You Cannot Download this book untill you login but you can read it .

---

Login Register

waya nake so ki bani, zan duba wani abu a internet"

Nuni tai mata da in da wayar take, ta juya ta kwanta.

Cikin farinciki taje ta ɗau wayar Umman, ta koma ɗakinta zuciyarta cike da farinciki.

A gajiye sosai Sadik ya koma gida, sallar isha'i kawai yai, ya haye gadon sa, dan ya gaji sosai.

Cikin sa'a bacci yai awon gaba da shi.

Cikin baccin yaji wayarsa na ringing, a fusace ya ɗago wayar, amma yaga Farhan ke kiransa da layin.

Murmushi yai, ya katse kiran ya kirata.

"Assalamu alaikum" ta faɗa cikin sassanyar muryarta.

Shiru yai yaƙi amsawa, ta sake maimaita sallamar amma yai shiru.

"Hello ba ka ji na?"

Murmushi yai cikin muryar bacci yace "Ina jinki fa"

Dariya tayi tace "ji shi kamar wani Baby"

"Ummmm ai Babyn ne, dan na tashi daga Babyn Mother Babyn Princess ne"

Wata kunya ce ta lulluɓe ta, har mamakin Sadik take idan yana wani abun, ta rasa ina yake koyo manyance, da iya soyayya.

"Ya naji kinyi shiru? Ina fatan ba ai miki faɗan kin daɗe ba?"

Tai ajiyar zuciya tace "ba aimin ba"

"To Alhamdilillah, a ina kika samu waya?"

"Wayar Umma ce, nace mata zanyi abu a internet ne"

Wani murmushi Sadik yai wanda shikaɗai yasan ma'anarsa.

"Ya naji kana dariya?"

"Dole inyi dariya mana, 'yar budurwata ta faller sona sosai, tunda zata iya ƙarya ta karɓi waya dan taji muryata"

"Nice nake ƙarya ko?"

"No, ba haka nake nufi ba, sorry bugun zuciyata, the only Moon in the sky, My little angel, my diamond Baby"

Dariya tayi tace "to ya isa haka, wai a ina kake koyo wannan abubuwan?"

Gyara kwanciyarsa yai yace "to ta ya bazan koya ba? A gabana Yayana ke ta sa soyayyar, lokacin muna tsohon gidanmu a ɗaki ɗaya muke kwana, a gabana yake soyayya, ga fina finai da nake kallo, ƙarewa ma Daddy da Mother ba sa ɓoye yadda suke son junansu ko a gabanmu ne, to meyasa ba zan iya soyayya ba"

Zare ido Farhan tai tace "kai! Mother kuma?"

Sadik yace "eh mana Mother, a gabanmu suke cewa suna son juna, basa ɓoye soyayyar su duk da sun tsufa maimakon su barmana" ya ƙarasa Maganar yana murmushi.

Shiru Farhan tai, ta ɗan tafi tunani anya tunda take ta taɓa ganin wani abu makamancin soyayya a tsakanin iyayenta? Iya abunda take gani shine law and order, biyayya da hidima amma ba ta ganin wani abu makamancin na so a tsakanin su.

"Kin tasheni daga bacci, kin ƙimin hira kinyi shiru"

Dawowa tai daga tunanin tace "au ka fara bacci ne?"

"Eh, na fara bacci wayarki ta shigo"

"To ba yanzu zaka koma baccin ba, cigaba da yi min hira"

Yanzu Sadik ke ƙara tabattar da Farhan ta iya hira, samun wanda za tai hirar ne babu.

A shagwaɓe yace "ni bacci nakeji"

"Ni kuma bana jin baccin"

"Ke gobe in Allah Ya kaimu za'a ɗaura Aure, da wuri zan tashi ki ƙyaleni"

"Aushhh" ta faɗa a raunane.

Da sauri yace "lafiya kuwa?"

"Cikina ne yake ciwo"

Sadik yace "ya salam, ko kinci wani abun ne?"

