You Cannot Download this book untill you login but you can read it .

---

Login Register

ta tana nuna mata.'
'Ta cigaba da cewa, "Don Allah,ki cire Yusuf aranki don wallahi ba saurayin da za,a zauna da shi, bane."
'Hafsah ta zaro ido, zatayi magana kenan, Mama ta fito daga d'aki, tilas tayi shiru da bakinta.'
'Aysha bata jima ba ta mik'e, "To mama na tafi, hafsah sai anjima."
"Ki gaida gida."
'Mama tace mata.'
'Aysha ta mik'e don raka ta.'
"Mama ta murtike fuska, Saura ki fita daga cikin gidan nan."
'Suna fita daga falon Hafsah ta fara bawa Aysha ha'kuri.'
"Don Allah Aysha kiyi ha'kuri da abinda mama tayi miki, wallahi tun jiya bayan dawo take fushi."
'Aysha tayi murmushi,'
"Babu komai wallahi."
'Amma don Allah ki rage damuwa wallahi har kin fad'a, daga jiya, ki daina saka abin aranki, kada mama tayi zargin wani abu."
"K'walla ta cika idanunta, Aysha dole na damu, Yusuf fa.." Kuka ya hanata magana.'
"Kiyi ha'kuri dai.
"Ni dai shawarata ki cire shi daga ranki, don Allah, shine kawai maslaha."
"Hmm Aysha bazaki gane ba kawai."
"Allah ya kyauta, ki koma kada mama ta ga kin dad'e."
"To nagode Aysha ki gaida mamanku."
'Aysha ta d'aga mata hannu sannan ta fice daga gate d'in gidan.'
'Hafsah ta tsaya ta goge fuskarta sannan ta dawo cikin gida, ta tarar maman na zaune inda ta barta.'
'Zata wuce d'akinta kenan, Mama ta kirata.'
"Ke zonan"
'Ta dawo ta zauna a kujera.'
"Mama gani"
"Wannan Yarinyar daga ina take"?
'Hafsah taji banbarakwai.'
"Um, k'awata ce ita fa mukayi photo ranar graduation."
"Bana son jaye jaye"
'Hafsah ta gyad'a kai kawai, tana Mamakin Mama.'
'Kuma, bana son zaman cikin bed room d'in nan da kike, ko uban wani ne yake korar ki daga falon'?
'Ta girgiza kai.'
"To kada in sake ganin kin kwanta."
'Dole ta nemi guri a falon ta kwanta, saboda idan tana, 'Menstruation' ciwon jiki take fama, ga kuma kasalar son kwanciya.'
'Mama da ta ga ta kwanta taji saurin cewa, "Tashi maza kije ki gyara daki'n abban ku, kuma, ki wanke toilet d'inshi."
'Badon ranta yaso ba haka ta mik'e ta nufi d'akin Abban, tana murje ido, to da wanne zataji da fushin mama ko kuma abinda ya dami zuciyarta.'
'To haka ne yake ta faruwa kullum har wajen sati d'aya, Hafsah da son yawan yin tunani, mama kuma da son matsa mata, ga kuma tambayoyi da take damunta dasu, "Kya ma fad'i inda kika je"
'Ita dai, Mama batun fitar nan, ya tsaya mata aranta.'
'Hafsah ta kasa gano dalili.'
'Ko sanda ta fita ita da yusuf daga gun party, bata d'auki zafi haka ba.'
'Hafsah ji take ita kad'aice mai matsala a duniya.'
'Abinda Yusuf yayi mata ya ki barin zuciyarta ga uwa uba kuma kewarshi data dameta, tun ranar bai nemi inda take ba gashi bata da wata hanyar contacting d'in shi.'
'Tsoro ya cika zuciyarta.' shikenan basma ta k'wace mata yusuf d'inta da take so.'
'Matuk'ar zata tuno shi to tabbas sai
tayi hawaye.'
'Ta yi rama, kallon daya zaka yi mata kasan tana cikin damuwa, duk maganar da mama ke mata kan zaman bed room taki ta daina.'
'Abin ya dami kowa cikin gidan, k'annenta sun lura ta rage walwala.' Bashir kullum sai ya tambayeta me yake damunta, amma amsar guda d'aya ce babu komai.'
