You Cannot Download this book untill you login but you can read it .

---

Login Register

a wajen ba sai da taji hayaniyan ya lafa sannan tamiƙe tafito, lokacin tahangi Abba har ya buɗe ƙofa ya fice


Ɗakin Ummin tanufa don jin abinda ke faruwa, duk da kuwa wani sashi na zuciyarta na kawo mata musabbabin faɗan, be wuce sanin gaskiyan samuwar jaririn nan ba.
[12/13/2020, 3:37 PM] نفيسة أم طاهرة: 🎓
🎗️🎗️🎗️🎗️🎗️🎗️🎗️🎗️🎗️🎗️
*BARRISTER IBRAHIM KHALIL*
♠️


*Written:✍️ By Nafisat Isma'il*
_(Feenah Jikar Lawal Goma)_


*بسم الله الرحمن الرحيم*



⚖
*FEENAH WRITER'S ASSO📖*
```®Ɗaya tamkar da Dubu💪✓```

*JIKAR LAWALI CE*✍️

*Wattpad: UmmuDahirah*👈


*\F.W.A📚/*

```ALHAMDULILLAH
ALHAMDULILLAH
ALHAMDULILLAH```
_ALLAH nagode maka da kabani damar rubuta wannan littafin Brr. Ibrahim Khalil, Allah kabani ikon rubuta abin da zai amfani al'umman mu, kuskuren da zanyi aciki kuma Allah kayafe min AMIIN 🤲 ya Allah._

*SADAUKARWA*
_na sadaukar ga ƴan uwana musulmai baki ɗaya._

_wannan shafin naku ne wattapad fans kusha sha'anin ku, Nagode da soyayyar ku gare ni❤️_



*BOOK TWO*


.

_______________________________

*CHAPTER Nineteen*

________🎓 Nocking tayi tare da sallama, bata shiga ba sai da Ummi taba ta izni bayan ta amsa sallaman nata


Tura ƙofan tayi tashige tana kallon Ummin dake zaune gefen gado, kallo ɗaya tayi mata tahango tarin damuwa a fuskarta, wanda kowa yakalle ta ya san tayi kuka


"Lafiya Halwa?" Ummi tayi maganar tana sakar mata murmushi


Kanta tasauke ƙasa tana wasa da yatsun hannunta tace "dama naji kamar hayaniya ne shine nazo duba ko lafiya".


Still Murmushi Ummi tasaki tace "lafiya lau Halwa babu damuwa, yanzu ina yaron yake ne?"


"Yana ɗaki yana barci".


"To kema Yakamata kije ki kwanta ki huta sabida kin san abinda likita yafaɗa kenan".


Murmushi Halwa tayi kafin tagyaɗa mata kai tajuya tafice, ɗakin takoma tayi kamar yanda Ummin tace don dama barci sosai take ji, ga jikin ta duk babu daɗi.



*****

Fitan Abba babu inda yazarce sai asibiti, kasancewar sun yi waya da Dad ya tambaye sa inda yake zai zo su tattauna wani matsala


Dad ɗin sai da yace masa shi yabari yazo yasame shi har gida, but Abban yaƙi hakan


Lokacin da ya'isa waya yaɗauka yakira Dad yafito suka shiga mota suka zauna, sun daɗe sosai suna tattaunawa kafin Dad yafito ranshi duk a ɓace, duk da kuwa cewa sai da suka tsayar da mafita akan zancen kafin yafito, amma ɓacin ran da yake ji akan maganar ya gaza gushewa


Cikin Hospital ɗin yakoma


Shi kuma Abba yaja motar sa yatafi.


Yana shiga ɗakin Mom da Sameer dake zaune suna taɓa hira suka kallo sa, ganin yanda fuskar sa yake a matuƙar ɗaure sai abun yabasu mamaki


"Lafiya dai Alhaji meke faruwa?" Mom tatambaye sa har alokacin tana kallon sa


Numfashi yaja kafin yasauke idanun sa kan Khalil, kamar yana jin sa cikin ɓacin rai yace "zaka tashi dan ƙaniyar ka zaka gaya min abinda yasaka ka aikata ma ƴar mutane hakan".


Ƙirjin Mom ne yabuga da ƙarfi, cikin ruɗu tace "Alhaji kana nufin shine yay ma Halwa ciki?"