"A'a seda safe kawai"

Cikin damuwa yace "wait, ki sha magani karki kwanta kina jin ciwo kinji Babyna"

Da hmmm kawai ta amsa masa.

Ta katse kiran, cikin sanɗa ta je ɗakin Umma, ta tarar tuni Umman tayi bacci ta ajiye mata wayarta ta fito.

Haka cikinta ya cigaba da yi mata ciwo, wanda ta rasa ina ne ma yake ciwon.

Sadik yai rigingine, a hankali ya furta ya rabbil izzati ka tsareni faɗawa halaka, Allah kasa iyayenmu su yadda su Auran yarinyar nan, ina sonta Sosai, Allah ka aurar dani da wuri.

Ya ƙarasa yana lumshe idon sa.

Inna kuwa bacci ɓarawo ne ya ɗauke ta, ƙarshe cikin dare ta tashi tai Alwala tai salla, ta dinga addu'oi tana nemawa zuriyarta da al'ummar Musulmi shiriya, amma ta girgiza da yanayin rashin tarbiyyar da ta gani a tsakanin yaran ƙarshen zamani, masu ji da RUƊIN ƘURUCIYA!

Sadik ya kwana da begen Masoyiyyarsa, cike da mafarkai masu tabattar da lafiya da nuna alamun girma ga ɗan Autan na Alhaji Abdullahi.

Farhan kuwa da ƙyar tai bacci, gefe guda ciki na ciwo ga kuma tunanin soyayya.

Bayan sallar Asuba, Sadik ya koma bacci, kaɗe kaɗe da bushe bushen da suka cika gidan ne, suka sa ya farka.

Windown ɗakin sa ya buɗe ya leƙa, yaga manyan motoci anyi parking ɗinsu, ga maroƙa da manyan mutane sun cika harabar gidan, alamar ana shirin tafiya gurin ɗaurin Aure, kuma masu bushe bushen ya tabattar masa da Hakimi ya ƙara so.

Cikin hanzari ya shiga ya watsa ruwa ya fara nasa shirin shima, dan tuni hayaniya ta cika BQ ɗin, abokan Dr. Sun cika part ɗin suna shiryawa.

Rufe ɗakinsa Sadik yai, ya cigaba da shirinsa cikin nutsuwa.

A babban falon gidan Hakimi ya zauna, ya sha kayan sarauta se zuwa ake ana kwasar gaisuwa, ana ta gaggaisawa cikin girmamawa kasancewar sa mutum me barkwanci.

Nana kam ta dinga murna, fa zuwan Hakimi taje ta maƙalƙale shi, ta zauna a inda yake, tana nuna yadda tai kewarsa.

Ƙarfe goma shaɗaya aka kammala haɗuwa, aka nufi babban masallacin unguwarsu Amarya Jidda in da za'a ɗaura Auren.

Nan ma Mother ta sha ado, tai kyau kamar itace Amarya se zuba ƙamshi take, ta sha shadda hannunta da wuyanta duk gwal, da ka ganta ka ga matar manya.

Ƙarfe ɗaya aka dawo daga ɗaurin Aure, aka dinga shigowa ana Allah ya Sanya Alkhairi ana ɗaukar hotuna.

Hakimi ne ya fara shiga falon, se Alhaji Abdullahi da 'ya'yansa, abun da yafi ƙayatarwa shine, duk sun ɗora farar Alkyabba me aikin blue, akan fararen shaddojin su, ga naɗi da akayi musu, sunyi kyau matuƙa gaya.

Inna ta kalle su tai murmushi tace "Allah ya shirya mana zuri'a" dan ganin su cikin wannan kamalar ba ƙaramin burgeta yai ba.

Nan aka zauna Hakimi ya dinga addu'oi, tare da Nasiha ga angon da kuma iyayensa, tare da yi musu gargaɗi akan shiga sabgar ɗan da matarsa idan ba aka abunda ya zama dole ba.

