You Cannot Download this book untill you login but you can read it .

---

Login Register

zarginta kenan?.

Hawayena ya shiga bin fuskarta, fan take ta ji ranta yai ƙololuwar ɓaci, haka ta sakko jikinta a sanyaye ta tafi hanyar gate ɗin fita ta zauna, ana kaɗa jiniya, tai gaba ba tare da ta jira kowa ba.

Tun ranar da Nazir yai mata wannan zargin, gaba ɗaya se ta tsargu take ganin kamar kowama haka yake kallonta, dan haka kasancewar da ma sun kammala jarrabawa, ba ta sake zuwa makarantar ba har aka yi hutu.

Hakan ya damu Sadik sosai, ganin ba ta zuwa har a kai hutu, ranar da za'ai hutu ya zo da system ɗin sa, aka tura masa fina finai, wanda ze dinga kallo kan a koma school.

Satin da a kai hutu, a satin za'a fara bikin Ussy, ana ta shirye shirye, mussaman Sadik ya bugo nasa invitationsa ɗin, da ze rabawa abokan sa.

Gefe ga son ganin Farhan da yake yi, gashi yasan gidan su Farhan Akwai tsaro sosai, dan mahaifinta malami ne, idan ya je gidan su Farham be san me zece ba.

Shiryawa yai, ya tafi gidan su Khairat, a falo ya tarar da ita tana cin Abinci.

Sadik yace "Ina Mama?"

"Ba ta nan, lafiya na ganka kamar an jefo ka? Ka wani sha Manyan kaya kamar wani ango, ni na taɓa ganin ka a manyan kaya kuwa?"

Sadik yace "Khairat gidan su Farhan na ke so ki rakani dan Allah"

Yamutsa fuska Khairat ta yi tace "wace hakan?"

"So nake na bata invitation, tace idan ban kai mata gida ba baza'a barta taje ba, ni kuma i dont know how to explain myself idan naje, shiyasa nace bari in zo muje tare"

Khairat tace "to ai ita Farhan ɗin nake son jin wacece?"

" 'yar ajinmu ce" ya bata amsa.

"Gaskiya ban yadda ba, kana yawan kirana da Sunan ta, ko 'yar ajin ku ce akwai wani abu a tsakanin ku"

"Eh budurwa ta ce"

Yatsuna fuska Khairat tayi tace "kuma shine ni zan raka ka?"

"Kinga idan ba zaki ba ba se kin rainamin hankali ba" ya faɗa a kausashe.

"Naji zani" ta faɗa cike da ɓata rai.

Ta tashi taje ta canza kaya, ta fito ta tarar da shi in da ta barshi.

Yau Sadik da kan sa yake driving, suna tafe yana tsarawa Khairat abunda za su faɗa.

A bakin layin su Farhan yai parking, gabansa se faɗuwa yake, ya hango mahaifin Farhan zaune a kan dadduma, yana tilawar Alƙur'ani.

Khairat kuwa ganin gidan da Sadik ke dosa ya sa ta ɓata fuska, tun daga farkon unguwar kasan ta talakawa ce, ko ina kwata, se wari kwatocin ke yi, ga wasu gungu gungun awaki da tumaki da ke kaiwa suna komowa a tsakanin layukan.

Ga kaji da ke ta sake haƙe kwatar da aka kwashe aka zubar a gefen hanya, gaba ɗaya haushin Sadik Yakamata, gasky Prince ya faɗo ya rasa in da ze samo budurwa se a wannan unguwar talakawan, sedai ba ta da ikon Magana, yanzu ze hayayyaƙo mata, haka tai shiru ta cigaba da bin sa.

Suna zuwa in da Mahaifin Farhan yake, Sadik ya samu guri ya ɗan risuna.

Mahaifin Farhan ya rufe Alƙur'anin gabansa ya kalli Sadik da Khairat, yace "Sannun ku da zuwa"

Sadik ya ƙara nustuwa yace "Abba ina wuni"

Baban Farhan yace  "Lafiya ƙalau Alhamdilillah, ya gida?"

