You Cannot Download this book untill you login but you can read it .

---

Login Register

salat take yanka wa tana so tayi kwaɗon shi taci


Jin sallaman su yasanya tatsai da yankan tana ɗago kai ta'amsa musu tare da basu iznin shigowa


Shigowar kuwa suka yi Halwa ce a gaba


Hakan yasa Zainab tasauke idanun ta kan Halwa ɗin duk da bata gama gane ta ba, sai tawaro idanu tana son gasgata gizau ɗin da idanun ta ke mata


Lokacin tuni sun gama shigowa, yayinda Halwa kuwa kallon ta kawai take yi tana zuba murmushi, a take anan wani irin farin ciki yamamaye ta sakamakon ganin Aminiyarta wacce suka fi kowa shaƙuwa tun ƙuruciya, babu abinda ke raba su akoda yaushe har tasowar su, sai gashi rana tsaka sun rabu wanda basu sake ganin juna ba tsawon shekaru kusan biyar



"Halwa". Zainab tafaɗa da rawan baki still itama tana bin ta da idanu batare da ta motsa daga inda take zaune ba



"Zainab ɗina". Halwa itama tafaɗa ahankali idanun ta na kawo ruwan hawaye


Ai tuni Zainab ta yunƙura tamiƙe cikin tsananin murna ta nufo ta tarungume tana sake kiran sunan ta batare da ta furta wani kalman ba, kuka suka fashe dashi na tsananin kewar juna da farin ciki.


Saleema da tuni ta nemi waje ta zauna, Ahmad na hannun ta dayake tun shigowar su ta'amshe shi, kallon su kawai take yi cike da tsantsan tausayin su, kasancewar ta me rauni itama tuni ta soma hawaye batare da ta san tana yi ba



Sun daɗe rungume da juna suna ta sambatu da nuna kewar da sukai wa junan su, kafin kuma suka saki juna suka sami waje suka zauna, bakin su gaba ɗaya yaƙi rufuwa Cuz farin cikin da suke ji a yau ɗin


"Wlh bansan da bakin da zan iya nuna murnan da nake ciki ba da ganin ki Halwa, nayi kewar ki nayi kewar ki fiye da yanda kike tunani, tun ina saka ran dawowar ki har sai da kika saka nacire rai da ganin ki, nayi kewar ki wlh". Zainab taƙarike maganar nata tana me share ƙwallan da yacika mata idanu


Murmushi Halwa tayi tace "kiyi haƙuri Ƙawata, kina raina bazan taɓa manta wa dake ba, naso zuwa a lokuta da dama sai dai Allah be nufa haɗuwar mu ba sai yanzu".


Hannu Zainab tasake saka wa tashare hawayen ta, sai kuma takalli Saleema dake kallon su har yanzu ta kasa cewa uffan


Hakan yasa Halwa tace "Sunan ta Saleema, ƴar uwata da tamaye mini gurbin ki, da ba don ita ba ban san ya rayuwata zata koma ba, ita ce tamaye min farin cikina dana rasa abaya.."


"Haba ke kuwa kiyi shiru mana mu gaisa". Cewar Saleema tana katse mata maganar ta


Baki a washe Zainab tagaishe ta duk da kuwa Saleeman ba wai ta basu tserayan shekaru bane, da shekara ɗaya ta girme musu


Cikin fara'a Saleeman ta'amsa cike da ƙaunar Zainab ɗin aranta


Sai da suka gama gaishe-gaishen nasu har Zainab ɗin tatashi takawo musu drinks, Ahmed ta'amsa daga hannun Saleema takoma tazauna tana faɗin


"Kema ƴar lukuta zo nan wajena".


Husna dake maƙale jikin kujera tana jan igiyoyin kwalliyan da akayi, tataho dasauri ganin Saleema ita take kallo, dayake yarinya ce me shegen wayau ga son mutane


Ɗaukan ta Zainab tayi taɗaura saman kujeran tana cewa "Yauwa ƴan mata na, ya sunan ki?"


