You Cannot Download this book untill you login but you can read it .

---

Login Register

godewa Allah.
Hafsah ita kanta tasan rayuwarta ta chanja, ta girma, kuma yanzu shine lokacin da ya dace ta maida hankali Don gina gabanta. ( _feature_) Tana gode wa mama, da ta tsamo ta daga garari acikin wad'annan shekarun nata, da lokacin ta kassara rayuwarta to da babu, wani zancen ta yanzu, don da bata tsinana komai ba a rayuwar, da tuni ta zama abar nunawa. Yanzu kuwa ita ce da digiri, guda aka, tana shirin karbar _certificate_ dinta na NYSC, kuma idan Allah ya taimake ta, zata fara aikinta.? Wai don ma ta bata shekara d'aya, wajen gyaran jarabawa, ( _da ke akwai Matsala a result d'inta na farko._) Lokacin Abba yayi amfani dashi wajen kaita makarantar koyon _computer,_ don rage zaman banza.
A irin haka ne wata ran a hanya takan hadu da Yusuf ko Basma ko kuma dukansu, sai dai a kalli juna kawai, Yusuf ne ma ke kokarin boye kanshi baya son su had'a ido, ita tausayi ma rayuwarsu take bata, daga baya kuma lokacin ta fara makaranta take jin labari yusuf d`in ma yabar k'asar ya tafi k'aro karatu.
Alhamdulillah Allah shine abin godiya. Haka Hafsah ke fad'a bayan ta dawo daga wannan doguwar tafiyar tunanin.
Zancen daya tsaya mata arai kuma shine zancen Bashir, Tabbas gaskiya ne, amma zata sanya tunani da hankali sannan da addu,a wajen samun abokin rayuwa na gari. Ta duba agogo k'arfe d'aya har da kwata, mamaki ya cikata, gashi idanunta sun yi nauyi, ta fara jin bacci sosai, amma tana son ta tashi ta roki Allah alkhairi a rayuwarta, don haka sai da tayi sallah raka,a biyu sannan ta kwanta.....

📝
*HAJEEYAH KHAREEMERH*

Not edited might you face typing error!!

♥️♥️♥️♥️
*ZAZZAFAN SO*
(Masoyin k'warai)
*Cigaban littafin Zazzafan so (Guba ne)*
💔💔

*By*
*Karima Tijjani Mansur*
*(Hajeeyah Khareemerh)*
*Dedicated to unique in your love heart*

📄 *45*

*UKHASHA*
_______________
*UKHASHA* ABUBUBAKAR (KHADI) shine cikakken sunan shi, mahaifinshi kuma, ( _Khadi Abubakar_) Babban alk'ali mai rik'e da muk'amin _Grand Khadi_ a babbar kotun Shari,ar muslinci. Sannan kuma limamin masallacin Juma,a ne.

Abubakar Khady, d'a ne a wajen malam _Na,allah,_ shahararren malami, masanin addini, wanda ya rasu shekaru ashirin da suka wuce. Ya bar mata hud'u da 'Ya'ya goma sha hud'u bakwai mata, bakwai Mazaa, mahaifiyar Khady Abubakar Itace uwar gida, kuma 'ya'yanta yawanci sune manya don babu wata tazarar shekaru tsanin aurenta dana abokiyar zamanta, saboda haka yaran nasu suke tashi kamar ( _sakwanni_) babu tazarar shekaru mai yawa tsakanin su. Sauran matan sun zo daga baya, wad`anda su kuma Allah bai basu rabo a cikin gidan ba, sai dai suma sunzo da nasu yaran daga wani wajen, duk sai aka zama d'aya babu banbanci, saboda had`in kai da yake zaunanne a gidan har kawo yau ana zumuncin, har takai acikin 'ya'yansu idan ba manyan ciki ba, basa sanin cewa ba kakansu d'aya ba.