Sadik ya ƙara nutsuwa yace "Lafiya ƙalau Alhamdilillah, dama ni ɗan makarantar su Farhan ne, wannan ƙanwata ce ajinsu ɗaya da Farhan a Makaranta, Yayan mu ne ze Aure, shine muka kawo mata katin gayyata ko za'a barta taje"

Sadik yai maganar tare da ɗakko katuna a aljihunsa ya miƙawa Baban Farhan.

Ya sa hannu ya karɓa ya duba, ya kalli Sadik ya jinjina kai, dan sunan mahaifinsa d sananne ne, ya ƙara tabattar da Allah ne kawai ya yi Farhan za tai wannan Makaranta, ban da haka ina ita ina karatu da 'ya'yan Alhaji Abdullahi.

A fili yai murmushi yace "Masha Allah, ai komai da sanarwa yana da daɗi, Allah ya sanya Alkhairi, shiga ki kai mata katin"

Khairat ta karɓa, ta nufi gidan da mahaifin Farhan ya nuna mata, tana sake tsantsame jikinta, dan ita ƙyamar gurin take.

Baban Farhan yana da kirki sosai, ya din ga jan Sadik da hira, tun Sadik na jin nauyin sa, harya saki jiki suka cigaba da hira sosai.

Yadda Sadik ya zo cikin shiga ta mutunci da girmamawa, ba ƙaramin burge mahaifin Farhan yai ba.

Khairat kuwa sallama ta yi tana ƙarewa gidan kallo.

Gidan tsaf da shi, ko tsinke ba bu a tsakar gidan, se ƙamshin turaren wuta da ke tashi.

(Dama ita tsafta ai ba se me kuɗi ba)

Sallama Khairat ta yi, ta tsaya a tsakar gida, Umman Farhan ce ta amsa mata, sannan ta bata izinin shiga.

Ta shiga ta gaida maman Farhan, ta amsa mata cikin kulawa.

Khairat tace "dama gurin Farhan na zo, na kawo mata katin bikin yayan mu"

Umman Farhan tace "Allah sarki, Allah ya sanya Alkhairi.

Ta nunawa Khairat ɗakin da Farhan ke ciki.

Ta shiga ta tarar da Farhan, sanye da dogon hijjabi ta na karatun Alqur'ani.

Khairat ta samu guri ta zauna, Farhan ta dakata ta kalli Khairat, dan ba ta santa ba "Sannu da zuwa"

Khairat tace "Yawwa, Farhan ko?"

"Eh, sedai ban ganeki ba"

"Ƙanwar Sadik ce"

Kunya ce ta kama Farhan, tai murmushi tace "Allah sarki, sannu bari in kawo miki ruwa"

Khairat tace "No, ba se kin kawo ba, dama katin gayyata ne na bikin Yayan sa, yace mu zo mu kawo miki yana waje, idan da hali yana san ya ganki"

Shiru Farhan ta ɗanyi tace "ai ban san yadda zan fitan ba ne, ina jin tsoro Abba na yana nan"

Khairat ta ɗan ƙare mata kallo a ranta tace 'taɓ, rayuwar yaran talakawa ba tai ba sam, wace irin jaraba ce wannan dan baban ka yana nana ace ba zaka fita ba?'

A fili tace "ai ba daɗewa za ki ba, kice kawai zaki rakani ne, se muje ku gaisa kawai"

Har ga Allah, Farham na son ganin Sadik, cikin sanyin jiki ta miƙe ta tafi ɗakin Umman ta, ta nemi iznin raka Khairat, ga mamakin ta se Umma ta amince, har da bawa Khairat ɗin kyautar turare, zaton ta ƙawar Farhan ce.