Daga ƙarshe yace "Nagode Allah, sannan nai farinciki da Allah ya aramin rai na ga Auran jikana na fari, idan ina da rabo Allah ya nunan na sauran, na Faruku da na wannan abokin nawa, mara son mutane"

Yai maganar yana kallon Sadik, ba kunya Sadik ya gyara Alkyabbarsa yace "zama ka gani insha Allah, dan nawa za'a fara wata shekarar sannan nan wannan" yai maganar yana nuna Faruk.

Hakimi yai murmushi yace "Allah yasa"

Abba kuwa daƙuwa yaiwa Sadik yace "Ƙaniyar ka, mara kunya wayake ta taka, kaida ko sakandiren baka gama ba, next year by now insha Allah kana Amurka ko jamus kana karatu"

Ɗan tura baki Sadik yayi, yayin da Inna take bin su da ido tana nazartar, duk wani motsi na Sadik ɗin.

Da Yamma Hakimi ya ja tawagar sa ya koma, yayin da Inna tace ba zata bisu ba, za ta koma daga baya akwai abunda za tayi kan ta taho, ƙila se bayan sati da bikin.

Nana tace ita kuma za ta bi Hakimi ta koma ƙauye, Inna tace ba in da zata yadda suka zo tare za su koma.

Nana ba taji daɗin hakan ba, dan harga Allah ta gaji da zaman Gidan nan dan ba ta ga zaman me zasu yi ba bayan an gama biki.

Bayan sallar isha'i, 'yan uwan Amarya suka kawota gidan su ango gaida surikai, kan a kaita nata gidan.

Aka dinga mata Nasiha da Addu'oi, sedai kana kallonta kasan itama 'yar boko ce, ba wani kuka da take yi, gashi a ƙalla ta kai shekaru ashirin da bakwai.

Inna ba tace komai ba, se mamakin yadda ake ajiye 'ya'ya sukai mizani kamar wannan ba aure da sunan boko, bayan mutane ne su ba ƙarafa ba, a haka ake lalacewa Garin zurfafa bokon nam, dan Akwai lokacin da tilas jiki na buƙatar abokin rayuwa, kuma ga uwa uba gurin yin bokon a cakuɗe ake maza da mata, dan itama dangin amaryar da 'yan makarantar ta su ba ƙananan shakiyayyai bane, irin abunda suka dinga yi a gurin bikin.

Da gani baza'ace Jidda miji ta rasa shi yasa ba tai Aure da wuri ba, saboda ta na da kyau sosai, ra'ayin Auren ne kawai ba'aiba se an gama bokon da suka ɗauketa kamar wani tikitun jin daɗin duniya, ba 'a taɓa cewa ba za'a aurar da 'ya se ta sauke Alqur'ani ba, da wasu litattafan addini ba sedai ace se ta gama boko.

Haka Inna tai ta zancen zuci ita kaɗai, aka gama yi wa amarya nasiha aka tafi rakata ɗakin miji.

Shikam Sadik ji yake dama shine yai wannan Auren haka, amma ace ba za'ai wa mutum Aure ba se bayan ya gama boko, idan kuma mutum ya mutu be gama bokon ba kuma beyi Auren ba fa?

Shikenan Allah ya yayewa Dr. An bar shi shida Faruk a wannan wahalar.
Ya dinga tsaki yana juyi, yai ta zuba ido ko Farhan za ta kirashi, amma shiru ba ta kira shi ba, kuma gashi tace idan ba ita ta kira ba karya kirata, gashi tace masa cikin ta na ciwo yana son yaji halinda take ciki.
Ƙarshe dai se haƙura yayi ya kwanta bacci.

Akai biki aka watse, amma Mother ta ga Inna taƙi tafiya, ta na so tai magana ta na jin tsoro, amma ita har ga Allah ta gaji da zaman Inna, dan wajen watan ta guda a gidan, tun da su kai Aure da Alhaji Abdullahi Inna ba ta taɓa zuwa ta kwana a gidan ba, se a wannan karon, kuma ita har ga Allah zaman na Inna ya isheta.

