You Cannot Download this book untill you login but you can read it .

---

Login Register

a ciki, jallabiyan jikin sa yamayar yanufi ɗakin sa


Yana tura ƙofan yashiga yahange ta kwance saman gado sai sharan barci take yi, wajen gadon yaƙarisa yana kafe ta da idanuwan sa


Tana kwance ta ɗaura kanta saman pilow tare da matse shi sosai a tsakankanin hannayen ta, gyalen da ɗankwalin ta gaba ɗaya sun yi hanyan su, sai ta nannaɗe ƙafafuwan ta waje ɗaya tacure kamar wata me jin sanyi


Idanu kawai yazuba ma face ɗin ta yana kallon yanda tabuɗe baki tana sharan barci, be san sanda yasaki murmushi yana jin tsananin son ta a ransa


Ya ɓata lokaci sosai yana ƙare mata kallo ko ta ina, sai da yagaji don kansa kafin yanufi sip ɗin sa yazaro ƙananan kaya yasaka, sannan yanufi gaban mirror yayi shafe-shafen sa tare da gyara yalwataccen gashin kansa yafeshe jikin sa da turaren sa masu shegen ƙamshi sannan yafice.


Ƙamshin turaren sa shine yatashe ta, lokaci ɗaya tabuɗe idanunta batare da ta motsa ba, sai da tadaɗe ahaka tana ta shaƙar daddaɗan ƙamshin sa kafin tamiƙe zaune, ɗankwalin ta taɗauka taɗaura tasauka tanufi Toilet, bata fito ba sai da tayi wanka kafin tariƙo kayan ta a hannu tana ɗaure da towel tafito, ajiye kayan tayi tanufi gaban mirror tashafa Lotions sannan tanufi wajen Trolly ɗinta tazaɓo kayan da zata saka


Doguwar riga ne na atamfa iya ƙasan gwiwan ta, sai skert pencil me tsagi ta baya, kayan sun yi mata kyau da tasaka kasancewar atamfan ja ce da ratsin blue, ɗan kwalin kawai taɗaura tafito sabida yanda take jin yunwa sosai a cikin ta


Babu kowa parlour'n sai tanufi kichen kanta tsaye, dashi tasoma cin karo yana zaune a bakin ƙofa saman kujera, hannun sa riƙe da tea Cup yana latsa wayan sa


Shigowan ta yasa yaɗago kai yana kallon ta, wanda idanuwan su suka haɗe cikin na juna, sai tayi saurin cire nata idanun tana gaishe sa


"Ina kwana?"


Be ɗauke kansa akan ta ba sabida tayi masa kyau sosai duk da kuwa babu kwalliya a fuskar ta, kuma kasancewar tana jego sai skin ɗin ta yaƙara fresh duk da kuwa ta rame a fuska, amsa mata yayi a taƙaice


Sai taƙara ce masa "Ya jiki?"


Wannan karon sai da yaja lokaci kafin ya'amsa mata wanda har ita tayi tunanin ba zai amsa ɗin ba, kuma tana tsaye a wajen taƙi jirga wa, ji kawai tayi gaba ɗaya kamar an zare mata kuzarin ta sabida yanda take jin idanuwan sa akanta, wanda ta tabbatar kallon ta yake yi shiyasa takasa gaba takasa baya


Miƙe wa yayi yanufi cikin kichen ɗin ya'ajiye Cup ɗin hannun sa sannan yafice


Fitan sa yayi daidai da sauke numfashin da tayi, dafe ƙirjin ta tayi tana jin yanda yake luguden bugawa, ta jima a tsaye bata san me zata yi ba kafin kuma taja ƙafafun ta taƙarisa ciki cike da rashin jindaɗin yanda Khalil yasauya mata tun kafin haihuwar ta, ta rasa mene tayi masa yasauya lokaci ɗaya, ada abun baya damun ta amma a yanzu sosai take jin haushi da rashin yin mata magana da baya yi


Tura baki gaba tayi tasoma neman abinda zata yi breakfast, ruwan tea ta dafa sannan tasake a Cup ɗin da yasha, sai tasoya ƙwai guda uku, sai da tagama tahaɗa Tea ɗin sannan tazauna a inda yatashi tasoma karya wa, ba ta son tafita Parlour ta tarar dashi don haka tayi zaman ta nan


Sai da tagama sannan tafito, babu shi cikin parlour'n sai tanufi ɗakin sa wanda yazama nata a yanzu, tana tura ƙofan tahange sa bakin gado, dasauri tajuya takoma parlour tazauna


Kallo takunna tayi zaman ta anan tana ta saƙe-saƙe a ranta.


