akaran kanta taji dadi sosak,ciwon da radadin ya ragu,a takure tashafa mai saboda yana tsaye gefanta kamar wanda aka bashi gadinta,ta zaluqo kaya zata sanya tarasa ya zatayi
"Kabani wuri nasa kaya" ta fada ba tare data dubeshi ba
"Ki saka kawai,gwarama ki saba da sanyawar a gabana,don daga yau na daina rabuwa dake,meye ma ban gani ba da za'a boyemin" hararasa takeson tajuya tayi amma batason su hada idanu,haushi ya kamata,wato yagama da ita kenan,ko bai fada bai ai itama kanta tasani,ganin ta tsaya ita bata saka ba ita bata aje kayan ba saiya matsa gab da bayanta,zataja baya yayi hanzarin hadata da jikinsa yariqeta tsam yanajin kewarta kamar ba kusa dashi take ba,cikin kunnenta yace
"Zaki iya yafemin shahida?,zaki iya yafemin bata miki ran dana tabayi a gabaki dayan tarayyarmu dake?" Mamaki ne ya kamata,meya sauyashi haka?,ko dadin baki yake mata?,kodon ya samu amfani da ita ajiya yakeson yayi mata dabara yayi yayi mata dadin baki?,to bazata sake barin abunda yafaru yafaru dinba,wannan dimma shammatarta yayi,don haka shuru ta masa,don idan tace zata tureshi ba ta bata lokacinta ne tasan ba zaya matsa ba,saiya amshi bra din hannunta ya soma qoqarin saka mata,ta rasa ya zata masa,itakam ya matsanta mata,tafison ya qyaleta tayi jinyar kanta,saboda haka ta sakar masa kuka,kaman ana masa kida tsakar ka yaji sautin kukanta,cikin daburcewa ya soma rarrashinta,dole daga qarshe ya bata space ta canza kayan tunda ya fahimci haka takeso.

Tun daren jiyan daya fita daga dakinta hankalinta ba'a kwance yake ba,gaba daya komai ya dagule mata,itama a matse take fiye dashi,dogon tsaki taja,wannan maganin sharadinsa yafiya tsauri,dole ta nemi mima asan abunyi,bata duba dare ba tajanyo wayarta tahau kiranta,sai data kusa tsinkewa ta daga,muryarta na nuna alamun ta fara bacci
"Lafiya kike kirana a irin wannan daren?,koni da bani da aure ai bana kiraki a irin wannan lokacin ba bare ke dake da aure" tsaki ta sake ja
"Yo wane aure?,auren da yake a suna ba"
"Kaman yaya?"
"Wannan maganin naki mana,ya tsaida komai ya hana komai yin gaba,komai yaqi daidaita,yanzun ya kama hanya yafice daga dakina cikin bacin rai,saboda kwana shidan nan duka janye masa nake naqi bada hadin kai,ina tsoron karya tafi dakin wancan baqar matsiyaciyar,mima,na samu dama irin wanda ban zaci zan sameta ba amma tana neman kubcemin,ban tsammaci zan samu anwar haka ba na sameshi amma komai nason tsama mai jinkiri"
"Damar da xaki rasa nan gaba ta ninka wadda kike magana akai a yanzu,kin manta cewa da kwanakin sun qare shikenan?,zaki samu fiye da abinda kike nema?"
"Na sani mima....amma ba wani sauqi da zaki tambayomin wajen malam,koda sau daya ne ayi shikenan sai a dora daga inda aka tsaya?"
"Yin hakan dai dai yake da haukacewarki,don yace idan aka soma aka kuma dakata toba shakka haukacewa ake" idanu nafisa ta zaro cikin tsoro,harta hango kanga cikin hauka,sai hankalinta yasake tashi
"Mubar wannan batun,meye mafita?,yanxu ya zanyi dashi?" Murmushin mugunta miman tasaki can qasan ranta,a yanzu haka tafi jin mugun haushin nafisa fiye da shahida,donta shahida tana ganin mai sauqice a wajenta,tunda harta iya fadawa tarkonsu a baya to a yanzu ma bazaiyu wuya ba,amma ta fuskanci qwaqwalwar nafisan babu komai fanko ce,ba kasafai take aiki ba,uwa uba ta maidata kamar wata yarinyar gidanta kenan
"Ina tsoron karya farmiki kizo hauka ya tabbata a kanki,a shawarce kawai kibar mata kwanakinki na tsahon lokacin da zaki gama magani,idan kika duba ba wani abun damuwa bane,da magani ya kammala zaki fanshe fiye da abinda kika sadaukar,idan kikaso ma kina iya amsheshi gaba daya ki hanashi ko kallon qofar dakinta bare akai ga shiga" shuru nafisan tayi,shawarar kam ita kadaice mafita,amma kuma tana tsananin kishin anwar din
"Idan kuma bazaki iya ba to nan gaba karki kuka dani,karkuma ki nemi shawarata idan lamura suka kwabe,amma idan baki wasa ba rashin haqurin wata uku zai iya jaza miki kwabewar lamuranki muddin rai" sosai maganar miman ta gamsar da ita,saita gyada kai cikin gamsuwa,ko kafin tace wani abuma miman ta datse layin,donta tabbatar mawuyacine ma nafisan taqi aiki da shawararta,uwa uba sai tana nuna bata damu sosai da abun ba kafa taga ta matsa da yawa tasawa ranta wani abu kan batun.