Alhaji Abdullahi na shan cofee ɗinsa da daddare kamar yadda ya saba, Mother na sake gyara masa shimfiɗa, tana saka turaruka tace "D mace ba kuyi magana da Inna yaushe zata tafi bane?"

Ya ajiye kofin hannunsa yace "kina da damuwa da hakane?"

"A'a, naga ba ta taɓa zuwa ta daɗe haka bane"

Yace "to se a kai yaya? Ba ta da ikon yin hakan ne? Ko kin manta gidan ɗanta ne?"

"A'a ban manta ba, kawai na tambaya ne"

Be kuma ce mata komai ba ya cigaba da shan cofee ɗin sa.

Bayan sallar Asuba, gari yai haske sannan Inna ta koma bacci, Nana na ganin Inna ta kwanta bacci ta tashi ta fito, ita gaba ɗaya kamar akan ƙaya take, ta gaji da zaman Gidan nan, ta rasa zaman me suke a gidan suka ƙi tafiya.

Zuwa yanzu ta saba da masu gadi da ma'aikatan gidan, saboda shegen surutun Nana da san gwaninta, gata da shiga rai dan haka duk sun santa.

Faruku ya fito hannunsa riƙe da kwando, da manyan flask na Abinci a kai.

Da sauri ta ƙarasa in da yake tace "ina kwana"

Yai murmushi yace "lafiya ƙalau, kina lafiya"

Maimakon ta amsa seta jinjina masa kai.

Tace "kawo in tayaka ɗauka"

Yace "No ya miki nauyi, gidan amarya zanje kai musu Abinci, ko zaki rakani?"

Da sauri Nana tace "eh zan raka ka, dama banje ba"

Yace "ok let's go"

Ta bishi zuwa mota, ya buɗe mata gaba ta shiga, ya ajiye Abincin a bayan motar, ya kunna suka tafi.

Sun ɗanyi tafiya, kan su ƙarasa gidan Usman, suna tafe suna hira da Nana ta na zuba masa shirme kala kala.

Gidan babba ne, sedai be ka gidan su Girma, buzun da ke gadin gidan yana ganin Motar Faruk ya buɗe musu, suka gaisa da Faruk, ya shiga da motar.

Ta ƙarewa harabar gidan kallo, sannan ta kalli Faruk tace "gaskiya gidan nan me kyau ne, yayi kyau sosai"

Yace "dagaske?"

"Allah yayi kya masha Allah"

"Zan gayawa dr. Ince kin yaba gidansa, kimce yayi kyau"

Ɗan kwaɓe baki Nana tai, dan da Dr. Da Sadik ba suyi mata ba, Dr. Ba shi da fara'a Sadik kuma bashi da mutunci.

Ƙofar falon Faruk yai knocking, sun ɗan jira, 'yan mintuna sannan aka buɗe.

Dr. ne ya buɗe, da alama bacci suke, Faruk yace "wai haryanzu baku tashi ba?"

Uasman ya ɗan yamutsa fuska yace "kai kullum seka dinga mana sammako haka, ka dena kawo Abincin nan haka Please"

Faruk yace "Ai nima Umarnin Mother nake cikawa, ita zaka cewa a dena kawo muku Abinci"

Usman yasa hannu ze karɓi flasan Abincin, amma Faruk yace "meye haka? Wallahi semun shiga, Nana wants to see your bride, semun shiga"

Ya ture Ussy ya shige, Nana tabi bayansa tana leƙa fuskar Usman, ko zeyi Magana, amma taga beba, se yamutsa fuska da yake alamar an takurashi.