A D'akin su Khady Abubakar, malam _Ayyuba_ ne babba, kuma shine ya gado mahaifinsu sosai, ma,ana ya gado _malintar._ Sai kuma _Khady Abubakar_ shine na biyu, sai alhaji _Auwal,_ wanda suke kira da (Baffa) Sauran duka mata ne, Haj. Zainab Haj,
Rukayya, Haj. Binta, sai Hajiya, Rabi, dukka suna da aure da albarkar 'ya'ya wasu suna zaune a garin nan, wasu kuma a wasu garuruwan, kamar sokkoto, zamfara da sauran su. 'Ya'yan d'aya d'akin, su kuma mazan ne su biyar, mata kuma, su biyu, acikin mazan biyu sun rasu a shekarun baya-bayan nan, sumbar iyalai da yawa.

Wani abu daya k'ara wa family d`in yawa shine duk cikin mazan babu mai mata d'aya banda _(Baffa_ na gadon k'aya,) kuma dukkansu daga matan har mazan, 'y
Ya'yansu zasu kai takwas zuwa goma sha, babu masu k'asa da haka.
Akwai arzik'i da yalwa, a yawanci gidajen wanda sai dai na wani yafi na wani, _wannan kuma falalar Allah ce da yake bawa wanda yaso._ Akwai tarbiyya ga yaran nasu, suna da ilimi na addini da na boko. Anyiwa familyn kyakykyawar sheda kuma an sansu sosai. wato _malam Na-Allah family._

*GIDANSU UKHASHA*
____________
Gida ne daya kunshi mata biyu, da yara goma sha d'aya. Hajiya Hafsah, wacce suke kira da _Haj._ Itace Babba, ta fito ne, daga tsatson sarauta, gaba da baya, kuma ita k'anwa ce ga sarki mai mulki a yanzu. Sannan tana aiki a wata makarantar 'yan mata a Matsayin _principal._ Amma baifi 'yan watanni sukayi saura tayi _retire_ ba.

Sai kuma Haj.Kubra suna kiranta da _Mama._ Itace ta biyu, tana aiki a wani asibiti a matsayin _Nurse_

A 'ya'yan Haj. Hafsah, Ukhasha shine na uku, Babbar 'ya a duka gidan mace ce, tana aiki da _Ministry of Women affairs, sunanta _Hajiya Na'ima_, a Abuja take da zama ita da yaranta da mijinta. Sai kuma _Dr. Sunusi_, Babban likita a asibitin Malam Aminu kano, yana da aure da yara uku, sai _Ukhashatu,_ kwararen engineer, wanda ya kware a harkar 'Civil engineering' Sai _Nura_ k'aninshi, shi kuma bangaren shari,a ya karanta, shine yayi aure, shekara d'aya data wuce, sai kuma _Fadwa,_ Itace autarsu, tana shekara ta uku a Jami,a.

D'akin mama kuma, _Nasir_ shine babba, wanda shine sa,an _Nura_, ( _wato sa,an mai bin ukhasha a d'akinsu_) sai _Maryam_, zata bawa Fadwa kusan shekara d'aya, sai _Zainab_, _Abdullahi,_ _Najeeb,_ sai autarsu ( _Mahseen_) Itace auta, duka gidan, shekarunta bazasu wuce goma sha biyu ba.

Idan har ba zaman gidan kayi na wani lokaci ba, ko kuma dama ka sansu, toh babu yadda za,ayi ka iya banbance 'yan wannan d'akin da 'yan wancan. Rayuwa ake ta had'in kai babu banbanci.

~_Connect with page 36_ (Inda ukhasha ya dawo gida daga party)~

*UKHASHA*
_____________
Yana ta son ya kauda tunanin ta, amma ya kasa, Yarinyar ta tsaya mishi arai, duk wani motsi nashi sai ya tuno ta. Matsalar d'aya ce, bai san a ina zai k'ara ganinta ba, bai san ita dawa suka zo bikin ba, bai san a wanne dangin take ba, na amarya ko na ango. _"Ya ilaahiy"_ Ya fad'a a hankali fargaba kawai yake, yana fatan kada Allah ya d'ora mishi son abinda bazai samu ba.