'Abinda ya tashi, hankalinta shine, bashir yace mata, "Yaya Hafsah jiya antaso mu daga school naga wannan yusuf d'in shida k'awar nan taki a mota danja ya tsaida mu."
'Gabanta ya fad'i ta shiga damuwa sosai.'
'Kenan yusuf ya ajyeta.. Ya daina yayinta..? bazai rabu da basma ba,??.. 'Ta fita muhimmanci a wajanshi kenan...'??
'Ta kasa hak'uri har sai da ta zubar da hawayen tausayin kanta bayan fitar bashir. Ita dai son Yusuf ya zame mata 'GUBA'
'Abba, a dole ya kira Yusuf, a waya.'
"Hello." inji Yusuf.'
"Assalamu alaykum."
'Inji Abba.'
"Wa alaykum salam"
"Ina magana da yusuf ne"?
"Eh nine."
"Yawwa, ka gane mai magana."
"A,a." ('Don Yusuf sam baiyi serving number ba')
"Okay Abban Hafsah ne.'
Yusuf yaji fad'uwar gaba, kada dai yarinyar ta fad'a wa ubanta abinda ke faruwa."
'Ya daure dai yace.'
"Daddy ina wuni"
"Lafiya lau.
'Abba ya fad'a cikin fara,a.'
"Am dama so nake in tambayeka ka."
'Yusuf ya d'auke wuta saboda fargaba'
"Hafsah ta fad'a mak a ina son ganin ka"?
'Yusuf yai wata wawuyar ajiyar zuciya'
"Huuam, No, bata fad'a min ba daddy."
Abba yai murmushi lallai ma shida aka fad'a mishi a gabanshi.'?
'A lokacin ya gane inda yusuf ya dosa.'
"Abba yace ok shikenan.'
"Idan babu damuwa gobe ko jibi kazo, ina son ganinka."
'Ya yi shiru, sai da abba yace "Kaji"?
Sannan yace okay Daddy."
"Abba yace nagode sai anjima."
'Abba ya ajye wayar yayi shiru yana nazari, yasan da k'yar idan yaron zai zo.'
'Hakan ya tabbatar mishi irin yaran nan ne da ba aure suka shirya yi ba, sai dai su hure wa yarinya kunne.'
'Saboda haka ko yazo d'in ma zai san matakin da zai d'auka kawai.'
'Mama ma a neman tata maslahar, da suna waya da yayarta take ce mata, "Wallahi yaya da akwai matsala ne"
"Lafiya dai ko"?
"Hafsa ce dai."
Yayar tayi dariya, "Hmm amina kenan, kin iya dagula al,amra kila ma ba wani babban abu bane."
"Hmm, Yaya Yarinyar so take tafi k'arfina wallahi."
Ke amina wannan wacce shashashar magana ce, ki haifi 'yar ki dinga kiran tafi k'arfinki."??
"Ki dinga saita bakinki don Allah."
"Hmm yaya.."
'Kada ki fad'a min komai ki bari gobe zan shigo.'
"To shikenan, yaya na gode."
'Yayar ta kashe wayar tana dariya.'
'Washe garin wajen k'arfe goma sha biyu, Hafsa na zaune a falo, ta kasa samin nutuwar zuciyarta kiyasta wa take yau kome zai faru sai ta tura wa yusuf koda text ne.'
'Tana cikin tunanin ne 'Aunty Nafisa.' ('Maman ya Nazeer') Tayi sallama hafsah ta amsa mata kuma ta d'an saki fuskarta. 'Tayi mata Sannu da zuwa.'
"Mama na jiyo sallamar ta ta fito da sauri, Aunty sannu da zuwa." "Yawwa Ameena."
"Ina wuni" inji mama "Lafiya lau."
"Yasu Naseer da Fatima"?
"Duk lafiya lau suke, nazeer shirin Service ('NYSC') ma yake"
"Allah sarki Allah ya taimaka to."
"Amin, ya yaran gidan."
"Suna nan k'alau sun tafi makaranta ne."
"To ya Abban su Hafsah"?
"Lafiyar shi lau wallahi."
"To Masha Allah."
'Hafsah ma ta gaisheta'
"Bari in kawo miki lemo."
