You Cannot Download this book untill you login but you can read it .

---

Login Register

abunda aka gina labarin, wani abun ze ɓoyu wani Abun baze ɓoyu ba sakamakon labari ne akan teenegers, yara masu tashen Balaga, but hakan ba ya na nufin na sauka daga kan tsarin yadda nake Rubutu bane, ƙofata a buɗe take dan karɓar ƙorafi, gayra ko shawara_

⚠️⚠️⚠️ƘIRƘIRARREN LABARI NE, BAN YADDA A JUYAMIN SHI TA KOWACE SIGA BA SEDA IZININA ❌❌‼️

     

SHIN KUNA DA LABARIN MANHAJAR AREWABOOKS KUWA?
MANHAJA CE DA TAZO DA TSARIN DAN SAUƘAƘAWA MARUBUTA DA MAKARANTA SAUƘIN CINIKAYYAR LITATTAFAI.
TA IN DA ZAKU IYA SIYAN KOWANE FEJI AKAN KUƊI ƘALILAN, DAI DAI DA ALJIHUNKU.
INA FARINCIKIN SANAR DA KU CEWA, DA ZARAR NA KAMMALA FREE PAGES, ZAKU CIGABA DA SAMUN CIGABAN LITTAFIN RUƊIN ƘURUCIYA, AKAN MANHAJAR AREWABOOKS.
KARKU BARI A BAKU LABARI, AKWAI TARIN DARASIN RAYUWA A CIKIN LITTAFIN.






Sadik a fusace ya koma BQ, ya shiga ɗakinsa ransa na masa ƙuna.

"Wannan wace irin rayuwa ce? Boko boko boko! Kamar bokon nan ce tikitin jin daɗin duniya, shikenan dan mutum zeyi boko baze aure ba?"

Wani tsakin ya kuma yi, tare da fesar da iska daga bakinsa.

Meyasa Mother taƙi goya masa baya a wannan karon? Meyasa ita kullum take kallon shekarunsa da ƙanƙantarsa?

Ɗan gajeren tsaki ya kuma ja, ya haye gadonsa ya kwanta yai rigingine, take Farhan ta kuma faɗo masa, wani irin shauƙin sonta na ƙara ratsa shi sannu a hankali tabbas son da yake mata ba RUƊIN ƘURUCIYA ba ne, soyayya ce da ba ruwanta da girma ko yarinta.

Wayarsa ya ɗakko yana kallon hotunan ta da yake wayarsa, she's cool and Beautiful, uwa uba ta na da tarbiyya da ɗa'a a nutse take.

Ya shafi screen ɗin wayar ta sa, ya lumshe ido yace "I love You Farhan" yai Maganar a hankali, yana sauke ajiyar zuciya.

Kamar wanda aka tsikara, ya tashi zaune, ya janyo system ɗin sa, ya kunna, Series ɗin nan da yake kallo ya nemo, ya kunna ya cigaba da kallon sa ba tare da fargabar Komai ba, a tunaninsa hakan ze ɗauke masa hankali da rage masa damuwa.

Ya cigaba da kallo, daga episode ɗin da ya tsaya a baya, Film ɗin yana cigaba da nuni da tsantsar soyaya me tsuma zuciya, sedai ba ta sauya zani ba, akwai adult content a cikin Film ɗin, kusa kaso arba'in ɗari na film ɗin in da yafi karkata kenan.

Rikicin film ɗin na ƙayatar da shi, rikicin masarauta da na Soyayya.

Amma maimakon hakan ya ɗebe masa kewa daga damuwarsa, sema sake faɗawa wata damuwar da yayi.

Kamar wanda aka mintsuna, haka ya kashe socket ɗin da system ɗin ke jone, ya rufe System ɗin ya ja wani uban tsaki, ya kife akan gadonsa yana sauke numfashi sama sama.

Haka yai ta juyi, tare da jera tsaki ba adadi, kan bacci yayi awon gaba da shi.