Khairat kuwa a ranta mamakin irin wannan rayuwa take, saboda tsabar abu Yarinyar ko wayon yadda zata fita ba ta da shi, fita rakiyar ma seta tambaya, lallai 'ya'yan talakawa na rayuwar takura da rashin 'yanci.

Cike da faragaba ta bi Khairat suka fita, cikin sa'a da suka fito baban Farhan ba ya ƙofar Gidan.

Ta hangi Sadik zaune akan barandar da ke gefen gidan su, ya sha shadda dark blue, harda hula kai kace wani babban mutum ne, ba ta san lokacin da ta saki wani ƙasaitaccen murmushi ba, shima ɗagowa yayi ya kalleta yai mata murmushin, tare da sauke ajiyar zuciya a jejjere.

Suna zuwa in da Sadik ke zaune ta sunkuyar da kai, tana wasa da yatsun hannunta.

Sadik yace "Madam kawai se nemanki nai na rasa a makaranta, ki ka dena zuwa why? Ki ka bari ina ta cigiyar ki"

Kasa Magana tayi, saboda fargabar kar wani ya ganta ko babanta ya dawo, ga Khairat a tsaye a gurin.

Ganin yadda ta kasa sakewa, ya sa Sadik yace "zo muje daga bayan layin ku naga You are not comfortable here"

Duk da Farhan na cikin fargaba, amma ba zata iya yiwa Sadik musu ba, ta bisu suka nufi in da sukai parking.

Suna zuwa Khairat ta buɗe gaban mota ta shige, ta bar Sadik da Farhan.

Ganin Khairat ta basu guri, yasa Farhan yin ajiyar zuciya tace "ina wuni?"

"Se Yanzu zaki gaishe ni, kin ƙi ko kallona se wani ƙasa kike da ido kina kallo na, ki ɗago ki kalleni sosai"

Murmushi tai, ta rufe fuskarta tace "kayan nan sun maka kyau"

Sadik yace "dagaske?"
Ta jinjina kai alamar eh.

Yai murmushi yace "Alhamdilillah, Tunda sun burgeki, na haɗu da Abba a waje, munyi hira da shi sosai, Your father is very kind, Allah yasa idan aka zo nema min Auren ki ya bani, kar yace nayi yaro da yawa"

Shiru tai ta sake sunkuyar da kanta tana murmushi.

Shima murmushin yai yace "Anyway, meyasa ki ka dena zuwa school?"

Gaban ta ne ya faɗi, da tuna abunda sir Nazir yake zarginta da shi, a zahiri ta basar tace "Nothing naga ba'a komai ne a school ɗin"

"Shine, kika dena zuwa duk tunanin ki ya dameni, ga shi ba ki da waya balle in dinga kiran ki a waya"

Tai shiru ba tace komai ba.

Sadik yace "yanzu dai zaki zo bikin yayan nawa?"

Farhan tace "Ai ka kawo katin gayyata, za'a barni insha Allah"

Murmushi Sadik yai, wani farinciki ya kama shi, yace "Alhamdilillah, naji daɗi sosai"

Farhan tace "meyasa kake murna dan zan zo?"

Ya so ya gaya mata dalilin sa, amma se ya fasa dan yasan tsaf zata fasa zuwa,  ya gyara tsayuwar sa yace "My dan Allah ya zan dinga samunki a waya ne? Kin ga hutu za'ai ina son in dinga jin muryar ki, ko in dinga zuwa gida in ganki?"

Zare ido Farhan tai, ta girgiza masa kai tace "A'a, Abba ze tambayi dalilin zuwanka"

"To meye a ciki? Se mu faɗa masa gaskiya"

"A'a dan Allah kar ka dinga zuwa"

Sadik yace "to naji, yanzu ki bani lambar da zan dinga kiran ki in same ki a waya"

Farhan ta ɗan yi shiru, dan tabbas ita ma tana son hanyar da zata dinga waya da shi, dan ko ba komai a yanzu bayan karatun ta ba wanda yake ɗebe mata kewa sama da Sadik.