Girgiza kan sa yayi cikin takaici yazauna yana faɗin "yo ai ban ga banbancin abunda suka yi mata ba da cikin, wai ƙwanyin haihuwar su shi da matar sa aka saka mata don ta haifa musu ɗa".


"Innalillahi wa'inna ilaihi raji'un". Cewar Mom cike da tsananin al'ajabi


Sameer kam kasa magana yayi sai mayar da idanun sa kan Khalil ɗin da yayi yana kallon sa, be san cewa ɗan uwan nasa har yanzu be da wayau ba sai yau


"Menene hakan kenan?" Wai yanzu kana nufin ɗan su ne Halwa ta rainan musu?"


Dad yace "wlh raina yayi mugun ɓaci da Alh. Mustapha yafaɗa min, amma dole zan ɗau mataki bari yafarka zai gane be da wayau".


Daga haka yamiƙe yafice yabar su nan shiru suna mamakin wannan abinda Khalil ya aikata, abun ma yay musu girma da yawa don haka basu sake yin magana ba har sanda Atine me aikin Mom tazo, sai Sameer yatashi yay ma Mom sallama yatafi akan sai gobe zai dawo sabida yau yana da dutyn dare.




******
Washe gari da yamma Khalil yafarka


Mom CE lokacin ita kaɗai a wajen sa, doctor takira yaduba sa sai da yatabbatar babu matsala sannan yatafi


Tea tahaɗa masa me kauri kamar yanda doctor ɗin yabuƙaci aba shi wani abun yaci, sai da tagama haɗa wa kafin tamiƙo masa Cup ɗin tace


"Ga shi ka daure kasha ko zaka ji daɗin jikin ka".


Numfashi yaja kafin yasoma yunƙurin dai-dai ta zaman sa, yana yi yana cije baki


Hakan yasa Mom ɗin ajiye Cup ɗin hannun ta, tamiƙe tataimaka masa yazauna tare da jingina da pilow


A hankali cikin sanyin murya na maras lafiya yace "zan wanke baki".


Vowel ta ɗauko sannan taɗauko ruwan gora ta buɗe ta kafa masa a baki


Yakurɓa yakuskure bakin sa yazuba cikin Vowel ɗin


Sannan ta'ajiye tamiƙo masa Cup ɗin ya'amsa yafara sha


Yana sha yana rufe idanun sa har ya ɗan sha rabi tukun yamiƙa mata Cup ɗin, a karo na biyu tun tashin sa yasake magana


"Mom Ina Saleema?"


Ita kawai tafaɗo masa a rai saboda yasan dole zata shiga wani hali da abinda yafaru dashi


Amsar da taba shi shiyasaka shi ɗaura idanun sa akan ta, be iya yin magana ba illa kallon ta kawai da yake yi


Har maganar haihuwar Halwa sai da tayi masa duk da kuwa bata nuna masa tasan ainihin zancen ba


Ɗan waro idanu yayi still yana kallon ta zuciyar sa na bugawa da tsananin ƙarfi


Ganin kallon da yake mata ba ƙaƙƙauta wa tace "lafiya ko akwai wani abu ne?"


Lumshe idanun sa yayi yana kwantar da kansa, be sake yin magana ba duk da kuwa Mom ɗin tana ta yin masa hira


Har sanda su Hakima da Nazeefa da suka zo a tare be sa ya buɗe idanun sa ba, iyakan gaisuwar su ya'amsa yasake juya bayan sa tare da ci gaba da tunanin sa


Hakima na ta tsokanar sa but be ma san tana yi ba.


Har dare suna nan zaune, sai da Sameer yazo sannan suka tarkata har da Mom drever yakai su gida, Sameer ne zai kwana dashi a yanda suka tsara tunda ya tashi


Tun fitan su Sameer ɗin yake tsaye bakin ƙofa yana yin waya, sai da yagama kafin yazo yazauna yana kallon Khalil da idanun sa suke rufe kamar yanda yake tun ɗazu


"Khalil wai su wanene kake zargi akan wannan abun da akai maka?"


Sai a lokacin yabuɗe idanun sa yana kallon Sameer ɗin, sai kuma ya yamutsa face ɗin sa sabida zugin da yake ji a ciwon sa, kamar bazai yi magana ba har Sameer ya buɗe baki da ninyan sake yin masa magana sai kuma yace


"Bana zargin kowa".