Da sassafe Inna ta fito falo, ta tarar da Mother ta fito ta na bada umarni ga masu aikinta, akan abunda za a girka.

Mother ta kalli Inna tace "Ina kwana"

Inna tace "lafiya ƙalau, nace Bawan Allah  ya tashi ne?"

"A'a be tashi ba" Mother ta bata amsa.

"Ta so min shi" Inna ta faɗa ta na zama.

Mother tace "ba ya son a tashe shi idan yana bacci, ya hana tashin sa idan ba shine ya tashi ba"

Inna tace "umarni na ne, a tasomin shi"

Mother ta juya tana ɗan hura hanci, dan takurar Inna tayi yawa.

Kusan 10minutes se ga Mother ta fito, ita da Alhaji Abdullahi.

Sedai Inna ba ta falon, Alhaji Abdullahi yace "bari in duba ɗakin su"

Ya nufi ɗakin Inna, yana zuwa ya tarar da ita a gefen katifa a zaune.

Ya rusina yace "barka da safiya"

Inna tace "Yawwa, ka tashi lafiya?"

"Alhamdilillah, amma yana ga Kamar kin tattare komai?"

Inna tace "Ehh, dama nace ai maka magana ne da azahar kasa a maida mu gida, zaman ya isa haka na gama abun da ya zaunar da ni"

Alhaji Abdullahi yace "Amma Inna da wuri haka cikin gaggawa? Ko dai wani abun akai miki a gidan?"

"Babu ɗaya, kawai ina son tafiya ne kawai"

"Amma Inna, ba ki gayan da wuri ba ba'a shirya muku komai na komawa ba"

"Ni ba wani abu da nake buƙata daga gurinka, abu ɗaya ne zan sake maimaitawa shine ka kula da tarbiyyar yaran ka, ka saka ido sosai ka gane meye damuwarsu sannan meye mafita ga damuwar ta su ba wai abunda kai kake so ba"

Shi dai Alhaji Abdullahi be gama fuskantar in da maganganun na Inna suka sa gaba ba, amma yace "Insha Allah za'ai yadda kika ce"

Tace "Yawwa da azahar zamu tafi Insha Allah"

Ya tashi ya fita jikinsa a sanyaye.



Yau sam Sadik yaƙi shiga cikin gidan, ko gurin Mother be je ba, saboda ransa a ɓace yake gaba ɗaya.

Yana zaune a falo yana video game, Faruk ya fito daga ɗakin sa yace "kai Muje Abba yana neman mu"

Sadik ya kalleshi yace "ina fatan dai ba wani abun nai ba?"

Faruk yace "nima ban sani ba, kawai dai ya kirani a waya ne Yanzu".

Sadik yace "ina zuwa"

"Karfa ka ƙi zuwa ace ban gaya maka ba"

"Kayi gaba kawai, zan zo"

Faruk ya fice daga falon nsau.

Yana isa harabar Gidan yaga Alhaji Abdullahi ya yo wa Su Inna rakiya, an saka Akwatin su a Mota.

Da sauri ya ƙaraso yana faɗin "ya naga haka kuma?"

Abba yace "eh za su koma ne, shiyasa na kiraku kuzo kuyi sallama"

Cikin damuwa Faruk yace "tafiya ba sanarwa haka? Inna meyasa zaku tafi?"

"Gidanmu zamu koma, ai mun zaunu a gidan nan, kuma gashi za'a koma makaranta"

Faruk yace "Inna banji daɗi ba, ke ki tafi ki bar mana Nana a nan"

Inna tai murmushi tace "Inaa ai baze yuwu ba, tana katara ta"

Wani Mugun kallo Mother ta watsawa Faruk, wanda ya sashi mamakin me yai ake masa Wannan kallon.

Sadik ne ya ƙaraso in da suke ya gansu a tsaye, ya kalli Abba yace "Abba gani".