A hankali tace "ka bani lamabar wayar ta ka, idan na samu waya ni se in kira ka"

Yace "ki min ko flashing ne, ni kuma zan kiraki insha Allah"

Ya ɗakko jotter ya rubuta mata ya bata.

Tace "Bari in koma gida, kar a fara nema na"

"Ok to shikenan, amma tsaya muyi hotuna, wand zan din ga kalla ina jin daɗi"

Ba tace komai ba se murmushin nan nata me ɗaukar hankali.

Ya ciro wayarsa yai mata hotuna, sannan ya kalle ta yace "se Allah ya kaimu Lokacin bikin, i love You, take a good care of yourself"

Juya tai tana murmushi ta na jin yadda kalaman nasa ke sake tasiri a zuciyar ta.

Shi kuma ya koma motar su.

Yana shiga Khairat tai tsaki.

Ya kalleta yace "ke kuma lafiya?"

Khairat ta yamutsa fuska tace "kai kam me ka gani a wannan bagidajiyar 'yar talakawa?"

A hargitse Sadik ya kalleta yace "wallahi ki ka kuma zaginta sena miki rashin mutunci, a haka nake sonta"

"Allah ya baka haƙuri, amma gaskiya ta fiye kidahumanci, ace dabarar da zatai ta fito ma se da na gaya mata, ta fiye tsoro gashi kamar ba wayayyiya ba, ga ta yarinya sosai"

Sadik be ce mata uffana ba ya fara jan motar, jin yai mata banza ya sa ta ja bakinta ta tsuke, dan ta san idan ta matsa kuma, faɗa za suyi.

Suna tafe lokaci lokaci, seya shafi sumar kansa yai murmushi, yana jin so da ƙaunar Farhan ɗin na ratsa shi.

Kai tsaye gidansu suka wuce, suna zuwa yai parking a waje ya kalli Khairat yace "sauka, ni zani wani guri ne yanzu, maybe za'a kawomin wandon jeans, ki karɓa ki bawa Mother ta ajiyemin"

Khairat ta ɗan taɓe baki tace "to" ta buɗe motar ta fice, shi kuma ya ja motar yai gaba.

Khairat kuma ta shiga cikin gidan, sosai gida ya fara ɗaukar harami, saboda shirin shiga hada hadar biki.

A falo Khairat tai karo da Nana, tana ta hira ita da talatu me aiki, ta kalli Nana tai tsaki.

Nana ta kalli Khairat tace "Sannu tsaka"

Ba ta kuma kula Nana ba, ta shiga Kitchen ta ɗakko madara a roba, ta dawo falo ta na sha.

Dawowarta babu daɗewa, Sadik ya kirata a waya.

Ta ɗaga tace "Yaya ina jin ka"

"Kije gate ki karɓo min saƙon nan ki ajiyemin"

Khairat tace "to"

Ta ajiye robar hannunta ta fita, ba daɗewa ta dawo hannunta ɗauke da wata leda me kyan gaske.

Ta zauna ta buɗe ledar ta fito da wani haɗaɗɗen wandon jeans, kai da gani kasan wandon me tsada ne sosai, sedai abun takaici duk an yayyaga wandon ta cinya zuwa gwiwa, kamar kare ya tattauna.

Nana ta kalli wandon a ranta tace 'wannan wane irin wando ne?'

Faruk da ke fitowa daga ɓangaren Mother yace "Khairiyya, wannan wandon fa?"

Khairat tace "Wandon Prince ne, yace in karɓa in bawa Mother ta ajiye masa, kuma ban ganta ba"

Faruk yace "wannan wandon na ganshi Online ana advertising ɗin sa, yafi dubu goma a kuɗin Nigeria"

Khairat tace "Ai Sadik akwai rigima in yaso abu, amma wandon yayi kyau sosai"

Faruk yace "hakane, ina ga dai Mother ba ta nan, amma ki ajiye masa shi a wani gurin"

"Ko kuma in baka ka ajiye masa?"