Khalil be fito ba sai da yaji kiran sallan azahar, da keey ɗin mota a hannun sa yafice agidan.


Itama tashi tayi tashiga ɗaki tagyara kwanciyar ta takwanta saman gado bayan ta ɗau wayan ta da tabari akan drower, kasancewar tana jego hakan yasa bata da tsarki, wayan ta tay ta dannawa har zuwa wani lokaci, gaba ɗaya ta gaji da zaman ta haka nan har Ummi ta kira sun yi waya, daga ƙarshe sai tajawo jakan makarantan ta tasoma duba handout ɗin ta, a ranta tana tunanin dole ne gobe takoma school tunda baza tay ta zama haka nan ba koda yaushe bata da abokin hira


Da wannan shawaran tatashi tasoma gyara gidan, duk da kuwa ko ina fesfes yake jin sa, amma haka tagyara ko ina tasaka turaren ƙamshi gidan yabaɗe da ƙamshi sosai, ganin Khalil be dawo gidan ba sai tasake sakin jikin ta tana ta harkokin gaban ta, a Parlour tabaje tana ta kallo gefe ɗaya kuma ga handouts ɗin ta ta baje su tayi karatun har ta gaji


Sai da yamma tayi sosai sannan tatashi tashiga kichen tagirka musu shinkafa da miyan jajjage sannan tayi musu zoɓo tahaɗa salat, takai dainning duk ta jera tanufi ɗaki tasake yin wanka tasauya kaya.



Sai dare Khalil yadawo, lokacin tana Parlour zaune yashigo, sannu da zuwa tayi mishi ya'amsa yawuce ɗakin ta, wanka yayi yasauya kayan sa yafito Parlour


Kasancewar da yunwa yadawo yana fito wa yakalli dainning, nan yaga coololi an jera su don haka can yanufa yazauna yazuba abincin yaci


Halwa tun fitowar sa tashige ɗaki, dama zaman jiran sa take yi taga dawowar sa sabida zuciyarta haka kawai tamatsa mata da rashin jindaɗin dawowar nasa, sauya kayan ta tayi zuwa na barci riga da wando sannan tahaye gado takwanta, babu jima wa barci yay gaba da ita


Khalil be dawo ɗakin ba sai da yagama kallon sa sannan yashigo yaɗau kayan barcin sa yasaka yafice yakoma ɗakin Saleema.


Washe gari da safe Halwa tana tashi tagyara gidan tayi musu breakfast sannan taci nata takoma ɗaki tashiga wanka, tana fito wa tashirya cikin riga da skert na atamfa ruwan madara sai ratsin brown da baƙi, ɗinkin yayi mata kyau sosai ya sake haska ta matuƙa, Hijab tasaka brown Colour wanda yatsaya mata dai-dai gwiwar ta, sai taɗau HangBag ɗin ta tafito


Lokacin Khalil ya fito daga ɗaki yana shirin shiga nata don saka kaya suka ci karo


Dasauri tamatsa masa tare da gaishe sa


Kallo yabi ta dashi kafin ya'amsa mata batare da ya tashi a hanyan da yatsare mata ba, mamaki yake yi ganin ta da shiri "to ina zata je?" Yatambayi kansa gaban sa na faɗuwa jin wani sashi na zuciyar sa ta kawo masa tunanin ƙila gida zata koma



Halwa kamar tasan me yake tunani tace "Uhmm dama zan je school ne".


Be ce komi ba yamatsa mata tawuce shi kuma yashige ciki


Tana fita tahaɗu da drever, tayi masa maganar makaranta zai kai ta


zuwa yayi yaɗauko motan tahau suka fice cikin gidan.