Wayarshi ke ta k'ara amma ko kalla baiyi ba, bare yayi tunanin d'agawa, don ya tabbatar idan ya d'aga komai zai iya faruwa, zai iya fada mata maganar da sai tayi da na sanin kiranshi.

K'arar shigowar text yaji, kamar zai share sai kuma yaga gwara ya duba.

_Allah ya huci zuciyarka, don Allah kayi hak'uri in sha Allah this wouldn't be happened again, na ajye wayar ne shine maman ta d'auka ta kiraka.. Plz am sorry, u know bazan iya jure abinda kake min ba plzx._

Ya sa, hak'oran sama ya cije leb'en shi na k'asa, daya tuno irin bak'ak'en zantukan daya sha a waya..

_"Mara mutunci,_
_mugu azzalumi wallahi ka sakar min kur,war 'ya in ba haka ba zaka ga abinda zai biyo baya.._ _Don tsabar mugunta ka asirce min yarinya!! Wa yasan abinda kake mata kana son ka lalata min yarinya!!_
~_To ba alk'ali ba koma waye mahaifin naka bazai hana nayi shari,a da ku ba.!!_~

Babban abinda yafi b'ata mishi rai shine, mahaifinshi da aka ambata. Meye dalili..? Shi baice yarinyar dameshi ba da irin bak'in nacinta sai shi wai za,a ce ya asirce ta.? Allah ya sawwak'e, ai ko asiri yake bazai yiwa wannan 'yar ta ta ba, yarinyar da bai tab'a ji kalarta ko wani abu ya nata ya burge shi ba sam.
_Wai lalata.!_ shi ake cewa zaiyi lalata da wata yarinya..? Akan me zata yi masa wannan sharrin.. Ta taba ganinshi k'ofar gidanta."? Kawai tsabar sharri irin na mata, don 'yarta ta nace mishi tana son ta rabata dashi sai ta fake dayi masa sharri, ai kuwa idan haka ne dole ya d`auki mataki akai, duk nacin yarinyar sai ta daina kulashi ko bata so, sai dai in ta mutu, tun da abin ya na neman yazo da sharri..

Gyangyad'i yake tayi saboda gajiya, sai ya mik'e kawai ya kwanta, bai bi takan wayar ba ma, ranshi a b'ace, _amma yarinyar akwai k'arfin hali da naci.._
Shi banda bazai iya ba, ai shine yake da abin cewa, badon ba halin shi bane cin fuska, da babu abinda zai hana shi mayar mata da munanan kalamanta kan 'yarta.
_"Ai yarta ce mayya, ita ce ke bibiyarshi, ga mugun naci sam bata da zuciya._
Amma da ke bazai iya ba wayar kawai ya katse ya kyaleta.

Har ya fara bacci ya tuna gwara ya kashe wayar, idan ba haka ba, zata iya cigaba da damunshi da kira don zata aikata. Gefe kad'an na zuciyashi, yana tausaya mata, bai tab'a ganin inda ake irin abinda yarinyar ke mishi ba, wani _"Makahon so"_ take mishi. Yayi imanin idan yace ta kyale mahaifiyarta tsaf zata barta!!
Ya nemi tsarin Allah daga fad'awa irin wannan son.

Yadda ya d'auka shine, su mutanen yanzu, ka so su tsa ka-tsaki shine maslaha, don yana da tarihi na soyayya kala-kala musamman a cikin abokansa, wad`anda suka _ZAFAFA_, k'arshe suka k'are a asibiti.

