You Cannot Download this book untill you login but you can read it .

---

Login Register

se ƙamshi kike, haka ake son mace a ganki kullum cikin gyara, ga kayanki can na islamiyya an goge miki, idan kin gama seki shirya ki tafi Makaranta"

Nana tace 'to Hajiya Inna"

Shirye shirye suna ta nisa, na bikin Usman, Sadik ma yana ta nasa shirin, dan yana son ya gwangwaje da bikin nan, zasu yi shagali sosai shida friend's ɗinsa.
Yauma yaje school sedai har ya shiga aji be samu ganin abar ƙaunarsa ba, ana fitowa break ya tafi ajinsu Farhan, sedai ya tarar bata nan.

Cikin takunsa na isa ya shiga cikin ajin, ya kallesu Yace "ina Farhan?"

Lilly tace  "Ana fita break ta fita, bamu san inda ta tafi ba"

Be kuma cewa komai ba ya fita, yana tunanin ina ta shiga haka? Tun jiya be sake ganinta ba.

Ita kuwa bayan wani aji taje tai zamanta, dan karma su haɗu Sir Nazir yai mata faɗa, koya kira babanta, sedai sam itama zuciyarta a takure take, tana son ganin Sadik ɗin nata.

Sadik yana zaune yayi shiru, Meenal ce ta zauna a kusa da shi, Tare da ɗan dukan cinyarsa tace  "Babban yaro, what's wrong ne? Ka wani yi shiru"

Cikin damuwa ya ɗan lumshe idonsa ya buɗesu, sannan Yace  "Farhan na nema na rasa, naje har ajinsu bata nan, kuma ita bata zo nan ba"

"Shine ka zauna kai wannan shirun haka? Lallai yarinyar nan ta kama zuciyarka fiye da yadda kake tunani"

Yai murmushi Yace  "ke dai bari kawai, yarinyar ta musamman ce, komai nata abun burgewa ne, I can't do without her"

Meenal tace  "Ranar daka bar makarantar fa?"

"Zan bita har gida mana"

"Hmm Sadik manya, banda abun so dai, banga me ka gani a jikin wannan Farhan ɗin ba, ita gata bata wani cika mace ba"

Sadik yai murnushi sannan Yace  "Ni idona sun gane min abunda naku idon baya iya gani, ku kuke ganinta ƙarama, amma ni nasan me nake gani"

Yai maganar yana lumshe idanunsa.

Meenal ta kalleshi tace   "Allah me iko, kaga ni dai dan Allah yi mana ordern Abinci, yunwa nake ji wallahi"

Sadik ya zaro wayarsa yana faɗin "bari inyi, kuma fa nima yunwar nan nakeji, amma banga zuciyata ba, ban sani ba itama taci ko bata ciba, ba zan iya ci ba"

"Can ta nannaɗe muku kai da ita, ni dai dan Allah yi mana"

Seda aka kunna jiniya, kowa ya koma aji, Sannan Farhan ta fito daga inda ta ɓuya zata koma aji, zuciyarta nata raya mata taje ajinsu Sadik ta ganshi, amma ta danne zuciyarta ta tafi ajinsu.

A bayan wani aji ta hango wani malami, yana kissing ɗin Tasleem ta ajinsu Sadik, nan da nan mamaki ya cikata jikinta ya ɗau rawa, abun ya bata mamaki sosai, Malami da kansa yake haka shi da ɗalibarsa, ta shiga ajinsu cike da tunanin abunda ta gani.

Ta zauna a gurin zamanta tana tunani, Lilly tace  'Farhan, ina kika shiga ne? Prince Sadik yazo nemanki fa'

Maimakon ta bata amsa se dai murmushi kawai da tayi Mata.

Koda aka tashi, cikin gaggawa Farhan ta ɗauki jakarta, dan ta gudu gida kafin Su haɗu da Sadik, sedai tana fita harabar makarantar tai karo dashi.
Mazewa tayi niyyar yi ta fece, aikuwa ya riƙo hannunta cikin hanzari ya kalleta Yace
"meye hakane Farhan? Kamar kina guduna ne 'yan kwanakin nan lafiya kuwa?"

Farhan ta ɗan haɗe rai cikin shagwaɓa tace  "Nika cikani meye haka?"

Sakin hannuta yayi, tare da shan gabanta  Yace  "tun jiya fa nake nemanki ban ganki ba, ko laifi nayi miki ne?"