Khalil dake tsaye bakin window yana kallon su, sai da suka fice sannan yasauke ajiyan zuciya yaƙarisa yasaka kayan sa yafito Parlour yay zaman sa, dayike ba wai ya gama samun sauƙi bane shiyasa bazai iya koma wa bakin aiki ba, har yanzu ciwon na damun sa don baya iya yin tuƙi, jiya da yafita har ya shiga mota ya zauna ya kunna yana shirin tuƙa wa yaga bazai iya ba, shine yakira drever suka fita tare.




*****
Drever na sauke Halwa tanufi department ɗin su, yau bata saka Niƙap ba don bata da sha'awar saka wa kamar ko yaushe


A hanyan ta taci karo da wata Course mate ɗin ta Nafeesa, suna mutunci sosai da ita don haka tayi saurin kiran ta


Hakan yasa Nafeesa tajuyo don taga me kiran nata, ganin Halwa sai tafaɗaɗa fara'an ta tace


"A'a yau Halwa ce a school ɗin?".


Murmusawa Halwa tayi lokacin ta ƙariso wajen ta sai taba ta hannu sukai musabaha sannan tace


"Wlh kam ya kike?"


"Lafiya lau ya gida kwana da yawa?" Nafeesa ta faɗa tana murmushin itama


"Alhmadulillah".


Nafeesa tace "to masha Allahu mu ƙarisa mana yanzu zamu yi Lecture".


Halwa bata ce komi ba har suka ƙarisa class ɗin da zasu yi Lecture ɗin


Sai da suka zauna Nafeesa tace "ya ban ga Babyn namu ba? Tunda abun ma babu gayyata ba'a ɗauke mu a bakin komi ba shiyasa zumuncin ma ba'a son yi damu".


Halwa kallon ta tayi sai dai ta kasa cewa komi, bata yi tunanin zuwan da take yi ada zasu fahimci tana da ciki ba, sabida tun lokacin da yasoma girma take zumbula Hijab har ƙasa sannan kuma tana kaffa-kaffa dashi don kar agane, kuma tana saka niƙap a fuskar ta bare su ce zasu fahimta


Abunda bata sani ba da yawa waɗanda take gaisa wa dasu sun san tana da ciki, har gulman ta suke yi ashe tana da aure ne bata faɗa musu ba, daga ƙarshe ma sai suka dena ganin ta gaba ɗaya duk da kuwa suna tunanin cewa ƙila saboda cikin ne tadena zuwa


Murmushi Nafeesa tayi tace "wai kina tunanin bamu sani ba ko? Ai kallon ki kawai muke yi tunda kin ƙi faɗa mana, kinga da mun zo suna ai".


Itama Halwan murmushin taƙaƙalo tace "eyya kiyi haƙuri Nafeesa".


"Babu komi ai". Nafeesa tafaɗa tana dariya


Sai kuma tace "Me muka samu ne?"


Tana murmushi tace "Ahmad".


"Allah Sarki ki ce sunan Saurayina ne? To Allah ya raya sa ta hanyan gaskiya".


Ita dai Halwa murmushi kaɗai tayi tana amsa wa aranta


Nafeesa tace "to gashi kuma abubuwa da dama sun wuce ki, an sha karatu wlh ga kuma tests da akai ta yin mana".


Cikin damuwa Halwa tace "eyya ban ji daɗi ba, yanzu ya zan yi kenan?"


"Kar ki damu zan raka ki wajen malaman sai kije ki nemi alfarma ko zasu yi miki tunda kinga an kusa fara Exams, kinga sai ki siya handouts ɗin da yawuce ki kije kiyi ta karanta wa".


"Ai kuwa Na gode". Halwa tafaɗa cike da jindaɗi


"Babu komi ai muna tare".


Daga nan sun ɗan taɓa hira akan karatun su wanda Nafeesan take ta ƙara mata bayani akai, sai da Malam yashigo sannan suka nutsu suka maida hankalin su ga karatun.


Kamar yanda Nafeesa tace mata zata raka ta wajen malaman, suna samun free suka tafi, taci Sa'a don wasu daga cikin malaman sun ce gobe tazo zasu yi mata, sai kuma waɗanda suka bata assignment, mutum ɗaya ne yayi mata text ɗin sa nan take, ai kuwa daƙyar ta amsa uku cikin biyar tunda babu wanda aka yi da ita, su ma ɗin wanɗanda ta'amsa turancin ta ne tagwamitsa yanda tafahimta sannan tamiƙa tafito.