"Dama Inna ce za su koma, na kiraku kuzo kuyi musu sallama"

Sadik ji yai kamar yayi tsaki, amma ya maze ya kalli Inna yace "ku gaida gida"

Maimakon Inna ta amsa se kallon sa da take, Tun daga sama har ƙasa.

Ɗan tsuke fuska yai yana basarwa, dan ya rasa dalilin da yasa Inna take masa irin wannan kallon a duk sanda suka haɗu.

Yana ɗaga ido, sukai ido huɗu da Nana aikuwa ta galla masa harara.

Wani Mugun kallo yai mata, ya tsani Yarinyar nan kamar ya shaƙeta.

Kan su gama sallama Faruk yai sauri ya koma BQ, har sun shiga mota da sauri ya ƙaraso, ya sa hannu a Aljihunsa ya ɗakko kuɗi da wata leda, ya miƙawa Nana.

Nana ta kalli Inna sannan ta kalli Faruk.

Yace "karɓi mana"

Inna tace "ta karɓi ledar dai, amma banda kuɗin"

Faruk yace "Inna wai meyasa kike min hakane, ina ruwanki da mu ba zan bawa ƙanwata abu ba?"

Inna tai murmushi tace "Allah ya baka haƙuri me ƙanwa"

Nana ta sa hannu ta karɓa tace "Nagode".

Yace "yawwa Allah ya kai ku lafiya, ban san zaku tafi yau ba da na muku rakiya ai"

Nan suka cigaba da Sallama aka fara jan motar a hankali, Sadik yace "Allah raka taki gona" hakan ya sauka a kunnuwan Inna, amma tai kamar ba taji ba, aka ja motar suna ɗago musu hannu.

Mother ji tai kamar an yaye mata damuwar ta gaba ɗaya, dan tafiyar su Inna ze sa ta sake a gidan ta, dan zaman su ba ƙaramin takura ne a gareta ba.

Sedai ta ƙwafe Faruk a ranta, fan ba ta gane kan wannan rawar kan da yake ba.

Sadik be shiga gidan ba, ya nufi BQ Faruk ya bi bayansa, suna shiga Sadik ya koma kan game ɗinsa, Faruk ya zauna a ɗaya daga kujerun falon Yace "Kai Allah sarki, ɗan zaman su a gidan nan na saba da Yarinyar nan wallahi, zanyi missing jokes ɗin ta, she's so Funny"

"She's crazy dai, yarinya kamar Mahaukaciya bazar bazar ba nustuwa, ga surutu kamar wata parrot, ni wallahi gara da suka tafi, dama ga tsohuwar nan kullum cikin samun ido take, tai ta min wani irin kallo wanda na kasa gane kansa"

Faruk yace "shut up Sadik, mahaifiyar babanmu ce kar ka faɗi abunda be dace akanta b, kome za tai ba dan ta takura mana take ba, yaushe rabonta da gidan ba zuwa take ba fa, kuma batun Nana, she's our blood sister like Khairat ban san meyasa ka tsaneta ba"

"Ni yarinyar ce ba tai min ba sam, ta fiye rawar kai da fitsara"

"Ni kam ba abunda tai min, ina jinta a matsayin ƙanwata"

"Lallai ƙanwa manya" Sadik yai maganar yana ajiye remote ɗin hannunsa ya bar falon.

Yana shiga ɗakin sa, ya cire wayarsa dake caji, ya ga message ya buɗe message ɗin ya duba.

"Assalam Alaikum, ina fatan kana lafiya, am missing You, kar kai min reply wayar Umma ce, idan na samu dama zan kiraka Farhan"

Jujjuya message ɗin ya dinga yi yana murmushi kamar yana gabanta yace "am missing You too Princess"

Ya cigaba da kallon saƙon, mussaman kalmar am missing You, ba ta taɓa furta masa haka ba, ji yai tamkar ya shirya ya tafi gidan su.