Yana mamakin kansa, bai tab'a jin ya kwana da wata arai ya tashi da ita, ya ku ma kwana ba, sai dai wani lokacin ya kan b'ata lokaci akan tunanin _Bahijja_ shima ba wai begenta ba, a,a kullum cikin tunanin yadda za,ayi su rabu salin alin yake, ba tare da ta zargeshi da b'ata mata lokaci ko kuma k'inta ba. Amma duk wasu hanyoyi ya gwada basuyi amfani ba, ya sha fad'a mata, tayi hakuri tayi aure, shi a gida za,a bashi mata amma tak'i sai dai ta ji shi kawai, har fada' mishi take, _"Taji, ta amince ya auri uku ya cikashe ta hud'u da ita wallahi zata yarda.!!_

*HAFSAH*
______________
Misalin k'arfe sha d'aya da rabi na, safe, sun gama karyawa, dake kuma _weekend_ ne babu makaranta, kowa ya kama abinda zai fishshe shi. Gidan tsaf yake an share babu datti, sai k'amshi kawai ke tashi.

A parlour Hafsah ce zaune bisa kujera three seater, ta dora _Laptop computer_ akan hannun kujerar. Sanye take da riga da skirt na atampha, wanda suka d'an kamata, babu d'an kwali akanta. Gashinta wanda dama can bai cika ci ka ba, sai dai tsaho ta tufke shi da ribbon, farar fatar ta sai shek'i take, babu alamun kwalliya a fuskar ta, idan ka kalleta zaka ga babu abinda ya sauya daga ita idan har ka santa ashekarun baya, komai cikin nutsuwa take yi kuma a hankali babu gaggawa. Kana kallonta zaga ga alamun hutu da wayewa atattare da ita, ba mamaki kuma ka k'i yarda cewa Bashir k'aninta ne, saboda yanayin jikinta bata da girma sam, sai dai matsakaicin tsaho.

Da Sallama Abba ya shigo palourn daga d'akin mam. Hafsah ta amsa tare da rankwafawa tana gaida shi, _Abba Barka da safiya."_
Ya kalleta sosai, "Sannu Yaya, bakya son saka d'an kwali koh..?"
Ta danyi murmushi tana shafa gashinta da ke ta shek'i, ta kalli gefe da gefe kamar zata ga dankwalin a wajen.

Har yanzu yana kallonta. "Baki bi su zainab d`in kitson ba ke."?

Cikin nutsuwa tace, "Eh abba ba ba sai nayi kitson ba, ai nayi _saloon."_
(Duk shirye shiryen bikin Fateema suke k'anwar Ya Nazeer )
Yayi kyau, "Ki saka d'an kwali toh."
Ta mik'e zata wuce d'akin.
"Nima zan fita wani meeting ne."
"To Abba a dawo lafiya."
"Allah yasa Yaya."

Zai fita kenan Bashir ya shigo, ya zube har k'asa "Barka da asuba."
Abba yayi dariya "Asuba ko rana."?
"Ko dan ku baku son tashi da wuri koh."?

Ya fara tafiya Bashir na binshi a baya.
"Ya kuke fama da baccin nan a makarantar kuwa."?
Basheer ya sosa kai, "Ai Abba hakura ake."
"To da kyau ai."
Cikin ladabi yace "Abba fita zaa yi ne."?
"Eh zanje wani meeting ne, kasan an kusa yin _primary election_.
"To bari na raka ka Abba."
Abba yayi murmushin jin dad'i "Yawwa, _amma dai ka sa hula koh."?_

Ya kalli jikinshi riga ce _long sleeves_ da dogon wandon _Jeans._

Yayi murmushi, sannan da sauri ya wuce cikin gida, duk da d'akinshi kafin a shiga ciki ne, yana shigowa palourn, Hafsah na fitowa daga d'akinta, tana d`aura d'ankwali.
"Gud morning sister of mine.!
"Morning _Junior_ "
( _Haka ta dawo kiranshi._)
Tana tahowa shi kuma ya tsaya, bata gama k'arasowa ba yace, "Anjima da yamma zamuje park idan na dawo, yanzu zamu fita da Abbah ne."
"Okey tace mishi."
"Ina mama, kice mata mun fita da Abba."
Ya fad'a cikin sauri, sannan ya juya. D'akinshi ya bud'e ya d'akko hular ya kifa akanshi, yana murmushi, yasan da Hafsah zata gani babu abinda zai hana tayi ta mishi dariya.
Murmushinshi ya k'ara fad'ad'a yana son yayarshi yana son farin-cikinta.