Tunda tadawo gida babu abinda tatasa agaba sai karatun, sai wajen ƙarfe biyar tatashi tayi musu abincin dare sannan taƙara koma wa tadasa daga inda tatsaya tunda babu abinda zata yi.
[1/5, 9:31 AM] نفيسة أم طاهرة: 🎓
🎗️🎗️🎗️🎗️🎗️🎗️🎗️🎗️🎗️🎗️
*BARRISTER IBRAHIM KHALIL*
♠️


*Written:✍️ By Nafisat Isma'il*
_(Feenah Jikar Lawal Goma)_


*بسم الله الرحمن الرحيم*



⚖
*FEENAH WRITER'S ASSO📖*
```®Ɗaya tamkar da Dubu💪✓```

*JIKAR LAWALI CE*✍️

*Wattpad: UmmuDahirah*👈


*\F.W.A📚/*

```ALHAMDULILLAH
ALHAMDULILLAH
ALHAMDULILLAH```
_ALLAH nagode maka da kabani damar rubuta wannan littafin Brr. Ibrahim Khalil, Allah kabani ikon rubuta abin da zai amfani al'umman mu, kuskuren da zanyi aciki kuma Allah kayafe min AMIIN 🤲 ya Allah._

*SADAUKARWA*
_na sadaukar ga ƴan uwana musulmai baki ɗaya._


*BOOK TWO*


.

_______________________________

*CHAPTER Twenty Two*

________🎓Zaman Khalil da Halwa zama ne tamkar ba mata da miji ba, babu abinda ke haɗa su sai gaisuwa, idan yatafi aiki itama sai tatafi school ɗin ta


Zata gyara gidan tayi musu girki kullum bata gajiya amma magana wannan baya haɗa su in ba ya zama dole ba


A ɗan zaman nan da suka yi a matsayin ta na matar sa tuni ta gane ta afka ƙaunar sa, bata da aiki yanzu sai tunanin sa da kuma zaman da suka yi abaya lokacin yana mata magana sosai, karatun da yasaka ta a gaba da kuma soyayyar Khalil wanda bata san sanda tafaɗa ba sun haɗe mata sun yi mata yawa, don haka gaba ɗaya yanzu ta rame ko kaɗan bata da sukunin zuciyarta, ga karatu ga tunanin da yazamar mata jaraba, da farko ta so duk yanda za'a yi ta yakice sa a ranta amma ina hakan ya gagara, wani lokacin har zuwa take yi tazauna kusa dashi tana masa magana ko wai zai riƙa kulata tasamu sukunin zuciya sabida yanda ƙaunar sa ke azalzalan ta, amma yanda tazauna haka zata tashi babu abinda ke haɗa su, hakan na ƙara saka ta shiga mawuyacin hali, har tashiga ɗaki tayi ta kuka tana tirr da zuciyar ta akan rashin adalcin da tayi mata, duk a maza ta rasa wanda zata so sai mijin ƴar uwanta da take ganin ƙimar ta sosai, wanda idan ba ƙaddara da ya haɗa su ba ba ta tunanin zata iya auren sa, a yanda tafahimta Khalil bazai taɓa son ta ba Saleema kaɗai yake so, ita kawai zata yi zaman haƙuri ne har sanda Saleeman zata samu lafiya tasan makomar ta, tunda tarigada ta saka a ranta idan Saleema bata son auren to guduwa zata yi, wannan shine kaɗai hanyan da taga zata iya guje wa auren nan.




*****
Ahmad na wajen Ummi har yanzu ita take kula dashi, idan tatafi aiki sai kuma Larai tahaɗa su ita da Husna taci gaba da kula dasu, idan kuma ta dawo sai tarage mata aiki wajen amsar Ahmad ɗin, tunda aiyukan sun yi ma Larai yawa, ga aikin gida ga kuma raino.


Har yanzu dai Saleema babu labarin ci gaba, kullum iyayen ta addu'a suke yin mata Allah yatashi kafaɗun ta, idan Ummi taje aiki wuni take yi a wajen ta tunda yanzu ana barin ta tana shiga


Itama Halwa wani lokacin tana zuwa duba ta, takan yi kuka duk sanda taje taga Saleema cikin wannan halin da ba ta sanin a duniyar da take ciki.