"Ni ba abunda kayi min, kawai ka dena bina".

"Wace irin magana ce wannan haka?"

"Ka dena bina ko zuwa inda nake kawai, Sir Nazir yace ya kuma ganinmu tare ze kira babana"

Nan da nan annurin Fuskar Sadik ya ɗauke, ya canza fuska jikinsa har rawa yake ya kalli Farhan Yace  "dama shine dalilin da yasa kike guduna? Waye Nazir? Me akai akayi shi? Farhan wai so ƙaryane? Zaki fara wahal dani dan ina sonki? Ina ruwansa damu, meye nasa a cikin soyayyar mu, idan sonki yake ya fito Ya faɗa mana in bar masa ke, kuje kuyi dashi, nafi ƙarfin Wulaƙanci Farhan, karki sa zuciyata ta yanke hukuncin da zesa mu cikin dana sani nida ke".
Nan da nan ido ya dawo kansu, babban abinda bata so kenan, wannan saurin zuciyar da zafin rai na Sadik, gashi ta kasa Magana, ga idon mutane da yai yawa a kansu.

"Shikenan, tunda kin fifita decision ɗinsa aka abinda zukatanmu ke so, kije Nagode sosai da kika bari zuciyata tai zurfi a sonki, na sakankance kema kina sona, ashe nayi kuskure"

Tasleem dake gefe tace  "shege Prince, akwai kalamai dole ya sace zuciyar yarinya ƙarama"

Ganin yadda ransa ya ɓaci sosai, yasa Farhan sake dirircewa,  cikin muryarta me sanyi tace  "Ss..Sadik. wallahi"

"Karki gayamin komai malama, kije na bar masa ke, ya kwaɗaki ya cinye"

Fuuuu yai gaba, bebi ta kan jakarsa daya baro a aji ba, ya nufi inda motarsu take ya haye.

Farhan kamar ta ɗora hannu a kai tayi ihu, dan a duniya bata son ɓatawa Sadik rai, dukda bata ta taɓa ɓata masa rai ba, amma taji ba daɗi yadda ransa ya ɓaci haka.

"That's good, na gaya miki muddin na kuma ganinki da yaron nan, sena gayawa mahaifinki, wannan yaron dai ba aurenki zeba, ze ɓata miki lokacine kawai da rayuwa".......



Ayshercool
07063065680
[6/4, 4:21 PM] Jakadiyar Arewa: 🎗️🎗️🎗️🎗️🎗️🎗️🎗️🎗️🎗️🎗️🎗️


RUƊIN ƘURUCIYA

PERFECT WRITERS ASSOCIATION

(WE AIN'T PERFECT BUT WE ARE ALWAYS TRYING OUR BEST, TO MOTIVATE AND ENTERTAIN OUR READERS)

https://www.facebook.com/Perfect-writers-association-100452275039839/

P. W. A

*Story and written by*
AISHA ADAM (AYSHERCOOL)

Writer of

WATA KISSAR..(Sai mata)
ABDUL JALAL
AƘIDATA (paid book)
WUTA A MASAƘA
NOW RUƊIN ƘURUCIYA (paid book)

_Labarin RUƊIN ƘURUCIYA, na iya zuwa da wani salo, wanda baku saba ganinsa a rubutuna ba, hakan ya biyo bayan akan abunda aka gina labarin, wani abun ze ɓoyu wani Abun baze ɓoyu ba sakamakon labari ne akan teenegers, yara masu tashen Balaga, but hakan ba ya na nufin na sauka daga kan tsarin yadda nake Rubutu bane, ƙofata a buɗe take dan karɓar ƙorafi, gayra ko shawara_



⚠️⚠️⚠️ƘIRƘIRARREN LABARI NE, BAN YADDA A JUYAMIN SHI TA KOWACE SIGA BA SEDA IZININA ❌❌‼️






                            Page 3&4

Waiga wa Farhan tayi ta kalli Sir Nazir, dake tsaye yana mata Magana, ji tayi tamkar ta shaƙeshi, saboda shine silar da yasa ta janye wa Sadik, kuma ga abunda tai yasa ran Sadik ɗin ya ɓaci.

Abunda be taɓa zato ba, yaga Farhan ta galla masa harara, irin up anda down ɗin nan, tai gaba abunta, tsayawa yayi cak ya zuba mata ido harta ƙulewa ganinsa.