Faruk yace "No, ajiye masa, Mother yace ko bawa, akan wandon nan se ya ɗagamin hankali"

Khairat tace "ok bari in Ajiye masa kawai"

Nana kam jinjina lamarin ta cigaba da yi a zuciyar ta, yanzu wannan wandon me kama da tsumma ne wai yafi dubu goma, gaskiya mutan Gidan nan ba su san darajar kuɗi ba, wannan ai almubazzaranci ne"

Faruk kuwa tuni ya bar falon, Wayar Khairat ce ta fara ringing, dan haka ta miƙe ta fita waje dan ta amsa wayar.

Tana fita zuciyar Nana ta dinga raya mata abubuwa daban daban, dama a ƙule take da Sadik da Khairat ɗin gaba ɗaya, dan haka ta miƙe ta waiga falon taga babu wanda yake kallonta.

A hankali ta ɗau ledar da wandon yake, ta ciro wandon ta zura a hijjabin ta, ta zaga kan baranda ta samu wani ruwan mopping da aka gama mopping da shi yai baƙiƙirin saboda datti, ta zura wandon a ciki.

Seda ya naɗi ruwan dattin nan Sosai Sannan ta matse shi, ta yar a gurin ta ƙara gaba.

A ranta tace "gobe ma ka sake zagina da kai da wannan shashashar Khairat ɗin, zaku gane kuren ku"

Ita kam Khairat ko da ta koma, ta cigaba da sha'anin ta, ta manta da batun wandon Prince.



WANDA SUKA RIGA SUKAI PAYMENT, IDAN FREE PAGES SUKA ƘARE SU KAWAI ZAN TURAWA TA WHAT'S APP, WANDA BE PAYMENT BA ZE IYA SA A MANHAJAR AREWABOOKS, DAN YAFI SAUƘI.


DOMIN GYARA, SHARHI KO SHAWARA
Ayshercool
07063065680.
[6/4, 4:21 PM] Jakadiyar Arewa: 🎗️🎗️🎗️🎗️🎗️🎗️🎗️🎗️🎗️

RUƊIN ƘURUCIYA

PERFECT WRITERS ASSOCIATION

(WE AIN'T PERFECT BUT WE ARE ALWAYS TRYING OUR BEST, TO MOTIVATE AND ENTERTAIN OUR READERS)

https://www.facebook.com/Perfect-writers-association-100452275039839/

P. W. A

*Story and written by*
AISHA ADAM (AYSHERCOOL)

Writer of

WATA KISSAR..(Sai mata)
ABDUL JALAL
AƘIDATA (paid book)
WUTA A MASAƘA
NOW RUƊIN ƘURUCIYA (paid book)

_Labarin RUƊIN ƘURUCIYA, na iya zuwa da wani salo, wanda baku saba ganinsa a rubutuna ba, hakan ya biyo bayan akan abunda aka gina labarin, wani abun ze ɓoyu wani Abun baze ɓoyu ba sakamakon labari ne akan teenegers, yara masu tashen Balaga, but hakan ba ya na nufin na sauka daga kan tsarin yadda nake Rubutu bane, ƙofata a buɗe take dan karɓar ƙorafi, gayra ko shawara_

⚠️⚠️⚠️ƘIRƘIRARREN LABARI NE, BAN YADDA A JUYAMIN SHI TA KOWACE SIGA BA SEDA IZININA ❌❌‼️

     

SHIN KUNA DA LABARIN MANHAJAR AREWABOOKS KUWA?
MANHAJA CE DA TAZO DA TSARIN DAN SAUƘAƘAWA MARUBUTA DA MAKARANTA SAUƘIN CINIKAYYAR LITATTAFAI.
TA IN DA ZAKU IYA SIYAN KOWANE FEJI AKAN KUƊI ƘALILAN, DAI DAI DA ALJIHUNKU.
INA FARINCIKIN SANAR DA KU CEWA, DA ZARAR NA KAMMALA FREE PAGES, ZAKU CIGABA DA SAMUN CIGABAN LITTAFIN RUƊIN ƘURUCIYA, AKAN MANHAJAR AREWABOOKS.
KARKU BARI A BAKU LABARI, AKWAI TARIN DARASIN RAYUWA A CIKIN LITTAFIN.