Jinjina kai Sameer yayi yace "su ma har yanzu ƴan sanda sun kasa samun wani ƙwaƙƙwaran shaida wanda zai sa agane me hannu ciki, wannan aikin naka yana da maƙiya da yawa matuƙa hakan yasa baza mu iya gane wanda yake da hannu ba, sai dai Allah yaƙara tsare wa, but insha Allahu ko ma wanene sai asirin sa ya tonu".


Khalil dai yana jin sa be tanka ba, har sanda yasauya maganar da faɗin


"Ni ban taɓa tunanin baka da hankali ba sai yanzu Khalil, wani wauta ne zai saka kayi wannan gangancin, kana tunanin wannan shine maslaha da zaku cutar da ƴar mutane? Haramun ne hakan a musulunci but har da kai aka haɗa baki wajen aikata wa, ka bani mamaki wlh".


A yanzu Khalil ya maida idanun sa kan Sameer ɗin yana kallon sa, sai dai be iya yin magana ba


"Yanzu kowa yasan cewa Halwa ta haifa mana ɗa?" Yatambayi kansa batare da yasan afili yayi maganar ba


Hannu Sameer yasaka yadungure masa kai yace "baza ka san kowa ya sani ba sai ka haɗu da Dad, wlh zaka sha mamakin sa domin yayi fushi sosai, meyasaka zaka biye ma yarinya don kawai bata haihuwa ku cutar da Halwa.."


"Ni fa ba Ni ne na bada shawaran hakan ba, itama ɗin ai har da yardan ta tunda ba mu mukai mata tilas ba". Khalil yakatse sa da faɗin hakan yana turo baki


"To tunda har da yardan ta kai kuma babban banza ko sai ka amince?"


Marairaice fuska Khalil yayi kamar zai yi kuka yace "Bro wlh tausayin Saleema yasaka na amince da wannan shawaran da Ummi takawo, kuma wlh ban tashi dana sani ba sai daga baya, Ni kaina na so azubar da cikin sai dai kuma hakan ba me yiwuwa bane tunda Matata ta ƙwallafa ran ta akai".


Sameer yace "kana nufin kenan da Ummi cikin zancen?"


"Eh". Yaba shi amsa yana sake langaɓe kai


Taɓe baki Sameer yayi yace "zaka sani ne babu ruwana Ni dai".


Ɓata fuska Khalil yayi be sake yin magana ba, sai kuma yasaki ajiyan zuciya jin Sameer ɗin shima be ce komi ba yakalle sa yace "Brother taimaka min zan yi sallah".


Tashi Sameer ɗin yayi yazare masa ƙarin ruwan da aka saka masa sannan yataimaka masa yamiƙe tsaye


"Kayi a hankali kar ka zuba ma wajen ruwa". Sameer yafaɗa yana koma wa yazauna


Be ce komi ba yataka a hankali yashige toilet ɗin, be wani jima ba yafito


A lokacin Sameer ɗin yamiƙe yashimfiɗa masa sallaya yasoma gabatar da sallan da ake bin sa bayan ya tambaye sa kwanakin da yayi a kwance


Sai da yagama sannan yakoma kan gadon yakwanta bayan Sameer ya mayar masa da ruwan, rufe idanun sa yayi yana sauke tagwayen ajiyan zuciya, be sake motsawa ba har sanda barci yaɗauke sa cikin ƙanƙanin lokaci.




**** ***** ***** *****

*BAYAN KWANA BIYU*

Alhmadulillah jikin Khalil yana ta samun sauƙi, har a lokacin ana ta binciken waɗanda sukay mishi hakan but ba'a samo su ba


Gwamna da kansa yasaka ayi bincike sosai don gano su, duk da kuwa har yanzu an kasa samo shaida ko guda ɗaya, Asibitin babu CCTV 📷 cameras Wanda zai sa ayi saurin gano su, amma duk da haka an zuba jami'an tsaro a Hospital ɗin don tsaron Khalil ɗin, suna da tabbaci waɗanda sukai yunkurin wannan aikin suna da ninyan kashe sa ne zasu iya dawowa at any time.