Sadik kam a ɗakinsa na BQ ya tsaya, yana zuwa ya cire belt ɗinsa yai jifa dashi, ya cire neck tie ɗin wuyansa na makaranta ya jefar, ya cire rigar itama yai jifa da ita, ya faɗa kan gadonsa yai ruf da ciki, zuciyarsa na wani irin zugi, dan gaba ɗaya idonsa ya rufe, wata irin muguwar tsanar Nazir yaji tana ratsa shi, gefe guda yana ganin laifin Farhan da ta biyewa Nazir ɗin.

Befi mintuna sha biyar da kwanciyar tasa ba, Yayansa Faruk ya shigo ɗakin Sadik, ya kalli Sadik yace  "Kai, Lafiya kuwa? Meke damunka kalli yadda kayi watsi da kayan makarantar taka fa, koba lafiya ne?"

"Lafiya ta ƙalau" ya bawa Faruk amsa a taƙaice.

'ban yarda lafiyar ka ƙalau ba, kaga yadda idonka yayi ja kuwa?"

"Budurwata ce ta ɓatamin rai"

Zaro ido Faruk yayi Yace "What? Budurwa fa kace Sadik"

Sadik ya tashi zaune Yace "eh, ko ban kai inyi ba?"

"Ni na isa ince baka kai ba? Ka kai harka wuce ma Autan Mother, dama mates ɗinka ne suka zo, suna son ganin ka naga da alama ko gida basu je ba, dan jikinsu da uniform"

Sadik Yace "kace musu su shigo"

Faruk ya juya ze fita yana kallon Sadik, kamar yayi dariya wai ɗan wannan jaririn yaron ne yake da budurwa, harta kai ga ɓata rai, ko uwar me yake gaya mata oho?"

Nasir ne da Aminu Manyan abokan nasa suka shigo bedroom ɗin.

Nasir Yace "mazaaaaa, Yanzu ɓacin ran ne yasa ka tafi ka bar school bag ɗinka a school?"

Sadik ya ɗanyi tsaki Yace "ƙyale ni kawai, ni bata jaka nake ba, raina ya ɓaci sosai, na rasa me nayi wa wannan banzan coper ya sani a Gaba, se kace ni kaɗaine ɗalibi, ko kuma nika ɗaine nake soyayya a makarantar nan?, duk ya samana ido, har yana wa Farhan barazanar ze kira mahaifinta, ita kuma ta fara guduna, to idan ya kira babanta ma me zece masa? Meye laifin zuciyata dan ta kamu da son Farhan? Ni nafi zargin anya ba sonta yake ba shima?"

Aminu ne yai wata irin shewa Yace  "Oh my God, gayen nan kana burgeni Wallahi, dole ka tafi da zuciyar that innocent beb, ka iya kalamai, manyan yara a school suna crushing akan ka, amma ka dage kace kai se Farhan, that little baby, gashi ka koya mata son ka"

"Bana tunanin Farhan na sona fa, bata taɓa gayamin tana sona ba fa"

Nasir Yace "ka gane, yarinyar tana son ka, sedai kasan 'yar talakawa ce, and yaran talakawan nan some of them are not well civilised, shiyasa ita komai Kunya that's why ba zata iya gaya maka tana sonka ba"

Sadik Yace "Karfa ka zageta, kuma ni kunyarta tana burgeni sosai, You don't know how much I love that girl"

Nasir Yace  "Wai tsaya, dan Allah meyasa kake son yarinyar nan ne? Ba dai mummuna bace na sani, amma bata wani cika mace ba, she's still a Baby, you have to look for a hot and sexy Baby, but this one is too small for you, ƙwaya nawa wannan 'yar take?"

Sadik ya kashingiɗa, ya shafa afro hair ɗinsa, sannan ya murmusa yace  "ina son Farhan sosai, ina son ta tashi da soyayyata ni kaɗai a ranta, ta fara so a kaina ta gama a kaina, kuma wallahi ni so nake na aure ta, dan banƙi a Auramin ita a Yanzu haka ba, saboda yadda nake ji akan ta"

Wata shewa Aminu da Nasir sukayi, suka tafa, Aminu ya kalleshi Yace "Prince, kana wuta mutumina wato kai ko yanzu ka aure ta?"