'Mama ta mik'e.'
"A,a ki zauna mana ga Hafsah."
"Ta Kalli Hafsah 'yan mata an yi candy koh."?
"Maza ki kawo min ruwa ne kinji, ki daina barin mama tana aiki ke kina zaune."
Hafsah tace, "To"
'Maman Naseer ta kalli Mama, "Muje ciki koh"?
'Suka mik'e duka suka yi daki'n mama.'
'Hafsah ta d'oro ruwa da lemo da cup a plate ta bisu da su.'
'Ta ajye sannan ta fito, ta dawo falo.'
"To Sannu kinji"?
'Inji maman ya Nazeer.'
.'Ta tsiyaya ruwa tasha, sannan ta kalli mama sosai cikin nutsuwa tace.'
"Me yake faruwa ne ke da 'yar taki."?
'Mama ta gyara zama cikin damuwa take karanto mata.'
"Kinga dai abinda tayi ranar bikin abdallah, to kafin nan sai da taje gidan Hajiya kakarsu... Nan ta zayya no mata duk irin abubuwan da Hafsa tayi har tazo kan fitar da tayi bata sani ba.'
"Ta, k'arashe zancen da cewa ni tsoro na ma, kada inje yaron ya lalata mata rayuwa..."
'Auntie tayi saurin d'ago mata hannu.'
"Haba amina, wannan wacce irin magana ce mara ma,ana kike yi.?? ina tunanin ki ya ke, da zaki yiwa 'yarki wannan mummunan zaton'?
"Allah dai yasa baki furta wa babanta wannan shirmen ba."
"Auntie kinga fa ranar data dawo har magariba tana aikin kuka, sannan kullum cikin tunani take, idan ba wani abu ba mezai kawo haka"?
"Hmm, kin bani da dariya amina, shiyasa kike kyararta kika zuba mata ido koh,? Gaskiya tunaninki yayi Kama da na yara."
'Kawai kuma don yarinya ta fita ta dawo bada saninki ba, sai ki hau zarginta koh."?
"To dai ki chanja tunani, don me bazaki jata ajiki ba kiji damuwarta, ai ko bata fad'a miki ba zaki fahimci me yake damunta koh."
'Ni kin b'ata min rai ma wallahi.'
"Yanzu dai, koma menene zan tafi da ita tayi koda sati biyu a wajena.'
"Shikenan aunty, nagode."
'Ita kuwa Hafsah ganin babu kowa a falon kuma ga wayar mama data bari yasa tayi saurin d'aukar wayar tayi d'akinta tana godiya ga Allah.'
'Cikin azama ta hau rubuta text,
'Ban tab'a zaton zaka yi min haka ba, koda a mafarki,..idan nayi maka wani laifine, sai ka rasa ta hanyar da zaka hukunta ni, sai kaci amana ta,??.. Yusuf cutar da kayi min ba,a tab'a yi min irinta ba'..
'Nagode sosai, bisa sakayyar da kayi min.'.."
'Hafsah H. Hamid'
'Ai kuwa minti kad'an sai ga reply,
"Hmm Hafasah kenan, shine yasa kika sa Abbanku ya kira ni koh..'So ya kirani kuma yace min yana son ganina." Hm kin fad'a mishi ne koh.."?
"Tana cikin karantawa sai ga su Mama ad'akin, nan tayi tsuru-tsuru, mama ta rufeta da duka da hannu, tana fad'in kinganta koh.. Kinga dai abinda takeyi.'
'Maman ya Naseer, ta rik'e hannun Mama, tana fad'in haba ki bari mana Amina, don Allah kibi komai a sannu.'
'Suka zauna, sannan Auntie ta d'auki wayar, text d'in Yusuf, ta fara karantawa, ita ma kanta ya kulle gaskiya ne akwai abinda ke faruwa.'
'Sai kuma ta kuma duba na Hafsah, sannan hankalinta ya d'an kwanta.'
'Ta ajye wayar sannan ta kalli Hafsah.'
"Me yasa kika d'aukar mata waya"?
"Cikin kuka take cewa babu komai."
"To me kika yi da ita."?
"Ta, kuma, cewa babu komai."
"Hm, babu komai fa kika ce, amma kika d'auki wayar."?