Fannin Saleema dai babu abinda yaci gaba tana nan a yanda take, su Ummi sai dai su zo ganin ta tunda har yanzu ba'a barin kowa yashiga inda take kwance, ta Glasses kamar yanda suka saba suke ganin ta sannan su koma gida, idan nace muku hankalin iyayen ta yana kwance nayi ƙarya, sosai suke cikin damuwa da halin da ɗiyar su take ciki, ita ba matacciya ba ita kuma ba rayayyiya ba.


Kamar yanda Dad yabuƙaci ganin su a yau saboda tattauna matsalan su Khalil ɗin gaba ɗaya, yau ne suka taru a gidan Dad ɗin, har da Halwa aka zo da ita sai aka bar yaron wajen Larai


Bayan sun hallara gaba ɗaya, Ummi Abba Halwa Dad da Mom sannan sai Sameer aka buɗe taro da addu'a


Dad ne yasoma magana da faɗin "Asma'u abinda kuka aikata hakan be mana daɗi ba, ko kaɗan bamu ji daɗin hakan ba domin wannan ba koyarwa ne ta addinin musulunci ba, shiyasa muka zauna don samun mafita kamar yanda muka yanke hukunci Ni da Alh. Mustapha, wannan yarinya dai an cuce ta matuƙa saboda da agaban iyayen ta take hakan zai jawo mana matsala, sai dai fatan Allah ya kiyaye gaba tunda wannan yarigada ya faru".


Sai ya ɗan ja numfashi kafin yaci gaba


"Sai dai ku gafarce Ni sabida hukuncin dana yanke daga baya, na cewar Ibrahim ɗin zai auri ita Halwan sai su zauna gaba ɗaya domin hakan shine yafi dace wa".


Gyaɗa kai kawai Abba yake yi kafin yace "wannan shine daidai domin nima da tunanin hakan a raina, ai ko ba'a haɗa su aure ba babu yanda za'a yi Khalil yazauna da Saleema ita kaɗai dole zai ƙara aure, tunda ba zai zauna haka nan babu yara ba".


Ummi kanta bata ji haushin wannan abun ba, sabida tasan dole ne Khalil yasake aure nan gaba, to abun farin cikin su ne tunda Halwa ce zata zama kishiyar ƴar su, ta tabbata baza ta taɓa cuta mata ba


Itama Mom ta nuna goyon bayan ta tare da farin cikin ta sosai duk da har a yanzu bata san ainihin wacece Halwa ba, but shi Dad ya sani tunda sai da Abba yafaɗa masa komi da wannan maganar tafito


Halwa kuwa tunda aka soma maganar kanta na ƙasa, ta shiga matsananciyar faɗuwar gaba jin cewa za'a haɗa ta aure da Khalil, sai dai bata iya nuna musu wani hali take ciki ba duk da kuwa cewa taji sanyi aranta ganin Iyayen Saleema basu nuna rashin amincewar su ba, har aka gama tattaunawan bata ɗago kai ba kuma su ma basu tambaye ta jin ra'ayin ta ba, shiyasa itama bata furta komi ba


Da zasu tafi Ummi ce tayi mata maganar tatashi, don haka tamiƙe suka fito sukai gida.







.




_To pa Kuna ganin hakan babu matsala?_
[12/13/2020, 6:17 PM] نفيسة أم طاهرة: 🎓
🎗️🎗️🎗️🎗️🎗️🎗️🎗️🎗️🎗️🎗️
*BARRISTER IBRAHIM KHALIL*
♠️


*Written:✍️ By Nafisat Isma'il*
_(Feenah Jikar Lawal Goma)_


*بسم الله الرحمن الرحيم*



⚖
*FEENAH WRITER'S ASSO📖*
```®Ɗaya tamkar da Dubu💪✓```

*JIKAR LAWALI CE*✍️

*Wattpad: UmmuDahirah*👈


*\F.W.A📚/*

```ALHAMDULILLAH
ALHAMDULILLAH
ALHAMDULILLAH```
_ALLAH nagode maka da kabani damar rubuta wannan littafin Brr. Ibrahim Khalil, Allah kabani ikon rubuta abin da zai amfani al'umman mu, kuskuren da zanyi aciki kuma Allah kayafe min AMIIN 🤲 ya Allah._

*SADAUKARWA*
_na sadaukar ga ƴan uwana musulmai baki ɗaya._


*BOOK TWO*


.