19_20


Nana kam zuba ido ta yi ta ga yadda za'a kaya da wannan rigima.

Wandon Prince kuwa tuni ya koma tsumman ƙarfi da yaji, saboda yadda aka dinga sauke tukwane da shi.

Wandon yai baƙi ƙirin ya fita daga hayyacin sa.

Sadik kuwa da ya tafi nasa yawo be dawo ba se wajen sha ɗaya na dare.

Da takeaway ɗin sa ya dawo, dan karma ya shiga cikin gidan su, ya haɗu da Yarinyar da yafi tsanar gani wato Nana.

Ya so ya shiga gidan ya ga wandonsa, amma ya fasa ganin dare yayi, ya wuce part ɗin su.

Usman na kallon sa Sadik ya zo ya wuce, ya shige bed room ɗin sa, ya zauna yaci Abincin sa, yai wanka sannan ya nemi guri ya kwanta, sedai kwanciyar ta sa ke da wuya, yaji yanayin da ya saba ji ya fara bijiro masa, take bacci ya ƙauracewa idonsa, se tunanin Farhan da ya dinga masa yawo a ka.

Duk yadda ya so ya rintsa amma abu ya gagara, se juyi kawai da yake akan gado, ya rintse idanun sa sosai amma ba abun da ya sauya daga yanayin da ya ke ji.

Duk da yanayin da yake ciki, ba ya hana shi murmushi, lokaci lokaci idan ya tuna Wasu daga halayen Farhan, na tsoro da kuma tsananin Kunya.

Abu kamar wasa Bacci ya gagari Sadik, maimakon ya tashi ya ɗau carbi, ko yai salla kawai se ya janyo laptop ɗin sa, ya kunna.

Films ɗin da su Nasir suka tura masa, ya buɗe ya fara kallo da nufin ko ze manta da abunda ke damun sa.

Sosai ya nutsu ya fara kallon film ɗin, kamar wasa film ɗin ya burgeshi yaji yana son ganin yadda za ta kaya.

Da ya gama episode ɗaya idan yai niyyar kwanciya, se yaji lallai yana son ganin me ze faru a next episode.

A hankali Film ɗin ya cigaba da burge shi, Soyayya ce me tsayawa a zuciya tsakanin Jarumin film ɗin da jarumar film ɗin, kasancewar film ne na masarauta, shi ɗan sarki ita kuma baiwa ce a gidan.

A hankali kuma Film ɗin ya fara canza salo zuwa wani abu daban, yadda aka fara bayyanar da abunda ya zarce ƙa'ida.

Da fari ya fara jure kallon cuddling da kisses da ake nunawa, ya dake ya cigaba da kallon, a hankali kuma aka fara zarce wannan matakin aka shiga nuna romance tsakanin jaruman, da yadda yake samar musu da meeting point, a cikin wani lambu, yaje suyi hirar su ta masoya ba tare da kowa ya sani ba, wanda a nan ne a hankali suka fara da kissing.

Series ɗin yai matuƙar burge Sadik, sedai fa kansa ya soma cigaba da wuta, dan baze iya jure abunda yake cigaba da kallo a system ɗin ta shi ba.

Kashe system ɗin yayi ya saketa ta faɗa ƙasan gado, ya dafe kansa tare da cije laɓɓansa na ƙasa, ya firzar da wata iska yace "Subhanallah, Nas why? Meyasa zaku turamin irin wannan Film ɗin?"