'Cewar Auntie.'
"Um, game nakeyi"
'Auntie tayi murmushi.'
To kada ki k'ara d'aukar mata waya.'
"To"
"Ta dafa kafad'arta.'
Tashi maza ki deb'o kayanki kinji, gida na zaki je, tun da yanzu bakya zuwa makaranta.'
'Hafsah bataji dad'in hakan ba, ta mik'e babu k'wari ta fara debo kayan daga cikin drawer.'
'Shaf ta manta da ledar nan ta Yusuf, aiko tana dakko wasu kaya, ledar ta fad'o.'
'Mama tayi saurin d'aukar ledar cikin rud'ewa ta ke cewa Auntie kin gani koh, ai mai hali baya fasa halinshi."
'Auntie ta karb'i ledar ta bud'e, sai taci karo da kwalin wayar mai tsadar gaske wato, 'IPhone' a ciki, sai wani tsadadden agogo, sai turare mai tsadar gaske, sai kuma, 'Greeting card'
'Auntie ta mayar da kulle ledar dama rubi biyu ce.'
'Hafsa ta gama shirya kayan sannan ta kulle akwatin, tasa hijabi, suka fito dukansu.'
'Auntie tace maza ki kai kayan cikin mota.'
'Ta ja akwatin tayi waje inda drivern auntie take.'
'Auntie ta kalli Mama bayan fitar Hafsah, "Ki bar komai a hannuna, ba wani abin tashin hankali bane ina zatan kyauta aka kuma bata, in sha Allah komai zai yi daidai.'
'Mama tace "Toh"
Ina wayarki kira Abbanta zanyi mishi bayani da kaina.'
'Mama ta danna kiran, bayan ya d'aga "Hello, barka da rana, ya aiki."
"Alhamdulillah, aiki yasani gaba."
"Allah sarki to "Sannu da k'okari."
"Yawwa."
"Dama, Auntie Nafisa ce tazo tana son kuyi magana ne."
"Okay to bata wayar."
"Sun gaisa sannan ta ce, nazo ne kuma sai Amina keyi min k'orafi akan Hafsa, to shine ina so abani ita don Allah in tafi da ita tayi koda sati ne a wajena."
'Abba bashi da matsala da ita, kuma yasan ta macece jajirtacciya,kuma
babba ce, don haka yace, "babu komai ai, yayi kyau wallahi, na gode sosai."
"Sai dai Don Allah kada a barta ta kula duk wanda yazo wajenta, kuma kada ta dinga yawo."
"To in sha Allah, na gane babu komai ai."
"Yawwa, wani yaro ne yake son wargaza mata lissafi."
"Auntie tace
"Eh na fahimta, yaran yanzu ne babu abinda suka sani sai soyayya."
"Wallahi kuwa, Allah ya kyauta ya shige mana gaba."
"Ami'n inji Abba, to nagode fa, agaida alhajin."
"To zaiji in sha Allah."
'Ta, kashe wayar ta mik'awa mama.'
"Ki dinga yi mata addu,a, amma wannan ba wata matsala ba ce Babba, kinga shi baban nata ai ya fahimci komai."
"To auntie, nagode."
"To bari mu wuce."
'Auntie tace sanda Hafsah ta shigo.'
'Mama ta taka musu zuwa bakin gate.'
"Mama mun tafi."
'Inji hafsah.'
'Maman ta saki fuska sosai to hafsah in kuma auntie ta rik'e ki shikenan sai ki zama bak'uwa."
"Hafsah tayi murmushi, taji dad'in sakin fuskar da mama tayi."
'Suka shiga mota suna daga wa mama hannu. Driver yaja suka tafi.'
'Hafsah taji kamar tayi kuka, bata tab'a yin tafiyar data wuce kwana biyu, shima gidan Hajiyah take zuwa, amma taji auntie tace wai sati biyu zata yi..'
'Gaskiya zatayi kewar jama,ah da dama..
'Amma haka dai, zata hak'ura.'
'Sai kuma kalaman yusuf a text to kenan Abba ya kirashi,?? To me yake nufi da ita, da yake cewa wai tafad'awa abba koh..??
'Lallai ma Yusuf,
Allah yaso ta sa number a blacklist, bayan shigowar text d'in saboda tsoron kada ya kira Mama.'