"Haha, kufa yaran yanzu kwalliyar ku da ban ce!"
Cewar Abba sanda Bashir ya k'araso inda yake.
Ya bud'ewa Abba d'aya gefen, sannan shima ya shiga mazaunin _driver._
Don ance ka sako hula, sai ka sako ita kad'ai..? "Ai ana nufin ka sako kayan da ake sawa hula."
Ya k'arashe maganar yana dariya.
Bashir ya sosa, k'eya, "Ai kada na bata lokaci ne shiyasa."
"Hakan ma yayi, ai naga haka kuke yi yanzu, _asa kayan bature, a d'ora hular bahaushe!!."_
"Kuna kwaikwayon rappers kuke ce musu ne ko hip -pop"
"Bashir yayi dariya, kawai."
"To yayi, _bridged_ muka nufa, nan za,ayi taron.
Abba ya fad'a sanda Bashir ya tada mota.
Mai gad'i ya bude musu gate, suka fita, suna tafiya suna hira irin ta d'a da mahaifi.

__________________

Shiri suke, sosai duk sun baza kayan kwalliya a d'akin, mai yi musu kwalliyar fuskarta ko powder babu, Fadwa kenan, take wa su Maryam da Zainab kwalliya, kasancewar ta iya kwalliyar zamani. ( _makeup artist ce ita_)
Shirin zuwa partyn Abokin Yayansu Ukhasha suke wato Jabeer (JB). Shima Ukhasha yana d'akinshi yana shiryawa.
Zainab ce da ake shafawa powder tace, "Yaya Fadwa muyi sauri fa kinga, kada Yaya yayi ta jiranmu..Kinsan halinshi zai iya tafiya ya barmu."
Bata tsaya da abinda take yi ba tace, "Kedai ki tsaya kiyi kyau kawai, yanzu k'arfe nawa ne ma kwata-kwata"?

Sai da ta gama mata tsaf tayi mata d'auri, dama ta gamawa maryam. Ta d`auki mudubi kenan zata fara da fuskar ta, wayarta tayi k'ara, maryam tayi saurin kai hannu ta d'auka, Fadwa ta miko hannu, maryam tayi gefe da wayar tana cewa, "Don Allah kiyi sauri Yaya ne fa bari na d'aga."
Hello..
"Ina ta jiranku fah."
"Mun kusa gamawa Yaya."
"Hmm, kada ku batan lokaci don Allah, me ita Dadwan keyi sarkin k'ak'ale-k'ak'ale."
"Yaya ta gama, d'aura dan kwali take."
"Please Kice tayi sauri kunga sai kirana suke."
"Tom."
Ya katse wayar don jin kira ya shigo a zaton shi ango ne.

Sai kuma yaga Bahijja, kamar bazai d'aga ba sai kuma ya tuna wani abu.
Bai bata damar magana ba yace, "Kinga zan fita ne, idan na dawo zamuyi magana."
Ya katse kiran, sannan ya k'arasa d'aura takalmin shi, ya mik'e ya nufi mudubi dake manne jikin bango, k'asan shi anyi wata 'yar kanta mai kyau, kayan shafe shafe ne na maza, da sauransu akai. Babu wasu tarkace dama a d'akin, drawer ce me biyu wacce ta cika da kaya, sai akwatuna, suma kayan ne dai aciki, sai abin d'ora takalma, sai madaidaicin gadonshi, gefe da gefen shi da _bed side drawer_ ya dora mata littafai aciki da wajenta.