A Falo suka zauna, Usman ya wuce bedroom ya barsu, Faruk ya kunna musu kallo yace "muna nan, ka gama kumburin ka, se Nana ta ga amarya"

Nana tace "naga kamar yaji haushi fa, ko mu tashi mu tafi ai naga gidan, kuma naga amaryar ranar biki"

Faruk yace "ba haushi yaji ba"

"Amma ai naga ya sha kunu fa"

"Ai shi haka yake, ba ya dariya sosai shiyasa ba'a fiye gane ɓacin ransa ba, koma yaji haushin ƙyaleshi kawa, a nan ma zamu karya muci har na rana sedai su fashe shi da amaryar"

Dariya Nana tayi tace "idan zasu fashe semu tafi"

Ya biye mata suka cigaba da hirarsu, kusan mintunansu talatin, sega Jidda ta fito ita da Usman, tana sanye da doguwar riga da hula akanta.

Tana ganin su Faruk, tai murmushi tace "Afuwan uncle, mun barku a falo ban san kunzo ba, be tasheni ba"

Faruk yace "ai dama nasan baze tashe ki ba, nikuma nace muna nan se kin tashi"

Tai murmushi tace "ya gida ya Mother na"

"Tana lafiya ƙalau, tana gaisheku, ima bacci na ta kirani a waya, wai inje Kitchen in ɗakko Abinci in kawo muku, mun kawo kuma mijinki se wani haɗe rai yake yi"

Banza Dr. Yai musu, ya zauna ya ɗau remote yana canza chanel.

Nana ta kalli Jidda tace "Ina kwana"

Jidda tace "Lafiya ƙalau, ya kike?"

Nana a ranta tace "wai su wannan suyi hausa ma se sun mata iyayi" a fili tace "lafiya ƙalau"

Jidda tace "Uncle ina kuka sami wannan ne? Naga dai ba Khairat bace, Khairat ta girmi wannan, kuma gashi tana kama da ku"

"She's our little sister"

"Haba dai, dama Mother na da 'ya mace ne?"

"Cousin sister ɗinmu ce, tana gidan Hakimi ne ita"

Jidda tace "Allah sarki, sannunki kinji"

Nana tai murmushi kawai, Usman yana ta canza tashoshi, ya kamo MBC3 ana film ɗin up, Nana tai farat tace "laaaa cartoon dan Allah a bar mana"

Camzawa yai ba tare da ya kula Nana ba, Jidda cikin shagwaɓa tace "haba Baby, dan Allah ka bar mata mana"

Ba shiri Nana tace "subhanallahi Baby kuma"

Take dariya ta ƙwace mata, ta kalli girman Usman fuska duk gashi, amma ana ce masa Baby.

Dariya Jidda tai tace "it sounds strange to you ne? Yayi girma ince masa baby ko?"

Nana dai dariyarta ta cigaba da yi, dan babyn nan ya bata dariya sosai.

Faruk yace "mu fa gaskiya ba mu karya ba, dan haka a haɗa Abinci mu ci"

Jidda tace "eyya sorry, kar ace ina da rowa ban san ba ku ci Abinci ba ai, bari in ɗakko plates se mu karya tare.

Ta ɗakko kwanuka a Kitchen, ta zuzzuba Abincin ta haɗawa kowa tea ta bashi, suka fara  ci, sedai Nana ta kasa sakin jiki taci Abincin se ɗan tsakurar sa da take saboda su Faruk da ke gurin.

Maimakon da suka gama cin Abincin su tashi su tafi, se suka shantake a gidan dan Jidda ba ƙaramin dariya surutun Nana yake bata ba.

Inna kuwa tun bayan farkawarra ba ta ga Nana ba, ta zaci ɗan fita falo tai zuwa harab zata dawo, amma taji shiru ba taga motsinta ba, Nan da nan ta fita nemanta da kanta, sedai ba Nana ba alamarta a gidan nan.

Hankalin Inna ya ɗaga ta shiga tanbayr masu gadi, da masu aikin gidan amma suka ce ba su ga Nana ba.