'Ta jingina jikin kujera, tana tunano ya zata kasance idan Yusuf ya guje ta...
Shikuma driver sai gudu yake kan titi har suka isa unguwar Kabuga, inada gidan Auntie yake..'👏🏼👏🏼👏🏼
*TO ALHAMDULILLAHI READERS, FANS, ANAN MUKA GAMA KASHI NA D'AYA NA WANNAN LITTAFI SAI KU JIRA KASHI NA BIYU, DOMIN JIN YA RAYUWAR HAFSAH DA YUSUF ZATA KASANCE.'??*
*A cikin..*👇🏼👇🏼👇🏼
♥♥♥♥
*ZAZZAFAN SO*
(Masoyin Kwarai)
💔💔
👏🏼👏🏼👏🏼👏🏼
*'Jikar waziri Ahmadu dai..!!*👌🏼
*(HAJEEYAH KAREEMER)*







♥♥♥♥
*ZAZZAFAN SO*
(Masoyin K'warai)
*Cigaban littafin Zazzafan so (Guba ne)*
💔💔


Story and writing by:
*Karima Tijjani Mansur*
*(Hajeeyah Kareemerh)*
*Dedicated to Unique in your love heart group members*




📄 *36*




*BAYAN SHEKARU SHIDDA.*


*Katafaren* d'akin, taron 'Meena event center,' ya k'awatu sosai, an cika ana jiran shigowar ango da amarya da ango.
'Tana zaune a nasu table d'in.. Ita da sauran k'awayenta.. Babu jima wa ango da amarya suka shigo tare da rakiyar k'awaye da abokai..'
'Alokacin ne kuma biki ya kankama, aka fara lik'i da rawa."
'Tunda tazo wajen bataci komai ba..
tayi kyau cikin ankon bikin na atamfa da peace d'in head.'
'A can b'angaren abokan ango kuma.. rawa suke casa, kasancewar Mc, ya basu fagen.'
'Kana ganinsu kaga wayayyu maza ajin farko, sam basu da hayaniya, rawar ma ba wani yinta suke bilhak'k'i, ba. Sai kudad'e 'yan dubu dubu, da suke ta yin ruwan su.'
'Ahankali angon ya jawo wani daga cikin su, ya dafa kafad'ar shi, yai mishi rad'a a kunne,
"Mene haka ne please ka saki ranka don Allah kada wannan abin ya b'ata maka rai.'
'Ya lumshe idonshi a hankali ya bud'e.'
"Ok, but kasan dole ne fa abin ya dameni, matar nan fa taci mutunci na.'
"Na sani amma ka share please kada ka damu kaji? Kaje ka zauna ka sami nutsuwa."
"Ok.
"Baya ya wuce yana duba 'sit' d'in da babu mutane sosai, amma ko ina da jama,a, gashi tsarin duk na mata da maza aka cakud'a a kowanne table '
'Yaja siririn tsaki lokacin da ya isa daf da table d'in da Hafsa take, bai wani lura da su wanene akan table d'in ba, amma yasan dai matane su uku kawai.'
"Tunda ya zauna ya dafe kanshi da hannunshi.'
'Sauran 'yan matan ne su biyu suka mik'e, don jin cewa, an buk'aci k'awayen amarya na school da su fito suma.'
'Itama Hafsa mik'ewa tayi ta bisu tana cewa,
"Anisa, bari nima na biku, nayi lik'i.
'Sai da suka fara tafiya sannan ya d'ago kanshi.'
'Ya sauke ajiyar zuciya, yana kiran sunan Allah a zuciyarshi, a hankali ya fara jin nutsuwa na saukar mishi.'
'Sai lokacin ya tuna rabonshi da abinci tun safe, gashi yanzu har k'arfe shida saura kwata.'
'Hafsah tayi wa amarya lik'i tare da yi mata fatan alkhairi, sannan ta nemi da su Nabila su taho su koma wajen zamansu. 'Amma sukace mata ai su sai sun ca she.'
'Dama bikin wata 'yar ajinsu ne da suka yi degree tare da ita.'
"No nidai gaskiya i can't dance cikin wad'annan gayyar mazan kawai ni na tafi, ku sameni acan.'