"Husna". Tafaɗa tana jujjuya jikin ta cikin wasa


Kallon Husnan tayi da kyau, sai taɗago tana duban Halwa tana murmusawa tace "wlh sak irin ku ɗaya, daga gani yarinyan nan taki ce, ashe kema kinyi aure?"


Dariya kawai Halwa tayi batare da tace komi ba


Saleema ce taba ta amsa da "Eh".


"Allah Sarki rayuwa kenan, ashe babu rabon muga auren juna, amma mun gode Allah tunda Allah ya haɗa mu da ran mu da lafiya".


Sai kuma takalli Ahmad tace "kai kuma ya sunan ka ɗan kyakykyawa?"


Husna ce taba ta amsa da faɗin "cunan sa Ahmad, amma kincan mene Aunty Mamy take ce mici?" ( Tana nufin Halwa)


"A'a sai kin faɗa?" Zainab tafaɗa tana shafa mata kai


"Tana ce mici Amadidi".


Dariya suka yi ban da Halwa da tayi murmushi kaɗai kana tace


"To Sarkin surutu faɗi ba'a tambaye ki ba".


"A'a ki ƙyale ta tayi surutun ta, ai duk surutun ta baza ta kai ki ba na sani". Cewar Zainab tana dariya


Yayinda Saleema ke taya ta, ɗan barkwanci suka taɓa na tuna baya kafin Zainab ɗin tace


"Wlh na shiga damuwa lokacin da su Mama suka faɗa min kin bi Dangin mahaifin ki Gombe, ban san meyasa naka sa yarda cewa wani abun ne yafaru dake ba, domin Ni dai har ga Allah nasan baza ki taɓa tafiya batare da kin sanar min ba".



Murmushin takaici Halwa tasaki tuno da abinda yafaru da ita a shekarun baya, sai dai ko kaɗan baza ta taɓa iya ɓoyewa Zainab sirrin ta ba, ita ɗin Aminiyarta ta ce wacce suka shaƙu matuƙa, kuma ta san ko babu komi zata taya ta jimamin abinda yafaru da ita, don haka tagyara zaman ta tasoma bata labarin komi da komi tun tafiyan ta har zuwa yanzu, abinda ta ɓoye mata kaɗai shine haihuwar Ahmad, don ko kaɗan bata kawo shi a zancen ta ba


Sai da Zainab ta dinga share hawaye sabida tausayin ƙawarta


"Ashe abun da yafaru dake kenan? Meyasaka su Mama suka aikata miki hakan? Dama akwai ranan da zata zo su guje ki? Waɗannan wasu irin mutane ne masu baƙin hali marasa yarda da ƙaddaran Allah, tirrrr da su wlh, tun farko shiyasaka zuciyata takasa amince wa da abinda suka faɗa mana".



Numfashi Halwa taja kana tace "Ni har yanzu ban ga laifin su ba Zainab, abinda nasani kawai shine Yaya Nura da yaƙi faɗa musu gaskiya, na tabbata wlh da ya sanar musu dole zasu yarda, har yanzu na kasa manta kalaman da Yaya Nura ya faɗa min aranan, bayan komi a gaban sa yafaru, shin meyasa ya aikata min hakan? shine abinda nake so in sani".



"Ya kuwa zaki sani tunda maci amana ne shi, idan be faɗa musu gaskiya ba su basu san ƙaddara bane? Ko kuwa basu fi kowa sanin halin ki bane? Dama sun yi ne da gayya don su kore ki sai gashi Allah yasa baza ki taɓa muzanta ba, wlh sun bani mamaki ko a mafarki bazan taɓa yarda zasu iya juya miki baya ba".


Haka Zainab ta dinga faɗa kamar zata ari baki, sai zagin su take yi musamman ma Nura da tafi tsanar sa a yanzu, bata dena ba sai da tayi ta gaji don kanta


Anan ne Halwa take faɗa mata tana son zuwa inda suka koma tagan su, gashi sun fito Umma bata faɗa musu ba bare su san gidan


Zainab ce mata tayi "ai Ni wlh ko na sani bazan faɗa miki ba balle ma ban sani ba, me zaki je kiyi musu tunda su suka kore ki? Wlh kar ki soma ki je tunda sun kore ki; ki bar su har abada".