Da wannan shawarar ta miqe da hanzari ta nufi bakin qofarta tasanya key tarufe,ga tsammaninta anwar dai zai dawo,kar kuma ya kasa haquri yafar mata kaman yadda miman tayi mata hasashe.

Fitsari shiya tada ta,ta sauko a hankali daga saman gadon zata wuce toilet,qamshin da hancinta ya jiyo shiya dawo da ita da baya,ta waiwaya ta dubi kwanukan dake aje saman mudubinta,cikin mamaki ta qarasa ta soma budewa,qamshinsu ya cikata,yawunta ya tsinke,mamakin wanda yayi girkin yakamata,saita tuna da anwar din,tasan ya iya girki saboda rayuwar da yayi tsahon shekaru shi kadai,amma bata da tabbacin iyawar takai har haka.

Waiwayawa tayi sanda aka turo qofa,shine yashigo riqe da cumputer dinsa,idanunsa a kanta,saita dauke kai tayi gaba tashige bandakin kamar ba itace tsaye tana qarewa abincin kallo hadi da sheqar qamshinsa ba.

Kafin tafito ya zuba komai dan dai dai saman plate,ya jawo dan qaramin carfet din dake can gefan gadon ya shirya akai,yana zaune shima akai ya tanqwashe qafafunsa,idanunsa akan qofar sanda ta fito,ta qarasa tadauki wayarta dake tsuwwa tazauna gefan gadon tana amsawa,saiya dauki cokali yasoma ci yana dubanta,itama lokaci lokaci takan faki ido takalleshi,qamshin abincin na saka mata jin yunwa harta kammala wayar
"Kinason kiji yadda mutum yakeji idan an masa rowar abinci ko?" Bata ce masa komai ba harsai da yayi loma kusan uku
"Oya....sauko kici don ni bazan iya hanaki ba" kai ta dauke tana kyabe baki
"Banaci"
"Ko?" Ya tambayeta kaitsaye,saiya aje cokalin nasa ya hade hannunsa yana kallonta
"Option biyu kawai zan baki....na farko" ya furta yana daga yatsanshi
"Ko ki sauko kici da kanki,na biyu....kona tashi na miki dura,na rantse kuma idan bakici ba abinda zan miki kenan" tunda taji ya rantse zai aikata din,hakan yasanyata ta zamo ta qaraso zuwa can carfet din tana hade rai,pillow ya janyo guda biyu yasa mata daya daga bayanta daya daga gefanta cikin tsokana yana cewa
"Bari nasa miki waigi tun kafin ki soma ci,dama na miki alqawari idan baki manta ba shekara shida baya....zan miki girki a lokacin da mukayi aure,duk sanda kika soma ci kunnenki saiya tsinko ya fadi,can u recall?" Ya fada yana dage mata girarsa,sosai jikinta yayi sanyi,ta tuna lokacin,daya daga cikin lokuta masu sanyi da ratsa zuciya cikin tarihin rayuwar soyayyarsu,lokaci cikin lokuta mafi tsada a rayuwarsu,ta tuna lokacin fes,yana daya daga cikin lokutan da sukan zauna kowa na fadin abinda ya tanadarwa dan uwanshi duk lokacin da suka zama mallakin juna,harya tura mata abincin tana cikin tunani,ta miqa hannu ba musun nan ko taurin kai ta soma cin abincin,ya kafeta da idanu yana qoqarin dora murmushi kan fuskarsa,duk da can qasan zuciyarsa wani irin bacin rai da zallar tausayinta ke ratsashi,yaa rabu da ita na tsahon shekaru bayan yasan cewa a daidai lokacin babu wani buri da take dashi sama dashi,bata da wani tunani ko fata sai nashi,ta narka rayuwarta cikin tashi sun narke sun zama abu daya amma ya tsame tashi rayuwar daga cikin tata,saboda wani dalili,saboda zallar mugunta baqin hali da mugun qulli na wasu mutane,mutanen da baisan su waye suba,me suka musu da har suka zabi rabasu ba gaira babu dalili?,qoqarin kauda tunanin yayi saboda a yanzu ba lokacinsa bane,babban burinsa shine ya samu kanta ya sanya daidaito haquri da yafiya cikin ranta,kaman hadin baki suka sake hada ido lokaci daya,ya kashe mata ido daya
"Ya kikaji girkin?" Saita tabe baki donta bashi haushi tana fito dana bakinta wanda batakai ga taunawa ba tana ajewa a gefe
"Ba dadi,gishiri,yaji magi mai duka" baisan sanda ya qyalqyale da dariya ba,abinda bata saniba shine,duk abinda tayi da wata niyya yana karantarta,saidai yakauda kai kawai kamar bai gane ba,yasan cewa dabiyu tayi
"Ko?,to tunda hakane bari kiga" yayi maganar sanda yake juyo da bangaren data fito dana bakinta yasoma dauka kaiwa bakinsa
"Ko babu dadi tunda yashiga bakinki nasan zai zama mai dadi" kallonshi take yadda yakecin abincin hankalinsa kwance.