"Alright"
'Inji Nabila tana tsokanarta ke kin fiya kunya wallahi.'
'Bata kula su ba ta wuce ta dawo wajen zamansu.'
'Tun da take takowa yake kallonta ita kuma sai taji kamar ta sauya waje saboda su kad'ai kenan zasu zauna a table d'in.'
'Zata wuce shi kenan taji yace a hankali,
"Nop, ki zo wajenki ki zauna babu matsala."
"A hankali batare da ta kalleshi ba ta zauna a kujera dama da shi amma tabar tazarar kujera d'aya a tsakaninsu.'
"I hope ban tsare miki guri ba."
'Ya fad'a cikin taushin muryar da taji sanyin ta har cikin ranta.'
"Ta girgiza mishi kai ahankali kawai."
'Su kayi shiru na d'an wani lokaci yayin da shi yake aikin kallonta.'
"Ita kuma duk bata jin d'adin zaman wajen so take kawai ta tashi."
'Gashi karo na wajen uku kenan tana jin ringing d'in wayar shi amma a yadda ta lura ko kalla bai yi ba bare ya d'aga.'
'Wasu maza ta gani wajen su biyar cikin abokan ango sun nufo su.'
'Suna k'arasowa da'ya ya zagaya bayanshi ya dafa shi, sannan ya fara yi mishi magana.'
"Please ukasha ka share abin nan don Allah, meye zaka sawa ranka damuwa.? Please feel free mana."
'Shiru shi dai baiyi magana ba.'
"Daya daga cikin su ne yace " ka bari a gama harkar bikin nan, zata gane kuranta, amma ya zaka zauna wata mace tasa ka maka damuwa.."
'D'ayan ne yai dariya har da tafa hannaye, "Ku kuna abinku, yayi muku banza ba kuga shi hankalinshi ba ya wajenku ba, no wonder ma haushinku yakeji, yana tad'in shi kunzo kun dame shi.'
"Ko ba haka ba ne UK"?
'Ya fad'a tare da dukar mishi baya.'
"Murmushi yayi shi dai kawai."
'Ita dai Hafsah Allah Allah take dukan su su tashi subar mata wajen saboda gaba d'ayan su sun dameta, gata ita kad'aice mace duk mazaa sun zo sun baibaye ta.'
'Wanda tun da suka zo baiyi magana ba, shine ya kalleta yace,
"Kinga please k'anwata ki dan miqo mishi wannan abincin ko zai ci."
'Tab, inji Hafsah acikin zuciyarta, a wanne dalilin zasu sata wani aiki kan wani mai ji da kanshi sai wani cika yake kamar ita ta mishi abinda akai mishi.'
'Ta kalli wanda yai mata maganar, sannan ta mik'e tare da cewa "Excuse me please"
'Ta rab'a ta gefensu ta, bar musu wajen.'
'Dukkansu suka bi bayanta da kallo har da shi d'in ma.'
"Wanda yai mata maganar shi ya fara yin magana.'
"Tab, lallai Yarinyar nan 'yar zafin kai ce, wato ba zatayi magana ba ma shine ta mik'e ta bar mana wajen kenan.?"
"Muna da aurenmu, bare taja mana aji wannan UK ta, yarfa ai."
'D'ayan yace Allah yaso bani ta yarfa ba.'
'Da bazan iya ha'kuri ba wallahi.'
'Sai yanzu wanda suka taru danshi d'in yai magana, bayan yayi ajiyar zuciya,
"To kada ka hak'ura d'in."
'Su rasa ma abinda za suyi mishi sukayi, sai kawai suka shek'e mishi da dariya.'
'Wanda ya mata magana, ya fara jawo hannunshi, "Wallahi sai ka taso kuwa mun tafi, duk hada hadar nan sai anyi dakai."
"Mubarak ka barshi yasha ko da ruwa ne mana."
'Take ya girgiza kai shima, "No bazan iya sha ba.'
'Ya mik'e ya bisu, a hankali take fad'o mishi a cikin ranshi, sai ya dinga jin damuwar shi gaba d'aya ta gushe, sai ma damuwar, tafiyar da tayi, ke damun ranshi.'