Rayuwa taci gaba da tafiya yanzu gashi har Saleema ta shafe wata biyu curr kafin tafarfaɗo, zo ku ga murna wajen ahalin ta duk da kuwa ba wai ta dawo hayyacin ta gaba ɗaya bane tana cikin ciwo sosai, amma dai ahaka kowa ke murna da samun lafiyan ta


An ci gaba da treating ɗin ta har zuwa ɗan wani satikai inda tasamu lafiya sosai alhmadulillah sai abinda ba'a rasa ba, ciwon zuciyarta yanzu shine matsalan ta, but duk da haka an ɗaura ta akan magani


Duk idan Khalil yatashi daga aiki can yake wuce wa, wani lokacin ma idan zai tafi da safe sai ya soma leƙa ta kafin yawuce aikin sa


Haka itama Halwa daga school can take wuce wa tayi zaman ta sai dare idan Khalil yazo sai su taho tare


Hakan na faranta ran Saleema sosai, musamman idan taga ƴan uwanta tare da ita, babu jima wa aka sallame ta gaba ɗaya suka dawo gida


Tunda suka dawo sai kuma Halwa takoma kula da ita, ita take yin mata komi bata barin ta taɗauki ko tsinke, idan har ba wani muhimmin abu suke a school ba bata zuwa, tunda a yanzu ba an cika yin musu lectures bane sabida kusantowar Exams ɗin su, idan kuma suna da Lecture irin guda ɗayan nan ƙin zuwa take yi


Shima Khalil yana bata kulawan sa sosai, yana faranta mata da iyawan sa, sosai yake ƙara jin son Halwa aransa musamman yanda yaga tana ɗawainiya da Saleema ko kaɗan bata gajiya, wani lokacin sai yazauna yay ta tambayan kansa meyasaka yake mata haka? Halwa tana da kyawawan hali da shiga rai ga duk wanda yazauna da ita dole sai ta burge sa, to shi meyasaka bazai yafe mata ba? A yanzu dai ba laifin take aikata wa ba tunda ta tuba, yakamata yabata dama yacire haushin ta a ransa ya amshe ta hannu bibbiyu a matsayin matar sa tunda abinda yafaru ya rigada ya wuce, ko Allah ana masa laifi ya yafe bare kuma shi bashi ne tay ma laifin ba, kawai yayi amfani da hakan ne yana cuta ma kansa bayan kuma yana ƙaunar ta sosai a ransa, shiyasa yanzu yasassauto yake shiga harkan ta


Hakan ba ƙaramin faranta ranta yayi ba, sosai a yanzu take matuƙar farin ciki saɓanin abaya da koda yaushe take cikin damuwa



Saleema duk bata fahimci komi akan auren Khalil da Halwa ba tunda ba wai faɗa mata akayi ba, kuma Khalil ba kwana ɗakin Halwan yake yi ba, babu abinda ke haɗa su wanda zata iya zargin su, saboda tunda tadawo Halwa takoma ɗakin ta na da tadena kwana a cikin ɗakin Khalil ɗin, kuma tayi hakane duk wai saboda Saleema kar ta zargi wani abun tunda ba'a so tasani sai idan ta samu lafiya


Shima Khalil ɗin ganin haka sai yadena kwana aciki yana bin Saleema ɗakin ta, tunda dai babu daɗi ace yana kwanar mata a ɗaki shi da wata matar


Hakan yasa Halwa ta ƙara ganin ƙimar Khalil a idanun ta, tabbas Khalil mutum ne na daban, tsananin kyawun halin sa tare da kirkin sa ya wuce yanda ake zato, ɗaya ne tamkar da dubu, dole ko kana so ko baka so ka ƙaunace sa, idan har kuwa zaka yi mu'amala dashi dole ne yashiga ranka.



Ahaka har su Halwa suka soma Exams ɗin su na First semester wanda daga shi ne sai Finally, sai kuma School of Low da zata shiga.