Sai anan Saleema tasaka musu baki


"A'a hakan be kamata ba, su ɗin dolen ta ne kuma makusantan ta, kar ki manta Ƙanwar mahaifiyar ta ce, ko babu komi taci darajan ta, insha Allahu zamu je ko ba yau ba, kuma duk abinda suka yi su da Allah ne ba mu da hurumin ɗaukan mataki".



Ita dai Zainab taɓe baki tayi bata sake tanka zancen ba, sai ma sauya wa da tayi nan da nan suka ɓarke da hira, daga ƙarshe Zainab ɗin tatashi don yin musu girki, amma basu bar ta ba don tare suka shiga kichen ɗin gaba ɗayan su suka yi girkin, koda zasu ci ma a Plate ɗaya suka ci cike da nishaɗi.


Sai yamma sakaliya sannan suka baro gidan Zainab, yayinda itama tayi musu alƙawarin zuwa nan ba da jima wa ba, duk da dama Halwa ta faɗa mata zasu shiga Kotu jibi, kuma tayi mata alƙawarin zata saka Aliyu ya kawo ta Court ɗin, domin baza ayi babu ita ba.




***** ***** ****** ******
*MONDAY*

Tun ƙarfe 07:00am. Brr. Khalil yafice a gidan.




Su kuma su Halwa sai wajen ƙarfe 09:00am. Suka gama shiryawa, dayake sai ƙarfe Goma ne za'a shiga court ɗin


Husna tuni an shirya ta drever ya tafi da ita school, shi kuma Ahmad tare dashi zasu tafi yana hannun Saleema, sai da suka shiga mota ne sannan Halwa ta'amshe shi tunda Saleema ce zata tuƙa su




Direct gidan su Khalil suka wuce, saboda zasu taho tare da su Mom ne



Lokacin da suka je ba wani zama suka yi ba Mom tafito suka tafi, tunda dama ita kaɗai zata bi su, yau Monday Nazeefa na school, shima Dad yana da aiki don haka bazai samu zuwa ba



Kafin goma sun isa court ɗin, acan suka haɗu da Ummi har da Zainab da tayi musu alƙawarin zuwa



Abun mamaki kuma har da Mama da Baba da Nura a wajen, duk da Halwa bata gan su ba, su ma ɗin basu gan ta ba, amma su sun zo ne kasancewar Nura yace musu za shi ana Shari'a da uban gidan shi, shi ne Baba yace "be kamata su zauna agida ba dole su je, ko don martaba uban gidan sa tunda yayi musu halarci, a sanadiyar sa ɗan su ya sami kuɗi sosai, sannan basu da masaniyar komi akan Halwa ce wacce za'a yi Shari'an da ita



Nan kuwa basu sani ba, Haris ne yasaka shi tilas yazo, kuma yace "idan be zo ba zai iya tona masa asiri, don haka gwara yazo yaga me zai faru, be san cewa Haris wayau yayi masa ba don ya rigada ya shirya amsa duk wani tuhuma da ake musu sabida samun ƴarsa, sannan kuma ko hakan zai sa Halwa ta yafe masa har ta aure sa.




Lokacin da suka isa Halwa aka bari a baya, tana rungume da Ahmad tana shirin fitowa sai ganin Haris tayi a gaban ta



"Innalillahi wa'inna ilaihi raji'un". Tafaɗa a fili sa'ilin da tayi tozali dashi



Gaban ta ne yayi matsanancin faɗuwa, sai dai bata nuna firgitan ta a fili ba, ta kai duban ta gare shi fuskarta a ɗaure tamkar bata taɓa sanin sa ba, tana shirin sake yunƙura wa tafito taji muryan sa ya daki dodon kunnen ta


"Halwa ashe zamu sake haɗuwa? Nasan bani da bakin da zan roƙe ki; ki yafe min, but duk da haka ina neman afuwar ki, wlh nayi nadaman abunda..."



"Kai da Allah dakata min". Takatse sa da faɗin hakan tana me banka masa harara tamkar zata maƙure sa dan baƙin cikin ganin sa da jin muryan sa



"Ka ɓace min agaba ko in maka wulaƙacin da sai kayi nadaman zuwan ka duniya".