Murmushi ya sake yi yana jin yadda shima yake kewarta.

Yana tuna yadda su kai da Mother jiya da yai nata zancen Farhan yaji ransa ya ɓaci, take yaji ze iya ɗaukar kowane risk dan ganin ya samu abunda zuciyar sa ke so.

Se Yamma sannan su Inna suka isa gida, duk da a motar gida suke, Inna ta gaji duba da yanayin jikin girma.

Nana kamar ta zuba ruwa a ƙasa ta sha, saboda sun koma gida ga Hakimi se taraiyar ta yake yi.

Tabbas Nana ta yi missing ɗin Kakanta, me sonta da kuma ji da ita sosai.

Duk da ta wani fannin ta ɗan ji daɗin zaman birni, amma ta kasa mantawa da baƙin halin Mother da na ɗanta Sadik, mussaman Sadik da ke nuna mata tsana a fili.

Duk surutun Nana da wuri tai bacci, saboda ta kwaso gajiya sosai da sosai.

"Inna wuro kun sha birni, kun barni kamar maraya ba jikata ba ke"

"Hmm mun sha birni kam, Alhamdilillah gashi kuma mun dawo ai"

"Hakane, ya kuka baro min su?"

"Lafiya ƙalau, sedai akwai ƙura fa"

Hakimi ya sake nutsuwa yace "kamar yaya kenan?"

"Ranka ya daɗe, nifa sedai kace na cika ƙorafi, amma maganar gaskiya akwai gyara a gidan Bawan Allah, mussaman Ƙaramin ɗan sa, na rasa wace irin macece Hauwa"

Hakimi yai murmushi yace "ba zaki dena damun kanki akan yaron nan da iyalan sa ba ko?"

Inna ta girgiza kai tacee "ba damun kai bane, ina jiyewa bawan Allah abunda ka iya zuwa ya zo, akan wannan taƙadarin yaron nasa"

"To wai me yai miki ne? Ni kuma kinga nutsuwarsa nake gani, lokacin da naje ɗaurin Aure mota ɗaya muka shiga da shi muka dawo, banga wani abuba tare da shi ba"

"Hmm ni na gani ai, Allah ya kyauta kawai"


Washegari da Safe Sadik ya shiga ɗakinsa da ke cikin babban falo, ya fito daga ɗakin kenan se ga Mother ta fito hannunta ɗauke da wata leda, ta kalli Sadik tace "wai kai uban me a kai maka ne? Ko zuwa gaisheni yau ba kai ba, tun ɗazu Abba yake ta cigiyarka? Meye hakan ka ne, kullum ba ka da aiki se yin abunda zaka jamin laifi gun mahaifinka ko danginsa"

Mamaki ne ya kama Sadik, wato har Mother ta manta abunda ya faru, amma ya basar yace "Mother ba Komai fa, am not in mood ne kawai, amma ba wani abu"

Faruk ne ya shigo da sallama, hannunsa ɗauke da key Yace "Mother gani na shirya, kawo saƙon in kai"

Mother ta ƙarewa Faruk kallo sannan tace "Yawwa dama ba iya kai saƙo ne yasa na kiraka ba, ɗazu da ka shigo mahaifinka na nan, ba damar in maka magana a gaban sa kar yaji haushi"

Faruk cikin rashin fahimta yace "Mother wani abun ne ya faru ne?"