**** ***** *****

Yau aka yi ma su Halwa hutun school don haka da wuri tadawo yau ɗin tunda Pepper ɗaya suka yi


Saleema na kwance kan two sitter ta ɗage ƙafafunta ta ɗaura saman jikin kujeran tajiyo sallaman Halwan lokacin da taturo ƙofan tashigo, tashi tayi dasauri tana mata oyoyo, suka yi Hugging juna suna dariya cike da nishaɗi sai suka zube saman kujeran


"Ai gwara da Allah yadawo dake da wuri, dama yanzu nake tunanin kiran ki in sanar miki zan je gida don yau da kewar su Abba na tashi, na tambayi Barrister ya bar Ni". Saleema tayi maganar idanun ta kan Halwa tana dariya


Yamutsa fuskar ta Halwan tayi kamar yanda yazame mata jiki tace "kai sis yanzu sai ki tafi ki bar ni kenan?"



"A'a wlh nayi tunanin ba yanzu zaki dawo ba, Ni har nayi tunanin bari sai gobe ne kuma sai ga ki kin dawo, sai mu tafi tare yanzu".


Kaɗa kanta Halwa tayi kafin tace "anya zan je kuwa wlh agajiye nike, barci kawai nake so in Yi".


Saleema tace "to ki kwanta ki huta mana, ina tunanin ma idan naje zan taho dasu Husna ne".


"Aa Iyeee wlh baza ki kawo mana aiki ba, akan me zaki ɗauko su?"


Wani kallo me kama da harara Saleema tasakar mata


"Me kike nufi?"


Halwa dariya tayi tace "wlh babu komi, amma don Allah ki bar Husnan ki ɗauko Ahmad ne".


Miƙe wa Saleema tayi tay hanyan ɗakin ta tana faɗin "kar ki damu sister Ni ban ce ki tayani rainon su ba wlh Ni kaɗai zan iya tunda Ni ce uwar su dama ai".


Bata tsaya jin amsar Halwan ba tashige ɗaki abun ta


Itama Halwa tashi tayi tabi bayan ta don taga fushi tayi da ita





"Haba Sister daga wasa?"


Turo baki Saleema tayi tana hararan ta batare da tace mata komi ba tasoma cire kayan jikin ta


Ganin dai ba tanka ta zata yi ba, sai tace "to nima zan je bari in shirya, tare zamu je taho wa dasu".


Baki Saleeman tawashe tace "dagaske sis?"


Gyaɗa mata kai Halwa tayi tace "bari ma kigani".


Tayi hanyan ƙofa tana faɗin "nima bari in je in shirya".



****


Bayan sun gama shirin su drever yakai su gidan su Saleeman


Ummi tayi murnan ganin su barin ma da taga Saleeman ta sake samun sauƙi sosai har wani ƙiba tayi na kwanciyar hankali


"Ummi ina Abba ne don Allah". Saleeman tafaɗa tana kwaɓe fuska tana kallon Ummi ɗin


Ummi murmushi tayi cike da ƙaunar diyar ta tace "ai yau Abban ki yayi nisan zango, amma ina tunanin zai iya dawowa kafin ku tafi".


Gyaɗa kanta tayi tamiƙe tana faɗin "wai ina Husna ne ban ganta ba?".


"Tana wajen Larai wlh, shima Ahmad ɗin don yayi barci ne takawo shi amma da duk suna wajen ta".


Ɗakin Larai tanufa da ɗan gudun ta tana cewa "bari inje inga Ummina".


Tun bata kai ba take kiran sunan Husnan har tashige


Ummi dawo da kallon ta wajen Halwa tayi tana dariya wanda itama Halwan dariyan take yi tace


"Ummi wlh Saleema son yaran ta yayi yawa ko kunyan ki bata ji".


"To ina kuwa zata ji kunya na? Ai Saleema sai ikon Allah, ita da tazauna tana mana kukan cikin ta ya zube wani kunya zata ji anan".


Dariya sosai Halwa take yi itama Ummin na taya ta


Ummin tace "Allah yay muku albarka yarana, yaba ku waɗanda zasu ji ƙan ku".


Halwa na murmushi ta'amsa da "ameen Ummi".


Lokacin Saleema tafito daga ɗakin Larai tana faɗin "itama tayi barcin".


Dariya Halwa tayi tace "ai da kin taso ta tunda zumuɗin ganin su kike yi".