_______________________________

*CHAPTER Twenty*

________🎓 An tsai da ranan auren nan da kwana huɗu masu zuwa ranan juma'a kenan


Kuma duk wannan abun da ake yi babu sanin Khalil, Dad ne yace kar a faɗa masa a bari sai ranan ɗaurin aure


Don haka Sameer da Brr. Tahir ne suke ta shirye-shiryen bikin, wanda yadace su gayyata sun gayyace shi duk da ba wai taron biki za'a yi sosai ba, kuma duk wani gyara na gidan sa su ne kan gaba akai


Abba ya haɗa mata duk wani kayan ɗaki da Yakamata ayi mata, shiyasa da aka kai kayan gidan sai su Sameer suka kwashe kayan Khalil ɗin dake ɗakin sa suka zuba nata, sai suka bar masa abubuwan da zai iya buƙata, amma gadon sa dasu sip ɗin sa duk an sauya dana Halwa


Ummi bata yi ƙyashin gyara Halwa ba duk da kuwa lokaci yazo a ƙure kuma gashi tana cikin jego, but duk wani abinda yakamata tayi mata


Halwa dai bata iya mata musu duk abinda tasaka ta tana yi, ko kaɗan bata damuwa da kanta wai ko tana son sa ko bata son sa, ita kawai Saleema ce a ranta, me zai faru idan har tasan cewa ta aurar mata miji? Hakan na ɗaga mata hankali matuƙa har tashiga ɗaki tayi ta kuka, tana jin cewa bata kyauta ba kuma sannan ita butulu ce, ta ɗau alwashi da dama aranta wanda babu wanda yasan hakan sai ita kanta.



Fannin su Mom sun haɗo akwati guda biyar maƙare da kaya, komi sai son barka, duk da a ƙurarren lokaci aka yi komi amma kasancewar da kuɗi komi ya tafi yanda suke so.


Ranan Friday Dad da kansa yakai ma Khalil kayan da zai saka, sun matsa sai da aka sallame shi a ranan saboda jikin da sauƙi sosai domin har riga yake iya saka wa


Khalil yayi mamaki sosai yanda aka bashi sabbin kaya yasaka, sannan kuma har yau yana fargaban Dad da be mishi maganar jaririn sa ba kamar yadda Sameer yafaɗa masa zasu haɗu ne, saka kayan yayi su Sameer ɗin sai tsokanar sa suke yi


Su ma a lokacin suna cikin ɗakin sun sha sabbin kaya iri ɗaya har Dad, sai dai shi nashi har da malin-malin, abun ya ɗaure ma Khalil kai amma be yi magana ba bare yatambaye su


Haka suka fito suka kwashe komi nasu suka hau mota sukai gida


A ƙofar gidan mutane ne sosai ƴan ɗaurin aure duk da ba wani gayya sukai ba, su ma su Dad basu shiga ciki ba sai suka fito suka nufi masallacin ƙofar gidan


Khalil na biye dasu yana ta mamaki, musamman da yaga wasu daga cikin abokan aikin sa, sai kuma yanda ake bashi hannu ana gaisawa dashi suna kiran sa Ango, sai abun yasake ɗaure masa kai, kallon Brr. Tahir dake kusa dashi yayi yace


"Wai meke faruwa ne?"


Dariya Brr. Tahir yayi yace "su Daddy aure zasu yi maka shine abinda ke faruwa".


"Auree". Khalil yafaɗa da tsananin mamaki wanda lokaci ɗaya gaban sa yay mugun faɗuwa


Aure kuma? Shi ɗin ne za'a yi ma aure? Mamaki al'ajabi da suka cika sa shine yakasa sake yin magana bare kuma yasake tambayan wani abun


Suna shiga Masallaci bayan sun zazzauna yana ji yana gani aka ɗaura masa aure tunda abun yafi ƙarfin tunanin sa, har fa alokacin mamaki yake yi wanda ya kasa yarda cewa maganar Brr. Tahir gaskiya ne


Amma jin sunan wacce tazame masa mata a yau ɗin sai lokaci ɗaya yayarda da cewa tabbas shine akayi ma aure, shirun da Dad yayi masa yana nufin zai aura masa Halwa ne


Baza ka taɓa sanin wani hali Khalil yashiga ba domin gaba ɗaya jin sa da ganin sa tare da tunanin sa sun tsaya cakk, be san ya aka ƙare a wajen ba, shi dai yasan Brr. Tahir ya riƙo sa sun fito taron jama'a sannan sun shiga cikin gida, ɗakin su dake gidan a nan yanufa dashi, tunda ya'ajiye sa saman gado yazame yakwanta yarufe idanun sa be sake motsawa ba


Shi kansa Brr. Tahir ya shiga damuwa ganin yanda Khalil ɗin yakoma, gashi mutane suna ta shigowa suna masa magana amma tamkar gunki haka yakoma musu, baya magana baya kuma jin su.