Shi kansa Haris yayi mamakin furucin nata da yanda tafaɗa cikin tsananin fushi tamkar ba Halwan da ya sani ba abaya, duk da dama ta sauya masa sosai amma hakan be sa ya kasa gane ta ba, kuma yasan irin hakan take masa magana domin dai bata sauya ba a yanda ya santa



Yana shirin sake magana



taja ƙofar da ƙarfi ta rufe kanta aciki, domin dai babu yanda za'a yi tabar wajen dole sai ya matsa, ita kuma baza ta iya juran sake jin maganar sa ba, ta matuƙar tsanar sa fiye da kowa a duniya



Hannun sa ya kai zai ƙwanƙwasa Glasses Motan, sai jin murya daga bayan sa yayi, wanda ya dakatar dashi daga abinda yayi ninya



"Malam don Allah kayi haƙuri ka bar nan wajen, Halwa yanzu matar wani ne baka da hurumin da zaka iya mata magana kaji ko?". Cewar Saleema dake tsaye gefe tana kallon duk abinda suke yi tun ɗazu



Shima dai kallon ta yayi tamkar sakarai, babu abinda ke kai kawo a zuciyar sa sai ce masa da tayi "Halwa matar wani ne". "Kenan tayi aure?" Ya tambayi kansa batare da zai iya samun amsar ba



Be sake motsawa ba, tamkar gunki ya zama sabida ba ƙaramin taɓa sa maganar yayi ba, har be san ma a wani yanayi yake ciki ba



"Excuse me zan wuce". Tayi maganar tana kallon sa ganin be da ninyan jirga wa



Ɗan ja baya yayi kaɗan ya matsa mata kamar wanda be da jini a jiki



Buɗe ƙofan tayi ta'amshi Ahmad daga hannun Halwa, sannan tayi mata maganar tafito


Ko kallo be ishe ta ba sanda tafito, gaba kawai tayi tabar Saleema na rufe ƙofan kafin tabiyo bayan ta



Idanu kawai ya kafa ma bayan ta hawaye na sintiri a face ɗin sa.
[1/20, 5:15 PM] نفيسة أم طاهرة: 🎓
🎗️🎗️🎗️🎗️🎗️🎗️🎗️🎗️🎗️🎗️
*BARRISTER IBRAHIM KHALIL*
♠️


*Written:✍️ By Nafisat Isma'il*
_(Feenah Jikar Lawal Goma)_


*بسم الله الرحمن الرحيم*



⚖
*FEENAH WRITER'S ASSO📖*
```®Ɗaya tamkar da Dubu💪✓```

*JIKAR LAWALI CE*✍️

*Wattpad: UmmuDahirah*👈


*\F.W.A📚/*

```ALHAMDULILLAH
ALHAMDULILLAH
ALHAMDULILLAH```
_ALLAH nagode maka da kabani damar rubuta wannan littafin Brr. Ibrahim Khalil, Allah kabani ikon rubuta abin da zai amfani al'umman mu, kuskuren da zanyi aciki kuma Allah kayafe min AMIIN 🤲 ya Allah._

*SADAUKARWA*
_na sadaukar ga ƴan uwana musulmai baki ɗaya._


*BOOK TWO*


.

_______________________________

*CHAPTER Thirty One*

________🎓 Kafin Shari'an su Halwa akwai Shari'an da Khalil ya soma yi


Na wani yaro ne da yayi wa ƴar aikin gidan su fyaɗe, tun wajen watanni uku da soma Shari'ar sai yau ne ake shirin ƙarƙare shi


Kasancewar uban yaron me kuɗin gaske ne, tun a zaman farko da yaga Khalil na shirin yin nasara akan su, shi ne sanadin da ya samo ƴan daba suka je suka harbe shi, sun so su kashe sa ne gaba ɗaya sai Allah be basu Sa'a ba