Mother tace "eh wani abu me ya faru, zaman kakarku a gidan nan, da wannan fitsarariyar yarinyar naga kana wani rawar kai, kana wani shishshsigi da neman suna, to let me tell you something, wallahi idan ma wani abu kake tunani game da Yarinyar nan gara ka cire shi daga ranka, ka maida hankali akan karatunka kar ma du fara tunanin wani abu ne a tsakanin ku suyi tunanin liƙa maka ita, ba zan amince da 'yar ƙauye a matsayin sirikata ba, dan naga su ba abunda suka saka a gaba banda Aure Aure, ko Aure za kai kafi ƙarfin wannan 'yar ƙauyen"

"Ohh my God Mother, what are you trying to say? Me nayi da ya nuna ina son Nana, idan alaƙata da Khairat be sa an kirata da Soyayya ba me ze sa alaƙata da Nana ya zama soyaya, wannan 'yar ƙaramar yarinyar, You know i just love female sister that's all, ban san meyasa kike zargin wani abu ba, she's a sister to me ina sonta saboda ita kaɗaice 'yar uwamu a ɓangaren Abba that's all, amma in kinji haushi ne am sorry for that, amma ba abunda kike Tunanin bane"

Duk haƙurin Faruk da alama yaji haushin maganganun Mother, Yain da Sadik shi abunda ya dame shi be wuce yadda Faruk ma me shekara kusan Ashirin da biyar ake cewa ya maida hankali akan karatu ba, balle shi da be ma cika shatakwas ba.

Gajeren tsaki ya ja ya bar Mother da Faruk a falon.

Mother ta dafa kafaɗar Faruk tace "am sorry my Faruk, ba na faɗa ne dan in ɓata maka rai ba, na faɗa ne dan in saka a hanya, ka maida hankali akan karatun ka ka zama wani abu a rayuwa, duk harkar matan nan shirme ne kawai, mutanen ƙauye da sunga kana nan nan da ita se suce zasu haɗa ku Aure da ita, But don't mind, zo ka kaiwa Mummy kayan nan"

Faruk be kuma cewa komai ba, ya karɓi ledar hannun ta, yai waje ba tare da ya kuma cewa komai ba.




Farhan duk damuwa ta isheta, duk a takure take sosai, tana son sake ganin Sadik ko ta kirashi a waya, amma ta rasa yadda za tai ta kuma samun waya ta kirashi, haka nan take jin kamar zuciyarta a takure take rashin Sadik ɗinta, saura 1 week a koma school, amma ji take tamkar Shekara guda ya rage a koma makarantar.


Sadik yawonsa ya tafi, amma wajen tara na dare ya dawo gida, a falo ya tarar da Mother da Abba ga kuma Faruk suna kallo.

Abba ya kalli Sadik yace "kai daga ina haka?"

Sadik yace "na raka Salman ne gidan kakar su an aike shi"

"Mamanka ta san ka je rakiyar?"

Mother tace "A'a Abba ai naga abokinsa ne, kuma suna fita tare dama meyasa kake tambaya?"

Abba yace "bana son yawan yawon nan ne, gara ya zauna a gida yai karatu"

Sadik be ce Komai ba ya wuce ɗakinsa da ke cikin falon yana mita aƙasan ransa boko boko boko, an kasa fahimtar halin da mutum ke ciki se batun wata boko"

Ya ƙarasa Maganar yana rufe ƙofar ɗakin, ya jingina bayansa a jikin ƙofar yana sauke ajiyar zuciya.

A hankali ya taka ya zauna a gefen tangamemen gadonsa, wanda yafi na BQ girma da kyau, ya ƙurawa system ɗin sa ido, yana jin kunnawa ya ci-gaba da kallonsa, amma yana tuna halin da ze iya shiga a dalilin cigaba da kallon.

Miƙa hannu yai ya ɗakko remote ɗin TV dake kan fridge ya kunna, canza tashoshi yake yana neman wadda ze kalla.

Ya daɗe yana caccanza Channels, miƙewa yai da niyyar rufe tagar ɗakinsa, ya hango Mother kwance a jikin Abba, suna kallo yana bata popcorn a baki, su dai sam basa girma suna bawa junansu kulawa duk da shekaru sun fara ja, amma Mother ta kan maida Abban kamar ɗan shekaru talatin, basa ɓoye Soyayyar su ko a gaban yaran su ne.