Hararan ta Saleema tayi tana zama gefen Ummi tace "bazan tashe sun ba".


Halwa dariya kawai take mata tana tsokanar ta, ita kuma tana rama wa cike da wasa da dariya


Ummi dai tana jin su bata saka musu baki ba, yau dai tayi ninyan faɗa ma ɗiyar nata auren dake tsakanin Halwa da Khalil, sabida a ganin ta be kamata ayi ta ɓoye mata ba kuma ana cutan Halwan, idan kuma hakan yaci gaba da tafiya tasan sun so kansu da yawa tunda sun gummaci su faranta ran ƴar su sannan su cuta ƴar mutane, yanda tagan su ahaka da tsananin shaƙuwar su bata jin Saleema zata wani damu, don haka ajiyan zuciya tasauke tana aza idanun ta kan Saleeman takira sunan ta


"Na'am Ummi". Saleema ta'amsa mata tana kallon ta


Ummi tace "nasan kinsan ƙaddara Saleema kuma kinsan duk wanda yacika musulmi dole ne ya yarda da duk wani ƙaddara da tasame sa me kyau ko mara kyau.."


Gaba ɗaya shiru suka yi har Halwa suna sauraron ta, yayinda itama kuma tasoma zayyano ma Saleema duk abinda ke faruwa har da juya mata mahaifa yau sai da tafaɗa mata, kuma tayi hakan ne wai don Saleema tasake ganin girman Halwa, tasan cewa bata cancanci ɗaukan wani mataki akanta ba tunda ta taimake ta ta fanni da dama, tayi mata abunda babu wanda ya'isa yay mata shine kyautar yara har biyu, Halwa ba wacce zatayi kishi da ita bane domin ita ɗin me son farin cikin ta ne


Sai da Ummi takai aya a zancen ta kafin Saleema tamiƙe tsam daga wurin tawuce ɗakin su


Hakan yasa suka bi bayan ta da kallo cike da fargaba aran su


Matse baki Halwa tayi hawaye na cika cikin idanuwanta


Kallon ta Ummi tayi suka haɗa idanu sai Halwan tasauya fuskarta da ƙirƙirar murmushi batare da tasan cewa hawayen cikin idanun ta sun sauka saman kuncin ta ba


"Menene na kuka kuma? Bana son shirme kinji ko?" Ummi tafaɗa tana ɗaure fuskarta


Dasauri Halwan tasaka hannu tana share hawayen jin danshin su sosai saman kuncin ta wanda har ɗiga akan hannun ta suka yi, tana so tayi magana amma kalma ɗaya takasa furta wa, tana so tamiƙe tabi bayan Saleema amma ta kasa tashi


Ummi ce tatashi tanufi ɗakin, inda tasami Saleema kwance saman gadon ta danne fuskarta saman pilow, zama tayi akan gadon tasoma yin mata nasiha me ratsa zuciya tare da kwantar mata da hankali, sannan tana nuna mata koda ba Halwa bace dole ne Khalil yaƙara mata kishiya.




Halwa na zaune a inda take ta haɗe hannayen ta waje ɗaya jikin ta nata tsuma, so kawai take yi tasami damar da zata yi kuka sai dai baza ta iya nuna raunin ta anan ba, bashi da amfani ko kaɗan


Tana nan zaune su Ummi suka fito, idanu kawai taɗaura ma Saleema tana son karantan yanayin da take ciki


Ita kuma Saleema sai taɗauke kanta gefe batare da ta bari sun haɗa idanu ba


Larai ce tafito daga kichen tanufi dainning tana jera musu abinci


Cike da farin ciki Ummi tace "to ku tashi muje kuci abinci tunda an gama".


Babu musu gaba ɗayan su suka bi umarnin ta, kan dainning suka zauna Ummi na ta jan su da Surutu duk dan wai su saki jikin su ganin yanda gaba ɗayan su suka yi shiru, babu wanda ke saka mata baki sai murmushi kaɗai da suke saki, sai kuma gajerun amsa da ke fitowa a bakunan su


Bayan sun gama suka dawo Parlour


Saleema bata zauna ba ta wayance tashige ɗakin Larai akan zata wurin Husna.



Har suka gama wunin su