Da hanzari Inna ta koma babban falo, wanda yai daidai da fitowar Alhaji Abdullahi, kallo ɗaya yaiwa mahaifiyar ta sa ya fuskanci akwai matsala.

Cikin damuwa yace "Hajiya Inna, lafiya kuwa?"

"Yarinyar nan ce ban gani ba, tunda na farka ban ganta ba, bata gidan nan"

Yace "Subhanallah, garin yaya babu kuma wanda ya aiketa?"

"Bana tunanin hakan, dan ba in da ta sani"

Mother ce ta fito ita da Sadik, daga sashen ta, tai tozali fa su a tsaye cirko cirko.

"Lafiya kuwa?" Mother ta tanbaya.

Alhaji Abdullahi yace "Nana ce ba'a gani ba, tun ɗazu ba ta gidan nan an tambayi masu gadi sunce ba su ganta ba, ka ga Sadik ka fita ka ɗan zazzaga layu kan nan ko wani gurin ta fita.

Ɗan buɗe baki Sadik yai yace "Abba ni ta ina zan fara neman ta? Ina zan nufa?"

"Koma ina ne ka nufa, kaje ka zazzaga ko Allah ze sa ka ganta"

Ran Sadik yai matuƙar ɓaci, ya bar falon yana ƙunƙuni, wai ya fita nemanta se kace wata Akuya.

Mother kamar za tai magana, amma ta fasa dan ta kula kamar kwanan nan Inna zuga Alhaji Abdullahi ta ke, da ta ɗanyi masa kuskure kaɗan se ya fara mata masifa.

Nana kuwa tare suka shiga Kitchen da Jidda su kai girkin rana, suna yi Jidda na cin dariyar Nana, babban abunda ke ƙara bata mamaki da burgeta game da Nana be wuce yadda Nanan ke magana da manyance ba, a shekarunta wasu abubuwan tayi ƙanƙanta da faɗinsu, amma ba abun mamaki bane, tunda a hannun tsofaffi take.

Yayin da ita kuma Nanan ke manakin yadda Gaba ɗaya suke magana da iyayi, magana ɗaya biyu se anyi turanci, turancin ma me wuyar ganewa irin na turawa, ga yadda Jiddan ke zubawa Dr. Shagwaɓa a gabansu ba kunya.

Se bayan azahar, sanan Faruk yace Nana ta tashi su tafi.

Jidda tace "gaskiya uncle ka barmin Nana, idan zasu koma se ka zo ka tafi da ita"

Faruk yace "taɓ, ai wallahi kakarta ba zata yadda ba, ki bari in kin tambayi izinin Hajiya Inna, shikenan"

Nana ta shiga ran Jidda sosai, ta haɗa mata sha tara ta arziki, su kai hotuna sannan suka nufi komawa gida.


Sadik kuwa yana tafe yana masifa ya koma gida yace shi be ga Nana ba, gaba ɗaya aka dinga jimamin in da Nana ta shiga, hankalin Inna ya gama tashi, Alhaji Abdullahi yana ko report za'a kai gun 'yan sanda.

Turo ƙofar ɗakin Nana tayi, hannunta rungume da kaya ta shigo da Sallama, gaba suka waigo suna kallonta.

Se yanzu ta sha jinin jikinta, ta tuna ba ta sanarwa da Inna zata fita ba.

A fusace Inna tace "daga ina kike?" Kafin ta amsa, sega Faruk ya shigo falon shima.

Ya kalli su Abba yace "Abba lafiya na ganku a nan?"

Abba yace "Nana ake ta nema, kuma se gaku tare"

Faruk yace "ai ni ne nace ta rakani gidan dr. Mu ka kai musu Abinci, daga nan kuma muka zauna se yanzu, laifina ne ayi haƙuri please".