Sakin labule kawai Sadik yai a hankali ya furta "When, When will you understand that am also human being?"

Ya koma ya zauna yana cije lips ɗin sa na ƙasa.

Farhan a hankali ta lallaɓa ta shiga ɗakin Umma, ta tarar Umman tuni tayi bacci, cikin sanɗa ta ɗau wayar Umma ta fito daga ɗakin.

Ta sa wayar a silent ta tafi ɗakinta.

Ta turawa Sadik message kamar haka "Barka da dare, kwana da yawa ina fatan kana lafiya"

Wayarsa tai ƙara alamar saƙo ya shigo, ya kai idonsa kan wayar, yai ajiyar zuciya sannan ya janyo wayar, ya duba yai tozali da saƙon Farhan.

Hannu yasa a sumarsa yai murmushi, ya kwanta sannan ya kirata a waya.

"Dama idonka biyu ba kai bacci ba?"

Sadik yace "ke zan tambaya ba ki bacci ba?"

Farhan tace "eh nayi tilawa ne, na ɗakko wayar Umma na kiraka"

Yai murmushi yace "gaba ɗaya na koma kamar mara lafiya, saboda bana samun ganinki da jin muryarki"

"Nima haka ai"

"Dagaske kinyi missing ɗina"
"Umm" ta bashi amsa.

"Ok i understand, ya jikin naki?"

"Ni meya sameni?"

"Ba kince min kina ciwon ciki ba?"

Farhan tace "wallahi har yanzu yana min kaɗan kaɗan, wasu lokutan idan ya far sena dena duk abunda nake sedai in kwanta"

"Amma baki je Asibiti ba?"

"No ai ya dena"

"Karki min wasa da lafiyar ki Farhan please" ya ƙarasa Maganar muryarsa da rauni.

Farhan tace "lafiya kuwa, naji muryar ka na rawa?"

"Farhan Aure nake so" ya faɗa mata kai tsaye ba wata kunya ko shakka.

Jin maganar tai a bazata, wai Aure yake so se taji abun wani banbarakwai.

Shiru tai ta kasa Magana, Sadik yace "is sound somehow to you ko? Ban san a ya zan miki bayani ki gane ba, Farhan zanyi duk me yuwuwa in ga na Aureki nan kusa ba a nesa ba Insha Allah, ki kwanta kiyi bacci, dare yayi have a nice dreams Cwthrt"

A hankali ya ajiye Wayar ba tare da ya katse kiran ba, wayar Farhan ta bi da kallo, ta na maimaita abunda ya faɗa a ranta, cikin sanɗa ta tashi ta maida wa Umma wayarta, ta ajiye ta dawo ta kwanta, tana cigaba da jujjuya maganar Prince.



Kwanci tashi asarar rai, sati ya zagayo aka koma Makaranta, domin cigaba da gwagwarmaya ta neman ilimi, wanda ba'a samunsa da sauƙi, amma duk da haka a gurin neman ilimin Akwai bambanci me tazara tsakanin yaran talaka da na me kuɗi.

Farhan uniform ɗinta a goge suke tsaf, se murna take za'a koma Makaranta, wanda a zahiri ba komawa makarantar ce ta sata farinciki ba, haɗuwa da Sadik take ta ɗoki.

Shima nasa ɓangaren yana cike da shauƙin son ganinta, da kuma abokan karatunsa.

Ɗaliban sunji daɗin sake haɗuwarsu a zangon karatu na gaba, saboda akwai shaƙuwa ta mussaman a tsakanin ɗaliban.

Yana tsaye a cikin abokansa a gurin Assmebly tun daga nesa ya hangota ta shigo makarantar, ta cire ƙaton hijjabin jikinta, ta bar na makarantar da suka kasance tsangalallu.