Lokacin da Alh. Sheƙau (kar ku ce da Sheƙau ɗin sambisa nake yi fa lolx 🤪) ya basu aikin; to ya bar ƙasan ma gaba ɗaya shi da ɗan sa tunda ya samu beli, ƴan daban kuma da suka yi aikin sun tabbatar masa Khalil ya mutu duk da kuwa su ma daga baya suke jin yana da rai, sun so su sake komawa asibitin su kashe sa but a time ɗin akwai jami'an tsaro, to sai suka yi wa Alh. Sheƙau bayanin cewa sun wulla Khalil barzahu, don haka ya biya su kuɗin su sukai gaba a bin su



Sai kwanaki biyun nan suka dawo ƙasan sabida a yau ɗin za'a koma kotu a yanke hukuncin ƙarshe, sun saki jiki babu abinda zai faru tunda an kashe musu Khalil, duk da a time ɗin har da Brr. Tahir ya taya shi shari'ar, amma sun fi so su ga bayan Khalil tunda shine yadage sai ya amsar wa yarinyan haƙkin ta.



Yau kuma da aka shiga kotu sai hankalin su yayi mummunan tashi ganin Khalil a raye be mutu ba



Shi kuwa Khalil murmushi kawai yayi yana bin su da kallo, don shi tuni ya gane Alh. Sheƙau ne ya saka a kashe shi, be faɗa ma kowa bane don baya son maganar tayi tsawo, duk da kuwa yana da hanyan da zai sa a hukunta Alh. Sheƙau komin girman sa a ƙasan kuwa, tunda yana da gwamnati a hannu, but be yi hakan ba ya ƙyale su tunda dama zargi yake yi, amma yau da ya gansu sai ya tabbatar da zargin sa


Be damu kansa ba kawai Shari'an ya gabatar, kuma cikin ikon Allah ya ƙwato wa yarinyan haƙƙin ta, inda aka yanke wa Yaron Alh. Sheƙau hukuncin zaman gidan yari na shekara 8 sakamakon kama sa da yin wa yarinya fyaɗe, kuma babu Beli, sannan kuma dole zai bada kuɗi dubu ɗari cif don nema mata magani.



Hakan ya faranta ran mutane matuƙa, ya saka wasu kuka da hawayen su sabida tsaban farin ciki, da yawan su kuma hakan ya taɓa faruwa da yaran su, sai dai rashin samun wanda zai taimake su ba sa iya ƙwato wa ƴar su haƙƙin ta, amma kuma wannan hukuncin da aka yanke wa mutum ɗaya ya sa zuciyoyin su fari da wanke duk wani tabo da ƙuncin dake cin su



Kowa sai sanya wa Khalil albarka yake yi, tare da addu'ar gamawa da duniya lafiya, gaskiya yayi na mijin ƙoƙari, kuma samun irin su a duniyar mu masu jajircewa wajen tsayawa tsayin daka don hukunta masu laifin fyaɗe, hakan zai saka a rage yawaitan su a duniyar mu, idan suka ga ana musu hukunci to dole zasu dena abinda suke yi


Sai dai kuma matsalan al'umman mu suna jin tsoron su fito da irin wannan maganar su bayyana wa mutane don ƙwato wa ƴar su haƙƙin ta, suna ganin tamkar sun tona wa kansu asiri ne, kuma hakan zai ja musu tsangwama a wajen mutane, wannan dalilin yasaka suke ɓoye wa har a kasa hukunta masu laifin fyaɗe, su kuma hakan ke saka wa suna ci gaba da aikata laifin tunda babu abinda ake iya musu.



Don Allah mata duk wanda hakan ya faru da ita, ya jajirce wajen ƙwato wa kansa haƙƙi, iyaye su ma su dage su tabbatar an hukunta wanda ya aikata ɗin, hakan na taimaka wa sosai wajen rage yawaitan laifukan, Allah ya ƙara tsare mu da zuri'armu baki ɗaya Ameen.