A hankali ya tashi, ya tafi toilet yai wanka da ruwa me sanyi, ya dawo da ga shi se boxers ya kwanta.

Wayar sa ya laluba, ya nemo hotunan Farhan da yai mata ɗazu.

He Just stat zooming her beautiful face, seda hoton fuskar tata ya cika screen ɗin wayar ta sa.

Ya ƙara zooming ɗin hoton, kyawawan leɓenta suka bayyana Sosai, da fararen haƙoranta kasancewar ta yi murmushi a hoton.

He just start imagine himself kissing that her beautiful lips.

Ya dinga sauke ajiyar zuciya a jejjere, a hankali ya ajiye wayar ta sa, yai ruf da ciki a kanta, tare da ƙanƙame pillow, yana jin yadda zuciyar sa ke harbawa da sauri, ga wani abu da ke masa yawo tun daga kan sa har ƙafafuwan sa.

A haka bacci yai awon gaba da shi.

Seda Sadik ya makara sallar Asuba, dan be kwanta da wuri ba, ga tarin mafarkai barkatai da yai tayi.

Ya tashi yaje yai wanka yai sallar Asuba, ya koma bacci.

Se wajen tara da rabi Sannan ya fito falon su dan yin break fast.

A falon ya tarar da Faruk shima yana karyawa, ya nemi guri ya zauna yana ta wani ciccin magani, kamar wanda aka tursasa yai wani abu da baya so.

Faruk ne yace "naga wani wando a gurin Khairat, tace min naka ne, wandon yai kyau sosai"

Se yanzu wandon ya faɗowa Sadik a rai yace "Eh jiya aka kawo shi, se na shiga gidan yanzu zan nemota ta bani"

Faruk yace "good" daga nan ba wanda ya kuma cewa komai, Sadik ya ɗebi Abincinsa ya koma gefe.

Farhan kuwa da ta koma gida, kyakykyawar ajiya ta yiwa lambar Prince, ta na yi ta na murmushi idan ta tuna yadda ta ganshi cikin manyan kaya, ba ƙaramin kyau yai mata ba.

Haka ta ƙarasa wunin ranar cikin annashuwa da farinciki, lokaci lokaci ta kan ɗakko takaddar da ya rubuta mata lambar sa, dan jin ƙamshin turarensa da ke jikin takaddar.

Da safe kasancewar ba makaranta, yasa Farhan ta kammala ayyukanta na gida gaba ɗaya, ta koma ɗakinta tana karyawa.

Umma ce da Abban ta zaune a tsakar gida suna karyawa, can Abban Farhan yace "jiya yaran nan da suka kawowa wannan Yarinyar katin gayyata, 'ya'yan Alhaji Abdullahi me turare ne fa"

Umma tace "Ikon Allah, ina ta samo yaran wannan mutumin?"

"Ahh makaranta mana, kin manta makarantar da take yi ne?"

Umma tace "ban manta ba, ni dai ina fatan ta kammala Makarantar nan Lafiya a aurar da ita, dan ina jin tsoron cuɗanyar su ita da yaran masu kuɗi"

"Haba ki zama me kyautata mata zato mana, mun san tarbiyyar da muka bata ai, kuma ni yaran na gansu a nutse, ba rawar kai shiyasa na bar yarinyar ma ta shigo, kuma ni da ki kai zancen ta gama Makaranta a aurar da ita se ki ka tunanin da batun Yaron nan Sunusi"

Umma tace "Wane Sunusin kenan?"