*****

Fannin Amarya ma hakan take, baza ka taɓa gane wani irin hali take ciki ba, ko kaɗan bata murna da wannan ranan, ita dai kawai tana yin duk abinda aka saka ta ne, har dare ba ta iya cewa uffan sai dai tabi mutane da idanu


Kuma duk a yau ɗin ne akayi sunan jaririn da yaci suna Ahmad, zai ci gaba da zama wajen Ummi ne har sanda Saleema zata samu lafiya.


Brr. Tahir ne aka wakilta wanda zai ɗauko Halwa yakai ta gida ita kaɗai, don haka lokacin da yazo har an saka ta sake yin wanka ta shirya cikin Swiss less milk colour, duk da kasancewar ta baƙa kayan yayi mata kyau sosai, bare kuma yanzu da tasake haske sosai skin ɗin ta yasake fresh


Ummi ita da kanta taraka ta har mota tabuɗe mata tashiga


Halwa bata yi kuka ba iyakan dai tunda taɓoye kanta a gyalen ta bata sake motsa wa ba


Brr. Tahir yana ta tsokanar ta yana jan ta da hira amma shiru tayi masa tana sauraron sa, har sanda suka kai yaraka ta har ciki sannan yanuna mata ɗakin Khalil a matsayin nan ne ɗakin ta, shiga tayi shi kuma yafice a gidan gaba ɗaya


Ɗakin tabuɗe tashiga a hankali, daddaɗan ƙamshin turaren sa ne yay mata maraba cikin hanci, sai taja gauran numfashi tana sake buɗe ƙofofin hancin nata don sake shaƙa, sosai take jindaɗin ƙamshin shiyasa koda yaushe burin ta kawai tashaƙa a hanicin ta, sauke gyalen daga kanta tayi tana ƙare ma ɗakin kallo, bata taɓa shigowa ba sai a yau ɗin


Sai da tadaɗe a tsaye anan tana kallon ɗakin kafin tataka tanufi gaban gadon tahaye takwanta


Allah babu yanda baya tsara lamarin sa, Wai yau ita ce aka kawo gidan nan a matsayin matar gidan, tabbas yau tana cikin wani yanayin da babu me gane wa sai ita kaɗai



*****

Khalil kuwa yana can gida su Dad sun saka sa gaba suna mishi nasiha, duk da basu san menene a ransa ba amma sun gane baya cikin nutsuwan sa ko kaɗan, sosai yake tattare da damuwa, kuma sun san cewa dole ne zai shiga wani yanayi tunda tamkar auren dole sukai mishi a ganin su


Bayan sun gama mishi nasiha yafito Drever yatuƙo sa zuwa gida batare da yayi tunanin wai yasiyo abubuwan da ake tarban Amarya ba.


Halwa na kwance taji ƙarar buɗe gate da rufe wa, bayan wajen minti 5 kuma taji an buɗo ƙofan ɗakin an shigo, a yanzu tarigada ta ƙudundune kanta cikin gyalen sai dai tana kallon inuwar sa har sanda yasoma takowa yanufo wajen gadon


Tun sanda yashigo idanun sa suka faɗa kanta, don haka yanufi wajen gadon yatsaya ƙerere yana faman kallon ta, ya saka hannun sa ɗaya cikin aljihun wandon sa


Gaban Halwa sosai yake faɗuwa jin sa a bakin gadon, rufe idanuwan ta ruf tayi tana sauraron bugun zuciyar ta da kuma abinda zai biyo baya


Leɓen bakin sa na ƙasa yacije da ƙarfi yana sakin huci, sai yajuya yanufi Toilet, wanka yayi yafito har lokacin Halwa bata motsa ba duk da kuwa tasan baya wajen