Sadik yace "Ku dena ɗauka da wasa nake fa, ina son yarinyar nan sosai"

Aminu Yace "jika, kamar zaka iya wani abun arziki ne in kai Auren a yanzu, kana cika wa mutane baki"

Sadik ya kalleshi yace "Nayi kama da nakashashshene? Nima cikakken namiji ne me lafiya, tsaf Zan iya zama da Mace nima a yanzu haka"

Nasir Yace "we thought you don't have feelings na, even those movies you can't watch, I don't even thinks ka taɓa ko kissing Mace, shiyasa fa kallon soyayyar taka muke kawai shirirrita, babu wani armashi, You Are not romantic at all, your love is so bored, ɗan hugging ɗin nan ma kai bayi kake ba, a haka kake kiran kanka namiji, wai aka maka aure zaka zauna da mace? Malam if you can't do anything to a girl that will make her ehh... Ka gane ai You Are still a boy, ka jira lokacin da zaka zama cikakken namiji ba yanzu ba"

Sadik ya jinjina kai, yana murmushin takaici dan yaji haushin abunda Nasir ɗin ya faɗa, Amma Yace "naji am still a boy, all I know is that, I love Farhan ina sonta sosai zan raini kayata harta zama yadda nake so in Aureta"

Aminu yace 'Prince, that girl is not your type, taya zaka aureta? Kafin ka gama karatu ka tsaya da ƙafarka, ka aureta lokaci ya ƙure mata, dan haka shawarata a gareka koda ma Shi wancan wawan Nazir ɗin sonta yake, kawai ka bar masa empty, ka share hanyar kawai ka tsallak boda"

Sadik Yace "ban gane me kake nufi ba?".

Suka kwashe da Dariya, Nasir Yace "shiya sa muke ce maka You Are still a boy my friend, kawai ka more ƙuriciyarka da yarinyar nan, tana sonka sosai,  kawai ka huta, in yaso ka bar masa sauranka, kai da kana kallon B films ɗin nan da muke kallo da base ance maka ga yadda zaka yi ba, amma kai se Kaita abu kamar wani kidahumi"

Aminu Yace "ka kawo System ɗinka, muna dasu kala kala, a tura maka kayi caji Yau, when you try it yarinyar nan ba zata sake jin maganar wani ba se Kai, saboda a yadda kake ɗin nan, You look so energetic, ba zata sake gangancin gudunka saboda wannan sakaran ba"

Sadik ya girgiza kai yace  "Ina son Farhan ne ba dan in ɓata mata rayuwa ba, hasalima ni kamun kanta, sanyin halinta da kunyarta ne yasa na fara sonta, kuma ni sam bani da interest akan aikata abunda be dace ba, ni bazan kalli filma na batsa ba, bashi da wani amfani Sam, bayan ya toshewa me kallonsa ƙwaƙwalwa ga kuma zunubi, sannan nafi ƙarfin ku kirani yaro wallahi, cox i always have dreams, ina jin feelings kamar kowane lafiyayyen namiji, sedai ni ina son Farhan ne dan Allah ba dan wani abu ba"

"Taɓɗijan, aikuwa in dai dagaske kana jin feelings, and you even have dreams ma, to tabbas a hankali watarana seka so kasancewa da mace,  kuma ga Farhan a kusa da kai, tunda ba aure za'a maka yanzu ba, Yawan kasancewarku tare komai na iya faruwa"

Nasir yace "dalla bar ɗan rainin hankali, wai shi na Allah, se iskanci a baki amma baze gani ba koya aikata, my friend you better enjoy your life, that girl can do anything you ask her to do, gara ka gwada kanka kaji capacity ɗinka, ko ka ƙare a kame Kame, ƙishirwa ta addabeka, ga ruwa a kusa da Kai amma kaƙi maganin ƙishirwar"

Aminu yace "rabu dashi, taso mu tafi Baba, duk ƙaryar banza ce ba namiji bane, har yanzu yarone".

Suka kwashe da dariya, suka tafi suka bar Sadik cikin tunani.

Nzarin maganganun sa ya dinga yi, gaba ɗaya yaji kansa yai dumm, yama rasa wane tunani zeyi? Su Nasir sun caza masa kai, suna ƙoƙarin cusa masa wani tunani, ga ɓacin ran Fargan kuma.