Ya kalli kanshi sosai a madubin, sannan yasa hannu ya gyara zaman hularshi yayi kyau matuk'a cikin _Brown shadda_ da sukayi ankonta, bai da kiba sam, sannan ba dogo ne irin sosai ba, yana layin tsakiya dai, fatar shi ba fara bace tas, amma tana da haske sosai, yana da saje a fuskar shi, haka dukkan jikinshi akwai gashi, amma basu cika cika ko tsayi sosai ba.
Akwai shi da kwarjini idan ka kalleshi, bashi da yawan magana barkatai musamman inda bai da sanayya ko sabo da mutanen gurin, amma yana
da hira harda zolaya indai ka mishi farin sani. Bai bata lokaci sosai wajen tsayawa kallon kanshi ba, ya fesa turaruka masu sanyin k'amshi, sannan ya fito, daga d'akin kawai.

Lokacin suma k'annen nashi sun gama shiryawa, sunyi kyau sosai, cikin shigar _blue black lace_, mayafansu mayalwata, baza,a ce sun fito da tsaraici ba. Sai kuma suka b'ige da zaman d'aukar photo.

_Wani abu game da Khady Abubakar shine, baya hana 'ya'yanshi mata zuwa biki, ko wani taro, indai har ya yarda da tsaftar mutanen, sai dai dole zasuyi shiga ta mutunci, wacce dama kullum cikinta suke, sannan ba,za,a barsu su tafi su kad'ai ba, sai dole ke da 'yar uwarki ko yayanki ko k'aninki. Sannan basa sakewa su haura k'arfe takwas na dare.

_Aganishi ka hana yarinya mace zuwa taron biki, kamar shiga hak'k'i ne da kuma bada k'ofar shigowar b'araka, don a yadda yaran yanzu suke muhimmanta biki, to idan ka hanasu dole su nemi hanya ko da bada saninka ba, har gwara ma a fita da saninka, kuma matuk'ar ka tarbiyyantar dasu yadda ya dace, babu abinda zasu yi na zubar da mutunci ko makamancin haka._

Yanzu haka ma sai da ukhasha ya nemi izini a wajenshi, sannan da k'yar ya yarda.

"Ku idan zakuyi biki kuyi iya ku mazaa, mana, amma kun hada har da mata."?

Ya sosa k'eya, "Akaramakallahu, ai na matan ne, gayytar mu sukayi.

"Ku bar angon ya je shi d'aya mana, tunda abin na mata ne."
Bashi da bakin magana sai yayi jim, kafin ya tuno abin fad'a, don baya son yawan tsawaita magana irin haka da Abban nasu, don ba,a nasara akanshi, sai dai idan yayi niyyar abu kawai zaiyi.

"Shiyasa zan kaisu tunda an gayyace su."
" Zaka kai ku dai, ai har da kai kaima zaka ce zaka kaisu, kawai kun bata abu ne yanzu, mata na biki kuce sai kunje.. Shi ango ai da walima aka sanshi ita yake had'awa shi."
"Tuba muke, ranka ya dad'e."
"Yaushe ne kace."?
"Yaune da yamma.
"To Allah ya kaimu amma ba,za,a kai dare ba koh."?
"In sha Allah."
Ukhasha ya fad'a. Don yasan ba tambaya bace a wajen abba umarni ne kawai, yana nufin kada akai dare, don yasan partyn da aka fita, dayin magriba ai dole akai dare.
Cewar shi ta 👇
( _amma ba za,a kai dare ba koh."?_ ) Girma ne da kuma iya magana yasa yake umarni da sigar tambaya, Don babu mamaki idan sunyi daren kaji yana tuhumar su, ~_"Bance kada akai dare ba."_?~

K'ofar d'akin da suke ya nufa. Ya tsaya a bakin k'ofa "Kuyi sauri fah, ni na fito." Da sauri suka fito, suna zolayar shi, "Yaya anyi kyau fah.!!