Wajen Sip yanufa yabuɗe, yamutsa fuskar sa yayi ganin babu komi a wajen, sai yanzu ma yasake ƙare ma ɗakin kallo yatabbatar an sauya masa kayan ɗaki


Be ce komi ba yasake buɗe ɗaya side ɗin anan ne yaga kayan nasa, jallabiya yazaƙulo tare da gajeren wando yakoma cikin Toilet yasaka, sai da yagama yafito yanufi ƙofa yafice, ɗakin Saleema yashiga yakwanta saman gadon ta


Rufe idanuwan sa yayi yana sauraron bugun zuciyar sa, bazai ce baya farin ciki ba a yau, sai dai abinda yasani a game da ita shine ya jagula masa duk wani buri na ransa, taya zai iya zama da mazinaciya a matsayin matar sa? Har yau yana matuƙar ƙaunar ta aransa domin kuwa ji yake yi tamkar ana ƙara masa wutan ƙaunar ta, sai dai duk sanda yatuna Halwa tayi rayuwan ƙasƙanci har da rabon ɗiya hakan na mugun ɓata masa rai, kuma ba komi yajanyo hakan ba sai tsananin kishin ta da yake yi, duk sanda yaganta sai zuciyar sa tariƙa raya masa rayuwan da tayi da ƙattin banza, shi a ganin sa tunda har ta iya haifar yarinya tabbas ita ɗin ba ƙaramar tantiriyar karuwa bace, maybe yanzu ta tuba ne shine tadawo gidan su Saleema tazauna


Baya jin zai iya rayuwan aure da ita, sai dai tayi ta zama ahaka har sanda zai huce watarana ƙila yaɗauke ta a matsayin matar sa, wannan shine shawaran da yayanke a ransa, a cewar sa yana da mata ita kaɗai ta ishe sa


Numfashi yaja yaci gaba da tunanin sa zuciyar sa duk babu daɗi sabida yanda tunani masu yawa suka zo sukai mishi rututu.




Itama Halwa tunda yafita tasaki numfashi tana fito da kanta cikin gyalen, daman tasan hakan zai iya faruwa, ita kanta tariga ta sanya ma ranta zaman gidan kawai zata yi ba a matsayin matar sa ba, baza ta taɓa amince wa da auren nan ba sai idan Saleema ta yarda zata iya zama da ita a matsayin kishiyar ta, idan har bata amince ba ba za ta taɓa zama ba dole ne tabar gidan, wannan alƙawari ta ɗaukar wa kanta duk ranan da Saleema tanuna rashin jindaɗin ta to tabbas zata bar rayuwan su gaba ɗaya.






.






_to fa masu sauraro kuna jin yanda Khalil da Halwa suka sha alwashin zaman nasu yanda zasu aiwatar dashi._


_me zai faru?_ 🤔

[12/16/2020, 10:36 AM] نفيسة أم طاهرة: 🎓
🎗️🎗️🎗️🎗️🎗️🎗️🎗️🎗️🎗️🎗️
*BARRISTER IBRAHIM KHALIL*
♠️


*Written:✍️ By Nafisat Isma'il*
_(Feenah Jikar Lawal Goma)_


*بسم الله الرحمن الرحيم*



⚖
*FEENAH WRITER'S ASSO📖*
```®Ɗaya tamkar da Dubu💪✓```

*JIKAR LAWALI CE*✍️

*Wattpad: UmmuDahirah*👈


*\F.W.A📚/*

```ALHAMDULILLAH
ALHAMDULILLAH
ALHAMDULILLAH```
_ALLAH nagode maka da kabani damar rubuta wannan littafin Brr. Ibrahim Khalil, Allah kabani ikon rubuta abin da zai amfani al'umman mu, kuskuren da zanyi aciki kuma Allah kayafe min AMIIN 🤲 ya Allah._

*SADAUKARWA*
_na sadaukar ga ƴan uwana musulmai baki ɗaya._


*BOOK TWO*


.

_______________________________

*CHAPTER Twenty One*

________🎓Washe gari babu wanda yatashi da wuri duk kan su, barci suka sha sosai har wajen ƙarfe 11:30am. Sannan ne Khalil yasoma tashi, wanka yashiga yayi a Toilet ɗin Saleema, sai da yafito yatuna kayan sa na ɗakin sa, dayike be taɓa kwana anan ɗin ba don haka babu kayan sa ko ɗaya