Daga wanann Shari'an ne aka shiga na su Halwa, alokacin ne Halwa da su Mama suka ga juna, sai dai babu halin magana tunda Alƙali na ciki


Shima Nura ya ganta, sai dai ita bata ganshi ba, mamaki sosai ya cika sa ganin yanda ta sauya gaba ɗaya tamkar ba ita ba, tsananin kyan da tayi masa ma ya kasa ɗauke idanu akanta, yanayin canjin rayuwan da ta samu duk da su ma suna da rufin asiri sosai, amma kuma yanzu tana cikin daula ne dole kaga sauyawan Halwa, ga ta dama tun farko tana da kyan ta da dirin jiki, but yanzu komi nata ya sake canja wa tayi kyau matuƙa, skin ɗin ta tuni ya sake haske tare da wani irin fresh, Kai da gani kasan babu wahala a rayuwan ta, jin daɗi da kwanciyar hankali ya zauna mata, bare uwa uba tana tsaka da cin amarcin ta ne, ƙyallin amarci da Albarkan aure ya sake fito da ita.🥶😫


Koda Khalil ya tashi ya gabatar da kansa a matsayin Lauyan dake kare wacce ta kawo ƙara, komawa yayi ya zauna


Sai dai su Haris basu da lauya, domin tuni Haris yace "be buƙatar lauya a halin yanzu, ya yarda zai amsa laifin sa sannan a bashi ƴar sa". Don haka ya ga babu amfanin ya samu Lauyan ma


Dadyn sa da Mamy basu ji daɗi ba, amma babu yanda zasu iya tunda yace "zai amsa laifin sa".



Brr. Khalil ne ya miƙe yafito gaban kotun bayan ya nemi iznin magana da Halwa


Fitowa tayi tatsaya a inda aka tanada don tsayawar masu amsa tambayoyi


Khalil ya tambaye ta sunan ta da sunan mahaifin ta, sannan kuma ya buƙaci ta ba ma kotu Labarin asalin abinda yafaru a ranan da mummunan ƙaddaran yafaru da ita



Tiryan-tiryan tasoma faɗa wa kotu abinda yafaru



Tsit kotun tayi ana sauraron ta, tuni masu saurin kuka da tausayi sun soma zub da hawaye, sabida sosai abinda yafaru da Halwan ya matuƙar basu tausayi


Ita kanta tana ba da labarin ne tana kuka, sabida yanda take jin ƙunci da baƙin ciki a zuciyar ta tamkar lokacin da ake keta mata haddi ne



Zina tabo ne babba ga duk wanda ya tsinci kansa a halin; dole ne ya koka, musamman waɗanda akayi musu ta ƙarfi, su kansu masu aikata wa da za su gane illa da girman laifin da suke yi, wlh wlh da har su mutu baza su dena kuka ba saboda tsoron haɗuwar su da ALLAH😭, ya Allah ka kare mu da kariyan ka, bamu da wayau ko dabara ya Allah ka kare mana zuri'armu daga faɗa wa mummunan makoma. 🙏🏼


Har sanda ta dasa Aya tana shashsheƙan kuka



Khalil kallon ta kawai yake yi cike da tsantsan tausayi tare da tarin ƙaunar ta a ransa, ji yake yi tamkar yajawo kayan sa yarungume ta ya rarrashi abin sa, amma kuma babu hali 🤠, don haka yaja numfashi yana lashe bushashshen laɓɓan sa, cike da sanyin murya yace mata "taje ta zauna". Sannan ya juya ya fuskanci Alƙali ya nemi iznin ganin Haris



Fitowa yayi ya tsaya inda Halwa ta tashi


Khalil kallon sa yake yi tamkar ya kama sa ya maƙure shege😃, sai dai babu hali, don haka ya murtuke fuska yasoma masa tambayoyi


Babu abinda Haris ya musa a tuhuman da ake masa, sai ma ƙara wa da yayi da abinda basu sani ba, ya faɗa musu komi da yanda ya nemi taimako wajen Nura.