"Sirikin ki mana, Wannan ba barbaren yaron, babban Almajirin malam Abbas. Na yaba da hankalin Yaron sosai, Malam Abbas ɗin ne da kansa ya zo min da zancen ya na son in bawa Sunusin Auren ta, ni kuma na gamsu da nustuwar yaron, nace masa ba damuwa amma ya bari ta ɗan ƙara girma kan ayi Magana"

Umma tace "Alhamdilillah, Allah ya tabattar da Alkhairi, tana gama wannan Makarantar se ayi Magana, Allah ya tabattar da Alkhairi"

Ƙosan da Farhan ke taunawa a bakinta, tafi ƙarfin mintuna tana kokawa da shi amma yaƙi haɗiyuwa, ji tai gaba ɗaya test ɗin bakinta ya ɗauke.

Gaskiya Sunusi be mata adalci ba, gaisawa ce da girmamawa tsakaninta da shi, dan me za'ai mata haka?

Gaba ɗaya, ba ya cikin tsarin ra'ayinta, ba ta san me ake ji a so ba, se akan Prince ɗinta, gashi ɗan gaye me aji, gashi me kyau, ina zata kai Sunusi, ga baƙi kamar an rina shi, ga tsagu a fuskarsa kamar ƙwarya, seya shafe sati yana saka yadi ɗaya, dama batun gayu babu shi, sedai Sunusi akwai haddar Alqur'ani me girma, dan gwani ma ake cema sa, da ka yake Rubutun Alqur'ani.

Ya san Alqur'ani sosai da sosai, sedai bayan ilimin Alqur'anin nan babu na hadisi, babu na fiqihu, amma idan ya zauna ze iya gaya maka adadin ayoyi na kowacce sura a cikin Alqur'ani, sau nawa Allah ya ambaci kowane Annabi, sau nawa sunayen Allah suka zo a Alkur'ani, adadin sunan Allah nawa ne a Alqur'ani da in da aka ambace su, duk da ka yake irin wannan abubuwan.

Duk da fankar ɗakinta na ta uban gudu ta na bada iska, Amma ita wata irin zufa takeyi, sam ta kasa samun nutsuwa.

Ummanta kuwa cigaba su kayi da hirarsu, yayin da Farhan kuwa ta shiga cikin zullumi da damuwa, dan ita a duniya yadda take ji a zuciyar ta, idan har ba Sadik ba, ba zata iya auren kowa ba.
Duk da ana yawan faɗa mata Soyayyar su RUƊIN ƘURUCIYA ce kawai, kuma babu lallai ya Aureta, amma ita yadda Sadik ɗin ke nuna mata ba ta jin ze kasa Aurenta, Amma idan aka haɗa ta Aure da Sunusi an gama cutarta, yanzu ta san ciwon kanta, ta gane menene so meye daɗin sa, sam zuciyarta ba zata iya karɓar Sunusi a matsayin mijin Aure ba!.

Sadik kam cikin gida ya shiga, yana zuwa ya tarar da Inna a falo Nana na kusa da ita, da sauran ma'aikatan gidan da ke ta shige da fice, da fara shirin karɓar baƙi, dan saura kwana biyu a fara biki, gidan a cike yake da mutane.

Sadik na ganin Inna ya ɗan ɓata fuska dan baya son damuwar tsohuwar nan, amma ya basar ya ɗan risina yace "Ina kwana?"

Inna ta ɗaga kai ta kalli Sadik, ta ɗan yi murmushi me cike da ma'anoni tace "lafiya ƙalau ka tashi lafiya?"

"Lafy ƙalau" ya amsa tare da miƙewa ze tafi.

"Su sauran jama'ar ɗakin ba zaka gaishe su bane?"

Haushi ne ya kama Sadik, ita dai tsohuwar nan ba ta san zaman lafiya kwata kwata, tun da dai ya gaisheta meye na wani seya gaida sauran mutanen ɗakin?"

Juyowa yai ya tsurawa Innan ido amma yaƙi magana.
Nana kuwa zuciyarta se dukan bakwai bakwai take, tana fargabar kar ya gano waitar da tai masa.

Ana haka sega Mother ta fito, akan Sadik ta fara sauke idonta tace "Sadik har ka tashi da safen nan haka?"

Inna ta kalli