Wani uban tsaki Sadik ya ja yace "wallahi wannan Yarinyar ba tayi ba, ta sa aka wahal da ni ina zaga layuka nemanta kamar ɓarawo"

Murguɗa baki tai tana hararar Sadik, ya ƙara harzuƙa yace "wallahi nazo gurin nan sena tataka ki, na tsani yarinyar nan tunda ta zo gidan nan take wahalar da mutane'

"Seka kasheni ai tunda ka tsaneni, masu gida na ga ma kunkuru da yake yawo da gidansa a ka, se ka naɗa gammi ka ɗau gidan naku a bayan ka ai"

Inna tace "rufemin baki kan in zo in gurza wannan shegen bakin naki, kai kuma kayi haƙuri kaji zamu bar muku gida, ba kai kaɗai ba naga alamar matar gidan kanta mun isheta, zamu tafi Insha Allah, gara mu tafi ka dena ganinta kana ƙara tsanarta"

Mother tace "to ni kuma meye nawa a ciki?"

Faruk yace "dan Allah kuyi haƙuri, dul laifina ne wallahi"

Abba kam ya fusata sosai da abunda Sadik yayi, ya tabatta abunda Inna ke faɗa yaransa ba su da tarbiyya, dan haka yace "Sadik faɗan da nai maka ta dama ya shiga ya fita ta hagu ko? A gabana ka ke cewa ka tsani Nana ko, duk da matsayin ta a gurina, Nagode amma ka sani nafi ƙaunarta fiye da kai ɗan da na haifa a cikina, shashasha mara ɗa'a"

Da sauri Sadik ya ɗaga kai ya kalli Abba, jin Abba yace wai ya fi son Nana da shi.

Nana kam sumsusm ta wuce masaukin su, Inna ma ba ta sake cewa komai ba ta bi bayan Nana, taje ta sameta a ɗaki, ta dinga mata faɗa ta inda ta shiga ba ta nan take fita ba, dan seda Nana tai kuka.


A lokacin Inna ta saka Nana ta fara haɗa musu kaya, dan ta ƙudirce a gobe in Allah ya kaimu zasu bar gidan.


Da daddare Sadik ya buɗe ɗakinsa na cikin ƙaton falon da ke daf da ƙofar sashin Mother, saboda yanzu gidan ba kowa.

Ƙofar ɗakinsu Inna a buɗe tana jiyo hirar da Mother take da Sadik.

Sadik yace "Mother, nifa banji kin yaba sirikar taki ba"

Mother tace "ai sirikata son kowace ƙin wanda ya rasa, ga ilimi ga kyau ga gayu, ai Jidda tayi ta ko ina"

Sadik yace "Mother ba wannan ba, yarinyar da na kawo ku gaisa da ita Ranar Mother's evening fa"

Mother ta ɗanyi shiru tace "wace yarinyar ce? Namanta wallahi"

"Mother, wata Fulani girl da na kawo miki, har kuka gaisa kina magana da su Anty Naja lokacin"

Mother tace "to ai Mutanen da yawa ba lallai in tuna ba"

"Please Mother ki tuna ta mana"

"Kai ka ƙyaleni, ni ban tuna ba, ya ma akai ta zama surikata?"

Ɗan sosa kai yai yace "eh, in law ɗinki ce to be in the next couple's of year's, not year's ma in next year Insha Allah"

"Wai tsaya, ba dai budurwar Faruk bace, aikuwa zeci ƙaniyarsa ze gamu dani, he better concentrate in his studies, karma ya ɓatawa 'yar mutane lokaci, shine y turoka da ita?"

Sadik yace "Ohhh my God, Mother she's my fiance, budurwata ce fa"

"What! Me kace?"

"Mother you heard me fa, and you are still asking me"

"Ai dole in sake tambaya, wace irin maganar banza ce wannan? Ina kai ina wata budurwa, ko secondary School ba ka gama ba"

Ɗan kwaɓe fuska yai yace "Mother, am finishing secondary School this year insha Allah, zan kammala secondary School a wannan shekarar, Abba yace in zaɓi kowace school nake so a duniya ze kaini, kan in gama degree ta kammala secondary ita, ni da ze yuwu ma, da se mu tafi can in da zanyi karatun ni da ita"

Wani banzan kallo Mother ta watsawa Sadik, ta ja tsaki ta maida hankali kan TV.