Tirƙashi! nan ake yin ta fa, ai nan da nan kotu ta hargitse saboda jin bayanan Haris, waɗanda suka san Nura kuwa kamar su: Mama, Baba Zainab Halwa, da su Saleema, daskare wa suka yi sabida tsantsan mamaki da Al'ajabi


Halwa bata iya ko motsi ba, don ba ta tunanin kunnen ta ya jiye mata dai-dai, shiyasa tabi Nuran da kallo wanda tuni Khalil ya buƙaci ganin sa, zuba masa ido kawai tayi tana sauraron abinda zai fito daga bakin sa



Lumshe idanuwan ta tayi da suka cika da hawaye, ko kaɗan baza ta iya juran abinda yake faɗa ɗin ba, don haka tasaka hannun ta biyu ta toshe kunnuwan ta tana fashe wa da kuka me tsananin sauti


Duk mutanen wajen sai da suka kallo ta, sosai ta basu tausayi wasu har da zubar mata da hawaye


Ita kanta Saleema dake kusa da ita hawayen take zubar wa, tasaka hannu tariƙo mata nata hannayen, cikin rawan murya tasoma rarrashin ta


Halwa bata dena kukan ba, sai ma ɗaura kanta da tayi saman cinyoyin ta tasoma rerawa kamar zata shiɗe, babu abinda zuciyarta ke maimaita mata sai sunan Nura, taya hakan ma zai faru? Taya ɗan uwanta masoyin ta, wanda tafi yarda da shi a baya fiye da kowa, shine zai yi sanadin shigar ta wannan halin, meyasa? Me tayi masa?



Guduma Alƙali yabuga don hayaniyar kotun tayi yawa, tsit kake ji an yi duk da kuwa har yanzu Halwa bata dena kukan ba, amma kuma ba'a ji acikin kotun sai can wajen su



Khalil bayani ya sake yiwa kotu kafin yakoma wajen zaman sa ya zauna


Sai da Alƙali yayi rubuce-rubucen sa kafin ya ɗago yasoma yanke hukunci, hukuncin ɗaya ne aka yanke musu daga shi Nuran har Haris, domin dai basu da maraba tunda duk laifi ɗaya suka aikata, don haka an yanke musu hukuncin zaman gidan kaso na shekara 8 batare da beli ba, sannan kuma dole Haris zai biya kuɗin rainon masa ɗiya da akayi, kuma bashi da damar amsar ɗiyar sa sai idan mahaifiyar sa ta amince.



Sosai iyayen Nura suke kuka sabida abinda suka ji, tabbas yau suna nadaman abunda suka yiwa Halwa, shin da wani ido zasu kalle ta? Sun kore ta sabida gudun zubewar mutuncin su, ashe ɗan su shine SILAR KOMAI, Mama tafi kowa shiga tashin hankali, tana ganin tafi Nura ma laifi, domin abinda ta aikata wa ɗiyar ƴar uwanta yafi na Nura muni, shin ina hankalin ta yaje ne a lokacin da har ta manta wacece Halwa a wajen ta?



Suna ji suna gani aka tasa su Nura, amma ko kallon inda yake ba suyi ba, suna ji da ƙuncin dake ransu.



Halwa kuwa sabida shiga ruɗu da kukan da take yi, tuni numfashin ta ya rabu da gangan jikin ta, ta kasa jure abinda taji, ta rasa taya ma zata ɗaura abun akan mizani, shin dama akwai ɗan uwa irin haka da zai iya cutar da ƙanwar sa sabida kuɗi?



Hankalin Khalil da su Ummi ya tashi sosai, musamman ma Saleema, ai nan da nan Khalil ya ɗauke ta ya fice da ita suka take masa baya, mutane sai kallon su suke yi kowa da tunanin da yake yi aransa



Asibiti Direct aka wuce da ita, domin a cikin su babu wanda yayi tunanin zuba mata ruwa ko zata iya farfaɗowa.





𝗕𝗔𝗬𝗔𝗡 𝗦𝗛𝗨𝗗𝗘𝗪𝗔𝗥 𝗔𝗪𝗔𝗡𝗡𝗜 *2*


Tuni su Halwa sun koma gida, sai dai har alokacin sun kasa gane kanta, abinda Nura yayi mata ya matuƙar saka ta a Shock, kuka kawai take yi ta kasa yin shiru


Khalil da Saleema in banda zaman rarrashi babu abinda suka zauna yi


Sukuku ta koma, gaba