'Babu laifi ya saki ranshi aka sha hidima sosai da shi, sai dai kuma tun da Hafsah tabar wajensu, har aka tashi bai k'ara ganinta ba, lamarin daya d'an tashi hankalinshi kenan.'
'Misalin k'arfe takwas kenan na na dare aka tashi daga gurin bikin, kai tsaye shi gida ya nufa, bai tsaya wani hada hadar d'iban mutane ba saboda kiran da Baffa yai mishi tun yamma, yace ko k'arfe nawa ne idan ya gama yazo yana nemanshi.'
'D'aya daga cikin drivers (Direbobi) na gidan ya kira a waya, yace yazo ya kaishi gadon k'aya.'
'Yasan ba zai nutsu yayi tuk'i ba, saboda fargarbar abinda baffan zai fad'a mishi.'
'Driver yana fito wa ya nufi motar ya bud'e mishi ya fito, sannan ya gaishe shi..
'Ya koma gidan baya, yayin da drivern ya zauna a mazaunin driver ya bawa motar wuta.'
'Mintuna kad'an ya kaisu unguwar, inda sukayi parking a dai dai, k'ofar wani madaidaicin gida, driver ya fito ya bud'e mishi k'ofar sannan ya fito, ya fara takawa zuwa cikin gidan.'
'Kai tsaye sit room d'in gidan ya nufa don ya ganshi a bud'e.'
'Yai sallama aka amsa, sannan baffan yai mishi izini daya shigo.'
'Shida Hajiya ne a sit room d'in.'
'Cikin nutsuwa ya durk'usa ya gaida su, suka amsa tare da tambayar shi ya mutanen gidan.'
'Hajiyar ce ta mik'e ta nufi cikin gidan da dama ta sit room d'in zaka iya shigowa ko kuma ta k'ofar dake gefe.'
'Baffa ya kira sunanshi, "Ukashatu"
Cikin ladabi ya amsa,
"Na,am baffa"?
Kasan dalilin kiran nan naka?
'Ya girgiza kai,
"A,a baffa."
'Yad'anyi murmushi sannan, yace, to zancen mu ne dai dai da aka saba shi."
'Ukasha ya gyara zama, har wani zufa yaji ya keto mishi, baya son ayi mishi zancen nan, bayan kuma gashi yau gaba d'aya ma ranshi a b'ace yake.'
'Cikin tunanin shi yaji yo, Baffan na mishi magana babu alamun wasa a tattare da shi.'
"Ya ake ciki to, kasan dai tun tini lokacin da muka baka ya cika koh"?
"Ya gyad'a kai, nasani baffa."
"To ya banji bayani ba har sai da na kirawo ka"?
'Ya muskuta, sannan ya fara magana
, "Ai baffa ba,a samu ba ne.'
.
"Nan take baffan ya rufe shi da fad'a,
"Wato ka maida mu abokan wasan ka koh?.. Ka d'auki zancen da wasa koh??
"Shikenan to yayi kyau abinda kayi, amma ka san bazamu zuba maka ido ba koh"?
'Tun da ya fara mishi fad'an ya sunkuyar da kanshi k'asa, sai da ya dire zancen shi sannan ya kwantar da murya yana bada hak'uri.'
'Ayi ha'kuri baffa, Allah ya huci zuciyarka, bani da burin in b'ata muku rai wallahi ayi hak'uri dai."
'Shima baffan sakkowa yayi, saboda wani tunani da yazo cikin zuciyarshi.'
"Wato ya dace su mishi uzuri, basu san dalilinshi nayin hakan ba, ga kuma larura irin ta jinnu da dai sauransu.'
'Don haka yace,
Ukashatu, ba muna matsa maka bane amma kasani aure shine cikar mutum, kuma, muna ganin ka kai munzalin da ya dace ace kaima kana da iyalinka, duba kaga shekarunka yanxu a k'alla sun kai talatin da shida, fa, to me kake jira, tunda kana da rufin asirinka, ka k'aninka ya gaji da jiranka har yana da 'yarshi?
Ya k'ara sassauta murya, sannan yace,
'Kodai baka da lafiya ne, baka fad'a mana ba"?