Farhan kam harta je gida gaba ɗaya bata hayyacin ta, bata san ma daya taje gida ba, saboda tunanin ta ɓatawa Sadik rai, mussaman yadda ya dinga faɗan nan, ta san tabbas ransa ya ɓaci sosai, nan ta fara tuhumar kanta meyasa ma ta biye maganganun Sir Nazir, ta fara gujewa Sadik, ƙila ma barazana kawai yake Mata, ba wani Babanta daze kira ya gaya masa, dan gara ma a gayawa Babanta, ta san baze wuce ayi mata faɗa ba shikenan, amma idan Sadik ya dena kulata bata san ya zata yi ba.

Jiki a sanyaye take yin komai, har seda mahaifiyarta ta lura da hakan, tace "Farhan meke damunki ne? Ko a makarantar ne akai miki wani abu?"

Farhan ta girgiza kanta tace "A'a Umma, ba abunda akayimin"

"To idan ma wani abun akayi miki, kiyi haƙuri, ki iya talaucin ki nasan duk makarantar babu ɗan talaka kamar ke, kema Allah ne yayi zakiyi wannan makarantar, saboda scholarship ɗin nan, dan haka sedai kiyi ta haƙuri"

Har Umman Farhan tayi maganarta ta gama, sam Hankalin Farhan baya kanta, tunanin ta kawai yadda zata shawo kan Sadik, dan ta lura yana da kafiya wasu lokutan da zafin zuciya.

Salla kawai tayi ta nemi Guri ta kwanta, Ummanta ta shiga ɗakinsu ta ganta a kwance "Islamiyyar ce ba zaki ba, ko kuma wani sabon salon wulaƙancin ne haka?"

"A'a Umma, kaina ne yake ciwo"

Daga nan Umma bata sake cewa komai ba, ta fita daga ɗakin, bin bayan Ummanta tayi da kallo taji ina ma Ummanta tana sauraren ta, kasancewar ta 'yarta ta fari sam bata wani shiga sabgarta, ko hirar kirki ba ta yi da ita, lokuta da yawa abu na damunta, amma ba zata taɓa iya tunakarar mahaifiyarta da maganar ba, duk da ƙanƙantar shekaru na Farhan, tana son hira da mahaifiyarta, amma sam mahaifiyarta bata bata lokaci,ba ta raɓar duk wani abu da ya shafi Farhan saboda kunyar ɗan fari.

Ajiye wannan tunanin tayi, ta shiga neman mafita akan yadda zata shawo kan Sadik, shiru tayi ta shiga tuna haɗuwarta da Sadik, da yadda suka fara soyayya.

Bayan an sanar da iyayen Farhan ta samu scholarship, a makarantar su Sadik saboda ƙwazonta, sunyi murna sosai dan makaranta ce ta 'ya'yan manya, kuna akwai karatu sosai a makarantar.

Sedai Ranar farko da Farhan ta fara zuwa, ta tsorata da ganin yaran dake makarantar, saboda duk yadda ake zuzuta makarantar ta yaran masu kuɗi ce, bata zaci zata ganta haka ba, Yarane na alfarma a makarantar, 'ya'yan hutu rainon AC, gaba ɗaya tsarin rayuwarsu ya sha bamban da wanda ta taso taga anayi, kalar fatarsu kawai idan ka kalla ka ga yaran hutu, dan kaso mafi yawa na yaran farare ne ƙal.

Suna da cikakken 'yancin aikata abinda suke so a makarantar, da ƙalubalantar duka' wani malami da yayi musu ba daidai ba, saɓanin makarantar data baro, Wadda ta kasance ta gwamnati, baka da wani kataɓus se Abinda malami yaga dama.

A makarantar data baro ta saba da idan an fita tara, suje su kashe kuɗin makarantar su da idan yayi wuta naira hamsin, amma a wannan Makarantar idan aka fita tara masu zuwa da abinci zakaga Abinci ne na alfarma, kaji ko nama yanka zuƙu zuƙu akan abinci, ko kuma tarkacen kayan cake da chocolate da sauran kayan kwaɗayi, se kaga ɗalibi da sama da naira dubu guda.

Ta saba a makarantar data baro, in an fita break, wasansu baya wuce 'yanta, 'yar gala gala da sauran wasannin yara, amma a wannan makarantar daga basket ball, football, volleyball irin wannan wasannin suke, sannan suna bawa birthday mahimmanci da sauran bidi'oi wanda bata saba dasu ba, suna da manyan gangaunan kiɗa da manyan speaku na disco, har clubs clubs ne na koyarda rawa ta zamani, da waƙe waƙe a makarantar.