_______________
Suna zaune a kan kujeru, a wani wajen shak'atawa, Bashir Hafsah Zainab Ameera da Mufida.

Idon Hafsah ne ya hango mata wata kamar idon sani a wajenta, ita da wani suke tahowa, cikin takun k'asaita, kayan jikinta kamar sa b'arke saboda kama tan da sukayi, babu ko mayafi a jikinta. Suna k'ara nufo su tana k'ara wayewa da wacece, nan ta hau tab'a Basheer tana nuna masa ita da yatsa, "Basheer, ka ga wata, wallahi Jamila ce, ba bari dama na dad'e ina nementa."

Tayi zumbur zata mik'e Bashir ya rik'ota, "Haba sister ki bari mana, ki daina nuna su, me zaki mata idan kinje."?
"Ka barni Bashir, baka san na dad`e ban ganta ba, nayi shekara biyu rabon da na ganta."
Zata kuma mik'ewa ya kara rik'eta
"Plz ki bari yanzu ba fa kamar da bane, ki kyaleta kawai, babu lallai ma ta kulaki."
Nan ta hau mishi magana fad'a-fad'a kamar zatayi kuka, "Don't you know for how long nake nemanta amma kuma zaka hanani, kasan me nake ji araina.. I hate Wannan rayuwar da Jamila take, bazan iya dinga zuba ido ina gani ba..

Yasan halinta da saurin kuka, don haka, ya shiga rarrashinta, "I'm sorry aunty ba hanaki zuwa zanyi ba, amma ki jira ita tazo kinga da alama ma ta ganki, kuma tunanin da kike akanta yana da wuyar yuwuwa yanzu fa, ba,a iya chanja mutum lokaci d'aya. Bata ce mishi komai ba ta mik'e ~_"Ai idan da alkawari ba zata ga Jamila ta share ba, ko a wanne hali take ciki kuwa._~
Shima dole ya tashi, yawa sauran k'annen nashi alamar su biyo su kawai, ya musu nuni da su dakkowa Hafsah jakarta.

Jamila na hango, Hafsah, ta rabu da wanda take tare dashi tazo da gudu ta rungume ta, sun nuna jin dad`in ganin juna kafin, Jamila tace, Ai ina ganinki sometimes street haka ko wani waje, akwai distance tsakanin mu that's why bana miki magana.

Hafsah dai bata iya cewa komai ba, sai murmushi, kallon Jamila kawai, take, gaba-d`aya ta chanja, idan baka mata kyakykyawan sani ba ba zaka gane ta ba.

Jamila ta miko mata waya, lokacin su Ameera sun k'araso inda suke, ta daga musu hannu, ga mamakinsu duk sai da ta ambaci sunan su, "Ameera Zainab, Mufida, sannunku."

Ta kalli Bashir daya tsaya can gefe, bata mishi magana ba, shima kallon nata kawai yayi, ta mik'awa Hafsah wayarta samin phone dinki anan, munyi magana naga kina sauri nima ina sauri.
Hafsah tasa mata, ai kafin tau
k'ara kalma d'aya Jamila tabar wajen tana d'aga mata hannu.

Hafsah tayi ajiyar zuciya, zainab tace, "Yaya is she your friend Jamila."
Hafsah ta jinjina kai, ba zata iya magana ba.
"Chab." Ameera tace.

Mota suka shiga Basheer, yaja bai yiwa Hafsah maganar Jamila ba sam, Hafsah kam gaba d'aya yanayinta ya sauya ya koma damuwa, tsoron Allah ya k'ara shigarta, wai Jamila ce haka, babu ko mayafi, wacce a da bata iya yawo Inba da hijabi ba."? Kishin hakan ya cika zuciyarta, bai dace ta zuba ido tabar Jamila haka ba, ko ba komai ada ta amsa sunan k'awarta, ita gashi ta zama wani abu, amma Jamila fa, sam abinda take babu mai alfahri da ita.
Take ta sawa ranta zata yi iya kokarin ta wajen dawo da Jamila kan hanya, ita kanta tasan abin yana da matuk'ar wuya aiki ne ja, amma kamar jahadi ne, to kuma babban k'alubalen shine rashin sanin ta ina zata fara."?