Dai dai lokacin da hankalin nafisa ya kasa kwanciya,takai takawo a falonta yafi a qirga,bai fita daga gidan ba yana nan,amma koda wasa bataga gilmawarsa ba,tayi kawaicin har d'an haqurin nata ya qare,sannan kuma ma gaba daya 'yar qofar da zaka shiga barandar da zata sadaka da falon a qulle take bare tashiga dakinsa tadubashi.

Qarar wayarshi dake aje gefansu ta dauki tsuwwa,a tare idanunsu yakai kan screen din,sunan nafisa ya bayyana saman wayar,saiya miqa hannu zai dauka,batasan ya akayi ba nata hannun yariga nashi isa,tana dauka ta datse kiran sannan ta maida wayar ta aje,sai kuma wani nauyi yakamata ta kasa hada idanu dashi,boyayyen murmushi ya subuce masa,wani sanyi yaji yana ratsa zuciyarsa,ya zuba mata ido sosai yadda ta daburce gaba daya amma ta dake batason ta nuna
"Kishina kike shahida?" Ya ambata murya can qasa yayin daya kafeta da idanunsa da har wani lumshewa tsabar shauqinta da yakeji yana ratsa ko wani sashe na jikinsa,qauna da soyayyar da yayiwa zagon qasa,ya takura 'yan cinta duk da baqar wuya da yakeci,ya hanata ta sakata ta wala,ayau ta samu 'yancin cin gashin kanta,ta samu dama tanata ambaliya iya son ranta,ji yake kaman yanzu yanzu ya soma son shahidan._Abota mai cike da aminci shaquwa da kuma qaunar juna,sadaukarwa da girmama farincikin juna_

_kin karantashi?_

*DANGANTANAR ZUCI*
NA
_SAFIYYA HUGUMA_

_KI KASA KUNNE KI SAURARESHI A TASHAR SAUTIN HIKIMA DAKE DANDALIN YOUTUBE_

*Latsa blue din rubutun nan dake qasa wanda shi zai kaiki ga ainihin inda labarin yake*

https://youtu.be/HJ6p1BihojI



*ALK'AWARIN ALLAH*
49

"Me yasa kake damuwa sai nayi kishinka ne?,kai abun kishi ne wai?" Ta jefa masa tambayar cikin gatse gami da harara,qaramar dariya yasaki yana gyara zamanshi sosai sannan ya kalleta
"Ke za'a tambaya ai,idan na isa abun kishi ko ban isa ba duka kin sani,amma nameye xaki kashemin kiran mata?"saita tasa amsar tambayar,hakan yasa tadanyi jim na wasu lokuta amma tana fakewa dacin abinci harsai data lalubo amsar sannan tace
"Raini ne banaso,ka gaya mata kada tasake kiranka irin haka,idan ba haka ba kar a sake shigomin daki,dama ni na yafe mata kai tuntuni da dadewa,shekara biyar zuwa shida" dariya na taso masa amma mamaki ya kamashi kan furicinta,yaushe tasan nafisa?,a ins kuma?
"Dama kin santa ne?" Ya tambayeta yana dariya dariya,saita qi bashi hankalinta,don jin tambayar take kaman ta rainin hankali,kamar da biyu yake mata tambayar,ita zai tambaya ma wai tasan nafisa ko bata santa ba?,saita shareshi taqi amsashi
"Uhmmm,kenan dama bincike kike akaina ko?" Ya sake tambayarta yana dage mata girarsa
"Ka isa ma?" Ta fada da sauri tana tsareshi da ido don kada ya zaci ta damu dashine har take bibiyarsa
"Ohhhh....hakane fa" saiya miqe tsaye yana ci gaba da boye dariyarshi,yadauki wayarsa ya juya ya bude dakin yafice,saita saki ajiyar zuciya,me yasa bata iya shareshi ne?,me yasa take biye masa?,ta tambayi kanta,ta sake sauke numfashi tadan jingina da filon daya sanya mata tana tuna irin maganar da sukayin a yanzu da amsar data ringa bashi,saita dan dafe bakinta kadan,taji wani abu yadan sosa ranta,kaman tana amfani da kalmomi masu tsauri da bada negative answers da basu kamata ba,data tuna kuma dalilin daya janyo haka saita share kawai,batason yadawo suyita maimaitawa don haka tamiqe ta isa bakin qofar,ta saka muqulli tarufe,dawowa tayi tazauna ta sake jingina da filon tana lumshe ido,a hankali darensu najiya ya soma dawo mata,saitayi zumbur tazauna tana kwabar kanta,duka abun kunya yake bata,shi yasa shi kansa anwar din batason dawowarsa,jinta take duka a takure,wani banbarakwai,sake gyarawa tayi takoma ta sake kwanciya.