'Abinda ya ba ukasha dariya kenan har yayi dariya mai sauti, sannan yayi saurin toshe bakin shi, tuna wa da yayi baffan ba abokin wasan shi ba ne.'
'Baffan ma murmusawa yayi, sannan yace cikin sigar yi mishi, wayo ko dan idan yana da larurar ma ya sanar da shi.'
"Ka daina jin kunya, ko 'shi' yana nufin ('Abban ukashan') idan ka b'oye mishi ai ni bazaka b'oye min ba, kuma larura ai daga Allah take, wannan ba abu bane da zaka b'oyemana, sai ka fada mana koda a waya ne sai a nema maka magani koh"?
"Amma asani na, da yadda sa,anninka na nan gidan ma suke fad'a ba,a tab'a jin kayi lissafin aure cikin sha,anin ka ba sam."
'Ya d'an gyara murya sannan yace,
"Baffa in sha Allahu na kusa kawo muku ita, a dinga yi mana addu,a dai Allah ya taya mu zab'i na gari."
"Ami'n, ami'n, inji kawu daya saki murmushin jin dad'in furucin, sannan ya d'ora da cewa,
"Kuma kaima ka dage da addu,a saboda da akwai shed'anun aljanu masu cutar da d'an adam."
"Hakane Baffa na gode sosai, Allah ya k'ara girma."
Ami'n, baffa ya fad'a yana mik'a mishi hannu alamar suyi 'musabaha' (Abisa al,adar kawun idan zasu yi bankwana da koda jinkansa ne.')
'Ukasha ya mik'a hannu sukayi musabiha, sannan ya mik'e.'
"To na barka lafiya baffa."
"Masha Allah, a gaida mutanen gidan, Allah yai muku albarka."
"Ami'n baffa ya fito yana, ajiyar zuciya, don yaga alamun sassauci a b'angaren K'anin mahaifin nasashi.'
'Ya nufi gate, ya tarar da driver ya d'an kwanta cikin motar yana jiran shi.'
'Yana ganinshi yayi saurin fitowa zai bud'e mishi gidan baya.'
Ya dakatar da shi, "A,a ka gaba zan zauna ina son zamuyi hira ne.'
'Driver yayi murmushin jin dad'in hakan, duk da suna gaisuwar mutunci amma yayi mamakin cewa hira da Ukasha yace zaiyi da shi, saboda yasan shi ba ma,abocin yawan magana ba ne da yawa, amma sam ba,za,a ce yana da wulak'anci ba saboda halin gidansu gaba d'aya na karamci ne, domin sun gaji girma da karamci.'
'Ya bud'e mishi gaban, sannan ya zagayo, shima ya zauna ya kunna motar sannan suka hau bisa titi.'
'Sai da suka fara tafiya sannan ya kalle driver yace,
"Malam najib, ina son tambayarka ne, amma don Allah ka Fad'amin gaskiya."
"To in sha Allahu, mai gida zan fad'a maka iya abinda na sani."
"Yawwa to, am nasan dai ak'alla zan baka shekaru kamar hud'u, amma ina son sanin wani abu ne tun da kai kana da aure, kuma, yanzu 'ya'yanka biyu kace koh."?
'Ya gyad'a kai, "Hakane mai gida, yanzu na uku ake shirin haifowa."
"Yai murmushi, Masha Allah."
'Sannan ya saita muryarshi,
"Aganinka me yasa su baffa suka takura min da sai nayi aure."?
'Najib driver yayi dariya sannan yace,
Ai mai gida, bama sai an tambaya ba ka isa munzali tun yaushe, kuma, tunda ba wani abu ake jira na shiri ba (Kud'i) ai ya dace dai ace zuwa yanzu an mallaki iyali. Sannan hankalinsu zaifi kwanciya idan har kana da auren"
"Wane irin kwanciyar hankali kuma"?
"Najib yai 'yar dariya, sannan yace a zuciyarshi, "Bari na bi dashi ta yadda zai fi fahimta."
'Don ya fahimci, ba wai ukasha ya damu da auren bane, idan ya fahimta ma shi zancen ma baso yake ana yi mishi shi ba.'
'Sai ya kada baki yace,
"Mai gida, sai kawai ayi hak'uri tun da manya sun nuna suna so sai a yi k'okari ko don biyayya.'
'Sannan shi