Ta ƙara ƙiba tai fresh da ita, ta ƙara cika kayan makarantar nata, sosai alamun girma ke sake bayyana a tare da Farhan ɗin.
Be san lokacin da murmushi ya suɓuce masa ba, tare da lumshe idanunsa.

Guri ta samu ta tsaya a cikin 'yan ajinsu, ba wanda ya kulata se Lilly da ta miƙa mata hannu su gaisa.

Farhan ta miƙa mata suka gaisa, Lilly tace "An dawo lafiya"

Farhan tai murmushi tace "Lafiya ƙalau Alhamdilillah"

Nasir ne ya taɓa Sadik yace "dan Allah karka cimye Yarinyar nan da wannan idanun haba, wannan kallo haka"

Be ce Komai ba se cigaba da murmushi da yayi.

Har aka kammala Assembly ba ta gano shi ba sam, tai ta rarraba ido amma ba ta ganshi ba.

Haka aka gama ta tafi aji tana tunanin ko ya dawo yau oho.

A timetable period ɗin farko, Sir Nazir suke da shi.

Ya shigo ajin suka miƙe tsaye suka gaishe shi, kan ya basu iznin zama ya dinga bin su ɗaya bayan ɗaya da kallo, ya ɗan tsurawa Farhan da ta sunkuyar da kanta ido, kan daga bisani ya janye idonsa zuwa kan Lilly.

Ta ɓalle botiran jacket ɗin ta, ana ganin ta cikin, gashi Masha Allah ta zama budurwa ita ma, duba da yanayin girman jiki na yaran masu kuɗi, ita ma ta fara cika.

A kausashe yace "Fatima, Allah ya dawo damu ko, close your jacket my friend"

Ɗan tura baki Lilly tayi, sannan ta sa hannu ta rufe botir ɗin rigar ta ta.

Haseena ta waigo ta kalli Lilly, ta sunkuyar da kai tana dariya ƙasa ƙasa, yai musu umarni suka zauna.

Daga bisani yai musu maraba da dawowa sabon zango, yai musu Nasiha sannan ya ɗora musu da lectures na ranar.

Kasancewar double period ne be fita daga ajin ba, se break yana fita Haseena ta kalli Lilly tace "to ƙarama 'yar air, daga dawowa zaki fara sa bawan Allah a gaba"

Lilly tai murmushi tace "gani ba taɓawa ba asarar ido"

Haseena ta ƙara samata da "taɓawa ba tafiya da shi ba asarar hannu"

Lilly tace "dan ubanki hauka nake zan tsaya a taɓa, ba wannan maganar sedai in ta gwara kan mutum"

Yasmin da ke ƙarasa kwafar note tace "za kiga ba me taɓawa, naga kin ƙaro wulaƙanci har wani chestout ki ke yanzu"

Lilly tace "to ke ya kika gani?"

Farhan na jinsu, amma ba ta ko motsa ba, ta cigba da danna carbin hannunta.

Ƙamshin turarensa ne ya mamaye mata hanci, tana ɗaga kai ya zauna daf da ita a hankali yace "shine ko ki neme ni ko? Anya kinyi missing ɗina kuwa?"

Murmushi tai tace "Ai na duba a gurin Assembly ban ganka ba, nayi zaton baka dawo ba"

"Meze hanani dawowa inga amaryata, ni tun lokacin da kika shigo na ganki ai, Kinyi ƙiba sosai, me Ummana take baki ne haka?"

Wani daɗi ne ya cikata jin yace Ummansa, ko ba komai yai mata kara ya girmama Ummanta.

"Tuwo take bani"

"Nima zan zo ta dinga bani gaskiya, karki fini ƙiba"

Ƙaramin tsaki Haseena ta ja tace "ban taɓa ganin munafukin mutum kamar wannan Farhan ɗin ba, ba wanda ta kula amma ga yadda take wata dariya"

Lilly tace "to ke da shi ɗaya ne, abunda ke jikinki shike jikinta akan me zata sakar miki fuska? Dalla ku tashi mu tafi muyi order Abinci"

Wani irin baƙin ciki ne ya cika zuciyar Haseeena, da ƙara tsanar Farhan fiye da baya.