Ga uwa uba dressing, ita makarantar da ta baro dukda a Jss1 ta baro makarantar, amma hijjabinta ya wuce gwiwarta, manyan hijjabai suke sawa, amma a wannan makarantar, skirt ne gajere daidai jikin ka, ka rufe ƙwaurinka da safa idan kana buƙata, ga ɗan ƙaramin hijjabi, sam bata iya Ratsa unguwarsu da wannan ɗan guntun Hijjabin, seta saka babba a kai.

Wannan banbance bambancen ne yasa Farhan ta sake takure kanta a makarantar, komai nasu ganinsa take daban takasa sabawa da abubuwan makarantar, saboda sun sha banban dana wadda ta baro, ta 'ya'yan talakawa.

Sam bata da wasu ƙawaye a nan, dama dai bame kwashe kwashen ƙawayen bace.

Gaba ɗaya yanayin makarantar da Al'adun makarantar se sukayi mata wani iri daban, babban abinda yake ƙara ɗaure mata kai be wuce yadda ɗaliban da wasu daga malaman ke mu'amalantar juna tamkar jinsinsu ɗaya ba, ta hanyar yin wasanni tare, kamar na ƙwallon ƙafa da sauransu, cin Abinci tare, gaisawa da juna ta hanyar musabiha tsakanin maza da mata, rungumar juna da dai sauransu, wanda a normal al'adar malam bahaushe hakan ya saɓawa tarbiyya da addininmi, dan haka gaba ɗaya Farhan take baya baya da lamuran makarantar nan dama ɗaliban, ta kama karatunta tunda shi tazo yi, suma ɗaliban ba kowa ke shiga harkarta ba saboda suna mata kallona wadda bata waye ba sam.

Wataranar juma'a, lokacin kusan satinta uku a makarantar, Sadik ya dawo aka ce yaje Umra shida 'yan gidansu, anyi rabon kayan dabino bagaruwa, zam zam carbi agoguna, haka aka dinga rarrabawa, abunda Farhan ta lura shine, Ana matuƙar son Sadik, baga malamai ba baga ɗalibai ba, saboda barkwancinsa da yawan kyautarsa, dukda duk yaran masu kuɗine abokan nasa, amma yana musu ɓarnar kuɗi sosai.
Gashi yana da ƙoƙari sosai, sedai ta lura bayan sonsa da akeyi kamar abun harda tsoronsa akeji, seniors ɗinsa na shakkarsa, haka juniors ɗinsa, ko gaban assembly ne ake surutu kafin a fara assembly malamai suzo, daya hau kan stage kowa yake yin shiru, Sadik akwai tsafta da gayu sosai da sosai, gashi baya son raini ko kaɗan, ko tahowa yayi Junior ya taho se an bashi hanya ba'a haɗa hanya dashi, koda kuwa 'yan SS1 ne, sedai Wasu lokutan yakan shiga cikinsu yayi Wasanni kamar ball da sauransu, sabida bayan kasancewar sa gwarzo a aji, ƙwararren ɗan wasa ne, dan ba dan mahaifinsa yaƙi bashi goyon baya ba, da ƙasar waje ze tafi makarantun koyan tamaula.

Wata ranar juma'a, duk 'yan makarantar na gurin wasanni, wasu na wasa, wasu na gurin kaɗe kaɗe, Sadik ya shiga cikin makarantar ɗakko ATM card ɗinsa, ze fita cin Abinci, yazo wucewa ta ƙofar ajinsu Farhan, ya hango ta a zaune ita kaɗai a ajin, tunda ya dawo daga Umra ya ganta a makarantar, baƙuwar fusaka ce dan be santa ba kan ya tafi, sedai yana lura da yadda sam ba ruwanta da kowa, abinda ya dameta shi kawai take yi.

Tura ƙofar ajin yayi, wanda hakan yasa ta ɗago da sauri, ya ɗan ƙura mata ido sannan Yace "ke bazaki gurin wasan bane?"

Ta jinjina masa kai alamar eh.

"To saboda me?"

"Bakomai" ta faɗa a sanyaye.

"Amma You Are new in this school ko?"

Ta ɗaga kai alamar eh.