Bayan yabude madaidaiciyar qofar yasoma sauka qasan,tana nan tsaye jikin makarin benan tanajin taku ta daga kai tazuba masa idanu tana kallonshi,fuskarta kwance da bacin rai kamar yadda ta tsammaci ganin tashi fuskar,saidai ga mamakinta wani irin annuri nutsuwa da kwanciyar hankali take gani kwance saman tashi fuskar,babu bacin rai ko qwayar zarra,sai hakan yasake baqanta mata,wato kwanan farinciki sukayi kenan shida matarshi?,ita taga duhu?
"wannan wanne irin tsantsar rashin adalci ne ?,ka dauki kwanana ka kaiwa wata?" Ta fada kamar xata saki kuka,dubanta yake sosai cikin mamaki,anya bata da jinnu yarinyar?
"Ashe harkin manta lokacin da kikacemin naje kenan?" Shuru kuma tayi bata da sauran wani abun qorafi kuma,idan ma za'a daga nata lefin ya ninnika nashi,to amma bai kamata tayi faduwar haka warwas ba
"Kuma saika tafin?"
"Ina da maslahar data wuce haka ne?" Ya jefe mata tambayar yana tsareta da kallonshi,wanda yakarya duk wani karsashi da shiri nata,dole tasauya akalar maganar
"Ga breakfast can" daga kai yayi ya dubi sashen sannan yakalli agogon dake maqale a saman wajen,ba tare da yayi magana ba ta fuskanci me yake nufi,saboda haka bata sake cewa komai ba
"Uhmmm,akwai wani abune?" Kai ta kada tana matsawa daga wajen,itakam gaskiya wannan maganin banda mima ta gaya mata haukane qarshen sakamakon rashin kammalashi da babu abinda zai sata qarasashi,haqura zatayi,soma tsinewa shahida tayi,a duniya bata da maqiyiya sama da ita,waima me yasa qaddara bata fara hadata da anwar ba?,lallai dada ita ya soma haduwa duk yadda zatayi ta toshe ganinsa daga kan duk wata diya mace sai tayi,saiya qarasa saukowa shima yasamu daya daga cikin kujerun ya zauna
"Zonan" yayi kiranta,ta tako a hankali ta zauna kujerar dake daura dashi,kallonta yayi na tsahon wasu mintuna wanda hakan yayi mata nauyi,kwarjininsa yacikata,yanayin fuskarsa kawai ya gaya mata dagaske zaiyi dukkan wata magana da zata fito daga bakinsa
"Me yake damunki?,meye matsalarki?,lafiya ce baki da ita ko kuwa?" Ya jefa mata tambayar data zo mata a bazata,tadaga kai ta kalleshi ta maida qasa da sauri,saboda kwarjininsa na iya sawa ta fadi sirrin cikinta
"Babu komai,lafiyata qalau"
"Kin tabbatar?"
"Eh" ta amsa mishi gabanta na faduwa
"To me yasa kike duk abinda kikeyi din?" Tsoro ya kamata taqi dubanshi,tsahon minti biyu kafin tace
"Babu komai" cike da mamaki yake dubanta
"Babu komai?" Kaita sake gyada masa,shima shurun yayi yana jinjina kai tsahon wasu daqiqu sannan ya sake kada kai
"Is okey,yayi kyau" daga haka saiya miqe ya soma takawa zai fice daga falon,binsa tayi da kallo harya qarasa ficewar sannan