Su Bashir nata hira ita kuwa tsit kake jinta, yana kallonta ta madubi, sai yaji ta bata mishi rai ma. _Duk wannan sauyawar da damuwar akan mutum d'aya, da babu alak'ar kusa ko ta nesa yanzu Tsakaninsu, matar da take yin abu bisa saninta, kuma da hankalin ta da ilimin ta."? Mene zaisa ta damu kanta, tunda ita maiyi d`in tana ganin daidai ne._

_________________
UKhasha tuk'i yake sosai, yayi watsi da tsokanar da su fadwa ke mishi, shakiyan ci ne kala kala, _Wai gaskiya yaya tunda Yaya Jabeer yayi aure kaima ya dace, kayi tunda dama ku biyu kuka rage._ Yayi burus dasu baice musu komai ba. Yanaji fadwa na bawa maryam labarin, _Bahijja_ da ke sune a baya. Sukayi shewa harda tafawa, ya juyo rai a had'e.
"Bana son shashanci, Allah zaku fita daga motar nan kuna min ihu a mota."

Haha.. Dariya suka mishi, ya juya kawai ya cigaba da tuk'inshi..

Wani Uturn suka zo daidai, lokacin Basheer shima ya taho dake mik'ewa zasuyi street su, shi kuma ya riga ya taho, Allah, ya kiyaye aka d'an bigi bayan motar tasu kawai. Dukkansu parking sukayi, kafin Bashir ya k'araso shi har yazo inda suke, _"Yi hakuri mai gida._ Abinda Basheer ya fara fad'a masa kenan, ya daga mishi hannu, _"Bakomai bakomai, muyi hakuri duka._ motar taku batayi komai ba."?

"Eh.. Inji Basheer "Hope kuma haka." "Babu koma, ka dinga kula kawai k'anina"!!

Karaf idanunsu suka had'u dana Hafsah. Yaji wani shock, Tabbas Itace.
Itama fad'uwar gaba taji, _kamar ta sanshi fa._

Bashir na shirin juyawa zai koma mota, _Dan Allah k'anina kaji mana._

Basheer ya dawo da mamaki.
"Me kace."?
"Um.. K'annen nan naka ka taimaka min da d'aya."
Bashir ya kalleshi da mamaki.
Me yake nufi kenan.?
Yayi k'asa da murya don yasan tambaya yake shirin yi mishi.
Kaga bamu da lokaci kana sauri ina sauri, taimaka min da number.

Bashir yayi jim, kafin yace okay.
Ya sa mishi number, yayi saving.
Ya mik'a wa Bashir hannu sukayi musabiha, "Nagode sosai abokina."
Bashir ya shiga mota, shi kuma ya k'arasa inda yayi parking, ya buda motar, gaba-d'aya yanayinshi ya sauya zuwa sanyi, akan idonshi suka wuce, da alama su ba wajen bikin zasu ba.

Yayi amanna Allah ne, ya dube shi ya k'ara had'a su. Su Fadwa sunyi mamakin sauyawar shi lokaci d'aya.

Basheer kuwa ya tafi yana mamaki, mutumin nada kyan mu,amala, shifa aka bugawa amma shine ya fito...

Mufeeda ta ji bazata iya shuru ba tace, Yaya naga kamar kunyi exchange numbers da wancan."
"Eh.."
Kawai yace mata, don bai son fad'ar dalili don baisan wa ya gani cikinsu ba, aranshi yaji yana fatan _Allah yasa Hafsah ce._

Da suka zo wucewa ma sai da ya d'aga wa Basheer hannu, sannan yaja tashi motar...

_Addu,a Kawai yake axuciyarshi Allah ya taimake shi akanta ta yarda dashi..._

📝