Sadik yace "Yayi kyau, amma Yakamata ke ma ki fita gurin wasanni, ki dinga motsa jiki"

Farhan ba tace masa komai ba se binsa da kallo da tayi, Sadik dogo ne chocolate color, kana ganinsa ka san ɗan hutu ne, yana tara suma a kansa, Afro style ko yaushe sumar tana ƙyallin mai, da wuya ka ga kansa a bushe babu mai, gashi da dogon hanci sosai, masha Allah ɗan kyakykyawan matashi ne Prince Sadik.

Tun daga ranar da yai mata magana, duk in da suka haɗu se yai mata murmushi yace mata "Sannu"

Wasu lokutan ta kan mayar masa da murmushin tace "Yawwa"

Haka nan take burge Sadik, saboda shiru shirunta, kusan kullum se sun haɗu ko a hanya ko kuma a gurin assembly.

Watarana ana birthday party na headgirl ɗin makarantar, gaba ɗaya an tare a gurin da ake raye rayen, Sadik ya duba duk gurin partyn amma be ga Farhan ba, ko a gurin assembly be ganta ba, haka nan yaji yana son ya ganta, dan haka ya tafi ajinsu.

Ita kaɗaice a ajin, ta kifa kanta a kan benci, Sadik ya ƙwanƙwasa ƙofar clss ɗin, hakan ya sa tai saurin ɗagowa, kamar kullum yau ma musayar murmushi suka yi.

Ya ƙarasa ya zauna a kusa da ita, zaman da Sadik yai a kusa da ita se taji tamkar wani babban zunubi ne, take fargaba ta shige ta da tunanin idan aka zo aka gansu a haka fa?

Prince yace "meyasa baki je gurin birthday ɗin ba, Why do you always like to isolate yourself from the people?"

A hankali tace "bakomai"

"Ke kin fi son zama ke ka ɗai?"

Ta jinjina masa kai.

"Wai ni meye sunanki ne ma?"

"Farhan" ta bashi amsa.

"Wow, what a very nice Name, Farhan gaskiya baban ku ya iya zaɓen suna, kin dace da sunan naki, Farhan"

Ɗan sunkuyar da kai Farhan tayi, taji daɗin yadda ya yabi sunanta, amma wannan zaman da yai a kusa da ita duk ya takurata.

"Zo muje gurin party tare, kowa yana can yana walwala ke kuma kullum a takure, wai ke baki da ƙawaye ne?"

Ta ɗaga masa kai alamar eh.

"To shikenan, daga yau ni ne ƙawarki, kuma nine abokinki, ta so muje"

"Ba se naje ba, ina hadda ne an jima idan naje islamiyya zan bada hadda"

Sadik yace "wow, masha Allah yau kinyi doguwar magana, kina da murya me daɗi sosai, amma kullum nai miki Magana se ki amsamin a taƙaice, anyway ayi karatu lafiya se anjima"

Yai maganar tare da miƙewa ya fice,haka kurum ta shiga yin murmushi, mussaman da ta tuna yadda yace muryarta na da daɗi.

Har aka tashi  daga makaranra, da tayi mosti, se ta tuna Sadik, da ya faɗo mata rai kuma se ta kasa riƙe murmushin ta.

Washegari an cika a gaban assembly, Sadik ne ke leading assembly ɗin, duk da kasancewar sa a Ss2, amma ƙwazonsa yasa ake sakar masa yin abubuwa da dama, ya kira wata kirista ta fito ta gabatar da addu'a a gaban assembly, ta koma yana ƙoƙarin kiran wanda ze Addu'a a cikin ɗalibai musulmai, kawai idonsa ya sauka akan Farhan yace "Farhan from Jss2, should come over and recite qur'an for us"

Gaban Farhan ya faɗi jikinta ya shiga kyarma, tana zuwa competitions daban daban, amma ita gaba ɗaya wannan makarantar da mutan cikinta tsoro suke bata da kwarjini, seda ya maimaita abun da ya faɗa Sannan ta fito jiki a sanyaye.

Aikuwa kowa ya bita da ido, cikin takunta da ta saba yi, kamar wadda ƙwai ya fashewa a ciki ta hau kan stape, takun da ke matuƙar burge Prince idan tana yinsa, ta kalli uban ɗaliban da suka zubo mata ido, ta waiga ta kalli inda Sadik shima