" 'yar me kyau na, nayi kewarki sosai fa"

Sunkuyar da kai Farhan tai tana murmushi, tana jin daɗin hirar da yake mata.

"Tashi muje ki rakani wani guri"

Ba musu ta tashi suka fita daga ajin tare, sedai kamar tsautsayi suna fita sun fara sakkowa daga bene, sega Nazir na hawowa ya dinga bin su da wani irin kallo, kamar haɗin baki suka basar da shi suka wuce.

Shop ta raka shi, ya sai mata kayan ciye ciye kala kala, se dai da farko ƙin karɓa tayi, seda ya ɓata rai, sanna ta karɓa.

Seda ya rakata har ajinsu, sannan ya tafi nasu ajin, ta zauna ba daɗewa taji tana jin fitsari, dan haka ta miƙe ta tafi banɗakin mata da benen, dan ba ta son sake sauka daga benen.

Tana shiga ta ga was 'yan ss3 a ciki, da alama kamar ba su da gaskiya, ɗaya ta mata tsawa tace "ke me kike a nan!"

"I want ease myself" Farhan ta faɗa fuskarta ɗauke da tsoro.

Wata daga cikin su tace "dena mata tsawa, budurwar Prince ce fa, a kanta yanzu ze tayar miki da jijiyar wuya, dan ban manta zagin da yai min akanta ba"

"To ina ruwana, yi abunda zakiyi ki fita, tana Magana da wata maƙalalliyar muryata, tana turanci kamar baturiya, saboda iyayi"

Ɗayar tace "don't you see she's Fulani girl, i just like her she's beautiful and innocent, I want her to be my lover"

Farhan ba ta gane me suke tattaunawa ba, taga Anshigo da Nasreen toilet ɗin, an rirriƙeta tana ta uban gumi. Tabbas ba zata taɓa manta fuskar Nasreen ba, dan a duk lokacin da ta ganta ba abunda take tunawa se yadda ta gansu ita da George.

Farhan ba ta son su kuma yi mata Magana, dan haka ta shiga ɗaya daga toilet ɗin tai abunda za tai ta fice.

"Wayyo Allah na zan mutu! Na shiga uku zan mutu, ku taimaka min dan Allah!!!"


THIS IS JUST THE BEGINNING!!!

DOMIN GYARA SHARHI KO SHAWARA
Ayshercool.
07063065680.
[6/4, 4:21 PM] Jakadiyar Arewa:   🎗️🎗️🎗️🎗️🎗️🎗️🎗️🎗️🎗️

RUƊIN ƘURUCIYA

PERFECT WRITERS ASSOCIATION

(WE AIN'T PERFECT BUT WE ARE ALWAYS TRYING OUR BEST, TO MOTIVATE AND ENTERTAIN OUR READERS)

https://www.facebook.com/Perfect-writers-association-100452275039839/

P. W. A

*Story and written by*
AISHA ADAM (AYSHERCOOL)

Writer of

WATA KISSAR..(Sai mata)
ABDUL JALAL
AƘIDATA (paid book)
WUTA A MASAƘA
NOW RUƊIN ƘURUCIYA (paid book)

_Labarin RUƊIN ƘURUCIYA, na iya zuwa da wani salo, wanda baku saba ganinsa a rubutuna ba, hakan ya biyo bayan akan abunda aka gina labarin, wani abun ze ɓoyu wani Abun baze ɓoyu ba sakamakon labari ne akan teenegers, yara masu tashen Balaga, but hakan ba ya na nufin na sauka daga kan tsarin yadda nake Rubutu bane, ƙofata a buɗe take dan karɓar ƙorafi, gayra ko shawara_

⚠️⚠️⚠️ƘIRƘIRARREN