"Mother i meant what I said, Aure nake so inyi please, ki sa baki dan Allah, kinga ko da kuɗin plazar mu zan iya riƙeta, se Abba ya suponsoring karatunmu, ina son Yarinyar ne Please Mother ki sa baki, dan...


"Shut up Sadik!" Mother ta faɗa a tsawace.

"Kasan me kake faɗa kuwa, haryanzu ba ka cika shekaru goma sha takwas ba, uban waye ze maka Aure, me kai achiveing a rayuwar ka da har zaka fara tunanin wani Aure? Get out from my side, kaje ka kama litattafanka, kayi karatu ka zama wani abu kafin ka fara wata maganar aure, Allah ya ƙara nunamin kayi Wannan zancen"

Sadik ya ƙulu da jin zancen Mother, dan gani yake kamar kalaman nata na nisanta shi da mallakar Farhan ɗin.

Fuuuuu ya tashi ya bar falon a fusace, ya fasa kwana a ɗakinsa na cikin gida da yai niyya.


Inna kam duk da taji hirar ta su girgiza kai tayi, da jinjina gaɓunta irin na wasu iyayen na wannan zamani,kamata yai yadda yaran suka zama na zamani, iyaye ma su zama na zamani a gurin tarbiyya.

Suna ta ihun ilimi ilimin zamani, amma takasa amfani da hikima da ilimin akan ɗanta.

A fakaice yana wa mahaifiyarsa nuni da waye shi ne? Da kuma abunda yake so amma ta kasa ganewa, hakan yana faruwa a farkon a ƙuruciya, wanda wasu yaran kan zo musu da RUƊANI, idan ba su samu kyakykyawar kulawa da shawarwari ba se a samu matsala.

Yanayin Sadik, da abunda suka dinga yi shida abokansa a gurin bikin nan kawai, ya isa ya nuna maka waye shi, a ɗan zaman nan nata tana ankare da halayyar yaron.

Ba dan gudun shiga abunda be shafe ta ba, da tayi abunda ya dace akan Sadik, amma tayi alƙawarin fita daga sabgar su gaba ɗaya, idan lokaci yayi iyayen Sadik zasu hankalta, da maida hankali akan yaransu, sedai zata taya su da addu'a Allah ya shirya mata zuriya ya tsaresu da taɓarɓarewar ƙarshen zamani da RUƊIN ƘURUCIYA!




Domin gyara Sharhi ko shawara
Ayshercool
07063065680.


Kar a manta a garzaya shafin Arewabooks, domin cigaba da samun littafai na, kuyi following ɗina @Ayshercool.

https://arewabooks.com/book?id=6220842688e1ec3a0410329f.
[6/4, 4:21 PM] Jakadiyar Arewa: 🎗️🎗️🎗️🎗️🎗️🎗️🎗️🎗️🎗️

RUƊIN ƘURUCIYA

PERFECT WRITERS ASSOCIATION

(WE AIN'T PERFECT BUT WE ARE ALWAYS TRYING OUR BEST, TO MOTIVATE AND ENTERTAIN OUR READERS)

https://www.facebook.com/Perfect-writers-association-100452275039839/

P. W. A

*Story and written by*
AISHA ADAM (AYSHERCOOL)

Writer of

WATA KISSAR..(Sai mata)
ABDUL JALAL
AƘIDATA (paid book)
WUTA A MASAƘA
NOW RUƊIN ƘURUCIYA (paid book)

_Labarin RUƊIN ƘURUCIYA, na iya zuwa da wani salo, wanda baku saba ganinsa a rubutuna ba, hakan ya biyo bayan akan